|
أم زوجي احرجتني عند المعازيم!
السلام عليكم
كنا بعزيمة غير رسمية يعني اجتماعات متكررة كل اسبوعين لكن المتواجدين كثييييييييييييير المهم صدر من ام زوجي كلام موجه لي واحرجني احرجني وكنت توي داخلة عندهم ابغى اجلس في مكان ماني شايفة الاماكن الفاضية من كثرة الدموع بعيوني ومن الربكة لانها احرجتني عند حريييييييييييييييم كثار وفشلتني قالت كلام فيما معناه اهانتي!! وماراح اقول السالفة كلها مالي خلق اكتبها المهم سكت وماقلت شي لكن انا بالعادة لما عمتي ام زوجي تتكلم احط عيني بعينها واخذ واعطي معها بالكلام هالمرة ماحطيتي عيني بعينها علما باني احسها وهي تتكلم تشوفني تبغاني اكلمها بس انا ماكلمتها بعد مرور نص ساعة طلعت عن لغرفة شوي وصرت امشي ابغى اخذ نفس عميييييييييق مرة منكتمة ليه تفشلني قدام العالم رجعت بعد شوي حاولت يكون وضعي عادي مابغى احد يحس واصير سالفتهم اليوم والفت نظرهم لأني من اول ماجيت ماكلمت احد حاولت اكلم اللي جنبي واسولف شوي بس ام زوجي ماقدرت اناظرها حقدت عليها من قلببببببببببببي ابغى اطلع من المكان باسرع وقت بس مابغى الفت نظر الغير انا ماغلطت معها ابد وهي مرة طيوبة معي واستغربت موقفها وقبل ماطلع قلت لهم مع السلامة ورحت لها من بينهم وضغطت على نفسي وابتسمت لها وقلت مع السلامة ياعمتي واول ماطلعت وركبت السيارة على طول زوجي حس فيني قال شفيك وانفجرت ابكي واقوله قال اكيد تمزح قلت اللي يمزح يبتسم يضحك مويتكلم جاد ورافعة صوتها قال خلاص امسحيها بوجهي هذي حرمة كبيرة بالسن ولازم نتحملها قلت طيب حصل خير بس لاتقولها طول الوقت احس بضيقة وكتمة الكلام اللي سمعته ماهو سهل كانها تهيني وماتكرمني قدامهم والمشكلة انها اعادت كلامها مرتين يعني ياللي ماسمعت اسمع زين!! المهم احس زوجي يبغى يقولها وانا مابغى السالفة تكبر اخاف تتضايق وبنفس الوقت ودي يقولها عشان تنتبه لكلامها لي شرايكم؟ اخلي يقولها ولالا مع العلم اني مصرة مايقول والشي الثاني ودي اصفي قلبي لها من بعد هالسالفة احس كرهتها اليوم زوجي يقول امي تسلم عليك بغيت اقول الله لايسلمها خخخخخخخخ << انجنت بس طبعا قلت الله يسلمها ويخليها لنا |
حبيبتي الله يكون بعونك ويصبرك على حماتك بس كنت بدي اعرف ايش قالتلك ليصير فيكي هيك ..
وعلشان اقدر انصحك اذا كان زوجك يكلمها ويعتب عليها ولا لأ ؟؟ يعني على حسب الاهانه او الكلام اللي قالته ممكن الواحد يقرر .. بس عموما خلي زوجك يعتب عليها عشان تفكر الف مرة بعد كدة قبل لا ترمي اي كلام وتعرف انه الك ظهر مو سايبه .. |
اقتباس:
هذي حرمه كبيره ومايصير تعامليها الند بالند خصوصا قدام الناس تصيرون فرجه لهم انا لو امي ايش ماتسوي ماارضى زوجة اخوي ترادها او تجادلها ومؤكد انها قالت اللي قالت بتنتقم منك بموقف حطيتي عينك بعينها عامليها مثل امك ولاتنقلي لزوجك اللي يصير تكبري بعينه بالتوفيق |
الله يكون في عونك
بس انا من رايي اول شي تنبهي عزوجك مايحكيلها لانو وقتها عمرها ماحتنساها الك انك رحتي تشكيها لزوجك من رايي روحي احكي معها بهدوء وحب عارفة صعب واكيد حاسة حالك مش طايقة اسمها بس اضغطي عحالك وروحي كلميها لانو مافي اشي حيرجع الصفاء بينك وبينها الا انك تفشي خلقك وتحكيلها الي بقلبك بادب واحترام طبعا مش خناق او تعصيب لانو صدقيني المواجهة والصراحة مع الي زعلانة منو بريح قلبك كتير وممكن يكون قصدها شي تاني بس مااخدت بالها انو ممكن تزعلك يعني ممكن تشرحلك الموقف وترتاحي وبما انها طيبة بتقولي وماعمرها زعلتك بشوف انو تستاهل تعطيها فرصة وتحكي معها و تتفاهمي يمكن مش قصدها والموقف يطلع اهون موفقة |
فيافي شفيك الله يهديك مافهمتيني
اقول بالعادة هي لما تسولف عيوني لها واخذ واعطي معها بالكلام ونسولف ونضحك يعني دايم اعبرها ولما تتكلم احاول اصير معها بالسوالف اما عاد اجااااااادلها وييييييين لو اني ماتربيت ماسويتها؟؟ وهي ماقد جادلتني محترمتني يارب لك الحمد لكن بعد كلمتها ماقدرت اشوفها وهي تسولف ماقدرت احط عيني بعينها فهمتي؟؟ وبعدين حتى لو امي تضايقني اسولف على زوجي عادي مو عشان امه قلت له زوجي ماعتبره زوج وبس |
أختى مش من موقف واحد تنسى كل اللى فات ولكن لا مانع من المصارحة حتى تصفوا النفوس اول بأول ولكن بأسلوب طيب أسلوب بنت الى امها وليس زوجة الى حماتها بارك الله فيك وجزاك خير الجزاء ولا تنسى أختى انهم ضيوف علينا سبحان الله لو هم بيننا اليوم غدا الله تعالى أعلى وأعلم بارك الله فيك أختى الكريمة |
اختي لاتفوتي لها الموضوع انتي قولي لها وواجهيهابس بأسلوب
شرهه يعني وش جاكي مني ياعمتي حتي تقولي كذا لايكون واصلك كلام غلط عني تراي استغربتها منك ولاهي عادتك معي بس لاتجيبينهاعن طريق زوجك علشان ماتكبر السالفةولاتقولين لها انك قلتي لولدها وخلي اعصابك باردة وانتي تقولين لهايعني سولفي معاها عادي بعدين جيبي الموضوع علشان تبينين لهاانك ماهمك الموضوع جربي ~~~والعجزكلهن كذا مايجيهن الكلام والتنغيزغيربالمجالس قدام الناس مريت بموقفك بس اطنش وبالبيت اتفاهم معاهافشله قدام الناس |
رومانسية عاطفية
ملك شادي ابو مريم بيلسان الف شكر لكم الله يجزاكم خير انا اخاف اذا قالها زوجي تحقد علي وانا بصراحة كاسبتها مررة وهي حبوبة معي وطيبة اخاف تتغير علي ومن ناحية اني اكلمها صعب جدااااااا بصراحة اخاف منها ومابغى اتعود اناقشها بهالامور ولو استجمعت قواي اخاف ابكي وانا اكلمها وطبعا هالشي ماهو بصالحي عموما انا استنتجت من كثر ماعصرت مخي ( لاني بجد استغربت حركتها) اكتشفت اننا متأخرين انا وزوجي في الوصول لظرف طارئ والكل يعرف هذا الظرف وهي توقعت انا سبب التأخير وزعلت |
الله يعينك بس مبين انك بنت اصول
ونعم فيك ولا يهون الباقين بس انا اكبر فيك صبرك وقوة تحملك والاهم انك ما قلبتيها مع زوجك هواش وبكره الايام تهدي النفوس لان نيتك سليمه وقدري سنها ووضعها وربي ماراح يخذلك وعلى قولة المثل يد ماتسرق ماتخاف يعني خلك واثقه بنفسك وكبري دماغك الله يكملك بعقلك |
شوبارد شو مالك بتحكي كانو حماتك كائن فضائي
يعني بتتصرفي كانها لو بكيتي قدامها حيكون موقف اسود كانو خصم او شي بعدين شو فيها لو تتعود تحكي معك بالامور هاي يعني انو لما تتزاعلو تتصافو وتكون قلوبكم مفتوحة شو فيها انا حاسة انك حاطة حاجز بينك وبينها يعني بتعامليها كويس و هيك لكن لحد معين وبس يعني مابدك العلاقة تتطور اكتر وتصير علاقة صداقة او ام ببنتها او علاقة مفتوحة طيب ليش؟ بالعكس هيك بتنسطي عليها كتير و بتضمني تكون معك في كل الاوقات عموما هاي حريتك واختيارك بس اكدي عزوجك مايقلها ابدا ابدا ابدا بس انا لو مكانك بحكي معها وبصارحها احسن بكتير من الي انتي فيه موفقة حبيبتي |
:d:d:d:d:d:d
وعليكم السلام ورحمه الله وبركاته يالبى قلبهم الى يشتكون من حماتهم :d:d:d تدرين عاد لو انا منك انسى الموضوع كله وارجع اسولف واضحك معاها والا كان شي صار هم كذا العجز الله يهديهم تطلع لهم طلعات ومثل ماتقولين هي حبوبه معاك وطيبه ودايم حبيبه لاتخسرينه على شي قالته يمكن وهي معصبه او مقهورة من شي وطلعت حرتها فيك يعني لاتنسين كل الحاجات الحلوة الى فيها ومنها على سبب وغلطه وحدة منها بس طنشي الموضوع وارميه بالبحر وانسى كل شي :d لاتنسين انها ام ابو الشباب :29::29::29: وعشان عين تكرم مدينه :d ربي يوفقك ويسعدك دنيا واخرة |
السلام عليكم اختي الغاليه ..
انا صار لي نفس موقفك .. انا وام زوجي بمجمع ... يعني يجمعنا سور واحد .. ومره اتصلت علي وزوجي جنبي .. قلت الو : قالت : وين شغالتك اعوذ بالله ما تجي وما تساعد خليها تجي تساعد خدامتنا .. والشغل كثير .. ووو.. وانا طول الوقت اقول ان شاء الله .. طيب .. اخر شي سكرت السماعه بوجهي .. طبعا كل هالكلام كان بصوت عالي .. انا طبعا كتمت البركان وسكتت .. وارسلت لها الخدامه وهي كانت مشغوله .. المهم .. بعد كم ساعه رحت لام زوجي .. وسلمت عليه.. قامت ضحكت .. وقالت : معليش حطيت التعصيبه فيك وصرخت عليك.. انا بالعاده لما تعتذر عن شي سوته لي .. دائما اقول : لالا عادي انا زي بنتك .. بس هالمره كنت معصبه من جد وما احب اللي يرفع صوته علي مهما كان .. فقلت لها : ايه بصراحه يمه استغربت منك .. مو بالعاده .. اول مره تسوين كذا .. قلتها وانا اضحك بس الرساله وصلت ... وصارت اذا بغت خدامتي او اي شي تستاذن وباسلوب حلو ... وهي من جد طيبهو اعتبرها مثل امي واناديها يمه .. بس كل شي له حدود .. وانا احس اني طولت .. بس ابي اوصل لك الطريقه وكيف تشرحين لها وباسلوب حلو ان كلامها معك ما اعجبك حتى لو قالت لك امزح والله يهديها ويسخرها لك |
لكل مسلسل نهايه الا مسلسل الحموات هذا حبيبتي ماله نهايه .. وسعي بالك كل من عليها فان ويبقى وجه ربك ذو الجلال والأكرام.. ممكن توريني طقم أسنانك الحلو ماسمعت علي الضحكه مافي أحد يسمعك..أتمنى لك كل ماهو أجمل بالوجود..في رعايه الله
|
وعليكم السلام
والله أعلم حكاية أن أمي تسلم عليكِ ، عبارة عن جس نبض من ناحية الأم . وغير كذا ترى الكبار يمونون ومزحهم ثقيل ، وغير كذا يعتقدون أنهم أكرموكي بأن مزحوا هذا المزح الثقيل معكِ ، لأنهم يعتقدون والله أعلم أن المزح الثقيل دليل المحبة . الله يعينك ويعينها ويعيين المسيكين اللي بينكم وبالتوفيق. |
اقتباس:
اللهم آمين للجميع وخصوصاً للي بينهم ....:30: الله يجمع القلوب على خير ويكفيها شر تحريش الشيطان دمتم بحفظ الرحمن |
حطي حد للموضوع
مو من حقها تحرجك قدام الناس هي ماترضى لبناتها هالشي اكيد ليش الوحده تطلع من بيت ابوها عشان تنهان ونقولها تحملي |
بنت غامد
الله يجزاك خير على كلامك ايه خلاص لازم انسىىى ملك شادي ايوه من جد فيه حاجز بسيط مابغى اخذ راحتي كثير معاها بالكلام هي قوية مررة وطيبة معي مررة ومحترمتني لكن اذا عندها شي او في بالها شي ماتهتم لاحد ابداااااااااااااا يعني قوييييييييييييييييية وانا قدرت اكسبها ولله الحمد لكن هالموقف مدري كيف جا ومابغى اتعود احاسبها وتحاسبني اذا فيه ميانة كثييير خلاص يقل الاحترام وانا ابغاها تحترمني مثل ماحترمها وان شاءالله مصيري انسسسسى مشكورة على اهتمامك لي حبيبتي غموض السنين ايه والله ام ابو الشباب:22: وهذا اللي خلاني مااكبر الموضوع ولا لو غيرها والله ماخلي احد يفشلني قدام خلق الله بس يله اتذكر هي اللي جايبة ولدها لي واقول الله يطول بعمرها ويسامحها دانة الرياض اف اف كل ذا صار لك انا اقول يمكن مع مرور السنين وبعد انجاب الاود تكون العلاقة غير لساتي عليهم جديدة ماكملت سنتين |
saapna81
اضحكني كلامك عن المسلسلات جزاك الله خير أخي في الله دايم يقول امي تسلم عليك بس مايمنع انه احتمالك في مكانه وكلمتها ماهي مزح ابد اللي يمزح يبتسم ولما يشوف الطرف الثاني ماعلق يحاول يكلمه الين يصير بينهم ضحك صح ولالا؟ كلامها كان جد متأكدة منه وضحكت على الله يعين المسيكين اللي بينكم ليه شسويت له؟ اول ماقال امسحيها بوجهي قلت طيب حصل خير ولاعد قلت ولاكلمة اللهم مبين بوجهي ذاك اليوم اني ضايقة وهو حاس انه امه غلطت مية بالميه واكبر دليل صاير حليو معي مرررة حاس بالذنب مع انه ماله دخل بالموضوع وانا حسسته انه مهما صار هذا شي عادي يصير بأي بيت اللي مضيق صدري اكثر انه صار قدام الناس بس انتو يالرجال تحبون تدافعون عن انفسكم وانكم مساكين امام هالمشاكل الا حنا هالمساكين والله لو هالحركة طلعت من ابوي ولامن احد اخواني كان تشوف رجلي شايش يمكن يقول مانيب داخل بيت اهلك ثانية بس حنا يالحريم ضعوف نخاف والله لو ماهي ام زوجي كان ماخليت هالحركة تعدى عزوبي بس رجل نفس الكلام موجه لك وجزاك الله خير على دعواتك الطيبة ناني ودي احط حد بس خايفة كل شي ينقلب ضدي |
أختي الكريمةنصيحة لله إذا أردتي أن تنجحي في حياتك الزوجية نصيحة لله أن لا تدققي على تصرفات أمك زوجك مهما كانت . إعتبريها أمك ولو مجاملة وأصبري على كل تصرفاتها مهما بلغت وستكونين أنتي الفائزة وستكبري في أعين الناس . أنا زوجتي الثانية إذا أخطأت عليها الوالدة تقوم هي يعني زوجتي وتقبل رأس أمي مع أن أمي الغلطانة . صارت أمي تموووووووووووووت فيها وكل يوم تقولي جبها البيت عندنا ولا ترضى عليها بأن أحد يمسها بذرة |
أختى....
قال تعالى((فمن عفى وأصلح فاجره على الله)) |
اقتباس:
واكبر دليل اني جاملتها اني مانطقت لها ولاكلمة ولافكرت حتى اقولها اما عاد تغلط علي وابوس راسها ؟:30: ماارد عليها؟ صح ماازعل منها؟ برضو صح؟ ماتغير عليها ؟ صحيييين والحمدالله انا متأكدة انها ماتكرهني لانها طيبة معي مررة ومحترمتني جداا اللهم هذا الموقف المحرج قدام الناس وان شاءالله مايأثر علينا لاني بتغاضاه مضى عمري جزاك الله خير وهذا اللي بيحصل فعلا |
لو آنه منج خليت دموعي تطيح ,,
عشان اكسر خاطرها ولا تعودها :22: |
ماادري ايش اقلق اتوقع البنات كفواووفوا وبعض الاحيان الوحده تزعل من حماتها بسرعه انا كده على طول ازعل واروح اقول لاخواتي وزوجي وامي وسلفاتي وبنت عمي مااخلي احد وبعدين تكلمني بطريقه كويسه احس اني ظلمتها وارجع اقولهم انا تسرعت وظلمت حماتي مع انها الله يهديها تحبني وكل شي بس لها مواقف تخليني اولع بس انا محترماها وماابي ازعل منها تعرفي عندها جمعة اجت تعزمني قالت اذاماولدتي تعالي انت وشغالتك وطبعا اسيب بناتي بالبيت وان ولدت ارسل شغالتي ماادري والله ماتتصل تسال عني ولاشي اناعارفه انها اكيد راح تكون محتاجاها بس لازم يكون عندها شوية احساس انا مني طالبه منها شي امي راح تجيني كل يوم تدرس بناتي وتهتم فيهم وماشاالله عندي اربع اخوات بس مااقدر استغنى عن الشغاله يعني اخلي امي تنظف وتشوف بناتي وشغالتي رايحه حفلت حماتي معقوله واصلا انا يوم الاربعاء الي هو يوم الحفله اكون مع اهلي وخواتي عندهم شغالات الحمد لله بس ماشاالله يادوب انا شغالتي تساعدني ماشاالله عندسي اربعه يعني حتى لو ماولدت مااااااااااااااااااااااقدر استغني عنها ولا ثانيه انا طبعا طلعت من الموضوع يلا سامحيني بس كلامك ذكرني
|
يا اختي حرمه كبيره لا تواخذينه كبري غقلك احسن لك........
واصحك انو مايقول لأمه.............بوركتي............ |
شوبارد ..
يسر الله أمورك ووفقك .. هالمرة عديها .. مع أني مقدر وضعك .. الا الاحراج او (التضحيك) امام الأخرين والله لوأنه أعز الناس لي ماأقبله .. يخليني فرجة .. وحاولي أن زوجك مايجيب خبر عند والدته للموضوع .. لانها على قولك محترمتك الا هالموقف .. على قولهم كبوة جواد .. وبعدين لو تكرر الموضوع وحسيتي أنه بد يزداد ... لا ضعي له حد .. وفقك الله .. |
ودي أقرأ الردود بس ماعندي وقت
اهم شئ أني أرد عليك شوبارد حبيبتي أنتبهي تخلين زوجك يكلمها وخلاص إنسي الموضوع بالعكس حاولي تتقربين لها أكثر يعني بالعربي أحرجيها بكرم نفسك وحسن أخلاقك أحيانا الام تغلط عليك وتفشلك قدام الناس بس وش نقول نتحمل عشان كذا معليش أنسي هذي السالفة وماتدرين يمكن من كثر ماهي معتبرتك مثل بنتها صارت تمون عليك:) إذا تكرر الموضوع كلميها بنفسها وقولي ليش ياعمة كان غلطت معك بشئ قولي لي أنت بمقام امي ومن هالكلام والله يوفقك يارب وييسر لك |
حبيبتي هونيها وتهون
انا عندي حماتي من شهر وبيتي شقه صغيره وياما شفت منها ولكن انا اسوي باصلي ونفس حالتك تحرجني عند بناتها ونظراتها لي من فوق لتحت بس انا الوحيده اللي تسوي فيني كذا اخرها امس عطتني محاضره طويله عريضه تقول انتي مادلعين ولدي ولا تحترمينه ومن هالكلام وانا طول الوقت ساكته وبعد ماخلصت بست راسها وقلت مايكون الى كل خير ولا كلمتها من امس الى اليوم الى رسمي كلمه ورد غطاها احس اني طولتها شوي بس كنت متضايقه وانتي جبتيها على الجرح |
منت عاجبني
raniahasheem اصغر اخواني لحن السعادة قمة البراءة جزاكم الله خير هديتوني وخلاص انا عزمت انها ماتدري واتناسى الموضوع خلاص:22: |
طولي بالك هالعجز عليهم حركات بس على قلوبنا زي العسل
|
اقتباس:
ليكن قلبك أبيض بعيد عن الحقد |
اسمحي لي شوبارد حبيبتي ماقدر اقرا الردودو وردج عشان الا فالصفحه الاولى لاني مستعجله .. فاعذريني اذا قلت شي قاله غيري او ماله خص يعني :d
تصدقين يوم ييت برد عليج احس استحي اقول لج شتسوين لانه ماشاء الله عليج لا اله الا الله احسج ناضجه وواعيه واعلى من اني انصحج .. بس اسمحي لي يعني بقول لج هالكلمتين .. اختي حبيبتي دووووم حطي في بالج انه ام ريلج هي امج .. مهما صار ومهما قالت .. لانها فعلا صارت امج .. يعني وانتي تقولين انه الحمدلله المره دووم طيوبه وتقدرج .. يمكن هالمره كانت متضايقه من شي وحطتها في راسج لانج بنتها تعرفين عاد الامهات يوم يعصبون .. انا اقول لح لا تقولين لها ولا تفاتحينها .. ويا انج تنسين الكلام اللي قالته وكانها سالفة وعدت او .. انج تعتبرينها كانت تتغشمر وماتقصد .. وصدقيني ربي اولا ماراح يضيع اجرج دنيا واخره ... وطبعا زوجك في المقابل رح يفرح بزوحته اللي هي حسبة امه .. وبالعكس افتحي معاه الموضوع وقولي له الله يهديني انا مادري ليش ذاك اليوم عصبت .. يعني بحط بالي على كل كلمة امي تقولها وقولي له انا اصلا بس كنت منصدمه بس الحين يوم فكرت في الموضوع اكيد انها كانت تتغشمر . وماوصيج زيدي جرعة الحب حق عمتج وحطيها على راسج اكثر واكثر وخليها باسلوب غير مباشر انه تتحسف انها قالت هالكلام عن وحده طيبه مثلج .. هاي اذا كانت تتذكره وماكانت قايلته بس جي .. وانتي ادرى :) اختج .. ام فطومه :) |
ماشاء الله عليك منتي محتاجه مشوره يا شوشو الي سويتيه عين العقل :)
بالتوفيق |
| الساعة الآن 05:56 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©