|
ايهما ادق عمر الحمل بالالترا ساوند ام بتاريخ اخر دوره؟(تجاربكم يا بنات)
السلام عليكم ورحمة الله وبركاته
يا بنات حابه اسال الواحد يمشي مع تاريخ الولاده المتوقعه (باذن الله) اللي يظهرها الالترا ساوند حسب قياسات الطفل ام مع تاريخ اخر دوره شهريه.. اللي حاصل معايا انه فيه فرق بين الاثنين والفرق مش يومين ولا 3 ولا 5 والدكاتره يقولولي يمكن التلقيح صار متاخر مع اني متاكده من تاريخ ايام التبويض والجماع اللي حصل بعد اخر دوره جاتني فيها ...ولو مشيت على تاريخ اللي في الالتراساوند حيصير كانه صار الحمل وانا عندي الدوره!! كيف كذا؟ عدت الاشعه التفصيليه كذا مره على اساس انه يمكن تكون يد دكتور الاشعه مش دقيقه لكن بتطلع نفس النتيجه تاريخ مختلف تماما.. طيب امشي مع مين؟هل احد منكم صارله كذا واي تاريخ اللي كان اقرب للولاده؟؟ شكرا لكم.. |
حبيبتي تاريخ الدورة هو الادق
انا ولدت في نفس اليوم المتوقع بحسابات الدورة والله يقومك بالف سلامة |
انا ماعندي فكرة لانه حملي الاول ..الدورة والجهاز اتفقو بنفس اليوم وفعلا ولدت فيه ..
الله يقومك بالسلامة و إن شاء الله في غيري يفيدك |
لا حبيبتي خليكي عالعدد انا صار معي نفس الشي فرقت معي اسبوعين وولدت عهوا ايام العدد مو الالتراساوند
|
يعتمد على عدد المرات الي كان فيها نفس الموعد بالالتراساوند وللامانه اصدق موعد هو الالتراساوند في الاشهر الاولى بالحمل لانه الاخيره كون عمر البيبي اكبر انا دايما ولادتي تكون على موعد الالتراساوند بالاشهر الاولى والله يقومنا بالسلامه
|
انا مني علي والله ما بعرف اي وئت رح اولد ولا انا فاهمه شي من كل هالطبخه هيني بستنه يا بولد في تاريخ الالتراساوند في 2-11-2008 او بولد في 23-11-2008 تاريخ الي حصل فيه جماع وبرجع وبحكي اكيد رح اولد يعني مش رح تفرء وهيني بجهز في اموري ولدت قبل اسبوع بعد اسبوع المهم ربنا ييسرها ويسهلها علينا يا رب
وبدي ازكركم كلو تمر يا بنات وكتروا من المشي في اخر شهر ربنا يجيب الي فيه الخير |
والله انا نفس الاشي
حساب الدورة يعني قصدي اضافة 9 شهور و 7 ايام عشان موعد الولادة وحساب الالترا ساوند بيقلي الحمل صار وقت الدورة وانا زيك تماااااااااما عارفة شو صار معي ومتاكدة انو الحمل صار مابين 22 او 23 فبراير ومعادي ولادتي16/11يعني الحمل صار16/2 وكان وقتها دورة بس الدكتورة بتقول انو هيك الواحد بحسب حسب معاد اول يوم في اخر دورة اما الالترا ساوند الله يهديه ههههه مطلعني عمر البيبي اكبر من المفروض باسبوعين اكبر من حساب الدورة قصدي تبع الدكتورة والسبب قياسات الجنين والالترا ساوند في نسبة خطأ بس عادي ايش بدنا نعمل؟انا كنت عكل22الشهر احسب بداية شهر وبعدين صرت كل 16 فكلها ايام ياستي نولد اي وقت المهم نولد ونتخلص من الكررررش الي ماشيين وبنزقو قدامنا هههه المهم ولدتي ولا لسة؟ كل مرة بدخل بقول اكيد ولدت لما تولدي حاولي تيجي تحكيلناتجربتك لانو صرت ماانام الليل وخايفة وببكي وقلقانة من كل اشي خاصة اني بغربة وماعندي حد غير زوجي الله يخلي الي مهون علية |
اقتباس:
واشكرك على كتابة تجربتك.. |
اقتباس:
|
اقتباس:
جزاك الله خير.. |
اقتباس:
انا من البدايه كان يطلع الفرق ويعطي الالترا ساوند اكثر يعني لما كنت بالاسبوع ال11 طلع بالالترا ساوند الاسبوع 13 ومشيت على هذا الموال الى يومك هذا ... شيء يلخبط انتي عارفه هي ما تفرق مره كثير لو قدمت اسبوعين او اخرت اسبوعين لكن تعرفي انا مره متحمسه اشوف البيبي يارب بصحه وعافيه.. على فكره اذا مشيت على حساب الدوره يصير عمر حملي بالضبط نفس حقك شكلنا حملنا بنفس اليوم:d الله يقومنا جميعا بالسلامه ويقر عينا برؤية اطفالنا سليمين معافين ويرزق جميع اخواتي المسلمات .. |
اقتباس:
محد عارف شو هي الطبخه الله هو الاعلم... بس بجد فرق كبير بين التاريخين حوالي 20 يوم.. الله يختارلك اللي فيه الخير ويقر عينك برؤية بنتك سليمه معافى.. |
اقتباس:
الدكتوره تقول خليكي على موعد الدوره وبعدين بترجع تخوفني وتقول توقعي اي شي باي وقت:29: ياللله ان شاء الله خير اللخ يسهلها علينا واهم شي يجو طيبين وسليمين والباقي يهون.. على فكره يا بنات الدكتوره هلكتني تقولي تبغي ولاده قريب لازم تعملي جماع :29: وانا ويييييييييييييين والجماع ويييييييييين وانتم كيف حاصل معاكم؟.. |
كريستيلا انا رحت السبت الي فات ومارضيت اعمل الفحص الداخلي كنت لسة داخلة التاسع من يومين
وقالت الدكتورة ارجع بعد اسبوعين يعني السبت القادم إن شاء الله وعفكرة كلما ما اتاخر الفحص الداخلي بكون ادق قولي ليش؟ بكون البيبي خلص كمل عالاخر ماشاءالله وبكون وسع الحوض اتضح تماما ان كان حينفع لولادة طبيعية او لا بس عموما هاي الاشياء تدخل فيها الوراثة والحمدلله ماما كانت تولد طبيعي ماشاءالله بالنسبة للجماع الدكتورة تقلي زيك كمان وبتقلي انت جاهزة للولادة باي وقت وانا صراحة حابة اولد عااااااخر شهري تمام عشان الولد ياخد راحتو ويكبر اكتر وياخد كل الوقت يعني ليش يطلع المسكين بدري؟؟؟ إن شاء الله ربنا يجيب الي فيه الخير وبالنسبة للجماع لاني عارفة وخايفة انو يعمل ولادة باي لحظة وغير انو النفسية والصحة و الظهر والبطن مممممااااااااااايسمحو بهيك ابدا مش حاطة في بالي ابدا الا يمكن لما اكون عالاقل مشيت 3 اسابيع من شهري لانو خايفة يروح صايرة ولادة وزوجي مسكين متحمل ياحرام ومراعي شعوري ووضعي وكل الامور بتتم من الخارج للخارج بعدين كان نفسي اقول للدكتورة دخيل الله حلي عني بطني قدامي وظهري مكسور من شهرين وانت بتقولي جماع يعني اصلامافي وضع يسمح لا جسديا ولا نفسيا وازواجنا لازم يراعو هوة مش احنا حاملين بولادهم مش بدهم اولاد لازم يتحملو الله يوفقنا جميعا ويسهل ولاداتنا نسيت اقلك انو انا الحمل عندي صار بين 21 و 23 فبراير مش يناير يعني بعدك بشهر مش فاهمة انت كيف ولادتك قريبة مني مفروض انت هلأ ولدتي يعني خلصتي 9 شهور ولا انا غلطانة؟؟؟؟؟؟؟؟؟؟؟؟؟؟؟ |
السلااام عليكم
حبيبتي كريستالا ...بالنسبه للجهاز دكتورتي تقول ماتاخذ بقياسات الجهاز إلا قبل الشهر الرابع لأن بعده تتدخل عوامل الوراثه في بيبي يكون أكبر من بيبي لأن الطول يزيد الو كبر حجم الراس عوامل وراثيه من الابوين والاهل .... بالنسبه للجماع إنتي وضعك بعيدة عن زوجك لذلك قدر الله وماشاء فعل ..وبالنسبه للأخت ملك شادي ...أنا أأيد راي الدكتورة لأنو كلنا جربنا تعب الحمل لآخر يوم بس مايمنع يكون في جماع صدقيني إنتي الخسرانه ماراح تجيكي ولادة فجأة بسبب الجماع بس راح تتسهل لاولادة لما تجي بإذن الله الجماع + المشي ولادة سهله بإذن الله ...إنتي أسمعي كلام الدكتورة عشان تتسهل ولادتك ..آسفه عالتدخل |
يا رب يهونها ويسهلها علينا كلنا يا رب الي بتولد تيجي تخبرنا ازا كان معها وقت وازا كانت صاحية النا وكان معها وقت للنت والمنتدى ههههه كل حال ربنا ييسرها ويسهلها وبالنسبه للجماع انا بالعكس بطلب من جوزي ليلة ليلة علشان يصير عندي توسعات كتر ما انا خايفه وبعمل تمارين رياضه كمان علشان يصير توسعات وبمشي وباكل تمر مش فجع بس خوووووووووووووووووووووووووووووووف ربنا يسهلها يا الله علي وعليكم وعلى بنات المسلمين يا رب
|
اخت زهور بالعكس كلامك كتير كويس ونصائحك مفيدة
طيب انا بخاف انو ينفتح الكيس تبع الرحم وتنزل المية بسبب الجماع لهيك خايفة انو اروح اولد بسبب الجماع يعني احكيلي مش ممكن اولد فجاة؟يعني انو مع الايام بتتسهل الولادة وهيك مخاوفي مالها داعي؟؟؟؟ ياريت تحكيلي بالتفصيل عشان انا خايفة اكون بضيع شي مفيد علية بتخيل انو لو صار هلأ جماع حولد فجاة دانا انا وانتي وكريستيلا بننتظر بس انا اكتر وحدة موعدها متاخر نفسي نولد بنفس اليوم هه تخيلي؟ إن شاء الله ادخل المنتدى واكون صاحية بس الله اعلم تفتكري نقدر؟ وبالنسبة للجماع عادي مابصير معك وجع او اشي من هيك؟وعنجد بوسع؟لانو انا اصلا بدي اولد عشان المنطقة توسع لانو ضيقة جدا من يوم الزواج :(وبسبب وجع كبير الي والغلط فية وبس ... وخايفة من الجماع من هيك ونفسي اولد واتخلص من هالامر انا متلك باكل 7 تمرات في اليوم وبنطلع نتمشى عالفجر احلا اشي الجو نظيف ومافي حد بس بكون في احيانا كلاب شاردة بصير خايفة كتير و جبانة وبوقف بنص الشارع وبقول لزوجي يلا نلف الناحية التانية كريستيلا وينك ولدتي:d جننتك بالسؤال هادا عفكرة صورة البسة(القطة) الي انت حاطاها حلوة كتير ولزيزة كل مااشوفها لازم اضحك ماتغيريها خليها هيك عطول اوكي |
اقتباس:
حبيبتي ..انا ولادتي الأثنين قيصري ..لكن مو لضيق بالحوض ...وبالثاني طولت ما جاني طلق يعني ماجتني ولادة ..فاتصلت صديقتي تقولي ...زهور تبين تولدين ..أمشيييي وبعدها عند زوجك (.....)صدقيني ولادة ..أنا كنت ما أمانع إلجماع وكنت مجربه كيف يكون صعب والبطن قدام وبآخر التاسع تكون كبيرة وتسبب ضغط كبييير عالنفس لكن كنت أتحمل ...عشان أولد بالسلامه ..وبالأخير ولدت قيصري لاسباب اخرى... الجماع ماراح يفتح كيس الجنين لأنالرحم مغلق وهو بعيد اصلا ولو حيفتحه كان فتحه ببداية الحمل لكن هو بعيد تماما عن منطقة الجماع...لأن الجماع يكون بالمهبل وعنق الرحم والرحم مغلق وبداخله الجنين إنتي خايفه عالحمل ومتخوفه كثييير ....وأيضا في وضعيات للجماع بالشهور الأخير ممكن تريحك وتجنب الضغط ع البطن .. وأصلا مني الرجل به مادة يستخرج منها الطلق الصناعي لذلك هو محفز للولادة ...لأنس سمعت كذا .. والمشي يساعد على مرونة عضلات الحوض أثناء الولادة لذلك عليك بالصبر ولاتعجلي على نفسك عشان لا ينفذ صبرك وتحسي إنك طولتي ... الله يكرمكم بساعه سهله ويشدكم بالعافيه |
لا ملك شادي ما بصير وجع بالمره ورغم انه انا كمان عندي المنطقه ضيقه بس بتحمل الالم اول الجماع بعدين خلص عادي بعدين متل ما قالت الاخت زهور الدعاء في وضعيات مختلفه في اخر شهر ولتخفيف الضغط على البطن
والظاهر انك انت جبانه بتخافي من كل شي ومن كلاب الشوارع ههههههههههه لانهم ما بعملوا شي بس صرخي عليهم صوت بهربوا يخرب بيتهم هالكلاب زي كانه نحن الي بنخوف مش همه وبهربوا منا هههه ربنا يهونها علينا ويسهل امورنا كلنا |
حبيبتي كريستال
أنا ولدت قريب والحمد لله وكان الموعد الأقرب للولادة هو حساب الدورة والإلترا ساوند كان يبين إني لسه في الأشهر اللي قبل بسبب إنو الجنين صغير فبيحكموا على حسب حجمه على مااعتقد عشان كذا أنا بمشي على حساب الدورة أما بالنسبة لخوفكم إنتي وملك شادي angel_dana الله يقومكم بالسلامة فهذا شي طبيعي والدكتورة بتقولي دايما وأنا بالشهر التاسع على الجماع لكني في الشهور الأخيرة بتعب كثير وماأقدر أبدا وخاصة بالتاسع بخاف إني أولد فجأة وبالبيت وكنت الشهر التاسع بعيدة عن شي اسمه جماع وبسبب التعب وكمان الثقل اللي بحسوا لكني ماشاء الله علية بولد من بداية التاسع وأخر ولد كان بعد خمسة أيام من دخولي للتاسع ماأدري كيييييييييييييف؟ سبحان الله ملك شادي ضحكتيني والله تذكريني بنفسي وقت الحمل وكيف زوجي يتحمل المسكين الله يعوضهم بخير يلا هانت لكم وإن شاء الله يجعلها ربي سهلة وميسرة لكل وحدة فيكم وكل حامل تحيـــــــــــــــــــاتي |
اقتباس:
وبالنسبه للتوسع اطلبي من دكتورتك انه لما تجي تخيطلك بعد الولاده ان شاء الله لا تضيق المنطقه لانه الدكتورات اغلبهم بيحبو يضيقو المنطقه عشان الزوج يفرح حتى احيانا بيقولو للزوج رجعنالك مرتك عروس!! فالافضل انه تحكي مع دكتورتك بالموضوع هذا.. والبسه كرمالك رح خليها:d |
اقتباس:
شكرا على مرورك اسعدني جدا جدا ودعواتك معانا لا تنسينا.. |
اقتباس:
|
اقتباس:
جزاك الله خير على دعواتك وذكرك لتجربتك وانتي طلعتي معانا من انصار عدم الجماع في ال9:17::17: اسعد الله ايامك وجعل مولودك من مواليد السعاده.. |
ما شاء الله تبارك الله
الله يحميكم يا حوامل و يقومكم بالسلامة يارب و يطمنكم على كتاكيتكم ما عندي عير ادعي الله يفرج همكم و يرزقكم ولادة سهلة مريحة و ميسرة l |
كريستيلا خوفتيني من الفحص الداخلي
ياويليييي انا جبانة وبقول بعد مااشوف هول الولادة اكيد حتأدب لما كنت اروح فحص عادي خلال الايام العادية بدون حمل وتيجي الدكتورة تشوف عشان الالتهابات وهيك كنت اخاف واتشنج وامسك ايد الدكتورة وحالة واول اول زواجي كنت انط من السرير ايش فيه افظع من هيك هوة الفحص الداخلي بتدخل اصبعين كنو صح؟ والله ماساة ضحكتيني عقصة الخياطة والتوسع والتضييق والله احنا لسة عرايس مش محتاجين نرجع عرايس يعني لحد هلأ المنطقة ضيقة ناوية تضيقها كمان ؟؟؟ بس معلش تشرحيلي اكتر عن الفحص الداخلي ولا تعطيني الرابط تبع الموضوع بعدين بدي اسالك عندك ارق مستعصي؟ انا في رمضان كنا نضل للفجر صاحيين وانام للعصر وتعودت بس المشكلة هلأ نفس الشي بروح انام وقت عادي 12 او 1 او احيانا 2 وزوجي بيغط عطول في سابع نومة ماشاءالله وانا اول مااحط راسي عالمخدة النوم بيصيرلو جناحين وبطير لوين الله اعلم ماساة من التفكير والقلق الله يعيننننن وبنام للعصر او قبل العصر بشوي لل2ونص شي بدايق بس ايش اعمل غصب عني بكرة بيجي البيبي إن شاء الله وبصحيني بدري وبخليني ادور عساعة نوم شكلو حيأدبني عنجد |
كريستيلا الحمل كلو ماساة
اول شهر عندي ماكان في وحام بس نفسية صعبة وصدمة ومستغربة الامر التاني والتالت وحام صحيح خفيف لكن انا دلوعة وكنت قرفانة وتعبانة ونعسانة ودايخة الرابع بدا الواحديسترد صحته لكن لاخر الرابع وانا براجع (اتقيأ)بس الحمدلله قيئي خفيف يعني في الاسبوع مرتين او تلاتة الخامس عاد والسادس والسابع كانو حلوين بس برضو مدري شلون عقولتكو التامن والتاسع يعوض الله يعني صراحة الحمل مافي اي فترة ممكن تحسي حالك طبيعية مرة وجع ظهر مرة التهابات مسالك بولية مرة نفسية ملخبطة وهيك في شهور اهون من شهور لكن انو في شهر واحد تحسي انك عادية زي زمان ابداااااااااااااااااا بصير اسال زوجي هوة حرجع طبيعية بعد الولادة فكرك؟حرجع زي زمان والجماع انا فاهماكي منيح صدقيني احيانا بكون مشتاقة لزوجي وهيك بس مافي قدرة او مزاج او نفس او طاقة الله يعينا |
والله حتى انا الدكتوره بتقولي اعمل نفس الشي بالاضافه لزيت الخروع يعني عذاب في عذاب وامشي كل يوم من ساعه لساعتين وانا مش فاضيه بناتي 3 بالمدرسه يعني يومي فل والله مش عارفه لو ماعندي شغاله كان ايش سويت الحمد لله ووين ناوين تولدوا وملك شادي ماعندك احد وين اهلك الله يعينك
|
ملك شادي وكريستلا ليش عملتوا الفحص الداخلي انا معكم وبنفس الفتره بس ما عملته للفحص مبارح كان عندي موعد عند الدكتور وقلي ازا ما ولدت من هون لتاريخ 2-11 لازم اروح على عياده اراجع علشان يعملولي فحص في المونيتور ويطمنوا على الجنين واعطاني مكتوب المهم اليوم اتصلوا علي اخذولي موعد في 3-11 ازا ما كنت والده لازم اروح اعمل فحص المونيتور ورح اضلني كل تلت ايام بعد 2-11 اروح اعمل هاده الفحص لمدة اسبوعين وبعدها ازا ما ولدت بروح علشان يعملولي طلق اصطناعي بس ربنا يسهلها علي وعليكم وعلى بنات المسلمين واني اولد وما اتعتس وتكون سهله يا رب
كرستيلا شكلها مضيوفه اليوم ومش فاتحه النت لسه لترد عليكي ملك شادي ونعرف ازا ولدت وله لسه ..ربنا يسهلها |
انجل دانا انا ماعملتو لسة
بس هادا الفحص بكون باخر الحمل عشان تشوف الدكتورة ازا اتساع الحوض الطبيعي يعني مش انفتاح الرحم لا قصدي الحوض نفسو طبيعته كيف يسمح بولادة طبيعية ولا لا لانو في نساء حوضهم ضيق لايصلح لولادة طبيعية واحسن لو كان الامر مكتشف قبل الولادة طبعا عشان الوحدة تروح عارفة حالها ايش مش يقعدو يجربو فيها وإن شاء الله يجيكي الطلق الطبيعي لانو الصناعي بعزب كتير بقولو الله يقومك بالسلامة يارب كرستيلا اكيد شكلها ولدت |
طيب غريبه ليه ما عملولي اياه انا كل حال مش مستعجله عليه خليهم يعملولي اياه وانا مش صاحية احسنلي
بالنسبه لكرستيلا لسه بدها تلت ايام هيك مبين من شريط الحمل تاعها المفروض انا اول وحده اول لاني متابعه كل وحده فيكم وكمان رانيا كل حال ربنا ييسرها ويسهلها يا الله علينا كلنا |
انا متابعة معكم بصمت ,, مالي حيل اكتب
وهذا شريط حملي . الله يهون علي وعليكم . http://tickers.baby-gaga.com/p/dev319pr___.png اعتقد نفس شريط ملك شادي اعتقد كل الموجودين بكريات في الولادة ماعدا انا ,, انا ماشاء الله تبارك الله هذا الثالث ,, الله يتممه على خير . |
بنت الاسلام انت نفس الموعد ياسلام ياريت نولد سوا
بس انا وكريستيلا و دانا بكريات والله يستر |
ههههههه بنت الاسلام مالك ئلبك مطفي نعنشي يا بنت الحلال مش مستاهله الشغله وجع والم بدنا ناكله قلنا اه او لا خلص ما فيها مزح الشغله وبدا العد التنازلي
ربنا ييسرها علينا كلنا يا رب بالنسبه لشريط الحمل من اول شهر حمل وانا نفسي احط هالشريط بنص متل ما هو عندكم وهيني وصلت الشهر التاسع وانا مش مفشوش ئلبي وسالت في اكتر من مشاركه ما حد رد علي ئلت خلص يعني هي وئفت على شريط الحمل انه مش بالنص وكل شي تمام التمام معي ونفسي اعرف ازا كمان بيجي هالشريط في بريد الهوتميل بس خلص هانت ما رح اعرف الا انا والده تحياتي ...وبالسلامه |
دانا اعمل تحديد لكل الكود تبع الشريط يعني اضغطي عليه في مربع النص واعمليctrl+A
وحطي عالرمز تبع التوسيط وبالنسبة للهوتميل اه عادي اعمل كوبي وبيست نسخ ولصق في الpersonal signature وعادي انا حاطة واحد بس مش عالحمل عمدة زواجي:D وكل يوم بتغير الايام عادي إن شاء الله تكوني فهمتي ويلا وريني التوقيع وهوة بالنص |
مانا بعمل هيك والله كل حال ان شاء الله بزبط وشكرا كتير
|
ولله انا بأولادي الاثنين كان موعد الدورة ادق
وكانت تتم الولادة ع الموعد المحدد من حساب الدورة |
الله يهونها علينا يارب واظاهر انه كريستالا ولدت ويارب انا اولد هاليومين نفسي اولد بسرعه ومااخلص التاسع
|
صحيح الظاهر ان كريستيلا ولدت .. الله يكتب لها السلامة
وياريت تدخل وتطمنا عليها وعلى البيبي ودي اسالكم يجيكم طلق كاذب لانه جاني ايام في بداية التاسع والان لي فترة ماعدت احس بشي . الله يهون علينا ويتمم لنا على خير . |
بنت الاسلام شو يعني طلق كاذب؟؟يعني شو قصدك بالزبط
انا احيانا بشد بطني وبتحجر او بوجعني شوي حكولي هادا طلق كاذب اصلا من التامن هيك هوة هادا الي قصدك عليه |
| الساعة الآن 06:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©