|
موقف بدا بمزح وانتهى بزعل ( المشكلة حلت ولله الحمد )
السلام عليكم حصل موقف بيني وبين زوجي، وانتم الحكم ادخل بالموضوع. امس كان زوجي يطبخ العشا لأنه هو اساسا يحب الطبخ، المهم انا كنت جالسه اعشي بنتنا لأنه كان وقت نومها، هو كان يقلب الأكل بالملعقه وبعدين اخذ الملعقه الساخنه وقال للبنت افتحي فمك احرق لسانك علشان توقفي صراخ، هو قال كده وكان يمزح ويضحك، انا خفت عليها وصرخت عليه انتا جنيت الملعقه حاره، قام زعل هو وصرخ عليا بدوره وقال انا ماني مجنون عشان احرق بنتي ولا تكلميني بالطريقه هذي، تعتقدي اني عن جد راح اسوي كده والملعقه حتى ماهي حاره شوفي! انا قلتله مايصير تمزح باشياء زي كذه مع بنتي، وانا ايش دراني يمكن تسويها عن جد بما انك اتجرات تسويها كامزح. في النقطه هذي عصب جدا جدا وقال هذي بنتي كمان وما كنت متصور ثقتك فيا كده، انا زعلت واخذت البنت وطلعت من المطبخ. بعدها ما تكلمنا اتعشينا مع بعض وكل واحد ساكت ولا حتى شكرته على العشا كالعاده، وبعدين كمان جلسنا جمب بعض وتفرجنا على فلم وكل واحد ساكت، وبعد ما خلص الفلم روحت ونمت، وهو لحقني بعد 5 دقايق ونام جنبي على السرير ولا كلمه بيننا. واليوم في الصباح جهزت فطوره وفطرت بنتي ورجعت نمت، وهو صحى وفطر وطلع من غير ما يعطيني بوسة الخروج كما يسميها، هو طلع بدري لأنه معزوم على كتب كتاب صديقه. المهم ايش اسوي؟ مين الغلطان؟ وكيف اعتزر له لو انا الغلطانه؟ |
حياتكم مبينة حلوة الله يديم عليكم المحبة على طول العمر.
بس حبيبتي انا حاسس انك بالغتي في ردة فعلك. يعني هو واضح انه مو بخاطره يأذي البنوته. عشان هيك اختصري المشكله ببوسة صلح. وراح تكون منك حلوة. الله يهنيكم |
ههههه
نحن الامهات هيك نخاف علي عيالنا من الهوا الطاير قبله لطيفه وابتسامه وشوية دلع وقولي له الله يلعن بليس خلاني اتخيل شي مش موجود |
والله الموقف كلو مش مستاهل عناد او خصام
هوة بيمزح بس انتي اخدتيها جد بما انو زوجك مريحك في الطبخ يستاهل تراضيه:) روحي راضيه بهدوء وحب ورومانسية وفهميه انو هادا من بس من خوفك وانك عارفة اديش بحب بنتك وبموت فيها ومش ممكن يأزيها لكن هادا التعصيب اجا بسبب عاطفة الامومة وغياب التفكير في موقف زي هيك واحكيلو بحب انو مايكرر هالموقف وخلص حينتهي الخلاف إن شاء الله |
قصتك حلوة و سامحيني على اللي اقوله بس والله حلو ان زوجك يطبخ خلتيني اتخيل حياتكم شكلها حلوة
الله يديم السعاده بينكم يا رب طول العمر و فعلا زي ما قالوا الاخوات لو انتي تصالحيه بطريقتك تكون احلى احنا البنات لنا تاثير اكثر من السحر نفسه |
اهلا حبيبتي ان شايفة انو الموقف كتير بسيط وما يستاهل زعل
اليوم بس يرجع صالحيه وترى لا تكبري الموضوع لانو ما يستاهل والبنت بنته ما رح يأذيها الله يسعدك |
اختي الله يهديك .. زوجك كان يمزح و انت حسستيه انه ما يفهم الصح من الخطأ .. حسستيه انه زي الطفل اللي غلط و وبخته امه !!! انتبهي تتصرفي مع زوجك بهذا الاسلوب مره ثانيه .. لانه اسلوب جاارح جدا .. تخيلي نفسك مكانه و زوجك وبخك على مزحك مع بنتك .. اعتذري من زوجك .. |
انتي فعلا الغلطانه
هيا بنته واكيد ما حيئذيها وحيخاف عليها زيك والموقف كان مزح ليه قلبيتيه جد انتي اللي لازم تعتذريله واتفهميه انك ما تقصدي |
ربنا يديم عليكم السعاده رساله ظريفه منك علي الموبيل له قبل رجوعه للبيت وارسلي انتي بوسه الصباح له سوف ينسي كل شيء ربنا يسعدك ويسعدنا
|
انتي الغلطانة طبعا والغلط راكبك من ساسك لراسك
وروحي اعتذري لزوجك واحمدي ربك على هيك زوج كتر خيره الي تعشى معك كمان مع احترامي |
اقتباس:
ههههههه وين قاعدين ، مزعلة الرجال وكمان تبينه يعطيك قبلة الصباح !!!!!! أسمعي أختي أنتي ومن قال أن الأمهات يخافون على عيالهم أكثر من الرجال ، وأنا أتكلم من محيطي (يعني لاشفت الأباء كلهم ولا الأمهات كلهم ) أنتم خوفكم على أبناءكم صياح وهواش وصراخ بس ، أما أحنا يالرجال نحسب حساب المستقبل . هذه حاجة والحاجة الأخرى عيب على الزوجة رفع صوتها على زوجها حتى لو كان ممشيها لكِ لأنها تحز في خاطره (مثلي) . والحاجة الثالثة : اقتباس:
ياريت تستفيدي من تجربة أختنا زوجة أحمد في موضوعها الأخير ، أرضت غرور الرجل وفي نفس الوقت حصلت على اللي تريده. وبالتوفيق. وإذا قدرتي تقولي لزوجك : أخي في الله يسلم عليك ويقولك أصبر ومرة ثانية كمّل طبختك وماعليك من مشاكل الزوجات بخصوص أطفالهم وتعشى وانبسط وعيش حياتك تمام ولا تضحك على نفسك وتقول راح أغير طبع زوجتي ، أسمع نصيحتي وعيش حياتك بسعادة ترى انا وانت تقريباً في الهوى سوى . إذا وصلتي له هذا الكلام سأكون لكِ من الشاكرين. |
مين الغلطان؟
اختي انتي الغلطانه الموضوع كلو مزح,,,صراحه انتي زوتيه ...على فعل هو سواه واشوف انو بسيط..............بس الله يهديكم يالحريم تلقاكم ودكم بالمشاكل ودورون اي مشكله......... المهم ايش اسوي؟ المفروض تكبرين عقلك,,,,مثل ما انتي امها هو ابوها لو ذبحها ما احد يقول ليش.... ولاراح تكونين احب منه لأن الاب يكون حبه لعيالو في قلبه........... وكيف اعتزر له لو انا الغلطانه؟ تروحين وتزينين له عشا وتدلعين وتضبطين نفسك واذا وصل تحبين راسو وتتأسفين وتقولين حقك علي...............واياني وياك اشوفك عايدتها ياويلك قالت ايش قالت مجنون>>>امزح معك |
المسأله مو مستاهله كل هالزعل منك ترا ..
بس بعض الزوجات تكون عصبية على أيش انا دري ؟؟؟ يمكن البنت معاك كانت مو راضية تأكل عشان كذا عصبتي .... وكان الطقة في زوجك المسكين ... لا وهو قاعد يطبخ لك !!! اعتقد قوية منك !!!! |
اولا ماشاء الله تبارك الله زوجك مبين عليه وهييييييييييييييييييييب......... ههههههههههههههه
تعرفين ليش لاني تخيلت الوضع لو اني مع طليقي وش كان سوى ههههههههههههههههههه وربي لكان صارت بلاوي متلته على راسي لا وكمان لو ادخله يطبخ وش بيسوي عموما الله يسعدكم ويهنيكم يارب واعذريني انتي غلطت عليه فحاولي تعتذري يعني هي بنته مثلك وهو خايف عليها مثلك واذا مزح مع بنته لا تدخلي بينهم ابداااااا لانو بكذا راح تحسسي البنت ان ابوها مايحبها ويبغى ياذيها يالله ياستي ورينا عاد وشلون بتعتذرين احلى اعتذاااااااااااااااار الله يسعد ايامك يااااااااااااااااااااااااارب |
ها يا اختي ..طمنينا وش الاخباار .. ان شاء الله تصالحتوا ... |
الموقف بسيط جداااااااااااااااااا و ما يستااهل مفروضا تضحكييييين على مزحهـ بعدين احمدي ربك يطبخ لك .!!
|
يا جماعة الخيــر شو فيــــــكم ؟؟ تــرى محـــد كبـــر الموضـــوع غيــــــركم
خـــاصة الي قالــوا انها غلطـــانة وبكـــــــل تهجــــــــم وكأنــــــــــها ارتكبـــــــــت جريـــــــمة يـــا أخـــوان انتـــوا ادرى منــي في قلـــب الام ... وردها كـــان طبيعـــي جـــــدا لأن استحكــمتها العـــــاطفة وهـــــــي يــــــــوم عصـــبت وتكلمـــت هالكـــلام مـــاكــان عقلـــها الـــي يتكـــلم بـــل عاطفتـــها و 90% منـــكم لو كــان ازواجكم سوو نفـــس الحــركة .. راح اتكـــون لكم نفــس ردت الفعــل الخارجــة عــن ارادتــكم اخــتي كــان ردة فعـــلك ردة فعـــل اي أم وكــانت طبيعية جــدا وكــانت ردة فعــل عاطفيـــة لا عقــلانية و زوجك الله يخليــه لـــك كــمـان كــانت ردة فعـــله عاطفيـــة ..وتحسس من الموقــــف الحـــل انـــك اتراضيه في بوسة و حاولي اتضحكيه .. ولا تفتحيـــن الموضوع معــاه لانــك تبيــن حياتــك تستمــر وماتبيــن الســالفة تكبــر تحياتي |
ساندي حبيب، GRERN 222، ملك شادي، Shreen 240، عاشقة عيونه،اميرات، زوجة احمد،Samsamsoma ،Clear ،غارق في الأحلام، ختومي2، ام السوسه، اميرات، صبا نجد اشكركم كلكم بدون استثناء مع اني زعلت منك ياClear ليش التهجم هذا كله، صحيح غلطت بس مو لدرجه هذي . والي قالوا احمدي ربك انه كان يطبخ او اني دخلته المطبخ، بالعكس هو هوايته الثانيه الطبخ بعد الكره ويحب يطبخ من حاله. اشكركم على دعواتكم وربي يجعل حياتكم حلوه وبسيطه زينا. |
اقتباس:
اشكرك اخي في الله وارجع واقلك نعم نحنا الحريم نحب العيال اكثر واكثر من الرجال، وهذى الشي زوجي بنفسه يعترف لي ويقول مهما حبيتها ماراح يوصل قد نص حبك. ماراح اعلق على الجمله هذي (أنتم خوفكم على أبناءكم صياح وهواش وصراخ بس ، أما أحنا يالرجال نحسب حساب المستقبل .) بما انه هذا الي شوفته داخل محيطك. ياريت زوجي يعرف عربي كنت وريته الموقع هذا كله مو بس ردك اخي. بس ولا يهمك يوصل السلام و(احنا في الهوا سوا) جملتك. |
اقتباس:
اخوي فهد بارك الله فيك انت الوحيد الي فهمت وضعي وتعاطفي مع بنتي. اعتقد حتى لو كان ابوي الي سوى كده كنت رديت عليه بنفس الرد بما انه عقلي ما كان موجود لحظتها. اشكرك |
على فكره نسيت اذكر بعض النقاط انه انا كانت عندي الدوره وكنت معصبه من حالي اساسا، انه البنت كانت متعباني في الأكل وكانت تصارخ وتلعب هذي الي خلى ابوها يسوي موقف الملعقه حقه. |
إنتي المخطئة 100%
ولإنه أبوها وحريص عليها مثلك وربما أكثر منك . إذهبي إليه وبوسي رأسه وبعدين خده . وراح يطيح الحطب |
ابشركم الموقف انحل خلاص كنت مستنيه رجعته وطبخت له العشا والحلى الي يحبه وتزينت عشان كنت ابغاها مفاجئة اعتذار له. بس تعرفون هو ايش سوا؟؟ ههههه رجع ومعاه باقة ورد مع علبة شوكولاه وبطاقه مكتوب عليها اسف يا ماما. والباقي مشفر ههههه. مع اننا ما اتكلمنا مع بعض من بعد الموقف ابدا، والسكوت خلانا نفكر في الي صار وكل واحد اعتذر بطريقته في نفس الوقت. يلا قولوا ما شاء الله لا حول ولا قوة الا بالله. اشكركم كلكم و والله احبكم في الله |
مبرووووووووك الف مبروووووووك وانحلت المشكلة
الله يديم المحبة بينكم وبعيد الشر عن الحساد والله يتمم عليكم بالخير في الدنيا والاخرة |
ماشاء الله تبارك الله يحفظكم ويخليكم البعض ..
لاتنسون أورادكم وأذكاركم .. |
انا من رايي انك تصالحيه انتي .لانك جرحتيه وخلتيه يحس انه مش مهتم ببنته زيك انتي
|
اقتباس:
ماشاء الله لا قوة الا بالله الله يهنيكم ببعض نعم الزوج والزوجه فعلا الله يخليلكم بنتكم ويزيد الحب والالفه بينكم يارب |
زوجك كان يمزح ومستحيل يفعلها لكن قلبك قلب آم ..
الحوار << تفاهموا وقولي من كثر خوفي على بنتي قولي له كل شيء الا بنتي .. |
ماشاء الله لا قوة الا بالله
|
الف مبروك الصلحة الحلوة. هيكم رجعتوا معاريس.
لو انا مكانك كل يوم ازعله بس عالخفيف . عشان اخليه يصالحني بوردة. الله يهنيكم ويزيد حبكم لبعض. ما شاء الله تبارك الرحمن. |
والله جد مبروك انا مبسوطة والله
عاد لا تزعليه مرة ثانية ومدام الحب موجود خلاص لاتزعلون من بعض الله يسعدكم و يا بعض و يخلي بنوتتكم لكم |
انتي قوليلو ... حبيبي بما اني زعلتك شو رأيك تطبخلي طبخة من ايديك الحلوين
بس بدون ما تحرق تمي بمعلقتك يعني بردو انهي الموقف بمزح ولا تطولي الزعلة احسن ما تكبر |
يعني فااااااااااااتك العشا ... ياخسارة عاد طبخ الرجال مرة خطير..
المهم روحي راضيه ومرة ثانيه لاتصارخي عليه قدام البنت وعادي سحابة صيف ان شاء الله وتمر. |
شكلك متأثره بالعنف الاسري00الله يسعدك والله سالفتك بسيطه
|
ماشاء الله تبارك الله يحفظكم ويخليكم البعض ..
لاتنسون أورادكم وأذكاركم .. والله يوفقنا وياكم دنيا واخره يارب |
الحمدلله اختي
الله يتمم عليكم ويسعدكم ويبعد عنكم شياطين الانس والجن ويالف بين قلوبكم نسخه لعالم المشاكل المحلوله |
ماشاء الله لا قوة الا بالله
|
بالله عليك لو كان أبوك او أمك فعل ما فعلك زوجك هل ستتعاملين معه بنفس الأسلوب ..
فزوجك احق باحترامك من أبويك فتأدبي معه في الحوار فهو جنتك ونارك .. |
زوجك مايعرف عربي ؟؟؟
كيف |
اخوي عصامي الرأي لو مين ما كان سوى نفس الحركه بنفس الأسلوب، كان حصل مني نفس الرد، ام وتحمي بنتها وارفض قطعا ضرب الأطفال مهما كان السبب، وهو مشترك معي في قظية الضرب. بس انا الله يهديني عصبت على شي ما يستاهل، بس الحمدلله اتصالحنا وانتهى الموظوع apple-green لا ما فاتني العشا، تعشيت لكن ما كان له طعم من كثر زعلي، على ايش ما ادري وصراحة طبخه احسن من طبخي ومن غير مجامله. ام عبدلله هو طلبت منه يطبخ او ما طلبت، راح يطبخ بكيفه(عايش حياته على قولة اخي في الله) اشكر الجميع والله يعطيكم السعاده وراحة البال |
| الساعة الآن 05:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©