|
بنت في بيتي مع زوجي
اناحامل وتعبانه ومقهوره وقلبي محترق على حالي اكتشفت ان زوجي جايب بنت بيتي ترقص عنده ومصورها في جواله مع اني اول مره اكتشف ان زوجي يخوني واحس بصدمه اما الانه حذر وماقدرت اكتشفه اوانها زله ابليس على قوله المهم الثقه انعدمت مع العلم اني اشيك عليه بين فتره واخر لي 9 سنوات متزوجه وعندي منه اطفال وبالاضافه لهذا مصادق بنت تعمل في خدمه العملاء في بنك لي فيه محفظته ................................... ابغى اهل الراي والحكمه والخبره بالعلاقات الزوجيه يدلني وش اسوي لان دمعتي ماتفارق عيني واعيش في قلق بس اروح او اطلع من البيت اوحتى يجي عنده احد دااااااااائما في شك ولااقدر اشكي لاحد لالاهلي لانهم لو عرفوا مارح يرضى ابوي اني استمرمعه ........................................بس على سجاتي اطلب ربي واشتكيه( خيرمن شكي له سبحانه ) بس مع ذلك ابغى راي اهل الخبره انا افكر في الطلاق ......دلوني وش اسوي وماودي عشان اطفالي
|
السلام عليكم ورحمة الله وبركاته
والله ياختي ماعندي شي اقوله لك الا شي واحد لاتحطين الطلاق في بالك خليه أخر الحلول لانه موب شي سهل والله يفرج عنك يارب ويسخر لك زوجك ويهديه ويبعد عنه الحرام |
والله يااختي انا مريت بتجربه
تشبه تجربتك بنت كان يكلمها على النت بس سامحته وصبرت علشان بنتي ماتتربى بعيد عنه لكن الى الان بعد 8 سنوات مااحس بالامان واشك فيه |
صج
ان لم تستحي افعل ماشئت يخونج وفي بيتج الله لايوفقه اعذريني انقهرت عليج |
اعانك الله اختي
الحمدلله أنت إنسانه مؤمنه ** ففكري بعقلانيه واهم شئ صحتك فأنتي حامل حاولي عدم التفكير وتعوذي من ابليس** فهو من اذنب وانتي من يؤجر استمري على الدعاء والذكر والصلاة في جوف الليل أسأل الله أن يريح بالك ويلهمك الرشاد |
اختي جود جودي بما انكي تعرفين اسرارة وخفاياه لماذا لم تصارحيه اولا؟ يجب عليك مناقشته بكل المواضيع التي تعرفينها وايجاد نقطة توقف عند هذا الحد والمحاولة معه في فتح صفحة جديده وتذكيرة بأبوته ومسؤوليته وأن هذا العمل يقلل من هيبته عند نفسه وعند اهل بيته وبعدين يا أختي انتي تقولين ان كشفتي زوجك جلب فتاة الى البيت !!؟ ولماذا انتي لم تتحركي وتدافعي عن بيتك وعن كرامتك؟؟صراحة احس ان الموضوع ناقص شوي |
|
غااااااااااااليتي.........
اهنئك على ماتمتلكينة من ثبات وصبر........ من خلال قراتي لموضوعك ...احسست انك لاتريدين ان ترجعي ذاكرتك بما حصل...لاتريدين ان تدخلي في تفاصيل كيف كشفتية في كلتا الحالتين...... ولكن تريدين كيف تبدئ معة بحياة بعيدة عن الشك ........ من منا زوجها لايخونها.......الامن رحم الله...نسوي انفسنا صم ....بكم ......عمى...لكي تسير حياتنا والادهى والأمر الاولاد.....نحن الضحية وليس هم..لاننا نصبر ونتحمل الاهانة عشانهم... اذا كنت تحبينة فاغفري لة ........الله سبحانة يغفر ...ونحن البشر لانغفر.... مصيبتك عظيمة....ونار قلبك لايطفئها الاكيف تستردين الثقة.... ذكرية بالله...لاتتهاوني معة بالصلاة....اذا جيتي تصحينة لصلاة قولي الصلاة تنهى عن الفحشاء والمنكر.... ذكرية بالعقوبة بالدنيا قبل الاخرة....بداية بالابتلاء....قولي كيف؟؟؟؟؟؟؟؟؟ ماتخاف وحدة من بناتك يصير لها مثل ماصار لك انت والحقيرة ؟؟؟؟ ونهاية بالامراض؟؟؟ أطلبي منة نتيجة تحليل عن الايدز؟؟؟وانة سليم من هذا المرض؟؟؟ نصيحة...........عليك بالدعاء ادعي لة بين الاذان والاقامة الوقت هذا من اروع الاوقات لاستجابة الدعوة نمي في زوجك الوازع الديني...الصلاة ...الزكاة ...خلية يحج ...قولي ابغاك ترجع نظيف..... قولي لة.......اذا فكرت تسوي اي علاقة تخيل اني انا اخونك واسوي نفس اللي انت تسوية وبعدها راح تحس النار اللي بقلبي........ الله يهدية .....الله يبعدة عن الحرام الله يثبتك ويخليلك مابين يدينك ......ويهون عليك |
كان الله في عونك وهدئ الله زوجك الي الطريق المستقيم
هل حااولتي ان تبيني له انكي عرفتي ؟ |
أشكر كل الاخوان والاخوات اللي ردوا علي وفعلا للقصة بقية
أنا نفسيتي تتعب اذا تذكرت السالفة ودائما اتمنى انه حلم مو حقيقة أنا اللي شفته مو شي بسيط والله لايمكن لاحد انه يتخيل الموضوع بنت من جنسيه عربية مع زوجي عاريه ترقص احس اني ابنجن دموعي ماتوقف ليل نهار وسبحان الله اراد ان يفضحة بذلك المقطع لانه كان يصورها المهم انا انسانه حافظه زوجي في غيابه الحمدلله اصلي واصوم واربي اطفالي احسن تربية واعامله احسن معامله يعني متأكدة انه مانقصه شي بس ليه ليه ليه .....مدري طبعا بعد ماصارت المشكله فاتحته بالموضوع وتهاوشنا وجلست اصرخ لاشعور وكنت في ذيك اللحظه منهارة وتوقعت اني اجهض لولا رحمه ربي وقلت له ابي اطلق بس ماطلعت من البيت لاننا كنا في الليل بعدين جلس يهديني واعترف واعتذر بكل بساطة اعتذر وانه نزوه شيطان وانتي صدقي المهم حاولت اني اصدقه واننا نفتح صفحة جديدة ويترك هالبلاوي الا بعدين اكتشفت رسايل في الجوال من بنت تعمل في خدمة العملاء في بنك وانه له علاقة معها انا انهرت يعني البلاوي جت وراء بعض وانا حامل انا مااقدر اقول لاهلي لانهم مستحيل يتركوني معه طبعا اذا فتحت الموضوع اعتذر لي وانه مايكررها بس مازلت اشك الجوال اللاب توب احس انه يخوني في كل لحظه انا لجأت لرب العالمين دعيت ربي بس ماعاد اثق فيه كرهته احس اول مااشوفه ترجع ذاكرتي لبلاويه الوسخة لافعاله هذا جزاي انا اللي صبرت وتحملت بدايه حياتي معه مع انها كانت مشاكل بس زي اي مشاكل وتحملت والحين ........ ابي حل ارجوكم انعدمت الثقة لايمكن ترجع وش اسوي ارجوكم ادعوا لي ان الله يثبتني وان الله يهديه ويبعده عن الحرام انصحوني وانصحوه لاني افكر اخليه يقرأ الردود أسال الله ان لايذيقكم مااذاقني |
حسبي الله ونعم الوكيل
|
الله يكون بعونك ماادري وش اقول لك بس اصبري عشان اولادك
وادعي ربي انه يهديه ويصلحه والطلاق لاتفكرين فيه لانه دمار البيوت |
الله يصبرك الصراحة وانا اقرء قشعر بدني فماباللك انتي الي عشتي
الموووقف زوجك شين وقوي عين انا الصرااحة اشوف انك انتي صبرتي بمافية الكاافية انتي شفتي المصيبة الي مصووورها وفوق هذا كلة رجعت حليمة لعادتها القديمة يعني يبغالهااا هززززة قوية تصحية من الي هو فية انا من رأي انك تكلمي ابوووك وتخبرية بكل شي وفهمية انك ماتبغي الطلااااااق وتشتتي عيالك لكن تبغي زوجك يحفظ كراااامتك ويصون بيتك وروحي لأهلك ريحي نفسك تمااااااااااما منة ومن مشااكلة واذا رجعتي ارجعي بس لازززم يسوي تحليل لأنة ممكن يكون فية شي وانتي مااتدرين مدام وصلت للبيت وبكل وقااااااااااحة مع اني ما اؤيد الصبر على كذا موواقف لأنة اصحابها يتعوود على مسامحة زوجتة ويرجع يكررر نفس الغلط لكن الله يعينك ويصبرك ويجبر بكسر قلبك وهو الي اختااااااااااار الله يعينة على عذااابة في الدنيا والاخرررة |
فعلا لو سكتي بعيدها .......فلازم وقفه منك تصحيه....الله يعينك ويهديه..
|
أسأل الله العظيم رب العرش العظيم ان يفك كربك حبيبتي فكري في المولود لا تقهري نفسك من اجل صحتك نصيحه مني ان تذهبي الى شيخ جليل او شيخه وتشكي لها همك وهي ستفيدك ان شاء الله ربي يزيح عنك الهم امين ويقومك بالسلامه حبيبتي ولا تنسي ان الله معك دائما (وكفا بالله وكيلا)
|
حسبي الله ونعم الوكيل ...
فعلا ً .. إذا لم تستحي فاصنع ماشئت !! حبيبتي ... امر كهذا لا يجب السكوت او التغاضي عنه ... لابد من وقفه حازمه وقوية لردعه وتوقيفه عند حده ... أبلغت به الجرأه بإحضار هذه الحقيره الى وسط بيتك؟؟ لا حول ولا قوة الا بالله ... اجد نفسي عاجزة عن التعبير ... لا املك الا الدعاء لك... الله يحفظك من كل شر ... |
مثل هاذي المواضيع يأختي لايمكن حلها بهذه البساطه بل تحتاج الى توضيح اكثر مثلا هل زوجك يصلي ام لا وهل هو كثير السفر بدون سبب وهل يدخن او يتعاطى ممنوعات ثم كيف عشت معاه تسع سنوات وانتي لاتعرفين اخلاقه الم تسألو عنه قبل الزواج مثل هذا الوضع يحتاج الى تفصيل اكثر لان الحكم فيه صعب أنصحك اذا كان لك اخوه او احد الاقارب ممن تثقين فيه ان توسطيه في الموضوع وتشرحيله الوضع كاملا وبدوره عليه ان يبحث ويسأل عن الرجل قبل اتخاذ اي قرار والله المستعان |
اقتباس:
اختي لاتهوني هذه المسألة بنظر غيرك فالخيانة مرة والنفس ضعيفة وانا اعلم ماذا تقصدين ولكن رسالتك هنا معناها بأن كل ازواجنا يخونون فهدي من غضبك ومن غيرتك ..هكذا يفهم |
الله يثبتج ويهدي زوجج ,,
مادري شاقولج حبيبتي .. بس ماحبيت اطلع بدون ما ادعي لج ../ الله يتمم حملج على خير وتحملي بروحج وزوجج هذا يبي له من يوقفه عند حده لأنه بظل يوعد يوعد وبالنهاية يخلف , وانتي الي بتعبين في النهاية ... |
أكبر غلط ممكن تسويه المرأه الي رجلها خاين انها تواجهه
لأن مستحيل يعترف .. او بيعترف بكل قوة عين وهي مابيدها حيله اسكتي عن زوجك .. طنشي وتجنبي الحديث معاه ... زوجك لا يستحي .. وابنتك مالها ذنب إياكِ ان تهجري بيت و تتركي له الحابل وَ النابل ويصفى له الجو هذا بيتك .. لا تتركي وحده عاهره تسكنه .. وتدنسه .. بيتك .. بيتك ... يعني هو الي يطلع مو انتِ |
ياساااااااااااتر في بيتك قويه الصراحه ...
بس انا راييي من راي اطياف ... ومن رايي بعد انك تاخذي تسجيل الفيديو عندك وامسكي الدليل عليه ... انا الصراحه اطالب الزوجه ان تعفوا عن زوجها في كل شئ الاالخيانه وفي بيتها بعد قويه ... لاتطلعين من بيتك ابد هذا بيتك وبيت عيالك ...ولازم اهلك يقرصون له اذنه عشان يعرف ان وراكي ظهر موخرابيط .. وسؤااااااااااااااااالي .....كيف سمح لنفسه انه ينجس بيته وبيت عياله بهالشكل؟؟؟ .... هذا انسان مايؤتمن ابدا .. |
الصراحة موقفك صعب الله يثبتك ويقويك على الموقف اولا ماشاء الله شكلك قوية الصلة بربك اكثري من الاستغفار والدعاء في الثلث الاخير من الليل
يجب ان تقفي معه موقف حازم لانه داس بيتك بالحرام بالمصارحة والمواجهة وذكريه بالله وبالتوبة وايقيضيه لصلاة الليل قد يكون ذاللك البداية وليتك تسنشيرين مصلح اجتماعي خبير قد يفديك اكثر اعانك الله والله ان قلبي احترق من اجلك هداه الله وسخره لك |
اعانك الله
الله يفرج كربك |
والله مابعرف شو بدي أقول لكِ
أسأل الله العظيم رب العرش الكريم أن يصلح زوج ويهديه الى صراط المستقيم شوفي يابنت الحلال ذكريه بأنه أب وأن هذه مسؤلية كبيرة وكيف بيكون شكل بنته بس تكبر اذا عرفت بأن أبوها كان يدخل بنات على البيت والله عيب يعني في بيتك والله مشكلي |
حسبي الله ونعم الوكيل على هالنوعيه من الذكور طيب الواحد أذا بيسوي البلاوي هذي لييييييييييييييييييييييش يتزوج؟؟؟؟
ويورط بنت الناس معاه حسبي الله ونعم الوكيل الله يكون بعونك أختي ويفرج همك |
الله يفرج همك
اناعارفه الموضوع صعب جداجدااااااااااااااااااااا بس ابي الفت انتباه الجميع انه بنات هالايام .. عفوا لكن انا اسمع كتير عنه في مجالات العمل واحتاكهم عفوابزملائهم والزباين معليش سامحوني وحاولي تسامحيه او حتى لو ماقدرتي بس خليكي معاه عشان اولادك وورجيه انه مايسوى شي اولادك وبس اتركي الايام تساعديك على مسامحته ولكن اتركي وقت لنفسك لا تضغطي على حالك والله يهون عليك يارب ويستر على البنات يرجى عدم التعميم الإشراف |
الله ينصرك عليه
هوواحد مسكين يعصي الجبار مايدري انا الزاني عليه نصف عذاب الامه ويخلد في نار جهنم مع المشركين اذا ما تاب اما انتي لك رب ماينساك الله يرفع قدرك ويعوضك خير |
اعوذ بالله
اعوذ بالله اعوذ بالله حسبي الله ونعم الوكيل |
حسبي الله ونعم الوكيل
الله يعينك اختي ويفرج همك بصراحة قوية في بيتك!!!!!!!!:19::19::19: ذكريه حبيبتي ان الزنا دين اذا اقرضته كا السدادا من اهل بيتك فاعلم اكثري من الدعاء والاستغفار .... واكثري من قول(حسبي الله لا اله الا هو عليه توكلت وهو رب العرش العظيم) |
الله يهدى الرجاجيل لوافكروا انه فيه قبر وضمه وقد قال الرسول (لوكان احد ناجا لنجا سعد بن معاذ)ماذيستفيد من المراه
حينما يوضع فى القبر 00الزنا الزنا الزنا 00تغير الاسم مع الزمن صار الحب وبائعات الهواى وصار بعض الرجال الامن رحم ربي يتباهى بهذه الاشياء0وقدقيل عفو تعفونساكم 0000 |
الله يكون بعونك اختي
وديري بالك على نفسك انتي حامل ولاقدر الله يصير بيك ضغط او سكر ويؤثر على الجنيين اتركي هذه الامور الى بعد الولاده |
يخونك في بيتك
لهيك وصلنا انا فكرت هذا الكلام بيصير بالافلام بس الله يصبرك يا اختي طيب هو كيف كان معك اول الزواج انتي انشغلتي عنو مع وجود الاطفال وشغل البيت حاولي تقعدي معو واساليه انتي بشو مقصرة معو عشان هو يعمل مع هيك والله يعينك وديري بالك عحالك وعحملك |
مااقدر اقول الا الله يعينك ويصبرك
والله راسي وجعني لماقريت موضوعك والله يهدي زوجك ويصلحه وذكري زوجك (دقة بدقة ولو زدت لزاد السقاء) ومايضيع عند الله شي |
حسبي الله ونعم الوكيل
مصيبتك كبيره كان الله في عونك وفرج همك واراح بالك وهدى زوجك الى طريق الصلاح فعلاً يا اختي مثل ماقالت احدى العضوات لازم يعمل تحليل قبل ما تصير اي معاشره بينكم ولازم تقولين لاهلك لانهم عارفين مصلحتك ورايدنلك الخير ...لانك لو سكتتي يمكن يعملها مره ثانيه ولكن استخيري ربك ولن يخيب ظنك اللهم احفظها واحرسها وابعد السؤ عنها |
اعوووذ بالله من غضب الله
لا اعلم هل اغبطك على عقلك وعلى حفاظك على بيتك؟ ام استغرب من قدرتك (المستحيله)على الأحتمال؟ انا اعلم ان خراب البيوت ليس بالأمر السهل ولكن اعذرينى انا اتعجب كيف تكشفى زوجك فى هذا الوضع الشائن وتجدى عندك القدرة فى الأستمرار معه؟؟؟؟؟؟؟؟؟؟؟؟ الفكرة ليست فى قدرتك على التسامح ولكن فى اكتشافك لحقيقته الحقيرة؟ هل تحبى ان يربى اولادك شخص زان؟ لاحول ولا قوة الا بالله |
شكرا لتفاعلكم وحماسكم مع (حرتي وماساتي )وتقبل الله دعاءكم امابالنسبه للاخ hnooon33 فاشكرك وصحيح الموضوع ناقص فانا لما اكتشفت المشكله لايمكن باي شكل من الاشكال اني اترك بيتي ومملكتي تضيع بسبب مراهقه وضعف دين المهم واجهته اول شي انكر وقال هذا مقطع عابر ماهو في بيتك بس اناانفعلت وعصبت وقلت له وانا اكذب( الله يعفو )ان ام الجيران سالتني انتي في البيت ذاك اليوم ؟ قلت اناعند اهلي وماجيت الامتاخر قالت اجل زوجك عنده احد في الوقت كيت وكيت وانا شايفه وقت التصوير اساسا المهم هواعترف وقام يبرر بانه تزوجها بعقدبالساعه واعتذر لي وهذي اليله انا مانمت في غرفتي رحت عند عيالي وبس ابكي ولاارد عليه ومن بكره ماتكلمت ودموعي ماليه عيني وهومايدري وش افكرفيه المهم جاءيعتذر وهو يبكي بكل حراره ويترجاني اني اسامحه ويذكرني بايامنا الحلوه والعيال الي بينا وانه مايقدر يستغني عني واناكل شي بالنسبه له وانا وقتها قلبي زي الحصى عليه بس ودي اصطره كف!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!وعشان اسامحه شرط عليه انه يغير سلوكه التحفظ الزايد عن الازم والصلاه في المسجد المهم صار فرض في المسجد وثلاثه في البيت وانا عطيته فرصه لااني صادقه ابي افتح صفحه جديده المهم كل ماافتح الموضوع معه يبكي طبعا اناابكي قبل ويقول انامااستاهل انك تعطيني فرصه اثبت لك اني تغيرت.بدموع..............................
|
اختي الله يعينك.....ويهدي زوجك رجاءا لا تفكري بالطلاق ........علشان خاطر عيالك والله يفرج همك.......وادعي لزوجك بالهدايه |
الله يكون في عونك اختي واسال الله الهدايه لزوجك ويبعده عن الحرام ورفقه السوء
الله يصبرك الله يصبرك الله يصبرك وحبيت اعلق على رد وحده من الاخوات تقول يمكن انتي مقصره معاه وانا اقولها يااختي حتى لو هي مو سائله فيه مو من حقه ولا حقها ان يلجا ويذهب الى الحرام في ميه طريقه وطريقه لحل الموضوع بالتلميح وبالصراحه وبالتفاهم اوذا مره مافي فايده يتزوج من وحده ثانيه ولا انه يزني لاحول ولاقوه الا بالله |
السلام عليكم شاكره لكم بصراحه الله يعطيكم العافيه اثلجتوا صدري الله يتقبل دعائكم ويجعل في موازين اعمالكم سؤال موجه لمعشر الرجال لطالما اشغالني هذا السؤال واريد الجواب الشافي هل دموع الرجل عند اعتذاره تدل على ندمه خاصه اني لم اعتادها او سلاح لاستعطافي ؟؟؟[/color][/size][/font] |
|
| الساعة الآن 06:22 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©