|
ارجو المساعدة من الجميع - كابوس اسمه النمل
السلام عليكم و رحمة الله و بركاته
ارجوكم ساعدوني يا ناس يا عااااالم انا ح اتجنن خلاص بيتي صار فيه غزو من النمل من كل الاحجام كبير و صغير في كل مكان في البيت الحمامات - المعيشة - الصالة - غرفة النوم - على الكنب - على الجدران و الارضيات - في براويز الأبواب و النوافذ - و هالكني في المطبخ بجنون و و و و الخ بيتي الحمد لله نظيف ما فيه فتافيت اكل ولا اي مغريات لكن بس يموت صرصار بالغلط الاقي النمل قبايل و امم يخرجو من اوكارهم يشيعو الصرصار و الاقيه يمشي مقلوب على ظهره المطبخ - انظفه و ارشه لكن اذا نسيت ابخه كم يوم على طول الاقيهم خرجو ما يطيح شي بسيط في الارض من الاكل سهوا الا و على طول الجنود خرجو اذا نسيت ملعقة كنت اقلب الاكل بيها وقت الاكل الاقيها بعد شوية سودا من النمل اللي عليها متكوم الاكل في زجاجات محفوظ بعيد عن النمل لكنه يتحداني اذا جبت اكل جديد لسة ما فتحته ما اعرف كيف يدخل الكيس و يستحله الماجي - آآآآآآآآآآه على الماجي صرت اقرف المس حبة الماجي الا بالقفازات و اذا كان النمل مستولي عليها الاقي جوتها مغارات و جسمي يقشعر و ارميها احيانا اترك شغل البيت من القهر من النمل والله لا شعوريا ابكي من الخوف ما اتهنى بحياتي في البيت بسببه و انا ساكنة في الدور الارضي و قد ما رشيت مافي فايده كلها فترة و يرجع زي ماكان عندي في الخزين دواليب المنيوم و مرة غسلت تحتها و تاني يوم النمل شن عليا غارات و معارك خرج اكوام اكوام و من الحجم الكبيييييير شكله مرعب ارجوكم ساعدوني و خصوصا اهل جده ساعدوني اتخلص منه اللي يعرف مبيد او دوا يقضي عليه نهائيا ارجوكم لا يبخل عليا انا جدا تعبانه من دا الوضع و سامحوني طولت عليكم |
ههههه
شر البلية ما يضحك والله انا بعت البيت بسبب النمل انا سمعت انو ورق الخيار قرب وكر النمل ما رح تشوفي ولا نمله بس ما جربتو النمل يحب النظافه والله كان البيت جديد بس تعبت انتبهي اذا عندك اولاد القنينه التقيء للولد بالسرير اتصلي بالبلديه واطلبي المساعده |
اهلين اختي green
الخيار و قشره شوية يصير مخلل عند فتحات خروجهم بس مافي فايدة و انا فعلا شكلي راح اترك البيت بسببهم و لحد الآن ما عندي اطفال و اذا كان في ضيوف اول بأول انظف بعدهم تعبت والله شكرا على مرورك |
غيري البيت احسن شي
تصدقي مره زوجي نسي وجبت اسنانه بفمه وضعها قرب السرير ونام بعد نص ساعه دخلت والله ستر فتحت النور وصرخت الوجبه سودا والله اقشعر بدني يومها تخيلت نفسي بالقبر |
عندي لك حل حلو ..
وهي رقيه البيت .. تجيبي ملح خشن ثم تقرئي فيه 7 مرات الحمد والمعوذات مره وحده وايه الكرسي .. وبعدين ترشيها في زوايا البيت ما عدا زاويه الحمام .. وصدقيني راح يختفي ... وخلي خيشه الملح المقرى فيها عندك وكل مارد .. ردي حطي |
بيت اهلي بعد جذي ,
ما يمديهم يحطون شيء على طاولة الطعام حتى لو مغلف يدش داخل !! آنه سمعت عمتي تقول لأمي عن حل وهو في حقنة مادري وين يبيعونها عندكم المهم هذي الحقنة عمتي تقول إنها استخدمتها في بيوت النمل وبعدها اختفى تماماً .. وفي مرة بعد قريت عن قشر الخياار تحطينها عند بيوت النمل وبعدها ما بتشوفينه .. واذا كان في بيوت نمل حاولي تسكرينها , / |
شغلي سورة النمل في البيت كل يوم وعند الاوكار
|
جزاكم الله الف خير و ان شاء الله اداوم على الرقية و سورة النمل
لكن اللي عنده حل دوا او خلطة للتخلص منهم و جربها شخصيا لا يبخل عليا و الله يجعلها في موازين حسناته |
انامثلك عندي نمل يقرص بعد
صرت احط في فتحاته دواء الصراصير بابره الدواء حق المستشفى بعدها اسكر الفتحه بسيلكون والحمدلله قل عددهم كثير وقبل كذا احذرهم لاني سمعت ان النمل حرام تقتلينه لازم تنذرينه قبل تقولين اعوذ بالله من شرك اطلع من بيتي لانه سبحان الله يفهم لغتنا مثل ما نقرا في قصه سليمان |
لكن بس يموت صرصار بالغلط الاقي النمل قبايل و امم يخرجو من اوكارهم يشيعو الصرصار
اي والله شر البليه مايضحك الله يكون في عونك خيه ،، قبل فتره كان بيتنا مليان نمل بس مع استمرار الرش والتنظيف الحمد لله زال من فتره قريبه ،، و مثل ماقالت لك الاخت تعاقدي مع شركة للمبيدات يجونك في الاسبوع او في الشهر مره وبعون الله ينقطع عنك . |
نفس المشكلة عندي .... الله يعيني و يعينك عليهم
بس عندي سؤال : اسمع دائما يقولون أنذري النمل بأن يخرجوا من البيت لمدة 3 أيام و إن لم يخرج بعدها ان استمر أذاهم يمكنك البدء في القضاء عليهم ، لأنه حرام نقتلهم !!! فهل هذه المعلومة حقيقة أم دعابة !!!! مع إني قرأتها في أكثر من منتدى !! و بصراحة طبقتها و آنا مو مقتنعه بها !!! و ابني يسمعني و يضحك علي يقولي : ماما انتي شنو تقولين للنمل :) و قد بدأت فيها منذ البارحة و سأستمر 3 أيام و لي عودة بإذن الله لأعطيك النتيجة :) |
والله العظيم سبحان الله
انا آخر بيت سكنته كنت اتكلم مع النمل اقول له انا ما احب اقتلك ما تدخل البيت انت مذكور بالقرآن الكريم معقول هذا هو السبب انو ما دخل البيت |
كم مرة تكلمت مع النمل والله احس اني مخبولة و جسمي يقشعر
جزاكم الله خير على الردود و ان شاء الله ادور على مبيد قوي و زي ما قلتو احقنه في بيوت النمل و الله المستعان ان شاء الله يخرج هذي المرة للأبد |
الله يفرج عنك اختي
هناك محلات متخصصه في المبيدات الحشريه لكل حشره مبيد خاص ويعلموك طريقة استخدامها انا كان متعبني الحشرات الطائرة الصغيرة (زي الذباب بس صغير جدا بحجم راس الدبوس) والحمدلله استخدمت بودره خاصه لهذه الحشرات وتخلصت منها بعد ماجربت كل شي |
تبغون مبيد سريع والله عن تجربة..........
شغلي الراديو على اذاعة القران الكريم..........والله راح تشوفين النتيجة...... راح تشوفين النمل مثل المجانين يركضون بطريقة غريبة.....وبعدها وهذا الاهم انهم راحو يختفون انتضر النتيجة والشكر..........:dوحدة واثقة |
هلا بالغالية دودي ..
الله يكون في عونك ..والله حاسة فيك .. عانيت من هالمشكلة سنتين كااااااملة .. والله كانوا يهجموا علي هجوم مو طبيعي ..تخيلي علبة السكر مقفلة بإحكام أجي أفتحها ألقاهم داخلها .. حتى حلاوى نتف الشعر لقيتهم ماسكين فيها ما أدري كيف دخلوها مع إنها مقفلة تماااام .. صرت أشوفهم حتى في نومي بأعداد كبيرة وأشكال مخيفة الله لا يرد هذيك الأيام .. وجلست أحاربهم بكل ما أملك من قوة ..وما يأست قلت يا أنا يا إنتو في هالبيت .. وكلمنا شركة رش المبيدات ورشوا البيت كله من برى ومن جوى ... اشتريت البودرة بف باف..ورشيتها في البيت كله حتى فوق دواليب المطبخ ..لكن انتبهي انا ما كان عندي أطفال ..ولا كان أحد يجيني إلا نادراً.. وإذاعة القرآن الكريم خليتها شغالة بإستمرار في المطبخ ..حتى لما أسافر وأخرج من البيت ..بشرط يكون الراديو يشتغل بالبطارية .. وبعدها الحمد لله أختفوا إلى الأبد وانتصرت عليهم انتصاراً عظيماً. ولكن يا فرحة ما تمت ..نقلت من البيت بعد 3 شهور .. يالله تتهنى إللي سكنت بعدي .. |
[
[quote][بس يموت صرصار بالغلط الاقي النمل قبايل و امم يخرجو من اوكارهم يشيعو الصرصار و الاقيه يمشي مقلوب على ظهره /quote] ياحبيلك ضحكتيني بالتشييع امي كان عندها قامت تحط ملح بكل مكان هم يحسبوه سكر وياكلوه ويموتوا وبداوا يخفون من اماكن كثيره الله ييسرك يالغاليه |
قربي عليهم وقولي (يا اياها النمل ادخلو مساكنكم )قوليها 3 مرات على مده ثلاث ايام ومارح تلاقي شي انا جربتها والحين ما رجعت شفت النمل
وان شاء الله تزبط معك في رعايه الله |
انا سمعت ان النمل عين
اقرائي على نفسك وحصني بيتك ومع القران رشي كمون كدة سمعت جربي ورديلنا |
| الساعة الآن 04:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©