سهر زوجي خارج المنزل ..
 

السلام عليكم

ابي استشيركم بشي ... والصراحه ان الموضوع هذا قالقني حيـــــل

زوجي انسان مصلي ويخاف ربه .. ولنا 3 سنوات متزوجين .. ببداية زواجنا كنت لما اروح بيت اهلي او انام عندهم لما اكون تعبانه ابدا اوسوس واخاااااف عليه

اقول يمكن يشوف وحده حتى لو بالشااااااااااارع او وحده تكلم على جواله بالغلط

يعني موسوســـه

والحمدلله الشي هذا خف كثيييييييييييير فيني

من فترة كان زوجي ماعنده وقت يروح استراحات وكذا

كان له اعماله حره ولما يرجع الساعه 10 للبيت يكون ميت جووووع أعشيه ونجلس سوا ونسهر وينام

الحين حط شخص يدير شغله وصار عنده وقت فراغ

ما اقول هو ما يطلعني ابد

بالعكس اروح لاهلي متى مابغيت ومرااااااات يطلعنا نتمشى او ينزل معاي لاهلي

بس دايما انا اللي اقول له خلنا نطلع نتمشى ... طبعا يقول كثيييييير والله مشغول اعذريني

والا نفسيتي تعبانه

الحين صاير يوميا لا خلص من شغله يروح الاستراحة ومايجي قبل وحده (1) بالليل

غير يوم الخميس اللي لحد 2ونص ... لكن عااااااادي الخميس كل الناس تسهر .. الشيبان مايرجعون الا 2

اوكي هو يقوم يجلس معانا انا والبيبي والعصر يطلع ولما يرجع برضو ماينام على طول نسولف ونسهر للفجر

عاد لما سألته عن السهر كل يوم طبعا بطريقة غير مباشره

قال ان الشباب يستلمون اسبوع واسبوعين لا

والله ما ادري انا متضاااااااايقه وبس

ويمكن اللي ضايقني

اني ارسلتله مسج امس

وقلتله اليوم بتشيك وبتكشخ عشان حبيبي يطلع يمشيني ويعشيني

يلا ارسل لي الساعه كم اجهز؟

اتصل علي بعدها ب5دقايق

قال ياقلبي نسيتي انو الجمعه اجازة (رفيقي) فلان ... والله متصل علي من العصر

ان شاء الله بكرا نروح ...

الحيييييييييين مفضي نفسه يوم كل اسبوع لرفيقه ومنحرج منه ... وانا طيييييب

طبعا هالكلام بقلبي

بس بلساني قلت اهااا يلا معليش ... الله معاك وسكرت

وحسيت انو متفشل شوي مني ... بس ما تركهم عشاني

احس اني بحاجته

ولو بتكلم او انطق بكلمه اني متضااااايقه من هالسهر بيمنعني من الطلعات لاهلي ومشاويرهم

وبكذا اكون خسرته وخسرة طلعاتي

لانه لو جلسني بالبيت ... ماراح يجلس عندي

بس يأدبني وانا ما ابي كذااااااااااااااااااااااااااااااا

يا الله الموضوع عادي والا انا مكبرتـــــــــــــــه !!!!

ساعدوني

عفواً تم تعديل العنوان ليتضح المضمون
لفظ المشيئة تكتب هكذا (ان شاء الله)
الإشراف

انتي ممكن تجزبيه حاولي ان تكوني بجانبه اكتر مره قولي له انا عندي مشوار مع اهلي وبعدها قبل الخروج قولي له بلاش اروح معاهم عشان اجلس معاك انت لغيت ميعادي لك انت اهم من مشواري ده معلش حاولي مره امسكي بحقك ومره فوتي بلاش تحبكيها اوي لابد ان يخرج بس موش ديماا ولا يكون مقرر هايتعود وعلي فكره لو البيبي كبر وجلس يلعب معه هايتنازل عن خروجه اغلب الاوقات ربنا يهدنا جميعاا

مررررررررررررحبا





والله زوجك باين علية ذوق من رده عليك يوم كلمتية

بس حواء دائما انانية .....خلية يطلع ويستانس هو ماحرمك من طلعاتك ولامن وناستك...


اقترحي علية خميس واحد في الشهر يكون من نصيبك

صدقبني راااااااااااااااح يتنازل

وعليكم السلام ورحمة الله وبركاته


أختي الفاضلة إليكِ هذا الرابط


{{ بهذه اللمسة لن يخرج الزوج ويسهر خارج المنزل }}

مشكور اخوي منادي ... استفدت كثير من الموضوع اللي حطيته

الله يجزاك الخير ..

بس هل وضع زوجي عادي ؟؟

مشكور اخوي عزوبي

بس
انا ماشفت منه الا كل خير

لان انا تعاملي معاه طيب ولو رفض لي طلب ما ازعل واصبر معاه على الحلوه والمره

وهو انسان سريع الانفعال شوي ... وربي لاشفته تضايق اتراجع انا حتى لو كنت على حق

.......

بس لو اطلع اللي بقلبي ... ادري انه بيصير شخص ثاني

والله العظيم احس بكتمة ودي انفجر وابكي

رحت لبست وحطيت مكياج وهذاني انتظره

الساعه الحين وحده وربع ... اتصلت اساله متى راجع ...؟ يقول يمكن سااااااااعه

من العصررررررررررررررررر الى هالوقت !!!!...؟؟؟ وش دعوى ......؟

ســــاعدوني الله يجزاكم خير وش اسوي

معقوله 11 ساااااااااااعه برااا ولا فكر يمر عليناااااااااا

حبيبتي اولا
السلام عليكم ورحمة الله وبركاته



شويه شويه وبهدوء وذكاء يرجع كله مكانه



انتي اهدي وفكري واخترعي حركات واعمال

تخليه يرجع للبيت ركض وينسى الدنيا وهو معك

جرين وربي انا اسوي كل اللي يحبه واذا كان موجود احاول اريحه

وانا ما اظلمة هو لما يكون موجود تعامله معاي كويس وطيب

بس السهر هذا يحوس نفسيتي ........ ولو بعصب وبتضايق احس بخرب على نفسي

وبيغير تعامله معاي

ياربيييييييييييييي تعبت

احس من جد تضاااااااايقت

أختي نصيحتي الك ،

على الاغلب هذه فترة و بتمضي ، يعني هو الآن شادد حيله في السهر ، بكرة بيعاود بيرجع طبيعي ،

بدك شوية صبر ... بيعينك الله ...

اصبري ،، مع شوية حركات جديدة لزوجك و ان شاء الله بتجيب نتيجة ...

الله يوفقكم و يصلح بينكم ...

بالتوفيق ...

الب ارسلان

مشكور اخوي ماقصرت .... يارب انها فترة وتعدي ... صارله الحين تقريبا 10 ايام سهر لحد بعد الوحده .....................

عادي حبيبي
انا بعد ناطره زوجي وللحين ماشرف الحبيب ... بالديوانيه طبعآ
لكن اقولج شي موضوعج يقهر
10ايام سهر لبعد ال1
شي يحر!!

خوفيه عليك . يعني قولي له اي اختراع ..
احد يدق الجرس ويهرب .. حد يدق الباب ويروح بس يعني
اذا قال لك الساعه ك قولي 12 ونص وحده ..
قولي له ميته خوف ولو كنت بالبيت ما صار كذا وضليت انا خايفه
واذا شفتيه ماهتم كثير قولي له يوم ثاني تكررت هالحركه اكثر من يوم ..
قولي له مامنعك تروح تنبسط وتسهر بس من 11 كون في البيت .. يخوف هالوقت
الدنيا مافيها امان ..

لأن المرأه ماتحس بالأمان الا لما يكون الزوج في البيت بالذات من 11 وطالع ..

والله امس لما رجع الساعه 2

كنت متلبسه لبس ناعم بس باين علي خفيييييييف اني متضايقه

بس كنت اسولف عادي و اتكلم معاه

بس لما قال لي جيبيلي شي اكله

قمت على طول ... بالعاده اقول من عيوني ...إن شاء الله .. اي شي

هالمره قمت بدون ولا كلمة ...

قال شفيك ... زعلانه؟؟ خلاص قلتلك بكرا اطلعك....

قربتله قلت لا والله بالعكس .. مازعلت اني طلبت منك نطلع ورحت للشباب لاننك بتعوضنيها بكرا

بس......

احس صاير تسهر كل يوم ... واللي ضايقني انك من العصر لحد هالوقت مامريت علي البيت

كان بيتضايق بس حسيته مسك نفسه

وقال مو قلتلك اني انشغلت بشغل للساعه 9ونص بالليل ... وربي ادور شغله للمكتب

وانا متى بديت اسهر يعني فتره بس ... خليني انبسط واستانس

متى القالي فرصه اشوف الشباب ..

قلت طيب والله انا انبسط لما تروح وتستانس ... بس احتاجك

انا ما اجلس معاك الا بالليل

لما تقوم على طول تتغدا ,,, وتجلس عند التلفزيون والعصر طالع

المهم نزلت لي كم دمعه ورحمني بس ماوعدني بشي .. و لا قال بيترك السهر ...............

الحمد لله انه يسهر ومراعي و جودك


لان هناك من الرجال من لا تهمه المراءه ويحس انه من حقه السهر بدون اعطاء اي مبررات


ولا تنسي ان تجعلي لنفسك ولزوجك نصيب من الدعاء في جوف الليل وعند السجود

اختك ""ام الشفيع ""

الله يعينك ..

لكن انا احس انها فترة وتعدي ..

لكن .. انتي عنك اولاد ..

عندي لك اقتراح .. لو تروحين لاهلك يوم بعد يوم او يومين .. يعني تسلين نفسك شوي تشوفين لك شي العصر تسوينه عشان قضاء وقت فقط .. الى يرجع زوجك لحالته قبل ..

انا احس ان زوجك كان مضغوط من الشغل .. ويبغى يريح فترة ..

الله يعينك ويصبرك يارب ..

والله حبيبتي حالتك احسن من حالتي بكثير ... انا اصلايرفض النقاش في موضوع اصحابه والسهر ...
بس الحق ينقال عمره مامنعني من اي طلعه ويقوللي انا ابيكي تنبسطين ...
بسسسسسسسسسسس انا احتاجه وهو مومقدر ...
بس بقولك شي يهون عليكي ... اول ماتزوجته كان مايجي الاثلاث الفجر... اللحين تطورنا كثر صار مايتاخر الانادرا لان عنده دوووووام واشغال ويجي تعبان .... صارت سهراته في دوامه لانه شفتات ... يعني يقعد مع ربعه ساعه ساعتين زيااده ...
ويجي هلكان طبعا مااستفيد شي لانه ينام ... بس وجوده يكفيني ..
يالغاليه ... اصبري فترة ويتغير ... واحذرك من اتصالاتك المتكررة عليه كل شوي وهو مع اصحاابه .... لان الشباب الله يهديهم سريعين في الانتقاد .. وممكن ينقلب عليكي .

يمكن زوجك ينحرج كتير كتير من اصحابه ويحب دايمايجاملهم
انت قوليله ياريتني صاحبك ياحظه عنده مين يهتم فيه ويعمله حساب وانا محتاجالك اكثر منه هو عنده احد اماانا مسكينه ماعندي احد

يا حياتي حالك أحسن كثثثثثثثثثثير من حالي أنا ما أشوفه الا ساعتين ثلاث في اليوم بسبب الدوام واخر الاسبوع سهر مع اشباب أو افراح أو يودي أخواته فرح ويستناهم عند الباب الى الفجر وأحيانا الى ثاني يوم الظهر الزعل مايجيب نتيجة خصوصا لو عنده أهل ما يخافو الله كل يبغى مصلحته الدعاى أولا ثم الحيلة وحاولي تستمتعي بوقتك وهل لديكم أطفال لانهفي البدية كنت أخاف أنام لوحدي بس بنتي ونستني الله يحميها

وما شاء الله ترى زوجك محتررم جدا عن غيره أنا كنت أزور أهلي اخر الأسبوع وما يمر علي الا أذان الفجر لمن أهله يخلصو سهرتهم شفتي القهر

[quote=apple-green;2028135‏ ... واحذرك من اتصالاتك المتكررة عليه كل شوي وهو مع اصحاابه .... لان الشباب الله يهديهم سريعين في الانتقاد .. وممكن ينقلب عليكي .[/quote]

اأيدك بهالنقطه وبشده
ومن تجربه!!

مشكورين جزاكم الله الف خير