|
::: هل تنصحوني بشرب القرفة ولا لأ؟ :::
السلام عليكم ورحمة الله و بركاته
كيفكم بنات شو الاخبار كلكم عارفين اني حامل اليوم انتهى شهري والدكتورة عاطياني اسبوع من الان والا طلق صناعي ... لسة حروحلها بعد بكرة إن شاء الله لتشوف ازا مافي خطر ننتظر اسبوع يعني امور البيبي كويسة والمية والمشيمة لو كان في شي بعيد الشر اكيد حتولدني عطول المهم انا مش زعلانة عالتاخير كل تاخيرة وفيها خيرة لكن خايفة من الطلق الصناعي بعزب كتير وانتو الي جربت اكيد عارفة ويعني من الاصل الدكاترة ضميرهم غايب ولما تيجي وحدة عندها طلق وتطول شوي مابصبرو عليها وبعطوها طلق صناعي عشان يخلصو منها كانها جاي تولد ببلاش ماعندهم احساس للاسف المهم لو شربت قرفة كويس؟حتجيبلي طلق طبيعي ولا مش منيح في بحكو كويسة وفي حكولي بتعمل انقباضات شديدة وممكن تازي الولد فشو تنصحوني انتظر واتوكل على الله وخلص ولا اشرب قرفة وبرضو اتوكل على الله وبارك الله فيكم وجزاكم كل خير ادعولي |
أنصحك لا
إنتي خلصتي شهرك لكن لأنك بكرية بتتأخري أمشي كتير وأستني فرج رب العالمين يارب تولدي بالسلامة وطمنينا |
ملك
اقرأي الردود بتمعن فالرد الطبي في حالتك أهم من أي تجارب اقتباس:
اقتباس:
اقتباس:
واتمنى .. أن لا تحرميني من دعواتك في لحظة الولادة .. فلعلها توافق ساعة استجابة والله ييسر ولادتك ويجعلها في ساعة يسر .. ويرزقك الذرية الصالحة المعافاة ويقر عينك بصلاحه |
الله يهون عليك يارب .. صراحة ما انصحك تشربي اي شي ... لانه هالاشياء كله من تجارب قد تنجح وقد تفشل ..
صبري اشوي وان شاء الله ربي بيهون عليج ... انتي مخططه تاخذين ابرة الظهر ؟؟ " على اساس ردج بيقول لج شي :) |
ام نوف شكرا الك كتير بارك الله فيكي
كيوت بيبي شكرا الك حبيبتي وخلص ماحشرب اشي وإن شاء الله ادعيلك باحلا الادعية الله يوفقك يارب حاملة الهم اهلا وسهلا وشكرا الك ولنصيحتك ابرة الظهر اكيد ماحاخدها لا انا ولازوجي مامنين شكلها بخوف بنحط في الحبل الشوكي شو ضمني الي يعطيني اياها مايكون مخو ضارب ولا مسطول يشلني بعيد الشر وقتها حتروح عمين غير عليه؟لا خليني اتحمل الالم والله يعطيني الاجر وزوجي رافض اشد الرفض بقلي في الاحلام يروحو عاملينلك عاهة مش ناقصين ليش عاد شو بدك تقولي؟؟؟؟؟؟؟ |
ربنا يقومك بالسلامة حبيبتي
في انتظار تبشيرنا بقدوم النونو بإذن الله |
الله يهون عليك اوخيه ويبشرك بما يسعدك ،،
موفقه. |
الله يسهلك الولادة
امشي كتير وخلي ابو الشباب يشوف شغلة( طبعا الكلام مشفر) والعسل والرطب وانا اخدت طلق صناعي عادي المهم انا ولدي فمنا بخير |
الله يخلصك بخير
انا ناطره وابحث عن اسمك تاطمن عليكي الله يهون عليكي واكثري من اكل الرطب وزوجك يشوف شغلو بنعومه وما تنسي تقرأي سورة الطارق الى ان تصلي الى الآيه الكريمه التي تقول يخرج من بين الصلب والترآئب وانتي تشوفي كرم الله سبحانه وتعالى ولا اي الم ولا حتى طلق اصطناعي سمعتها من كثير من النساء جارتي قالت لي : والله ما لحقت اوصل المستشفى وانا جلست نزل الولد من غير اي الم طمنينا |
يااعمري الله يهون عليك وكولي تمر يااقلبي ولاتنسين تبشرينا عنك ..
|
الاخوات ما قصروا كفوا ووفوا اشربي كوكتيل حليب وتمر جدا مفيد عن تجربة
الله يقومك بالسلامة |
الله يهون عليكِ و
يقومك بالسلامة ويرزقك الولد الصالح ... ولاتنسيني من الدعوة بساعة الولادة إأن يرزقني ربي بالتوأم الصالح المعافى عاجلاً 000 ولاتنسين دعاء الكرب ((((لا إله إلا أنت سبحانك إني كنت من الظالمين)))) يارب فرجك لأختيتي ولجميع المسلمين والمسلمات طمنينا عنك *أذكر يوم كنت حامل قالت لي دكتورة شاطرة إمشي مشي تفرج متل روحي سوق أو أي مكان عام ورحت متل ماقالت لي والحمد لله من بعدها جاني طلق وولدت بعدها* {{الله يجعلك من كل هم فرجا ،،، ومن كل ضيق مخرجا}} |
الله يهون عليكٍ و يجعل ولادتك سهلة و طبيعية و سريعة
ما تنسينا من الدعاء إنو الله يخفف علينا و الله يبعد عنك الطلق الصناعي |
اهلين يا ملوكه ..
كنت برد عليج رد مطووول اذا كنت بتاحذين الابره .. لاني الصراحة اخذتها وواااايد ارتحت لها .. قرييت عنها وايد قبل الولادة .. وسالت وااايد من اللي خذووها ... انا صراحة مادري انتي في دوله .. لكن هني انا ماترددت اني اخذها اصلا حتى دكتورتي قالت لي 75% من النساء هنا ياخذونها وصج صج انها وااايد مرييحه ... عموما انتي سوي اللي يريحك .. بس لا تشربين قرفه .. سالت صديقتي الدكتوره .. قالت لي مانصحها تشرب .. خلها تنطر ان شاء الله متى ماربي كاتب له يطلع بيطلع .. لا تنسين تقرين سورة مريم وعليج بالتمر .. ايضا :) اختك ام فطومه :) |
انا ماانصحك تشربي قرفه لانها ماتسوي شي
انا جربت كل الطرق ومافي شي نفع ولدت لماالله ارادقبل مااخلص التاسع بيومين كان الطلق سريع بداالساعه 2العصر والساعه5العصر ولدت بس طبعا رحت للدكتوره ولاقت الرحم فاتح 3ونصف ماكان فيني الم وشربت زيت خروع والحمد لله |
الله يقومك بالسلامه وتبشرينا عن قريب صحيح مافي أفضل من الرطب والعسل
بس أصبري لاتاخذي طلق صناعي كلها كم يوم وتولدي أن شاء الله أنا لما خلصت شهري رحت عند الدكتورة وقالتلي الرحم مفتوح 2 سم أعطيك طلق صناعي والابدك تصبري شوي بس أنا خفت من الطلق الصناعي لأن أخت زوجي جربت وقالتلي أنه يألم كثييييييير والحمد الله جلست خمسة أيام وولدت بسهوله ولله الحمد يعني التأخير أسبوع مش أكثر عليك بالأذكار وقراءت الرقية عليك وعلى بطنك الله يوفقك |
حبيبتي ملك الله يهون عليكي ويرزقك ساعه سهله ان شاء الله ..
عن شرب القرفه انا شربت كتير لحد ماقرفت بولاداتي الثلاثه وما صار شي لا سهل ولا صعب .. كانه بشرب شاي بحليب .. اتمشي كتير وما تخافي من الطلق الصناعي انت ما هتحسي اصلا لو اعطوكي طلق صناعي وبعدين مافي فرق بين الصناعي والطبيعي كله مغص والم بس الطلق الطبيعي بيبداخفيف وبعدين يثقل وياخد فترة طويله اما الصناعي يدخل في الثقيل على طول وكلها نص ساعه وبيكون البيبي بين ايديكي .. الله معك لا تخافي .. وطمنينا عليكي .. |
لسى ماولدتي ........
وانتي كمان لسى ماولدتي ياملك
والله انا تعبت وانا انتظر الولاده وماهي راضيه تشرف :29: حالتي نفس حالتك مخلصة التاسع من امس رحت للدكتورة وكشفت علي قالت الرحم مفتوح من واحد الى اثنين سم انتظري اسبوع وبعدها ظروري تجينا ونعطيك طلق صناعي انا مجربه الطلق الصناعي بولدي الاول من جد مووووووووووووت ولاهو قريب من الطبيعي ياربي لاتكتبه علي ولاعليك ولا لكل حامل لاتنسين تدعين لي وانا راح ادعيلك لان دعوة المسلم لاخية مستجابه اسال الله العظيم رب العرش الكريم بحوله وقوته وقدرته ان يهون عليك ولادتك ويرزقك الذرية الصالحه وان يرزقك ساعه مهونة ميسره . |
فين الأخت ملك شادي؟
شكلها بتولد او ولدت ربنا ييسر أمورك اختي ملك وين ما كنت |
الله يخلص جميع الحوامل بالمنتدى
شكلها ولدت ملك الله يهون عليها يارب وعلى كل حامل |
يارب يا ملك تقومي بالسلامة وتجيبيلنا احلة بيبي يملى حياتك فرح وسعادة
اذا قرأتي ردي قبل الولادة انك تدعيلي نفسي ببيبي يملي علي حياتي والله اني تعبت من الانتظار |
اهلا ياحبيبات قلبي
الله يخليكو الي ياااااااارب ماقصرتو ابدا خلص ماحشرب قرفة بس ضحكت وتحسرت لما فكرتوني رايحة اولد كل الناس صارت لما اغيب اكم ساعة يقولو خلص البنت ولدت :(شايفين هالحظ الله يهونها يااااااااارب يارب يحقق كل احلامكو يارب وحبيبتي وردة إن شاء الله ادعيلك ولايهمك يارب الله يرزقك احلا بيبي يارب ويقر عينك فيه امين مافي اشي بعيد عن رب العالمين الله يرزقك يارب واختي بنت الاسلام انا بتزكر اني انا وانتي نفس الموعد الله يهون علينا يارب نكون والدين سوا بدون طلق صناعي ولا اشي يارب ويكون ولادة سهلة بكرة رايحة الدكتورة إن شاء الله اكيد حتعيد فحص الداخلي الله يعين واتحمل قرفانة وخايفة من هلأ دعواتكم وشكرا الكو يابنات وحدة وحدة الله يجازيكم الخير |
صدقيني ياملك ان الكشف الداخلي مابيخوف ولايوجع
الاسيوع الي فات كشفت مرتين اتمنيت انة يوجع ويكون قوي ويفتح الرحم لكن يادوب تحسي بنغزة الاصبع والا الكشف انتهى لكن فية كشف يسموه تحريض على الولادة الي هو بعد ماتدخل ايدها تحركها يمين وشمال وتكون الحركة قوية ومؤلمة .. لكن تفتح الرحم انا عملوها لي في ولدي الاول لما نزلت المويات بدون مايفتح الرحم وبعدين اعطوني طلق صناعي http://www.66n.com/forums/images/icons/cry3.gifوكادوا يعملولي عملية ... لكن ربك ستر وشرف الباشا بعد تعب وموت .. الحمد لله على كل حال . |
اختي ملك شادي
بنت عمي عدت موعد الولاده باسبوع وكانوا راح يعطونها طلق صناعي بعد اسبوع كمان ونصحتها الطبيبه بشرب زيت الخروع مع عصير بوصفه طبيه تقووول بع دج نصف ساعه حست بالطلق وطلق شديد مو مثل الطلق العادي لكن الرحم كان مفتوح عنجها 5 سم وولدت بنفس الليله اللي شربته فيه انتي اسالي الطبيبه وخذي رايها احسن لك |
بنت الاسلام اهلا حبيبتي
المرة الي فاتت الدكتورة كنت اخر وحدة وشكلها زهقانة وتعبانة ماحطت في الجوانتي جل كفاية فكان ملمس الجوانتي بالداخل لك ان تتخيليه ناشف جدا و مؤلم و مطاط بيلزق في الجلد يعني انا عارفة ملمسو لاني اشتري منهم وبستعملهم في الطبخ لما يكون من برة ناشف والله بصير يلزق في جلدي ويدايق فكيف لما تفحصك في داخلي الدكتورة؟؟؟عامل عارفة كيف زي البلونة من برة لما يصير قديم كيف ملمسو ؟فهمتي علية؟ بكرة حطلب منها تعبيه جل لانو اعتقد هادا السبب الرئيسي لانو تدخيل اصبعين مش هلأد وجعو مميت الله يعين ويستر انا وانتي نولد بموعدنا وطبيعي بدون صناعي ولا غيرو ياااااااااااااااااااارب اختي شربات شكرا الك حسال الدكتورة عن هالموضوع بارك الله فيكي |
يارب تقومي بالسلامة ياملك
وانت والبيبي في احسن صحة واحسن حال ممكن طلب اختي أدعيللى وقت الولادة أن يرضى الله عني ويحققلي اللى في بالي ممكن |
الله يقومك بالسلامه
ويهون عليك ولادتك |
ملوووكة لسسه ماولدتي :)
ذكرتيني بنفسي كانو كل يوم يسألوني ها في الم اقول لاااااا و يضحكوا .. عديت اليوم المحدد لي و بعد الموعد باسبوع بالضبط جالي الوجع الصبحوولدت بالليل لا تشربي شوي و لا تقلقي .. ممكن هلا يجي الوجع او بعد ساعة هو بيضهر فجأة فا خلي شنطتك جاهزة و موبايلك مشحون :) عشان تتصلي بابو الشباب باي وقت ربي يسهلها عليك ياارب و يجعل لك سااعة ولادة سهللله موووت يااارب |
يارب نسمع عنك اخبار مفرحه
الله يكون في عونك يجعل ولادتك سهله |
لو كان مكتوبلك تاخذي طلق صناعي لا تخافي منه انا اخذته وكله محصل بعضه المهم تخلصي على خير وخلاص :)
الله يكون بعونك ويسهلك امرك. |
كثررررررري مشي ...والله يسهل ولادتك ويقومك بالسلامه...
|
لا ملوكة لا تشربي حاجة خليها بالتساهيل
وبعدين ليش انتي خايفة من الطلق الصناعي لاتحطي في بالك انو يخوف هو صح مافي زي الطبيعي بس الطلق الصناعي مو مرة مميت يعني بالعكس اسرع من الطبيعي ورا بعض وتلاقي نفسك خلصتي الله يقومك بالسلامة يارب تخيلي عاد انا لسه بالرابع ونفسي اولد والعقل الباطن خلاني احلم بالليل اني ولدت وجبت بنوتة :d الله يعديها على خير يارب |
يارب تيسر على كل حامل ولادتها يارب ..
رحمتك مررررة يا ملوكة .. دايما يقولون البكر تتأخر ولادتها تطفش وهي ما ولدت .. انا حامل اول حمل لي وبالشهر الخامس .. الله يتمم علي يارب .. : ) |
الله يقومك بالسلامه ويهون عليك ولادتك
|
ملك حبيبتي اخييييييييييييييييييييييييييييرا هتولدي
الله يقومك بالف سلامة نحن في انتظارك لتحكي لنا تجربتك الفريدة توكلي على الله وكله يهون علشان البيبي طمنيننا عليكي |
اهم شي تسمعي نصايح الدكتورة هي افهم منا بحالتك
والله يقومك بالسلامة |
لا معليك منهم شربي القرفه رح تجيبلك طلق بسرعه لان صديقتي حامل وعطينه قرفه وجاله طلق بسرعه
|
ربنا معك ويسهلها عليكي يا رب ويهونها عليكي والله الولاده بدون ابرة الضهر تدبح دبح وان شاء الله بتقدري عليها وربنا يكون معك ...ردي متاخر بس مش فاضيه اشوف المنتدى وقلبي معك وكتير حابه اعرف اخبار كل الصبايا الي بدهم يولدوا وانت اولهم ...
|
والله ملوكة ماردت علينا
شكلها عملتها :d ان شاء الله يارب تبشرنا بسلامتها وسلامة البيبي وعقبال بقية الحوامل يارب |
| الساعة الآن 01:46 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©