|
محتاره بالحج
الموضوع واضح من العنوان
أنا خاطري بالحج السنة هذي طبعا مو الفرض الفرض حجيته وأنا عمري 17 >>>سفيه كله سوالف وضحك :19: خاطري بالحج ألان يوم عرفت معنا الحج صح وعظم أجره عندي بنت وولد البنت 8 سنوات والولد 1و 8 شهور راح اتركهم بيت اهلى عند خواتى وزوجي إلى ألان متردد بالحج طبعا بيروح مع شباب بس إذا ماراح للحج بيكون يمر على عيالي كل يوم وأنا خاطري بالحج حيل ومن اول السنة أقول الأبوي مكانى بسيارة محجوز بس الناس الكل يهوشني انتى مهبوله تتركين عيالك بالبرد ربي معبود بكل مكان صومي العشر ويكفي حجيتى فرضك اجلسي عند عيالك بس :29::29: وأمي تقول كله خمس أيام ماعليك من كلام الناس تعالى معنا للحج وأنا بصراحة ماودي أفوت الفرصة أولا لأني بروح للحج مع أبوي وعماني وكل إلى معهم أمي وعماتي كلهم حريم وملتزمات فرصه الحج معه مابحصل احد اسولف معه بيهوشونى لو بسولف بيكون فرصه الدعاء والعبادة أكثر يعنى ومادري عن الدنيا بتتكرر مره ثانيه أو لا وثانيا أخاف السنة الجايه أكون حامل او عندي طفل صغير مره او تتشدد أمور الحج لان أبوي وعماني مايعترفون بترخيص وحمله يروحون بدون حمله وترخيص سنويا وثالثا أنا ألان بيت أهل زوجي وعادى لو اترك زوجي كم يوم الحالة بيكون بالا جازه فيه خواته بس أن شالله بعد كم شهر بتخلص بيتنا وننتقل له وهنا بيكون زوجي الحالة بالبيت[/ color]ورابعا زوجي يقول مع السلامة روحي معهم اهمم شي ماروح فيك أنا وغير كذا مع أبوك بلاش شوفي كم الحملات ألان أسعارهم بالهبل وأنا محتاره بين أنى آبي الحج وبين عيالي وش رايكم |
والله يالغالية عيالك ألزم عليك وهم الي بتسألين عنهم والحج ربي ييسره مرة ثانية ..
لو الولد أكبر من كذا يمكن أقولك خليهم وماعليهم خوف بس مسيكين توه صغير وبينفجع ياقلبي عليه :( |
اتكلي على رب العالمين طالما انهم مع امك
على قول امك خمسة ايام تمر بسرعه يقولون كيف تتركي ابنك بالبرد ليش امك رح تتركهم خارج البيت اكيد رح تهتم فيهم وتداريهم وتحطهم بنني عنيها |
اختي حجي..............وكم بتتركين اعيالك كذا يوم.........
تذكري هذي السنه تسنا لك الحج وعايشه....... والسنه الجايه ممكن انتي مو موجوده...... يعني الواحد يخلص الي في نفسه..........بوركتي.... |
اقتباس:
ودي بالحج صح ولدي صغير بس انه يرضع صناعي وبياكل اقول عند خواتى امان تراي على جريف خوافه على عيالي بس المره هذي احول اكون قويه ابي الحج حياك ربي ياغلاتى ومشكوره على المرور |
اقتباس:
صح خمس ايام .. لا وين امي بتروح معي :d بيكونون عند خواتى واختى المتزوجه بتكون فيه زوجها بيروح للحج وفرصه اللزق عيالي فيه |
اقتباس:
هلا ..... صح انا تفكيري كذا انه فرصه مو شرط تتكرار بس الناس جالسين يقطعون على علشان عيالى |
أنــــــــا مع رأي الـــوالدة .. طالما أن اخواتك .. متكفلين بأبنائك .. وخمسة أيـــــام من أحلـــى ايام العمر ..
سهل الله عليكي ووفقكي .. ولاتنسونا من صـــالح دعــــائكم .. |
ماعليكي من كلام الناس
العقل يقول روحي والعاطفة تقول لا خليكي مع العقل تكسبي حج ببلاش ، ومع ناس ملتزمين ، وعيالك بامان باذن الله ، وكلها كم يوم وترجعي لهم العالم تترك عيالها ويسافروا يجددوا شهر العسل ومحد يقولهم شي جات على اللي بتحج نقولها لا ؟ عيالك اولى ؟ روحي حبيبتي الله ييسر لك انا لو مو حامل ما كان فاتني الحج هذي السنة وكنت بترك بنتي عمرها سنة و3 شهور عند اهلي روحي ربي معاك ولاتشيلي هم كلام الناس خليكي بالشي اللي انتي وزوجك مقتنعين فيه دام زوجك اعطاك الاوكي لا تترددي تراها فرصة محد يحصلها ومو كل الرجال اللي يوافقوا اغتنمي الفرصة وروحي ولاتنسينا من دعواتك |
روحي حبيبتي الله يييسر لك أمرك
والأولاد إن شاء الله بأمان مع أخواتك لا تشيلي هم أبدا والله يحفظه الولد مو مرة صغير ....... اتوكلي على الله وادعي لنا وحاولي انك تقضينها بعبادة ودعاء وقراءة قران أنا مثلك ودي اروح للحج بسس أنا عندي ولدين واحد عمره سنتين و5 شهور والثاني كمل 3 شهور يمكن تركهم صعب شوي .........خاصة الأول مايخلي اخوه في حاله ودايما هجوم عليه وغيرته زايدة لو رحت للحج بجلس اقلق عليهم مرة ادري اهلي مابيقصروا لكن الإثنين مع بعض صعبة اتركهم الحقي نفسك .....يمكن السنة الجاية تكوني حامل أو في يدك بيبي صغير الله يسهل طريقك ويوفقك ويتقبل منك تحيـــــــــــــــــــــــاتي |
أخيتي بما انو الحج واجب
اسألي رجل دين عن وضعك وهل الحج اولى واستخيري الله قبل أي شي فالخيره فيما اختاره الله سبحانه واجلعي لي دعوه بظهر الغيب رأيي الشخصي ان كنتي تثقي بخواتك اتركي الأطفال عندهم واذهبي للحج ربي يكتب لنا وللجميع |
|
ســــــــــــــــــــــــــــــــــــــــــؤال :
هل تضمنين بأنك السنة القادمة ستكوني فوق هذه الأرض ؟؟؟؟؟؟؟؟؟؟؟؟ كم أسرفتِ ؟؟؟؟؟؟ كم أذنبتِ ؟؟؟؟؟؟؟ كم عصيتِ ؟؟؟؟؟؟؟؟ ترفعين كل يوم الذنوب إلى السماء تترا ... والله ينزل عليك النعم كل لحظة !!!!!!!!!! وهل بعد هذا يكون هناك تردد !!!!!!!!!!!!! يا الله .... هل يعقل أن ييسر لي الحج ولا أذهب !!!!!!!!!!!!!!!!!!!!! بالفعل إن الأبناء فتنة >>>>>>>>>>> فها هم يصرفونك عن أعظم الشعائر أختي الكريمة هذا الموضوع ما فيه مشورة توكلي على الله بوركتم |
والله حبيبتي روحي افضل وعيالك ماعليهم خوف ان شاء الله عند اهلهم
بس استخيري اول وربي يسهل لك ان شاء الله انا كمان رايحه الحج يمكن نتقابل هههههههه . |
[table1="width:95%;"] | [/table1]الله يصلحك يااختي ناااااااااااس كثير تتمنى الحج وتموت من القهر علشان الظروف الصعبه اللي عايشينها وانتي علشان عيالك محتاره؟ اختي نصيحتي لك ماتفوتي الحج هالسنه وربي يوفقك ويعينك وييسر لك طريقك للحج واحلى مافي الحج الصحبه والرفقه الصالحه لاتفوتينها كم بقى من العمر يااختي والله الحج نعمة من رب العالمين علينا لاتفوتيه |
اختاه وجدت هاذا اذهبي وتوكلى الله سبحانه وكما قالا المجاهد وابداع القلوب
وشوفي هاذاه نقلها احد الأخوه أخي سارع ولا تتأخر قال تعالى: { وللّه على النّاس حجّ البيت من استطاع إليه سبيلا ومن كفر فإنّ الله غنيّ عن العالمين } [ آل عمران : 97 ] وقال النبي صلى الله عليه وسلم : « تعجلوا إلى الحج، فإن أحدكم لا يدري ما يعرض له » أحمد وأبو داود،. وقال صلى الله عليه وسلم : « من أراد الحج فليتعجل، فإنه قد يمرض المريض، وتضل الضالة، وتعرض الحاجة » أحمد وابن ماجة وحسنه الألباني . وقال عمر بن الخطاب رضي الله عنه: لقد هممت أن أبعث رجالا إلى هذه الأمصار ، فننظر كل من كانت له جدة ولم يحج ، فيضربوا عليه الجزية، ما هم بمسلمين.. ما هم بمسلمين. (صححه ابن حجر) . وقال علي بن أبي طالب رضي الله عنه : ( استكثروا من الطواف بهذا البيت ، قبل أن يحال بينكم وبينه ) وقال الحسن : ( لا يزال الناس على دين ما حجوا البيت واستقبلوا القبلة ) الحج يهدم ما كان قبله عن عمرو بن العاص رضي الله عنه قال : « لما جعل الله الإسلام في قلبي، أتيت رسول الله صلى الله عليه وسلم فقلت : ابسط يدك فلأبايعك ، فبسط ، فقبضت يدي . فقال : مالك يا عمرو؟ قلت: أشترط. قال : تشترط ماذا ؟ " قلت: أن يغفر لي. قال : أما علمت أن الإسلام يهدم ما قبله، وأن الهجرة تهدم ما كان قبلها، وأن الحج يهدم ما كان قبله ؟ » رواه مسلم. |
توكلي على الله واعزمي فرصة ذهبيةوابناءك عند اخواتك في ايدي امينة
|
توكلي على اختي ولا تفوتين الفرصه ماتدرين عن الدنيا اهي الفرصه تجي مره وحده
اتكلي على الله وعيالك ماعليهم شر مدامهم مع خواتك ولا تنسينا من الدعاء الله يوفقك ويسرلك امرك |
إنت أبخص بولدك كانه يتحمل ولا لأ ..
بنت خالتي حجت العام وولدها كبر ولدك يومين تنوم بالمستشفى لاأكل ولانوم وصياح طول الوقت لأنه متعلق بأمه مرة فإنت أبخص كانه بينسجم وينبسط مع باقي الأطفال فلاتفوتينها ولاهو ألزم عليك طبعا .. |
الله يجزاكم خير جميعاا
ويوفقكم دنيا واخره والله انكم شجعتونى على الحج زياده الله يتقبل منا ومنكم |
توكلبي على الله أخيه مين فينا ضامن عمره وهناك ان شاءالله ترجعي خاليه من الذنوب وتدعي فيها بلي نفسك فيه لكي ولأولادك بخيري الدنيا
دعائكم الصالح لنا |
| الساعة الآن 03:01 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©