|
زوجي وزوج أختي
السلام عليكم أخواني وأخواتي
مشكلتي هي كما ذكرت بين زوجي وزوج أختي طيب أنا وش دخلني ؟!! اسمعوا : أنا متزوجة من 5 سنوات وأختي قبل سنتين انخطبت على شاب كانت العلاقة بينه وبين زوجي في البداية حلوة وطيبة بس ... بعد كم شهر لا حظ زوجي أن زوج أختي لما يشوفه بمكان يسوي نفسه كأنه ماشافه ... ليه؟ محد يدري بس اذا شافه وجه لوجه يسلم عليه ويرسل له التهنئات في الاعياد أنا اتوقع انها عادة وطبع فيه من هنا بدأت المشكلة .. صارت أكثر من مرة وزوجي من النوع اللي يشيل في خاطره بسرعة ما راح اطول السالفة بس المشكلة بعدين تفاقمت وصار زوجي يوصفه بأنه انسان ابو وجهين وبدت الكراهية بناء على ذلك اشترط علي زوجي عدة شروط هي باختصار : _ ممنوع اروح مع أختي أي مكان بسيارة زوجها _ ممنوع أني أزور أختي في شقتها ( هي الآن متزوجة ) _ ممنوع اروح بيت أهلي اذا كان زوجها موجود _ ممنوع أن أختي تاخذ أحد من أولادي معاها في شقتها أو في أي مكان وممنوع كمان تعطيهم أي حاجة أو هدية لبس أو لعبة أو حتى قطعة حلوى صغيرة ( لأن أكيد بفلوس زوجها كما يقول ) يمكن أن البعض يشوف المشكلة تافهة بس والله انها متعبتي وجارحتني وأحس أن علاقتي بأختي علاقة غير طبيعية وللعلم هي أختي الوحيدة سأروي لكم بعض المشاكل التي حدثت بيني وبين زوجي بسبب علاقته السيئة بزوج أختي : _ بعد ولادتي بإبني الثاني بساعات بس جت أمي وأختي يزوروني ومعاهم ولدي طبعا اللي وصلهم المستشفى زوج أختي لما عرف زوجي سوا لي مشكلة كيف ولده يركب في سيارته بس ونسى اني توني والدة وتعبانة وطبعا اتصل بأمي وأختي وزوجها عرفوا بالسالفة _ مرة صارت بينا مشكلة لان أختي عطت ابني سيارة لعبة ......... طبعا أختي ألحين ماخذة موقف من زوجي وما تزورني بشقتي ونلتقي في بيت اهلي بس آسفة طولت عليكم بس هذا قليل من كثير أبغى حل ياناس تعبانة هو مايحب الرجال بكيفه بس أنا وأختي والآولاد وش دخلنا اللي عنده حل أو صارت له مشكلة قريبة منها يكفى بقول الله يجزاكم خير . |
السلام عليكم ..
الله يعينك اختي .. انا مع زوجك في نقطه وحده .. ويمكن تكون من وجهة نظري الخاصه .. وهي اني ارفض وبشده ركوب الوحده مع زوج اختها .. ثانيا .. مشكلتكم مره غريبه .. بس الغريب بعد ان اختك ما سالت زوجها وش الاسباب في صدوده عن زوجك .. يمكن زوجك فاهم غلط او زوج اختك هذا طبعه .. حاولي تقنعيه .. انه يكون هو الاحسن من زوج اختك ويبداء بالسلام .. وذكريه بالاجر .. وقولي له ان الدنيا فا نيه ومو زين نضيعها في قطيعه وزعل .. وكمان ذكريه بعقوبه قطع الرحم .. كما جاء في الحديث .. بما معناه من قطعني قطعته ومن وصلني وصلته .. وهو عن صلة الرحم .. والله يهدي زوجك وينور بصائر قلبه |
رأيي أن أختك تكون بالصوره بدون ماتنقل كل شي لزوجها
يعني تقول لزوجها يعطي زوجك وجه ويفككم من المشاكل اختك دائما تكون بالصورة مثل ماانتي متحمله وساكته إذا اختك قالت لزوجها روح سلم على زوج أختي اذا شفته بالطريق أعزمه ودائما توددله فإذا زوج اختك متفهم بيصير عند حب للأصلاح وإذا مثل زوجك فالله يعينكن انت الثنتين |
سبحان الله مشكلتي والله نفس مشكلتك وحتى كنت ناويه انزل موضوع بهذا الشان واشياء بزوجي اكتشفتها بعد ماتزوجته الي حصل يااختي ان زوجي كان مع زوج اختي الكبيره احسن مايكووون لكن بعد زواجي مادري وش صار له صار يتحسس من اي كلمه يقولها زوج اختي بصراحه زوج اختي انسان محترم وبشهادة الجميع وحتى لمن يزورنا يصير واحد من اهل البيت يعني يشارك اخواني بااغراض البيت المهم قبل يوم زواجي بيوم ترددنا مافي احد يوصلني للكوفيره اخوي الكبير عنده اختبار يحدد مصيره بوظيفه وصعبه اقطع رزقه ... اول شيء ترددنا وبعدين اخذت اشاور امي ان زوجي هو يوصلني الكوفيره امي رفضت قالت لو يصير شي لاسمح الله بالطريق تفضحينا مع انه عاقد القران علي المهم زوج اختي وصلني مع زوجته الي هي اختي واختي الصغيره ورجعونا اخواني والحين صار كل شيء يدقني بالهرج زوج اختك مايكلمني زوج اختك شايف حاله بس انا مطنشته وطيب وبعدين وحتى لمن يصير خلاف صغير يقول انتي مو معتبرتني رجال والا ماتروحين مع زوج اختك ذا اليوم ..<<< يقصد يوم زواجي ولا المصيبه العظمى قبل ايام صار لزوجي حادث مروري كان بيروح فيها لو لا لطف الله كنت بسافر بالطياره((((( لان ابوي ممنوع من القياده واخي الثاني ليس لديه رخصه للقياده))) وقلتله اختي وزوجها يوصلوني للديره << لان اختي ساكنه بمدينه قريبه من قريه سكن اهل زوجي بصراحه اشتاظ غضب وانقلب 180 درجه وقال لا أشوفك تخيلي وانا كنت اتمنى ان اكون بجانبه وان اساعده في مرضه واكيد هو بحاجتي في هذا الوقت لكن رفض ولا شفته للحين لان سافر من المستشفى الى مدينه عمله الله المستعان وانا بصراحه ليس بيدي شيء فقط السكوووت عنه ويقول مايقوول واهم شيء مايتغير شيء بعلاقتي ب اختي وانتي كذلك اهم شيء لا يغير شيء بعلاقتك ب اختك مهما حصل ولي عوودة للموضوع بارك الله فيك دمتي بوود |
معليش خليه ياخذ موقف بسلامته
بس لايتدخل بعلاقتك مع اختك يعني بالله لو فرضنا فرض من الخيال انك تهاوشتي مع حده من سلفاتك وطلبتي منه يحد من ارتباطه باخوه بيرضى على طول بيفكر انك المرأه الشريره الي بتفرق العايله خلاص موقفه من زوج اختك يخصه هو ماله داعي يجلس يتشرط عليك خصوصا ان اختك وحيدتك الله يهدي النفوس |
انا من رأي انة يمكن هذا طبع بزوج اختك
وزوجك مزودها حبتين وانتي ماااشية معااه ولا كأنها اختك وزوج اختك المفرروووض ما ترضي عليهم بكلمة فما باللك بقطيعة اول شي لية انتي ما تزوري اختك الوحيدة ببيتها ايش المشكلة ما يبغى يروح لا يروح انتي روحي واختك تجيك وهما بكيفهم حبو بعض ما حبو بعض هذا شي رااجعلهم وهديااا عاااااادي تهدينها اذا ولدت وولدك ياخذ هديا من خاالتة ايش المشكلة وغلط تربي عيالك على كذا لأنهم بيكبرو ماخذين موقف من خالتهم بسب نظرة ابوه لزوجهااا تخيلي انتي نفسك بمحلهاااا من جد اتضاايق من سلبية اختي الصراحة |
اقتباس:
أنا لما اركب سيارة زوج أختي يكون بتواجدها هي بعد مو لوحدي معاه وبالنسبة ليش زوجها يسوي كدا فأنا سبق وقلت لزوجي أن هذا على الاغلب طبع في الرجال بس مافي فايدة والحين هو قافل أي باب للصلح والتفاهم الا اذا كان من طرف زوج أختي يبيه يعتذر منه شاكرة لك أختي ردك |
اقتباس:
وأنا مو معقولة بروح أقول لآختي قولي لزوجك يعتذر من زوجي خصوصا اذا كان الرجال شايف نفسه ماغلط شاكرة لك ردك أختي بشائر |
اقتباس:
وانا احاول اوصل أختي دايما وماأقطعها الله يهديهم بس شاكرة لك ردك أختي أم البراء |
زوجك اخد موقف وكره الرجال بدون ميصير شي محدد
يعني في ناس طبعهم غريب يمكن جوز اختك شكلو ببان عليه انو مطنش او متعمد بس المسكين يمكن مش منتبه من القصة بعدين اناشايفة جوز اختك انسان كويس يعني بتعامل معك او مع اولادك عادي ليش هيك زوجك الحق عليه وصراحة شروطو تعسفية ومالها داعي مفروض يكون منطقي حتى لو مش حابه خلص يبعد عنو ومافي داعي يعمل هيك معك خاصة انو زوج اختك ماعمل موقف محدد يعني اوهام وتفسيرات من زوجك بنا عليها الكره اعتقد لو حكا معاه او كان في حوار كان احسن من انو يكرهو من الباب للطاق بالنهاية لو مش حابه اوكي بس مابتوصل للكره يعني خلص عادي يعتبرو انسان عادي وبس العلاقة سطحية وخلص بس مابتوصل للطريقة هاي |
اقتباس:
قال تهاوشتي بكيفك معاهم أنا مالي شغل بعلاقتج معاهم وأكيد طبعا مابيرضى يقطع علاقته مع أحد منهم وأنا طبعا مايرضيني هالشي بس ابغى احسسه بنفسي من دون فايدة شاكرة لك ردك أختي |
اقتباس:
ولما هو يتكلم عن زوج أختي بأي كلمة وارد عليه يعصب ويقولي انتي تدافعي عنه وانتي واقفة بصفه وانتي للحين ماعرفتي الرجال ذا زي ماأنا عارفه وأكثر من مشكلة صارت بينا بسبب هذا الموضوع أصلا يمكن كل المشاكل اللي تصير بيني وبين زوجي ترجع لهذا الموضوع عشان كذا انا أفضل السكوت عشان ما تجيني المشاكل من ورى كلامي وبالنسبة لموضوع الهدايا انا ماأمنع ولدي انه ياخذ شي من خالته عادي بس إذا شافه ابوه وعرف انها من خالته الله يعيني على اللي بيصير المهم أني مااحسس ابني بأي شي وأحاول اربيه يحب خالته ويحترمها هي وزوجها بعد وانا مو سلبية بس اللي يده بالنار مو مثل اللي يده بالماي شاكرة لك ردك أختي |
سبحان الله تفكير الرجال غريب
الله يكون بعون الحريم الله يهدي رجالكم ويصلح أحوالنا و أحوالكم |
الله يعينك اختي .. بعض الازواج عليهم احكام صعبه بل تعجيزيه احيانا ... مالهم شغل .. ويا ويل الزوجه اذا ما نفذت حكمه .. يحكم هو عليها بالنكد .. اختي هل صارحتي اختك بالموضوع حتى تكون على علم باحكام زوجك .. حتى لا تقعي معها في حرج اذا ارادت ان تهدي ابنك هديه او اذا رفضتي ان تركبي معها في سيارتهم او اذا ما قدرتي تزوريها في بيتها .. وربي يهدي زوجك .. |
زوجك مكبر الموضوع بزيادة و ش يبي فيه فرقاه عيد خله يصد عنه بعد ويسوي نفسه ماشافه
|
والله زوجك مزودها حبتين خاصه انه مافيه مشكله يمكن فعلا الرجال من النوع الي ما ينتبه الله يهدي زوجك ولا انتي وش هالحصار عليك
|
اقتباس:
انو الرجال طبعه كذا وانت ماحبيته بلاش اعتبر نفسك ماتعرفه أصلا ماله داعي الكراهية بس هم بعد بدووون فاااايدة شاكرة لك ردك أختي ملك شادي |
اقتباس:
شاكرة لك ردك أختي شجن |
اقتباس:
وأنا صارحت أختي بموضوع ركوب السيارة والزيارة عشان ماانحرج معاها بس ماأقدر أقولها حتى هدية لاتجيبي لولدي وانا أشوفها تحب أولادي وهم يحبونها وهي كلها لعبة لا راحت ولا جت شاكرة لك ردك أختي أميرات |
اقتباس:
شاكرة لك ردك اخي شغموم الشغاميم |
اقتباس:
الله يهديه بس ويفك عني هالحصار شاكرة لك ردك اختي صمت وسكون |
| الساعة الآن 04:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©