مشكلتي المتكررة هي سهر زوجي ساعدوني بحلها..
 

طبعا انا خصصت الرجال لانهم فاهمين ويعرفوا تفكير بعض

كالعاده مشكلتي هو سهر زوجي برا البيت مع الرغم اني على طول كاشخه وملبيه جميع احتياجاته الخاصه والعامه والله ما اكذب عليكم يصحيني من نومي عشان اجيب له كوسه مويه واقوم من مكاني اعطيه كاسة المويه وارجع انااام:(
زوجي جى من سفره يوم الاثنين يعني مثل مو انا كنت حابه اول ليله قضاها عندي لانه تعبان ثاني يوم امه طلبت انها تروح دولة عربية وانا اقنعته قلت له يالله قوم ودها لتلك الدولة خلها تاخذ الاغراض اللي تحتاجها وقال مو برايح الامعك وانا رحت مع الرغم اني مو حابه اروح بالمره رجعنا من تلك الدولة نزلنا زوجي بالبيت وانا دخلت دورة المياة واتفاجئ بعدين انو هو مش في البيت دقيت عليه قال انا عند الشباب انا سكتت وماحبيت تصير مشكله بالذاتت انو ماجلسنا لحالنا ولا دقيقه

حضرته امس جى وقال لي ابي اطلع مع الشباب اصيد سمك في منطقه تبعد عنا حوالي ساعه بالسياره قلت له متى راح تجي قال لي الساعه 9 بالليل وهو طلع من جنبي الساعه 12 الظهر

امس بالليل على الساعه 10 دقيت عليه قال لي انا بتاخر وبعدين على الساعه 12 دقيت عليه ومارد علي بعدين ارسل لي رساله انهم راح يجوا 5 الفجر هم سكتت ماحبيت اسوي خناقه واخرب عليه رحلته بس حضرته داق علي الساعه 8 ويقول لي انا يمكن ابقى لليل كمان هذا انا ما اقبله الى متى ياجماعه

انا يوم السبت عندي جراحه يعني راح ادخل المستشفى بكره وحضرته مو مهتم فيني مايشبعني من حنانه قبل دخولي المستشفى الى متى ؟؟؟ متى راح يحس فيني عن جد اكتب لكم ودموعي على خدي ؟؟؟

وش اسوي يااعضاء المنتدى والله تعبت معاه من هذي النقطه

ملحوظه: الشباب اللي يطلع معهم كلهم عزاب هو الوحيد بينهم متزوج

عفواً تم تعديل العنوان ليتضح المضمون كما يمنع ذكر بلدان بعينها
الإشراف

ربنا يهديه حبيبتى
حاولى كمان انتى تسأليه أكيد بس هو بيحب الاصحاب واللمه فى رجال مابيقدرو يستغنو عن اصحابهم

اختي في الله توته,,
الزوج يحتاج الخروج مع اصحابه,,ويااختي لاتددقين واجد تتعبي..هو ان شاء الله عندك العمر كله,,راح تملين من حنانه,,
اذا وصل بسلامته..اجلسي معه وفهميه وزعلي عليه كمان...و ان شاء الله راح يحس فيك..
اتمنى لكي حيات زوجيه جميله....

الله يعينك ..

السبب واضح جداً ..

جميع ربعه اللي يطلع معهم عزابية .. وهذا هو السبب ..

لأن العزابي لا شغل ولا مشغلة ولا مسؤولية ..فنلقاه يمشي على كيف كيفه .. ولا أحد يقول له لا ..

وميزة العزابية إن ما فيها كلافة .. على قولتهم احرامك والجبل :d

كــان الله في عونك ..

اااه حبيبتي تكلمتي على نفس نقطة الخلاف عندي..لا تتصوري الالم اللي بحس بيه لما بيتأخر..ااحس باني لا اساوي شئ و اهماله لي يقتلني..مع اني كمان متشيكة على طووول بس ما عنده نظر الله يصبرنا جميعا واتمنى نلاقي حل لها المشكلة العويصة بنظري..
في انتظار اقتراحات الاعضاء

1/انا اقل واحد بالشباب أجلس معهم
2/انا اول واحد ارجع للبيت"الظاهر الباقين ينامون"
3/اليوم طالع وكلهم جالسين
4/وانا طالع واحد قابلني داخل يعني افهميها ان الشباب يجون في كل وقت وحتى متأخرين
5/ويوم الخميس الشباب يطلعون 7الصبح وانا ،،

حفظنا هالجمل عن ظهر قلب :)

الشكوى لله توته ،،

موفقه خيه .

عزيزتي كم طار لكم متزوجين؟ انا كنت امر بنفس المشكلة لكن بعد 5 سنوات صارت اخف وايد عن البداية هذا النوع من الشباب صعب عليهم يتقبلون وضع الزواج في البداية خصوصا انهم متعودين على الخروج دائما لكن مع الوقت ودخول اطفال بينكم سوف تتقلص هذه المشكلةز المهم انك تحاولي تشاركية في الاشياء اللي يحبها حاولي تعرفي مثلا الالعاب اللي يحبها وتشاركية اللعب فيها اذا كان يحب الافلام فاجري افلام وشوفيها معاه او اذا كان يحب لعب البتة او البلاي ستايشن فتعلمي ولعبيها معاه. وايك بادخال اطراف في المشكلة لانه سيعند اكثر ولا تنسي الدعاء والقران وصلي له ركعتين بنية ان الله يهدية. ارجو ان اكون افدتك والله يوفقك.

من الصعب انه الرجال يجلس كل الوقت بالبيت نادر جداجدا ماتلاقي واحد كدا المهم عندهم اصحابهم انا زوجي بعض الاحيان يظهر انه منحرج من اصحابه ومايبيهم يعلقوا عليه واصحابه متزوجين وانا حتى لمااكون معاه وبدهم يجتمعوا اذا واحد منهم اعتذر يسير زوجي يقوله ايوه انت جبان خايف من مرتك ومن هاداالحكي
في اختلاف بينا وبينهم والله يسخرك زوجك ويهديه ويبعده عن اصحابه
انا عن نفسي طلعته مع اصحابه مناسباني طالماانها في حدود المعقول لكن ان صارت لنصف الليل طبعا ماارضى والحمد لله مايسويها

أية حناااان اللي تبغيه منه سيبيه في حااااااااااااااله روحي أتوضي وصلي وأرفعي يدك للسما وقولي ياااااااااااااااااارب فوضت أمري إليك بدل ماتقلب بنكد وحرقاااان دم وبكرة وراكي عملية اتصلي على أحد يسليكي من أهلك أو صحباتك أحسن لك