|
الشوفه الخميس اقتراحاتكم,,
السلام عليكم ورحمة الله وبركاته
كيفكم ,,,, نداء للجميع انا نويت اخش القفص الذهبي مليت من حياة الـــ:23: الزبده ما لكم في الطويله احتمال ان الشوفه تكون الخميس الجاي ما ادري اذا جات البنت اتكلم معها ولا اضل ساكت , اجيب معاي هديه ولا مو وقته باختصار انا ميح ما اعرف اي شي عن الطقوس حقت الزواج فا تكفون الكل يدلو بدلوه ... والله يوفقنا وياكم تم تغيير العنوان |
لاتكثر الكلام ولاتكون رسمي بزيادة......
خذ معك هدية جوال ......ورقم جديد بنظري هذي احلى هدية..... اللة يوفقكم....... |
هدية جوال مرة بدري عليها دحين ؟؟؟؟
أخوي إذا عجبتك ، ابتسم لها و تكلم كلمتين أسألها أي سؤال و علق على إجابتها :) إذا لاحظت إنك منجذب لها فإن شاء الله خير :) |
إيه خذ معك أسورة ذهب
أمك تلبسها إذا عجبتك البنت ، تتفقوا على إشارة إنت و أمك و البنت لازم تدخل و تسالها أمها و إذا عجبتك تطلب منهم ينادوها و تلبسها |
بدري على الهدية لا أنصحك يمكن ما تعجبك! ويمكن تحرجها فما تقول رأيها الصريح فيك..
|
انا رايي بدري علي الهدايا اول شيء شوفها اذا رتحت لها توكل علي الله
واخطبها بعدين فكر في الهدايا |
ليس لدي فكره الله
لكن عليك بالأذكار وصلاه ركعتي لله تطلب فيها التوفيق واقؤا المعوذات وآية الكرسي ولاتعمل اعلان انك رايح تخطب لأن في حالة عدم القبول راح يكون احراج للطرفين وقبل لا تروح ادفع تدفع البلا واذكر الله لما تشوفها ابتسم واسالها كيفها ان شاء الله الأخواتي يفيدوك |
ربي يسر امركم ويكتبلكم الخيرة بس انا اشوف انه بدري على الهدايه
|
الله يوفقك ويسعدك
براي تاخذلها اسوره او سلسله وتلبسها واتكلم بشكل بسيط ولاتنسى تعزمنا بالفرح |
انصحك وقت الشوفه ( النظره الشرعيه)
مايحتاج الهدايا تكلم معها مثل اختك وخلك طبيعي ولاتكون رسمي بقوه افرض رفضتك صعبه شويه او انت ماارتحت خليها بعد القبول اذا ارتحتوا بصلاة استخاره وتم القبوووول خذ هديتك معك ولاحقين على الهدايا هههههههه لاتنسى حصن نفسك ولااحد يدررررررري الا قبل الملكه بقليل بعد العقد اذا تم القبول وفقك الله ويسر الله امرك اللهم آمييييييييين |
اقتباس:
كلام سليم لا تاخذ هديه ولا شي واسال البنت كم سؤال وحاول ان رد السؤال مايكون ايه او لا علشان تسمع صوتها زين واذكر الله وتوكل على ربك ومايصير الا اللي كاتبه رب العالمين دمت بحفظ الله اخوك هلال العالم |
ايه والله أحس بدري مره على الهدايا
خلك على طبيعتك اسألها كم سؤال عادي والله يوفقك |
حبيت اقول الف مبروك
|
اجل الله يعينك على الهدايا .. كل ما رحت تشوف بنت بتاخذ هديه .. عز الله اللي فلست ..
انت الحين شفها اذا اعجبتوا بعض وارتحتوا .. وسويتوا الشبكه .. ذيك الساعه تعال ونعلمك وش تودي لها هدايا .. الله يكتب لك الخير ويوفقك |
دام الشوفة يوم الخميس انصحك تهندم عمرك وتزبط نفسك :26:هذا اول شي :30: بعدين اذا دخلت حاول تكون هادي عشان تقدر تقز وتشوف زين يعني لازم تكون راااايق:25: واذا دخلت عليك ماعليك من العصير الي بتجيبه (بس انتبه ينكب عليك) اذا سلمت (وطبعا مافيه امل) رد عليها وادخل بعينها قولها كيف الحال عشان تسمع الصوت واذا ما سلمت انت سلم بمعنى ثاني حاول تطلع منها اي كلمة عشان تسمع صوتها بعدين عاد لا اوصيك لاتخلي شي فيها الا وتشوفه وتصورة(طبعا بعيونك) :28::11: ترى الشغله مره وحده الى عقد القران حاول تاخذ صورة واضحة عن شريكة العمر بالتوفيق ربي يسعدك ان شاء الله بالنسبة للهديه انا من النوع الي ما افضل الهدايا في هالوقت وهالشي اعتقد راجع لك بالتوفيق مره ثانيه وشوفة شرعيه ممتعه ومليئة بالاثارة ان شاء الله :17: :14: |
الله يعطيكم العافيه والله ما قصرتوا
بس والله السالفه موترتني كثير وش لي وش للشوفه انا و طول عمري مع دينصورات ما فيه حبوب مهدئه ولا اية موضوع يخلي الواحد رايق شوي وعلى فكره الشوفه كم تاخذ وقت ما ودي اطول انا ؟ ؟ ؟ والله يبارك فيكم جميعا ومشكورين كثير وان شاءالله ربي يتمم على خير وتراكم اول المعازيم ... |
الله يوفقك وييسر امرك وتشوف احلى عروسه يارب الهديه لااحبذها مطلقا ولا يناسب الوقت لها بعد الملكه ممكن هديه لكن الان لا يارب نسمع منك اخبار طيبه |
مرحبا ..
المتعارف عليه عامة لدينا .. ان الخاطب يأتي ومعه اسواره ذهب وإذا تم القبول منكم تقوم بوضع الإسواره كدليل على الموافقه .. اللهم وفقه والجميع لما فيه الخير والصلاح .. |
ما ادري المتعارف عليه مايكون فيه هديه بالشوفه الشرعية لأن لو ما عجبتك وش راح يكون وضع الهديه ؟؟ |
توكل على الله وروح شوف البنت
وخلك رسمي والهدايا لاحق خير ان شاالله |
اخي بما اني تزوجت وعندي خوات تزوجوا فعندي خبره بهذه المواضيع
1 لا تاخذ معاك شيئ 2 كن بكامل اناقتك لان البنات يهتمون بالاناقه 3 خير الكلام ما قل ودل 4 اذا كنت تدخن فامتنع عن التدخين 5 مع اطيب تمنياتي لك بالتوفيق |
هلا اخوي ..... انا من رائي ما تاخذ معك حاجه ..كن انيقا ..ومتعطرا... ونصيييييييحه تمقل البنت زيييييين مو ترتبك مو نافعك الارتبااااااااااااااااااك:11: والكلام لاتفكر فيه هو يطلع لحاااااااله وموفق :23: |
وينك ياصاحب الموضوع بشرنا عنك وعن استعداداااتك
ابي اقولك ان الامور الي تصير بالشوفة تصير ذكريات حلوة بعد عقد القران بالتوفيق |
| الساعة الآن 02:53 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©