اخت زوجي ودخولها المتكرر لغرفتي
 

متضايقه ياجمااااعه بالحيل من اخت زوجي

على طول داخله غرفتي وماتحب تطلع منها والمشكله اني قلت لها لاتدخلي غرفتي وراحت شكت ابوها وقالت له جنبي البيت بيتنا وانا ابي ادخل اي غرفه تعجبني عمي سكت ومارد عليها كنه موافق ع الكلام اللي قالته

واي حركه اسويها لزوجي على طول تقولها كنها اخبار العربيه او الجزيره مايظل احد الا وقالت له وش اللي سويت في الغرفه بالتفصيل الممل والله بصراحه احرااااج تااااااااااااام وغير انها تدخل غرفتي من وراي اذا كنت بالدوام

والافضع من كذا انها تدخل غرفتي وتاخذ من اغراضي بدون اسئذان والله ياجماعه صرت اقفل غرفتي وانا طالعه للمعهد واذا رجعت ودخلت غرفتي اقفل على روحي واذا كنت نايمه سببت ازعاااااج

وتستغل اي فرصه مثلا طالعه اسوي لي شاهي ما ارجع الا وهي في غرفتي وتفتش في اغراضي والمشكله ام زوجي قالت لها مايصلح اللي تسويه وماكو فايده

والشي اللي قهرني بالحيل اني كنت شاريه بدله نوم ورجعنا من السوق انا على طول دخلت اخذ لي شور وماطلعت الا انها مطلعه البدله وموريتها لاخوانها والله العظيم انصدمت صرت اصرخ بوجهها بس ماكو فايده وش اسوي

على فكره ما اقدر اطلع بشقه لحالي لاني ادرس على حساب زوجي والسمستر ب 20000 ريال ومايقدر على ايجار شقه
بس والله قاهرتني

البنت بخيله ماتشتري من فلوسها اللي تحتاجه تجي وتاخذ من عندي بدون حتى ماتعطيني خبر افتقد الشي على طول وزوجي كلمها بس ماكو فايده ؟؟؟

بالله عطوني حل صارم معها

وهذا اللي اسويه بس حتى اذا دخلت تكرموا الحمام اطلع الا وهي بغرفتي

وكلمتها بحزم وبصراخ ومافي فايده تبي تمشي كلمتها علي وانا ما احب اي شخص يمشي كلمته علي غير زوجي

البنت عمرها 12 سنه واخر العنقود والبنت الوحيده في العيله ومحد يضربها واصلا هذا قانون ممنوع ضربها

المشكله انا كلمتها وصرخت عليها بس مافي فايده والله اني جالسه بغرفتي ومقفله على روحي الباب

انا موافقه انها تاخذ اذني بس انها تدخل وبس كذا

من المواقف اللي صارت بعد ماخلصت انا زوجي دخلت انا الحمام اغسل وزوجي نام وكنت مسكره الغرفه بس مو مقفلتها عشان ادخل بعد ما اطلع الاخت دخلت واخذت عطر وزوجي نايم وطلعت وبعدين قالت لام زوجي وش اللي شافت جت ام زوجي وقلت لها بصراحه البنت تعبت معها الى متى راح تبقى بهالعناد

انا كنت معها بالحلوه والمره وعلى طول واقفه معها وكسبتها لدرجة انها قالت لاخوانها ابيكم تتزوجون مثلها طبعا تقصدني انا فجأه انقلبت وتاخذ اغراضي بدون استئذان

كلامك على العين وعلى الراس بس هي ماتبي اي شخص يدخل غرفتها

واي شي اسويه بغرفتي راحت الاخت وقلدتني

لدرجه انها احرقت جزء من غرفتها عشان بس تقلد الجو الرومنسي الخاص بالشموع

وحوالت كذا مره ادخل غرفتها واسولف معها بس ماكو فايده تقول لي ما ابيك تدخلي غرفتي

والله ياجماعه خايفه ان حياتي تتحول لحياه توم وجيري على طول خناقات

بقول لكم موقف زين ذاك اليوم ان زوجي ماقتلها

ام زوجي كانت ماخذه بنتي لغرفتها تلعب معها تخانقت معها الاخت وقفلت على ام زوجي الغره ببنتي ودخلت غرفتها وقفلت على نفسها الباب وام زوجي ماعندها لا حليب ولا حفايض لبنتي طبعا بنتي بدت تبكي من الجوع حاولت معها بهدوء تعطيني المفتاح مارضت كلمتها بصراخ وهم مارضت اتصلت على زوجي وجى وصرخ ومافي فايده وكان صراخ بنتي عالي من الجوع هددها زوجي راح يكسر الباب بس مافي فايده وبالفعل زوجي بدا يدف ويضرب في الباب بقوه عشان ينكسر وصرخت بوجهنا هذا المفتاح وطلعته من تحت الباب وزوجي قال لها اتفاهم معك بعدين وكان ناوي يضربها بس انا قلت له تفاهم معها بهدوء مو ضرب

وهذا اللي انا اسويه اذا كنت لحالي بالغرفه اقفلها لاني لحظتها اكون اذاكر وما ابي اي ازعاج

راح انفذ هالحركه مع الرغم اني عارفه النتايج راح تعلن الحرب

هههههههههههههههه

جد والله راح تعلن الحرب

!!!!!
صحيح انها صغيرة بس في سن يسمح الها انو لما حد يقلها ماتدخلي الغرفة انو تفهم معنا ماتدخلي الغرفة

مش عارفة ايش الحل
لكن احتويها وحاولي تصادقيها
يعني ايش بدها في ملابس النوم تتفرج عليهم والله غريبة
حاولي تفهميها بالحسنى بلكي فهمت

لا الحسنى ولا القوه تنفع

عشان مايضل شي في غرفتي الا ومطلعتها ترا سنها صغير بس تفكيرها كبير

حاليا افكر اكلم عمي ان يكلمها يمكن يقدر عليها وبقول له ما ابي احد يتطلع على خصوصياتي وانتوا قلتوا لي تعالي اسكني معنا وراح ترتاحي وانا بصراحه ما ارتحت معكم والسبب بنتك

وش رايكم؟

اذا شايفه ان هذا هو الحل المناسب قوليله ..

او اخبري زوجك وخليه يكلم ابوك ..

وقوليله عن الي فعلته . بانها اخذت شيء خاص فيك وخلت العيال يتفرجون عليه

لازم توقفينها عند حدها بشكل سلمي

تحياتي

انا لو منك
امشيها على عجين متلخبطوش
الجد جد واللعب لعب
اخلي البزر هاذي تفرض علي شي انا ما ابيه ،،، كوني صارمه معها لأنها كل ماكبرت راح تستقوي عليج وتتحكم

هذي مو محترمه ووقحه الله يعينك يا شيخه انا الحين لو شفتها ابخنقهاا..............
هذي مو متربيه وبوها مع احترامي ,,مو محترم ليه يسكت انتي تعتبرين ضيفه وبنت الناس وحرمت الولد المفروض مكانك فوق الراس......وتوابخ البنت انتي تعرفين وش تسوين ...تعرفين تنفجرين ........ايه انفجري عطيها كلمات .....
في الصميم خليها تصحى من احلامها الي في الزريبه...............
هذ هو الحل او خلي زوجك يكلمهاااا..................ويأدبهاا..............

وانا اقرا الردود الحين تفاجئت انها وراي وتقرا معي

صرخت عليها ضحكت وطلعت

الله يعينك معندي زياده على كلام الاعضاء بس خالك حازمه معه الدنيا مو فوضه
بس شي مضحك انها دخله بدون ماتحسي والله جريها بالمره 00000000000000

شوفي قدامك عدة حلول :
1 - تكلمين عمك حل ممتاز .
2 - لو بتطلعين برا الغرفه لو ثواني مو دقيقه تقفليها وتقولين لها هاه ماقدرتي تدخلين تدرين ليش لأن فيه شي بالغرفه ما أبيك تشوفينه ولا راح تقدرين تشوفينه لأني ماراح اخلي الغرفه مفتوحه أبداً عشان ما تشوفين الشي هذا بس هاه لازم تكونين انتي وياها لحالكم لحد يسمعك ويقول حاطه عقلها بعقل طفله بس ماني مسؤل عن اللي ممكن يصير للبنت هذي احتمال تجيها جلطه اذا ماقدرت تدخل غرفتك .

سويتها مره وقلت لها بس كلمتني ام زوجي وقالت لي لاتعقدي بنتي

بصراحه الله يعينك


بعد اقتراحات الاخوان عندي لك فكره جهنميه.....

فيه حاجه تتركب بالباب من برا يعني بس تصكي الباب هو بيتقفل وما يفتح الا برقم سري ....اختي حاطتها عشان الخدم واطفالها ماشااء الله بس يشوفون الباب مفتوح انوااااااااااااااااااع اللعب
بس بصراحه فعاله وانصحك وبقوه فيها واشري راحه بالك

اختراع هايل لمواجهة اخت زوجك
الله يعينك:d

وين احصل هذا القفل

و الله اختراع رائع يوقف تلك الشقية عند حدها

اقول اختي الحل عندي بس يبغا قوت قلب سميهااا..........والله هذي خلاص..
مافي امل تكون مؤدبه.............

غارق في الاحلام

والله ضحكت بردك

وافجع اهلها فيها حرام اهلها مايستاهلوا

ابي اعرف الحين القفل اللي قلتوا عنه وين احصله

ابشري توته بس اشوف اختي اوافيك بالمعلومات

تسلمي ياحبوبه