|
دلوني على عيادة ممتازة لعلاج حب الشباب
السلام عليكم ورحمة الله
مساااااااااااااااااااااااء الخيــــــــــــــر الصراحة قلت مارح يحل مشكلتي الا هذا المنتدى والاعضاء الطيبين اللي فيه باختصار مشكلتي طويلة مع حب الشباب والحمدلله اولا واخرا ماتركت دواء الا واستخدمته ومانفع والشكوى الله الان وضعي اصبح سئ جدا والاسوأ انها مسببة لي الآم في الوجه والرقبة والصدر والظهر حاليا اعمل بمدينة الرياض ولا اعرف عيادات جلدية ممتازة واسعارهم معقولة بحكم اني جديد على المنطقة لذا امل من اعضاء هذا المنتدى الحبيب اولا الدعاء لي بالشفاء منها وثانيا عناوين العيادات الجلدية بالرياض لعل الله ان يكتب لي الشفاااااء ولكم خالص الدعااااااااااااء |
اولا الابتعاد عن المشروبات كالبيبسي وغيرو
والشوكولا ثم هناك مستحضر اسمه منتوجات البحر الميت من الاردن انا اعتقد انو موجود بالبلاد العربيه واحيانا يباع بالصيدليات ممتاز درجه اولى دهون وصابون تشم فيه رآئحة البحر والف سلامه يا رب |
ربي يسلللمك
والف شكر على ردك بالنسبة للبيبسي والشوكولا مجنبها نهائيا ولكن دون جدوى اما منتوجات البحر الميت قبل سنتين استخدمتها وانا بالاردن فعلا جابت فايدة ولكن الان لم اجدها في السعودية |
ربي يشفيك
الدكتور الخنيزان في عيادات أدمة يمدحونه فرعهم على طريق خريص |
بسألك أخوي ماتقدر تأخذلك موعد في مستشفى حكوومي؟؟
انتظر ردك... |
كريم مرو يعطيك العافية بس كيف اسعارهم؟
بنت الحلوين )) مادري والله كيف الوضع هنا؟؟وكيف الطريقة؟؟ |
شـــــــوف أخوي
أنا عانيت من حبـــوب الشباب ومن كثر ماترددت على العيادات صار عندي خبرة >> وماابالغ اذا قلتلك خسرت آلااااف من دون فائدة.. الكريمات اللي يصرفونها مفعولها مؤقت وترجع البشرة أسوأمن أول.. لذلك نصيحتي لك انك تأخذلك موعد عند مستشفى حكومي اللي يكون تابع لشغلك لأن المستشفيات الحكومية تكون عندهم أمانه أكثر ومايصرفون لك مئة علاج لغرض الربح ويصرفون لك حبوب ويأخذون منك تحليل كل شهر .... هذا غير النتايج المرضية اللي راح تحصل عليها من دون خسااائر.. لكن اذا ماقدرت لاتتعدى مستشفى ديرماوروح عند العيسى هذا الدكتور أمين ويراعي أمكانيات مرضاه وغالبا الأدوية اللي يصرفها سعرها معقول وأطلب منه يصرف لك حبوب روكتان مفعولها سحري وتصفي البشرة على فكرة الكريمات لوحدها ماتسوي شيء لازم تأكل معها حبوب.. وماأنصحك تروح لأدمه .... آسفه على الاطالة .. أحس اني فريت راسك>>:( بالتوفيق .....أي استفسار أنا جاهزة.. |
اذا جيت قطر ممكن تروح للدكتوره عايده الصالح وااايد يمدحونها في علاج حب الشباب (اعتقد اختصاصها)
تعالجت عندها عن الثعلبه بس شكلها ما تفهم الا في لجلد و حب الشباب |
احمد العيسى - عيادات ديرما على نهايه الثلاثين بالرياض
الله يوفقك ويشفيك ويعافيك |
اقتباس:
بالنسبة لنا ماعندنا مستشفيات تابعة للعمل يعني مافيه الا وحده صحية مدرسية :15: وكلامك صحيح فعلا انا كنت اتعالج عند عيادة بس وش اسوي الوضع اصبح لا يطاق بس ياليت توصفين لي ديرما وينها فيه بالضبط لأني يادووب اعرف طريق خريييييص :25: والف شكر على نصيحتك :17: |
اقتباس:
الف شكر لك ...:d |
اقتباس:
أي ثلاثين ....:29: ترفه مشكورة بس ياكبر الرياض :25: |
معاناتي مع الشباب من زمن طوييييييييل..
وشفيت بفضل الله... عليك ب ( روكتان ).. لكن استخدمه تحت إشراف طبي وتحاليل شهرية ...وصل استخارة أول لأن الدواء عليه كلام كثير..سو له بحث وبتعرف عنه أكثر...لكن بشكل عام مافي دواء إلى الآن ( طبيا) مثل مفعوله .. الله يشفيك ... |
بالفعل لو كنت تعاني من ازمة حب الشباب عليك بالروكتان
ربعي كانو يعانون كثيير بسبب حبوب الشباب الي مليانة وجوهم .. والحمدلله تشافو الآن تحياتي |
انا عندي نفس المشكله :(وابي اسأل عنها
من نص سنه يمكن طلع لي حبوب ولأول مره بحياتي بس سؤالي هو كم الفتره اللي ممكن تروح الحبوب لو استخدمت روكتان ولازم استشارة طبيب؟؟ وسؤال ثاني تعرفون بيتازول جي ؟؟ له دخل بالحبوب ولا لا |
أنا استخدمته 6 شهور ويمكن استخدامه يختلف من شخص لآخر ...
وحده أعرفها استخدمته 11 شهر .. على حسب كلام الطبيب ...الي يتابع حالتك .. وبالشفاء.. |
يسلمووو شيهانه على الرد السريع :)
|
نصيحتي رح للعطار خذ مرة واغسلها وانقعها بعدين ادهن فيها الوجه الى ان تجف واغسله وتشوف الفرق
|
والله ياخوااااااااان
حجزت موعد في عيادة ديرماااااااا من خلال الانترنت ولقيت الكشفية لوحدها 300 ريال هذي قيمة الكشف فما بالك بالتحاليل و ..... و.... فاضطريت اكنسل الموعد لاني ماقدرعليه ابد... اذا تعرفون عيادة اقل اسعاراً بس ياحرم المعلم ادهن الوجه بماء المره المنقع ؟؟ |
اقتباس:
|
اوكي الله يجزاك خير
ويعطيك العافية راح اجرب ان شاء الله بس لما ارجع للوالدة بالاجازة الله يوفقك |
هااااه بشر لقيت عيادة ؟؟
أو تبغى أعطيك أسماء عيادات أرخص من ديرما... والمرة ماتأخذ منها الا الريحة ... خاصة للي في مثل حالتك ماراح تأثر كثير.. |
لا والله مالقيت
ياليت اذا تعرفين تدليني اما ديرما ماقدر عليها والله الله يسعدك |
عذرا على التأخير.....
أعرف عيادتين وحدة فيها دكتور مصري وهي عيادة الريان في حي الريان شرق الرياض.... والثانية دكتورة سوريه في عيادة الوطن في حي الروابي ايضا شرق الرياض صراحة كلهم مجربين وتقريبا نفس المستوى ..... لكن المصري أفضل وأحسه فاهم أكثر الوصف...... مستشفى الريان ...... اذا كنت جاي من طريق خريص .. بعد معارض كدلك للجميح خذ يمين مع طريق الامام الشافعي على طووووول لحد ماتجيك الاشارة اللي عند ركن العثيم بعد الاشارة لف يمين مع شارع احمد بن حنبل أمش سيييييدة بعد الاشارة تكون العيادة على اليمين يعني العياادة في شارع أحمد بن حنبل وهذا الشاارع معرووف .. ان شااء الله يكون وصفي وااضح:d مستشفى الوطن ..... ماأعرف أوصفه:25: |
اقتباس:
بالنسبة للوصف ماشاء الله عليك مية مية:22: بروح له ان شاء الله والف شكر لك |
بس اذا تذكرين اسم الدكتور ...
|
آآآآآآآآآآآآمين
وياااك ان شاء الله والله حاولت اتذكر اسمه لكن ماقدرت.... اول مااتذكر بعطيك خبر..... على العموم هو أخصائي الجلدية الوحيد في العياادة.. والكشفيه عندهم ب50 |
| الساعة الآن 11:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©