|
تجربتي في تجميع دم الحبل السري لمولودي..(للفائده)
السلام عليكم ورحمة الله وبركاته،،
حبيت انقلكم تجربتي في تجميع دم الحبل السري الخاص بابني عبدالله الله يحميه حتى الكل ياخذ فكره عنها.. بداية دم الحبل السري يستخدم كاحدى سبل العلاج الناجحه باذن الله للعديد من الامراض كامراض الدم والجهاز المناعي والاورام وذلك لاحتوائه على خلايا تعرف بالخلايا الجذعيه.. وليس الطفل وحده من يستفيد بالخلايا الجذعيه اذا دعت الحاجه لا سمح الله بل اذا احتاج كذلك احد الاقارب الى متبرع بالنخاع العظمي (اخ - اخت- ام-اب-عم-خال-جد).. ويمكن حفظ الخلايا الجذعيه من دم الحبل السري لفتره طويله جدا (اكثر من 20 سنه) لاستخدامه في المستقبل متى ما دعت الحاجه لذلك لا قدر الله ... بالنسبه لي عند دخولي الشهر التاسع ،، اخترت بنك معين من بنوك حفظ دم الحبل السري واعطوني علبة مغلفه تغليف خاص وطلبو مني اخذها معايا الى المستشفى متى ما حسيت بالولاده..واعطوني رقم اتصل عليه لما احس باول علامات الطلق.. وكلمت دكتورتي قبلها بوقت واعطيتها خبر عن رغبتي في تجميع دم الحبل السري الخاصه بمولودي.. ولما جا يوم الولاده وانا بالطريق كلمتهم وارسلولنا مندوب عالمستشفى وانتظرني الين ولدت وقامت الدكتوره بالتجميع وسلمتهم اياها .. حبيت انقلكم تجربتي للفائده واي سؤال انا حاضره... |
طيب وفين يتم حفظها ؟؟
وكم كلفتك ماديا الحركة هذه ؟؟ صراحة أول مرةأسمع فيها |
الله يجزاك خير أول مره اسمع بها بس بصراحه مفيده للحاجه الله لايقدر وان شاء الله ماتحتاجين لها بس حبيت اسألك ياأختي هل تؤخذ من الطفل قبل قطع الحبل السري أو قبل وهل هي مؤلمه للطفل &
|
بارك الله فيكِ غاليتي
فعلا عمل اسأل الله العلي القدير أن يثيبك عليه .. قلّه من النساء من يفكرن بهذا العمل .. برغم ما له من نفــــع كبير وفائدة .. انتِ بذلك بإذن الله تعالى قد حميتِ طفلك صدقاً .. سعدت كثيراً بهذا الموضوع .. لأنه سيفتح نااافذة جميلة لجميع الأخوات .. والأمهات .. أنقل فقط للاخوات توضيح لهذه العملية وما مدى فائدتها .. اقتباس:
بارك الله فيكِ اختاه .. وجزاكِ الله كل الخير ياغالية على هذه المشاركة الطيبة لأخواتك .. بوركَ فيكِ |
والله انا كنت ناويه اسويها وماسويتها الله يارب مايحيجنا
|
جزاك الله خيرا على المعلومة المفيدة
و ألف مبروك البيبي عبد الله |
معلومة جديدة ..!
طيب حبيبتي ودي أسألك الآن المختبر أخذوها عندهم يحفظونها لكم ولاممكن يستخدمونها ؟؟ ولو أحد احتاجها ممكن يعطوه ولايستأذنون ولايبيعونها ولاكيف بالضبط ؟؟ |
ماشاءالله عليك
اتذكر هالمعلومة قراتها من كم سنة وكنت اقول بنفسي وين بحفظ الحبل السري؟ ومرة سألت دكتورة وضحكت وقالت هذي دراسة وبرا موعندنا!! <<< حطمتني طيب انا ابغى اسويها وين القى مراكز لحفظ الحبل السري في الرياض؟ ياليت تساعديني الله يسعد قلبك |
كم كلفك الموضوع ؟؟
أنا كتير كان يوصلني على الايميل نصائح من أجل هذا الأمر لكن الموضوع مكلف شوي بهالبلد (دولة أجنبية) مع العلم انه الطب مجاني لكن مثل هذا الأمر مكلف و لا تتكفل به الحكومة |
:11::11::11::11::11::11::11::11::11:
هلا ام عبودي تصدقين اول مرة بحياتي اسمع بالشي ذا :25::25: طيب اذا بغيته لا سمح الله بعد كم سنه وين تلاقينه معاك وصل او شي منهم |
جزاك الله كلللل خير وحفظك ومولودك من كل شر ومرض...
بس معليش حبيبتي نفسسس الاسئلة... طيب وفين يتم حفظها ؟؟ وكم كلفتك ماديا الحركة هذه ؟؟ |
سبحان الله معلومة جديدة
خسارة جت متأخرة ولا كان عملتها لما ولدت الله يعطيك العافية كريستالا والله نفعتنا هالمعلومات ويعطيك الف عافية مشرفتنا كيوت بارك الله فيكم تحيــــــــــــــــــــــــــاتي |
يسلمو على هالفكرة انا اول مرة اسمع عنها
|
انا المستشفى هم الي لهفو الدم من الحبل السري عيني عينك:23: لا احم ولا دستور :(
|
متابعه وين بالرياض وكم تكلفتها؟؟
|
وينك يا صاحبة الموضووووووووووووووووووووووع؟
|
احنا في انتظار الرد علي الاسئله
|
كريستااااااالالالا...فيييييييينك...ننتظر ردودك على اسئلتنا...؟؟!!
|
سبحان الله
معلومه جديده علينا جزاكم الله خير كيوتي كريستاله |
اقتباس:
يتم حفظها في بنك دم الحبل السري اصبحت منتشره الان في البلد بالضبط زيها زي بنوك الدم العاديه .. كلفتني خمسه الاف ريال.. ثم كل سنه في يوم ميلاد الطفل حدفع 500ريال الى ان اكمل 12 الف ريال.. انا اخترت هذي الطريقه لانها الانسب لنا.. هناك طرق مختلفه للدفع ممكن بالتقسيط وممكن تدفعي 12 الف دفعه وحده وخلاص..يعني باختصار كل واحد يختار طريقة الدفع اللي تناسبه.. |
يعني في وموجودة في الرياض ؟؟
|
اقتباس:
والطفل ابدا ما يحس بشي ولا يضره بشي واصلا في السابق كانو يرمو الحبل السري ويعتبروه من المخلفات. |
مشرفتنا الغاليه كيوت بيبي
اشكرك على مرورك وعلى اضافة تفصيل اكثر لهذه العمليه .. وحبيت اكتب تجربتي حتى نشجع اخواتنا على هذا العمل بما انه جديد على العالم العربي وكثير ناس تتخوف منه .. |
رانيا هاشم
مدمنة المنتدى اتمنى تكونو استفدتو.. |
السلام عليكم
جزاك الله خيرا اختي على المعلومة اول مرة اسمع فيها جعله الله في ميزان حسناتك |
اقتباس:
|
اقتباس:
وفي الرياض اعرف بنكين .. Future Med Cryo Save اذا مسموح ممكن اعطيكي ارقام تلفوناتهم وتستفسري منهم بنفسك حتى يطمئن قلبك .. هذا غير بالمستشفيات الكبيره زي المملكه والتخصصي الطبي والحبيب معلقين اعلانات ونصايح تشجع على هذا العمل وحاطين عناوين بعض البنوك. |
اقتباس:
|
اقتباس:
طبعا معانا وصل والعقد اللي وقعناه معاهم هذا غير انه لهم فلوس عندنا ما دفعناها لسه زي ما قلتلكم كل سنه لهم 500 ريال عندنا الى ان نكمل ال12 الف ريال... |
اقتباس:
يتم حفظها في البنك يا ستي والتكلفه موجوده بالردود اللي فوق اي سؤال اخر خذي راحتك يا عسل :) |
اقتباس:
لا متاخره ولا شي اعمليها ان شاء الله في البيبي الجاي حيث انه الاخوان يقدروا ياخذو من بعض اذا دعت الحاجه لا سمح الله لانه نسبة التطابق تكون عاليه.. |
حبيبي دوما
ان شاء الله لما تحملي انوي النيه واعمليها مش خسرانه شي .. جينز والله وقاحه كيف المستشفى ياخذها من دون اذن؟ شي عجيييب هالمستشفيات.. منووله انا عرفت عنها من مستشفى المملكه والتخصصي الطبي لاني كنت اراجع عندهم وبعدين انا عملت بحث بنفسي الين استقريت على بنك معين.. فيافي نجد اشكرك عالمرور:) |
و الله مكلف جداااااااااااااااااااااااااااا متل هذا البلد ما فرقت شي
|
ايش الامراض اللي ممكن تتعالج عن طريق دم الحبل السري؟؟؟؟؟؟؟؟؟؟؟؟؟؟
|
حبيبتي
مثل اللوكيميا وامراض الدم ارجعي اقري مشاركة كيوت بيبي فيه شرح وافي :) |
ماشاء الله عليكي صراحه انا شفت الدعاية اللي بحيب و حطيتها في بالي وانتي شجعتيني اكثر واكثر ان شاء الله بس احمل اسويها والف مبروك على قومتك بالسلامه والله يحمي لك عبودي وتفرحي باخوان واخوات له يارب |
معلومة غريبة وجديدة نتمنى لك التوفيق
|
| الساعة الآن 02:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©