|
وش الحل مع زوج اختها (العديل)؟
ياريت احد يساعدني ويعطيني كلام يريحني ويقنعني فيه
طبعا انا خاطب بنوته ومقتنع فيها وفي اسرتها الكريمة بس المشكلة في زوج اختها (اللي هو يصير عديلي) عليه بعض الملاحظات والسلوكيات اللي مو طيبة يعني من الممكن يأتيني ويطلب مني بعض الاشياء ويضايق عليه في حياتي .. ولو ماعطيته بيزعل ويهرج فيني ((يعني مثلا يطلب مني كفالته عن شركة تمويل وبعدين يماطل بالسداد ويورطني ومثل كذا...)) طبعا مستحيل افرط في البنت واسرتها الكريمة علشان انسان مثل كذا لكن وش الحل معاااه ؟ ابي الفكه منه اشان مايضايقني بطلباته ويسبب لي مشاكل مع أنسابي؟ تكفووون والله تعبت من التفكير ابي حلول وتجارب يااحبابي ؟؟ |
اخي هلاشكال ماتنعطي وجه طنشه وما عليك منه يزعل ولا مايزع انت ماسويت غلط وانتبه من مسالة الكفاله
|
الحل
انك تقوله كفاله ماعندي وسلف ماعندي واعلى ماخيلك اركبه وايدك وماتوصل وطنشك منه وخلك حازم معه لانه لاشافك كذا راح يبلط البحر من نفسه واتغذابه قبل لايتعشابك بمعنى لابدأ يطول لسانه اعطيه كلمتين تقصم جنوبه ولا ترى عمرك ماراح تخلص منه لانه من النوع الطلاب وصحبة هالاشكال تعل القلب |
اخوي حاول انك تعتذرله بشكل حضاري ومؤدب...
وانتبه من الكفاله ترا تجر صاحبها للهاويه تحيتي |
الكلمة الي تستحي منها بدها
وخصوصا مع هالاشكال ..! |
عامله باحترام وخليك معاه رسمي جدا ولا تورط نفسك معاه باي شي ثاني
|
نقل للمشاكل والعلاقات
بالتوفيق |
انا موظف بنك ونصيحة مني : لا تكفل احد اغلب العملاء الذين نطلب منهم الكفالات هم : 1- غير منتظمين بالسداد 2- مسجلين بالقائمة السوداء 3- رواتبهم ضعيفة 4- رواتبهم غير منتظمة النزول ولا مرتبطة بقيمة معينة 5- رواتبهم ممكن ان تنقطع بشكل مفاجئ نصيحة كأخ ولدي خبرة بهذا المجال انت الخسران بهذه الكفالة وسوف تندم |
الله يجزاكم بالخير كلكم ويسعدكم قولوا امييين
بس اللي يقولوا اعطيه كلام يسد الباب في وجهه انا صراحه طيووب وماتعودت على هالشي يعني الابتسامه والكلام حلو شي اساسي عندي فكيف وش رايكم ؟؟؟؟؟ |
اقتباس:
الطيبة مع هالناس ماتنفع ياخوي شوف السجون (الله يبعدك عنها انت والسامعين ) مليانه رجال طيبتهم مع الناس وكفالتهم لهم كانت سبب دخولهم خلك حازم معه اذا قلل ادبه معك عديلك او غيره لابد له من احترامك وان مااعجبه انت في طريق وهو طريق ومابينكم الا ماامر الله |
هو بيستغل طيبتك قول له وانت تبتسم ايضا انا ليس لدى القدرة ان اسدد عنك اذا حدث لك ظرف وطالما القدرة غير موجودة اذن لا يمكن ان اكفلك لانى وقتها سأتضرر اشد الضرر قول هذا الكلام ببساطة وبدون زعل ولا مشاكل وقول له ربينا يكرمك وتجد من عنده القدرة على السداد اذا تعذرت وتحجج منه بأى عذر واخرج او اترك المكان الذى يجلس به |
كلامك صحيح وواقعي
طيب وشلون أخلي من البداية بيني وبينه ما أمر الله به فقط يعني السلام ورده فقط من البداية ابي اكون رسمي في علاقتي معه؟؟؟ |
بكل بساطه
خلك ثقيييييييييييييييل وشوف النتيجه كان الله في عونك |
مشكور العريس
الثقل يازينه |
اخوي العديل اهون من ان يكون نسيبك او ابو زوجتك
يعني اعطيه في وجه لو كان كبير قوله مااقدر وهادي مصالح ماادخل فيها اما لو تقدر تسساعده وماتنضر فجزاك الله خير |
مو شرط عديلك يكون بينكم علاقات وارتباطات
انا زوجي وزوج اختي مايتقابلوا الا في المناسبات مع انه انا واختي دائما نتواصل |
اخوي اذا تبي تصير علاقتك به رسميه خلي كلامك محدود
وان كلمك رد بكلمه ورد غطاها بدون توسع كالعاده لو كنت يعني من النوع الإجتماعي عشان يفهم من نفسه انك تعامله بطريقه مختلفه عن البقيه ,, وبينه وبين نفسه اكيد بيفكر فيها ولو طلب منك اي شيء بين له انك إنسان في بداية حياتك وماتبي مسؤوليات لأن المسؤوليات الي تجي من بعد الخطوبه ماهي قليله .. فأنت لا تستطيع إلزام نفسك بأي شيء .. |
ما مدام العروسة واهلها موافقين
اتركك منة حتى لو حاول يشوة سمعتك مايقدر لازم تقوي شخصيك |
الى ذا الدرجة تحب خطيبتك خايف على مشاعر زوج أختها !!!! . مع أنك مالك في الغتم تيس معه
أحترمه ولكن لا تعطيه وجه في مثل هذه القضايا . خليك حازم معه |
| الساعة الآن 07:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©