|
الى متى...........؟
اولا هذا الموضوع اول موضوع لي وهو كطلب استشارة وطبعا لرجاحه عقولكم اطلبكم تساعدوني
المشكله من الاساس انا مااعرف كيف اوصلها لكم واصيغها ... المشكله هي زوجي وشريك حياتي... زوجي انسان حساس وحبوب معاي ومافي منه بالنسبه لي ...لكن ما احس معاه بالامان..فقدت نشوتي للحياه ياناس كل من شافني قالوا وين فلانه الفرفوشه وضحكتها باخر الدنيا زوجي شخص محبط مكتئب من الحياه بكبرها يخاف من العين بشكل صار ينرفزني ... دايم ع لسانه انا ليه عايش ...اناقشه بهدوء وماراح امدح نفسي سويييييت كل شيء اقدر عليه عشان احببه بالحياه انا في البدايه قلت انه عين ... ولاسباب كثيره منها مثلا مايقدر يكمل سوره البقره ...مثلا يضحك ويسولف معاي ومافي احلى منه فجأه يقلب علي ... ينام معاي فجأه القاه يقوم ويروح بغرفه ثانيه اجي عنده شفيك معليه ضايق صدري خليني لحالي شوي ... طبعا بتقولون لي نروح لراقي بس هو رفض وقال انا اخر املي بالحياه الراقي لو مانفعني انا بنتحر والا راح اسافر واخلي العالم بكبره...وفيه شيء ثاني ياناس مايحبني اروح لاهله ابداااااااااااا الا بالشهر مره وهم معي بنفس المدينه والله اهله مافي منهم كافين خيرهم وشرهم وهو بالاسبوع يروح لهم مرتين او ثلاث صدقوني مالي وجه اذا شفتهم يحسبون اني انا ما ابيهم هم ما راح يقولون ولدهم هم بيقولون بنت الناس ماتعرف الاصول وهم مايدرون ان حتى امي تهاوشني اني قاطعه فيهم ... بس ... الي خلاني اقول انه مو عين ... انه بدايه قلت لكم انها عين بس قدر يكمل قراءه سوره البقره وحتى هو قال الي فيني احسه مو عين انا تعبان نفسيا... وراح اقولكم ليه احس انه مريض نفسيا .. لانه انسان محبط دايم يسالني يقول ودي اعرف وشو السعاده طيب انبسطنا الحين وطحكنا طيب وبعدين وين السعاده السعاده مو بس بالضحك فيه سعاده بس ماندري هي وشو...والله ياعالم معذب نفسه بشكل محد راح يتخيله وانا من جواي احترق ع وضعه لان هالوضع مردوده ع حياتنا دمار...هو شخص مايحب الاختلاط ويحب يقعد لحاله بس اذا مع كذا هو محبوب وجدا محترم معي ومع غيري من جد الكبير والصغير يحبونه مره . ياناس اكتب لكم هالموضوع والله والله والله ودموعي ع خدي اخرتها قبل ساعات ... جيت من دوامي طبعا وهو بعد طبعا كلماتي المعهوده له دايما كيف الحال وكيف شغلك ...واشتقت لك ومن هلالكلام ...طبعا يرد رد كل واحد يسم اكثر من الثاني كلها انا خلاص مليت من هالحياه والله تعبت انا بهاجر لمكان مااعرف فيه احد انا ظالمك معي ...والله اذا تحسين ان حياتك مع غيري افضل لك لاتترددين انتي وش تبين بواحد مثلي طبعا ما عطاني اي فرصه للرد ودخلنا للبيت..دخل قعد ع التلفزيون وطلع لعمله كم ساعه ورجع ولا كلمه صارت بيننا ...ارسل لي رساله انه متاسف ع هذي العيشه والله مو بيدي...رجع للبيت بعد كم ساعه دخل علي وانا بالغرفه ياناس يمشي طول وعرض بالغرفه انه متاسف وانه تعبان وحاسس انه ينفجر انه تعبان من المرضى ويقصد فيه مجتمعنا والله لدرجه قال شيء والله ما قدرت ارد عليه ..قال الله الحين كاتب لكل واحد ومقدر له جنه او نار طيب ليه حنا عايشين..طيب عايشين وش نسوي قلت له ان نعمل للاخره وللدنيا طبعا ما عطاني مجال اتكلم وبس يقول انتي بس اسمعيني طبعا مااقدرت ارد عليه والله ولا كلمه ... ابيكم تعلموني وش اسوي بتقولون لي احتويه والله اني لو يطلب عيوني ماتغلى عليه ..وهو دايم يقول انا المفروض ماتزوجت بس الحمد لله اني تزوجت وحده مثلك والله حرام تعيشين كذا معي.. بتقولون لي روحوا لشيخ قلت لكم باول الموضوع وجه نظره وحتى الدكتور النفسي جته فتره مقتنع انه يروح بعدين زي الي خلاص صرف النظر وقد قلت له ابيك تتعالج وتروح لدكتور نفسي والله مو عشاني عشانك انت ..طبعا لا حياه لمن تنادي بتقولون لي خلي احد من اهله والااهلي ...بقولوكم حاولت اكلم اهله بس اهله الي فيهم كافيهم والله حرام ينفجعون بولدهم يكفي فجعتهم بكم ولد منهم ...واهلي مااقدر لاني مستحيل اخلي احد يصلح شيء ببيتي مو نقص فيهم لا والله فيهم رجاحه عقل توزن بلد بس عندي مبدأ ان اهلي دايم يكونون خارج الصوره اتمنى تعطوني حلول وقبل كل شيء والله احتاج دعائكم لي |
الله يعينك
بس انتي ذكرتي ان اخوانه فيهم شي ممكن نعرفه؟ يعني نفس حالته ولا شي ثاني؟ |
مشكوره اختي
اخوانه فيه واحد منهم متوفي والثاني مريض الله يشفيه |
السلام عليكم ..
الله يعينك اختي ويصبرك .. بس اللي فهمته من تصرفات زوجك .. انه بعيد عن الله .. لانه يبحث عن السعاده ولايجدها .. السعاده حبيبتي صح تجي بالضحك والفرفشه والوناسه .. بس بالاخر .. السعاده الحقيقه نلقاها في القرب من الله .. نلقاها بسجود لله ومناجاته في جوف الليل .. نلقها واحنا ماسكين كتاب الله ونتفكر في اياته .. حاولي تقنعين زوجك تروحون العمره او الحج .. راح يشوف كيف الناس مقبلين على الله .. منهم المعاق ومنهم الكبير بالسن ومنهم المراه الحامل .. راح يحس باحساس غريب ويتقرب من الله .. انتي ما قلتي هل عنكم اطفال والا لسى ربي ما رزقكم .. وكم عمر زوجك .. ؟؟ الله يهديه ويسعدكم |
أختى ربنا يفرج همه وهمك
لفت نظرى كلمة بآخر موضوعك قلتى (والله حرام ينفجعون بولدهم يكفي فجعتهم بكم ولد منهم ...) يعنى ايه ؟؟؟؟؟؟؟؟؟؟؟؟؟ هل أحد من إخوته عانى هذه الأعراض من قبل |
مشكوره عزيزتي
من ناحيه بعده عن الله بالعكس عزيزتي... مااقول انه شخص ملتزم بس الحمد لله يصلي باالمسجد يحب يسمع قران لما نطلع من البيت يحط قناه المجد وويخليه شغاله يحب اذا نمنا نشغلها ومن ناحيه العمره اتمناها معه بس يحاول يغير الموضوع انه ما يبي يروح بمواسم الزحمه لانه لا راح يتعبد زين وياذي خلق الله من ناحيه الاولاد هو يمووووووووووووووووووت عليهم بشكل اني اغار منهم احيانا ..بس اول زواجنا مأجلينه مع انه كان متحمس بس حاليا هو الي يقول ناجل الفكره شوي لين ارتاح شوي نفسيا لانه ما يبي يجيب بيبي ويكون جونا شوي بعيد عن العائلي طبعا اعرف ان البيبي هو الي راح يجمعنا بس اني اقتنعت بالموضوع لاني حاليا ادرس |
عزيزتي sa33
وضحت باول رد للاخت سله اوجاعي .. ومشكوره ع تفاعلك |
اختي ضروري زوجك يزور طبيب نفسي .. اعتقد انه عنده اكتئاااب .. واذا لم يتعالج راح تتطور حالته .. لا اريد ان اخيفك اختي .. الاكتئاب قد يوصله للانتحاااار .. اختي لا تتهاوني في المسأله .. بلغي اهله بأقرب فرصه عشان يساعدونه .. حتى بعدين ما يلومونك .... في عيله اعرفهم شخصيا .. صار والدهم عنده اكتئاب .. بدأ معه بالتدريج لكن للاسف عياله كأنهم انحرجوا من حالته و لا خبروا اعمامهم و لا عماتهم .. اللي صار ان ابنه الكبير هو ذهب الي طبيب نفسي و خبره بحالة والده .. قال له ابوك يعاني من اكتئاب و لازم يجي عشان افحصه و انتبه قد ينتحر .. و بالفعل بعدها دخلوا على ابوهم و وجدوه منتحر .. اطلق على نفسه الرصاص .. و الاهل والناس لاموهم ليش ما تكلموا .. اختي ضروري تخبري اهل زوجك وان شاء الله حالته تكون بسيطه .. |
اختي اميرات
كلامك فكرت فيه الف مره ... والمشكله دايم يردد ان لو الانتحار مب حرام كان انتحرت من زمان ولا اخفيك انه صارحني انه قبل الزواج حاول كذا مره اختي اميرات ... وضع اهله محزن مع ابنائهم... احيانا افكر ان اكلم ابيه ولكن ما عندي الشجاعه اضع نفسي مكانه والله مع اني ماعشت الامومه الا اني احسه شيء محزن علما اني مره صارحت امي وهددتني ان لم اخبرهم ان تجعل ابي هو من يخبر ابيه ومن يومها وانا لم اتكلم مع احد ...لا اعلم انا من النوع الحساس والذي يبكي بسرعه ماعندي الشجاعه اني اتكلم مع اهله ...انا ضعيفه حتى معه صدقيني ان تكلم وفضفض لي ابكي بحرقه حتى اني لا استطيع الكلام صدقيني دائما اوعد نفسي اني ساتكلم معه واحاوره لكن والله ما اقدر |
جى في بالي ,,
ممكن يعني مثلاً ... من كثر ما يفكر بإخوانه والي صار لهم ممكن عشان جذي يفكر بهالطريقة ؟؟؟ |
اهلين منت عاجبني
بصراحه فكرت كذا بس ماقدرت افهمه ....مره يتكلم عن الموت .....مره عن اصلا وشو مفهوم السعاده وان السعداه مو ان الواحد يكون مرتاح ماديا ومستانس ببيته احسه يبي شيء مو موجود بالحياه .....مره يقول طيب اذا جبنا اطفال وكبروا طيب وبعدين م.......ره يتكلم انه ما عنده هدف واضح في الحياه ومرات ومرات....صدقيني ما ادري |
الصحبة الصالحة يا أختى إجعليه يتعرف على صحبة صالحة ويصلى كل الصلوات بالمسجد
وفرفشى الجو حوله وكلما تكلم معك فى هذه المواضيع استمعى له تماما لكن لا تتعاطفى معه بل امسكى بيده وشدى عليها وقولى له سأكون بجوارك قم ولنصلى ركعتين لله ونشرب مشروب مهدئ مثل الكركديه مثلا ثم اديرى الحوار بلباقه لأى شيء غير همومه .حاولى تخلى له اهتمامات ومواضيع يحب يتكلم فيها مثلا برنامج معين ماتش كوره سياسه المهم انه يفكر فى حاجات تانيه لو قدرتى تعملى كده هتطلعيه بالتدريج من حالته دى. ولى عوده بالكثير من الأفكار بإذن الله |
عزيزتي sa33
من ناحيه الصحبه اصحابه الحمدلله كويسين وناس تعرف الله لكن هو احياناا يعتزلهم ويعتزل حتى اهله حتى انه يأمرني احيانا اني انام عند اهلي والسبب انه يريد الجلوس وتصفيه ذهنه واني لو كنت موجوده سيفكر فيني وستزيد الطين بله من ناحيه الفرفشه ماخليت شيء ماسويته والله كلمه تفاااااااااااااااعل سيء قليله يعني كأنه شخص مااعرف كيف يفكر مثلا بمناسبه مرور سنه من زواجنا هذي الحادثه ما انساها اهديته هديه ثمينه وكتبت له رساله طبعا الهوايل والمفاجأت ماخليت شيء ما سويته صدقيني جبت له الهديه مافتحها ضمني وتشكرني وبس طيب افتحها انا من حماسي فتحتها له صدقيني حتى ما قرأ الرساله ...تركتها ع التسريحه عن موبايله عشان يقراها مرت الايام وهي ع حالها ...اخذتها وقطعتها ورميتها وهو كان طالع من الحمام صدقيني بس ضمني وباسني ماتلكم ولا شيء قاعده اضغط عليه حاليا انه يكمل تعليمه وياخذ الماجستير ينشغل بشيء ويحس انه انجز شيء.. اتمنى رايكم بالشيء وهل له فايده والا غربه ع الفاضي ومن ناحيه افكارك انتظرها ع احر من الجمر |
اقتباس:
اختي هذا مؤشر خطير جدا .. تداركي الموقف اختي و بلغي والده .. هذا ما تحتاج شجاعه .. انت مو داخله معركه .. انت ما لك ذنب في الظروف اللي يمر فيها اهله .. ولا لك ذنب بالحاله اللي يمر فيها زوجك .. زوجك عنده شوية خربطه او خلل في الاشياء الكيميائيه التي تحدث في الدماغ هي اللي مسببه له الحاله اللي يمر فيها .. و علاجه يكون بالدواء و ليس فقط بالنصح .. اختي اللي يمر فيه زوجك ما له علاقه كبيره بالايمان او الدين .. المسأله مسأله اعصاب و تفاعلات في الدماغ .. اختي انا لست طبيبه و لا اعرف اشرح لك ماذا يحدث في الدماغ لكني اعرف ان ما يحدث لزوجك هي خربطه او خلل في الدماغ .. علاجه بسيط جدا .. و هو كم حبه دواء ياخذها و تنصلح اموره سارعي اختي بابلاغ اهله ماذا تنتظرين ..؟؟ عندما ما يقع الفاس في الراس .. حينها لا ينفع الندم .. |
اختي اميرات ... كلامك اوجعني لاني سمعت الاجابه التي اخاف منها دائما
لكن باذن الله ساحاول معه للمره الاخيره ...وبأذن الله اخر الحلول سيكون اهله |
اختي اميرات طيب عندي سؤال بسيط
اذا اخبرت اهله كيف ستكون صورتي عنده ...كيف سيقنعونه وهو ما سمع من اعز انسان عنده ..؟ |
اختي العزيزة الله يعينك ويصبرك
اصبري اختي ودائما خلي ببالك انو بعد الشدة سو يأتي الفرج ولو تأخر لا عليك فقط اصبري بالنسبة لزوجكي يجب ان يذهب الى طبيب نفسي مختص وشاطر مشان يخلص من الحالة الي عندو والله يصبرك وبالنسبة لعائلتو لازم تخبريهم فورا مشان يكونو في الصورة والله يعينك ويفرج همك |
عزيزتي عاشقه عيونه
اشكر لك مرورك وكلماتك الحميله ...وان شاء الله ربي يعيني ويعين الجميع وبخصوص موضوع الطبيب هو الحل الامثل لكن الطريق اليه صعب... ساحاول وساحاول وباذن الله سيكون لنا معه موعد |
اختي قبل ما اكتب لك عن الطريقه اللي تخبري فيها اهله .. هل تباحثتي معه بشكل جدي و متكرر عن موضوع ذهابه الي الطبيب النفسي ؟؟ |
شوفي يا اختي .. حاولي تقنعي زوجك ان العلاج النفسي لا هو عيب و لا هو حرام .. وزي ما الجسد يمرض و يحتاج لطبيب و علاج كذلك النفس و الروح تمرض و تحتاج الي طبيب و علاج .. بالنسبه لكيف تخبري اهله .. انا اقول لك .. مو لازم العيله كلها تعرف ان زوجك تعبان و محتاج لطبيب نفسي .. استعيني على قضاء حوائجك بالكتمان هذا اولا .. يكفي ان الشخص اللي راح يفاتح زوجك هو فقط اللي يعرف بالموضوع و يظل الموضوع بينكم انتو الثلاثه فقط ثانيا : مو شرط انك تكلمي امه او ابوه .... هذا في حاله انك ما تقدري تخبري ابوه او انك تتوقعي انه ابوه ما راح يتخذ خطوه ايجابيه من هذه الناحيه ... مع اني ما اعتقد ان ابوه راح يتهاون في كلامك .. شوفي واحد من اهله يكون كبير و عاقل و حكيم و زوجك يثق فيه و انه كاتم للسر مثل اخوه الكبير او عمه او ولد عمه .. يعني يكون قريب منه و يحتك معه كثير و يسمع كلامه .. تكلمي مع هذا الشخص عن وضع زوجك وان قلقانه عليه و انك تودي ان يذهب زوجك لطبيب نفسي للمراجعه لكنك غير قادره على اقناعه و اطلبي من هذا الشخص ان يخبر زوجك بطريقه او بأخرى انه وضعه النفسي مو عاجبه و من الافضل انه يزور طبيب نفسي بدون ما يجيب سيرتك في الكلام او انك من اقترحتي هذا الاقتراح حتى ما تنحرجي مع زوجك .. وان شاء الله يستطيع ان يقنع زوجك .. اختي ليه تخلي هذه الخطوه هي الحل الاخير .. لا تطووولي المشوار على نفسك .. خذيها من قصيرها و توكلي على الله .. |
أختي العزيزة تحليل اختي الغالية (أميرات) بأن زوجك به إكتئاب تحليل صحيح مليون بالمئة
والحمد لله العلاج بسيط جداااااااا ولكن للأسف الكثير يظنون ان العلاج النفسي شيء مخجل ولكن هو مثله مثل طبيب القلب أو الباطنية أو الأسنان لايختلف بتاتا لذا لاتجعلوا سنين حياتكم تذهب هباء في هم وغم على شيء بسيط أولاً أريدك أن تصارحيه وتجلسي معه في وقت مناسب وتخبريه وكأنك تعرفي كل ماحدث له وتقولي له أن مابك بدأ أساساً بوساوس صح ام خطأ؟؟,.....سيقول صح وقولي له أنت تماديت في الوساوس وفي التفكير بها حتى تمكنت منك وأصبحت وسواس قهري لايمكن التخلص منه صح أم خطأ؟.....سيقول صح وهو متعجب كيف عرفتي!! وبعدها قولي له : تطور الأمر معك حتى أصبح عندك اكتئاب وهذه أعراضه وقولي له عرفت كل هذا من النت فهناك المئااااات مثل حالتك وفي النهاية عرفوا ان علاجهم بإذن الله عند الطبيب النفسي وكتبوا معاناتهم والحل لكي يستفيد الأخرين ولايعانوا معاناتهم وإذا لم يصدق افتحي النت واعملي بحث في جوجل وستجدين قص كثييييييييييييرة مثل زوجك وبعد العلاج تشافوا بفضل الله وابحثي بإسم استشارات نفسية وستجدين القصص لإن الوساوس إذا زادت وتمكنت يصبح عندها من الصعب التخلص منها لإن الدماغ كما قالت أميرات أصبح فيه خلل يحتاج لعلاج والعلاج سهل جداااااااااا واسمه (بروزاك) يؤخذ مرة واحدة يومياً لمدة أسبوعين حتى يعتاده الجسم ثم يؤخذ مرتين في اليوم وتمتد فترة العلاج حسب حالة المريض فمنهم من يتشافى بعد العلاج بثلاثة أشهر ومنهم من حالته مستعصية فيتشافى بإذن الله بعد ستة أشهر وليس معنى كلامي انه لن يتحسن إلا بعد أشهر بل بفضل الله يبدأ بالتحسن مباشرة من بعد الأسبوعين ولكن أقصد انه يتشافى تماماً بحول الله بعد تلك المدة ثم يبدأ الطبيب بتخفيف الجرعات حتى يوقفه تماما بشرط اخذ الدواء بإستشارة الطبيب وأيضاً متابعة العلاج مع الطبيب وعدم إيقافه بتااااتاااا مهما رأى أنه تحسن بل لايوقفه إلا بمتابعة الطبيب لإن إيقافه من تلقاء نفسه عندما يرى نفسه تحسن يسبب نكسة قوية يعيد معها العلاج بفترات أطول وأخيراً عدم تصديق مايتناقله الناس أن العلاج النفسي يسبب الإدمان فأنا نفسي كنت من ضحايا الوسواس القهري والإكتئاب والحمد لله منّ الله بفضله وكرمه عليّ بالشفاء بعد متابعة العلاج مع الطبيبة النفسية وارتحت وارتاحت عائلتي معي ورأيت الدنيا بمنظار آخر أطلب منك أن يقرأ زوجك ردي أو انسخيه له وأريه إياه وبإذن الله سيقتنع وأنا برأيي تأخري موضوع إخبار أهله حالياً لإنه ربما يغضب بأنك أفشيتي سره ولا يأتمنك لأنه يجدك الأن الوحيدة التي أتمنها على سره فلا تخذليه وحاولي معه بأقصى ماتستطيعي وإذا لم يوافق ازعلي عليه وقولي له انا من حبي لك وخوفي عليك أريدك ان تتعالج وإذالم يوافق اخبريه بأنك ستضطري لإخبار والده لخوفك على صحته حاولي هذه المحاولة الأخيرة بأن تريه قصص المبتلين أمثاله ليطمئن فأكثر مايسعد المبتلى بالإكتئاب أن يعرف انه ليس الوحيد اللذي يعاني وان هناك الكثييييييييييير غيره عندها سوف يطمئن ويبدأ العلاج بإذن الله واسأل الله العظيم أن يشفيه فمن ابتلى بالوسواس القهري مثلي يشعر بمعاناة المبتلين ويتأثر لحالهم فلا تخافي وأبشري فعلاجه سهل ولكن شطارتك في انك تقنعيه بالذهاب للعلاج طمنينا |
ماشاء الله يا أم جمانة .
ردك وافي وشامل صراحة أنا بأحاول أترك لك رساله في الرسائل الخاصة ولكن لا أعرف كيف ..(جديدة في المنتدى ) على العموم ممكا أسألك أي الكتب تقرأيين دائما أود أن أستفيد منك يا أم جمانة |
أختي أم جمانة كفت ووفت
اعملي زي ما وصتك وبشرينا الله يشفيه ويعافيه ويجعل حياتكم سعيدة ويألف بين قلوبكم تحيــــــــــــــــــــــــــاتي |
اقتباس:
|
لانه عايش في روتين واكتئاب
لازم ياخذ اجازة وعلى طول تطلعون من البلد اتروحون اي ديرة ويفضل العمرة او زيارة احد الاقارب في احد البلدان لو كان عندكم او رحلة سياحية الى ماليزيا .. لازم تغيرون جو لازم .. الروتين الي موجود في حياته يسبب الاكتئاب تحياتي .. |
اختي اميرات
كلامك جميل ومقنع وهو شخص مثقف وواعي وماعنده اي مانع بزياره الدكتور النفسي اصلا واذكر مره من مناقشات عاديه مالها دخل بحياتنا قال ان الواحد اصلا بين فتره وفتره لازم يروح لكن هو حاليا زي الي اخر امله هالدكتور والي فهمته منه انه ما يبي يروح وما يستفيد بعدين راح يتعقد من الحياه اكثر وانا حاليا قاعده اسال عن مراكز للاستشارات نفسيه حتى اني افكر اروح معاه بس بجمع معلومات من النت ومن الي حولي وان شاء الله راح اضغط عليه ونروح عزيزتي اميرات ....اشكرك من اعماق قلبي |
عزيزتي ام جمانه
كلامك سليم ميه بالميه ووفوق ذلك جميل ... كما ذكرت سابقا هو لامانع عنده من زياده الطبيب النفسي وهو من كلامه انه الطبيب النفسي زيه زي اي طبيب وقد قالي ان مو معقوله اي شخص يتعب جسمه وما تتعب نفسيته لكن مثل ماسبق وذكرت هو اخر امله هالطبيب ويخاف يفشل وما انكر انه خوفي من كلامه وقالي انا اخاف اروح وما استفيد خليني ع الاقل اشوف الامل ولا اروح له وافقده والله يااني راح اسكن لحالي يا اني بانتحر والعياذ بالله ام جمانه ... اسجل اعجابي انا ايضا بقلمك |
omnof1
شكرا لمرورك عزيزتي الماسه يعطيك العافيه لدعواتك ومشكوره لمرورك ودعمك |
اقتباس:
ربي يسلم قلبك اختي (في صمتي لك كلام ) وربي يشافي لك زوجك و يطمنك عليه .. طمنينا اختي عن اخباركم و عن اخر المستجدات .. |
اخوي الفهدي 25
باعتقادي وما راه واتعايش معه ماله دخل بالروتين .... هذا حاله من اول سنه زواج لنا وكل ماله حاله تسؤ اكثر بالنسبه للسفر كلنا عشاق له ...وانا بالعكس دايما احبه يسافر ويغير جو اخليه يسافر مع اهله او اصدقائه اذا ماسمحت لي ظروف دراستي واخر سفره له كانت قبل اسبوع مع اصدقائه بالنسبه للعمره اتمناها ...لكن مافي امل الان بسبب زحمه الحجاج اخوي الفهدي شكرا لمرورك |
في صمتي كلام ..
أنا دخلت موضوعك على عجالة .. وكان في جعبتي الكثييير أول شي أبغ أقوله لكي احتسبي الأجر عند الله في مجاهدتك مع زوجك .. احتسسسبي والأمر الثاني . . الحمد لله يا حبيبتي إنها جات على كذا .. والواحد لما يشوف مصايب غيره تهون عليه مصيبته والله الحمد لله والحمد لله . شوفي احل الوحيد بعد الدعاء والإستغفار والصدقة هو الدكتور النفسي .. طبعا هذه انتي وشطارتك . انتي قلتي انه مثقف وواعي وما عنده مانع لكن خايف حتى الأمل هذا يروح منه . طيب اعطيكي فكرتي انتي ابحثي عن الدكتور بنفسك .. (صراحة أنا ما أدري انتي من أي مدينة ... لو من الرياض ممكن أفيدك حتى لو أوصل لك عبر الرسائل الخاصة .. ) . ادخلي على المواقع وخذي أرقام التلفون وكلمي العيادات بنفسك وأحجزي موعدين موعد أكيد وموعد أقرب انتظار .. بعد كذا حاولي تمهدي لزوجك الموضوع .. وبعدها قولي له . وقوليله نجرب ايش خسرانيين . ولو ما عجبك لا تكمل . لو حسيتي إن زوجك محتاج تشجيع أكثر منك أحجزي موعد لنفسك إنتي كمان .. وقوليله أنا حأروح . محتاجة أفضفض للدكتور شوية .. ولما تروحي أتناقشي مع الدكتور بشأن زوجك .. وخلي بينك وبين الدكتور خط تواصل وممكن بعد كذا تتواصلي معاه حسب اتفاقكم .. يا بالأيميل أو بالتلفون .. حبيبتي تقريبا هذا هو الحل الوحيد .. الله يعينك وييسر لك أمرك وطمنينا عنك قريبا حبيبتي |
omnof1
شكرا لمرورك ودعمك ... اتمنى تعطيني ع الاقل اسماء عيادات بالرياض جيده وكلامك سليم وهذا الي كنت ناويه اسويه والله الي يكتب فيه الخير |
| الساعة الآن 09:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©