|
سؤال بخصوص الصمت لما بعد الزواج
السلام عليكم ورحمة الله وبركاته
بصراحة عندي اليوم سؤال ومسببلي قلق وياليت استفيد من خبراتكم في اول ايام الملكة و الزواج الحياة تكون وردية للبعض والكل في جعبته الكثير من الحكايات يريد ان يحكيها لشريكه .. وغالبا تكون هذه الحكايات لا تنتهي ابدا من الطرفين لكن بعد فترة سنتين او ثلاث .. يغلب على الازواج الصمت .. بحيث يشاهدون التلفاز بصمت .. عندما يذهبون لمكان معين لتغيير جو ك فندق مثلا او مطعم .. تجد الصمت يخييم على المكان في غالب الاوقات .. نعم يوجد هناك حب و يوجد هناك معزة .. لكن الزوج يشعر انه قال كل ما لديه ويشعر ان زوجته تعرف كل شي عنه ولا يجد مايقوله لها والزوجة كذلك .. حتى لو فكر ان يقول سالفة.. راح يتذكر ان قالها نفس السالفة في الايام السابقة فيبقى صامتا طبعا احد حلول الصمت هو انجاب الاطفال .. لان الطفل الاول يضيف شيء في الحياة الزوجية .. وبعدها يتأتي الطفل الثاني والثالث.. ويصبح البيت ملييء بالاثارة والحكايات التي لاتنتهي .. لكن لو نفترض ان الازواج لم يستطيعوا الانجاب خلال 3 سنوات مثلا .. هل سيسود الصمت في حياتهم ما هو الحل المناسب للتغلب على ذلك وجعل الحياة مليئة بالاثارة ؟ تحياتي |
انا عن نفسي متزوجه من 3 سنين و نص و عندي بنت و ولدين الحمد لله
بس احس ما عشت حياتي مع زوجي لان عيالي جوا ورا بعض زوجي يسولف بس اكثر شي مع بنتي يعني هالشي اللي يخليه يتكلم اما انه يسولف معاي مافي طول الوقت عالكمبيوتر او يشوف افلام لاعت جبدي من حياتنا الروتينيه و كلما اقوله اقعد معاي بدون تلفزيون او كمبيوتر خلنا نسولف يقول شعندج؟ يلا سولفي :29: اما عن حياة الناس اللي ما عندهم عيال و الله ما ادري شلون بتكون بس اتوقعها بتكون احسن من حالتنا يعني يسافرون مع بعض فاضين ما عندهم مسؤوليات |
هذا يعتمد على طبيبعة الأزواج بالدرجة الأولى إذا كانوا صموتين حتى لو فيه شي يستحق الكلام تلاقيهم يقولون كلمتين ويسكتون أما إذا كانوا يحبون الكلام والسواليف تلاقيهم يخترعون سواليف بس عشان يتكلمون ..!
لاتشيل هم الصمت مو مشكلة كبيرة وفترة الملكة أكيد مو قياس أبدا .. بس أهم شي لاتهمل زوجتك بعدين ولاتنساها من الكلام الزين والمدح وتذكيرها بحبك لها كل يوم ،، هالأمور تغنيها عن ألف سالفة .. وإذا أنت خايف تكون زوجتك صموتة ماتسولف أقولك لاتخاف أبدا احنا يالحريم هوايتنا الأولى السواليف والكلام لو ماحصلنا أحد نسولف معه سولفنا مع أنفسنا !! |
كمان الصمت حلو
واتركو مجال للغة العيون وخلو هالعيون تحكي :25: الله يسعد كل المتزوجين أم وليد |
اقتباس:
بالنسبة لحياتكم بالعكس هي مليئة بالاثارة .. خاصة ان السالفة فيها اطفال وكل يوم الطفل عنده حاجة او عنده حتى مشكلة ..او سوى حركة حلوة .. ويضيع الوقت معاهم بصراحة زوجك شكله مل من الحياة الروتينية .. وعشان كذا مركز على بنتك حاولي انتي اتسوي له جو في البيت بحيث يخليه يستغني عن التلفزيون وغيره مثلا جيبيله لعبة مثل UNO وقوليله بتحداك .. او اشتروا لعبة Wii جدا سهلة ومسلية بنفس الوقت وفيها تنافس .. سوي له شي يشغله .. بعض الازواج مايحبون يسمعون سوالف الحريم فلانه قالت وفلانه سوت وفلانه حطت .. ولا يحبون يسمعون مشاكل .. فى لازم تسوين له شي يشغله .. اهم شي تكون لعبة تحياتي |
اقتباس:
بالفعل المدح مهم جدا جدا جدا والاطراء الجميل .. وكلمة احبك افضل ان الزوج يقولها من فترة لي فترة لان هالكلمة لها وزنها لو قالها كل يوم يمكن راح اتحسها كلمة عادية حتى لو الاثنين من النوع الي يتكلمون كثير ... راح يوصلون لفترات صممممممممت وكل واحد وده يتكلم لكن ماهو عارف وش يقول .. |
اقتباس:
للاســـــــف اغلـــب الازواج عيونهم على الكمبيوتر والتلفاز الحين شاكر مرورك يا ام وليد تحياتي |
السوالف ماتخلص بس وين اللي يسمع
!! |
لو علاقتهم صداقة وعلاقة مفتحة وصريحة وحلوة
ماحتخلص السوالف سواء بوجود الاطفال او بدونهم |
اقتباس:
بس دايما انسولف .. الحمدلله ماشاء الله .. :) |
الحمد لله
سوالفنا كل مالها و تزيد ( :" و صداقتنا أصبحت أقوى و أقوى أنا مع ملك شادي اقتباس:
تحياتي ام فاطمة |
فعلا كلام الاخوات صحيح
اعطي لزوجتك مساحة من الحرية انها تعبر عن رأيها بكل صراحة واريحية في كل شي حتى فيما يتعلق باهلك او اهلها بدون تجريح الصمت مو مشكلة ، الاخوان والاباء والامهات احيانا تمر فيهم فترات صمت وتلاقي كل واحد لاهي باللاب توب او التلفزيون التكنولوجيا غزت حياتنا بقوة ، واخدتنا من بعض ، صار وجودها لازم في كل بيت ، والتواصل الانساني صار اقل من زمان فليش مانستغل هذه التكنولوجيا لصالحنا ؟ التلفزيون نتابعه مع بعض الكمبيوتر نتصفح المواقع مع بعض ، او نلعب في الالعاب اللي فيه مع بعض ، وممكن نترك للشريك الاخر مساحة من الحرية وكل واحد على لاب توبه بس يتم التواصل عبر المسن :d كده الحياة تكون متجددة وغير روتينية اما اذا رحتو مطعم او او او خلوها جلسات مصارحة ومكاشفة كل واحد يقول اللي في قلبه للثاني حاجات مبسوط منه فيها ، او متضايق باسلوب لبق ولطيف وتكون القلوب صافية وقتها بحيث تتقبل النقد او جلسات رومانسية مافي مانع تكتب لها قصيدة او كلمتين حلوة وتقولها هي الله يوفقكم ويسعدكم يارب |
طيب ازا الزوج كل يوم حيجي يقول لزوجته شو صار معاه بالشغل
والزوجة شو صار مع الاولاد او مع صديقاتها او حتى شو شافت مواضيع عالنت او شو عملت مع جارتها او شو قرات او شو حكت مع اهلها او او او مليون شغلة عمرو الحكي مابخلص الحكي لو خلص معناته في برود في العلاقة او ملل |
اقتباس:
مهما تكون العلاقه بين الزوجين كعلاقة الاصدقاء الا ما يجي يوم او فترة من الفترات يصلون لمرحلة الصمت القاتل وغالبا ما نعاني منه نحن النساء لانني ارى نفسي لدي القدره لفتح مواضيع كثيره مع اني ما اطلع بره البيت كثر ما يطلع هو وانا مليت من فتح المواضيع حابه يجي يوم ويسولفلي بدون ما اسألها واحيانا تكون هناك سوالف وينسى ويذكرها بعد شهر ولا شهرين تكون فقدت لذتها الحمد لله على كل حال |
ناآاني
ملَك شادي أم وداد عبير الأحلام toota2 شاكر لكم كثيييير بصراحة ريحتوونا كثيييييير افهم من كلامكم ان لا وجود للصمت دام ان الشخصين ليس من طبعهم الصمت انا عن نفسي اتكلم كثيير .. بس لو صادف ان في شخص يتكلم كثيــر اصير احب اسمع شو يقول تحياتي |
شوفي حبيبتي آنا زوجي ع السايلنت لكن آنا آسولف عليه وآطلع سالفه من لاشيء وهو يتسمع على آني آعتقد باله مو معي بس شنسوي ..!!
|
انا اتووقع على حسب طبع الزووجين
عني مثلااا اذا هماا يتنااقشون في كل شي وماافية بينهم اسرار وحيااتهم طبيعية اشووف الكلااام ماااايخلص ابدااا يعني انا حتى اذا شفت مسلسل اوقرأت شي في النت ارووح اسمع عند زووجي واذا رجع من الدواام حتى هو يعطيني التفااصيل عااد ايش نسووي ما عندي غيرة وهو مااعندة غيري لأنة مقطووعين من شجرة في المدينة الي احنا فيهااا واذا رحنا لأهلة لاززم يجلس يسوولف معااي سااعة على الاقل واذا ماافضيت مثلاا او انشغلت مع البناات اليووم الثااني :29: امس مااشفتك وووين رحتي :11: اما اذا حيااته رسمياات في رسمياات رااح يكون الصمت سيد المووقف وتكراار الحروووف طبع فيني :14: يعني لاتتدقق :28: ودمتم بوود |
هناااوي
بارك الله فيك انا رجل .. اذا كان زوجك على السايلنت .. ايش رايك تتكلمي في شي هو يحبه .. راح تلقينه يتفاعل معاك انا اول الايام كنت ازور عمي ابو خطيبتي .. تخيلي يجلسني عنده في الصالة ولا يبطل فمه في كلمة .. وبما اني " مسولفجي " وبارع في الحديث... قدرت اني اخليه ياخذ ويعطي معاي :22: كيــف ؟ .. شفته يطالع اخبــار ومندمج مرة فيـــــها .. قلت في نفســي اكيد هو يحب السياسة .. مع اني ماحب السياسة ولا افهم فيها حــاجة واكره الســــياسة . . بس صادف اني كنت قارىء جريدة قبل يومين من زيارتي لعمي .. بديت ابدي رأيي عن الموضوع الداير في السياسة .. وبديـت اسأله عن الوضع السياسي الراهن .. شوي شوي قمت اتكلم في السياسة وكأني فاهم " وانا اصلن سمعت الكلام من ناس " شوي شوي بدى يتفاعل معاي .. وصار يتكلم .. وهو جالس يتكلم .. حطيت تركيزي على ان انتظر منه يقول كلمة وحده اقدر استعملها ك مفتاح لتغيير الموضوع والحمدلله طلعت منه كلمة .. وعلى طول مسكتها وغييرت الموضوع وصرت اتكلم عن الاسلام والدين وهالشي انا احبه .. وصرت اقوله عن قصص سمعتها .. وشفته مرة مستانس والاهتمام باين عليه بصراحة طلعت وانا مرة فرحان من عنده :14::14::22: تحياتي |
اقتباس:
الله يخلي لك زوجك .. وبصراحة هذا شيء طيب .. شكلك مسولفجية كمان .. وتعرفين كيف تختاري السوالف الي تجذب اهتمام زوجك :22: الله يخليلك زوجك وعيالك كمان تحياتي |
زوجي من النوع الي مااياخذ ولايعطي بس كلمة ورد غطاها وآحيانا يحب يتناقش بالعلم والثقافة وآنا ماا آحب ..
ومعليش المعذرة لاني توقعتك آمراءة .. |
لو كانوا اصدقاء
حتى بدون اطفال العلاقة ممتازة |
السعادة ينبغي أن تكون نبعا ذاتيا .
فان كانت كذلك لا يضر وجود الذرية او عدمها او قلة المال أو كثرته. |
انا من قبل اذا كنت جالسه مع زوجي نشاهد التلفزيون و يسود بيننا الصمت احس باحراج .. اقعد افكر لي في سالفه عشان اكسر حاجز الصمت بيننا .. لكن خزان السوالف فااااضي .. بعدين قلت ليش يا اميرات انت حامله هم السوالف و ابو الشباب شكله مبسوط على الصمت .. في يده الريموت كنترول و يفرفر من محطه لمحطه .. صرت احط صحن فاكهه او مكسرات و نااااكل و حنا ساكتين .. اذا في سالفه تكلمنا فيها او الصمت هو سيد الموقف .. بعدين اكتشفت ان الرجل يصمت لانه رجل .. فمعروف علميا ان مراكز التعبير في دماغ الرجل اصغر بمرتين من مراكز التعبير عند المرأه .. و مراكز النطق عند المرأه اكثر تضخما من مراكز النطق عند الرجل .. لذلك فالمرأه تستخدم الكلام للتعبير عن عواطفها و للفضفضه بينما الرجل يستخدم وسائل اخرى .. و الكلام بالنسبه للرجل هو لتوصيل المعلومات .. الرجل ايضا يستخدم لغه العيون للتواصل و يستخدم الجنس ايضا للتواصل بدل الكلام .. فيا جماعه لا تحملوا هم الصمت كثيرا .. هذه طبيعة بني آدم |
اقتباس:
الحال من بعضه :11: |
ان شااء الله دووووم الضحكة <<<<<كم واو كتبت :d
اما السواالف الي تجذب اهتماام زوجي السيااارات صرت اتظااهر اني اعررف عنهاا شي ومن هنااك انا اعرف انوااع السياارات وبس ولاا اذا شفتهاا من قداام وغير كذاا مييييييييح ومدام انك تحب تسوولف يعني لاتشيل هم الصمت ابدااا الاتعال هنا ايش درراك انة عندي عيااال :15: ما اخبر اني صرحت اعلاااميااا :14: |
اقتباس:
الالعاب و الاجهزه (wii,ps1,2,3 xbox360)عندنا بس خذها المجلس عشان يلعب مع الشباب:29: انا حالتي مثل الاخت هنااادي حتى التلفزيون اذا بنشوفه يحط لي الجزيرة الوثائقيه و الجزيره للاخبار(حد يشوف الاخبار عالغدا كلها حروب و دم و اموات و لوعة جبد) |
اما عني فترة خطوبتنا بعد الملكه سنتين ولنا متزوجين سنه و 4 اشهر
بدون اولاد وتخلو حياتنا من الروتين لأني دائماً ابحث عن مواضيع لكسر الروتين احب السوالف .. ولأني ماشوف زوجي كثير فيصير اني اطلع مع اهلي تصير موافق احكي له عنها اعرف اخبار عن اهله احب اخبرها له اذا شفت ان صار مافي جديد لا عند اهلي ولا اهله من مناسبات واحتياجات وغيره اتذكر وش اخر شي قريته واحكي له عن من معلومات ايً كانت قصص . سوالف . مواقف . معلومات عامه . في اي مجال اناقشه في السيارات ولو ماعرف .. يعلمني اسأله وش اسم ذي السياره وش نوعها ؟ غاليه والا رخيصه . مميزاتها مع اني لا احب السيارات ولا شي بس كل شي حبيته عشانه ماحب اشاهد في السينما لأني ماحب الأفلام الأجنبيه بس دام هو ينبسط ويستمتع معاه معاه .. اشتري كتب اقرأ فيها في مختلف المجالات وفي الحياة الزوجيه والجنسيه خاصه عشان اخبره عن معلومات جديده .. اخبره وش هي المشاكل الي اقراها في المنتدى .. عشان نستفيد من خبرات الآخرين .. لأن هو ماعنده وقت للقرآءة |
اااااااااااااااااااااااااه يالصمت ذبحني الصمت ....
مافي اي سوالف مشتركه بينا دايما ان جا البيت يااما يتابع فيلم بصمت او يناااااااااااااااام حتى اني احس في بيتنا منوم في الهوا اللي نتنفسه ... والغريب اني احب السوالف بس ماقدرت اعلمه يسولف ولاقدر يعلمني اسكت ... احيان اسولف والقى الاخ في سابع نومه. |
والله كلشي تقولونه صح انا بقلي3 سنوات متزوجة وعندي بنت انا عيش في غربة زوجي بيشتغل طول النهار وانا في البيت كدالك طول انهار وناس هنا بتشتغل مالي ولا صديقة وانا ولاية ما فيها الا الامريكان ما في عرب بصراح هم ناس محترمين جدا جدا المهم زوجي بياتي تعبان وعينكم متشوف الا نور بياكل ويصلي وينام التصور طول اليوم لوحدي و الليل كمان الي بيسالي وحدتي بنوتي ادعولي ربينا يقويني
|
ام هنونه ..
الله يخليها لك ويغير حالكم الى الأحسن .. وترجعوا يارب الى اوطانكم بالسلامه .. |
انا صاتمه من ايام الملكه وهو اللى يسولف عطوني حل
وانا طبعي من يوم كنت صغيره مااسولف الا القليل بس |
السلام عليكم ورحمه الله وبركاته ..
مشكور أخوي الفهدي علي فتح مجال النقاش في مو ضوع الصمت القاتل بعد سنين من الزواج أنا وزوجي نتكلم قليل وبما انننا في روتنينا العادي واليومي نادرا ما نجلس مع بعض بدون ما ناكل .. فالسوالف معدومه كنت قبل اتكلم معه واحاول افتح معه مواضيع بس هو تفكيره عكس تفكيري شتان بالاساس ما احسه يسمعني يعني اتكلم في سالفه ومندمجه فيها يفجائني بنص سالفتي بطلب غريب او يغير الهرجه وكانه اهتمامتي ما تهمها .. انا بصراحه الان صار عندي تبلد منه احسن معاملته وكل شي بس من ناحيه السواليف والكلام غسلت يدي يعني يا نحش في خلق الله واستغفر الله العظيم ولا مستحيل يندمج معي بالكلام واهتمامه الوحيد الشي اللي انا مسحيل احبها او افهمها العقار والمقاولات والاسهم بس الله يعين اهم شي مرتاحين ومنسجمين تقريبا مو مشكله التقاء التفكير والاهتمامات .. اشكرك مره ثانيه اخوي .. |
| الساعة الآن 07:36 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©