|
للغير متزوجات فقط
السلام عليكم ورحمة الله وبركاته اريد ان اسال كل واحدة غير متزوجه ماهو الشئ الذي تتعتقدين انه بوجوده .....سيهون عليكي الإنتظار إلى ان يرزقك الله زوج بإذن الله 1- حنان الاهل 2- المال 3- الوظيفه 4- صديقات بمثل وضعك الإجتماعي..(غير متزوجات) 5- عدم وجود اسئله محرجه من المجتمع وطبعا الاهم من هذا كله تمسكك بدينك فهو سيخفف عنك برحمة الله ولكن المقصود معرفة اكثر شئ مؤلم بالنسبه لك |
السلام عليكم سؤال هل يجوز للمطلقة ان تجيب؟؟؟:d لاني انسى اني تزوجت راح اجاوب عن نفسي اجابتي 3- الوظيفه الوظيفة تغنيك عن السؤال وتحسين انك مو عالة على احد وبالمرة تنشغلين عن القيل والقال وما تفكرين بتفاهات الناس الثرثارة ع الفااااااااااااااااااضي والمليان 4- صديقات بمثل وضعك الإجتماعي..(غير متزوجات بنات ومطلقات ) احمد ربي على نعمة الصديقات من كافة الفئات بس مع البنات والمطلقات القعدة تسوى ملاييين كلها ضحك ونكت :17: ونفس الشي المتزوجات طيبات بس البعض متخوفات من اننا نخطف ازواجهم من زينهم وربي مو معطينهم فيس:25: والحمد لله على كل حال دام الوحدة مستورة وبصحة وربي هذي اكبر نعمة ورب العالمين يمهل ولا يهمل تقبليني كاول مشاركة |
الله يكون بالعون ،حسبنا الله والنعم الوكيل
اختي لدي تساؤلات ، لكي ولأخواتي هل صديقاتكن ما ان ينخطبن لا يرفعن سماعة الهاتف على الأقل للسؤال ويتهربن ؟؟؟ هل هاذا طبيعي ؟! |
بالنسبه لسؤلك يا نايت نعم فصديقاتي بمجرد زواجهم قطعوا علاقتهم بي مباشرة..................................
عشان تعرفيين كثيييييييييييييييييير كذا اما بالنسبه للاخت عقلي ضد قلبي...................صدقت الحمد لله |
شكرا أخيه لكن اللاتي كن صديقاتي من خطبوتهن ينقطعن
اليس دينا يحثنا على التواصل فأين هو ؟؟؟ ، أسأل الله أن يرزقنا عاجل غير آجل |
انا لي صديقه من اولى ابتدائي للجامعه كانت معي سمن على عسل
وبمجرد خطبتها قطعتني بشكل نهاءي وبدون اسباب لدرجه اني اتصل على جوالها ولا ترد فتره طويله ودخلت المستشفى وطلعت ولا اتصلت ولا جات ولها ست اشهر مختفيه وبسته شوال ارسلتلي مسج تقول كل عام وانتي بخير بعد الزحمه وطنشتها واستغربت تصرفها؟ هل لاني معاقه فقدت هي الامل بزوواجي؟ يعني انا راح احسدها؟ عموما الله يوفقها وانا والله ما اعتبرها الا اخت ولكن؟ الله يعين الجميع |
اجمل صدفه
اتوقع ان الوظيفه لا تجعلك تحتاجين الى من يصرف عليك وتكونين مسؤله عن ذاتك ويوجد ماتشغلين به وقتك وعقلك وهذا مااتمناه ان شاء الله ولكن لله الحمد حنان الاهل اكبر نعمه انعم الله بها علي يكفى وجوده امي (عسا ربي يحفظها) وابوى الغالى اتوقع لو احسن رجل بالعالم ماراح يكون احن علي منهم الله لا يحرمنى اياهم اما بالنسبه لصديقات مثل ماقالت الاخت نايت صديقاتى الروح بروح الوحده شي طبيعى تتزوج وتنشغل بس مو معناه انها تنسى ان لها صديقات وكانو لهم احسن من الاخوات واظرب لك مثل وحده من صديقاتى تزوجت الصيف الى راح ومن يوم بدأت تجهز وهى تقول انا مستحيل اكون مثل صديقتنا فلانه الى تزوجت ونستناوكانت توعدنى انها بتكون معاى طول حياتنا وراح تسأل عنى دايم.. وتزوجت الله يوفقها ويسعدها ولكن جاء رمضان وذهب وجاء العيد وذهب ولم تكلف نفسها حتى برساله !!!! لمن اتذكر صداقتنا واخوتنا احس بغصه والم خساره ذيك الايام الى قضيناها سوى :( |
هل صديقاتكن ما ان ينخطبن لا يرفعن سماعة الهاتف على الأقل للسؤال ويتهربن ؟؟؟
هل هاذا طبيعي الظاهر صار طبيعي في هالزمن بس مو الكل طبعا والصدمة تجي من اقرب البنات ساعات الزميلات يتصلون في اول اسابيع فرحهم تصدقين انا مثلك صديقة الطفولة معاي بكل سنيني انخطبت من ليلة عرسها ما عرفتني!!!!!!!!!!!!!!! وربي ما كنت مستوعبة حتى ما نادتني اصور معها!!!!!!!!!!! والله اني انا اللي حجزت لها الفستان وجهزت لها اشياء كثيرة اعتبرتها اخت وفرحت لها من الصميم قلت في خاطري انشغلت وارتبشت مر اسبوع انتظر منها مسج لاني استحالة اتصل قبل لا تتصل لانه يمكن احراج او اتصل بوقت مهو مناسب انتظرت وانتظرت ولا حياة لمن تنادي طنشت طبيعتي اعامل بالمثل خليتها ومسحت رقمها تدرون اتصلت متى؟؟ بعد سبع شهور قالت اسفة ما تجين ع البال وايد قلت لها اهم شي انك بخير ولما تزوجت رجع الاهتمام والاتصالات سوالف الزواج والخرابيط!!!!!!!!! هل ينظرون للغير متزوجة وحدة ناقصة ؟ تفكير مريض وليتهم تزوجوا شيوخ ولا امراء نعذرهم ع الاقل ناس عادية اللي حيعيش ياما حيشوف |
يا الله ،
ربي يرزقني واياكن عاجل غير آجل لا تستغربن ،هذه المواقف حصلت لي كثيرا ويبدو انها عاده !!! أختي أجمل صدفه بالنسبه للاجابه ع موضوعك فتقدري تقولي كل ما ذكرتي صحيح الحمد لله على كل حال |
مرااااحب نايت ..
انا اشوف ان الوظيفه او الدراسه هي الي ممكن تشغلك وتنسيك وضعك .. انا احس في مثل ظروفنا الفراغ هو عدونا دايما خليك مشغوله حتى لو بشي بسيط اهم شي مشغوله.. حبيبتي قولي امين عساني اسمع بزواجك قريب بس موب تصيرين مثل صديقاتك اذا تزوجتي نسيتينا :d والله اخاف تصيرين مغروره ومن يقدر يكلمك :29: :29: |
السلام عليكم
اعتقد والله اعلم هي الوظيفه وحنان الاهل اذا لقيتيهم يخفف عليك هموم الحياة واعبائها وتهون عليك مشكله تاخير زواجك :d <<<مع اني معتقد فيه شي يهون عليك هالمشكله :( الله يرزقنا يارب قريب مو بعيد بزواج صالحين يخافون الله فينا ويعوضون صبرا خير يارب :d |
مافي شئ يعوضني بالدنيا عن طفل يناديني ((ماما))
ولا ادري يوماذا بسمعها أو لا.. انا الان مشغله وقتي كله بعملي.. والدراسة.. والقراءة.. اشغل نفسي بكل شئ ممكن.. عشان ما احس بالفراغ... والافكار.. وربي رحيم وسميع الدعاء... |
هلافيك اختي ربي يسعدك دوم ويرزقك ززوج صالح تقي نفي يسعدك ويعوضك كل خير يارب شوفي مافية شيء يعوضك كثر وظيفتك وحنان الاهل الاهل صراحة الله لايحرمني منهم يعاملوني مثل خواتي ومافية فرق بيننا وانانحدد متى نروح ومتى نجي يعني ولله الحمد معطيني صلاحيات ربي لايحرمنا منهم صراحة الزواج سنة الحياة ونعمة واستقرار واذا ربي وفقك المفروض تشكر النعمة وة بس وتحطة بعيونهاا بس فية ناس مايعوفون قيمتهاا حاليا ماعندي وقت افكر بالزواج صح اني اموت على الاطفال وة بس ربي لايحرمنا منهم وجوالي كله لهم بس الحمدلله على كل حال والصبر كلة خير وبكرة احلى وباذن الله نشوفك عرووس قريب صراحة انا كل صديقاتي غالبيتهم متزوجات ولله الحمد طيبات ويشاوروني في بعض الامور وعلاقتنا تمام طبيعي الوحدة لماتتزوج تنشغل بالبيت والزوج بس التمس لاخيك سبعون عذرا ومن واخذ رفيقة باول زلة خلاة الزمان بليارفيق هذي كلمة جدتي ربي يرحمهاا انتي بعدلاتكوني حساسة شوي الدنيا الله لايشغلنا الابطاعتة والاخت للي تقول عن نفسها معاقة ليش ياختي بالعكس انت موناقصك شيء لاتقلقي من مقدارك لنفسك انتي الحمدلله احسن من غيرك ومافية شيء انتي انسانة الله ابتلاك لانة يحبك اصبري اختي وانامستعدة اكون صادقتك ويشرفني ربي يرزقك زوج صالح ويوفقك وين ماكنتي المهم ياحلوات اهتموا بانفسكم وعيشواحياتكم وتفاؤلوا خير وان شاءالله نفرح فيكم قريب واذا ضاق صدرك قومي صلي ركعتين وادعي ربك واستغفري وربي تحسين براحة ربي يسعـــــــدكم وماراح انساكم من دعـــــــواتـــــــــي فرج الله همكم ورزقكم ماتتمنوووووووون فديتكم الله يحفظكم |
اوصيكم ونفسي بالاستغفار والصدقة والاحسان الى الاخرين ربي يحقق امانيكم |
عزيزتي هند، الدراسه يبغا لها مصاريف والوظيفه المشكله في اماكن ما تناسب البنت اساسا تعمل فيها
اشكركي غاليتي ع الإهتمام لكن لما في من مراحل العمر حتى لو توظفتي الناس تلاحقك بالأسئله والهمز واللمز وين أصبح مغروره لا اعتقد التي لا يدق بابها تصبح مغروره حسبنا الله والنعم الوكيل ربي يروقني ويرزقك غاليتي عاجل غير آجل يااارب |
زينة الغنادير
اكيد لي الشرف وربك يسهل الامور |
اشكرك على موضوعك الحلو
واكتفي بماقاله الأخوات في الله شي طبيعي اذا تزوجت ماتتصل او الى اللللللللللللخ وخصوصا في اشهر الآولى مشغوله بزوجها وبيتها وياليته كذه حتى بتفكيرها مشغوله وهذا طبيعي وخصوصا بداية زواجهم لكن يستمر اكثر من سبعة اشهر فااكثر هذا اعتبره شي غريب جدا بعضهن معهن حق كل وحده تخاف على زوجها من خطف وغيره وبعضهن لا وبعضهم يعتبرونها صغيره على ذه الأشياء حتى لو كبيره بمعنى لاتتدخل واللللللللللللللخ امرهم عجيب فعلا كل واحد يرى عين بطبعه وتفكير شبه محدود ...!! امعقول اخطف زوجها اوعشان اذا اتصلت لايكلم والللللللللللللللللخ شي غريب بجد الدنيا عجايب وعلى ايييه على اشياء تااااافه الحمدالله على نعمة العقل عن نفسي الحمدالله ماتعرضت مثل هذا الأشياء حتى المتزوجات عادي يكلموني |
همس القلوب ، الظاهر يطالعو الناس بعين طبعهم
ونحن علينا ايضا الحذر منهم وان لم نكن متزوجات الذي يرمي صداقه سنين صدقيني يجب الحذر منه تواصلي معها احتسابا اجر امن الله في المناسبات لأني انا شخصيا لا اجد اي مبرر ، بنت في فتره الخطبه ما تهنيك حتى بالعيد ، وبالمقابل تهني غيرك وف ياخريات يتباهين بنعم الله وحسسنكي انهن افضل ، سبحانه الذي رزقهن قادر ان على يرزقنا البعض في مرضه قلب اعوذ بالله العزيز من كيدهن لا أقصد اني أخرب علاقتكي ،لكن تحذري أخيه حتى لا يجي منهم اللي جاني وحتى ان هناك من تتباهى بنوعية خاتم زواجها وقيمته سبحانك ربي ،ظهرت الدبله من اختراع المسيح ومحرم اصلا لبسها او شرائها وقد ادرجت الفتوى بقسم المراه مع امور اخرى تتعلق بالباروكه وغيره وأهالي كل عزباء ومتأخره وعانس يجب عليهن ان يعاملن أخواتهن بعطف وحب ،يكفي ما يعانوه الآن الذاب منتشره وفريستها البنات المتدينات فالتشدد بالرقابه ليس هو الحل ، انما الأحتواء والحب أهم بكثير وكما قال رسولنا صلى الله عليه وسلم من فرج عن مسلم فرج الله كربه من كرب يوم القيامه أتمنى الأقارب يتركو الأنانيه ويكلفو نفسهم ولو مره بالسعي ببتزويج اخواتهن في الله، بدلا عن القيل والحكي والهمز واللمز الله يرزقك ويرزقنا |
نعم يانايت احسنتي انني معك بشده في نقطه معينه
وهي الإخبار عن البنت لاكبر شريحه ممكنه على قدر الإستطاعه الله يجزاه خير من يحاول تزويج المسلمين والحرص على تزويجهم الله يوفق كل شخص هذا طبعه..... وإن كان سؤالي الاساسي هو معرفة أهم عنصر بالنسبه لكل وحده تعتبره يريحها من العناصر المذكوره |
| الساعة الآن 05:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©