![]() |
وضعي لا يسمح بالحمل خايفه طمنوني:(
أخواتي غبت ورجعت لكم بعد مده ليست قصيره جئت لأحكي لكم ألمي و وجعي أنا أ ختكم دلوو24ووعه تذكرتموني ؟ عموما لمن لا يعرفني عندي ماشاء الله ثلاثه بنت و ولدين تزوجت في سن صغير جبت بنتي وما كملت السنه والنصف إلا ورزقني الله بأخ لها حمدت الله كثير ع النعمه وحاولت تأجيل الحمل إلى أن كمل ولدي 6 سنوات خططت للحمل انا وزوجي والحمد لله تم الحمل وبمجرد تكون في احشائي بدأت مشاكل الحمل نزيف تعب ونزول مشيمه وبعدها إنفصال جزئي ونفسيه عدم والله قدر لي أن يتم حملي رغم كل ذلك ولأنني طلبت ربي من اعماقي بأن يتم حملي لأنني أنتظره بفارغ الصبر ولا احتمل بأن يحصل له مكروه وارجع احمل وانتظر 9 شهور عديت الشهور يوم بيوم وكل شهر كان بسنه والله ما ابالغ انتظرته يتحرك على نار وكأني اول مره احمل بالبكر ما فرحت هالفرح جهزت اغراضه كلها وما كملت السابع إلا وكل شئ جاهز طلبت من ربي مايحرمني هالنعمه ومايكسر بخاطري وانا كلي رجاء ياربي تفضلت علي ورزقتني هالطفل احفظه لي وارزقني به سليم معافى كنت يوميا اقرأ القرآن بقدر استطاعتي ويوميا أضع تحت مخدتي صدقه لو ريال واحد بنية دفع البلاء عني وعن طفلي إلى شهري التاسع انتظرت ولادتي بشغف وماخفت ابدا بعكس المرات السابقه وفي تاريخ2008/7/14 الساعه 5 الفجر انفتح عند كيس الماء تفجأت وفرحت من قلبي وتفائلت بولاده سهله ورحت للمستشفى بسرعه لأني ماجربت من قبل كيس الماء ف خفت على طفلي طمنتني الدكتوره وللأسف ما اتسع عندي الرحم إلا 3 سم انتظرت لمدة 24ساعه ونفس الشئ وبعدها قررت لي طلق صناعي وانتظرت ونفس النتيجه ولكن هالمره نبض الجنين انخفض وخافت عليه سوت لي سونار واكتشفت إن البيبي متجه بالوجه بدل الراس يعني بعيونه وانفه وبذل جهد كبير في الدفع دون نتيجه قررت لي عمليه قيصريه وتوكلت على ربي وسويتها واول ماوعيت من العمليه سألت عنه وينه حبيبي جيبوه لي بس اشوفه هو بصحه وعافيه طمنوني عليه وطلعت من غرفة الإفاقه انتظر على نار يجيبوه لي ما كفتني الصور نفسي اشوفه والمس يديه وماحصل لي رغم كل هالشوق إلا ثالث يوم من العمليه ما قدرت المسه عليه اجهزه وبالحضانه وصبرت حالي ورابع يوم نزلت له وكلي امل بألمس يديه بأرضعه عقمت يديني ودخلت فتحت باب الحضانه حطيت يدي بيده ودققت بملامحه سبحان الله راودني احساس بأنه داون(طفل منغولي) رغم إنه شئ توقعته مستبعد بشده ولكن شعور الأم ماحسيت بنفسي إلا ورجليني مو قادره تحملني وتجمعوا الممرضات وجلسوني ع الكرسي المتحرك ومو فاهمين وش فيني وامي تناظرني من باب الحضانه وتأشر للممرضه خليها تبوسه ع الأقل على بالها إني زعلانه لأني ماقدرت ابوسه طبعا كل إللي ببالي شك ولكن بان على وجهي ماتمالكت نفسي بكيت بصوت عالي بكيت وبكيت رغم إني اجهل كل شئ عن الداون ومادار ببالي سوى إنو حبيبي ونور عيني تعبان عشان كذا هو بالحضانه للآن اكيد فيه شئ و طلبت الدكتوره وتكلمت معهاوقلت لها عن شكوكي تفاجأت بإني عرفت وخبرتني بضرورة إجراء تحليل للكروموسومات وإن شاء الله خير وبالنسبه لبقائه بالحضانه بسبب التهاب بسيط بصدره وبعدها بكم يوم طلعت من المستشفى وهو معي واقنعت نفسي ابني مافيه شئ كلام مستشفيات خاصه عشان الفلوس وبس رجعت لمراجعة حالته بعد 3ايام كشف عليه دكتور الأطفال وسألني عن بكائه قلت له قليل البكاء وهادي وحركاته بسيطه حاول استفزازه ولكن بدون فايده كمل حمودي نومه بدون مشاكل تفحص رجلينه ويدينه ماشاف فيها شئ سألني انتي وزوجك اقارب جاوبته لا فيكم حد من العيله داون برضوا جاوبته لاوأصر على إجراء التحليل للأطمئنان وسويناه طبعا قعدت على أحر من الجمر انتظر النتيجه ولمدة اسبوعين منيت نفسي فيهم بأنه سليم لأن ملامح شكله صارت غير 180 درجه وكل يوم كنت افتح اللاب توب واستعرض صوره من اول يوم ولاده الين اليوم اللي انا فيه والاحظ الفرق بشده وقبل ظهور النتيجه رحت للدكتورعشان اختنه وسوينا له تحليل الصفاروكان مرتفع تنوم بعدها اسبوع وطلعته بخير وعافيه وختنته ورجعت لإستلام النتيجه وكانت المفاجأه بأنه داون ولم اتمالك نفسي وانهرت بالبكاء برغم إني كنت اقنع نفسي بإني مستعده لكلا الحالتين ولكن كان رد فعلي طبيعي لأن روحي فيه بعدها حمدت الله واستغفرته كثيرآ انا في داخلي مؤمنه بقضاء الله وقدره ولكن جزء كبير مني متأثر ومتألم جدا لأنه يختلف عن أخوانه الأثنين وخايفه من المستقبل والمجهول ومن المسؤليه إتجاهه كطفل محتاج لرعايه خاصه انا مستعده اقدم له عيوني لو اقدر عمري كل ما يمكنني القيام به لكن محتاجه خبره ودعم منكم اخواني انا احس بوحده فظيعه لأنه لا يوجد حولي من يملك خبره ليرشدني مشكلتي الآن..... تاخرت عندي الدوره لها18يوم وأنا قلقله جدا جدا وحللت مرتين تحليل دم في خلال اسبوع و3 مرات تحليل منزلي آخرها يوم الجمعه الماضي والتحليل سلبي لكن الألم غير طبيعي وظهري يوجعني بشده وخصوصا اسفله ولدي الآن عمره 4شهور ونص وخايفه موت من الحمل خصوصا بأني والد بعمليه وأبني محتاجه رعايه خاصه شربت قرفه لين طفحت مافيه فايده مانزلت وهذا الشئ مأثر سلبا على نفسيتي وعلاقتي بزوجي لدرجه كرهت الجماع بيني وبينه خوفا من الحمل والمشكله ما أقدر أستخدم حبوب منع الحمل لأنها تقلل الحليب وابني يرضع طبيعي نظرا لوضعه الصحي:( أخواتي أدعوا لي الله يجزاكم خير بأن يرتاح بالي وتقر عيني بولدي حبيبي وأفرح فيه يارب |
عذراً فقوانين المنتدى تمنع الكتابةب غير اللغة العربية
|
يارب يخليلك ولدك ويعافيهولك يارب........وتفرحى به ان شاء الله ........ياحبيبتى هذا قضاء الله وسوف يجازيكى الله من حيث لا تحتسبى وابنك هذا سيكون سبب دخولك الجنه بأذن الله .......أصبرى واحتسبى أجرك عند الله
|
حسبي الله ونعم الوكيل اهم شي طولي بالك
وهدي اعصابك والله مش عارفه شو اقول الله يحفظلك اولادك |
حبيبتي اولا: الحمد لله على قضاء الله وقدره
ثانيا: احتسبي هذا عند الله ولك الأجر اذا احسنت تربيته واهتميتي فيه لأنه حاله خاصه ثالثا: ثقفي نفسك اكثر عن مرضه ابحثي في النت في الكتب اكيد راح تلقي شيء يفيدك ويساعدك اهتمي فيه وفي مرضه لا تحسسيه انه مختلف ولا تخلي اخوانه يحسوا انه مختلف وهذي عن تجربه اقولها لك ولدي الحين عمره 6 سنوات بس من اتولد وهو عنده فتحه في سقف الحلق وكبيره مررررررررررره وراجعت فيه احسن المستشفيات وعملنا له العملية وقلنا اخيرا الا ويصعقنا الدكتور بخبر انه لازم يروح عند دكتور تخاطب عشان يتكلم كويس وبعدها بكم شهر لاحظت جفونه مرررره نازله وراجعت الدكتور وقال لازم عملية لشد الجفن وسواها وبعدها بكم شه و اكتشف ان الخصية عنده غير عن باقي الأطفال وبرضوا بدانا رحلة المستشفيات ورحنا عند احسن جراح اطفال وسوى عملية عشان تنزل مع انه الحمد لله الحين بخير بس شوي الكلام مايتفهم وباقي له عملية في اسنانه بس محتسبه هذا كله عند الله وقد ما اقدر احاول احسسه انه طفل عادي مع اني اموووت لمن اشوف احد يتكلم معاه ومو فاهم منه وعندي امل يخالقي انه يشفية معليش طولت عليك |
beebee flouna GREEN222 لكم خالص شكري على دعواتكم لي والله يعطيكم ألف عافيه |
نجمه 2007
غلاتي الف حمد وألف شكر على النعمه فانها اعتبرها ميزه وفضل من رب العالمين وانا بالفعل أحاول حاليا ان أثقف نفسي قدر المستطاع سواء من تجارب الغير أو الأنترنت والله يكون في عون كل أم تبحث لما فيه مستقبل لأبنائها حبيبتي انا إلى الآن ولله الحمد لم أحس بأي فرق ولكن أثر فيني موقف اولادي من يومين كانوا قبل فتره معي بالمستشفى وشافوا بنت داون طبعا ما يعرفوا أي شئ عن فئة الداون ولكن لاحظوا إنها غيرطبيعيه حركاتها ولا تتكلم وتتصرف كطفله لم تكمل السنتين وهي عمرها قرابة ال7 سنوات سالوني وش فيها قلت مريضه قولوا الله يشفيها ويعافيها بعدها بفتره قبل يومين بس شافوا بنت داون لكنها كبيره عمرها تقريبا 13 سنه وجوني يقولون لي ماما اللهم لاشماته اللهم لاشماته ياربي يشفيها <<<<<<واكثروا من تكرار الجمله مثل البنت إللي شفناها بالمستشفى قلت لهم طيب ليش تقولون عنها اللهم لا شماته وشفيها البنت قالت بنتي كبيره وتلعب بالرمل مع اخوانها الصغار ومطلعه لسانها لبره وما تعرف تتكلم ساعتها انعصر قلبي عصره حسيته بيطلع من بين ضلوعي تالمت بقوه كلماتهم جرحتني عموما الله يشفي لك ولدك يارب ويعافيه وينولك مرادك وتقر عينك فيه يارب إنه قادر على كل شئ |
دلوعه والله حاسه فيك وحاسه بمعاناتك
بس فد ايه اعمار اولادك ؟؟ اذا هم في سن ممكن تشرحي لهم وضع اخوهم يكون احسن مو لازم مره وحده شوي شوي بس من غير ماتحسسيهم ان نفسيتك تعبانه وان شاء الله ربي يعينك |
بنتي عمرها 8 سنوات ونص
وولدي عمره 7 سنوات انا حاليا حكيت لهم بأنو عنده تأخر في النمو وإحتمال كبير ما يجلس ولا يمشي إلا متأخر |
لا حول و لا قوة الا بالله
مالي غير اني ادعيلك من كل قلبي يا اختي والله قلبي آلمني من قصتك اللهم اجرها في مصيبتها و اخلفلها خيرا منها اكثري يا قلبي من الاستغفار و الصدقة بنية الشفاء و دفع البلاء و لا تنسي ان الله اذا احب عبدا ابتلاه و ان شاء الله يكون اللي فيكي حب من الله الله يخفف عليكي و يعينك على ما انتي فيه |
اقتباس:
بالنسبة للدوره اذا ماطلع حمل في اختبار الحمل المنزلي روحي للمستشفى وسوي تحليل للدم اذا فية راح يبان في التحليل ويمكن لك خير فيه اذا مافية حمل روحي للدكتوره تكشف عليك وتعطيك علاج ينزلها وكمان الحاله النفسية لها دور في تأخير نزول الدوره |
يالله
اقسم بالله قلبي انعصر على وضعك وحالك الله ياخد بيدك ويصبرك ويفرحك بعيالك ويحفظهم لك يارب طيب يا اختي ماتعرفي ايش السبب اللي خلا ابنك كده؟ الله يكتب لك الاجر ويجعله في موازين حسناتك بالنسبة للدورة معليش انا عارفة وضعك والله ومقدرة بس لاترفضي نعمة ربي اذا اهداك هي الرسول صلى الله عليه وسلم عمره ما رفض الهدية فما بالك لو كانت هذه الهدية من رب العالمين ؟ الحمد لله الذي من علينا بالحمل والذرية والله خوفتيني مررررة انا حامل ولا عملت تحاليل ولا اشعة ولاشي ولا كنت مخططة للحمل اصلا يااااااااااارب يجعله ابن صالح معافى تام الخلقة وترزقنا بره وصلاحه يارب الله ييسر امرك يارب |
يالله عنجد قشعر بدني
الف الحمدلله على السلامة هادا قضاء الله وقدره الله يصبرك وان شاء الله الله بيجازيكي خير على صبرك |
اقتباس:
أنا راح انتظر كمان 4 ايام بعدها بروح أحلل دم وأشوف لي حل ينزلها يعطيك العافيه حبيبتي ماتتخيلي ردودك خففت علي همي الله يسعدك وينولك مرادك |
اقتباس:
|
اقتباس:
|
الله يعطيك العافية والقوة وتربية التربية السلمية والصحيحة
اختي مرض المنغوليا في درجات في درجة خفيفة مررة تحسي الشخص طبيعي مررة مافي فرق بس في الشكل ويمكن الكلام ثقيل شوي وفي بعضة قوي ادعوا الله ان يكون ولدكي من النوع الاول وان النسبة عندة خفيفة |
اقتباس:
يعطيك العافيه يالغلا |
ياعمري والله العظيم حسيت بمعاناتك
الله يصبرك ويفرج همك حبيبتي ويجعل هالولد فخر لك بالدنيا والآخره |
اقتباس:
|
اقتباس:
آسفه حبيبتي لم انتبه بأني لم أرد عليك الله يسمع منك أسعدتني دعواتك و وصلت لي من القلب إلى القلب اتمنى بأن لاتنسيني من دعائك وإن شاء الله يكون سبب في قربي لرب العالمين أكثر لكي خالص شكري |
اقتباس:
عشان كذا حسيت فيك وحسيت انك تحتاجي احد تفضفضي له والله ييسر لك امرك ويفرج عنك وياخذ بيدك |
الله يفرج همك يارب ويشفيه ويقر عينك فيه وفي اخوانه ياقادر ياكريم
اكثري من الاستغفار والصدقه |
حبيبتي كل الي يجي من عند الله خير
احتسبي الاجر عند الله بس من معلوماتي أعرف ناس عندهم اطفال داون سيندروم بس في بداية حياتهم معاناة بس بعد كذا استقرت وعرفوا كيف التامل معاهم على فكرة فيهم ميزة انهم دايما حساسين جدا وحنونين ...يعني احضني طفلك كثير وعلمي اخوانهم وابوهم نفس الشيء ممكن يكون معاند شوية بس يبيله طولة بال حبيبتي ممكن تربيته صعبة شوي بس مو مستحيل او معقد بس بالصبر الله بيكون بعونك ياااااااااااااااااااااارب |
اقتباس:
تسلميــــن ياعمري باركي لي:14::14::14: الف حمد والف شكر واخيرا نزلت الحمد لله يا أختي الله عالم بحالي الحمد لله:23: |
اقتباس:
|
اقتباس:
|
أسأل الله أن يعافى ابنك ويشفيه شفاءا لا يغادر سقما
اصبرى يا أختى وأحسنى والله لا يضيع أجر المحسنين |
اقتباس:
يالله عاد خذي احتياطاتك |
الساعة الآن 04:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©