كيف اهدي زوجي هدية وانا بهذه الحالة ..؟؟
 

السلام عليكم ورحمة الله وبركاته ..

دخلت هذا الموقع الرائع وسجلت فيه من فترة .. قبل سنة ونص يمكن وكنت وقتها مو متزوجة .. ومررررة استفدت منه أشياء كثيييييرة ..

الحين انا متزوجة والحمدلله ..

..

مشكلتي مع نفسي انا .. وهي .. ان زوجي الله يخليه لي دايما يهدي لي هدايا حلوة وحركات حلوة دااايما .. انا ابغى اهديله شي بس ما اقدر ..

كيف اهديه له ومن وين اشتري الهدية .. لاني ما اطلع من البيت الا معاه بس .. بما اني ساكنة بعيد عن اهلي .. يعني بمدينه ثانية ..

دايما تجيني افكار حلوة للهدايا لكن وش الحيلة .؟؟

يعني صعبة اطلع واشتري الهدية وهو معاي .. ابغاها مفاجأة ..

وش رايكم .. وش الحل ؟؟

ممكن تعملى له هدية من المنزل يعنى تورته حلوه
أو تصنعى زهور من المناديل وتنسقيهاجيدا وتعملى منها مجموعة ملونه وتلفيها وتعطيها له
ممكن تصممى على الكمبيوتر كارت رائع وتكتبى له كلام حلو فيه وتطبعيه وتعطيه له
ممكن توصى حد من جاراتك او صديقاتك اللى بتزوريهم ويزوروكى وهم يشتروا طلبك بس توصفيه لهم بالضبط وتعطيها له

الاخت sa33 كفت ووفت

عزيزتي

الاخت sa33 ماشاء الله عليها كفت ووفت...وانتي ذكرتيني بنفسي صرت اذا رحت لاهلي اشري هدايا له حقت سنه :d...بس انتي سوي له حفلات وحركات ...مثلا بعطيك حركه حلوه سويتها مره لاني كنت زي حالتك ماعندي شيء اقدمه:( ... وكان طبعا اغلب الحركات غير غرفه النوم الي سويتها بالحمام شوفي اول شيء لزقت ع جدار الحمام قماش اخضر وجبت كللللللللل الزرع الصناعي الي ببيتي وزعتهم بالحمام وجبت الاب توب وخبيته وطبعا حملت فيه اصوات عصافير ومطر وبحر وخليته يشتغل لمده ساعه للاحتياط وطبعاااااااا مليت البانيو رغوه وطبعا اهم شيء الشموووووووووووع من جد طلعت حركه حلوه والحاجه ام الاختراع ..

باستطاعتك تهدي له كل يوم هديه

اول شيء اعتمدي على الابتكار فدائماَ حاولي ان تخترعي اشياء غريبه

وعندما تذهبي الى اهلك حاولي ان تشتري اشياء تساعدك مثل مقص مثل الكورنيش لمبات ملونه صحائف قرطاسية ملونه مثل حاولي ان تشتري مقادير لأكلات غريبه

واخر الحلول هي حاولي ان تشتري مجموعة من الهدايا واحرصي ان لا يراها زوجك وفي كل مناسبه تكون الهدايا موجوده

اعانك الله ووفقك

جزاكم الله خير ..

ساعدتوني كثير ..

حركتك مرررة حلوة يا (في صمتي لك كلام) ان شاء الله اجربها ..

وياليت تهلون علي من أفكاركم الحلوة ..

لا عدمناكم يارب ..

تصدقين اختي نفس معاناتي بالضبط......... بس انا استغل الفرصه اذا رحت لأهلي اشتري الهدية قبل المناسبه بشهووور..
بعدين قوليله لا تنشب لي بالسوق ابي اشتريلك هديييه هههههه :) هذا الظاهر آخر حل

شوفي بصراحه انا مره شوفت خالتي كيف اهدت لزوجها هديه

قولت انا متى بهدي خخخخخخ

عملت مفرش للسرير وستاره وطاوله وكل مايحتاج نفس اللون احمر مثلا

شموع

يعني زينة الغرفه والتوليت مررررررررره

والاخت خالتي كانت مفلسه وقتها

لكن جابت هدايا بسيطه
شوكلت

تذكار

خواطر

زي كدا

وجابت علبة ساعه شكلها كشخه

لكن داخلها طبعا ورقه مكتوب فيها

مالقيت ساعه احمل من الساعه اللي عرفتك فيها

يعني اكيد شئ حلو

وبالتوفيق

انا بقولك الي سويته مع اني عندي وقت كبيييير اشتري وانسق وازين واستقبل واهديه

لكن مرة حبيت اغير ولاني ماعندي صبر ابدا ادا ابي اشتري له هديه ابي حالا بالا اعطيه اياها

رحت شريت له هدية من النت وكانت مخاطرة بس استخرت الله وارتحت للموضوع واشتريت اغراض وطلبت توصيلهم له وعطيتهم العنوان ورقم تلفونه وطبعا العنوان كان العمل ههههههه مسكين انحرج حده لان كل زملائه يقولون له ياحظك ومديره شاف بوكيه الورد والطرد في المكتب

بس كان اثرها كبيير وانبسط حده رجع من العمل واتصل فيني وقال لي مديري يشكرك ههههه لاني هذا اليوم اشتغلت بحماس واخلاص ^,^ وانجزت كل المطلوب والسبب نفسيتي المرتاحة

الله يوفقج يااارب وتهدينه احلى الهدايا
ويسخرج له ويسخره لج

ويجمع بينكم دايما في الخير ^,^

الله يوفقكم ويسعدكم

دمعات الروح ايش شريتي؟

انا عن نفسي زيك دايم اطلع مع زوجي ومرة قررت اشتري له هديه ولاحظت انه يبغا ميداليه جديدة فلما رحت معه السوق قلت تعال نلف على المحلات وصرت اتفرج على المداليات في كل محل بدون ما يلاحظ اني مركزه عليها بعني كأني اتفرج على كل شي بالمحل..

وعجبتني وحده في دولتشي اند قبانا وسكتت بعد ما خلصنا لف قال يالله ننزل ناكل قلت اوكي لما نزلنا قلت يوه فيه حاجه بشوفها انت رح اطلب وانا بجيك الحين قالي طيب وراح يطلب وانا رقيت فوق بسرعه اشتريتها وخليتهم يحطونها بعلبة ويربطون عليها شريطة وبعدين دخلت العلبة بشنطتي لانها صغيره والشنطة كبيرة ونزلت وما تأخرت لاني مختارة الهديه بس كان علي الدفع..

وغالبا لما اروح معاه السوق وندور ونلف واشوف ايش عاجبه وايش محتاج واحط في بالي شي معين بس احيانا ماقدر اشتريه معاه بس احطه في بالي وادور لي احد اروح معاه صديقتي او امي او اي احد وماعطلهم بعملية البحث اروح اشتريها وخلاص..

اختي في منتديات فيها مول خاص للتسوق
ومندوبات مضمونات ويوصلوا لك طلبك وتشوفي الأغراض الي يبيعوها بالصور
بإمكانك .. الشراء من المنتديات ..
او تختاري اشياء من المواقع مثلاً عطورات , اطقم ميداليات , اقلام وعطي الصوره لأي احد من اقربائك
او جيرانك ويجيبها لك

اجمل هديه ولا ينساه الرجل ابدا

هي ان تبتسمي في وجهه


وان تسمعيه اعذب الكلمات واجمل الاحاسيس

هذا طبعا بالاضافه الي افكار الاخوات التي استفدنا منها

شريت له طاولة لاب توب مرنة يقدر يستخدمها للاب توب وللكتابة والقراية

مثلا الشخص جالس وماوده يحمل كتاب او منسدح يحط على الطاولة الاب توب او الكتاب ويقرا

ماعرف اشرح اعذريني :d

بس ذي صورة الطاولة:

http://up5.m5zn.com/photos/00372/seu7vzw70tqa.jpg


وباقة ورد متوسطة وطلبتها من محل الورد وطلبت توصيلها لمقر عمله بعد

في فكره بسيطه لكن جميله واجرها حلو
خوذي مصحف وبالمره الثانيه مسك او دهن عود مع علبه وغلفيهم وقدميه اليه مثلا بطريقه مفاجئه

صراحة الاخوات ما قصروا ما شاء الله تبارك الله

معليش اختي دمعات الروح ودي اعرف من وين الطاولة وممكن توصيل

خيوتو زهرة اللافندر معذرة على كثرة التردد على الموضوع والاجابة على اسئلة العضوات

احس خذيت مساحة اكبر من اللازم معذرة اختي

خيوتو لحظة وداع تواصلي مع احد الاخوات المشرفات في الرسائل الخاصة وان شاء الله اجيبك على اسئلتك

راح ادلك على الي تبيع هالاشياء وهي عن طريق منتدى اخر وكما تعلمين يمنع منتدانا وضع روابط منتديات اخر

يا حبي لكم .. والله انكم رهيبات ..

مرررة ساعدتوني ..

..
دمعات الروح خوذي راحتك بالعكس .. البيت بيتك ..

مرررررة اعجبتي الطاولة المرنة ..

كيف اتواصل معاك ؟؟

: )

يسلمووو يا زهووورة انتي ^,^

الله يوفقج لطاعة زوجج دايما

خيوتو افتحي رسالة باسم احد المشرفات واطلبي منها توصيل رسالة لي بلي تبينه وهي ان شاء الله ماتقصر معك وانا بعد ماراح اقصر معك اوكيشن ^,^