|
محتاره بين رغبتي ورغبة زوجي الحبيب
السلام عليكم اخواني و اخواتي الموضوع مبين من عنوانه، نعم حدود طاعة الزوج. ادري بتقولن كل شي ما عدا معصية الله مو هنا سؤالي فمثلا هل علي طاعة زوجي في امر التنحيف والرجيم؟ فانا احس باني ازيد في الوزن ومحتاجه انحف ولكن هو رافض هذا الشي ويقول بالعكس جسمك احلى مليون مره احسن من قبل؟ ثاني شئ محتاجه اقص شعري لأنه بدا يتلف من تحت تماما، وهو كمان رافض ومهو طايق فكرة يشوفني بالشعر القصير؟ ثالث شي محتاجه ابيض اسناني عند دكتور الأسنان بس شويه، هو طبعا رافض ويقول انتي مجنونه واسنانك ابيض من اسناني وحلوين كده، واذا بيضتيهم اكثر راح يطلعوا مزيفين كانك حاطه اسنان بيضه مزيفه. ايش اسوي حاسه اني صايره بشعه كل ما شوفت نفسي بالمرايه وهو يقول العكس عشان ما يجرحني وما اصدق كلامه لما يقولي حلوه او جذابه. مع انه دايما يكرر ويقول ياريت كنت اقدر اعطيكي عيوني عشان تشوفي نفسك كيف حلوه زي ما انا اشوفك بعيوني. مع كل هالكلام الحلو، احترت بين رغبتي ورغبته؟؟ |
مادري صراحة وش اقول لك بس الله يهديه
انا اشترك معك في نقطة قص الشعر بمووووووووووت ولا هو براضي :( |
كان الله في عونك اختي .. بصراحه في بعض الأزواج يتدخلون في اخص خصوصيات الزوجه .. انا لما زوجي يحس اني اخفف وزني او يشوفني اعمل رياضه يقول لي لا تنحفي انت وزنك ممتاز .. اقول له محتاجه انزل كم كيلو لانه الضغط و السكر و الكولسترول راح يهجمون علي مو عليك .. بالنسبه لشعري .. ما اشاوره لانه هذا شي يخصني .. اقص شعري و اصبغه على كيفي .. مع مراعاة اني اعمل قصة و صبغه تعجبه .. احيانا ينتقد لكنه يتعود على شكلي ... بالنسبه للأسنان قولي له ابغى اعمل تشييك على اسناني و شوفي راي الدكتوره بالنسبه للتبييض و يكون هو موجود معك عند الدكتوره عشان يسمع رايها .. مهم جدا ان تكون الزوجه عندها نوع من الاستقلاليه في بعض الامور اللي تخصها .. مو لازم ناخذ راي الزوج في صغائر الامور .. لازم يحترم الزوج استقلالية الزوجه في بعض امورها الخاصه .. |
نفس المشكله انا بعد يتدخل بكل شي جسمي وشعري واغلب الامور
|
السلام عليكم . . . أول شي ... الله يسعدكم ويخليكم لبعض وياااااااارب تضلي حلوه في نظره دااااااااائما وأبدا المهم نرجع لموضوعنا انتي لمن تريدي أن تنحفي؟!؟! ولمن تريدي أن تقصي شعرك؟!؟! ولمن تريدي أن تبيضي أسنانك؟!؟! في سببين ... تزيدي ثقتك في نفسك ... وتجملي نفسك لزوجك وبالنسبة لزوجك ... الحمد لله رب العالمين هو عاجبه شكلك الشعر ممكن تقصي بس النهايات للمحافظة على طوله والوزن إذا هو يشوفه مناسب حافظي عليه والأسنان أهم شي فيها الريحة والبياض أبيض بشهادة زوجك . . . استمتعي بالكلام الحلو منه ولبي رغباته وليكن همك هو التجمل له بما يراه هو . . . أسأل الله العفو والعافية والله المستعان |
:d:d:d اختي الكريمة .. اما ان يكون زوجك العزيز (اقتصادي) يعرف كيف يتعامل مع الامور المادية بشكل مختلف .. او ان يكون صادق فعلاً فيما يقوله عنك من مدح وثناء .. وفي كل كلا الحالتين فينبغي لك طاعته (شرعاً) الا فيما يخالف امر الله عز وجل .. اما بالنسبة لطلباتك فأنا ارى بأنها بسيطة بإذن الله ويمكن تحقيقها (بالذات تبييض الاسنان) اذا ما اتخذتي نفس الاستراتيجية التي يتعامل بها زوجك العزيز .. على سبيل المثال أخبريه مجدداً برغبتك في تبييض اسنانك .. فسيرفض مدعياً بأن اسنانك جميلة ....الخ اخبريه بأن القصد هو ان تزيدي من اشراقة ابتسامتك بوجهه حتى تنالين رضى الله ثم رضاه .. بمعنى انه كلما زادك من اللسان حلاوة زيديه من الاجابة عذوبة و التفافاً حول النص .. والله زوجك هذا لقطة ..ورجل يشتري عقله بلسانه (ماشاء الله عليه) وقد افادني في هذا الاسلوب كثيراً وسأبدأ بتطبيقه منذ اليوم بإذن الله تعالى :d:d |
السلام عليكم . . . بعد كتابة ردي ... استغربت من ردود الأخوات الكريمات اقتباس:
اقتباس:
إذا الزوج ما تدخل في خصوصيات زوجته مين بده يتدخل؟!؟!؟!؟ أنا زوجتي ما بتتحنى لأنني ما أحب ريحة الحناء أنا زوجتي ما بتصبغ شعرها أشقر لأنني ما بحب اللون الأصفر أنا زوجتي ما بتقصر شعرها لأنني ما أحب الشعر القصير . . . هذا هو الأصل في الزوجة .... التجمل لزوجها وليس كما أشارت أحد الكريمات ما اشاوره لانه هذا شي يخصني .. اقص شعري و اصبغه على كيفي .. . . . استمعي إلى الحديث الذي يرويه ابن عباس رضي الله عنهما أن النبي صلى الله عليه وسلم قال: ((ألا أخبركم بخير ما يكنز المرء؟ :المرأة الصالحة، إذا نظر إليها سرته، وإذا غاب عنها حفظته، وإذا أمرها أطاعته)) “رواه أبو داود والحاكم" . . . أسأل الله العفو والعافية والله المستعان |
والله كلام البعض يستفز تماماً ،،
يعني اذا الزوج لم يتدخل في شؤون الزوجة الخاصة فمن يتدخل ؟! ابن الجيران ؟!!!!!!!!!!!!!!!!!!!!!!!!! يعني لما يكون بده شيئ و تعمل عكس رغبته تماماً !!! شووو موقفه ؟؟؟ بكرة لما يتزوج ثانية بعد تراكم مثل هذه الأشياء ؟؟!!! شو ردة الفعل ؟!!! يتصير تقول والله اني مش مقصرة و بعمل كل شيئ بيطلبه !!! الحقوا حالكم قبل ما توقع الفاس بالراس ...!!! اذا زوجط هيك شايفك تمام التمام و مش ناقصك شي ؟!!! شو اللي زاعجك ؟!!! و المرأة لمين بتتزين ؟؟؟ لنفسها ام لزوجها ؟!!! بالتوفيق للجميع ... |
1- ترى الرجال بشكل عام مايحبون النحافة خاصة العرب عشان كذا هو رافض .. ولو كان يجاملك كان ما اصر على رأيه
2- وبالنسبة للتبيض .. اصلن مافيه انسان اسنانه بيضاء .. لون الاسنان الطبيعي مائل للبيج الفاتح جدا اما الي اتشوفينهم في التلفزيون من مطربين وممثلين خاصة الاجانب .. فأن 95% بالمية منهم شايلين كل اسنانهم وزارعين اسنان صناعية. والي اتشوفينهم مرات بالتلفزيون اسنانهم بيض ترا كله من فلتر الكاميرا هو الي يبيض الاسنان وهالكلام بشهادة دكتور اسنان كبير عندنا. وهذي مسألتها محلولة .. اشتري معجون مبيض وخلاص بتشوفين اسنانك كويسه وتمام لو حافظتي عليها. 3- بالنسبة للشعر .. عليك بالحيلة .. انتي لا تقصينه بشكل ملحوظ .. روحي المحل وقوليله قصي اطرافه قصي بس اطراف الشعر الميته وهي بترتبه لك وتعمله مدرج .. او خليها تقص شووييييية بحيث ان مايشعر الزوج ان مقصوص وايد .. وقوليلة بس رتبت شعري .. انا ما راح ارد وانصحك واقولك طاعة زوجك وماعرف ايش لانك ادرى في هالامور .. بس عليك بالحيلة وانتو يامعشر النساء اخبر منا وتعرفون كيف توصلون لمرادكم تحياتي |
اقتباس:
هذا الي قاهرني لأنه ما يحب الشعر القصير نهائيا( يعني عند الأكتاف) الله يهدي الجميع |
ياحياااتي انتي
الحياة الزوجية حياة مشتركة بين اثنين لما الوحدة تتزوج تتلغي خصوصيتها وتذوب في زوجها ، والزوج نفس الشي فيه البعض اللي يحافظوا على الخصوصيات مثل الجوال واللاب توب وغيره لكن حلاوة الزواج انك تكوني انتي وزوجك شخص واحد تعرفي اسراره ويعرف اسرارك ومحد في الدنيا يعرف مكنونات نفسك غيره احلى مافي الزواج الصراحة اذا انبنى الزواج على الصراحة راح يشعر الطرفين بالرضا التام وسعادة منقطعة النظير لما اكون صريحة مع زوجي واقوله والله لازم تنحف لمن تكون نحيف شكلك يكون احلى لما زوجي يكون صريح معايا ويقولي والله ياعبير سمنتي شوي بعد الولادة لازم تنحفي لك كم كيلو كل هذا يحسس الزوجين بالقرب من بعض وانه زوجي مرآتي الصادقة واللي هي اصدق من كلام الناس وحتى من نظرتي انا لنفسي الوحدة لما تتزوج تمنح نفسها ومشاعرها وقلبها وروحها لزوجها صح ماتلغي ذاتها ولا تلغي شخصيتها لانه مستحيل الزوجة تكون سلبية والا حتفقد مكانتها كزوجة وشريكة حياة لكنها تضع رغبات زوجها نصب عينيها وتبديها على رغباتها المهم زوجها كيف يشوفها وعشان ترضي نفسها ليش ما تعمل حل وسط خير الامور الوسط وطلبات زوجك زي طلبات معظم الرجال الجسم المعتدل ، مايحبوا المتينة ولا النحيفة الشعر الطويل زينة نساء العرب اما الاسنان فما اعتقد انها تشكل اهمية عند الرجال زي ما تهمنا احنا الحريم فانت ياقلبي حافظي على جسمك ضمن الحدود المعقولة اللي ترضيك اهم حاجة لاتكوني ( مسواك الجن ) :d على قولة زوجي وشعرك قصي اطرافه التالفة فقط وما اعتقد ابدا انه راح يلاحظ حبيبتي همسة اخيرة في اذنك لاتلفتي نظر زوجك لعيوبك ، لانه نظرة الرجال للجمال تختلف عن نظرتنا احنا الحريم احنا نهتم بادق ادق التفاصيل ظفري انكسر ، كرشتي كبرت شوية ، عيوني ذبلانة وتحتها سواد ، شعري راحت لمعته هذي حاجات كلها ما ينتبه لها الرجال ، احنا الحريم اللي نتعب نفسنا فيها فنصيحتي لا تعاملي زوجك كصديقتك وتحكي له عن اللي يضايقك في نفسك قومي بالتعديلات من غير ولا كلمة ، كشئ معتاد انك متعودة تكوني كده مثلا انحفي بالرياضة والرجيم من غير ما تقوليله انا ناوية انحف او تستأذني منه وكأنه شئ بديهي وصدقيني اذا انتي ما تكلمتي ولا لفتي نظره هو ماراح ينتبه الرجال نظرتهم للجمال عامة مو تفصيلية زينا احنا الحريم والله يسعدكم ويهدي سركم يارب |
اقتباس:
صحيح انهم يتدخلون في كل شئ يخصنا، مع انه مافي شئ اسمه خصوصيه بين الأزواج، كتاب مفتوح بس لازم يكون في حدود يعني (اقول له محتاجه انزل كم كيلو لانه الضغط و السكر و الكولسترول راح يهجمون علي مو عليك .. ) هههه حلوه هذي الجمله اضحكتني بس قويه كمان. لسه ماني عارفه في مسألة قص الشعر، انا رحت عند الكوفيره وقالت انه شعري حلو بس وقف يطول بسبب التقصف في الأسفل وبسبب اني صبغته اخر مره قبل تقريبا 3 سنوات، ومو بس قص بسط لأ قص كامل لحد عند الأكتاف عشن يطول احسن ويكون صحي، وانا شعري حاليا يوصل لتحت البطن. في مسألة الأسنان سهله، يمكن اروح من واراه واعمل التبيض وهو ما اعتقد انه بيحس واذا حس اقله شريت معجون تبيض جديد نصحوني فيه ههههه والله يا اختي لما تكوني بالغربه مافي شئ اسمه استغلاليه كل واحد محتاج الثاني وكل واحد قدام الثاني اشكرك |
اقتباس:
اخي الب ارسلان انت اتبعت المثل القائل : اياك اعني و اسمعي يا جاره .. :d بعض الازواج يتدخل في امور زوجته بشكل خانق .. و يريد ان يسيطر عليها يسطره كااااامله يعني عنده حب شديد للتملك .. يا رجااال اعطوا الزوجه ولو 5% من الحريه الشخصيه .. دام ان الزوجه نفسها تغير من شكل شعرها خلها تقصه .. الشعر مثل ما يقولون بضاعه مخلوفه .. كلها شهرين ثلاثه و يطول ان كان قصير .. خلها تصبغ شعرها على كيفها هي ما راح تعمل نفسها مهرج اكيد راح تعمل شي يرضيك و يسر خاطرك ايها الزوج .. اعتقد ان حب التملك الشديد من قبل الزوج يخلي الزوجه تفقد ثقتها في نفسها و مع الوقت تذوب شخصيتها .. انا شخصيا اتزين لنفسي اولا ثم لزوجي .. انا احب ان اقف امام المرآة و أرى نفسي جميله فهذا يرفع من معنوياتي و يزيد من ثقتي في نفسي .. و من ثم افكر ان زينتي تسر و تفرح زوجي .. وربي يسعدك يا الب ارسلان انت و الجميع .. |
اقتباس:
بس حلو كمان لما يتدخلو، يعني بيني وبينك نحس اننا مهمين عندهم ويهتموا بكل تفاصيلانا بس الشئ اذا زاد عن حده انقلب ضده وشكرا |
كلااااااااااام الأخت الجميله (عبير الأحلام )رائع
نفس الرأى |
البقيه برجع لكم ان شاء الله الصغيره تبكي |
اعانى من نفس المشكله من حيث انى ارغب بتنزيل وزنى وهو لا يرغب ويقول دعك من الناس
تودين ان تنحفين للناس وان حد علق انى سمنت امامه يرد دعوها وما يرضى لكن السمنه ليست جيده للصحه واخاف اسمن اكثر |
انا ارى اذا كان زوجك وهو الاهم مرتاح لشكلك لماذا التغيير
اما اذا ترين انك ستكوني افضل فحاولي اقناعها وقولي نجرب لمره واحده ان ابيض اسناني او انزل من وزني قليلا وسوف ترى اني سأكون افضل فهذا ارى انه افضل شي وبمجرد انكي تبحثي عن مايرضي زوجك فهذا شي جيد منك وعسى ان تحذو جميع الزوجات حذوك وتقبلي شكرررري |
والله احتارو الرجال معكم يالحريم
|
اقتباس:
بارك الله فيكِ ، والله يسعدك و يوفقك ... كلامي و انتقادي انا وجهته بشكل عام لكي لا أجرح أحد ... والصحيح انه كلام الاخوات مستفز جداً ، يعني بصراحة ، اذا الرجل كان لا يطيق لون شعر معين ، وقامت هي بصبغه بهذا اللون وهي تعرف انه لا يطقيه ، فبالله عليكِ هل تسره إذا نظر إليها ؟!! كيف بيكون الوضع وقتها ؟؟؟ ونفس الشيئ الوزن و طول او قصر الشعر او الملبس ، يعني في مثل بيقول ، " كول - تناول الطعام - على ذوقك ، والبس على ذوق الناس ! " لأنه المظهر الخارجي يهم الزوج !!! وانتي بهذه الحالة - اذا قمتي بعمل شيئ لا يطيقه و يكرهه ، أنتي تلجئيه إلى النظر إلى الحرام !!! انا لا ابرر النظر إلى الحرام ، ولكن هناك نفسيات ضعيفة !!! بيقول اذا انا ما متهني في بيتي و زوجتي ما عامله اللي انا بدي اياه وين رايح الاقيه !!!!! ومرة على مرة بتتراكم مثل هذه الأمور ، ساعتها بيفكر بجد بالزواج !!! يجب على الزوجة طاعة زوجها ،،، و يادار ما دخلك شر ... وتحاول انها تقنع نفسها انها غايتها ارضاء زوجها ، لأنها مسألة نفسيه ، لما تقتنع انها هدفها ارضاء زوجها بكل شيئ !!! ستكون أسعد الناس عند عمل ذلك الشئ الذي لا تحبه ولكن يحبه زوجها !!! بالتوفيق ... والسلام عليكم ... |
اقتباس:
|
الله يسعد الجميع ان شاء الله ويارب تضل زوجتك احلى بنظرك وانت احلى من كل الرجال بنظرها، اللهم آمين اقتباس:
لنفسي اولا واخيرا لأنه لو صرت راضيه عن نفسي وعن جسمي راح ينعكس هذا على كل تصرفاتي، واذا زوجي شاف كل الإيجابيه والمرح والثقه بالنفس اكيد وبلا شك راح اصير احلى واحلى بنظره ويعجب بي اكثر ( يعني ضربت عصفورين بحجر، فهمت علي) الله يسعدك اخي واشكرك |
اختي اذا انتي مقتنعه انك راح تقصين لنفسك وتنحفين لنفسك ومدري ايش ليه طرحتي الموضوع وقلتي محتاره انا لاالمح اي حيرة من كلامك
|
اقتباس:
هلا اخوي ابو فراس اضحكتني لما قلت ان زوجي اقتصادي هههه لأنه زوجي مبزر درجه اولى، يشتري كل شئ ومو مشكله الثمن ايش ما كان، ان شاء الله راح افتح موضوع آخر بهذا الخصوص. فلا تخاف هو من النوع الواضح الصريح الي على قلبه على لسانه على طول. ادري ابسط شئ تبيض الأسنان، ويصير ان شاء الله وطريقتك زكيه وجربتها عليه، تصدق ايش قال؟ قال والله في كل مره تبتسمي لي تشرق الغرفه كلها، فاذا بيضتي شوي كمان راح تعميني هههههه صراحه هذا الأسلوب ياما هداني وانا خلاص بنفجر من الزعل، اشوف نفسي اضحك وبقوه كمان. احمد ربي دائما على زوجي عيوني وحياتي |
اقتباس:
انا مقتنعه بالشياء هذي بس في نفس الوقت ما ابغى ازعل زوجي واذا زعل هل اعتبر عاصيه مثلا، يعني هل تعتبر من حقوقه؟ هذي الحيره |
اقتباس:
يا شيخه انا كنت ناويه ارفع دعوى عند منظمة حقوق الانسان عشان ناخذ حقوقنا الضايعه من ازواجنا ( قص شعر تبييض اسنان .. تنحيف .. و نفخ شفايف و شوية سليكون في اماكن متفرقه من الجسم ) اثاريك مبسوطه من زوجك في هذا الموضوع ..:14: روحي يا شيخه ربي يسعدك و يهنيك بشبابك .. |
اقتباس:
بارك الله فيك اخي وهدي نفسك ما يحتاج الأخوات كانوا يقصدوا انه تغيير بسيط في شكل المراه يعتبر شئ خاص فيها، يعني مثلا انا ما اتدخل في كيف زوجي يحلق ذقنه(الشكل يعني) هذا شئ يخصه وهكذا صراحة بعض الأزواج زي زوجي يكبروها يعني المفروض تفرحوا لما تشوفوا زوجاتكم مهتمين برشاقتهم ومنظرهم عشان عيونكم وعشان ثقتهم بنفسهم وانا من حرصي على رضا ربي ثم رضاه ما كنت كتبت الموضوع هذا، كنت سويت الي ابغاه وخلاص |
اقتباس:
|
اقتباس:
انا اتكلم عن نفسي انا اتزين لنفسي اولا لكي ارضي غروري الأنثوي،وهذا الشئ تلقائيا راح يأثر على زوجي ويشوف الجمال الي انا مغروره فيه، فهمت علي؟ طبعا انا ما اتكلم في تغيير جذري او تغيير خلق الله، لا انا اتكلم عن تغيير بسيط، بالعكس يرجعني لشكلي ايام خطوبتنا اشكرك |
اقتباس:
اشكرك على الحظور والمشاركه بارك الله فيك |
اقتباس:
اشكرك اخوي، وزوجي لاهو عربي ولا حتى شرقي حتى ومسئلة انه ماراح يحس بالقص، يعني ماراح يحس الشعر الي كان يوصل عند البطن وفجاه راح عند الأكتاف او اقصر؟ لازم ادورلي علي حيله زي ما قلت، او احسن شئ اقنعه اشكرك اخوي الفهدي، والله يبارك لك في حكمتك(يعني حكيم) |
اقتباس:
ممتاااز .. :d مادام ان زوجك العزيز (غير اقتصادي) إذن المشكلة انحلت بإذن الله .. زوجك يحبك كما انت ..وهذه نعمة من الله أسأل الله ان يتمها عليك .. شايفة كيف اسلوب اللسان الحلو يجيب نتيجة :d يعني صدقيني في النهاية رح يقع في فخك ويحقق لك ماتريدين .. والله ضحكت من ردك لما طبقتيه على زوجك وكان رده سريع ماشاء الله عليه :d طيب انتي لاتسكتي وردي بقصيدة عصماء اخرى .. وخلو الليل كله للسهر والوناسة ..واقلبوها شاعر المليون :d قوليله يا حبيب قلبي ابغا انحف شوية علشان خايفة على صحتي ..لاتقولي ابغا انحف علشان تشوفني حلوة علشان لايجيكي الرد السريع (انت حلوة بعيني على طول :d ) .. ماشاء الله زوجك ماله حل ابد .. :d وبالنسبة للشعر فأنصحك تستغلي بعض المناسبات السنوية مثل العيد والزواجات الصيفية علشان تدعمي قرارك بالموسم او المناسبة .. اما لو كانت مشكلة زوجك انه مايحب يودي ويجيب فهذه مشكلة برضو لها حل :d خلي احد من اخوانك او محارمك يوصلك لمشاوير الكوافيرة وعيادة الاسنان .. طيب بالنسبة للنحافة ابسألك سؤال .. ليش ماتجيبيها بشكل ذكي شوية وتقولي لزوجك (ايش رأيك نمارس رياضة المشي علشان نحافظ على صحتنا وشبابنا ؟؟ ) خذيه معك علشان يحب هذا الموضوع ويساعدك عليه .. لكل مشكلة حل بإذن الله ..انتي جربي وربي رح يفرجها من عنده |
اقتباس:
اختي عبير اسعدني مرورك وردك وانا دائما اتبع نقطة اني اخبي عيوبي عن زوجي، فمثلا انا طلعلي بطن بعد الولاده وانا هذا شئ كان يزعجني تماما، بس ابدا ما لمحت لزوجي كنت كل يوم اسوي رياضه خفيفه الين ما اختفى كل شئ هو الي لاحظ وقال وين مخدتي؟، لأنه متعود ينام على بطني لما يتفرج التلفزيون هههه يعني نصيحتك اني اسوي الي ابغاه كاشئ انا متعوده عليه في بيت اهلي؟ وكيف ماراح ينتبه؟ اذا صحيح الرياضه اسويها لما اكون لحالي مع بنتي، بس كيف الرجيم؟ افهم من كلامك يا عبير انه هذا ابسط حقوقي وما اعتبر عاصيه له؟ اشكرك جزيل الشكر بس ياريت تردي على الكم سؤال الي فوق |
اقتباس:
والله انتي مثلي تماما كما قلت سابقا اتزين لنفسي لكي ارضي غروري الأنثوي ثم زوجي. بس لا تنسي يا اختي انه اختارك من الملايين ويبغى يشوف فارسة احلامه فيكي، فاحسن شي الوسط بارك الله فيكي حبيبتي |
وعليكم السلام
أختي الكريمة ما قصروا الإخوة و الأخـوات في مشاركاتهم 7 7 7 اقتباس:
الله يهديك يا خوي الفهدي مسحت بكرامتنا الأرض .....:d الحمد لله ديننا وفطرتنا تدعونا للنظافة والتجمل ... أخوكم عزوبي:21: بس:d رجل:30: دمتم بحفظ الرحمن |
ماشاء الله تبارك الله
أختي خلاص أرضي زوجك و بالتدريج تقدري تقنعيه و إذا هو كذا عاجبه فقولي الحمد لله :) |
اقتباس:
اخوي والله زوجي مهو سهل، وادري انه بيكون الرابح بلا منازع في شاعر المليون (اضحكتني) قلتله مره ابغى انحف عشان صحتي ولازم وزني يكون مناسب لطولي، قالي بكيفك بس لا تلوميني اذا بطلت اعلق على جسمك (يعني اغازل فيه) ومن اول ايام الرجيم وهو ساكت حتى حبيبتي وكذا مافي، لا ويطبخ اكلاتي المفضله لنفسه والحلى والآيس كريم قدامي وهو يتلذذ فيه ويضحك،:16: ما قدرت اكمل بعد 4 ايام من الرجيم، هذا الشئ كان قبل شهرين تقريبا.:p وعلى قولة انه ما يحب يودي ويجيب، ابشرك انا ارعرف اسوق وعندي الشهاده، بس سياره وحده مشتركه بيننا. والمشي والله اليوم احد واجازه له، قلتله حبيبي خلينا نطلع نتمشى شوي وناخذ البنت معانا، قال من عيوني بس بعد المباراه الي راح تبدا بعد 15 دقيقه، قلت اوكي وستنيت لين ما اذن المغرب( عندنا المغرب يكون الساعه 4) وقالي يلا نطلع، قلتله بلاها ما احب اطلع في اليل . قال بيكفك انتي الي رفضتي مو تزعلين:29: |
والله الاخوات قالو كتير كلام ومابدي ازيد
في تدخل في امور عادي زي لون الشعر وقصته وهيك بس الوزن والامور الصحية اعتقد حرام عليه بكرة لما تصير سمينة وتمرض ولا يصير معها مفاصل ولا روماتيزم شو بيفيدها زوجها الامور الصحية والحساسة اعتقد الزوج ما مفروض يكون اناني بكرة بس تكبر المراة وتكون رشيقة بنفعها كتير لانو الوحدة بس تكبر بتبطئ عملية الحرق عندها وبتبطل تحرق سعرات زي الاول فلو كانت رشيقة ماحتتاثر كتير ولو كانت سمينة حتوقع فوق راسها وبنيجي بنلاقي زوجها يقول زوجتي سمينة وانا مش عاجبني هيك وبدي اتزوج وحتقعدو تقولو الحق عزوجته ماعملت ريجيم !!! اعتقد مالو حق يمعنها من تنزيل وزنها بكرة لو فلت العيار من ايدها وزادت بشكل غير مسطير عليه ماحينفعها لازوجها ولا غيرو اما قصة شعر لونو مكياج معين فمعاه حق لانو الشعر الوانو وقصاته كتير والمكياج كذلك واللبس لو ماعجبو بلوزة معينة بلا منها بس اكرر وبشدة الامور الصحية حرام يمنعها عنها والاخت ممكن تصير رشيقة بدون متصير عظمة يعني في اجسام بتجنن رشيقة وحلوة وبنفس الوقت انثوية مو لازم كل وحدة رشيقة يعني عود قصب |
والله مساكين بعض الازواج
لو قلتي لزوجك ابي اقص شعري وقالك سوي اللي تبين و ابي انقص وزني فقال سوي اللي تبين وابي ابيض اسناني فقال سوي اللي تبين وقتها راح يجن جنونك وماراح يعجبك وراح تتهمينه انك ماهميتيه لانه ماتجاوب معك لكن زوجك اخذ يناقشك ويبين محاسنك ومدى اعجابه بك فلماذا تحاولين التنكيد عليه بتغيير اشياء هو راضي عنها؟ يا اختي لاتجبرين زوجك على فعل أشياء تضرك مستقبلاً وضعي نفسك مكانه لو قالك سأحلق شاربي مثلاً وقلتي له لا تحلقه هو يعجبني وتفاجئتي أنه حلقه ماذا ستكون ردة فعلك حينها؟ |
اخواني انتوا طلعتوا برا الموضوع انا سؤالي كان هل اعتبر عاصيه شرعيا اذا نفذت رغبتي؟ اختي ليتني اسلى ياما سواها حلق الذقن، وهو يتحجج انه شعر الذقن ما يطلع تمام وانه في اماكن واماكن ثانيه ولا شعر، ومهو مرتاح له.يقول كل ما حلقت اكثر كل ما يطلع احسن، يعني نفذ رغبته! كان يمكن اسوي نفس الشئ واقص شعري حتى من دون مبررات، العين بالعين يعني بس لا لازم اتاكد في حكم الشرع واستشيركم اولا |
| الساعة الآن 07:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©