|
::: الرضاعة والحمل وحبوب منع الحمل:::
السلام عليكم و رحمة الله و بركاته كما تعلمون اني ولدت بالسلامة وان اوان التفكير بوسيلة لمنع الحمل رحت الدكتورة اليوم وقالت ارجعلها اخر الاربعين لنناقش الموضوع لكن لما سالتها قالت خلص ماترجعي وناقشتني بالموضوع بنفس اليوم المهم كتبتلي حبوب عطول بدون مااطلب سالتها طيب ليش لولب لا قالت مشاكلو كتيرة وانت لسة بكرية مافي داعي سالتها عن الابر الي تنغرس في الكتف قالت هاي للي مخلفين كتير لانو بتمنع الانجاب فترة وانت لسة صغيرة ومابدك هالغلبة المهم قالت بما اني برضع 100% فهالاشي مفروض كافي لمنع الحمل لكن عطتني الحبوب زيادة احتياط وهي الحبوب الاحادية طبعا حتى تتناسب مع الرضاعة المهم لما قلت لزوجي قلي صحيح بما انو الرضاعة تمنع الحمل ماتاخدي حبوب !!!!! طبعا انا فزعت في وشو وقلت لا ومستحيل والف لاااااااااااااااااااااا مابغامر ولو بنسبة 1% غير انو في بنات حملو حتى وهما برضعو قالي بكونو مش معتمدين 100% رضاعة طبيعية وممكن بدخلو صناعي المهم سكرت النقاش بسرعة وقلت ماعندي استعداد للمغامرة ابدا المهم بنات انا بدي اسالكو من تجاربكو او سماعكو قصص حواليكو شو نسبة الي حملو مع استعمال الحبوب؟؟؟طبعا مع استثناء الي بتنسى حبة او مابترضع رضاعة كاملة انا قصدي الي زي حالتي رضاعة كاملة و حبوب كيف وقتها احتمالية الحمل عندي؟؟؟ يعني شو تجاربكو بهالمجال؟؟؟ وشو الاثار الجانبية غير عدم انتظام الدورة؟؟؟ ويعني صراحة حتى لما اخد الحبوب عندي هوس وخايفة اروح احمل رغم الحبوب طبعا ناوية إن شاء الله اخدها بانتظان دقيق كل يوم بنفس الساعة إن شاء الله لانو هيك ثبت فعاليتها اكتر من لخبطة المواعيد اتمنى تحكولي ارائكو و تجاربكو وياريت كمان البنات الي بكريات زيي وولدو جديد زي كريستيلا و انجل دانا يخبروني عشو ناويين انا صراحة من الاول ناوية عالحبوب يعني مش حابة اللولب حاليا عشان لسة والدة وهيك مابدي الم ووجع جديد في المنطقة اضافة انو اللولب ممكن يتحرك مع التعب والحركة او رفع الثقيل وانتو عارفين هالفترة الحركة كتيرة بسبب البيبي والعناية به اضافة اني مش حابة اجرب الام و قرف جديد بعد الم الولادة من حيث وضع اللولب وهالحركات هاي فمن الاول كنت حاطة عيني عالحبوب كنت اتمنى اتبع طريقة العزل لكن مش مضمونة لانو ممكن يقدر رب العالمين تاخر التبويض بالتالي نفكر حالنا بفترة امان نطلع بالتبويض ويصير حمل بيني وبينكو بالاخر انا فكرت احسن مانع حمل اني اسافر D:ههه معلش سامحوني غلبتكو بانتظارك واسفة عالاطالة |
وياااااريت الي اخدتها تقلنا ايش الاعراض الجانبية الي عانت منها غير عدم انتظام الدورة
|
أختي ملك شادي بالنسبة لتجربتي أنا أخدتها بعد الولادة تماماً لمدة أربع شهور و ما صار معي حمل مع اني نسيت مرتين آخد الحبة و كنت برضع ابني صناعي و طبيعي
المهم اني بعدها تركت الحبوب لأني كنت أعاني من تغير المزاج كنت كتير أعصب بسرعة و لما حطيت اللولب طبعاً عرفت قيمة الحبوب و استنتجت كم كانت الحبوب خفيفة مقارنة باللولب لأني اللولب كان مارينا الهروموني كتير كان يتعبني ألم و دم كل يوم و ما أعرف الحيض من الاستحاضة المهم انا بنصحك بالحبوب و طالما بترضعي رضاعة كاملة و البيبي معتمد عليكي بشكل كامل فهي لوحدها كافية لأول 6 شهور حسب الكلام العلمي اللي درسناه بالكلية طبعاً مع الحبوب ان شاء الله بتحطي ايدي و رجليكي بماء باردة خاصة لما تكوني محافظة على أخذ الحبة بموعدها بدون تاخير مجرد تأخير 6 ساعات قد تحدث الاباضة لذلك عيري الموبايل او أي منبه تاني مشان ما تنسي الحبة و توكلي على الله أما عن الآثار الجانبية فآثارها أخف من الأنواع التانية و نادراً ما تحصل و أكثر هذه الآثار حصولاً في الفترة الأولى من أخذ الحبوب هو : - النزيف بعض النساء تعاني من حيض أتقل مما اعتادوا عليه - حصول نقط دم بشكل غير منتظم بيض الحيضين - ممكن اختفاء الحيض بشكل تام هذه الأكثر شيوعاً و هناك بعض الآثار الجانبية التي قد تعاني منها بعض النساء و هي : - حب الشباب - احتقان الثديين و كبر حجمهما - ممكن زيادة أو نقص الرغبة الجنسية - اكتئاب - صداع و شقيقة - غثيان و إقياء -ممكن ظهور أكياس على المبايض ( هذا عادة أمر غير ضار و يذهب بشكل تلقائي) - عدم ارتياح في المعدة - زيادة الوزن - |
اولا: الحمد لله على السلامة و مبروك ما جاكم ويتربى في عزكم و دلالكم
انا ابني الان عمره سنه و سبع شهور ورضعته طبيعي ومعتمد علي بالكااامل وبيني وبينك فترة بعد الولادة كنت افكر كثيييير في اي طريقه استخدمها وكنت متخوفه من شي اسمه حبوب و لولب:24: في النهايه قررت اني استخدم نفس الطريقه اللي استخدمتها قبل لا احمل << كنت متعمده ااخر الحمل قبل و الحمد لله ماصار حمل في ذيك الفترة (طريقة حساب ايام التبويض) بس مو مضمونه مثل ماذكرتي وغير كذا كانت الدورة مو منتظمه هيه بتنزل كل شهر بس مو بنفس التاريخ بعدين رسيت على استخدام الواقي الذكري ومايكون في انزال داخل و حتى بعد ماانتظمت عندي الدورة لو بيكون في انزال بس اول يوم بعد الدورة و اليومين اللي قبل لا تنزل الدورة وبكذا اكون ارتحت من الحبوي و اللولب وطريقه مضمونه نوعا ما.. واي استفسار انا حاضرة.. :) |
وعليكم السلام ورحمة الله وبركاته
حيا الله ملك شادي ,, كيف فهودي ؟؟ بالنسبه لحبوب الرضاعه أنا مجربتها لمدة سنه كامله مع أطفالي الاثنين وكنت معتمده على الرضاعه الطبيعيه فقط وطبعا على الاكل بعد ماكبرو شوي وبدأو يأكلون وبعد السنه غيرت الحبوب الى عاديه وبالنسبه للدوره أنا في طفلي الاول انقطعت عني طول السنه ,, وفي طفلي الثاني تجيبني ايام قليله جداُ |
ماشاء الله تبارك الله شوفي ردي بموضوعك الثاني والف الحمد لله ع سلامتك ويتربى بعزكم إلهي ويقر عيونكم بشوفته من البارين المهتدين الله يحفظ لك فهودي أم وليد |
شكرا الكو اخواتي الكريمات على المشاركة والرد
ماريا خوفتيني عقصة المزاج لانو خلقة انا عصبية ومزاجي متقلب بسرعة بس انا بعرف الاعراض الي زكرتيها للحبوب الثنائية اما الاحادية الدكتورة قالت بس لخبطة الدورة بس زيادة الوزن و العصبية والاشياء هاي للحبوب التانية انت كان قصدك عاي نوع؟؟؟ وشكرا لكل البنات |
هلا ملك
كيف فهد ان شالله مش مغلبك بالنسبة لمانع الحمل انا بعد الاربعين مباشرة استخدمت حبوب مايكروجينون... طبعا هاي تستخدم لغير المرضعة والحمد لله ما كان الها اي تأثير سلبي لا لخبطة دورة ولا عصبية ولا مزاجية فقط شعري ضعف وهلأ بستخدم مقوي بالنسبة لبعض الاخوات ذكروا بكلامهم الواقي الذكري لكن كلمة ليكي عزيزتي ... انا حمل بابني فارس الله يحفظه ويخليه واحنا بنستعملو يعني ديري بالك ما في اضمن من الحبوب بس لازم تستعملي الحبوب اللي تناسبك ولا تنسيها مع اني احيانا كنت انسى لتاني يوم بس الحمد لله ربنا كان يستر وهي فارس صار عمرو 7 شهور وربنا يقدرنا نعتني فيهم |
ملك حبيبتي الحمد لله على سلامتك مرة تانيه بس لا تتهاوني
انا كنت برضع بنتي رضاعه كامله من دون اي تدخلات خارجيه وكنت بستعمل طريقه العزل طول الشهر يعني ما بحسب ايام امان وغيرها كنت خايفه من الحمل وقلت اضمن طريقه انه ما يكون في انزال بالداخل بالمرة لا اول يوم ولا اخر يوم وهيني حامل بالتامن وبنتي عمرها 9 شهور ونص استعملي الحبوب 3 شهور وبعدين تقدري تقيمي اذاكنت هتستمري عليها ولا لأ لأنه سلبياتها ما تظهر قبل 3 شهور انا استعملت حبوب الرضاعه قبل بس بهدلتني .. الحمد لله ما اثرت على وزني بالعكس انا حسيت انه وزني نزل بعد استعمالها لكن كنت مكتئبه دائما لدرجه البكاء من اتفه الاسباب وعصبيه ودائما اشعر انني مخنوقه كما انها سببت لي الم شديد في صدري لدرجه انه ماكنت اقدر احرك ذراعي ودوخه وغثيان .. وسببت لي برود جنسي حاد .. وبطلتها بعد اربع شهور من بدايه استعمالها .. ما قدرت اكمل بس بعدها حملت بسرعه مع اني ماكنت مستعده للحمل التالت وبين ابني الاول وبنتي التانيه سنه ونص بالظبط.. اما عن اللولب جربته اول ما ولدت بس سببلي نزيف حاد والدورة كانت تجلس معايا بالاربعين يوم الله يستر بعد ما اولد شايله الهم من الان .. ارجو اني اكون افدتك.. |
هدي مشكلة كل امراة والدة
انا فكرت زيك وبالاخير استخدمت التحاميل توضع قبل الجماع والله يستر الان ولدي 9 شهور ولم يحدث حمل |
ياملك ترى انتبهي الحبوب الها اثر مو كويس للي البكريه ممكن لاقدر الله تسوي عقم مؤقت انا اختي بعد الطفل التاني اخدتها واجت تحمل ماقدرت تعالجت فتره وبعدين حملت
وكمان بتزيد الوزن انا اخدتها كان دايما ينزل علي ... مااعرف اصلي كتير كان صعب وبعدين الدكتوره قالتلي اوقفها بس شهر اخدتها ولماالله يكتب الحمل راح يسير لو ايش ماعملتي اناصاحبيتي حملت على الولب وبالنسبه للرضاعه الطبيعيه بتمنع الحمل اعرف كتير هيك بس يفطموااولادهم بيحملوا وانا كمان لماادخل الاكل بحمل ان شاالله اكون افدتك |
مالك الا الحبوب خاصة لانك بكريه مايصلحلك اللولب والحبوب بعض الحريم تبهذلهم شوي وبعضهم تزبط معاهم وممكن الحبوب اللي تناسبك ماتناسب اختك مثلا او امك يعني كل وحده وحظها بالاخير يعني مهما كتبنالك انواع الحبوب في الاخير القرار يرجع لك في الاختيار بس الوحده تصبر عشان ماتجيب واحد ثاني تتحمل شوي السلبيات حقت الحبوب ايش بنسوي روحي خلي الدكتورة تكتبلك حبوب رضاعة واضبطي المنبه بالجوال عشان ماتنسي وتوكلي على الله
|
انا الي سنتين ونص ما بستعمل لا ادويه ولاحبوب اعتمادنا على الواقي الذكري
بصراحه اللولب الومشاكل والحبوب بسم الله بقولو بتعمل سرطانات وشقيقه غير طبعا العصبيه واحنا شو بدنا غير انو نستعمل شي ما يضر صحتنا وطبعا هاد برجع الك.. بس ما حد بخاف من الحمل مره تانيه قدي والواقي هو أفضل الحلول |
اولا حبيت اقدم لك تجربتي
انا لما جبت بنتي رضعتها سنتين كامله من دون ما اكل حبوب .ز وكانت دورتي شبه منتظمه والحمدلله ماحملت لحد ما فطمتها بس كانت معتمده عليه تماما,,, فاذا كنتي راح تعتمدين علي الرضاعه الطبيعه فلا داعي للحبوب |
اولا الحمد لله على السلامه
انا بعد ولادتي لابنتي الاولى بعد الاربعين مباشرة جاتني الدورة فعرفت انني لازم اخد احتياطاتي وخذت حبوب تنفع للرضاعه فانا اؤضع ابنتي لليوم بشكل كامل بدون اصطناعي الحبوب في الاول حسيت معها بالعصبية لكن بعدين عادي جدا لكن ما كانت تجيني الدورة بالمرة تقريبا سنه قبل عدة ايام صارت معي زي حاله نفسية (صارت عملية قتل لشاب في العائلة) وحسيت حالي تاثرت وصرت بخاااااف جدا من الموت وصار معي زي حاله اختناق كاني بموت وما كنت عارفة السبب لان الاطباء قالوا ما فيكي شي فقلت يتمكن من الحبوب فقررت قبل اسبوع اوقفها...ومع اني عارفه الحين ان السبب نفسي بس خلص مش حابة ارجع لها ومع اني مش حابة كثير احمل...المهم اللي ما بتجيها الدورة خلال الرضاعة هي اللي عندها الرضاعة تمنع الحمل (مثل امي,,,الرضاعه لسنتين خلالها لا يوجد حمل) لكن اللي تجيها الدورة معناها وارد انها تحمل... |
اقتباس:
انا حملت بعد الاربعين مع اني بستخدم العزل طول الشهر .. والامر في الاول والاخر بيد رب العالمين اذا اراد امرا ان يقول له كن فيكون.. يعطيكن العافيه .. :15::15::15::15: |
انا بصراحة ركبت لوب بعد الاربعين والحمد لله وما شاء الله تبارك الله مريحني
والدورة بردك عندي مش منتظة يعني اجتني مرتين من الولادة الى الان وابني ما شاء الله عليه عمره 6 شهور ونصف وانا عمري ما فكرت في الحبوب احس انه اثارها الجانبية كثيرة |
اقتباس:
أختي ملك شادي انا قصدت الأحادية لكن كما أشرت في ردي السابق الأعراض الأخرى (غير عدم انتظام الدورة ) نادرة الحدوث ملك شادي لو نظرت في كل نشرة دواء على كل الآثار الجانبية لن تأخذي بحياتك أي دواء من واجب شركات الدواء أ تكتب كل ما يمكن أن يحصل من آثار جانبية و لو باحتمال ضئيل جداً لكن مو شرط يحصل معك شي منها انا لما تركت الحبوب ما تغيرت عصبيتي دليل انه العصبية ما كانت من الحبوب لكن انا اتهمت الحبوب :d حتى زوجي يعذرني |
شوفي ياا قلبي ماحد سأل عن الموانع قدي :)
اللولب شلته من راسي لانه دايما تجيني التهابات فا الولب لا تستخدميه اذا كنتي تعاني من التهابات او دايما تجيك .. لكن لو كل شي تمام جربيه ... مادري ليه قالت انك بكريه ... عادي كثيير بكريات مسوينه مافيهم اي شي الحبوب القوية و الابرة (ابرة اليد) و اللصقة اللي مرة ذكرتها اختنا رومانسية الله يذكرها بالخير و يقومها باسلامة ما تنفع للمرضعة لانها تنتقل للحليب ... و انا زيك مرضعة فا ما سويتها اا يبقى لك يا قمر اما الحبوب الاحادية و هذه انا باخذها ليه شهور وتقريبا ماشية اوكي بعد مااوقف الرضاعة بستخدم اللصقة ان شاء الله فا حبيبتي مالك الا الحبوب جربيها شهر مثلا وشوفي بتناسبك/ او شوفي طبيبة ثانية بخصوص اللولب |
اقتباس:
وايش اسم الحبوب اللي تتناوليها ؟؟ |
جبيبتي رومانسية .. الحبوب مناسبتني
بداية شعري طاح بس اعتقد انه كمان من الرضاعة مو بس من الحبوب مو مأثرة على العلاقة باي ناحية من النواحي اسم الحبوب noriday و مكتوب على الغلاف انها تحتوي على 350micrograms of norethisterone تشربي وحدة كل يوم حتى ايام الدورة لانها خفيفة فا لازم يوميا تتاخذ |
جزاك الله الف خير عزيزتي
|
حيرتوني معاكم
|
مرحباااا
انا جيت :) الدكتوره كتبتلي حبوب خفيفه للرضاعه بس انا رميتها ما اخذتها ولا ناويه اخذها لانه في اول زواجي استخدمت حبوب منع حمل لمدة شهر او شهرين يا لهوي جننوني جابتلي(اكتئاب-هرش بجسمي-افرازات دم-تعب واجهاد) يعني باختصار بهدلتني واحنا الفتره هذي نحتاج كل طاقتنا.. كمان عرضت عليا اللولب بس خفت منه وماني متقبله فكرته وحاسه اني صغيره عليه.. لذلك مخليتها على الله ورح استخدم الواقي او القذف الخارجي واذا صار حمل فهذي ارادة الله فوق كل شي..ياشيخه انا شاكه انه حقدر اسوي جماع اذا عبودي استمر باللخبطه هذي لا ليلنا ليل ولا نهارنا نهار ماني عارفه ايش حسوي.. الله يعين. |
حبيبتي كرستالا ممكن تكتبي اسم الحبوب حقك ؟
بعد اذنك يا ملك شادي |
أنا بعد بنتي أستخدمت حبوب بصراحه جننتني عصبيه أكتآب- أبكي من أتفه الأسباب وأسوي مشاكل من لاشي- فقدت شهيتي للاكل -نحفتني مره- تساقط شعري بغيت أصلع-لكن ربي ستر وتركت الحبوب
وقعدت على القذف الخارجي وحملت يعني الطريقه هذي مامنها أمان وبعد ماولدت على طول بعد الأربعين ركبت لولب ولحد الآن لي سته شهور وماشاء الله تبارك الله مرتاحه عليه ومو مسببلي أي مشاكل غير أن الدوره تطول شويه أحياناً |
| الساعة الآن 05:22 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©