|
جهزي أغراضك بوديك لأهلك
السلام عليكم ورحمة الله وبركاته
اليوم تفاجأت بخبر بصرااحة أثر فيني وأحس اني فقدت أي قدرة على التفكير...... قلت مالي الا أخوانــــي بعد الله يساعدوني في حل هالمشكلة اللي حدثت لأغلى صاحباتي.. ماراح أطول عليكم واعذروني لأني راح أسرد لكم المشكلة بالعامية لأني أبغا أطرحها باسرع وقت وان شاء الله ألاقي ردود سريعة لأنها المسكينه على حافة الأنهيار... هي عمرها (20) وزوجها عمره (27) متزوجين من تسع شهور واللحين هي في بداية حملها.. اتصلت علي اليوم من جوال والدتها وبصراحة استغربت لأن أهلها ساكنين في مدينة وهي في مدينة ثانية ويوم رديت لقيتها منهارة وتبكي وماقدرت أفهم شيء ... اول مارديت قلت خير ان شاء الله وش وداك لأهلك؟؟ قالت بتطلق!!!!!!! قلت ليه !!! شلون؟!! قلت فهميني وش القصة من البداية .. قالت طلع مريض نفسي!!!! قلت شلون مريض الرجال أنا أعرفه أخلاقه عاليه وكان ملبي كل احتياجاتها وفوق كل هذا ملتزم بدينه.. يعني ماعليه كلااااام قلت وش اللي اثبت لك هالشيء ؟؟ قالت انا من تزوجته وأنا ملاحظه التناقض في تصرفاته صحيح انه يعاملني بلطف ودائما يحب يمزح معي وهو بطبعه يحب المزح والمرح.. لكن تجيه أوقات يقلب علي بدون سابق انذار ويحاول يلقى علي أي شيء ويطردني من البيت وبالقوة يقول أنا ماأبغاك وماأحبك ويوديني عند أهلي في مدينتهم.. تقول أحيانا يتراجع ويرجع يأخذني.. بس اللي صار هالمرة أحسه قوي .. كنا معزومين عند وحدة من قريباته لبست بلوزة طويلة مع بنطلون ويوم دخل علي وشاف لبسي بدأ يصارخ علي ويضرب بالباب بقوة وأنا بغيت أموت من الخوف حسيت أنه بيذبحني قال غيري ملابسك هذي .. وقال أنا بروح أجيب أمي عشان تروح معنا وانتي غيري لبسك.. طبعا أنا غيرتها على طوول ويوم جاء يأخذني كاان مرررة معصب وقاال أنا ماأبغاك بوديك عند أهلك .. قلت وش بتقول لأمك اللي معاك في السيارة ..قال وش بقول يعني .... بقولها بوديها لأهلها خلاص ماأبغاها وهو اللي حط أغراضي في الشنطة وأنا ميته من الخووف وماأدري وش أسوي .. وجاءأخذني ووداني عند أهلي وكان يمشي بسرعة جنونية .... وماكان يهدي اذا صادف المطبات يقول أنا أبغا الولد اللي في بطنك يطيح ........ تقول أنا كلمت على شيخ وشرحت له حالته قال هذا مرض نفسي!!! أنا بصرااحة مو واثقة من هالكلام ! أحسها عصبية زايدة.. ساعدوني الله يخليكم بمساعدتها..وراح أخليها تقرأ ردودكم.. |
أبغا أضيف شيء
هي اللحين راكبة راسها تقول خلاص ماأبغا أرجع له ... وأنا بصراحة ماودي توصل مشكلتهم للطلاق .... لأنه بدون مبالغة معيشها بنعيم وماكنا ملاحظين عليهم شيء.. وهذا هو عيبه الوحيد .. كل كلمة والثانية يقولها بوديك لأهلك خلاص أنا ماأبغاك.. أنا حطيت اللوم عليها لأنها هي بطبعها عنيدة .. لكن قلبها طيب.. وفسرت تصرفه هذا انه يكتم بقلبه واذا نفد صبره ينفجررررر في البداية كانت من النوع اللي تأخذ ولا تعطي وهي اعترفت بهالشيء .. وتقول هذا كان في بداية زواجنا لكن صارت بيننا مشكله قبل كم شهر وحاولت أصلح أغلاطي .. وصرت أنفذاللي يبغاه ... لكن صار يفور بدون سبب.. |
الحل يا اختي ان يكون حكم من اهلها و حكم من اهل زوجها يجلسون مع الطرفين و يشوفون وين المشكله بالضبط عشان يصلحون بين الطرفين .. الطلاق يا اختي مو بهذه السهوله خاصه ان في طفل جاي في الطريق .. بالتوفيق .. |
لا حول ولا قوة إلا بالله العلي العظيم...تصدقي يا أختي الظاهر زوجها من النوع المزاجي جدا
يومين كذا ويومين كذا فجأة وبدون سبب يستاهل يعني غامض وما مفهوم الله يعينها ويصبرها... مالها غير تكثر من الإستغفار وتدعي الله كثير بأنه يلين قلبه ويصلح حاله وتكون قرة عيونه صدقيني يالغالية خبري أختنا صاحبة المشكلة مالها غير الدعاء بأن الله يبدل حاله...فعلا قد تكون حالته هذي نفسية لظروف مر فيها في طفولته خلت منه إنسان في غاية العصبية والدعاء كنز عظيم بين إيديها تدعو الله بأسمائه الحسنى وتكثر من إسم "يا ودود" بنية إن الله يلين قلبه ويجعل بينهم المودة والسكينة برحمته إلي وسعت كل شيء ونحنُ شيء...وما تنسى القرآن الي له تأثير السحر وسورة البقرة وعشان الطفل الي في بطنها يحفظ كتاب الله تسمعه من الحين القرآن تتلوه وتسمعه والله كريم... ذكريها ركعتين في جنح الليل الإستغفار والدعاء والصلاة على الحبيب وقراءة القرآن الكريم والله قادر يبدل الأحوال إلى أطيب وأحسن الأحوال... بلغيها مني سلام"حبيبتي مهما إشتكينا للناس ولا علا صوتنا مع أزواجنا لحل المشكلات الي تواجهنا عمرنا ما بنحل شيء إلا بلجوئنا إلى الله وحسن الظن فيه واليقين التام بارك الله فيك وفرج الله كربتك وقومك بالسلامة إصبري حبيبتي إبتلاء وهم سيزول عما قريب بعون الله وتجيبيلنا حافظ او حافظة لكتاب الله المجيد |
لاحول و لاقوة إلا بالله العلي العظيم
لا أعرف بصراحة و لكن المرض النفسي بحاجة لتشخيص من أكثر من موقف و الحمد لله أن صاحبتك لم ترفض أمره بتغيير لبسها و اتخذت الهدوء لكن للأسف ردت فعله و حالة غضبه أعمته عن ذلك أعوذ بالله من الشيطان الرجيم ربما هو يريد أن تكون زوجته كما يريدها مئة بالمئة و تعرف جميع ما يرضيه وهذا مستحيل في بداية الزواج وهم لتوهم متزوجين انا أقول ان التريث طيب بالنسبة ما الإجراء الذي عليها أن تقوم به هو أن تنتظر مكالمته حاليا , و إذا طوّل عليها تتبع خطوة ثانية على حسب الوضع لأنها مرتبطة معه بالجنين فما أعتقد أنه سيطنشها و في بطنها فلذة كبدهما ....الضنى غالي عندي سؤال كم مضى على حدوث هذا الأمر!؟ ربما سيرجع و يكلمها و يتفاهموا و تبين له أنها تسعى لرضاه لكن في أشياء كثيرة الواحد تربى عليها و تعوّد قد لا تناسب الطرف الآخر فكما هي ستصبر على عيوبه , فاصبر على عيوبي و صحح لي ما يوافق حياتي شرط أن يكون في رضى الله و يبدو أن صاحبتك مطيعة لزوجها و اجعليه تذكره بهذه النقطة أنك لما طلبت ني أغير ملابسي لم أتردد و سلوكياتنا , الحياة كفيلة بفعل التناسق بيننا بما أنهم إن شاء الله يحبوا بعض و هو مدللها و يعرفوا حقوق الزوجين على بعض أعتقد ثورة غضب جامحة للأسف الله يعديها على خير بس خبرينا بالمستجدات تحياتي أم فاطمة |
بعد ما شفت إضافتك زاد عندي كلام... معناته هما بعد ما فاهمين بعض زين وهذا شي طبيعي
لأنهم في بداية حاتهم الزوجية... وكل واحد فيه عيوب وأخطاء وما فاهم الثاني الموضوع يبغاله صبر ولازم تفهم زوجها إنه هالأمور الي تصير طبيعية بس أهم شي إنه يكون في نية كل واحد منهم إنه يتعلم من أخطائه ويحاول يفهم الطرف الثاني وهدف كل واحد إسعاد الثاني... ما من أول مشكلة كل شي ينهار...هذا خطأ لازم تركزوا وتشوفوا وين الخلل وتحلوا أموركم بهدوء والله الدنيا ما تسوا نكبر فيها الأمور خلينا نبسط الأمور وما نعقدها ونسعى لسعادتنا وسعادة أحبابنا والله كريم... ولازم يفهم الزوج إنه هو ربان السفينةو لازم يكون أكثر صبر ويقود السفينة بهدوء وعقلانية وما يكون إنفعالي... الله معاهم وبقدرته بيفرج كربنهم يارب... |
اقتباس:
وهذا اللي ان شاء الله راح يصير ... أبوها بيكلم والده بس هي الله يهديها أحسها مكبرة الموضوع .. وأخاف تكره أهلها فيه ويوقفون معها ضده.. |
اقتباس:
على هذا التذكير. وفرج الله همك ان شاء الله عاجلا غير آجل هي اللحين راجعة من مدينة أهلها عشان دراستها وبتجلس عند جدتها كان ودي تقرأ ردك قبل ماتتصرف تصرف تندم عليه بعدين |
اقتباس:
أنا مااتوقع انه مرض نفسي اللي أشوفه ان الرجاال بكامل قواه العقلية لكن شكلها عصبية زايدة مثل ماقلت المشكلة صاارت أمس .. لكن هي مستعجلة على اتخااذ القرار لكن أنا هديتها وقلت لها أصبري شوي لحد ماتهدون تقبلي تحيااااتي |
سؤااااالي لكم اللحين ..
هي محتارة وش الخطوة اللي المفروض تسويها اللحين كبداية حل للمشكلة؟؟ وياريت الرجاال يعطوني رأيهم في تصرف زوجها ويفسرون لي السبب؟؟ |
اختي مثل ماقالوا لك الحبايب ..
لازم طرف من اهلها وطرف من اهله عشان يتوصلوا الى سبب المشكله الأساسيه امام مواقف تافهه كذا عاديه تخليه وكأنه بيقتلها ويعيفها على طول .. لا غلط مو بهالسهوله الطلاق ومو لعبه هذا رجل مزاجي ويحسب بنات الناس لعبه وكلمة رجل لرجل يختلف الوضع .. الله يفرجها عليهم ياارب |
اقتباس:
أنا بصراحة منصدمة من تصرفه ... ونفسي أعرف ليه يسوي كذا .. !! |
أخواتي بقولكم آخر المستجدات وهي طلبيت مني أعرضها عليكم
أتصلت على والدته تستفسر منها عن سبب تصرف ولدها وهل هذا هو طبع فيه !! تقول أنصدمت من طريقتها في الكلام معي .. وجلست تسبني وطلعت فيني بلاوي.. وهي عصبت قالت مادام أنا فيني كل هذا وش اللي حاده يصبر علي قالت : يحبك الله لايحبك!! هي اللحين منصدمة من موقف أمه تقول ماتوقعتهاكذا طلعت هي اللي تزن فوق راسه طول هالمدة !! على فكرة هو ولدها الكبير وماعندها الا ثلاثة ولدين وبنت ... شووووركم كيف تتعامل معاه بعد مااكتشفت ان والدته تأثر عليه!! |
اقتباس:
حرام عليها صاحبتك ليش كذا تستنتج امور من راسها وبعدين تبني قرارات مصيرية عليها بالبداية هو مريض نفسي والحين ام زوجها كانت تأثر عليه ان بعض الظن اثم فخليها تأخذ الامور بحسن نية و ما في داعي طلاق المسألة تنحل بين ارجال ابوها يقل اذا رجعتها لبيتي مرة ثانية زوجتك ما ترجع لك وخلاص |
اقتباس:
لكن كلامها منطقي .. هي استنتجت ان والدته تأثر عليه لأن كلامها مطابق لكلامه ان شاااااء الله تنحل أمورهم ..... |
جزاك الله خير يا أختي الغالية "بنت الحلوين" جعل ربي
صدقك في الوقوف مع صديقتك وأختك في الله في محنتها في ميزان حسناتك وحظها فيكِ فرج الله همها ورزقك سعادة الدارين وكل أحبابك يارب... والله صدمتيني كثير من موقف أمه حتى والله ما أعرف إيش أقول "حسبي الله ونعم الوكيل" فعلا شي غريب ماصارلهم فترة متزوجين سبحان الله لا حول ولا قوة إلا بالله العلي العظيم ذكريها تستغفر كثير وتصلي على النبي عليه أفضل الصلاة والسلام... بس عندي بعض الأسئلة عشان أفهم الموضوع بوضوح أكبر...كيف علاقتها بأم زوجها قبل هالمشكلة الأخيرة؟ وهل لما إتصلت بأم زوجها كانت معصبة ورفعت صوتها ولا جرحت بزوجها أمام أمه يمكن هالشي هو الي خلاها تفور وتعصب على أختنا صاحبة المشكلة بهالصورة الكبيرة؟ إيش طبيعة المشاكل الي كانت بينهم يعني بأمانة ايش الأمور الي تعترف فيها أختنا إنها كانت مقصرة فيها امام زوجها في بداية زواجهم؟ هل زوجها من الأقارب ومن الي رشحها له؟ هل كانت تعرفه من أول؟ ولما كانت لابسة بنطلون الي كان سبب المشكلة معاه هل كانت بتتغطى بحجاب كامل؟ وهل الجلسة الي كانت رايحة لها كلها نسوان ولا ممكن يطلع لهم رجال البيت؟ نصيحتي لها في هذي الفترة إنها تصلي صلاة الإستخارة؟ وطمنينا أول بأول بالمستجدات فرج الله همهم وجميع المسلمين والمسلمات وجزاكم الله بخيري الدنيا والآخرة على دعوتك الطيبة لي بارك الله فيك حبيبتي |
السلام عليكم ورحمة الله وبركاته
أنا صاحبة بنت الحلوووين أحب أشكر كل من رد على مشكلتي وجعله الله في موازين حسنااتكم وهذي أجوبتي على أسئلتك يا رحيـــــــق الفردوس أنا علاقتي مع والدته كانت مررررة كويسة وعمرها ماحسستني انها ماتحبني وحتى لما كلمتها كنت مره هاديه اصلا انا ماتوقعت منها اي شيء يجرحني علشان كذا كنت مره هاديه معها و المكان اللي رايحتله كان مافيه رجال ابدا كله نسااء واصلا لبسي كان ساتر بس هو كأنه يحاول يلاقي أي شيء يسبب مشكله وكان من الأساس في هذا اليوم معصب مني أنا بصراحة بطبعي عنيدة لاكني طيبة ولأني حبيته مشيت برغبته خاصة في ناحية اللبس ... لكن انا وجهة نظري هذه أمور ماتستاهل كل اللي سواه ... تقبلي تحيـــــــــــــــــــــاتي .. أختك الحزينة |
الله يهديها ويهدية هم في بداية الزواج ولا بد من المطبات السنة الاولي للزواج صعبة جدااا
فعليها ان تتحمل وتحاول ان تعرف زوجها جيدا وتعرف ما يحب ويكرة العند في الزواج هو ما يودي الي الهاوية فخليها تحذر من العند لا تعند والا خربت بيتها بيدها والله يسهل لها ويهدي زوجها لها |
نقل إلى مكانه المناسب .
|
أخواتـــــــي أدعولها والله هي اللحين في حالة لايرثى لها
اتصل زوجها على والدتها قبل يومين وقال خلاص أنا راح أطلقهــــا وطلب منهم انهم يأخذون أغراضها ... المسكينة أجتمع عليها كل شيء مرة وحدة وحاام بما انها في بداية الحمل .. ودراستها اللي في مدينة ثانية غير مدينة أهلها ومحتاره كيف راح تكمل دراستها بعيد عن أهلها وهي في أمس الحاجة لهم .. دموعها هي وولدتها ماوقفت ... والله خايفة عليها يجيها شيء حتى أبوها من صارت المشكلة ماله خلق يشوف أحد .. الكل يقول هذي عين وصابتهم ... ماكان بينهم أي مشاكل وكان زوجها طااااااير من الفرحة بالحمل وحاطها في عيونه..... الله يفرج همها .....ياااارب |
شي غير معقول أن الزوج يريد طلاق زوجته بلا سبب بعد أن اختارها من بين نساء الدنيا وتكلف وتعب
لأجل الزواج بها , ثم هو يطلقها بلا سبب مقنع , أرجو أن تكون صديقتك واضحة معك وتبين كيف كان تعاملها معه في بداية الزواج .. ةقضية العين وتدخل الأم وغير ذلك من الشماعات التي تعلق عليها بنات اليوم الأعذار وكأنها حور عين لا تخطئ ..فهذا غير منطقي .. أرجو أن كانت مخطأه في حق زوجها ألا تتغطرس وتتكبر وتعتذر قبل ان تكون في عداد المطلقات .. لأنه ل اعتقد أن هناك يرضى ان يعيش مع متكبره ومترفعه عن زوجها |
حسبي ىالله ونعم الوكيل على من يفتن بين الزوجين ليش يزوجون اولادهم كان خلوهم عندهم إنا لله وإنا إليه راجعون
|
ياحياتي جدا دموعي نزلت
لازم من المشاكل في بداية الحياة بس الصبر زين الله يهدية مو كل شيء طلاق وش ذنب هالوووووووولد هوبعدتهور وغلط عليها يوم ودها لاهلها وكبر المشكله ياحول بلاش من الروحة اصلا ياليت صديقتك بادرت بالاعتذار اوحاولت تكسبة بالاسلوووووووووب الللين والله اني مرة سمعت شيخ كلمة آآآآآآآآآآسف لها مفعول لدى الازواج والكلمة الطيبة صدقة وبعدين طيب تبي تعاقبهاااااااااااا لاتطلقها ادبها شهر شهرين ويروح الزعل وتصفى القلووووووووووب مو كل شيء طلاق لاحول ولاقوة إلابالله يالحزينة هونيها وتهووووووووون واذاربي كتاب لك معه لقمة بتاخذينهاااااا وتفائلي وياحبيتي اهتمي بصحتك الحين أنتي حامل وطمنينا عنهااااااااا وان شاءالله مايكون الاكل خير وتتصافى القلوب والنفووووووووووس يارب وأهم شيء حالتك النفسية وعليك بالصدقة والاستغفااااااااار وربي يفرج همك يارب تصلح حالك وتبشرينا برجعتهاااااا قريب ويهدي زوجهااااااااااااااااا يارب ويرجعون لبعض يارب تهدي سرها وتصلح حالهاااااا |
الله يجزاك كل خير يابنت الحلوين ويوفقك يارب ويعطيك العافية وأنااشهد انك وفية وتستاهلين كل خير ربي يفرج همك وهم صاحبتك ويصلح الحال ويشرح البال
|
الله يهدي زوجها ويردهم لبعض
|
أم الحلوين السلام عليكم
الموضوع فيه شي من الغموض يجب معرفته الزوج لايمكن يغضب بالشكل هذا إلا إنه اكتشف شي في زوجته جننه ابحثو عن السبب وإذا عرف السبب بطل العجب فيه سالفه حصلت بين زوجين وفي الأخير طلع السبب شخص يحاول يخرب بينهم الرجال هذا متزوج وعنده اطفال وهو زوجته يشتغلون في الصباح يطلعون كلهم للمدرسة والعمل ويتركون ولدهم الصغير عمره يمكن 3 او اربع سنوات عند الشغاله المهم في يوم من الايام اتصل شخص مجهول على البيت والولد فيه طبع انه يرفع السماعة كل مادق التلفون يعني فيه لقافه شوي المهم رد قام الشخص هذا يدردش معاه لين سأله وش اسم امك وش لابسه يوم تطلع وش لون شنطتها المهم صار مثل المحقق كونان لين عرف كل شي من هالطفل وفي المساء اتصل نفس الشخص على البيت ورد صاحب البيت وقال له انا عشيق زوجتك وترى اسمها كذا واليوم لابسه كذا وشنطتها كذا وانا الحين بنتقم منها ليش تتركني سكر السماعة الزوج سمع الكلام هذا استشاط غضب والزوجة الضعيفة ماتدري وش السالفة ومسكها كانت بالمطبخ وكفخها لين قالت بس وقال لها ما ابغى ارجع احصل لك بالبيت المهم السالفة طويلة والهدف من القصة يجب التحري الدقة في مثل هالمواضيع ياما ناس اختربت بيوتهم بسبب سوء الظن الله يهدي كل ظال |
أخيرااا ردو علي الرجـــال من زماان وأنا أتمنى أقرأ أرائهم لعل وعسى يساعدونــــــي في تفسير سبب تصرفه .. !!
عصامي الرأي أنا من بداية طرحي للمشكلة مابرأت صاحبتي من العيوب .. لكن هي كانت تحاول جاهدة ترضيه لأنه هو بطبعه حنون ومو من النوع اللي يفرض رغباته على زوجته بالقوة.. لكن الغريب في المشكلة أنه يقلب عليها فجأة على أتفه الأسباب ويوديها لبيت أهلها .. وبعدين اذا أهلها كلموه يطلع فيها عيوب ثانية غير عن السبب الأساسي اللي خلاه يوديها بيت أهلها.. واشياء قديمه .. يعني مثلا يقولهم .. في اليوم ..... ماطبخت وهالشيء صاير من فترة,, أو مثلا يقول ماتهتم بنظافة البيت.. أو لبسها ,, واذا كان راضي هو بنفسه يمنعها من التنظيف أو يقوم يساعدها.. وهو بنفسه يختار معها اللبس بحكم انه يروح معها للسوق .. فهي تقول أنا احترت معاه !! طارق hمشكورة حبيبتي على المرور والله يفرج همك زينة الغنادير أسعدنـــــي حبيبتي مرورك ومشكورة على هالدعوات الطيبة وياااااااااك ان شاء الله شوفي حبيبتي والله مسكينة والدتها ذلة نفسها له واتصلت عليه وحاولت معاه بكل الطرق تخيلي جلست تترجاه ترجي انه يرجعها .. والمشكلة ماهي لاقية سبب قوي انه يطلقها ومو أول مرة يسوي فيهم كذا لكن هذي المرة حسوا من كلامه انه مصمم على الطلاق كثر الله من امثالك والله يعطيك على قد نيتك وان شاء الله تقرأ ردك .... أم الأمورةآآآآآآمين تسلمين حبيبتي على هالدعوة الطيبة |
سعودي
وعليكم السلام ورحمة الله وبركاته الله يسمع منك ان شااااء الله وأكون أم الحلوين :22: والله ياأخوي سوء الظن وارد لكن في مشكلة صاحبتي الوضع مختلف مشكلتهم صاارت عادة لاأكثر ولاأقل شوف أنا بفسر لك وضعهم أكثر .. زوجها ماله الا أخت وحدة متزوجه بالاسم فقط والدته هي اللي تصرف عليها وهو اللي يلبي احتياجاتها ويوديها ويجيبها ومعتمده على اخوها في كل شيء بحكم انه هو الأخ الأكبر.. ووالده متزوج وحدة ثانية وقليل يتواجد عند الأم .. فصار زوج صاحبتي هو الأب والأخو والولد بنفس الوقت للأم والأخت .. والغريبة في الموضوع انه هو بنفسه دور له على زوجه وخطب بنفسه !! وأنا من رأيي ان الرجال مايدور بنفسه على زوجه الا اذا مالقا أحد يساعده في البحث وهي من البداية تقول ماكنت حاسة انهم متقبليني ..!! ؟؟؟؟؟؟؟؟؟؟؟؟؟؟؟؟؟؟؟؟؟ والله أسأله كثيرة تدور براسي .. لكن أنت وش رأيك تتوقع انه ممكن الأهل يأثرون على ولدهم اذا حسوا ان زوجته أخذته منهم ...خاصة اذا كان يحب زوجته ويبين محبته قدام أهله وملبي لها كل احتيااااجاتها واحيانا تكون على حساب أهله أو ممكن يكون يتشكى لهم كل ماصارت مشكلة بينها وبينه وهالشيء يرسخ في بالهم ويقلل من قدرها عندهم .....أعذرني كلامـــــــــي مو مرتب ... لكن أشبه مشكلتهم باللغز وماراح أرتاح لحد ماأحله |
انا اجيبك نعم وعن تجررررررررررررررررربه
|
اقتباس:
الله يفرج همك ان شاااااء الله عاجلا غير آجل ياااارب والله الدنيا اللحين صايرة تخوف وماصار الواحد يعرف وين الصح من الغلط!!! |
أنا أتوقع والله أعلم أن الأم تحرض الولد على البنت ويمكن موصله له كلام مب زين عن البنت والله أعلم
الله يسامحني إذا ضنيت فيهم ضن السوء .. خليها تستغفر وتقوم الليل عسى الله يفرج همها يارب .. |
الله يعينها ان شاء الله
ترا الرجال فيه شيء مضايقه ومو قادر يتكلم لكن اهله يدروا ايش اللي مضايقه.. الرجال اذا حب زوجته ما راح يسيبها على كل هفه.. الظاهر انه بيحاول يدور على اي سبب علشان يطلقها. الله يعينها الرجال اللي طبعهم كذا العيشة معاهم صعبة طال ما انه ما لاقى الشيء اللي يبغاه ما في شيء هي تسويه ممكن يرضيه.. انصحها بالإستخارة. والله اذا مصر على الطلاق لا يترجوه.. الطلاق مو عيب. والله يكون في عونها |
كانك تتكلمي عن زوجي حياتي معاه صراع على طول تسليط منقبل أآمه واخواته خايفييييييييييييييييييين لا آخذه عليهم خليها تستخير كتييييييييييييييير الطلاق مو معناه الموت وتفوض أمرها لله أنا عندي بنتين والله يعلم كيف عايشة
0مني صابرة الا علشان عيونهم |
| الساعة الآن 05:38 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©