|
ما رأيكم بحركة ابو زوجي
السلام عليكم ورحمة الله وبركاته
القصه باختصار شديد ان ابو زوجي وقح بزياده يحب يمزح بس مزح ماينطاق مثلا يقول سويتي شي في العيد (......؟ ويضحححححححك <<<<<<ضحك من سره ان شاء الله او مثلا اذا كنت بروح بيتي يقول اشتقتي هاه ل....؟(كلكم فهم) ويضحك على باله خفيف دم طبعا انا ما ارد عليه ابدا لانه كبر ابو جدي لكن الي ماعاد اتحمله قبل فتره قصيره رحنا لهم وكان في الحوش لوحده فرحت اسلم عليه وش تتوقعون سوى والله العظيم ما اكذب لما قربت منه علشان اسلم على راسه لمسني من تحتي بيده (وكمان يضحك) انا لحضتها خلاااااااااص احس بخوف فضيع انا الحين ندمانه تمنيت اني عطيته كف يوقفه عند حده بس والله مدري وش جاني ماتوقعت المزح في نظره يوصل لها الدرجه الحين انا دايم مشاكل مع زوجي يقول ليش ما تروحين لاهلي انتي متكبره وبيجي يوم يسوون حريم اخوانك في اهلك كذا انا ما قطعتهم نهائي بس في الشهر مرتين مستحيل اقول لزوجي باللي حصل لكن اخاف في لحضة زعل اقولها اااااااااسفه عالاطاله هذا وانا قلت باختصر لكم القصه تحياتي |
هذاا مو صااحي الصرااحة وما الوومك يوم ما تروحيلهم
وكثر الله خيرك انك ترووحين مرتين في الشهرر انا لو مكاانك وربي ماايشوف وجهي هذا اللي نااقص ابوزووجي ويسوووي كذااا يااالطيف والرجاال يسألون ليش تقوولون ماعاد فية رجااال هذاا مثال حي الله يهدي الجميع بس |
لا لا لا مو معقول اكيد انتي فاهمه غلط انتي عرض ولده انتي مثل بنته امكن هم كذا طبعهم يمزح مع ام زوجك كذا يقول هذا الكلام قدم ولده يصير نفس الشي مع حريم عياله الثانين ايش معنى انتي
|
المصارحه حلوه ..
قبل أن يحصل ما لا يحمد عقباه .. هذا شايب والعياذ بالله اخاف يطلق عليه ما قاله رسول الله ثلاثه لا يكلمهم الله ولا ينظر إليهم ولا يزكيهم يوم القيامة وذكر منهم ( اشيمط زاني ) يعني كبير في السن وبعد يحب هذه الأمور .. لكن لو حصلت من شاب معقوله .. في ريعان شبابه أما !! شايب .. اسأل الله السلامة والعافية . احسمي الأمر وكوني قويه .. ولا تنسين أن الله معك .. ويعجبني المرأة المسلمة القويه .. فإلى متى المرأة المسلمه في مجتمعاتنا تخجل من الحق .. |
اقتباس:
لا أختي / عابرة السبيل صدقي وخذيها قاعدة : من ضعف إيمانه عمل المستحيل من المنكرات .. يعني بإختصار : فيه قصص الوالد يتحرش ببناته .. فما بالك بزوجت ابنه ..!! صح نحسن الظن بمن يُحسن به الظن .. أما من هو في محل الشك فلو اسيئ إليه الظن فلا يدخل في آية النهي عن إساءة الظن كما قرر ذلك ( ابن عثيمين رحمه الله ) |
اذا خسرتي أختي أبو زوجك ... فلا تخسري زوجك ...
لابد تقولين لزوجك الي صار .. على الاقل لايلومك على مقاطعتك لبيت أهله .... ويقدر يكلم والدته .. وهي بالدور تكلم زوجها بهدوء ... وبدون مشاكل ..... والراي لك أختي . |
ارى انك تصارحي زوجك بحركات والده
وأسال الله ان يعينك بصراحة الدنيا هذة صارت عجب اله يصلح أمرك |
يا اختي انا ارى ان مثل هذه الامر انتي افضل من يقرر فيه فإن كان هذا الشايب معروف عنه سوء الخلق وهو الان بكامل قواه العقليه فربما كان لدى ابنه خلفيه عن ابوه وهنا يجب ان يترك الامر للرجال ليتصرفوا فيه فعليك بالجلوس مع زوجك ومحاولة ايصال المعلومه له بشكل مناسب بحيث يفهم الزوج المقصود دون ان تتسببي في احراجه وحتى يكون لكي العذر في البعد عن والده وحتى ايضا يقوم الولد بدوره في محاولة نصح والده فمثل هذا الاعتداء قد يقع ليس فقط عليك بل على باقي اقاربه فا الامر خطير ولا يجب السكوت عليه |
أستغفر الله العظيم نسأل الله العافية .... الله يستر عليك أختي ترى واضح إنه ماهو طبيعي ... زي ماقالوا الإخوان صارحي زوجك بس بأفضل الطرق لأني أخشى أن ينكسر زوجك بشكل فضيع إذا عرف حركات أبوه ... الله يهديه يارب
|
انا ماتخيل ان هذا التصرف يطلع من انسان مسلم عاقل كبير وعلى محارمه لا والادهى على بنت الناس بعد يعني سمعته بتروح وطي الا اذ كان ما هو صاحي سكران او يتعاطى ولو فرضنا انه بكامل قواه العقلية وهذي تصرفاته فا الامر يعود لكي انتي وللاسرة التي رضيتي بأن يكونوا اهل لأبنائك وقبلتي بأن تنضمين لهم وقد ذكرتي في ردودك ان زوجك يروش اطفالك وهوا عااااااااااري الان حصصحص الحق فالحب يطلع على بذره ومن كانت هذي بيئته فالنتوقع منه اكثر من هذا فقد قال الرسول صلى الله عليه وسلم (تخيروا لنطفكم ان العرق دساس)...
فا لان نعطيكي الحل للابن او للاب!! اذا كان الاساس اصلا مهدوم كيف تزوجتيي ألم تستخيري ألم تسألوا عنهم ! وانا متعجبه لماذا لم تخبري زوجك!!.؟ فقد ذكرتي في ردودك انك في شجار دائم مع زوجك وانك تردين عليه الكلمه بعشره فلماذا لم تخبريه!!! الحل هوا ان تخبري زوجك وتشوفي رأيه أما انتي فمن رأي أن تقابلي أبو زوجك بعبايتك ولو متغطيه افضل حتى يفهم انه ماهوا محرمك لان الحركه اللي صارت( لو كانت فعلا صارت وماكانت يده جات بالغلط )ماتتسوى في محارمه اذا استتري عنه.. المره الحره ماتشاور في عرضها ولا تجعل احد يمسها ولو بشعره .و أحسبكي كذالك والله حسيبك أسأل الله لي ولكي ان يسترنا فوق الارض وتحت الارض ويوم العرض.والله يفرج همك. |
الله يعينك اختي .. ابو زوجك كبير و ما يحترم شيــبته ؟؟ اختي قولي لزوجك ان الفتره الاخيره ابوه صاير مزحه ثقيل و يحرجك .. و هذا الامر مخليك تترددين في انك تروحين تزوريهم .. وانت ما ودك تردي على ابوه بكلمه تضايقه .. طبعا حاولي انك ما تقولين لزوجك وش اللي صاير بالضبط .. لانه قد ما يصدق كلامك .. لانه مستحيل يتخيل ان ابوه يتصرف بهذه الطريقة مع زوجة ابنه .. |
صباح الخير اشكر كل الي علقو على موضوعي الله يكتب لكم الاجر والله اني في حيره من امري
زي ماقلتلكم عمي يرى ان كل حركاته هذي مزح وانا فعلا متأكده ان مافي باله شيء لانه كل ما قال لي شيء يحرجني يضححك مره على شكلي وحتى الحركه الي سواها قعد يضحك بصوت عالي علي لما تغير وجهي ياربي ما عرف كيف اوضح لكم اكثر احسه يمون بقوه مايعرف وش يعني مزح جريء تعدى حدود المزح ومو حاس انه مسوي غلط وهو رجال عاقل مو من الشيبان المخرفين وله مكانته بين الرجال ودي احيانا تكبرالسالفه علشان يفهم ان المزح الي زي كذا مو معي انا زوجة ولده المزح ذا يكون مع زوجته وبس بالنسبه لحريم عياله الثانين كلهم عايشين في مدن ثانيه ما يجون الا شهر بالسنه ويمكن اقل بس احنا الي عايشين بنفس مدينته وبالنسبه للبسي قدامه والله على طول محتشمه وطرحتي على راسي دايم واذا رحت لهم فجئه وكنت لابسه بنطلون ما افسخ عبايتي ابدا مع ان بناته اكبر مني وعادي يلبسون بناطيل قدامه بس انا مستحيل الاخت عابرة السبيل ذكرتي في الرد ( كيف تزوجتيي ألم تستخيري ألم تسألوا عنهم )ااااااااااه والله ان هالكلام تعبني مره زوجي يقرب لي ونعرفه زين ولما خطبني وتزوجته كان عمري 18 سنه فما صليت استخاره لجهلي ودائما اي مشكله تحصل بيني وبينه على طول اتذكر اني ما استخرت قبل الزواج ولكن الان دائما اصلي واطلب من الله ان يسخره لي وان يكتب لي الخيره معه هو انسان طيب واحبه حب شديد وهو يبادلني نفس الشعور والحمد لله بفضل الدعاء علاقتي معه متحسنه كثثير عن اول صار فيه بيننا احترام اكثر قاعده افكر الحين وشلون اوصل له الخبر من دون ما اصدمه لان هذا ابوه وزوجي يهابه ويحترمه واحسه لايمكن يصدق الله ييسر جزاكم الله عني خير الجزاء ولي عوده اذا استجدت الامور |
لا تخبري زوجك انتظري .. اختي عندي فكره .. وان شاء الله تكون مفيده .. ارسلي رساله جوال لابو زوجك .. تذكرين فيها انك تحبينه و تحترمينه مثل ابوك .. لكن مزحه معك يضايقك يعني خلي كلامك يكون حنون .. و ما يجرح .. تكلمي معه مثل ما تتكلم البنت لابوها .. انتقي الكلمات بدقه بحيث لا تحتمل اكثر من معنى .. وان شاء الله راح يتفهم وضعك .. و بعدين روحي عادي زياره وسلمي عليه .. لكن خليك ثقيله عشان يحس انك بالفعل متضايقه و متوتره .. و طمنينا .. |
اقتباس ـ شادن
[واذا رحت لهم فجئه وكنت لابسه بنطلون ما افسخ عبايتي ابدا مع ان بناته اكبر مني وعادي يلبسون بناطيل قدامه بس انا مستحيل] إذا عرف السبب بطل العجب .. تقولين أن بناته يلبسن بناطيل أمامه وهذه والله المصيبه العظمى اسأل الله السلامة والعافية .. ابتلينا في هذا الزمن بالناطيل التي صارت شيئاً فشيئاً عاديه .. حتى صاروا البنات يلبسن ذلك أمام الوالدين والله المستعان .. فالأب رجل .. والبنت أمام أبيها .. لها هناك ضوابط الكشف وحدوده أمامه .. والله المستعان |
والله مدري وش اقول نسال الله السلامه والعافيه مثل ماقالو الاعضاء
|
الموضوع ما ينسكت عنه
الحل أن تخبري زوجك بربع الحقيقة يعني بمزاح والده من حيث الكلام الجرئ ولا تخبريه عن ما هو أكبر من ذلك إلا في حال استوجب الامر ذلك. أيضا أوصلي لوالده رساله بالجوال أو مباشرة تخبريه فيها عن رفضك لمزاحه. لكن السؤال هنا هل يقول هذا الكلام في وجود أحد غيركما؟ |
هذا من جد قليل أدب ومايستحي مفروض علي كبر سنة يكون محترم يقدرك لانك تحترميه واحسن شيء لكي خففي الزياره له عشان يحس بخطئه وبعدين يحترمك ومايسولك وقاحه ولو اصر زوجك علي الروحه علميه بسالفه .
|
أسألك سؤال واحد:
ماذا تنتظرين بعد الحركة التي قام بها ؟؟ هل تنتظرين ما هو ادهى و امر ؟ يجب عليك ان تقللي ذهابك الى اهل زوجك و اذا ذهبتي اجلسي في مكان غير المكان الذي يجلس فيه ,, و اذا سألك زوجك قولي له ان والدك يمزح مزح غير مقبول و لا استطيع الجلوس معه ! |
لابد من اخبار زوجك وخليه ينتبه لذالك لكي يعذرك
|
أخبري زوجك على خفيف يعني تقولين هو يحرجني بمزحه وتذكرين بعض كلامه
|
لازم تخبرين زوجك..ضرووووووري
هذا حالته للأسوء الله يهديه.. |
عيب والله
لو صايرلي هالموقف والله اعطيه طراآاق يطير معالم وجهه هذا اللي ناقص بعد كلمي زوجج لازم يعرف عشان يعذرج اذا ما كثرتي الروحات لهم |
اقتباس:
وين الخوف من الله وين العقل.. وين غريزة الابوه.. !!! |
اقتباس:
حاولي تقولي انه حركاته و مزحه ثقيل و يخدش الحياء و لو ما اقتنع صارحيه و قوليله الحركة اللي عملها حماكي بالظبط |
نصيحه لوجه الله
خبري زوجك من الآن فسكوتك راح يوديك لداهيه بمعنى انت تتحملين اخطاء وانتي مالك ذنب بسبب سكوتك عليه وهذا اكبر غلط لازم تخبري زوجك او ام زوجك الوضع ماينسكت عليه ابدا والا فتخسري والدليل على ذالك كل مره تسكتي وهو يمزح معك وآخرتها يفعل معك كانك زوجته وانتي ابنة زوجك ..!!!! كما قلت لاتسكتين ابدا والمفروض بناته مايلبسون اي شي ضيق او بناطيل سواء امام ابوهم او اخوانهم او حتى في مجالس النساء لأنه مايجوز ومحرم شرعا وانتي حاولي تكوني محتشمه امامه وامام غيره ماعدا زوجك على راحتك حتى لو ابوهم محترم ومتدين مايجوز شرعا لبس البناطيل او اي شي ضيق يجوز امام زوجها فقط وغيره محرم وفقك الله وهداكي الله لكل خير الله يهديه ويصلحه اللهم آمييين |
لا حول ولا قوة الابالله
حاولي انك ما تختلي به نهائيا وتبتعدي عن طريقه قدر المستطاع |
انا مع اللي يقول لك خبري زوجك
قولي له تبي تعرف ليش مااحب اروح لاهلك لان ابوك يتكلم بكلام قليل ادب واخرتها يسوي لي هالحركه يعني تدرجي بكلامك بس قولي له قبل اهم شيء ماتزعل من ابوك واذا يقدر يكلم امه ويخليها تنبه ابوه يكون احسن اذا هو خجلان يواجه ابوه لو حتى يقول له لو سأل عنك ليش ماتجينهم انك زعلانه من حركته لك والشايب بيفهم الله يستر عليك وعلى بنات المسلمين اجميعن |
وينك شو صار معك طمنيننا
|
عنجد
الدنيا صارت غريبة بدل ما يعتبرك زي بنته لازم تحكي لزوجك شو صار وكمان روحي عادي عند اهل زوجك بس ما تقعدي لحالك مع ابوه وحاولي تكون ملابسك كتير محتشمة عنجد صدق رسولنا الكريم الحمو الموت |
لاا لا انا مو مع الي يقوول صاارحي زووجك
هذااااا ابوووة يعني وااالدة يعني رااح تتأثر علاقتهم بسببك انتي ويصير مشااحنااات بينهم وفي النهااية راح تحسي انتي بالذنب كونك فررقتي بينهم قوليلة على مزززحة ثقيل وانا ما احب ارروح ويحرجني كثيررر بس بس بس اما الحرركة والله مصيبة وربي انا لو زوجتة اخووي قاالتهااا وربي اكذبهااا ورااح تهتز ثقتي في ابوووي مهمااا صاار من مجااملات يعني لاتعررضي علااقتهم للخطر الله يعينك ويررشدك الصواب |
صباح الخير مره ثانيه
اقتباس صالح الخالدي (لكن السؤال هنا هل يقول هذا الكلام في وجود أحد غيركما؟ اي نعم يقول هالكلام في حضور زوجته واحيانا بناته لكنهم ما يعلقون بشيء وانا بس ذكرت لكم مثالين من كلامه مع انها كثيير قاعده افكر في ردودكم والي كانت اغلبها تقول اقول لزوجي بالي صار وقلبتها في راسي لقيتها صعبه مره مره والسبب ان زوجي العزيز متهور بشكل فضيع دائما يسوي اشياء كبيره لحظة زعله يندم بعدها بفتره اشد الندم حتى معي احيانا بعض المشاكل يسوي فيني شيء ما يتسوى ويتلفظ بالفاظ ما احد يتحملها وبعد ساعه والله يرجع يعتذر واحيانا يبكي ويبوس رجليني لاسامحه ومو بس انا حتى الجيران واخوانه يفعل معهم اشياء لاتطاق وبعد لحظه يندم ويعتذر وانا سبق ومهدت لزوجي سبب كرهي لزيارة اهله وقلت له حصل شيء لو قلت لك راح يزعلك مره قال لاتقولين لي لاتشتكين لي من اهلي ابدا...لا تحرضيني على اهلي للمعلوميه ابوه مريض عنده الضغط وقبل سنه تقريبا جته جلطه وعياله يدارون صحته ونفسيته كثير لان الدكتور وصاهم عليه فلو خبرت زوجي وزعل وتكلم على ابوه ممكن يحصل لابوه شيء خصوصا انه يحس انه بريء افكر اني استمر في تقليل الزيارات بدون ما اقولهم السبب والي يقولونه عني يقولون صز بس اهم شيء ما اسوي مشكله بين زوجي وابوه وبالنسبه للي قال ارسلي له رساله عمي شبه امي يعني يتهجى الحروف فائدةجواله بس يكلم عياله ويكلمونه بس بدون مسجات تحياتي لكم الجميع............شادن |
والله يا اختي انا اقول لك لا تقولين حق زوجك ولا شي .. لانه هذا ابوه واذا مريض الله يحفظه بعد مافي فايده اكثر تقولين لزوجك ...
انا معاك فعلا انه الحركة وااايد قوووويه ووايد ناس يهديهم ربي دمهم ثقييل ويصل لدرجة الوقاحه .. الحال يالغاليه عشان لا تخسرين زوجك .. روحي بيت اهله .. لكن ماتقعدين مع ابو زوجك ابد .. هو سوا كذا مزح وانتي وااثقه من هالشي فيعني ماراح يضرك بشي ثاني .. لكن الموضوع يحررج جدا فعشان جي تجبنا للاحراج لا تقعدين معاه بروحكم ولاتقربين صوبه بعد .. واذا مزح مزحه الثفيل طنششششششي وكانك ماسمعتي .. |
اجل خلاص ماعليك الا فقط وهو
لاتجلس لوحدك معه اجلسي مع زوجك او عمتك ام زوجك المهم يكون مثل اجتماع وماعليك الا الدعااااااء واستغفار كثيرا برغم لو قلتي على الأقل ام زوجك كان افضل لكن اكثري من الدعاء واستغفاااااااار اغلب وقتك وفعلا لاتزوري الا نادر والحمدالله الله يعلم نيتك وصدق وماعليك من احد وفقك الله لكل خير واصلح الله والد زوجك |
بلغي زوجك بسرعه بالموضوع مو يظن انك تكرهين اهله وخليه يفهم ابوه انه مايتقرب لك او يمزح معك مزح ثقيل مثله استغفر الله والله لايبلانا
|
ياربية لك الحمد اللهم لا شماتة والله اول امرة اسمع كذا
|
احذري تقولي لزوجك عن الحركة اللي سواها ابوه
حتى لو زوجك صدقك راح يكره ابوه او ينزل من عينه ويمكن راح يكرهك ، وحتى لو لم يكن عصبي، اشياء نفسية راح تحصل لزوجك ايضاً لا ترسلين رسالة لعمك لأنك ما تدرين الشيطان وش يبي يوسوس له ويمكن يقلب عليك الحكاية امام ولده كلمي زوجك عن مزح ابوه الثقيل فقط فقط وانك ما تتحملين مثل هذا المزح لذلك راح تقللين من الزيارات لهم ، وابتعدي عن الجلوس معه ولا تسلمين عليه وانت لوحدك يعني دائماً خلي لقائك معه مشهود لكي يرتدع الله يسترك في الدنيا والآخره ويصلح لك شأنك وجميع بنات المسلمين |
أم زوجك ليش ماتقولين لها احس تمون عليه
يعني تجيه بطريقة البنت مستحيه وعيب لاتعلق عليها ومن هالحكي وانتي رايقه قوليلها مو وانتي معصبه بس توصله الفكره على وعسى يأثر فيه |
اقتباس:
لا تبلغي زوجك واياكِ ان يعلم بهذه الحركة التي قام بها حماكِ ، لأنك بهذا الفعل ستؤدين ولو حتى حلت المشكلة إلى حقد أبدي من الولد اتجاه والده أو اتجاهكم الإثنين معاً ، او يمكن ينقلب الأمر ضدك ،، في كل الأحيان ابلاغ زوجك لهذا الأمر سلبي للغاية ،،، بالتوفيق ... |
أتوقع انه يسكر أو يتعاطى شي والعياذ بالله
مافي إنسان سوي ومستقيم يسوي كذا مثل هالحركات مانقبلها من مراهقين وشباب طائشين فما بالك من كهول وشياب أعوذ بالله شي تشمئز منه النفوس الله يافيه ويعافي جميع المسلمين ولا يبلانا... لا حول ولا قوة الا بالله.. |
لا حوله ولا قوة الابالله
حاولي انك ما تختلي به نهائيا وتبتعدي عن طريقه قدر المستطاع وحتى اطفالك انتبهي لهم مثل ما تنتبهي لنفسك لا يصير لهم مثلك كان الله في عونكم واصلح الله والد زوجك |
| الساعة الآن 08:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©