|
اول مره اعترف اني لست واثقه من نفسي
اعتبروه فضفضه ياجماعه وقولوا اللي تقولونه عن اختكم توته وزوجها
في البدايه حابه اعطيكم نبذه عن حياتي والاسباب اللي خلتني مو واثقه بنفسي انا الطفله الخامسه من بين 7 اطفال والبنت الثانيه من بين 3 بنات عشت في بيت يستخدم اسلوب الضرب والتهديد والوعيد وكان ابوي ربي يسامحه يضربنا بالخيزران او الهوز او الواير وماكان يهزه صياحنا وبكانا وامي ربي يهديها كانت تاخذ الملعقه وتحطها بالنار وبعد كذا تحرق بها جسمنا كنوع من التأديب وكنت انا الوحيده من البيت اللي امي ماتعبت في تربيتي بشهادة الجميع كنت وانا صغيره اذا احد غلط علي واخذت حقي امي وابوي يضربوني لين يحمر جسمي من الضرب وصرت اخاف اخذ حقي عشان لايشوهون لي جسمي حتى في المدرسه اذا حاولت اخذ حقي من المدرسات يوصل الخبر لاهلي بسبب مدرسه ربي يسامحها كانت من الاهل وهذي المدرسه اي شي اسويه في المدرسه توصله لاهلي وطبعا ما ارجع من المدرسه الا الوالده والوالد ينتظروني واخذ نصيبي لين هزوا ثقتي بنفسي ناهيكم عن عبارات التحطيم اللي يقولونها لي انتي مو مؤدبه يا....يا..... يا..... يا..... ومن هالكلام وهم اخواني كانوا يضربوني لاني الحيطه الهبيطه بينهم لدرجة ان اخوي الصغير قبل لا اتزوج ركز على راسي بالضرب وبرجله وامي كمان جلست مره على ظهري عناد فيني ليش مارضيت اعطيها وجهي عشان تضربني وللحين عندي مشاكل في ظهري من تصلب للتقوس لشد بالفقرات الى ماله نهايه تقدم لي زوجي واللي هو ابن عمي طبعا اهلي ما اخذوا رائي وافقوا وحددوا النظره الشرعيه وقبل الموعد ب 3 ساعات عطوني خبر عشان اجهز بعد ماخلصت النظره الشرعيه قلت لاهلي ما ابيه قالت لي امي مو على كيفك راح تاخذيه سكتت وتزوجت والحمدلله عايشه معاه ومرتاحه زوجي دايم يقول لي اخذي حقك بنفسك وانا اقول له ما اعرف او اقول له اخاف يقول لي لاتخاف اخذيه بنفسك وانا ما ارضى لاني ما اثق في نفسي افكر بالكلام اللي يقولوه لي الناس بالاشياء اللي تخصني ما احب اكون صداقات ماعندي اصدقاء ماعندي احد اطلع له اللي في قلبي وبأمانه تامه اخاااف من كل شي ادري ان ماعندي ثقه بنفسي وان الثقه عندي زيروا بس والله مو مني بسبب اهلي ربي يسامحهم بعد الزواج كانت ثقتي بنفسي زيروا واخاف من زوجي دخلت عالم النت وعرفت المنتديات وتعلقت منتدى معين وصرت مشرفه فيه دخلت مره في هذا المنتدى ولقيت عندي رساله فتحتها الا وهي من مدير المنتدى يطلب الاضافه لان المشرفين لازم يكونوا عندهم الايميلات لجميع المشرفين والمشرفات انا كنت ما اعرف عن هالشغلات وعطيته ايميلي وكن نتحادث في الايميل وتطورت العلاقه لحب وبعدها تطورت اكثر لجوالات وتطورت اكثر لين صرنا نمارس السكس فوووون انا انتبهت لنفسي واعترفت لزوجي وطبعا كأي رجال قوم الدنيا وضربني ووقتها كنت حامل بشهري الاول وسئلني السؤال اللي مستحيل انساه اللي في بطنك مني ولا بالحرام حلفت له ان منه هو واني ماطلعت وقابلت شخص ومستحيل اسويها واسودت الدنيا بعيني وحاولت الانتحار مره بس زوجي كان قريب مني وقال لي انا احبك لاتسوي في نفسك كذا وكنت ابكي على حالي وعلى زوجي المسكين زوجي ساعدني على اني انسى السالفه اللي سويتها بس ثقتي بنفسي نزلت لتحت الزيرو اسفه تعبت معي بس صدقوني ابي احد يحس بي او يبكي معي الاشراف : تعديل بسيط في العنوان ., بالتوفيق أختي |
وعلى فكره انا في بالي ان ما في اي شخص يحبني حتى زوجي اقول له انت ماتحبني وعلى طول جالسه لحالي ما احب الاجتماعات وبعض الاحيان تجيني افكار غريبه اني اتصل بالجوال على اي رقم بس اتعوذ من ابليس
|
والله مش عارفة ايش اقلك
موضوعك كتير اثر فية و زعلني الله يسامحهم اهلك والحمدلله زوجك متفهم وكويس حقيقة انا هلأ مش قادرة اعطيكي نصيحة او حل بس حبيت اقلك اني بتمنالك الخير والسعادة والله يفرجها عليكي واهم شي تكوني تبتي عن الامر الي عملتيه والله يغفرلك استغفري كتير والله يساعدك ولي رجعة ان حسيت باشي بقدر اساعدك فيه الله يوفقك |
حبيبتي بصراحه الله يعينك ويصبرك
انت اخطيتي والخطأ الاعظم هو تربية اهلك السيئه انسي الماضي وافتحي صفحه جديده روحي للمكتبه اي مكتبه كبيره في كتب تساعدك على ان ترجع ثقتك بنفسك بس نصيحه عشان اولادك واولا عشان نفسك وزوجك روحي لدكتوره نفسيه لازم تروحين صدقيني من اول زياره بتحسين بالفرق الجأي الى الله اكثري من الاستغفار ومن قيام الليل |
بصراحه زوجي قال لي انه راح ياخذني لاخصائيه اجتماعيه بس انا رفضت
|
اثرت بي قصتك كثيراً ...
عندي لك نصيحة واحدة فقط ,, حافضي على زوجك قد ما تقدرين لا تسوين شيء تخلينه يبعد عنج ... الحمد لله إنه واقف معاج ويحاول يساعدج لا تخسرينه ... لا تخسرينه ... تحملي |
نصيحتي أذهبي لأخصائية اجتماعية وحدة واثنين وثلاثة إلى أن ترتاحي
|
وعليكم السلام ورحمة الله أختي الكريمة الماضي ذهب وأنتهى ونحن أولاد اليوم وأنت الأن من النضج و التحكم بذاتك أكثر من السابق فكوني واعية لذلك ،،،، كنت سأكتب كلام طـويـل لكن مجرد ما ذكرت هذه المشاركة [ Quote=توته وزوجها;2015476] بصراحه زوجي قال لي انه راح ياخذني لاخصائيه اجتماعيه بس انا رفضت[/quote] أقـول لماذا رفـضت أختي ، إذا كان زوجك دعمك وواقف بصفك ، فلماذا تضيعي الفرصة التي ممكن غيرك ما وجدها .. أدعوك لأن تعيدي النظر في رأي زوجـك واقتراحه ، لأنها فرصة وحـل جذري ونهائي لمشكلتك . أختي الكريمة أدعـوك لأن تشاهدين سلبيات رفضك لقرار زوجك وتشاهدين إيجابيات لو وافقت عليه وأكتبيها حتى ترينها بعينيك .. لمحة : قلت أختي انك غير واثقة ، سأثبت لك العكس؛ أنت لم تـنـتبهي إلا أنك كتبت مشكلتك بتفاصيلها ولم تخشي ان تتعرضي لنقد أو سوء فهم .... ما لاحظت هذه ....!!! أخوك عزوبي بس رجل دمتم بحفظ الرحمن |
اخي عزوبي
انا رفضت روحتي لاخصائيه اجتماعيه لاني خايفه ما ابي اكون حديث الناس وكمان اخااااف انها تقول كل شي اقوله لزوجي واخااف احد من الاهل يدري واخااف من كل شي ربي يشهد علي اني كل ليله قبل لا انام ابكي والوم نفسي على اللي سويته في زوجي وكلمته لي قبل شهرين اول ماتخانقنا احمدي ربك اني مارميتك في بيت اهلك رمية الكلاب هذي الكلمه اثرت فيني للحيل واحس اني ما استاهله وبعض الاحيان تجيني افكار اني اطلب منه يشوف له وحده غيري ماتجرحه مثل جرحي له |
لاحول والاقوة الابالله
ربي يعينك ويفرج همك ويسر امرك يارب حبيبتي تقربي من الله اكثر واكثر اسمعي محاضرات للشيخ الاحمدي والعريفي والقرني اشتري كتب من المكتبه مثل لاتحزن للقرني واستمتع بحياتك للعريفي اقريهم ونساء حول النبي صلى الله عليه وسلم واهم شي عليك بصلاة اخر الليل قبل الفجر بنص ساعه كل يوم افرشي سجادتك واجلسي صلي وادعي راح تبكين لين تقولين بس بس سبحان الله تحسين بعدا بشعور لو جلستي عمرك كله مايجيك مثل هالشعور الروعه ماشاء الله لاقوة الابالله الشعووور بالانس مع الله انك انتي والله سبحانه وتعالى بس بهالكون العظيم سمعك يشوفك يفرج همك اكثري من الدعاء وخصوصا اللهم اصلح لي شاني كله ولاتكلني الى نفسي طرفه عين دوري عن الرفقه الصالحه ابحثي عنهم اكيد بتلاقين كثير روحي للاخصائيه النفسيه وبالعكس شغلهم كله بالسر حتى ماراح يعرف احد عنك شي غير الدكتورة كل شي عندهم سري وبايدي امينه باذن الله :22: اكثري من قراءة القران وخصوصا الواقعه والدخان والبقرة تمسكي بزوجك لاتحاولين تخسرينه حاولي تسترجعين ثقته فيك حسسيه انك ندمانه على كل شي عملتيه تذكري دايم ان عيشتك بيت اهلك فترة مرة بحياتك الحمدلله وعدت والان انتي بيت لحالك انتي اميرته :d وعندك زوج محب ولله الحمد والمنه وهذي بحد ذاتها نعمه :22: والان اذا مثل مافهمت انك حامل:d ماشاء الله لاقوة الابالله هذا بالعكس يزيد فرحتك وانبسطك باذن الله لان في روح حلوة جواتك :15: المفروض يوم بعد يوم تنتظرينه وتوعدين نفسك انك راح تحبينه وتعاملينه معامله حلو مو مثل معامله اهلك لك :22: انسي الماضي وافتحي صفحه جديدة مع ربك ثم زوجك انسي ايام اول وازرعي الثقه بنفسك يوم عن يوم اقري زيدي نصيب الثقافه عندك عيشي مع الله وراح تحسين بالسعادة الحقيقيه ربي يسعدك ويوفقك ويسر امرك يارب |
اقتباس:
أخوك عزوبي:21: بس:d رجل:30: دمتم بحفظ الرحمن |
يعني اكلم زوجي في موضوع الاخصائيه النفسيه
بس اخاف يضحك علي |
لا ما رح يضحك
ثم بتجيبي لنا افكار جديده تساعدينا اعملي علينا دكتوره والله كل منا محتاج مليون دكتوره من العقد اللي عامليلنا ياها اهلنا اكبر حل واكبر خطوه واصعبها هو ما قمتي به وهو وضع الموضوع باقي الخطوات اهون بكثير |
كلمت زوجي ورفض ياخذ لي موعد يقول اني زينه ومثل البخت
|
اقتباس:
أنتِ تعانين من مشكلة نفسية وجذورها تعود للصغر ولاأحد في الدنيا يشعر بها سواكِ ، وانت المتضررة الوحيدة من ذلك يجب الاعتراف ان هناك مشكلة (وهذه تمت وبحمد الله ) وبعدها معالجة هذه المشكلة بواسطة مختصين واحد واثنين وثلاثة وأربعة إن لزم إلى ان تجدي حلاً شوفي ياأمي العمر واحد وحرام جداً نحن يامن نعاني من مشاكل نفسية تضيع حياتنا من غير فائدة (كمعنى عام) وغيرنا عايش مبسوط أما حكاية أن زوجك ماوافق فهذا يكمن والله اعلم في عدم معايشته للمرض النفسي وعدم معرفة ماعانيتيه في صغرك. حاولي مرة ومرتين وعشرة ، الحياة حلوة فلنراها بشكلها الصحيح لماذا نجعل أنفسنا الحلقة الاضعف والكل يدوسنا نفسياً وبالتوفيق. سؤال : هل اسم معرفك له علاقة بنقص ثقتك بنفسك حيث ذكرتِ زوجك معك بالإسم. |
مافهمت السؤال
|
أنا أتـفق مـع كـلامـي أخي في الله 100 % الحـل بـيـدك ، شكلك أختي طلبت منه فـي وقـت غـير مناسب ... بالنسبة هل شاهدت الموقع الذي نصحتك به ...؟!! دمتم بحفظ الرحمن |
لا والله ماشفت الموقع
لاني ما ابي زوجي ينتبه للمواقع اللي ادخلها لانه بين فتره لثانيه يفتش المواقع اللي ادخلها وهذا من حقه |
اقتباس:
لماذا لم تسمي نفسك توتة فقط ، لماذا توتة وزوجها ؟ هل لكي تزيد الثقة في نفسك لتدخلي المنتديات؟ |
ما ادري
يمكن عشان اوضح للناس اني متزوجه وابعد الشباب عني بس بعدين لاحظت انه منتدى رائع جدا |
قلبي تقطع ومادري شقولج
غير ان الله يكون بعونج لكن عندي سؤال لج حرية الاجابه لما مارستي ال6 فون زوجك كان بعيد عنج؟؟ الله المستعان |
ايوا زوجي كان بعيد عني مررررررررررره
|
اقول لزوجي عن طفولتي وشلون عشتها او اضل ساكته اخاف اقول له ويتشمت فيني بعدين
انا ابي اروح عند اخصائيه بس مو عارفه شلون |
اختي والله قصتك اثرت فيني مره و الله يهيديك و يوفقك في حياتك نصيحتي لك ان تكونين كتاب مفتوح لزوجك فبين الأزواج لا يوجد اسرار و لا اشياء خاصه يجيب ان تقولي لزوجك عن ماضيكي و حاضرك و مستقبلك و لا تخافين مارح يشتم فيك و لا شي بالعكس رح يتعاطف معك و يساعدك فحنا من مجرد ما قرينا قصتك اثرت فينا فكيف زوجك يلي صار شريك حياتك و يخاف عليكي و يحبك اكثر من نفسه...
فضفضي لزوجك و تأكدي رح يساعدك ارجو من الله الهدايه و التوفيق للجميع |
حبيبتي .. والله اني انصدمت .. بس حلو الواحد يفضفض وياخذ اراء الناس .. وما خاب من استشار ..
اولا تمسكي بزوجك ولا تخسريه فعيشته اهون الف مره من عيشتك عند اهلك .. فالواضح انه يحبك والا ما سامحك على اللي سويته مع مشرف المنتدى السابق .. ثانيا .. لاتفكري باخبار زوجك عن طفولتك .. بما انه من النوع اللي يحب يذلك على اللي سواه زي ما قال احمدي ربك ما رميتك ببيت اهلك .. ويهددك .. يعني اي شي بيصير في المستقبل بينسبه لتربيتك في السابق .. او اي تصرف تتصرفيه مع ابنائك بيذكرك بطفولتك .. فالافضل عدم اخباره .. وبالنسبه للاخصائيه .. خلاص مافي داعي تطلبين الذهاب لها .. وحاولي ان تستعيدي ثقتك ولو بالتمثيل ومع الوقت ان شء الله بترجع الثقه بس تحتاج الاراده .. و اخيرا اختي لازم تحاولين تستردين ثقه زوجك فيك وذلك لا يكون بالتظاهر او التمثيل انما توبه من قلب صادق لارضاء الله تعالى .. وحتى يكون زوجك في راحه واطمئنان .. الله يهدي الجميع |
ما أنصحك تحكي لزوجك عن طفولتك
راح تظهري أمامه بمظهر الضعيفة و أخاف تضيع قيمتك هذه نصيحتي |
اقتباس:
طيب لـو شـاف المـوقـع هـذا وش بيصير ..؟؟!! أم لأنه اسمه الحرية النفسية يمكن إنك تحسست من هذه الكلمة جربي تطبقي التقنية لتحرري نفسك من سيطرة المشاعر السلبية ، تراه نوع من العلاج النفسي لكن تصيرين أنت المعالجه لنفسك ..!!! ضعف الثقة ، احتقار الذات ، الشعور بالذنب ، نوبة البكاء ، الخوف من النقد والرفض ، القلق ... تـراه مـوقــع على النت ...!!! وش بيكون غيره دمتم بحفظ الرحمن |
هل تتوقعين ان زوجك مخلص لك
؟ لأنه سامحك |
اختي العزيزة ... والله انك من اكثر الاخوات اللي اتابع مواضيعهم بالمنتدى واستغربت جدا من موضوعك هذا ...لان ماشاء الله مواضيعك كلها تدل انك انسانه طيبة قلب لاخر درجه ماتدل انك ضعيفه ابد ...
بالنسبه للماضي حاولي تنسيه نهائي واحسني تربيتك لبنتك ... اما بالنسبه لحياتك الزوجيه فانصحك بالستاذه ((ناعمة الهامشي)) وهي اخصائية علاقات زوجيه ولها دورة قريبه في الخبر ياليت زوجك يرضى يوديكي لاني احاول في زوجي وموراضي يخليني اروح . .................. واي استفسار انا حاضرة |
ابل قرين
ممكن حبيبتي تقولين باي منطقه عيادتها بالضبط لاني افكر اروح من ورا زوجي عزوبي بس رجل الحين فتحت الموقع اللي انت قلت عنه |
يا حبيبتي والله موضوعك احزني جدا جدا
وبجد مش عارفه اقولك ايه بس احنا كلنا اخواتك ولو اي حاجه مدايقاكي بعد كده فضفضي واحكي وهتلاقينا كلنا حواليكي ادعي ربنا واستغفري دايما وقربي من زوجك انتي عندك اطفال ؟؟؟ انتي بتقولي كنتي حامل لو عندك اطفال خرجي فيهم طاقتك وعيشي طفولتك اللي كنتي تتمنيها معاهم العبي معاهم وفسحيهم عامليهم زي ما كنتي تتمني اهلك يعاملوك (ربنا يسامحهم علي اللي عملوه فيكي ) حاولي تقري كتير عن تربية الاطفال وربي فيهم الثقه و الاعتماد علي النفس انتي كمان مع الوقت ثقتك هترجعلك ان شاء الله تعرفي غيري من شكلك اعملي قصه جديده لشعرك اشتري كم طقم جديد للبيت اشتري مكياج جديد واكسسوار غيري نظام بيتك (مكان الفرش) حسسي نفسك انك اتولدتي من جديد وانسي اللي فات بكل احزانه ربنا يعينك طمنينا علي اخبارك دايما |
اقتباس:
|
هلا اختي الغاليه توته
بصراحه حتى لو الماضي فيه اشياء سيئه لا يحق للانسان ان يرمي بنفسه للتهلكه في كل اموره يعني لاتخسري دينك لاتخسري زوج محب لاتخسري حياتك انظري لكل شي حلو في حياتك تفائلي بالحياه الله يصلح لك شانك كله ولا يكلك الى نفسك طرفة عين |
قبل شوي تناقشت مع زوجي بقوة والاسباب اني احتاج جلسته معاي وهو على طول مع الشباب عصب علي مره وقال انتي وش فيك متغيره لاتخليني اعصب عليك سكتت وماتكلمت احس اني اخطأت
|
ربنا يفرج همك حبيبتي
هل طريقة تربيه أهلك لك أثرت على تربيتك لأطفالك؟ أتمنى ان تجيبيني بكل صراحة |
اقتباس:
قولي أنا محتاجة لك ومحتاجة لحبك ولوجودك بجنبي مو أني تغيرت بس تنبهت وعرفت مدى أهمية وجودك بحياتي ياختي تعلمي كيف تعبرين لزوجك عما بداخلك بدون حساسية الحوار الهادئ مهم بين الزوجين تعلمي الاساليب التي تجذب الزوج وتجعله يخفف من خروجه من المنزل ويجعل وقت خاص لك أما مسألة الثقة بالنفس جدا ضروريه في الانسان لانها هي المعينة لفهم الناس وفهم الذات لانها تبعد الشك وسوء الظن بالاخرين الثقة بالنفس تجعل الانسان يرضى على نفسه وينتبه لسلبياته وتعزز إيجابياته التغير بيدك غاليتي الماضي إنتهى ولا تجعلي موضوع الضرب والقسوة يؤثر في بناء ذاتك تحتاجين للجلوس مع نفسك تحتاجين لاقناع ذاتك بالايجابيات الموجودة فيك وبعد الاقناع الرضى وبعد الرضى الشعور بالسعادة وزيادة الثقة ولا تهملي أيضا تنمية الجسد فهي ضروريه أيضا لزيادة الثقة عندما يهتم الانسان بنفسه وبشكله الخارجي يشعر بشئ من الثقة عندما يشاهد نفسه بالمرآه الله أنعم علينا بنعم عديدة لكن أين شكر الله عليها بالاقوال والافعال والثقة بالنفس دليل شكرنا على نعمة الله لاننا أستشعرنا هذه النعم بداخلنا الكلام يطول في بناء الذات ولعله يتيسر لي العودة بإذنه تعالى |
اقتباس:
ايوه اثر كثير انا عندي بنت عمرها 11 شهر وفي هالسن الطفل يكون مشاغب شوي ويصرخ كثير وانا ما اتحملها مره ضربتها بخفيف على يدهاا بعدها بكيت وكنت اقول لنفسي ليش سويت كذا |
اقتباس:
بس يا اختي زوجي مزودها بالمره واول ماتناقشت معه بهذا الموضوع عصب علي وطلبت منه مره ثانيه اروح لاخصائيه وكمان رفض |
اخوي عزوبي بس رجل
دخلت الموقع اللي قلت عليه وقرات قصص النجاح بس مو عارفه وين ادخل عشان اتعلم منه |
اقتباس:
|
| الساعة الآن 11:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©