|
معاناتي كل شهر....ممكن الحل
السلام عليكم أتمنى ألاقي عندكم الحل ياأخواتي أنا دائما في أول يومين للدورة أتعب كثير ......صداع ودوخات والألم في اسفل البطن مرة شديد أحس كان فيني شي بيتشدد ثاني شي أحس الم مو طبيعي برجولي وخاصة فوق الركبة الم ينخر العظم غير الم الظهر والله تعبت وهذا طبعا له سنين ...........لدرجة بعض الأوقات مااتحمل واروح المستشفى واخذ ابر مسكنة حتى ايام دراستي بالكلية كل شهر اغيب في اليومين الأولى لأني مااقدر امشي زوجي صار يعرف اني ماعلية صلاة لما يشوفني على السرير ولابسة جاكيت وشراريب ومتغطية ببطانية تقولوا كأني بالأسكيمو :24: رغم ان الجو حار عندنا طبعا أنا ماأحاول اشرب اي شي بارد وقتها.........اشرب حليب ...أو قرفة......شاي بس الألم مايروح أبدا ......استخدمت بونستان بس ماما منعتني تقولي يخرب الكلى والأن بستخدم سابوفين......بس مابيخفف كثير قولوا لي على حل .......أبغى الألام تخف عني وأقدر أتحرك وأقوم بدل جلستي عالسرير حاسة الآن ببداية الألم ياليت تلحقوني بالحل ضروري وجزاكم الله خير تحيــــــــــــــــــــاتي |
الله يكون بعونك يا اختي
الحمد لله انه زوجك مقدر و ماخذها بروح رياضيه اختي انت كيف اكلك ووزنك و تاخذي ادويه ثانيه لها مضاعفات جانبيه تشربي حليب و منتجاته يمكن عندك نقص بالحديد انيميا اقترح تعملي تحاليل و تكشفي و تتاكدي من نسب الهيموجلوبين و الكالسيوم باقي المعادن الي بالجسم و عمل الغدد انا ما عندي خبره بس اسمعهم يقولون كمان عن هشاشه العظام بس ما تهملي نفسك |
هلا اختي يارب يبعد عن وعنك الشر اختي انا مثلك بس شهر عن شهر الشهر الي راح ماقدر اقوم ولا اتحرك والشهر هذا الم خفيفه بس عليك بالكمون والقرفه والزنجبيل ودفي نفسك اوي وانا حبيت ادخل وادعيلك الله يخفف عن وعنك الم يارب دعوتك لبنتي ابي حرارته تنخفض لنها مرتفعه
|
اشربي ايبوبروفين 400 راااااااااااااااااائع للألم
أو 2 باراسيتامول و حتنسي الألم بإذن الله |
أختي كل هذا طبيعي
الدورة أعراضها تختلف من فتاة لأخرى و في كتير بروحوا المشفى من الألم أنا كان ينزل ضغطي و اسقط على الأرض و صارت معي مرتين في الكلية و مرة وقت دخولي للامتحان !! أختي هناك عدة أدوية مسكنة شبيهة بالآبوبروفين اللي بتاخديه جربي الديكلوفيناك لكن ضروري تاخديه بعد الطعام كي لا يؤذي معدتك و اذا كان يباع عندكم على شكل حقن ممكن تاخديه على شكل حقنة بتخفف عنك الألم بشكل أسرع من الحبوب لكن هذا في بعض الدول غير متاح الا في المشافي و ان شاء الله بعد الزواج و بعد ما تحملي و تنجبي بتتغير كل هالأمور و بتصير دورتك أخف ألم لأني بتوسع الرحم أتمنى أكون أفدتك |
بعد الولاده كلو يتغير
ما تخافي كنا مثلك |
أتوقع الاخت عندها أولاد وهذا واضح من خلال التوقيع
اختي اتركي المسكنات وعليك بالاشياء الساخنة والادويه الشعبية الموثوق منها |
هههه . الله يستر بس .. :24::24::24::24::24:<< خوفتيني ع حالي انا نففففس الحاااااالة ... وزيادة عليها ألم في كل عظام جسمي .. ونفس الشي أغيب عن الدوااام وتفوتني محاضرات أول يومين:29::( .. وطبعا الكل صار متبرمج على حالتي:22::21: .. وموضوعك خلاني أفقد الأمل:29::29: .. الكل كان يقول بس تتزوجي بيخف الألم :29:.. انا حالياً قبل موعد الدورة استمر على شرب مغلي البردقوش .. أو ما يسموه الدوش .. لانه هذا منظم هروموني رااائع وطبيعي واكتشفوا أنه يساعد في تخفيف عسر الطمث .. وأول ما تجي الدورة .. فووووراً مغلي الكراوية واليانسون وبحط معهم رشة قرفة .. وبعدها << ضروووري شغل الصيدلة يطلع:23: .. حـــــبة ابيوبروفن ((سابوفين أو بروفينال أو بروفين))400 أو 600 .. حسب الحالة ..بس ضروري تاخديها بعد الأكل عشان لا تؤذي المعدة وحبة واااحدة فقط والحمد لله الألم بيخف كثير .. لايختفي .. بس بيكون أخــــــف . الله يهونها عليكِ ويخفف عنك .. |
اقتباس:
هلا حبيبتي بالنسبة لأكلي والله موكثير ..........بحاول انحف لكن الوضع هذا من يوم تزوجت ..........يعني مااعتقد حسب الأكل أما الوزن فأنا زايدة عن وزني الأصلي تقريبا 5 كيلو ومااستخدم ادوية ابدا بسسس انا دايما عندي فقر دم وبيعطوني حبوب او ابر على حسب النسبة وعملت تحاليل واشعات عند دكتورة نساء وولادة وقالت لي مافي شي بالعكس كله تمام بس المعادن الثانية والغدد مااعتقد اني سويتها جزاك الله خير على التنبيه والله يبعد عنا وعنكم الشر تحيـــــــــــــــــــــــاتي |
اقتباس:
لا حول ولا قوة الا بالله يعني انتي مثلي الله يشفيكي ويعافيكي الله يسعدك ويبعد عنكم الشر ويشفي بنتك يارب روشيها بموية عادية واعطيها مسكنات مثل سابوفين أو ادول واذا مانفعت اعطيها تحاميل فولترين الخاصة بالأطفال واسألي الصيدلي كم مرة الله يقومها بالسلامة مشكورة لإهتمامك تحيــــــــــــــــــاتي |
اقتباس:
الله يعطيكي العافية ياقلبي شكرا لك بوصي زوجي يجيب لي الدوا بعد الفجر ولك دعوة مني جزاك الله خير تحيـــــــــــــــــــــــاتي |
اقتباس:
مشكورة حبيبتي ماريا بس انا متزوجة وعندي اولاد الله يحفظهم وهذا كله بدأ معاية بعد الزواج بجرب الدوا اللي قلتي عليه واشوف اش اللي انسب وافضل جزاك الله خير لإهتمامك والله يسعدك ويقومك بالسلامة تحيــــــــــــــــــاتي |
اقتباس:
حبيبتي انا خلاص اتزوجت وولدت الله يعين ويساعد مشكورة لإهتمامك وجزاك الله خير تحيــــــــــــــــــــــاتي |
اقتباس:
ماشاء الله عليكي انتبهتي اني عندي اولاد الأدوية الشعبية ممتـــــــــازة بدون شك بس مااتقبلها أكثرها مرة ولا أمي ياما نصحتني بيها بس ماسمعت كلامها اليوم قالت لي فوري الحبة السوداء في موية واغليها وصفيها واشربيها ...........راح تدعي لي بجرب والله المستعان مشكورة ياقلبي على إهتمامك وجزاك الله خيرا تحيـــــــــــــــــــــــــاتي |
اقتباس:
كيوتي ........أقسم بالله كأنك تتكلمي عني بالضبط لا تخافي ان شاء الله تتزوجي وتخف عنك بس سمعت ان البردقوش يخفف الضغط .....صح؟؟؟؟ الضغط خلقة منخفض بسبب فقر الدم بس نشوف ونجرب واليانسون والكراوية والقرفة موجودة وشوية اقوم اسويها واشربها وطبعا الأدوية شر لابد منه الله يخفف عني وعنك يااااااااااااااارب جزاك الله كل خير لإهتمامك تحيــــــــــــــــــــاتي |
الله يعيننا وإياك ..
والله نفس المعاناه ..يا ليت ألقى حل .. زمان كانو يقولوا بس تتزوجي راح تخف الألام.. تزوجت ولا تغير حاجة ..قالوا لا لما تخلفي ..خلفت وكمان نفس المشكلة .. نصيحتي لك جربي اليانسون والقرفة ..حلوة هي تهدي الألم وتنشطك كمان .. وانتبهي تبردي لأنها تزيد الألام من البرد ..واستخدمي كمادات موية دافيه على بطنك .. بيني وبينك هيه تعبني بس أنا أفرح لما تجيني لأني أخذ إجازة يومين من شغل البيت والطبخ والنفخ .. |
اقتباس:
الله يعينك ويعيني ونلقى حل لهالمشكلة بإذن الله بسوي اليانسون والقرفة وأما حكاية البرد ........فأنا بهذلت زوجي من كثر مااطفي المكيف بردااااااااااااااانة مرة والكمادات فكرة طيبة ........تخيلتها انها بتريحني بعد الله الله يسعدك ضحكتيني أنا مثلك اخذ اجازة في كل شي .......إلا الجري ورى الأولاد الله يحفظهم.. والله اني اخاصم عليهم وانا على السرير واضطر اقوم لهم لو زادت الحالة عندهم (حالة الشقاوة والمضاربة) الله يوفقك ويحفظ لك اولادك وجزاك الله خيرا تحيـــــــــــــــــــــاتي |
[table1="width:95%;"] | [/table1]اقتباس:
غاليتي . بما أنكِ تعاني من انخفاض*طبيعي * في الضغط فابتعدي عن البردقوش . وبما أنكِ تعاني من الأنيميا والضغط المنخفض فهناك وصفة مجربة من أحد قريباتي عصير البنجر والعنب ..جربيه ورح تلاحظي فرق في فترة قصيرة والله يخفف عنك ويلبسك ثوب الصحة والعافية .. << ردك ورد قوالب خلاني أتفاءل:( بأن آلام الدورة مارح تختفي بعد الزواج:29::28: الله يسعد قلبك وينولك كل ما تتمني اسأل الله لكِ دوام الصحة والعافية |
اشربي شي سخن متل القرفة
وابعدي عن الادوية بعد فترة جسمك بيتعود وما بيعود بينفع معك شي الله يشفيكي |
الله يعينك أختي و الله شي صعب
اذا كنتي مركبة اللولب حاولي تشيليه و تستخدمي وسيلة اخرى لمنع الحمل |
| الساعة الآن 03:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©