|
هل هذا الوضع طبيعي ؟
انا اخرج واروح المناسبات
وعادي اموري لكن الي استغرب منه انه محد يتقدم لخطبتي وفي ناس كثير يمدحون جمالي وبسرعه يميزوني بالحفله لاني اتعمد لفت الأنتباه باني اسلم على الجميع واحاول اكون اجتماعيه مع الآخرين وسولف واتعرف على ناس جدد بستمرار واحاول اترك اثر طيب عند الآخرين وهذا شيء احاول انميه بنفسي سواء عشان الخطبه او لمجرد معرفة الناس الي حاصل لي اني مره وحده بس جت حرمه لبيتنا عشان تخطبني ولا صارت ومره وحده دقت تلفون على خالتي ولا صارت :25: الغريب محد يجي يخطبني نهائياً وعمري الآن 25 سنة وداخله 26 اشوف اختي الي تزوجت ماشاء الله عليها خطبوها ناس وكانت وقتها تشتغل وتزوجت وعماتي في ناس يخطبونهم وتزوجوا وفي بنات ينخطبون اما انا محد يخبطني ابد ابد ابد فأنا استغرب هل هذا طبيعي !! في بنات يقولون يخطبونهم مطلقين او متزوجين او مادري ايش بس انا محد يخطبني نهائياً صراحة صرت افكر كثير في الموت وخايفه ادري ان هذا قضاء الله وقدره لكن الدنيا تخوف مافيها أمن واغبط الي ماتو على حسن خاتمة ودي اصير زيهم الله يرزقنا حسن الخاتمة ولا هالدنيا برجالها ونسائها تخوف صراحة انا خايفة حيل من الحياة وخايفة من اني اعيش في الدنيا اكثر :11: |
ياساتر تعوذي من بليس وخلي عنك هالاوهام
انتي محد خطبك لانه ماحان الوقت اللي يجي فيه الانسان اللي مكتوب لك وانتي على كلامك جميله طيب هذا هم غير جميلاات ويتزوجون يعني بالمختصر المفيد كل انسان بياخذ نصيبه بس الصبر |
بصراحه وبدون زعل وكل عائله تختلف في عوايدها
احنى عندنا البنت الي تقوم تسلم على الناس وتدور بين طاولات الحريم وتسولف نعتبرها جريئه جدا وملقوفه مره وعن امي واهلي ونفسي ما راح اخطب لاخوي بنت تسوي كذا خليك هاديه وخجوله الناس تحب البنت الي كذا مو الي تقوم تدور |
سؤال
هل كل أحد يجي يخطبك لازم تدرين عنه ؟ (يعني يمكن يجي أحد يخطبك -وما يصير مناسب- بس أمك أو أبوك ما يقولون لك) |
أنتـــــي واضح من كلامك انك ماتتصرفي على طبيعتك
وتحاولي لفت الانتباه .... وترا هالشيء يؤثر على شخصيتك ..... خليكــــــي طبيعية .... والله يرزقك بالزوج الصالح عاجلا غير آجل ... |
اقتباس:
لالالا قصدي اني اهتم واقدر الناس الي اعرفهم من قرايبنا واهلنا مو جرأة بس اني احاول ابين لهم ترى انا موجودة في البداية كنت هادية وخجولة ولا امشي إلا جنب امي ولا اقوم ارقص إلا لما احد يقولي ارقصي واقعد اتـثقيل واتدلع وانا ميته على الرقص ....... بعدين لما صار عمري 22 سنة إلى اليوم 25 سنه وداخله 26 صرت اتصرف على طبيعتي واحاول انسى موضوع الخطبه بس ماقدر غصب يشغل مخي بس مو الدرجة اني اروح من طاولة الطاولة قصدي لما يكونون ناس جالسين جنبي ممكن اتعرف عليهم واخذ واعطي بالكلام معاهم حتى لو ما كنت اعرفهم من قبل ممكن اقوم من مكاني واروح اسلم على مرت خالي جالسه في مكان بعيد واسألها عن بناتها واسلم على الحريم الي حولها وتصدقين اقول النفسي نفس الكلام خذي راحتك ترى الي ماخطبوك وانت هاديه وتضغطين على نفسك ماهم خاطبينك وانتي على طبيعتك وبعدين يقولون الاقاربي يحليها فلانه شفنها بالمكان الفلاني كنا جالسين جنبها ومادري ايش .........): طبعاً هذا يفرح اي حرمه ان الواحد يمدحها عند ناس ثانين بس انا يخليني ازعل واقول وش الفايدة دام محد يخطبني وبعض الناس يحسبوني اني ارد الناس مايدرون ان محد اصلاً يجي عشان نرده خخخخخخخ ماخذيني فيني مقلب |
اقتباس:
|
اقتباس:
|
الله يستر عليكي....
بس ما فهمت ماذا تقصدين بالتفكير بالموت.......؟؟؟؟؟؟؟؟ ياليت التوضيح اما عن الموضوع......فعلا تصير..... يمدحون الناس بالوحده..... يحليلها ....ويازينها ولا من يخطب...اتوقع انها عاده عند الناس مدح البنت اللي ما تزوجت....عشان يفرحونها ويفرحون اهلها.....او من باب المجامله..........زي لما نقول للطفل بطل....... يعني كلمه بدون اي قصد....او من باب الفضول....دائما اسمع الناس يسالون عن بنات غير متزوجات.......ليس لهدف الزواج ابدا ولكن.........فضول........ ليس لكم إلا الله......والدعاء والله على كل شئ قدير........... الإستغفار والتوبه لله من الذنوب.................................. الله يرزقك الرجل الصالح الذي تتمنينه |
الحياة بواقعيتها والامها ومخاوفة تزهد الانسان فيها هذا قصدي بالموت
الناس الي متمسكين في الحياة عندهم احلام وردية ومالخ لكن انا ما عندي شيء لاني عارفه الواقع عشان كذا خايفة خايفه الله يسعد الناس الي ماتو بحسن خاتمة ويلحقنا معاهم |
حبيبتي
نصيحتي لك .. اقربي من الله اكثر قومي آخر الليل وصلي لله ركعتين ودعي ربك بالزوج الصالح ولا تستعجلين الاجابه واكثري من قراءة القرآن وخاصة سورة البقرة .. صدقيني إن داومتي على قرائتها يوميا كل يوم لا تأخذ من وقتك إلا ساعة او ساعة إلا ربع ستغير من حياتك كثير وتذكري ان الله عز وجل لا يغير ما بقوم حتى يغيروا ما بأنفسهم اجمعي اخطائك (كلنا خطاؤون) وحاولي تصحيحها وغير من اسلوبك في الحياة وبري بوالديك وبإذن الله سيأتي النصيب المنتظر على احسن حال وامنيه تقبلي مروري دمتي بود |
وفقكم الله
|
الله يرزقج ان شاء الله..
وخلج عاديه مع الكل.. وان شاء الله لج نصيب لكن ما تعرفين وينه :) |
اقتباس:
الله يغفر لنا ويعفو عنا ويرضينا بقسمته انا ألوم نفسي لما انقهر او اتذمر واحس اني غلطانه وارجع استغفر اهم شيء ان الله يرضى عنا ويدخلنا جنته مشكورة على كلامك الطيب جزاك الله خير والله يرزقك من خير ما عنده |
اسال الله الكريم رب العرش العظيم ان يرزقك الزوج الصالح اللي يسعدك بهاالدنيا
|
عزيزتي..
ريحانة صادقة... ما أحلى الريحان ....( وجعلني الله وإياك من الصادقين )... عمرك 25 وانخطبت مرتين مررررة معقول... إختي جميلة مو عادية وعمرها زيك بالضبط داخلى ع ال26 وانخطبت 3 مرات فقط..!! العبرة يا حبيبتي مو بكثر ( الخطاب) العبرة (((( بالتوفيق )))) مُحدثتك خطابها كثير وطُلقت مرتين جعل فالك الخير والتوفيق. |
افا وانت اختك احلامك بتحقق قريب بس يبليها شوية صبـــــــر
زي ماقالوالبنات تعاملي بطيبعتك ورزقك جاااااااااااااااااااااااي جااااااااااااااااااااااي في الطــــــــريق لاتياسين يابعـــــدهم وسعي صدرك واهتمي بشكلك ولاتفكرين تتعبين عيشي يوووووومك وانبسطي وان شاءالله نشوفك عروسة انتي ونايت وشيهانة وهمس وهنووووووووووددة وبنت الحلوين وجميع القروب اللي هنا وبنات المسلمين عليك بالصدقة فرج الله همك ورزقك الله الزوج الصالح التقي النقي وكـل تاخيرة وفيها خيرة انا قدامك صغنونة وكان ودي اكون بيت وارزق باطفال بس للاسف ماستمرت الاحلام انامنطلقة 23 وسعي صدرك ومن يشوف مصيبه غيرة تهون علية مصيبتة هونيهاتهووووووووووون والفرج قادم تفائلي بالخيــــــر والحمدلله |
عزيزتي
انا من عمري اجتماعيه واروح مناسبات.........ولا احد يترك لي مجال اتغلى او اتثيقل .........................وكنت استحي اردهم او اعتذر حتى لو كنت تعبانه ..................... (والحمد لله يقدرون لي هذا الشيء) ودائما الحريم اللي ما يعرفوني يسالون عني وتصدقين على كثر الخطاب اللي جو لي ولا احد منهم شافوني اهله في مناسبه ولا حتى عن طريق خطابه لدرجة اول سؤال يخطر في بالي اذا كلموا يخطبون (من وين عرفوني من قالهم عني ) فالقى بعضهم يعرفوني اخواته من الكليه بس انا ما اعرفهم , او عن طريق صديقاتي ,او سامعين عني (من مين مااعرف )واخذو بقيه المعلومات من اقاربي, وفيه واحد لما جو لنا يخطبون اكتشفت ان اخته مدرستي لما كنت بالثانوي واخذت عنواني من المدرسه وقاعده تحسب لي متى اتخرج من الجامعه عشان تخطبني (حسب عادات عائلتنا) ومع ذلك ماحصل نصيبي الا مع قريبي وما انقطع السؤال عني في المناسبات وحتى بعد ما تطلقت مازالو الناس يسالون عني في المناسبات لكن هالمره ماتقدم لي الا من اقاربي بعد ما شاع خبر طلاقي في المقابل وحده من قريباتي تعدت الثلاثين ومو موظفه ولا تروح مناسبات وجمالها متوسط ولا يمر اسبوعين بدون ما يتقدم لها خاطب على اختلاف مواصفاتهم لكن للاسف ماحصل نصيب ومازالو الخطاب مستمرين الخلاصه لا كثر خطاب ولا سؤال الناس عنك في المناسبات لها علاقه بالنصيب فلا تضيقين صدرك بكثر التفكير على قول جدتي اذا جاء النصيب حتى لو سكرتو الباب يقض الجدران |
اقتباس:
مشكورة اختي الله يجزاك خير |
|
اقتباس:
الله يوفقك امين ويرزقك من خير ما عنده كلامك ريحني واستانس لما اشوف ردود واحد يشاركني همومي جزاك الله خير |
عموما الله يرزقك ويفرج همك يا اختنا الكريمه...
ولكن لفتني من يقول.......ستتحقق امنيتك قريبا............... لا يعلم الغيب إلا الله وخير شئ الدعاء.....سواء ندعوا لها او تدعوا لنفسها......والله على كل شئ قدير |
اقتباس:
احنا بنعمة والي رزق غيري يقدر يرزقني الله يثبتنا ويرضينا بقسمتنا ويدخلنا جنة الفردوس الأعلى |
ما لنا إلا الله الرزاق ........الله يستر علينا جميعا.....................
ليس لنا إلا الدعاء...إنه يقول للشئ كن فيكون............................................. .......................... |
فيه كثير بنات صديقاتي يفكرون نفس تفكيرك ، لاتقلقي عزيزتي، هذه الحالة طبيعية ، تحصل مع اكثر البنات ، خاصة اذا كانت جميلة ومتعلمة وكل شئ فيها حسن، لكن ما نقول غير امر الله كما قال سبحانه وتعالى (فلا تعلم نفس ما أخفي لهم من قرة أعين جزاء بما كانوا يعملون) ... لذلك اختي العزيزة اهم شئ هو تقوية علاقتك بالله وكثرة الدعاء والاستغفار.. ولا تنسي وعد الله الحق ( ان مع العسر يسرا ، ان مع العسر يسرا ).. ادعوا الله لكي ولجميع المسلمين والمسلمات بان يرزقنا الله واياكم بالزوج الصالح والذرية الصالحة التي تقر بها الاعين.. في القريب العاجل ، اللهم امين.. انه على كل شئ قدير.. |
يا اختنا الكريمه إن الله قادر على ان يزقك ويرزق جميع الناس.....وإنه يسير عليه...
وقادر ان يرزقك قرة عينك........ الله يرزقك من حيث لا تحتسبين بقرة عينك......امين يارب |
جزاك الله خير يا اجمل صدفه ورزقك من خير ماعنده امين
|
اقتباس:
الله كريم الله كريم الحمد الله على كل حال |
افضفضه
اناا استغرب اظن ان حق الزواج حق شرعي لكل إنسان كيف تأزم مجتمعنا فصار الكثير من البنات غير متزوجات !!! لو كنت حالة شاذة في مجتمعي كنت قلت العيب فيني ولكن كثرة البنات الغير متزوجات والمطلقات إلى اين يوجهنا هذا كله ؟؟؟!!! هذا يشعرني بالرغبه في ان اموت ويكون عمري قصير حتى لا افتن ولا اغتر بهذه الدنيا الصعبة فما يحدث في العراق وفلسطين ودول المسلمة التي تتعرض للفقر والمعاناه شعورنا نحن بالنقص والتعب النفسي الذي تشعر فيه العانس كله يجعلني ازهد في هذه الدنيا بل واغبط كل من مات بحسن الخاتمة الحمد الله على كل حال بالامس صار وانا اطبخ شيء على النار طائ زيت الحار قريب من عيني والحمد الله ماصار بوجهي ولا عيني شيء لكن فكرت كنت بلحظة بفقد نعمة من نعم الله صحيح انا عندي مشاكل لكن لو اظافت لها مشكلة التشوه او العمى كانت بتصير الحياة اصعب وهذا يخليني افكر وقول الحمد الله انت لو ما كان عندك كذا وكذا كان الحياة بتكون اصعب بكثير الله يرزقنا الثبات وحسن الخاتمة اللهم إذا اردت بقوم فتنه فقبضني إليك غير مفتونة |
| الساعة الآن 04:49 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©