|
هل بعد الزوجه عن زوجها يجدد الشوق ؟؟
السلام عليكم ورحمة الله وبركاته
انا متزوجه من خمسة سنوات وعندي بنت عمرها 4 وولد عمره سنه الله يحفظهم مشكلتي هي مشكلة اغلب النساء وهي اني ماعدت اشوف في عيون زوجي الشوق اللي كنت اشوفه من قبل ( ايام الملكة وبداية الزواج ) ودايم اساله ايش اسوي عشان الفت انتباهك واشوف نظرات الشوق ايش البس قول وانا انفذ يقول انت كذا عاجبتني احسه يحبني بس مايشتاق لي زي ما انا اشتاق له ( يمكن هذه طبيعة الرجل ) بس انا اتمنى اعيد الشوق بيني وبينه وقررت اني اخذ بنتي وولدي وابتعد عنه اسبوع او اكثر نجدد الشوق و اقترحت عليه اروح بيت اهلي اسبوع ما اشوفه ولا يشوفني مع العلم انه بيت اهلي في نفس البلد وهو وافق ولله الحمد ولكن بعد محاولات لاني سمعت ان البعد يجدد الشوق مع انه صعب على الزوجه تبعد عن زوجها هـــل بــعد الزوجة عن زوجها يجدد الشوق ؟؟؟ تنصحوني بالبعد لتجديد الشوق ولا عندكم طريقه اخرى تخلي زوجي ملهوف لشوفتي زي زماان ؟؟؟؟ اذا عندكم اي افكار حركاات ساعدوني وجزاكم الله خير الجزاء |
صراحة ماانصحك ابداً ابداً بهذه الطريقة
لان البعد يولد الجفاء بس ادري بتقولين كلها كم يوم .. ماتدرين يمكن الرجال يستسهل فكرة بعدك عنه ويبدأ يفكر في السهرات والسمرات والسفرات حبيبتي مدامه يحبك خلاص هذا بحد ذاته نعمه من الله اما نظرات الشوق اللي تدورين عليها ماراح تلاقينها لان كل شيء جديد له بهجته وفرحته الخاصة هو يشتاقلك لاكن بطريقته هو كرجل لابطريقتك انتي كاامرأه انصحك حطي عيالك عند اهلك واعملي جو رومانسي في بيتك وراح تلاقي نظرات الشوق اللي تدورين عليها |
الطريقة الوحيده لجعل زوجك يشتاق لك كل ما دش البيت
هي التغير وليس البعد خليه يوم يروح الدوام واجلسي اجلسي غيري بغرفة النوم اشتري مفرش جديد لونه يحبه زوجك حاولي غيري قصة شعرك واشتري عطر ريحته حلوه التغير في الزوج تجي بثلاث اشياء الانف : كل رائحه ولها طبعها الخاص العين : لا يشوف منك الا شي طيب سوا من لبس او تغير في ديكور الغرفة البطن : اكلات جديده غير المعتده هذي كلها اشياء تخيلي الزوج يحس بالتغير وبالشوق لزوجته |
لا تبعدين عنه نصيحه من غاب عن العين نسيه القلب يعني لا تروحين لاهلك ممكن يتعود على الهدوء في البيت فيكره بعدين ازعاج الأطفال ويكثر من الطلعات وأيضا إذا تركتيه بيحس إنه فاضي ويطلع يسهر بعدين يتعود
ممكن لتجديد الشوق تبعدي شوي إذا كنت ممن يكثر التلزق بالزوج بمشاعرك واهتمامك على خفيف وأهم شئ إن زوجك يحبك إلا لازم الشوق واللهفة شئ طبيعي إنها تخف كثير بعد سنوات بعد الزواج بس أهم شئ هو الحب والوفاااااااااااااااااااااااااااااااااء ودمتي بود |
لا ممكن تروحي عند اهلك برده بس يومين بس او ثلاثه موش اكتر وترجعي فيهم متغيره نهائي تكون لكي فرصه ان تغيري في مظهرك لون شعرك قميص جديد برفن جديد وترجعي وهو خارج المنزل لو امكن عشان لما يرجعيلاقي جو تاني وانسانه تانيه اعملي جو رومنسي كتير اجعليها يوم من ايام الزواج الاولي ربنا يسعدك
|
حبيبتى فى رأيى طبيعى انو الشوق يقل بعد الزواج غير فترة الخطبه اللى بتكون مسيطر عليها الشوق وهذا بطبيعه المرحله
لكن بعد 5 سنوات زواج(ماشاء الله ولا قوة الا بالله)العلاقه بيكون مسيطر عليها اشياء اخرى كالوفاء والعشرة الجميله وامور اخرى انتى ادرى منى بها لذا فلا أحبذ فكر الابتعاد حتى لا يعتاد غيابك فالبعد يولد الجفاء ولأن الأيام التى ستبتعديها انتى اولى بأن تنعمى بها عند زوجك ربما ينفع هذا الحل فى فترة الخطبه ولكن بعد الزواج رأيى ان الحب يتجدد بالتغيير مثلما ذكر الأخ موفقه حبيبتى والله يزيد الحب بينك وبين زوجك |
ايه بس مو مرررررررررره
ترى بعدين يتعود على بعدك |
ايه حلوه الفكره .. ودايم اسويها بس مو باختياري .. مثلا يكون زوجي مسافر .. او يختبر ..
بس اذا رجعتي لزوجك.. ارجعي لوحدك .. وخلي الاولاد عند اهلك .. وروحوا لقندق .. او منتجع .. بتحسين بتغيير مررررررره حلو .. والله يسعدكم ويهنيكم |
اختي الكريمة .. هنــــــــــاك فــــــــــرق انتبــهي
عبارة " بعد الازواج عن بعضهما يجدد الشوق " هي صحيحة لكن أيـــن الفــــــــــرق ؟ الفرق ان اذا كان بعد الازواج أتي عن طريق ظروف معينة .. ك سفر او عمل او غيرها .. فإنه يولد الشوق .. لان الازواج يشعرون ان هذه الظروف هي التي ابعدتهم عن بعضهم البعض والآن بعد ان انتهت الظروف رجع لزوجته اما طريقة " تعمد الغيــاب " بهدف الرجوع إلى الشوق فإنها طريــقة خــاطئة جدا .. ربما يشتاق لك فقط او ليلة لأياخذ حقه الشرعي لكن بعد ذلك اما تعود المياه إلى ماكانت عليه .. ام تنقلب الامور للأسواء وهذا هو الغالب لو الآن اخبرتيه بإنك غيرتي رأيك وفضلتي انك تجلسين في البيت ممكن تجدينه انه اشتاق لك قبل ماتروحين الرجال يحبوون التغيير .. جربي فكرة انك تعزميه على عشاء في فندق .. او حتى نوم ليلة في فندق او منتجع .. سيكون لها طعم فريد .. اعملي له حاجات رومانسية .. لو ماتعرفي اسألي والاخوات في المنتدى مايقصرون في الافكار الفريدة تحياتي |
هناك كتاب إشتريه إسمه السحر الحلال |
انا مع الاخت الى قالت االبعد يولد الجفا
تبين شوق وتجديد غيري اللوك تبعك قصي شعرك لو كان طويل طوليه لو كان قصير غيري لون شعرك غيري استايل لبسك البسي شورتات وحركات العبي شوي على راسه بيجيكي اكيد وبشوقه غيري نفسك للافضل بيتغير هو كمان للافضل الله يوفقك |
اختي اذا تبغين تعرفين زوجك وش يبي منك و كيف تتعاملين معه انصحك انك تدخلي على عالم تطوير الذات في موضوع (انماط الشخصيه ) من خلال الاختبار الموجود راح تعرفين نمط شخصية زوجك و تعرفين وش يحب ووش يكره .. لكن اذا عرفتي نمط شخصية زوجك و كذلك نمط شخصيتك خبرينا عشان نساعدك كيف تقدرين تتعاملين مع زوجك .. لكن همسه في اذنك اختي .. الحياه لا تمشي على وتيره واحد .. ايام الخطوبه غير و بعد كم سنه من الزواج شي ثاني و بعد عشر سنوات يختلف الوضع و بعد عشرين سنه ايضا غير .. لكن اوعي تتركي بيتك .. وربي يسعدك .. |
البعد يوولد الشوق فعلااا
انا اروح لأهلي اسبوعين في السنة زوجي كل يووم يدق ما تبغين اقدم حجزك يووومين بس لما ترجعي تحسي في عيوونة الشوووق |
لكل مرحلة طريقة خاصة للتعبير عن الحب ..لا تقارني فترة بفترة ..
علاقتكم الآن علاقة تعود وانسجام ونقاش .. وهالمرحلة لها جمالها ..هو يحبك ومتعلق بك ولا يستطيع البعد عنك .. صارحيه بس لا تكثرين عليه السؤال : أنت وش تبغى .. كيف أجذبك ... وما إلى ذلك .. هذي الأسئلة تحسس الزوج مع الوقت أن زوجته فعلا مقصرة .. اسئلي مثل هذا السؤال مرة في السنة أو ستة أشهر يكفي .. ولكن لا تقصري في نفسك اسعي لما يحبه بصمت .. إن رأيتي ان الحياة بدأت تقتلكم بروتينها , ابتدعي من الأفكار ما يقاوم الروتين عني شخصيا ما أحب أفارق زوجي إلا عند الشديد القوي .. لأني لو بتحين الفرص للبعد عنه ماذا أبفيت للأوقات الطارئة ؟؟ مثل النفاس وانتداب السفر ... أحب يتعود على قربي منه وجهة نظر |
اخواني واخواتي -روجي فوشي - الايميل - صبا نجد - samsamsoma - عروس حبيبى* - سلة اوجاعي - دانة الرياض - الفهدي 25 - مخاوي العز - s_amerah -أميرات - daimound22 - ام زرع
شكراً لكم على اهتمامكم وتفاعلكم معي الله يسعدكم دنيا واخره خوفتوني من البعد فقررت انفذ رائي الاغلبية وقلت لزوجي اني ماراح اروح بيت اهلي لاني ما اقدر على بعده وفعلا فرح بس راح ارسل بنتي وولدي مع الشغاله بيت اهلي يومين واجدد في البيت وفي نفسي واجرب على فكرة اختي الفاضلة روجي فوشي تذكريني با اختي لانها تحب الروج الفوشي اختي عروس حبيبي فعلاً كلامك جميل الحياة بعد عدة سنوات من الزواج يسيطر عليها الحب والوفاء واشياء اخرى جميله نبهتيني اخي الفهدي شكرا لك على اهتمامك كلامك خوفني وخصوصاً المكتوب باللون الاحمر وبسبب اللون الاحمر قررت اني ما ابعد عن زوجي وجزاك الله خير اخي مخاوي العز شكرا لك وجزاك الله خير اليوم بإذن الله اشتري الكتاب واقراءه (ولكن من المؤلف ) اختي اميرات بإذن الله ادخل عالم تطوير الذات لاحقاً شكراً لك الله يسعدك اختي ام زرع فعلاً كلامك صحيح ومنطقي فعلاً يكفي انه يحبني ومتعلق بي وهذا بحد ذاته اهم من الشوق اخاف ابعد اخسر الحب شكراً لكم جميـــــــــــــــعاً جزاكــم الله خيـــر الجــــزاء |
بصراحة فكرة اكثر من رائعة
اساليني انا انا متزوجة من 4 سنوات وعندي طفلين 3 و8 اشهر وكل سنة ابتعد عن زوجي شهر لاننا مغتربين ننزل بلدنا سوى وبعدين هو يسافر ويتركني شهر بعدو انا والاولاد اقسم لكي انني بعد عودتي اجده مشتاق لي اكثر من ايام الخطوبة لانو تعود على وجودي بجانبه فعندما ابتعد يحس بحبه لي وغلاتي عند على فكرة زوجي الان يشتاق لي اكثر من ايام تعارفنا واحرصي عند عودتك ان يراكي جديدة مختلفة وجميلة اما بالنسبة للاخات اللاتي ترى ان البعد يولد الجفاء اختلف معهن لان الاخت لم تقول سابتعد سنة قالت اسبوع وانا ارى انه نوع من التغيير حسب تجربتي |
اختي موضوعك وسؤالك جوهري ........من رئيي الشخصي اقول فيه اختلاف ولك المرجح هو انو .....
له ضررو لأنو الزوج ماتزوج الا يريد زوجه تدلله تحبه..تعاشر امور كثيره ولك البعد ممكن ينحرف عنك اي ممكن يدور غيرك ممكن يقل اشتياقه لك لأنك كنتي بعيده عنو عاطفياً نفسياً جنسياً............ مداخله بسيطه ارجو تقبلها .....بوركتي............ |
اختي الفاضلة ابو تريكه شكراً لك على اهتمامك وكلامك فعلاً حمسني ابعد عنه وخصوصاً اني ماراح اطول بس لاحظت ان اراء الرجال في الموضوع كلها كانت ضدي وهذا الشي خوفني لاني اكيد رائي زوجي زي باقي الرجال
حيرتوني اعتقد يومين عند اهلي كافية وزوجي عنده دوامين يعني مشغول طوال اليوم وجداً عاقل ومحافظ على صلواته في المسجد يعني يخاف الله وبإذن الله مستحيل يدور على غيري ويفكر بالسهر وغيره هو في البداية حسيت انه ما وده اروح بس بعدين لما غيرت رائي وقلت له ماني رايحة فرح بس قالي انا موافق روحي يومين غيري جو وارتاحي وارجعيلي عروس اخي غارق في الاحلام شكراً لك على اهتمامك وجزاك الله خير |
واخيراً انا الان في بيت اهلي زوجي جابنا الصباح وهو رايح للدوام وقالي اجيك بعد بكرة في الليل وكان راضي تمام الرضى عن مجئينا
واليوم العصر رحت الكوفيرة قصيت شعري وصبغت ومريت السوق اشتريتله هديه وغلفتها بس ايش عندكم افكار تغير لانه هو في الاخير مررره عجبته الفكره وقالي ابغاك ترجعيلي من غير العيال :dلاني انا كمان محضرلك مفاجاءة:14: بس الله يستر المفاجئة ماتكون عروسه جديده :25: المهم ساعدوني بافكار بعد رجوعي البيت لاني احاول اجدد شهر العسل طفشت من الروتين اليومي افكر اخلي اخوي يرجعني بكرة الصباح بيتي ويجي زوجي من الدوام ويحصلني في البيت منها اسويها مفجاءه له ومنها ارتب البيت واجهز نفسي قبل مايجي ايش رائيكم وبكذا اكون ماطولت عند اهلي يوم واحد بس :d وشكرا لاني تعبتكم معايا |
حبيبتي
أهم شي ترتبي البيت وتهتمي بغرفة نومك طبعا الشموع والعطور تخلق جو جدا رومانسي قبل لا يجي من الدوام عبي البانيو موية دافية وحطي رغوة برائحة معطرة حلوة وأنصحك من عند نكتار ................تاخذي لك أشياء تجنن عطوووور وكريمات ورغوات وشي خيال وروائحها مختلفة امممم ....اش كمان اها ...لاتنسي العصير وكيكة بسيطة ....ممكن تشيز كيك طبعا خلي اضاءات البيت خافتة والبسي أحلى لبس عندك أو أحلى لبس هو دايما يطلب مثله ممكن بعدين تطلعوا تغيرو جو في مطعم أو كوفي وماشاء الله عليكي شاطرة إنك قصيت وصبغتي واهتميتي بنفسك بس بقولك شي من واقع تجربتي.................. مو دايما البعد يزيد المحبة والشوق بين الزوجين أنا وزوجي كنا في فترة بعيدين عن بعض...هو في منطقة وأنا بمنطقة ثانية بسبب العمل والدراسة صح كنا نشتاق لبعض ونفرح باليومين اللي نلتقي فيها بس لما ربي جمعنا في بيت واحد حسيت بأن حياتنا تحسنت كثير وبأن حبنا زاد عن أول ولله الحمد ممكن تغير جو عند أهلك يوم واحد بس لا تكثري الله يسعدكم ويهنيكم ويحفظ لكم أولادكم تحيــــــــــــــــــــــاتي |
ما اعتقد ان البعد يزيد الشوق
|
لاتروحين البيت وتخربين مفاجاة زوجك .. يمكن تلاقينه ماراح الدوام وقاعد يحضر المفاجاه
|
اخواتي الغاليات الماسة - سلة اوجاعي - دانة الرياض
شكراً على اهتمامكم بي وجزاكم الله خير ولكن لسه مارجعت بيتي قررت انتظر زوجي يجي ياخذني غداً بإذن الله ما ابغى اخرب عليه مفجاءته وراح اخبركم ايش صار معاي |
هالموضوع نفسي ينطرح من زمان موضوعك حلو والردود احلى
|
| الساعة الآن 01:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©