يا جماعه هل أنا على حق أم باطل؟؟!
 

السلام عليكم ورحمة الله وبركاته

إخواني جايه اليوم وكلي امل اسمع ردودكم اللي تريحني وتخبروني هل موقفي صحيح أم خاطئ؟؟

حنا الوالد متوفي وعندي اخ يشتغل ومرتبه نفس مرتبي واخ ثاني سنه أولى جامعه وعندنا في البيت انترنت مثل باقي البيوت واشتراكه الشهري ادفعه بالمناصفه بيني وبين اخوي وهو واخوي اللي يدرس يستخدمون النت وانا نااااااااادرا جدا استخدمه يمكن مره في الشهر (أعرف الحين بتقولون شو السالفه وليش هالهذره الزايده :d بس يا إخواني لازم هاي المقدمه حتى اصل لصلب الموضوع:22: )

الحينه انا بشتري سيارة جديده ان شاء الله بقيمه 100000 لأنه السيارة القديمه تكنسلت وانا راح اتكفل بكل اقساطها يعني بتكون بإسمي والخلاف الحينه بيني وبين أمي واخوي اللي يشتغل انا طلبت منه ان يدفع قيمه نصف البترول الذي تحتاجه السيارة اي آخر الشهر نرى كم كلف البترول ونجعل المبلغ مناصفه بيني وبينه ولكنه اعترض بحجه انه لا يستخدم السيارة فلما يدفع قيمة البترول عندها في الحقيقه تضايقت وقلت له ولما انا ادفع مصاريف النت مناصفه معك رغم عدم استخدامي وتفاجأت بالوالده ايضاً بصفه تقول بأن السبب الرئيسي للنت هو اخي الذي يدرس لحاجته له (رغم انه ثلاثة ارباع الوقت يقضيه هو واخوي الثاني لعب على النت!!) فعندها اجبتهم بأن السيارة كذلك سوف تقضي حاجيات البيت وان كانت في الأساس لي فهو حقي فسوف ادفع مبلغ 100000 لا يستهان به ولا اريد منه سوى مناصفتي في دفع ثمن البترول هل انا يا اخواني على حق أم لا؟؟

في الحقيقه ما جعلني اكتب الآن ليس الخلاف بحد ذاته على الدفع فهو مبلغ زهيد ربما يقدر بالكامل 400 ولكن ما شغل فكري هو وقوف امي بصف اخي وقراره وهذه ليست اول حادثه تمر وتقف بجانبهم ضدي فأريد ان اعرف هل تحليلي للموقف سليم ام لا؟؟

إذا إنت بنت فعاااااااااااااااااااااااااادي

أغلب الأمهات كذا

هههههههه والله ضحكتيني يا اختي اضحك الله سنك

شكلك انتي بعد ملسوعه من الامهات وحركاتهم

بس ما قلتيلي انا على حق والا غلطانه بطلبي؟؟

ثانكس لأنك عبرتيني :)

عادي لاتكبرين المشكله

والام معروف تحب الاولاد اكثر من البنات وانا كنت اتضايق من امي يوم اشوفها تفضل اخواني علينا
ويوم تزوجت لقيت نفسي مثلها احب الولد اكثر من البنت بس احاول ما ابين لها هالشي واعدل بينهم في كل شي بس والله الحب غصبا عني مو بيدي

وعلى فكره زوجي يحب بنته اكثر من العيال شي طبيعي الابو يميل لبنته اكثر والام العكس

الكلام موش يجي كده سبيهم الاول شوفي استخدامهم فيه ايه مره تتركيها من غير بنزين بسيط بس ولو احد طالبها قولي له نسيت اضع ضع انت وانت خارج بالتدريج موش مباشر وبعدين ما فيش بين الاخوات فرق ووالله لما تتركون البيت وكل واحد يكون له بيت ستشتاقون لكل ده وماتزعليش من ماممتك ممكن تكون بترضيهم بس عرفه انك ادها وموش هاتغلبي ربنا يهديكم لبعض وماتفكريش ان الام بتحب الاولاد اكتر من البنات بالعكس انا وبنتي قريبين لبعض واصدقاء جداا ومثلها الاولاد لانهم كلهم كبار ده عادي بس ممكن الام تحس بظروف كل واحد بكده بتتكلم وبس

بصراحه منتي ملزومه بالنت لا تدفعين شي له وعشان تعانديهم حطي لك خط خاص بالنت وريحي بالك وخلي اخوك يدفع فاتورة الخط الأساسي لحاله هههههه :)
وبنفس الوقت اهلك لا تتحسفين عليهم.. وانتي على حق بالنسبة لي.
ويمكن امك مراعيه ان اخوك رجل راح يصرف على بيت في المستقبل بعكسك انتي!

رأيي من رأي تالأخت فيافي
وكذلك لا تنسي ان اولى الناس بمساعدتك أهلك احتسبي الاجر من الله سبحانه ولا تدعي للشيطان مدخلا
والنفقه على الأهل أجر ها كبير
عَنْ أَبِي هُرَيْرَةَ قَالَ

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ

دِينَارٌ أَنْفَقْتَهُ فِي سَبِيلِ اللَّهِ

وَدِينَارٌ أَنْفَقْتَهُ فِي رَقَبَةٍ

وَدِينَارٌ تَصَدَّقْتَ بِهِ عَلَى مِسْكِينٍ

وَدِينَارٌ أَنْفَقْتَهُ عَلَى أَهْلِكَ أَعْظَمُهَا أَجْرًا الَّذِي أَنْفَقْتَهُ عَلَى أَهْلِكَ

رواه مسلم

إخواني جزاكم الله خير على مشاركتي في الوصول لحل المشكله

أختي أم علي
مشكوره يا غاليه على مساندتي ولكن معلومه بسيطه السيارة بالأساس بتكون لي بس لو يحتاجون أي شي بعد بعطيهم السيارة بس اول شي مشاويري انا

إختي عناديه
تسلمين على الصراحه وانا بعد عارفه هالشي ترى يبان من المعامله بس عادي عندي لأني تعودت ودامها بعد تعاملني زين ما عندي مشكله

اختي سمسومه ماشاء الله عليك فعلاً ان كيدهن عظيم تصدقين ما خطر في بالي هالشي فكره حلوه بس ما اقدر اطبقها حالياً لأنه الليسن توني مطلعتنه واخاف الصراحه اخلي كميه قليله من البنزين في السيارة اقوم انا أسوقها بعدين توقف علي في نص الطريق وابتلش فيها وييييييي مصيبه ما اتخيل عمري ههههههه تسلمين حبوبه

groohonley هلا يالغاليه تصدقين افكارنا متقاربه انا بعد افكر اني اوقف صرف على النت مشكوره عزيزتي على المشاركه

هلا والله اختي شيهانه عزيزتي السيارة الأولى كانت للوالده الله يحفظها وهي كانت تدفع البنزين وقبل لا تخترب السيارة بفترة بسيطه طلعت الليسن وقلت بشتري سيارة جديده حقي ويوم اختربت قالو خلاص دلع بتشتري سيارة وبتقضي لنا مشاوير البيت!!!؟؟؟؟ مع ملاحظة صغيرة هم كلهم عارفين إنه اولوية استخدام السيارة والمشاوير لي انا بعدين حقهم بس لا تنسي اختي اني تكلمت عن النت بعد انا معترضه ليش ادفع قيمه نص الاشتراك بالنت على الرغم من عدم استخدامي وهم الآن لا يريدون ان يشاركوني في نصف البنزين على الرغم من اني سوف اقضي مشاويرهم

هلا اطياف الرياض فعلاً هذا اللي قاعد يدور في راسي الحينه وان شاء الله بكلمهم في هالموضوع وبشوف شوف ردة فعلهم مع انه بعد احس موبكافي ترى اشتراك النت ثابت بس البنزين تعرفين يختلف حسب الاستخدام

أخوي أبو فراس النمري
جزاك الله خير على الإطراء على عائلتي وتبسيط الموضوع كذلك وفعلاً سوف اقوم بهذه الخطوه واريح راسي من كل هذا الأمر حتى لا اخفيك سراً أرى ان هذا الرفض اتي لصالحي ربما بما ان اخي رفض مشاركتي في البنزين فهذا يعني عدم الزامي بالخروج لقضاء حاجياتهم خصيصاً

فيافي نجد ما شاء الله عليكي مسالمه ولا بعد هديه هههه جزاج الله خير على الروح الطيبه بس الصراحه احس انهم بهالطريقه يستغلوني ليش يعني يريدون ان يأخذو فقط دون ان يعطو ؟؟؟ على كل حال ان شاء الله هالموضوع ما راح يأثر وايد علينا وشكلي بتوصل لاتفاق معهم بخبركم فيه

هلا والله نايت تعرفين إني احبك في الله احسك انسانه طيبه وحبوه ودايماً مبادره في ابداء الحلول وتصدقين انه إجابتك يوم قريت ان النفقه على الأهل اعظمهم اجراً لم يعد يهمني موضوع البنزين فعلاً وسأقوم بخطوة ما ان نجحت كان بها وان لم تنجح كذلك فلن اتضايق وسأتكفل بالمصاريف بعد ردك الجميل ( أحب دائماً ان أجد الردود المقنعه التي تكون مدعمه بالأحاديث والآيات الكريمه)

جزاااااااااااااااكم الله جميعاً خيراً على مشاركتكم اللتي بحق ساعدتني كثيراً في ترتيب افكاري وسأخبركم ان شاء الله قريباً ألى ما توصلنا إليه

راي سديد وموفق 100 % ان شاء الله..

وعن موووضووع الامهااات والاخوووانن يوووه ياختي ابدا لا تسأليييين :19:!!

الله يعين الجميع ..ويهدي امهاااتنا .. اللهم زد مقدار مودتنا في قلووب امهااتنا حتى تطغى على موودتهن لاولاادهن ..:(

إخواني شكراً لكم جميعاً على تعاونكم معي في حل المشكله وابشركم بأنه قد تم التوصل الى اتفاق بأن يقوم اخي بدفع تكاليف النت وانا ادفع البنزين وعلى فكره يا إخوان ماحد فهمني بالضبط ليش كتبت هالموضوع غير اختي صدى صمتي جزاها الله خير المشكله نعم تكمن في تفكيري هل ما افكر به انا الحق ام هم تصرفهم على حق ليس اكثر فالمال كما اخبرتكم في السابق مبلغ زهيد وليس بذلك المبلغ ولكن ما اردت معرفته هل انا محقه في مطلبي بمشاركتي بالدفع ام لا ؟؟ لأني في الحقيقه شعرت من نظراتهم بأن طلبي مستهجن

يمكن المشكله حلت والحمدلله... لكن انا عندي مداخله ..

اول شي يمكن امك في صف اخوكي من باب ان الرجل عنده مسؤلية الزواج والبيت والزوجه وراه يجمع للعرس يعني .. فتبي تخليه يوفر ...
وفي سبب ثاني انا اشوفه جوهر الموضوع واتمنى ماتزعلي مني ..
النت عام للجميع في البيت ... يعني متى مابغيتي انتي او غيرك فتحتوه ... واكبر دليل انك تستخدميه تواجدك معنا والله لايحرمنا منك ... مومهم قدر استخدامك له باهمية السماح لك انك باي وقت تدخلين لانه يعتبر ملكيه عامه... ولو انك ماتستخديه فكما ذكرتي ان اخوك اللي يدرس يستخدمه يعني دفعك ومشاركتك في مصاريف النت هو مساعده للاهل مولاخوكي الكبير بوجه التحديد .. لان اخوكي الصغير مايشتغل ..



اما السيارة فهي ملكيه خاصه لكي انتي ... يعني لواخوكي بيستخدمها لازم وحتما يستأذن منك وبيدك توافقي او ترفضي.. وبماانها ملكك الخاص فانتي المسؤوله الوحيده عنها ...
ممكن تطلبي من اللي يستخدمها ان يفولها بنزين قبل لايجيبها... اما المشاركه الشهريه .. احس واسمحيلي انها مومن حقك ... كماان مومن حقهم استخدامها بدون اذنك .

اتمنى ماتكوني زعلتي ... وهذا رايي والله يوفقك ...
واتمنى انك ماتقطعي مساعدتك لااهل لان في ذلك اجر عظيم الله لايحرمك منه .