|
هل فقدت جاذبيتي ام انه تغير
يمكن تشوفون موضوعي ما يستاهل او انه مب مشكله كبيره بس و الله انا حاسه بقهر و كلما احاول انام ما اقدر و يصيدني ضيق تنفس و قلبي يدق بسرعه من الحره و القهر و الكتم (مرات احس اني بموت و انا مقتهره)
انا متزوجه من 3 سنين و نص و الحمد لله عندي بنت 2 و نص و ولد سنه و نص و بيبي بوي شهرين السالفه ان زوجي متغير علي من فتره بسبب مشكله بسيطه و سخيفه المهم من بعد هالمشكله يمكن قعدت معاه اسبوع احاول انسيه المشكله و اكلمه بالكلام الحلو و اتعدل له و ابوسه الخ الخ بس ما في فايده يقعد يعيد السالفه مليوووون مره و يمنعني من اشياء بسبب هالمشكله يعني اشياء مالها علاقه بالمشكله (بس يبي يقهرني و يشوف اذا اسمع الكلام و لا لا اقول ان شا الله و لا لا ) يعني يختبرني في اشياء تقهرني يمكن ما فهمتوا ببين لكم المشكله الاساسيه: مره كنت رايحه مكان و قال لي لا تودين بنتج معاج و حاولت معاه بشتى الطرق بس ما في فايده المهم قلت له اوكي ما بوديها و انا ما وديتها معاي بس امي ودتها لانها قعدت تصيح (تبكي) ( و هو مع امي علاقتهم مش اوكي من اول ما تزوجت عشان جي كبر الموضوع) و قال انتي تكسرين كلامي مع اني ما لي علاقه بالموضوع هالسالفه صارت تقريبا من 3 اسابيع و تأسفت له مليووون مره المهم الحين اشوفه كللللش ما يعطيني ويه ما ادري شفيه يعني ما نسولف مع بعض الا اذا كنا مع عيالنا اما انه يكلمني انا مستحيل كل اللي يقوله سوي عشا حطي الغدا يبي حطي بسسسسس لا غير انا بصراحه اشتقت له و ودي يلمني مثل قيل ودي يلمسني قبل حتى و انا اسوي له العشا يقعد معاي في المطبخ بسولف و يضحك و يسوي حركات انا ابي علاقتنا تستمر مثل قبل ما ابيها اتغير احسه ما صار ينجذب لي مع ان مب ناقصني شي الحمد لله صج اني توني والده من شهرين بس الحمد لله جسمي حلو حتى كرشتي صغيييره ما تبين (في بنات مب متزوجين كروشهم اكبر من كرشتي) و الحمد لله انا حلوه و فوق هاي كل يوم اتعدل له احط مكياج خفيف او كحل و غلوس و اتعطر اتعب مع عيالي و اسهر الليل و النهار مع البيبي يعني في اليوم ما انام الا 3-4 ساعات و مع هاي اتعدل له و اقابله بابتسامه (انا اصلا دايما مبتسمه الحمد لله) و مع كل هاي ما يقولي كلمه حلوه و لا يبتسم و لا يسوي شي كللللللش قبل شوي لما دخل البيت كنت واقفه اول ما شفته ابتسمت له ( و الله اني كنت اشوفه بعيون مشتاقه ) مر جنبي و مسكت يده برقه (اتدلع عليه) شسوى؟ قال لي: شفيييييييج؟!!! شفته بنظرة حب و ابتسمت له قال: هديني (اتركيني) انبطت جبدي و افتشلت بس ما بينت له و غيرت السالفه و قلت له عيونك حمره بس حطيت له العشا و راح ينام ألحين انا ميته من التعب ودي انام بس مقتهره و الله عيالي كلهم نايمين و زوجي نايم و عندي وقت انام بس مب قادره 24 ساعه افكر ليش يعاملني هالشكل؟ ليش ما ينجذب لي؟ اذا عندكم طرق قولوا لي عنها ملاحظه1: انا من بعد الولاده لحد الحين ما وقف عني الدم لاني خذت حبوب ما تناسبني فمن بعد الولاده ما صار شي بيننا الحين انا كنسلت الحبوب و اتفقت مع زوجي اني اخذ الحبوب من بعد ما اخلص الرضاعه يعني بعد شهر او شهرين و هو قال خلاص ما راح يصير بيننا شي خلال الشهرين الجايين بصراحه استغربت منه لان في وساثل منع حمل بس هو رافضها و الحبوب ما اقدر اخذها الا بعد ما يوقف الحليب يعني هل ممكن يصبر 4 شهور بدون جماع؟و من غير الـ4 شهور اللي قبل الولاده (ما صار شي فيها الا مره) ملاحظه 2: زوجي كذا مره لقيت بنات يتصلون له ودايما له اسرار حاط باسوورد عالكمبيوتر و عالتلفون و وايد يسافر و البنات اللي يتصلون له مب من البلاد كلها مكالمات خارجيه ملاحظه3: انا عمري 24 و هو 28 |
الله يعينك اخيتي عيوني ممكن تركزين وتعرفين تحديدا متى تغير عليك انت تقولين من 3أسابيع هل متاكده من هالشي او انه متغير من قبل وماشعرتي بذلك ولقاها فرصه هالزعله وتعلق بها واين كانت ولادتك واين قضيتي الاربعين؟ |
هلا اختي و الله هو متغير من فتره بس على خفيف
هالمره بزياه يعني قبل كان يجاملني شوي بابتسامه و يسولف معاي و يضحك و التغير صار من شهر 6 او 7 لما سافر احدى الدول العربيه المعروفه بالبنات و السوالف القذره من بعد هالسفره زادت مكالمات انصاف الليالي و مرتين شفت الاتصالات اللي تجيه و كانت مكالمات خارجيه من هالبلاد و رديت عالثنتين و كانوا بنات و كل وحده غير عن الثانيه عن سؤالج قعدت في المستشفى 5 ايام وبعدين ولدت و قعدت بيت ابوي 23 يوم و زوجي كان مصر اني ابقى هناك اسبوع واحد فقط بس انا حاولت معاه و خلاني اطول |
بس الواحد يكون امامه قمر
يحسب انو كل الناس قمر مثل زوجتو ويحسب انو كل البنات كلامها مثل زوجتو صدقيني وجدها حجه ليخاصمك ثم اللي اعرفو انو الرجل ما يقدر يصبر اسبوع كيف هو صبر اربعة اشهر قبل الولاده وشهرين بعدها ثم هناك حبوب لمنع الحمل تناسب الرضاعه |
انا بعد اقول المشكله مب لهالدرجه كبيره (و هو يقول حتى لو امه خذت بنته معاها بدون اذنه بيسوي مشكله معاها، بس و الله امه تاخذ البنت وتوديها كل مكان بدون ما تستأذن مني او منه حتى انا احسبها معاهم في البيت و لما يرجعونها اشوفها شاريه اغراض و ألعاب و اعرف انها طلعت)
و عن الحبوب انا خذت حبوب رضاعه بس ما ناسبتني و لحد الحين ما وقف الدم تقول لي الدكتوره ان الدم من هالحبوب قلت لها تكتب لي غيرها قالت ما في الا نوعين في بلادنا (حبوب رضاعه) و كلهم نفس الشي فأنا انتظر اوقف الرضاعه عشان اخذ الحبوب العاديه |
اختي السالفه اللي صارت بينكم ماكانت تستدعي ابد هو اخذها حجه وقال جت من الله مايغير الرجل الا امرأه الان عليك بالتعقل والحكمه وان لاتبالين بردود فعله تجاهك ابقي كما انت تلك الباسمه المنتعشه التي تنعش من حولها شوفيلك حل ياقلبي بهاالنزيف واخلقي جو رومانسيه وحركات لاتجهلينها ونسيه كل البات اللي شافهم لميه ياقلبي وانثري الحب والفرح في ارجاء بيتك ولاتنسين اهم شي الا وهو الدعاء ان يصرفه الله تعالى عن بنات الحرام وان يجعلك قرة عين له وان يثبته على الحق ويهديه ويصلحه واحذري يا اختي من التجسس عليه الله يخدم غفلتك ويعينك يارب ومهما طار مصيره يرجع لعشه وحضنك |
انا ابي اوقف هالنزيف بس عشان هالمشكله ابيه يرد لي
بس هو يقول حتى لو وقف الدم ما بيصير شي الا بعد ما يوقف الحليب (هو يقول: هالشي عشانج مب انتي تقولين تخافين تحملين خلينا بعاد لين ما يوقف الحليب و تاخذين الحبوب) و انا صج اخاف احمل لان عيالي جبتهم ورا بعض و تعبت وااااااايد الحليب في صدري خف و قررت اني اخذ الحبوب من اول دوره تجيني من بعد ما يوقف النزيف بس هو يقول حاولي تزيدين الحليب في صدرج مب اتعمدين انه يخف و مره كنت في المركز الصحي مخلصه و قاعده انتظره الا يتصل لي و يقولي اتشوفين البنت الواقفه عالباب مع امها قولي لامها ابي اخطب بنتج لزوجي و الله اني توقعته يتغشمر او انه يقصد بنوته صغيره يوم شفت الا اشوف وحده مرتكزه عالباب و ويهها طالع و لابسه نظاره شمسيه و الشعر طالع من جدام انبطت جبدي و القهر انها مب حلوه بس النظاره معطيتها شكل |
ياقلبي انت ترضعين ؟ الرضاعه الطبيعيه اذا كانت بنسبة ميه بالميه فهي مانع للحمل
واذا قالك ماراح يصير شي قولي مو بكيفي كلم قلبي اللي مشتاق لك واساليه معقوله مااشتقت لك ياروحي؟ |
[warning]
الاشراف: يرجى من الأعضاء الالتزام بالبند التالي من بنود الكتابة في المنتدى: 2) المواضيع التي تتعرض لمجتمعات أو بلدان أو جنسيات أو قبائل أو أقاليم أو دول أو حكومات معينة, وكذلك التعرض لأنظمة تلك الدول وكذلك المقارنة بين رجال ونساء الدول سواء بالذم او المدح [/warning] |
اختي انا رضاعتي مب 100% طبيعيه ما في الا قطرات من الحليب بس ارضع عشان زوجي ما يسوي لي سالفه و يقول انتي متعمده ما ترضعين
و انا قلت له لازم يصير شي بينا لان هاي حقي اذا هو ما يبي انا ابي (انا ما احب الجماع بس قلت له هالكلام عشان ما يبعد عني اكثر) .... |
في ان بالموضوع
1_متغير عليج 2_شغله كله باسورد 3_يسافر اماكن مشهوره بالفساد مافي احسن من المواجهه كوني قويه ذكريه ان عنده بنت والحياة دين وذكريه بالامراض والعقاب والله الموفق |
واجهته ملووون مره و قلت له ما تخاف من الامراض
اذا انت ما تخاف على نفسك انا اخاف على نفسي و عن سالفة البنات اللي يتصلون انا قلت له انت رايح هالبلاد و ما تبيني اشك ان صار بينك و بين البنات شي و هو حلف لي عالقرآن انه من اول ما تزوجنا عمره ما زنى (بس قبل زنى) و لما سافر كانت القعده فيها بنات بس هو ما زنى اما ربعه المش منزوجين كل واحد مع وحده في غرفه ودي ارده لي و ابعده عن هالسوالف بس مادري شلون ودي ألبس مثل البنات اللي في سني و اقص شعري و اصبغه ودي اسافر معاه بس كل هالاشياء ممنوعه ليييييش؟ لاني على قولته ما اسمع الكلام و دايما اعانده ممنوعه اقص شعري و اصبغه لاني ما انادي بنتي باسمها ودايما ادلعها (اسمها على امه) ممنوعه من السفر لاني حامل او لان لبيبي صغير و لما كبرت بنتي قال لازم يوصل عمرها 3 سنين عشان نوديها معانا يعني يسوي اشياء تعجيزيه المشكله في شي و يحرمني من شي ماله علاقه و في النهايه يسافر مع ربعه و يخوني يعني شاسوي عشان اجذبه اذا كل شي ممنوع؟؟ انا لبسي تغير 180 درجه و كله منه حتى اختي تقول انتي اللي كنتي كووول صرتي تلبسين سوالف عيايز |
حطي في بالج دايما ان اهتمامج بلبسج عشان نفسج عشان الغير ينتبه لج لازم تنتبهين على نفسج ولبسج واناقتج
_شكو ماتقصين شعرج وتصبغينه اهو اشعليه؟ هذا شي راجع لج زوجج متحكم فيج حد النخاع لحقي على عمرج وافرضي رايج شنو عشان ادلع بنتي مايسفرني!!! |
شفتي شلون!!
يمنعني و يقعد يقز في البنات على كيفه لما عرفت انه يخونني قلت له بقص شعري بدون ما استأذن منك و بسوي اللي ابيه قال و الله ان سويتي شي من وراي بطلقج و عمري ما اردج حتى لو انتي رديتي البيت باخذج و بردج بيت اهلج انا الحين كاشخه و متعطره بس برقد عيالي قبل لا يوصل بشوي و بقعد معاه و بطلع كل اللي في قلبي بس ان شا الله البيبي ما يصيح و يخرب علي و ترى النزيف اللي فيني وقف اليوم بس اذا ممكن تقولون لي شاقول له بالضبط لاني اذا تكلمت معاه بدخل في سوالف ثانيه انا اعرف نفسي |
قوليله اذا انت مرتاح بهالعيشه والسفرات والتلفونات المشبوهه انا مومرتاحه
حارمني من ابسط حقوقي لافراش لاسفرات مثل الناس حتى شعري ماأقصه !! شوفلك حل ؟؟ انا مليت صدقيني ماراح يفكر يطلقج لأنج طايعته بكل شي وعشان عياله بعد |
ما تفكريش فى الكلام اللى هتقوليه خليه يطلع منك زى ما يطلع
وربنا يحنن قلبه عليكى |
والله يااقلبي انتي الي سويتي بنفسك هذا كلة
انتي مبينتلة انك ميتة علية وما تقدرين تبعدين عنة على قولة المثل الرجل زي الظل كل ما لحقتي ورااة هرب منك يعني هوو يساافر وانتي لااا وحاامل كمااان ولا يدااري تعبك وبعدين لية ما استخدمتي مااانع بعد الثااني على الاقل الين يكبرررون ومو على كيفة يمنعك انتي الي رااح تتعبي في الحمل والولادة مو هووو وبعدين شاافك من حمل لحمل ولتعب لتعب شي طبيعي بيطاالع برررا معليش بس هذا تفكير الرجاال جنس وبس وحكااية السفر وانة كل واحد من اصحاابة في غرفة هذي رفقة سووء ويوم عن يووم راح يتأثر فيهم يعني حااولي انة يبعد عنهم تماااما والله حاالتك تقهرررر وربي اني انقهرر من الرجااال الي يحررم زوجتة وهو يمتع نفسة من كل شي الله يكتبللك الي فية الخير وييسرلك امرك يارب ومعليش اذا ضاايقتك وربي من قهرري عليكي |
الله يفرج همك
ويسخر لك زوجك..ويصرفه عن الحرام بحوله ووقوته.. |
اقتباس:
اقتباس:
الموضوع كبير جدا أكبر من موضوع اللي عملتيه بتاع المشكلة ... مش ملاحظة انه محى شخصيتك .. كل الكلام اللي قولتيه ده مش حساه اشارات حمراء بالهبل !!!! يا بنتي ده شبه بيدفنك بالبطيئ وبعد كدا هيقول انتي السبب شكلك زي العواجيز .. وكلام كتير .. وهو واخد راحته عشان عارف انك على نياتك :( والله انا خايفة عليكي بكرة يعمل مشكلة من الهوا ويرميكي بالعيال ويشوف الجو بتاعة .. او حتى يظبّط نفسه ويخليكي انتي على ذمته ووظيفتك تربية العيال فقط ...!! روحي شوفي بيكلم البنات دي بيقولها ايه الاول( بذكائك) ... مش معنى كدا انك تواجهيه ... ابدا واجهي نفسك الاول... شوفي انتي كونتي ازاي قبل الجواز (شخصية - مظهر) ... وهو كان بيحبك انتي في الاول ازاي.... ودلوقتي بقيتي ازاي واتغيرتي ازاي .... وايه السبب ... راجعي الكلام في مخك .. وكل حاجة تتحل بالهدوء والذكاء والتدبر واياك والعصبية طيب افرضي اتصالحتي معاه دلوقتي ماهي المشكلة الاساسية لازالت موجودة (اللي هو حالك دلوقتي ) ! |
مشكورين خواتي عالدعوات و الردود
انا امس قريت رد نااني و sa33 و واجهته و قلت له كل اللي بخاطري تقريبا الحمد لله وافق قص شعري قلت له ان الحريم كله يقطون علي نغزات و يقولون فلانه شحلاتها اتين توها طالعه من الاربعين و صبغت شعرها و قصته و بعدين يطالعوني من فوق لين تحت و يكملون السالفه الحمد لله انه وافق و الله من 3 سنين ما قصيت شعري اول ما تزوجت قصيته مره و بعدها بشهرين قصيت الغره بس و امس نمت معاه في الغرفه انا من شهر انام في الغرفه الثانيه عشان البيبي بس امس قلت له انا في الغرفه تعال قالي روحي و بجيج و الله قعدت ساعه انطره و لما نزلت تحت اشوفه الا ألقاه نايم عالسوفا انبطت جبدي و قلت كل الي بخاطري BTW هو يقول انه زعلان مني قلت له ليش؟ تم ساكت (شكله ما عنده شي يزعل منه قعد يدور سالفه) اول شي قال لان لسانج طويل بعدين قال وااايد ترادديني و تكسرين كلامي آخر شي قال: تقولين عني مب ريال (رجل) و تبيني اصير اوكي معاج!! و اصلا ما في علاقه زوجيه تستمر من بعد هالكلمه و عن هالكلمه انا كان قصدي شي ثاني و بينت له قصدي و اعتذرت له (قصدي: مب ريال مثل الريايل اللي يسألون عن اهل حريمهم) المهم قلت له انا ما عندي سالفه ارد الغرفه و رجت عنه فوق و طلعت سرير البيبي بعد دقيقتين جاني فوق و قال بوسيني على راسي و قولي ما بطول لساني مره ثانيه انا فهمت ان هو يبي يعتذر بس يكابر قلت له انا ما طولت لساني و بسته على راسه و قلت له و ما بطول لساني بعدين لمني و باسني و قال لا تزعلين و نام معاي في الغرفه |
اقتباس:
اي و الله صح كلامج قبل هو اللي ميت علي و انا اللي كنت احبه عادي اما الحين انا اللي ميته عليه و انا غبيه بعد كان كلما يسافر استانس لاني ببات في بيت ابوي عن المانع من بعد اول بيبي قلت له ابي حبوب و رفض قال في وسائل ثانيه و استخدم الكوندوم (الواقي الذكري) بعد فتره مل منه و ما قال لي ففي آخر جماع كان حاط الكوندم جنبه بس ما استخدمه و هو متعمد و تميت اصيح ذاك اليوم و هو يقول ما بيصير حمل لان في هالايام ما يصير حمل و حملت ثاني مره قلت له ابي حبوب او لولب و ما خلاني و قالي بيلتزم بالكوندوم التزم فيه بس انبط (صار فيه فتحه) و حملت و عن اصحاب السوء و الله ما اعرف حتى اساميهم ما اعرف الا واحد منهم و اللي هو اقرب واحد و هو صغير اصغر من زوجي بـ4 سنين يعني بعمري و اعرف امه معرفه سطحيه و ما شا الله عليه متدينه و خايفه ربها و المصيييييييييبه الكبيره ان خال زوجي يسافر معاهم و هو متزوج و عنده عيال و اكبر من زوجي ب10 سنوات و خاله الثاني مستقر في هالبلاد و متزوج فيها و هو هناك من سنين ام زوجي و ابوه و خواله الباقين وااايد محترمين و متدينين بس هو قريب من هالاثنين المنحرفين |
اقتباس:
حتى في بيتي لما اغير اماكن الاثاث يقولي ليش ما استأذنتي بس الحمد لله قمت افرض بعض اراءي بس في اشياء لين الحين عن اللبس انا بصراحه طووول عمري ألبس البناطلين و ما اعرف اتعامل مع التنانير الا في المناسبات لما تزوجنا قالي احنا عندنا ممنوع لبس البنطلون خارج البيت و انا قلت له اوكي بس فت ان اخته تلبس البنطلون لما تطلع و حتى و احنا في الجامعه اشوفها لابسه بنطلون تحت العبايه و البنات يقولون لي شلون زوجج يقولج ممنوع عندهم و اخته كل يوم ببنطلون!! انا قلت له ابي ألبس البنطلون اذا رحت بيت ابوي او بيت ابوه او بيت خالتي و بلبس العبايه المسكره اللي مثل الجلابيه يعني محد بيشوفني بطلع من بيتي عالسياره و من السياره لبيت ابوي بس هو رافض و مره كنا نناقش الموضوع و قال انا مستعجل بنكمل الموضوع في الليل و في الليل رد تعبان فما ناقشته في الموضوع و عن سالفة المكالمات ما اقدر اسمعه لانه يقعد في غرفة التدخين (المكتب) و ممنوع ادخل هالغرفه و حتى لو دخلت هو يقعد في آآخر الغرفه و الغرفه طويله يعني وااايد بعيد حاولت اغير مكان المكتب سوالي سالفه و قالي المهم ان المكان يريحني انا مب انتي بس انا اعرف ان هالبنات بنات ليل اولا متصلين من هالبلاد و نص الليل و رديت عليهم و كلامهم يدل على انهم بنات ليل و عن مشكلتي و حالتي و بهدلتي فكرت اني اكلمه بالزين و بدون عصبيه و اناقشه بالعقل و ان شا الله يسمح لي اسوي اللي ابيه و ألبس اللي ابيه انا لما قالي خلينا نكمل الموضوع في اللل بصراحه حسيت انه ممكن يتقبل كلامي |
أختي أولاً لاااااااااا بد من استخدام اللولب او الحبوب او اي مانع مضمون من الآن قبل ان تتقربي له حتى لا تتورطي بحمل رابع و اطفالك لسا صغااااار بسبب وجود أطفالك أنتي أصبحت منشغلة معهم و وقتك مع زوجك صار قليل و بسبب الولادة قعدتي عند أهلك هالفترة الطويلة لازم تعرفي اذا كان بخونك و لا لأ حتى لو بمكالمة مع البنات هي خيانة و لازم تعملي شي حتى تخليه يستقيم و يقلع عن هالأمور اذا كانوا أخوالك هم اللي بفسدوه حاولي مع جد زوجك يعني أبو هالأخوال يتدخل بالموضوع و يوقفهم عند حدهم لا حول و لا قوة إلا بالله و الله مشكتلك بدها صبر كتيييييييييييير و لكن لا تيأسي و ادعي الله في جوف الله و انتي ساجدة انه الله يهدي زوجك و انتبهي لا تكرري كلامك الدج هذا (انت مو رجال ...ألخ) كلام يمكن يكسر شي ما يرجع يتصلح لكن لا تكوني طيبة زيادة حاولي تعرفي وين بروح و شو بيعمل من دون ما تسأليه اشتغلي بدهائك |
اختي الحمد لله انو لان شوية
الله يوفقك وييسر امورك ياااااااااااااااارب |
هلا اختي
اولا عن حبوب منع الحمل راح اخذها ان شا الله مع اول دوره تجيني حتى لو من ورا زوجي ثانيا:جده متوفي و خواله هذيلا اصغر اثنين يعني في 3 اكبر منهم و في واحد منهم شيخ دين تقريبا بس ما اقدر اكلمهم يعني انا ما اشوفهم الا في المناسبات و بصراحه استحي اقولهم عن هالموضوع خصوصا اني اتكلم عن اخوانهم و ولد اختهم و لو كلمت امه يمكن تحط في خاطرها (هي طيبه و حبوبه و اوكي معاي بس ما اقدر اقول لها هالكلام عن ولدها و اخوانها |
أختي هل زوجك يصلي ؟؟؟
اذا ما كان ملتزم بصلاته فهذه مصيبة و يمكن تجعليها حجة حتى تتكلمي مع خاله المتدين اللي قلتي عنه زوجك اذا خاف الله و التزم بصلاته بتعدل كل سلوكه |
لاااا و كذا مره حاولت معاه
و انا كتبت موضوع عن عدم التزامه بالصلاه و الله حاولت معاه وااايد و مرات افكر بالطلاق بس بعدين افكر بعيالي و افكر فيه حرااام ما احاول معاه اكثر لانه ممكن يعتدل خاصه انه اول الايام لما كنت اقوله صل يصلي و مرات يعاند و مره خليته و ما قمت اقوله صل بس كنت اصلي جدامه بعد فتره قال لي ليش ما قمتي تقولي لي صل؟ انا ابيج تذكريني بالصلاه و قمت اذكره و احاول معاه بس بعد ما في فايده و قلت له مب انت قايل لي ذكريني بالصلاه؟! قال: اي قلت ذكريني مب تعورين راسي و تحنين المهم انا بحاول اكلم خاله مع انه صعبه خاصة اني ما اشوفه الا في الاعياد يعني ناس داخله و ناس طالعه |
الله يصبرك يااقلبي
الصراحة كبرتي بنظرري احسك طيبة وعلى نيااتك وعندك طوولة باال وقلبك طيب وفووق كل الي يسووية لسى تحبية وتحااولي ترضية شوفي انا من خلاال تجرربتي انا عندي اثنين ومتزوجة من اربعة سنين يعني قرريب منك ولدي ثلاث سنوات وبنتي عشرة شهور افضل شي انك تستخدمي لولب لمدة خمس الى سبع سنوات الحمدالله بعد ولادتي الثاانية كنت شاايلة هم الحبوب والكل نصحني في اللولب اذا بطوول واالان لي ست شهوور مركبتة ومرررررررررريح شووفي اهم شي انك تثقلي علية الفترة الجاااية وترجعي لطبيعتك الي حبك عليهاا يعني اعطية حقوقة كااملة بس بثقل وحااولي لا تلاحقية كل شووي خرج طلع رااح جااء لا اعطية مجاال انة يشتاقلك ومداام انة وقف النزيف بدااية حلوة انة ترجع علاقتكم يعني كل ما طلبك اعطية وطبعا بوااقي الين تركبي لولب وعلى فكرة بأمكانك تركبي لولب وانتي تررضعي اريح من الحبووب اذا نسيتيها واذا عندك شغالة اولا ياريت تجااوبيني ولي عوودة ان شااء الله عشان اعلق على كذا حااجة لأني مشغولة الان |
الله يعينيك
بالنسبة لمحاولته محي شخصيتك ابحثي في النت عن قصة اسمها ام بسمة قصه مفيدة الله يسهل امورك اختك |
اختي انتي شابكه 3 مشاكل في بعض
واخطر مشكله اتوقع هو سر زوجك شو قصته؟ شو قصة المكالمات والرقم السري فتحي عينك |
اقتباس:
هلا اختي انا قلت له ابي احط لولب بس رفض يقول لان اللولب من اهم مسببات سرطان المهبل مع ان امي استخدمته و تقول وايد اوكي و انا ابي استخدمه لاني ابي انطر 3 او 4 سنين و بعدين ممكن افكر احمل اي عندي شغاله و قلت له يطلب لي وحده ثانيه لاني ابي اشتغل بعد ما يكمل ولدي 6-7 شهور btw امس نام عندي و عرف ان النزيف وقف و كان يبي يصير شي بس انا رفضت لاني ما اخذ مانع كان بيستخدم الكوندم بس انا ما رضيت قلت له ما بيصير شي الا اذا خذت الحبوب زعل و قال خلاص حتى اذا خذتي الحبوب ما ابي فريحي نفسج و لا تاخذينها |
اقتباس:
جزاج الله خير اختي و عن القصه انا قريتها من 4 شهور تقريبا و قاعده اغير في شخصيتي و الحمد لله صرت احسن و ان شا الله بشتغل عشان افرض شخصيتي |
اقتباس:
|
من أهم الامور المذكوره......موضوع الصلاة.......(بالنسبه لموضوع الزنا)....................يرجى سؤال شيخ عن الحكم وافضل حل لمواجهة هذه الامور............
الله يستر عليكي...... |
اقتباس:
وبعدين الي اعررفة ان اللولب اكثر شي يستخدمونة الحريم بعد الحبوب ودكتورتي نصحتني فية وقاالت انا ما اركب الا لولب لا حبوب ولا ابر ولاغيرررة لأنة ما يلخبط الهرموناات وبمجرد ما تشلية يصير حمل ان شااء الله انتي قوليلة الي ربي كااتبة بيصير وبعدين انتي خلااص كان رضيتي باالواقي وعديتي ليلتك على خيرررر يعني مااينفع انك ترفضية بذي الطريقة وشووفي ايش ردة فعلة قاللك خلااص ريحي نفسك والله احس زوجك يبغاالة اعادة تأهيل من اول وجديد وبما انة عندك شغاالة يعني مرتااحة من شغل البيت وعندك وقت كبير لزووجك ولا تخلية يناام بغرفة ثاانية ابدااا الصقي فية وخلية يجيك الغرررفة واذا صااح ولدك قووميلة على طووول واصلا مع الوقت رااح يتعود على صووتة استغلي وقتك وسوووي حااجة ترضية ودلعية عشاان تووصلي للي تبغينة لأنة الرجاال بالهوواش والاخلااق الزيرو ماا يجوون ابداا لكن بأسلووب الدحلسة يمشي ان شااء الله الله ييسرلك امرك ويهدي زووجك ويخلية لكم ياارب |
اقتباس:
مرات ما احاول اكشفه عشان اريح بالي |
اقتباس:
و ادعوا لزوجي ان الله يصلحه و يهديه |
اقتباس:
عن اللولب و الله من قبل لا احمل بالبيبي الاخير و انا احاول معاه و طول فترة الحمل و انا احاول و الحين بعد حاولت معاه و قلت له اسأل الدكتوره بنفسك و هو دايما رافض الموضوع و عن سالفة امس و الله ما قدرت اخاطر بالواقي قعدت اصيح و انتفض لا شعوريا و الله دموعي ما وقفت اخاف احمل و انا بصراحه تعببببببببت ما اقدر، عيالي توهم صغار و احس هاملتهم خاصه ثاني واحد مسكين كلش ما عطيته حقه و عن الشغاله الحمد لله انا مرتاحه بس و الله ما عندي وقت لزوجي يعني انيم واحد و يقوم الثاني و هالشكل طول الليل و اذا نيمتهم كلهم و كان عندي وقت له ألقاه مشغول او زعلان او يدخن و كل شوي يقولي شوي و بجيج و ان شا الله بسمع نصيحتج و بسوي الي قلتيه |
| الساعة الآن 09:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©