|
كيف اعتذر لزوجي ؟
هذا الرابط عشان تفهموا اللي عندي بالكامل
http://www.66n.com/forums/showthread.php?t=176061 قبل كم ليله تخانقنا انا وزوجي ودخل هو عشان ينام انا رحت وصحيته من النوم وسئلته انت تحبني؟ قال لي لا انا انقهرت مرررررره وصرت اصارخ بصوتي قوم اطلع برا واضربه وكنت اقول له انا عارفه ان محد يحبني وانت الحين اكدت لي هذا الشي وكنت اضربه وانا اقول له اطلع برا انا ما ابيك خلني لحالي (لاني اذا تضايقت احب اكون لحالي وابكي وافكر) وفجأه ماشفت زوجي الا دفني بقوة وضربني وقال لي اي انا ما احبك ومن بكره الصباح ما ابي اشوفك في البيت وان شفتك ياويلك وطلع من الغرفه وانا لا شعوري لبست عبايتي وطلعت وكانت الساعه بحدود 11 بالليل وضعت بالحاره ماعرفت وين اروح وهم ما ابي ارجع البيت وكنت ارسلت رساله لزوجي( الغرفه فضيتها لك واغراضي كلها موجوده وما اخذت شي وانتبه لكوثر) كان يدق علي وانا ما ارد ليش ما ادري بس بعدين رديت عليه سئلني انتي وين قلت له ما ادري قال لي شلون ماتدري قلت له والله ما ادري بس انا قريبه من محطه بنزين جى واخذني ومارضيت ارجع البيت بس رجعني غصب وحضني وقال لي انا اسف بس انتي عصبتيني بالحيل وماقدرت امسك نفسي عارفه اللي سويته خطأ وزوجي اليوم سافر ارسل له رسالة اعتذار او انتظر لين يجي واعطيه هديه (مع الرغم ان ظروفنا الماديه ماتسمح بهدايا)؟؟؟؟ |
الي سويتيه خطأ وبعد الي سواه خطأ ..!
خلاص الموضوع لحد هنا انتهى لاتعتذرين ولاتعطينه هدية ولاشي .. تصرفي بطبيعتك واانسي الموضوع .. |
اختي زوجك فريد من نوعه يصبر كل هذا منك ويعتذر
حافظي عليه ولاتزعلينه مافعلتيه حاولي لا يتكرر وخير هدية هو اسلوبك معك يكون رائع حتى تكوني اسرة متميزة عكس ما عشتي فيها |
ماكان المفروض تطلعين من البيت بالشكل هذا !!!
والصباح رباح وتنحل ان شاء الله كل شي الله يهديك بس |
كلكم غلطانين
وماله داعي الهديه الي المفروض يصير هو جلسة مصارحه ووضع النقط على الحروف والمعاهده من الطرفين بعدم تكرار الامر لان الي صار ماله داعي وكبرت السالفه على شئ بسيط |
الله يهديك مصحيه زوجك من النوم تقول تحبني الوقت مناسب جدا!! وبعدين تطلعين اخر الليل لحالك فيها خطر كبير اختي لو كان يموت فيك وصحيتيه من النوم بيقول لا مااحبك لازم اعتذار وجو رومانسي وعدم تكرار الخطر الله يسعدكما |
,
, لاحول ولا قوة إلا بالله إيش طلعت بالحاره وضعت ولا كأن في رجال بالبيت مع أن المشكلة بسيطة بعدين لأول مرة أسمع أن مرأة تضرب زوجها وتقوله إطلع بره الغرفة الظاهر زوجك قلبه طيب لو زوجتي تخرج وقت المشكلة إلى الحاره لدفنتها في المكان الذي لقيتها فيه أختي من شروط دخول الزوجة للجنة طاعتها لزوجها , مو ضربه والصراخ عليه وبعدين تبينه ينسى الي صار بهدية ..!! , , |
انا اعترفت بغلطي وقلت له انا غلطانه بس حابه اعتذر له بحركه تنسيه السالفه
بالنسبه للحركات الرومنسيه انا على طول اسويها له ما اتوقع راح يعتبرها اعتذار كمان كنت اسويه عشا اعتذار اذا غلطت في حاجه واعتذ له وبالنسبه لخروجي من البيت انا طلعت لاشعوري ولا كيف ارسلت لزوجي الرساله انا عارفه بصميمي انه راح يجي ياخذني بس ماكنت حاطه في بالي للبيت كنت حاطه في بالي اروح بيت اخوي |
الله يخلف على زوجك وشو اضربه واقوله اطلع برى الضاهر ان اهلك شماعه تعلقين عليه اخطائك اهلك اخطوا معك لكن انتي ليش الحين تخطأين بحق زوجك وبنتك المفروض بعد عملتك والكلام الفارغ الي قلتيه ... الله يهدي سركم
|
مهما قلت وتكلمت عن اللي سوه اهلي فيني ربي يسامحهم ماراح تحسوا باحساسي الا اللي عاشت الاضطهاد اللي عشته الحين انا ماعلقت خطأي باهلي بالعكس انا معترفه اني غلطانه وبليز بلاتجريح فيني بصراحه انتوا مو فاهميني ومستحيل احد راح يفهم شعوري لحظتها قمة في الانهيار العاطفي وان ضربت زوجي فهو عارف اني في لحظه انهيار عاطفي وتاثير نفسي لحد هنا ماراح اتناقش مع احد الا اللي يعطيني افكار لانكم ضايقتوني ونزلتوا دموعي وانا اذاكر وعندي اختبار شهري بكره وانا ما الومكم بالعكس انا مانزلت هذا الموضوع الا ومتاكده ان في ناس راح تجرح فيني بس ماتوقعت الجميع عموما مثل ماقلت لكم ماراح ارد على احد الا اللي يقول لي عن حاجه تخص الاعتذار
|
ما كان المفروض تطلعي من البيت
الله يهديكم ابعتيلو مسج عادي وحسسيه انك مشتاقة لانو الرجال بسهولة بتطلع لبرا والله يهديكم |
إذا على الإعتذار قلنا لك لاتعتذرين ..
صح إنت غلطانة لكن زوجك عارف وضعك النفسي وفاهمك والمشكلة انتهت في وقتها ليش مصرة تذكرينه فيها ؟؟؟ لو إلى الآن زعلان منك صح بس خلاص حضنك واعتذر وإنت اعتذرتِ وانتهينا .. |
اقتباس:
زوجي باقي زعلان علي وانا حاسه بطريقه كلامه خصوصا الصباح وانا طالعه للمعهد |
اختي الكريمة بارك الله فيك
كـــــــــــل الي حـــــــدث نتيــــــــــجة الاضطهــــــاد الـــي حدث لك من قبل اهلك يوم كنتـــي طفـــلة ولـــو كــــان بنــت غيـــرك عـــاشت مثل عيــشتك مـــع اهــلك كــان ممكن تطلع انسانة ساقطة لكــن انتي بين ان قلبــك ابيــض وانسانة شريفة وعفيفة واكبــر دليــل انك حسيتي بتأنيب الضمير واستفقتي من غفوتك واخبرتي زوجك بالحقيقة قبل لا يكتشف بنفسه وهذا الشي الي خلى زوجك .. يرضى عليــك .. الله يخليـــه لـــــك الحـــل الوحيـــــــد انـــــــك تتخلـــــــصي من شبــــــح المـــاضي كيـــــف ؟ لازم اتروحي ل طبيب نفسي .. لازم روحي بالسر من دون حد يدري .. وزوجك مرة بيتفهم للاسف احنا اهل الخليــــــج عندنا تحفظ على الطبيب النفسي .. مع ان لو نشوف الناس المتفتحة مثل اهل لبنان مثلا كل شخص .. صحيح .. لازم يروح لطبيب نفساني .. الطبيب النفساني مثل طبيب العيون .. طبيب القلب .. طبيب الجلد .. طبيب اي عضو من اعضاء الاسنان .. ماله علاقة بالجنون ! لو انا مثلا جتني فترة اني حسيت بضعف ووهن بالشخصية .. مثلا .. مايمنع اني اروح طبيب نفسي عشان يخليني اكتشف نفسي بنفسي .. ويعطيني خطوات سليمة عشان اتعافى اختي الكريمة .. الموضوع مايحتاج هدية ... الرجل ماتهمه الهدايا كثيييييير اذا جا من السفر .. ارتمي في حضنه .بدون ولا كلمة.. وخليك غافية في حضنه .. الحضن يعطي رسالة خفية يفهمها زوجك بانك اتحبينه .. وانك مشتاقه له وانك تعبرين عن اسفك له ولا بأس بوردة جوري حمراء .. واحده بس .. هذي ان شاء الله تدخل في صميمه عسى الله يثبتك ويوفقك انت زوجك .. وينشال عنك الهم انتي بعد المفروض اتروحين العمره الله يوفقك ويوفق ازواج المسلمين تحياتي |
اخوي الفهدي
ياليت اقدر اروح لطبيب نفسي زوجي رافض اروح لاي طبيب نفسي يقول عني اني مثل البخت لدرجة اني قلت له عن ماضيي بس هم رفض قال لي ماتروحين وبمعنى كلامه ماراح اسامحك اذا رحتي من وراي |
السلام عليكم
الحمد لله أختي توتة أنها جت على كذا و يبدو أن زوجك حنوون معك و راح يعوضك بأفعاله و طيبته عن ما عانيتيه لا يهمك الكلام الجارح الذي قيل لك و كووووني أقوى لأني شعرت من طريقة كتابتك أنك نوعا ما مستسلمة للقدر و تقديرك لذاتك ضعيف نوعا ما إذا عليك أن تثقي بنفسك , بإنجازاتك كوني أقوى و لا تتوهمي المرض النفسي , لأن نصف المرض وهم نصيحتي تعاملي مع زوجك بشكل أحسن حاولي تخلقي جوا من الراااحة النفسية تكلمي باختصار و اقتضاب عن ما حدث و أن إن شا ء اله الأمور تتحسن و كوني صادقة بذلك اشتغلي على نفسك , اجتهدي في الدراسة و لا تتطلبي الحنان كثيرا من زوجك و تحملي عليه في كل موقف فالحياة أخذ و عطاء الحمد لله انتي في نعمة دراستك وزوجك و الحمد لله عندك بنتك , ربيها أحسن تربية و عوضيها بالحنان و التوجيه الجيد حرام تعيشيها في جو مشحوون و مضطرب مافييش إن شاء الله إلا العافية تحياتي لك و أتمنى ينزل لك موضوع تبشرينا فيه بكل خير و كوني دوما صديقة نفسك تحياتي أم فاطمة |
لا ياتوته الموضوع لاتطالبن بحذفه ... انتي موغلطانه ..
كثير من النساء تجيهم حالات عاطفيه جياشيه ويكون الزوج العزيز غافل عن كل هذا ... وش فيها يعني لوسالته ان كان يحبها او لا ... ياسلام يعني بيتكلف لو قال ايه احبك ... كثير من الرجال يتعززون باي كلمة حب كنهم بيخسرون حياتهم بهالكلمه ... ياناس ياعالم ياهوه المرأه كائن عاطفي ليه ماتحسون ... ليه دايما تعذرون الرجل في احتياجاته الجنسيه وماتعذرون المرأة في احتياجاتها العاطفيه ؟؟؟ يعني لوكان زوجها اللي صاحاها من النوم عشان يجامعها وهي رفضت كان بيصير رايكم انه وقت مومناسب وله كنتوا بتغلطونها هي؟؟؟ بعدين هو طردها من بيت اهله وهو عارف ان اهلها موفي نفس الديرة ؟؟؟ يعني بالعقل وين تروح؟؟؟؟ انه راح وجابها وحضنها هذا موقف يشكر عليه وماقصر ... لكن تطلعونها غلطانه وهو الملاك فلا.. الله يهون عليكي ياتوتا ...وقلبي معك. |
اقتباس:
و المراعاة مفروض تكون من الطرفين إذا كل واحد طبطب على الثاني و احتواه تتجلى معاني الرحمة و المودة |
وعليكم السلام ورحمة الله أختي الكريمة حـصـل خـير أختي الكريمة من فضل الله عـز وجـل عليك، أن زوجـك قبل اعتذارك وذلك بإحتضانه لك ... وأفـضـل اعتذار لزوجـك هـو حسن استقباله أثناء عـودته وتلبية طلباته واحتياجاته وأن يـرى منك ما يــســر أي رجـل رؤيـته من زوجته ، بالنسبة للطبيب النفسي أو المعالج ، فمبا أنك رفـض ، فـلا داعي أنت تطلبي منه أو تحاولي الذهاب منه دون موافقته ، لما قد يتسبب لك من مشاكـل ...فانس الموضوع أختي الكريمة اسمح لي أن ألفت نظرك لأمر أنت لا تنتبهي له ، ألا وهــو أنك ما زالت تعيشين بالماضي وتعيدين تكراره رغم أن الزمن طـوى عليه ، الماضي ولى وذهب بكل شيء فيه أختي الكريمة أطلب منك هـذه اللحظة ، وأمام أعضاء المنتدى إنك تنظري للمستـقـبل وإلى الأمام فقط ولا غيره أن لم تذكري أنك في فترة اختبارات الجامعة ، طيب أختي هـل من الممكن أن تنظري لجدول اختباراتك للأيام القادمة ، بل أبعد من ذلك ‘لى نهاية هذا الفصل ، بـل إلى تخرجك من الجامعة. ناظري للمستقبل فقط ولا غيره .... أختي الكريمة لقد نصحتك بالموقع في موضوعك في عالم تطوير الذات ، أتوقع نصف ساعة تجلسين تقرأين المذكرة وتشاهدين الفيديو للدكتور ، وتطبقين على المشاعر السلبية التي تشعرين بها بأي وقـت فالتقنية هـي أصلا صممت للتخلص من المشاعـر السلبية التي تكون محتبسة في الجسم مجرد ما تطبقيـنـها ستشعرين بالتـحرر من هذه المشاعر السلبية ، شيء مجرب وأنا مجربة وأعرف من أجربه وأستفاد ....فأظن من الأن لو ترجعين للموقـع وتطبقين ... الأن قـومي وتوضئ وصلي ركعتين لله ودعاء صادق في جوف الليل له رب سميع مجيب أخوك عزوبي:21: بس:d رجل:30: دمتم بحفظ الرحمن |
قلبي معاك ياتوته الله يريح بالك ويسعدك
|
والله يااقلبي انا اشووف انك انك مدام اعتذرتي
خلاااص مافي دااعي للهدية وبعدين انتي ما طلعتي من راااسك هو ضربك وقلك لا اشووف وجهك يعني هوو السبب في طلعتك يعني مو فجأة خطرتلك الفكرررة وبعدين القصة الي انتي حااطة راابطهااا حصلت من زمااان والا قريب وكان عندي تحفظ على مصاارحتة كاان توبتي الى الله وسترتي على نفسك بدل ما تحسي انك مهزوزة وزوجك مبين طيب جدا جدا جدااا يعني لا تفررطي فية قليل جداا الرجال الي كذااا حاولي حاولي حااولي انك تغيرري تعااملك معاااة مو شرط تقرأي كتب ادخلي النت اعررفي ايش يبغى وغيري تعااملك معاة للأفضل يعني لا تجلسلية على كل صغيرة وكبيرة طنشي وربي ترتااحي وااله مادري احسك طيبة وعلى نيااتك وهو اطيب منك الله يخليكم لبعض ياااااااارب |
اقتباس:
ماقالت انا صح وهو غلط وابغى اربيه الي عنده كلمة حلوة يقولها والي ماعنده يشوفله موضوع ثاني يرد عليه |
يا حبيبتي يا توتة ربنا يصلح لك الاحوال
ابعتي له رساله قوليله فيها وحشتني امتي بترجع ولما يرجع حضري اكله هوه يحبها وشوية شموع وكده يعني :17: مش اعتذار ولا حاجه لأ تصفية نفوس علشان يعرف انك نسيتي اللي حصل ونصحيتي حبيبتي حاولي تنسي اللي فات وما تقعديش كل شوية تفكري في اللي حصلك في الماضي علشان تقدري تعيشي الحاضر وبعدين احتسبي اللي حصلك ده عند الله وان شاء الله ربنا يعوضك دايما اتكلمي مع نفسك وقوليلها انا انسانة زي اي واحدة ومن حقي اعيش حياتي سعيدة واسعد زوجي وبنتي ان شاء الله ترجع لك ثقتك بنفسك ونسمع عنك كل خير تحياتي |
بصراحه تصرفك غريب كيف تصحين الرجال وتقولين له تحبني!!!!!!
وكيف تضربين زوجك وتطلعينه!!! وتطلعين من البيت وتضيعين بالحاره!!! اختي احمدي ربك ان زوجك عاقل لو واحد ثاني كان تصرف تصرفات ثانيه حاولي تتناسين الموضوع لانك مهما اعتذرتي مايفيد دامه هو تناسى وسامح بس حاولي ترضينه ولا تعيدين هالحركات تمنياتي لك بالتوفيق |
يا قلبي عليكي يا توته
حبيبتي انتي كنتي بحالة اكتآب نفسي حاد واللي عملتيه مش بارادتك وزوجك حس فيكي بس متأخر ميشان هيك رجعك البيت اول شي تعمليه الآن الوضوء الصلاة ركعتان لله سبحانه وتعالى ثم يا قلبي سورة البقره فورا ثم اكثري من قرآءت آية الكرسي وانتي تدرسين اقرءي آية الكرسي والصلاة على النبي واجمل هديه اما مسبحه جميله يحملها بيده او علاقة مفاتيح تحفرين عليها كلمة احبك للأبد حاولي ان تكون الهديه صغيره جدا واغمريه واجلسي بحضنه واغمضي عينيكي خليه يحس انك محتاجه حنانه مثل ما هو محتاج الجنس منك المسبحه تكون جميله وناعمه مثلك قولي له الهديه هي تعبيرا عن حبك له واسأليه انو بس يحس انك معصبه وتعبانه لازم يغمرك حصل معك ما حصل نتيجة ضغط الدرس ويا شباب المنتدى وعضواته لازم نسامح الزوج اذا غلط مع زوجتو ونلمس له مليون عذر لتبرير افعاله اما اذا الزوجه غلطت لازم تنزل فيها اشد العقوبه اعدام اعدام اعدام ارحمونا ارفقو بنا فنحن بشر نخطئ ونصيب ونسامح |
كثير من المشااكل تحصل بين الأزواج وقد تزيد عندما
يكابر كل طرف في المشكله ويقول لن اعتذر لأني لم اخطأ وهكذا تستمر المشكله ولكن ارى ان العاقل منهم يعتذر حتى لو لم يكن اخطا لأنه سوف يحس الطرف الثاني في يوم من الايام ويعرف ان الطرف الاخر قد اعتذر وهو لم يخطأ وهذا مايجعل الحياه الزوجيه جميله بمشاكلها اذا لم يكن فيه مكابره وتقبلوووو خااااالص شكررررررررررري |
يسلمووو ع مروركم
ارسلت له رساله اعتذار وفي نفس الوقت كنت ادلعه بالرساله بس مارد علي |
اقتباس:
لكن لي تعقيب على رد الأخ المشرف أبو فلان حفظه الله ... أخي الحبيب هل ممكن ان تاتي بمصدر كلامك احول ان من شروط دخول الجنة للمرأة هو طاعة زوجها ؟ واذا كان المصدر الذي تعتمد عليه هو الحديث الشريف التالي :- (أيما امرأة ماتت وزوجه عنها راض دخلت الجنة) فهذا الحديث هو ... حديث ضعيف: انظر السلسلة الضعيفة (1426) ورياض الصالحين تخريج الألباني(292) وآسف ع المداخلة وتشتيت موضوع الأخت ... بالتوفيق ... |
| الساعة الآن 09:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©