|
لمن الحضانة ؟
السلام عليكم ورحمة الله وبركاته
ولد عمره سنة . أمه وأبوه أنفصلو . لمن تكون حضانة الولد ؟ ولو الأم تنازلت عن الحضانة هل لها الحق في إنها ترى طفلها ؟ وتقريبا كيف راح يحكم القاضي ؟ يعني تشوف ولدها مرة في الأسبوع أو مرتين .. أرجو من اللي مر بنفس التجربة يفيدنا |
اوكي بسالك الوالد وارد عليك الله يخلي لك ولدك ويعوضك كل خير تقبلي مروري |
شوفي بالشرع الحضانه من حق الام للولد وبعد سبع سنين يخير بين امه او ابوة والولد هو الى راح يختار
ام البنت من هي عمرها ان شاء الله يوم او شهر او اربع سنين الحضانه من حق الام الين سن سبع سنوات بعدين ابوها ياخذها لحضانته هذا الشرع يعني تطمني باذن الله الولد من حقكك حضانته انتي شرعا وعرفا بس اذا امه تنزلت عنه والله ماعندي خلفيه بهالامور لان امر مثل كذا القضاة ادرى فيه والله اعلم |
الله يسلمك في إنتظارك هذا ولد أخوي يا الغالية
|
اقتباس:
طيب لو الأم ما تبغ الحضانة كييييف؟؟؟ ولو رفضتالحضانة ممكن تزورها عند أبوها ؟ يعني الأم تبغ الحضانة عند الأب . وتبغ لها الزيارة فقط |
اقتباس:
على كذا الامور سهله ماشاء الله ذا امه ماتبغاة خلاص القاضي هو الى راح يحدد ان امه لها يوم او يومين بالاسبوع تشوفه وبكذا يكونون متفقين :22: |
نعم اختي لها الحق ان تشوفه ويجلس معها ويبيت عندها ان ارادة (تكون بين الوالدين بتفاهم)
اذاكان بشرع الى ان تتم الرضاعه اي حولين.......... والله اعلم............ز |
اختي غموض السنين القانون اذا كانت في المملكه العربيه السعوديه.......
بشرع طبعاً ليس للمأم حضانه الا الرضاعه حولين...... والقضاه في المملكه حفضهم الله مختلفين في الحضانه........ والقول الراجح يكون للأب ثم الجد ثم العمان......... والله اعلم.......... |
ياأخوان الأم رافضة الحضانة .. ولا تبغ الولد .. والولد ما يرضع منها .. ياخذ صناعي
راح ياخذه أبوه .. وإحنا مانبغ يكون في تفاهم بين الأم والأب.. نبغ الشرع يحدد ونبغ قانون حتى لا يصير إختلاف بعدين .. يعني نبغ مثلااليوم الفلاني تشوفه الأم .. وخلاص مو كل يوم تلفونات وإذا حدد مثلا القاضي إن لها يومين في الأسبوع . . مين يجي للثاني .. هل الأم تجي للولد .. أو العكس ؟ |
اقتباس:
هلا اخوي غارق :d والله الى اعرفه ودرسته بالشرع:d:d ان الولد والبنت كلهم من حق الام الين سبع سنوات بعدها الولد يخير :25: ولبنت ياخذها ابوها بدون تخيير :18: هذا والله اعلم |
اقتباس:
خلص اذا الطرفين متفقين مافي مشاكل الحمدلله يروحون للمحكمه ويشوفون القاضي وش يحكم بينهم وكيف تكون زيارة الولد لامه |
اقتباس:
|
لحظه أفهم أنا كي أستطيع فك حيرتك:
أولا كم عمر الولد.. ثانيا هل الوالدين من ذات الجنسيه أم مختلفين كل منهما من دوله.. ثالثا التنازل هل لعدم مقدره الأم أم لأنها تريد الزواج أم مجبوره على ذلك من قبل أهلها.. اذا جاوبتي على ماسبق فسنوضح لك الصوره..أتمنى لك كل ماهو أجمل بالوجود..في رعايه الله |
اقتباس:
أختي عمر الولد سنة . نعم من نفس الجنسية ويسكنون في نفس المدينة التنازل لل(عناد) لأنو الأب راح يتزوج فهي زي قولة خذ ولدك وأتكفل فيه دام إنك طلقت . أما عن القدرة فهي مقتدرة تمااما وليست مجبرة ولا شي .. أشكرك سابنا |
بصراحه أمهات آخر زمن..
المهم أختي شرعا حضانه الولد لوالدته حتى بلوغ السابعه ثم يخير مع من يعيش أو بالأحرى يكمل حياته مع الأم أو الأب.. قانونا الزياره لامانع منها يحددان هما اليوم ومن ثم يخبران القاضي بالأتفاق ليتم توثيقها والألتزام بها.. وجهه نظري المستقبليه: لاأعتقد والله أعلم أنه سيحن عليها في كبرهاحينما تصبح عجوزا وتحتاج له لأنها تخلت عنه حينما كان في أمس الحاجه لها.. ومن دراستي النفسيه الطفل يتعلق بوالدته فتره الطفوله ولايمكن أن يعتمد على نفسه الا في سن متأخر قليلا وهي بفعلتها تكون قد قطعت الأتصال العاطفي بينهما فبالتالي حدث خلل في التركيبه النفسيه التي قد تؤثر على نموه الطبيعي.. أرجو أن تعيد النظر وليكن عقلها أكبر من مسأله الطلاق..أتمنى لك كل ماهو أجمل بالوجود..في رعايه الله |
اختي ام محمد شرعاً واصوله الام ليس له التخير يكون لوالده...................
|
والله يا أخوات المسأله صارت بهذا الزمن موضة .
أنا صراحة مع الأم ومو معاها .. ! يعني لو بتفكرو فيها . الطلاق بهذا الزمن صار كثير .. الله يكفينا الشر .. والام تطلع من بيت زوجها ومعاها طفل لنفرض عمره سنة . والأم عمرها 25 تقريبا .. كيف تاخذ ولدها معاها وتربية ؟؟ يعني تبغ تتزوج .. وتتوظف .. أو تكمل تعليمها .. كيف والولد معاها ولو بتنتظر ولدها سبع سنوات بيضير عمرها 32 سنة !!! مين بيتزوجها وهي في هذا العمر .؟ وكمان تكون أتعلقت بولدها والولد أتعلق فيها بينما الأب يروح ويتزوج ويخلف وكمل حياته .. أنا صراحة ألتمست لها العذر .. أدري صعبة على الولد .. ولكن أيضا صعبة على الأم . ولو فرضنا إنها تزوجت الزوج ماراح يروافق إن الولد يعيش معاه .طيب والحل ؟ يعني الله لا يحط أحد في هذا الموقف .. لكن فعلا صعبة من جميع النواحي .. أنا من أمس والموضوع شاغل بالي .. وأحاول أدور له مخرج ومو لاقيه .. الله يكتب اللي فيه الخير |
اقتباس:
الولد اذا صار عمره سبع يروح المحكمه اذا فيه قضيه مرفوعه من أحد الأطراف المتنازعه على حضانته القاضي يسأل هل أنت تبي تكمل مع أمك ولا تروح لأبوك..عكس البنت لأن موضوع زواجها بيد الولي ولأنه الأقدر على حمايتها فلا تخير بل تجبر بأمر قضائي لااستئناف فيه الا في حاله عدم كفاءه الأب أخلاقيا كأن يكون مدمن مخدرات أو شارب خمر والعياذ بالله.. والشرهه على المناهج اللي ندرسها..أتمنى لك عام دراسي موفق وفالك الأمتياز..اسأل الله لك كل ماهو أجمل بالوجود..في رعايه الله |
اقتباس:
وكان عندها ولد واحد وجلس اخوي ست اشهر ماتزوج وتحت ضغط الوالد تزوج بوحده عندها ولد الان هو يعامل ابنها زي ابنه وحتى ابوي وكلنا نحب هذا الولد خصوصا وان ابوه رجل سفيه يعني مدمن وخربان00اصابعك مو زي بعض:25: |
يالله على هالقلوب
فعلا يعملوها الكبار ويقعوا فيها الصغار |
اقتباس:
مناهجنا يدروسون حقوق الزوجين بالابتدائيه والانجليزي بالمتوسط:d:d:d امحق مناهج:27: |
بصراحه أنتي مسيطره على أخوك انتي احس انك مالك دخل ابوه وامه يتفاهمون حتى هذي تبغين تتدخلين فيها ابوه وامه على حسب اتفاقهم لو سمحتي معليش تقبلي وجهة نظري بس احسك مسيطره
|
اقتباس:
شوفي اختي انا صحيح ما اقدر اسوي مثل هالام ولا ايدها لكن ما اقدر اتهمها ليه ما تشوفون تصرفها من زاويه اخرى ما فيه ام ما تبي مصلحة اولادها قد تكون ترى في تصرفها هذا مصلحه لولدها يمكن تبي الاب يحط في باله ولده قبل كل شي ويحس بمسؤليته تجاهه لان مصير الولد لابوه مو بعد ما يكبر الولد بعيد عن ابوه والاب يبني حياته معتمد على بعد ابنه وبعد ما يرجع الولد لابوه يلاقي كل منهم (الاب والولد ) صعوبه في التاقلم على الوضع الجديد ويمكن تبي ترجع لزوجها وهذي هي حيلتها بالعوده له (لا اأيد هذه الطريقه )لكن من حقها ان تستخدم كل الاساليب طالمى لم تتعرض للحرام وليس من حقكم منعها او الوقوف عقبه في طريق عودتها اتركو الاب والام يتفاهمون قدر الامكان بدون محاكم وعادا العناد يكون في البدايه فقط كردت فعل واذا ما حصل تدخلات ممكن يختفي العناد بسرعه اذا الام متنازله عن حضانه ابنها فالاب ملزم بكل الاحوال بابنه وليس من حق الاب ان يحرم ابنه من الام حتى لو كانت الام ما تبغاه لكن الولد يبى امه وهذا من بر الاب بابنه اما الام في الشرع غير ملزمه باطفالها حتى الرضاع اذا هي وافقت على ارضاع ابنها يعطيها طليقها اجره على ارضاع ابنها اعرف رجل في الخمسينات من عمره وامه مطلقه من كان صغير وكان عند ابوه ويحكي لنا وهو ممتن جدا لابوه وحامل جميله لان الاب كان يذهب بابنه الى المدينه التي تسكن بها امه ويتركه يذهب يراها ويخيره اذا تبي تنام عندها اروح واجي لك بكره واذا تبي ترجع معاي باجلس استناك لحد ما تسمح وفعلا كان يجلس يستنى في الشارع و في الشمس لحد ما يرجع ولده ويقول له خلاص بروح الان وفي كل مره يطلب الابن يشوف امه يذهب به لها طبعا هو يفعل هذا لاجل ابنه فقط ولم يحاسب ابنه على ما كان بينه وبين طليقته او حتى قال تبي ولدها تجي تشوفه ما منعتها |
اقتباس:
|
حرام عليها الولد ماله ذنب حتى ولوكان مايرضع منها يكفي يحس بحنانها ليش كذاااااااااااااا وين الرحمــــــة ياربية حرام عليها كلمت ام ام رحمة عطف حنان موتنطله على ابوة حتى لوصار طلاق واذا مونهاية العالم اربي ولدي وش ذنبة واذا جاء نصيبها تشرطة معها تزورة موتحرمة من الحين ليش القسوووووووووووة وربي انقهرت الله يهديها وياعمري على هالنونو مايبونة وش ذنبة يعيش بعيد عن امة ولابعدتحدد زيارة ا سامحيني وش هالدنيا القوة عامية قلبهاااااااااااااااااااااا ردي قاسي بس مقهورة ناس تدور العيال وناس ترمي عيالها سبحان الله |
السلام عليكم ورحمة الله ...
بالنسبة للحكم الشرعي والقضائي في هذه المسألة تفصيله كالتالي: هذه الروابط فيها تفصيل لمسالة الحضانة: http://www.alzwaj.org/?goto=8&id=8391 http://www.islamqa.com/ar/ref/20473 http://www.islamqa.com/ar/ref/8189 وفقكم الله .. |
وعليكم السلام ورحمة الله وبركاته 00 لا يستطيع احد ان يفصل في صورة معينة لأنها راجعة لإجتهاد القاضي وتؤثر فيها عوامل كثيره 00اما مناحية إعطاء صورة عامه وبشكل عام فقد يكون وخاصة اذا كان الوالدان اكفاء للتربية ولا يوجد ما يمنع أهليتهم للحضانة 00 أما بلنسبة لرؤية الإبن فهي محض حق لكل منهما كفله الشارع الحكيم وأما مايتعلق بالمدة فهي ترجع الى ما ذكرت سابقاً من العوامل 00 مثل البعد والقرب من سكن الحاضن الأصلي فقد يكون في منطقة بعيدة وهذا في الأعم الأغلب يكون الحكم فيها صلحاً بين الطرفين 00فرج الله همك وأصلح ذريتك ورزقك برهم 00 |
| الساعة الآن 11:06 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©