|
.. أعاني من غيرة زوجي الشديدة ..
السلام عليكم ورحمة الله وبركاته ..
انا من قبل ما اتزوج انا مسجله في هذا المنتدى وكنت أقرا كثير في مواضيع المقبلين على الزواج واستفدت منهم كثير .. والحين بعد ما تزوجت دخلت هذا القسم ومررررة مرررة استفدت .. وبعض الاحيان ادخل وادعي لصاحب /ــة المشكلة ان ربي يفرج عنه يارب .. .. انا الحمدلله حياتي مستقرة ومر عليها سنة وزيادة ولله الحمد .. وحنا عايشين بسعادة الحمدلله .. لكن .. من الاشياء اللي منغصة علينا حياتنا .. ((غيرة زوجي الشديدة)) بعض الاحيان احس انه يغار على اشياء ما اتوقع انه يغار عليها .. حتى هو يعترف يقول انا غيرتي شديدة .. وحتى خواته يقولون مرة مرة غيور .. انا افرح اذا كان يغار علي بعباءتي ودايما يقول لي غطي عيونك ومررررة افرح اذا قال .. وصرت اغطيها بدون ما يقول .. لكن غيرته بالأشياء الثانية مرررة ما تعجبني .. مثلا .. انا قبل ما اتزوج كنت اجلس مع اهلي اذا كان فيه زوج اختي .. يعني اكون متغطية مررررة ما يبان مني شي .. ويسلم علي (كلام طبعا) وأرد عليه .. ويسأل عن الحال وأقول الحمدلله .. وبعدها أكون كأني صنم .. يعني بس أسولف مع أمي وأختي وبس ما أسولف معاه .. لكن بعد الزواج يقول لي زوجي لا تردين عليه ولا شي .. حتى لو سلّم لا تردين .. ويقول لي ان حياتهم وتقاليدهم هم كذا .. يعني ما يجلسون مع بعض ابدا .. يعني اذا صار فيه حرمة وحدة غريبة بين الحريم تتغطى عن واحد من الرجال ينفصصلون عن بعض .. اما مجتمعنا حنا عادي .. يعني عادي اخوي يدخل عند خالاتي لو فيه بنت خالتي بينهم موجودة .. يعني هي تكون موجودة وتتغطى عنه .. وهو ولا يشوفها ولا كأنها موجودة .. بس يسولف مع خالاتي وأمي وجدتي .. ولما أتناقش أنا واياه عن هذي المشكلة يقولي واقول له اننا احنا عادي .. يقول احنا مو عادي ... ومرة جاء طاري عن هالسالفة في عند أهل زوجي وأنا طبعا شاركت بالنقاش وتكلمت عن مجتمعنا وانه عادي يعني .. قالوا حتى احنا عادي .. انا استغربت يعني زوجي ما يبغاني اجلس مع اهلي اذا كان بينهم رجال مثل زوج اختي خاصة انه كثيييير الحضور والخروج معنا في رحلاتنا البرية ووو .. وزوجي اذا ما طلع معانا في يوم من اليوم يبغى يمنعني من الخروج ويقول لي اجلسي بالبيت احسن من انك تروحين معهم ويضيق صدري .. اقول له طيب تعال معنا يقول ما اقدر خاصة ان طلعات اهلي تكون مفاجئة .. فيصير زوج اختي مو مرتبط بشي وزوجي مرتبط .. انا صرت اسمع كلام زوجي حتى بعدم وجوده .. ما ارد السلام الا بصوت وااااطي عشان الواجب يعني .. لكن اذا رجعت للبيت زوجي تكون نفسيته مررررة مو حلوة .. يوقل غصب عني يضيق صدري .. اقول والله ما سويت شي ولا تكلمت ولا شي .. يقول والله واثق فيك لكن غصب عني .. .. ومرة كان زوجي مسافر .. وكنت انا عند اهلي .. وقررت اختي انها تطلعنا لمنتزة طبعا زوجها معها .. وكلمت زوجي واستأذنت منه .. وبوقت ما كنت بالمنتزة كلم علي زوجي .. وجلس يسأل عن الاحوال وكذا .. وسمع صوت زوج اختي انهى المكالمة بشكل عااادي وبدون ما احس انه ضايق صدرة او شي .. وبعدها ارسل رسالة يقول (ماشا الله جالسة معاه) .. وييييين يبغاني اجلس بالله .. اجلس مع الخدامة يعني .. انا جالسة جنب اختي وامي وهو بعيد عني بآخر البساط .. ويعلم الله اني كرهت الطلعات والروحات والجيات .. وكل ما راح هو يسافر يكلمني عن هذي القضية .. وهو مرررة متحسس من زوج اختي .. يعني اكثر مشاكلنا بسبب غيرة زوجي منه .. .. وكل ما ناقشته يقول والله غصب عني لا تلوميني .. انا مررة متضايقة من غيرته الشديدة علي .. عطوني الحل تكفون .. انا احب زوجي وما ابغى هذي الصفة تكرهني فيه .. .. تحياتي لكم .. |
انتي امشي معاه ع الخطوه وضايقيه بعدها بيقول لك وش فيك قولي له ابيك تحس باحساسي وانهي المشكله
|
السلام عليكم ..
والله يا اختي معك حق في مسألة طلبه منك بعدم رد السلام ... يعني اذا الوحدة ردت السلام على زوج اختها بطريقة رسمية جداً و سأل عن الحال و جاوبته الحمد لله وما ضحكت و ما قعدت تمزح ، مافيها مشكلة !!! هذه الامور موجودة في أغلب المجتمعات و الرسول عليه الصلاة و السلام كانت أم هانئ تلقي عليه السلام و هو كان يرد علييها !!! تقول أم هانئ: ذهبت إلى رسول الله صلى الله عليه وسلم عام الفتح فوجدته يغتسل وفاطمة ابنته تستره فسلمت عليه فقال ( من هذه ). فقلت أنا أم هانئ بنت أبي طالب فقال ( مرحبا بأم هانئ ). فلما فرغ من غسله قام فصلى ثماني ركعات ملتحفا في ثوب واحد فلما انصرف قلت يا رسول الله زعم ابن أمي أنه قاتل رجلا قد أجرته فلان بن هبيرة فقال رسول الله صلى الله عليه وسلم ( قد أجرنا من أجرت يا أم هانئ ). قالت أم هانئ وذاك ضحى. صحيح البخاري [ جزء 5 - صفحة 2280 ] يعني الأمر من الناحية الشرعيه مافيه مشكلة بالسلام الكلامي بدون الخضوع بالقول ... الغيرة على العرض ممتازة جداً ... ولكن كل شيئ يزيد عن حده ، ينقلب ضده !!! والزايد أخو الناقص .. مثل ما بيقولوا !!! وخير الأمور أوسطها .. وبالنسبة للحل .. ان شاء الله الأخوة و الأخوات من اصحاب الخبرة يقدموا لكِ الفائدة و يحاولون المساعدة .. وان شاء الله ربنا يسهل و يديم حياتكم بخير وسعادة ... بالتوفيق ... |
واليوم زوجي بالطريق عائدا من الحج الى مدينة غير المدينة اللي أنا فيها .. يعني أبعد منها بكم كيلو ..
يعني ان شا الله بكرا راح يكون عندي بإذن الله .. كلمته قال احنا بالطريق وبعدين انقطع الارسال من عنده .. ارسلت له (توصلون بالسلامة سلملي على اللي عندك وبين قوسين على الحريم طبعا ) انا امزح معاه وابغاه يفرفش .. ارسل لي (اكيد ابسلم لك على الحريم بس بدون ماتكتبين اللي بين القوسين لاني انا طبيعتي كذا) انا ارسلت له (ما احب هذا الاسلوب لأني انا جالسة امزح معاك لا تقلب المزح جد) قال انا منكد وضايق صدري ووووو .. طيب انا وش ذنبي .. ياربي ابغى اصيح انا .. |
الحمد لله المغتربين خلصانين من هلهم
بكره يجو الاطفال وعندها يتوزع الحب بينكم |
الله يكون في العون
اقعدي معو وفهميه شو اللي بتحبيه وشو اللي بتكرهيه معل هي السنوات الاولى فيها شوية مشاكل ربنا يعينك |
وجهة نظري للموضوع ..
غيرة زوجك طبيعية جداً وليس هناك مايُقلل في الموضوع غيرته دليل على حبة لكِ وحرصه عليك أتمنى أنك ماتعطي الموضوع أكبر من حجمة وتبعدين عن الاشياء اللي تنرفزه وخصوصا المواضيع الحساسه له شخصياً أتمنى لكم التوفيق .. وحياة سعيدة |
السلام عليكم
حاولي أختي تمشي معاه خطوة بخطوة قللي من الخروج بنزهات مع اختك و زوجها واحرصي على خروج زوجك معكم و إذا لم يتمكن , طالبيه بنزهة خاصة بينكم مقابل عدم خروجك مع أختك يعمي أطيعيه و بما أن هذا الشي يضايقه احرصي انك تبعدي عن كل مايضايقه الله يوفقك تحياتي ام فاطمة |
اقتباس:
|
زوجك غيرته طبيعية وأحمدي ربك أن زوجك يغار عليك وهذا دليل على محبته لك
لأن من علامات المحبة والغلى هو الغيرة ، وأنا أجزم أنا كثير من النساء تحب أن يكون زوجها غيورا عليها ((ولا أقصد الشكاك لأن الشك مرض)) أما الغيرة فهي محمودة وملح الحياة الزوجية بل أن الزوج يحب أن تغار عليه زوجته وإذا لم تغار عليه ملها وقال في نفسه زوجتي ماتحبني --العلاج أقول أن زوجك معه حق فزوج أختك حمو ، ولقد حذرنا النبي صلى الله عليه وسلم من الحمو فقال: الحمو الموت والحمو يشمل أقارب الزوج مثل الاخ والعم والخال وابن العم ،،كذلك يشمل زوج الأخت فنصيحتي أبتعدي بالمرررة عن الجلوس في مجلس فيه زوج أختك ، وأحذري أن تسلمي عليه ولا تردي عليه السلام وإذا دخل عليكم في المجلس فقومي وأتركي المجلس له طاعة لله فطاعة الزوج من طاعة الله ولازم تتقيدين بعادات زوجك التي لاتتنافي مع الشرع وفقك الله وسدد خطاك |
مشكورين كل اللي ردوا .. انا افرح بغيرة زوجي علي .. لكن اتضايق من هالناحية ..
.. انا اسمع كلام زوجي حتى لو كان مو موجود معانا .. لكن انا لو قمت من المكان اللي فيه زوج اختي راح اجلس لحالي .. وانا انسانة اجتماعية مررررة .. وصعبة علي اني اجلس لحالي .. يعني بعيد الاضحى انا عند اهلي واهلي ذبحوا الاضاحي في بيتهم .. وجا زوج اختي وذبح عند اهلي .. وبعد الذبح ووو .. جاء وقت الفطور .. انا ناديت اخواتي الصغار وافطرت معاهم بغرفة ثانية .. وامي واختي واخوي مع زوج اختي .. مو شي يقهر .. يعني حتى الفطور ما تهنيت فيه .. وامي شوي وتهوشني تقول تعالي اجلسي معنا .. وانا ما ابغى خلاص كرهت اني اجلس معهم اذا كان مو موجود زوجي معاهم .. لكن انا وش ذنبي اجلس لحالي كأني خدامة .. والله شي يقهر .. انا انقهر من هذا الشي لان اهلي متعودين انهم يجلسون مع بعض وانا كنت اجلس معاهم واحس انه شي عادي .. ليش انا لازم اللي اغير عادات اهلي .. ليش هو ما يغير ما دام اللي اسويه مو غلط .. |
عادي اختي زوجك يغار بشكل طبيعي وترى في السنوات الاولى للزواج تكثر الامور هذه لان الزوج يحاول يفرض شخصيته على زوجته بس انتي لا تحاولين تشدين معه بالموضوع لانه مع الزمن راح يرخي كذلك لا تحاولين تجيبين زوج اختك بالكلام او تمدحينه باي شي الى ان ينسى زوجك غيرته .............زاتمنى لك التوفيق
|
اصبري عليه وادعيله ان ربي يهديه
|
دائما غيرة الزوج دليل حبه حافظي على زوجك وحاولي انك ماتجلسين مع زوجك اختك في بساط واحد ممكن تكونوا مجموعتين
|
أختي الكريمه : طاعة زوجك مقدمه على كل شيء ... وبما ان ترك هذا الشيء يرضي زوجك فالزميه .. ثم ماهي الحاجه الملحه او الفائده من جلوسك مع زوج أختك في النهايه هو ليس من محارمك ولست مطالبه بوصله من ناحية الشرع .. تعقلي ولا تخسري زوجك بتمسك بشيء غير مهم وترك شيء هام .. |
انا ما اجلس مع اهلي عشان زوج اختي .. عشان ما اجلس لحالي ..
يعني لو ما جلست معاهم راح اجلس لحالي .. وانا ما احب اني اجلس لحاااالي .. |
اقتباس:
ياأختي الذي تقوم به عائلتك غريب فنحن في مجتمع مسلم نلتزم بتعاليمه والحل المناسب هنا في حالة وجود شخص من غير محارمك ان ينفصل الرجال عن النساء فتجلس النساء مع بعضهن والرجال مع بعضهم فيأخذ كل منهم راحته في الكلام والمزح والاكل :22: ولاتستحي ان تطلبي من اهلك ان يطبقوا هذا الشئ لانه الحل الشرعي او تقولي هذا شئ غريب فما يطلبه زوجك شئ طبيعي جدا وتذكري ان لايجب عليك وصل رجل اختك او حتى الكلام معه والسلام عليه اما بخصوص ماذكر زوجك ان ان هذا الشئ غير موجود في عائلته فهو لايكذب عليك لانه موجود في جميع من اعرف اخيرا هذه مشكلة صغيرة جدا ولاتستحق ان تغضبي زوجك من اجلها لثانية واحدة فاحذري من هذا النوع من المشاكل |
اختي يازهرة
تصرفكم غريب يعني اختك ماتغار عليه تجلسووووووووووون معة غريبة انااهل زوج اختي يقولون ليتنا خطبنا اختها يقصدوني ومع كذا اختي تغار مني لان زوجها يمدحني ياشيخة اسمعي كلامنا ماله داعي تخسرين زوجك عشان شيء تافه صراحة من حقة ومالومة والله يعني مادري شلون تجلسون مع بعض حبيتي اشتري راحة راسك اذا جاء عندكم روحي اقراي افتحي التلفاز والنت اي شيء سوية وماعلية وبعدينن ماقصر اخوي الكسائي بالرد وراية صواب واناايدة مهماكان زوجك الله الله فية وبالعكس افرحي زوجك يحبك ويخاف عليك لاتنسين اننا اكثر اهل النار اشتري راحة عمرك ومعليش تتعودين مع الايام تقبلي مروري وربي يسعدكم ويهنيكم نسيت اقولك لك : لاتدعي للشيطان منفذا ومااااااااااااااااشاءالله ربي يهنيكم ويسعدكم ويوفقكم |
اعتقد ومن وجهة نظري الخاصة طبعا انه غيرة زوجك جدا طبيعيه ولما مايسوي كذا يكون غير طيعي
الله يوفقكم |
طبعا انا من ناحيتي اشوف انه عادي تجلسين مع زوج اختك وتردين عليه السلام بما انك متغطيه ومتسترة ولكن..
اذا زوجك يتضايق ورح يستمر على هالوضع انا اشوف انك تردين السلام على زوج اختك وتقومين تروحين مكان ثاني لين يطلع.. في البدايه بتزهقين وبعدين رح يحس زوج اختك بالاحراج انه كل مرة يجي تقومين تروحين غرفه ثانيه وتبدا تخف جياته.. بعد متعب انه زوج اختك كل مرة يجي يقعد معكم وانتي تجلسين متغطيه وما تاخذين راحتك بالكلام والضحك خليه يشوفك تقومين قدامه تروحين غرفه ثانيه كل مرة يجي لين يحس ويبدا يستحي يجلس معكم واهلك اذا قالو لك شي قوليها بصريح العباره زوجي ما يسمح لي اجلس مع فلان لازم يفهمون هالشي عشان يبدون يراعون وضعك الجديد مع زوج اختك وغيره ويبدون يتعودون انهم يفصلون الجلسه بوجودك.. شوي شوي بيتعودون اهلك.. |
اختي العزيزة
انا شايفة انو غيرة زوجك ليست شديدة فيما عدا السلام يعني واجب عليكي تردي السلام ولكن شغلة الطلعات والنزلات بوجود زوج اختك غالبية الرجال ما يرضوها زوجي مثلا... قبل الزواج كنت اقعد مع ازواج خواتي عادي بوجود امي وابوي طبعا وزوجانهم لكن بعد الزواج اجلس اذا كان هو موجود وارد السلام فقط وكيف الحال... اما نقاش وما نقاش فممنوع او مثلا اروح لاختي وزوجها بالبيت ممنوع او زوج اختي يوصلني حتى لو زوته معه ممنوع وعادي انا تعودت وما انككد على حالي وعليه بسبب حبه وغيرته علي جربي تطبقي كلامه وان شالله بتنبسطي |
غيرة زوجك طبيعية جدا
أنا شخصيا لا أقبل أن تجلس زوجتي في مجلس يوجد به رجل أجنبي عنها. ويمكن يكون زوجك متضايق من زوج أختك يعني ملاحظ عليه بعض التصرفات والكلمات التي لا تعجبه |
اختي الكريمة..
يختلف الناس في تقديرهم حتى هنا في الردود منهم من يوافق زوجك في سلوكه ومنهم من يختلف معه.. وبالتالي سلوك زوجك ليس سيء بالدرجة التي تعيشينها من القلق! أقصد انه ربما فيه شيء من المعاناة لكن تبقى هينة ويسيرة لكن في غالب العلاقات الزوجية يهتم الزوجان بالأمور الصغيرة ويقلقون لها تؤثر فيهم ربوما تُفقدهم كثير من اللحظات الجميلة! ولذلك تجاهلي هذه المشكلة لا اقصد بعدم طاعة زوجك لا ولكن أقصد بعدم القلق منها.. مسالة ان زوجك يرفض سلامك على زوج اختك اخبريه انك ستردين السلام بهدوء وكذلك الجلوس معهم سيكون محدود.. فعد فترة الزمن تلقائيا انتٍ ستقللين من جلوسك مع اهلك وزوجك سيقلل من قلقه عليك... لانه حتى في البداية يشعر ان الكل ينظر لك كما ينظر لك هو! ومع الزمن تهدأ عواطفه ويتفهم الموضوع بصورة أفضل.. انظري الى الجانب المشرق وهو محبته لك وغيرته عليك مما يجعل الأمر أكثر سهولة.. اذا وجدتهِ غاضبا من أمر كهذا ابتسمي بدلا من ان تقلقي! التعامل مع الرجل يحتاج الى مهارة اسمها التكيف! وهو ان تعيش المراة حياتها بل تغيرها وعالجها وهي يكامل سعادتها! تغييره ليس عسيرا لكن ابذلي جهدا في تعويد نفسك على التكيف مع طبيعة الزوج! موفقة |
حبيبتي كان الله في عونك،انا كمان كنت اعاني من نفس مشكلتك بس الحمد لله خفت شوي...لكنها ما زالت موجودة أحيانا.
هي الغيرة في حد ذاتها مطلوبة ومحببة،وكمان بتحسسك بأنوثتك وإن زوجك يحبك ويريدك له وحده،و هذا شئ جميل.. بس مثل ما ذُِكر أن كل ما زاد عن حده انقلب إلى ضده..و عندها بتحسين بالاختناق وكإنك مسجونة ومحاصرة..وبتصير الغيرة احساس مكروه حتى أنها ممكن توصل للشك لا سمح الله.. حبيبتي أنا بالأول كنت أسمع كلامه بكل شئ حتى أتفادى المشاكل بيننا،بس بعدين ما قدرت و وصل السيل الزبى..صرت أكره اي أمر منه بسبب غيرته ولو كان بسيط..و صرت أزعل في اي أمر يطلبه زايد عن الحدود..حتى وصل بي الحال إني أهدده بطلب الطلاق لأن الوضع ما يتحمل،و طبعا انا في نفسي ما أقدر على فراقه بس حبيت احسسه بأن الأمر مو سهل مثل مانو معتقد.. ولأنه بيحبني فكر كتيير بينه وبين نفسه وشاف ان انا ما بستاهل إنه يشك او يغير لدرجة زاايدة و الحمد لله خف الوضع وصارتغيرته عادية وممكن أتحملها. |
والله يااختي حالتي نفس حالتك لكن احنا ماعندنا نجلس مع زوج اختي ولا شيء لكن زوجي غيور بشكل مو طبيعي يعني لمن اجلس عند اهلي ويعرف ان اختي موجوده كل دقيقه يتصل بالجوال لكن انا عارفه مقصده لكن مطنشه بكيفي ...لكن انا احاول بقدر مااستطيع ماازعله يعني احط له الف حساب وهو يفرح من هالشيء ...مع ان علاقاته بزوج اختي مثل الاخوان .. صرت لمن يخرجو اهلي كلهم مع زوج اختي وانا موجوده فبيت اهلي اضطر اجلس لحالي ف بيت اهلي عشان اطمنه ومااجيب لنفسي وجع الراس..
انت حاولي بقدر ماتستطعين ماتجلسين معاهم وتجنبي مجالستهم مو لشيء بس عشان راحتك.. ولاتخرجين الإ مع حضور زوجك.. لكن المهم والهام والاهم مااياثر هالشي علاقتك بأأختك ابدا |
تجلسين مع زوج أختك وزعلانة بعد
ياختي انا لو يقابلني زوج اختي مع الشارع ماعرفته يعني خليطي جلستكم |
ريحي بالك اختي ...
انااهل زوجي عاداتهم اكثر من كذا ... وجلستههم خليطي بقوة .. لكن كثير من بناتهم لما يتزوجوا ازواجهك يعترضون انهم يجلسون مختلطين معنا ... وخلاص الكل يقدر هالشي ومافيها زعل ... والله وحده منهم تقعد في الغرفه لحالها بالساعات لويدخل ولد عمها اللي عمره 16 سنه !!!!!!!!!! الزم ماعليكي زوجك لااختك ولازوجها بينفعونك ...وصارحي امك بهالشي واكيد بتقدر ويفصلون الجلسه تدريجيا . |
غيرة زوجك طبيعيه ولاتكبرين الموضوع
وزوجك معه الحـــــــــــــق و حذرنا النبي صلى الله عليه وسلم من الحمو فقال: الحمو الموت |
الله يعينك
لكن انتبهي اختي لا تكبري المواضيع عندي قريبتي زوجها متل زوجك بغار بشكل غير طبيعي و اللي متناقض بحياتهم انه لا يطلب منها النقاب و مع هذا لا يريدها ان يراها أحد من أخوانه او أزواج اختها و الأسوأ انه ما عنده بيت و مسكنها مع أهله و أخوه عازب و ساكن معهم في البيت فكانت محبوسة بغرفتها طالما أخو زوجها في البيت لازم تبقى بغرفتها كانت لما يبكي ابنها و تريد تحضر له الحليب ممنوع تخرج من الغرفة مسكينة عانت كتير صبرت 4 سنين و بعد ما أنجبت التاني تفاقمت المشاكل بينهم و طلبت الطلاق و الآن رجعت بيت أهلها وضعك أسهل من وضعها سايري زوجك لأني مالك إلا الصبر و الحمد لله انك بتصبري على شي على الاقل حلال مو حرام يعني أسهل من اللي بتصبر على ضرب زوجها او شربه للخمر او خيانته الله يهدي زوجك و يصلح بينكم يا رب |
| الساعة الآن 10:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©