|
كيف أعرف ان هذا موعد ولادتي ولابد الذهاب الى المستشفى فوراً
السلام عليكم ورحمه الله وبركاته كل عام وانتم بخير عزيزاتي العنوووان واضح ياليت تفيدوني .... لان بصرراحه هذا حمل بكر لي ومااعرف ومن كثر مااسمع خفت يعني ماابي اتردد على المستشفى على الفاضي وف النهايه يقولو مافي ولادة مثل ماكانت تعمل اختي وماابي اتاخر ينضر الجنين مثل مااعملت وحده من قريباتي والمستشفى بعيده قالولها اتاخرتي بالحضور وقدر الله وماشاء فعل ... يعني ابي دلالات واضحه لازم اروح المستشفى غير المغص لان انا طول حملي وانا متعووده على المغص ولان يقولو مو شرط التاريخ الي تقوله الدكتوره تمام وبالضبط احيان يتاخر واحيان يتقدم وابي استفسر وش ماء الراس:25: قبل شوي قريت رد ووحده من الاخوات الكريمات تقول هالكلام ..؟ يعني وش هئيته وش لوونه اعذروني بس والله مالي غيركم وادعولي الله يسهل ولادتي ويرزقني بطفل معافى الله يسهل عليكم اموركم يارب دمتم بود وهناء تحيتي |
حبيبتي الله يتممحملك بالف خير ويقومك بالسلامه
علامات الولاده هي نزول دم او افرازات مخاطيه مدممه او نزول ماء البيبي وهي بتكون ماء لونها شفاف مصفر وتنزل من غير تحكم منك وتكون كميتها كبيرة او تقلصات الرحم ( الطلق ) يكون مستمر على فترات متقطعه حتى يصبح كل دقيقتين نصيحه لوجاتك التقلصات لا تروحي المستشفى قبل ما تتاكدي انها منتظمه كل 10 دقائق وطبعا هي الاعراض ما تجي كلها مرة واحدة كل حمل يختلف عن الاخر وبتجيك علامه واحدة منها او اثنين على الاكثر .. الله يوفقك لكل خير واذا عندك اي استفسار انا معاكي باذن الله |
الله يخلصك بخير
انا كان بطني يلمع ثم ما فيها شي اذا ترددتي الى المستشفى وقالو مش ولاده احسن ما تتأخري كلنا صار فينا هيك ثم لازم آخر شهر بالحمل تراجعي الطبيب كل اسبوع وهي تخبرك اذا لاحظت انو الرحم بجا يفتح الله يقومك بخير وتجيبي لنا بيبي زي القمر |
اختي فالله انا نزل عليا ماده مخاطيه بها دم ولما رحت المستشفي قالولي لسه امامي من يومين لتلاته وبعد يومين بعد الغداء نزل عليه مايه كتير اوي فذهبت للمستشفي فقالت الدكتوره اني مفتوحه 3 سنتمتر والحمد لله رزفني الله بنوران عقبالك يا رب
|
بصراحة أنا دخلت فقط لأقول يارب تهون عليها وتسرع لها بالفرج , وترزقها قرة عين لها..
|
اقرب شئ لمعرفة الولاده هي التقلصات كلما زادت وقويات معناته بدء الرحم بالاستعداد للولاده
وافضل انك تروحي للدكتوره عشان تشوف وضع الرحم عندك الله يقومك بالسلامه |
لما يجيك الالم كل 10 دقائق بشكل منتظم وبعدين تسير كل 5 دقائق لازم على طول تروحي
وبالنسبه للعلامات مو شرط مو الكل تيجيه واذا بيتك بعيد مجرد ماتسير التقلصات تجي كل 10 دقائق روحي فورا الله يقومك بالسلامه يارب ويفرحك بالبيبي |
الله يسعدكم يااارب ويجزاكم خير عزيزاتي
طيب بسؤال سؤال لاتضحكووو كم الفتره الزمنيه الي تاخذ معي التقلصات بعدين اولد لان تقولو كل بعد عشر دقائق اذا تكرررت عليك روحي المستشفى اخاف اجلس احسب واضيع وقتي ..يعني لو جات التقلصاات والمفروض ولاده بتطول التقلصات على مايبدا الطلق وتكفووون لو في اي شيء ثاني فيدووني ووبغيت اسال شنطتي وش احط فيها غير اغراض البيبي .. في اشياء يشترط اني اشيلها او احتاجها بهالفتره اتحملووني شوي دمتم بود |
انا الوحيده بين اخوتى ولدتنى امى بالمشفى فانا البكريه
ولانها تعبت بولادتى اصبحت تقول لاى واحده سوف تلد لا تذهبين مبكر للمشفى اصبرى والنتيجه اخى ولدته بالسياره واختى بعده بكم سنه ولدته بالسياره واخى الاصغر بالبيت ولدته والى الان تنصح الناس لا تذهبون مبكر للمشفى!! حبيبى ان شعرتى باى عارض سارعى للمشفى لان العلامات قد لا تكون واحده عند كل النساء وتختلف من حمل لحمل |
انا بكل ولاده جاتني علامه غير
بابني الاول جاني الطلق وكلمت الطبيب قال روحي المستشفى وقعدت عندي طلق والم 9 ساعات وبعدين ولدت ببنتي نزلت عليا مياة كتيرة جدا من دون تقلصات وكلمت الطبيب ورحت المستشفى اعطوني طلق صناعي وولدت بعد ساعتين . ابنتي الصغيرة نزل عليا دم في الصباح بس طنشته وقلت ما بدي اروح المستشفى غير لما يجيني الطلق وفعلا اجاني طلق على المغرب ورحت المستشفى لما صار الطلق منتظم كل 10 دقائق يارب اكون قد افدتك بهذا الشرح التفصيلي |
انا بكر زيك ولدت قبل شهر
وماكان في حد خايف قدي انو مايعرف امتا ولادته بس انا سبحان الله عرفت انو هاي ولادة شوفي ازا نزلت المية حتكون مية كتير كتير تغرقك يعني روحي عالمستشفى عطول انا الي صار صار في تقلصات بس غير منتظمة وكانت غير عن اي شي يعني ماجتني متلها ولامرة خلال الحمل وكان ينزل دم خفيف افرازات بعدين زادت وصارت قوية لدرجة الصراخ والبكاء وقريبة او تقريبا مافيه بينها شي ابدا وضليت صابرة لغاية مخلص بطلت قادرة اتحمل ضليت هيك يوم كامل لغاية مشتدت ورحت المستشفى والله يسر الولادة بسرعة ماشاءالله لانو الطلق كان حامي لهيك احساسك حيقلك انك حتولدي والله سبحان الله مش عارفة كيف اقلك بس هيك حتيجي لحالها واسالي البنات في المنتدى مكان في حد حامل هم قدي بس حسيت وعرفت الولادة لحالي ونصيحة لو نزلت مية روحي جراي لانو وقتها خلص لازم البيبي يطلع والا في خطر عليه اما لو كان طلق فماتروحي من اولها لانو مش حيخلوكي تروحي وبنفس الوقت حتقعدي في المستشفى تطلقي حيكون قرف وممل انا ضليت لغاية الطلق صار حامي كتيييييييييييييييييييييييير وانهرت وخلص مش عارفة البس ولاامشي وبسرخ و بتخبط في حالي وفي زوجي والارض وحالة لهيك رحت قبل ال8 الصبح عالمستشفى 9 الا تلت دخلوني الولادة 9 وتلت كنت خلص والدةماشاءالله اما لو رحت بدري كان حيوكن قرف وزهق من القعدة في مكان غير بيتك اضافة للالم والملل الي حيصيبك والديق النفسي الله يقومك بالسلامة |
اختي ماء الراس هو السائل الأمينوسي الذي يغطي الجنين و مجرد ينثقب الغشاء بنزل هذا الماء و هو دليل حقيقي على اقتراب موعد الولادة
لما ينزل الماء هذا<<<< روحي للمشفى فوراً شكل الماء و لونه بشبه المني اللي بنزل من الرجل في الجماع (أنا هيك شفته لأني وقت نزل ماء الراس كنت ظانه انو المني لأني حصل جماع قبل ان ينزل ماء الراس و اختلطت الأمور عليي ) و لما نزل بكميات كبيرة لدرجة اني فوطة الأولويز الألترا ما كفت عرفت انه هذا مو المني (لذلك اختي انتبهي و احسبي حسابك بفوطة جيدة أحسن ما يصير فيكي اللي صار فيني لما وصلت المشفى و نزل الماء على ملابسي ) لكن اعتقد انه ليس له رائحة العلامة التانية اللي لازم تروحي للمشفى عند حدوثها هي التقلصات عندما تبدأ التقلصات تكون خفيفة و غير منتظمة انتظري في البيت ( الا اذا نزل معها دم أو ماء الراس روحي المشفى) اذا لم ينزل الماء و لا دم و فقط هناك تقلصات انتظري حتى اذا اشتد الألم و أصبحت التقلصات قريبة من بعضها و منتظمة معناها قربت الولادة و بدأ يفتح الرحم و لازم وقتها>>>> تروحي المشفى حطي الساعة أمامك و عدي الدقائق بين التقلص و التقلص اللي بعده (التقلص = الطلقة = الألم) غالباً يكون الزمن للطلقة الحقيقية هو 50 ثانية أو أطول و تأتي كل 5 دقائق و تكون شديدة الألم لدرجة أنها لا ينفع معها مسكن الألم و لا تغيير الوضع >>>> وقتها روحي المشفى الله يسهل ولادتك يا رب و ييسرلك آمين |
الله يسعدكم يارب وحده وحده والله افدوني كثيييييييييييييييير وبشكل ماتتخيلووون
الله يووفقكم اخواتي ولا تنسووووووووني من دعوووووووواتكم مررره خائفه وبشكل ماتتخيلوووووووووووون |
متل ماقالوا الماي على طول روحي ((ماتعملي متلي اتأخرت شوي صار الالم مابيحتمل لما رحت اضطروا يشلوني بكرسي متحرك ولما طلبت مخدر قالوا مابنقدر الرحم فتح 7سم ))
المهم اذا طلق استني شوي حتى يصير بين كل وحده والثانيه اقل شي 10 دقايق اما اذا نزل الدم استني الطلق انا بابني الثاني نزل علي دم بعد اسبوعين اجاني الطلق اهم شي لازم تعرفي وتأقلمي نفسيتك انه ولادت البكري دايما بتكون شوي اصعب عشان هيك لازم تتابعي بانتظام مع دكتورك ولاتهملي امشي حتى شوي تسهل الولاده عليك احفظي ادعية تسهيل الولاده ولو انها بتطير احيانا من راسك خلال الولاده لكن حاولي تحفظيه ( الاغراض اللي لازم تكوني بالشنطه شامبو وصابون وديودرنت الك 3غيارات الك قمصان للمستشفى لانه احيانا الدم ببهدلك لبس الخروج من المستشفى مشط وميك اب اذا حابه تجملي نفسك بعد الولاده ماتنسي لبس داخلي الك والله يعزك شبشب وكوتكس ان شاء الله ما اكون نسيت شي وغراض البيبي اكيد انتي عارفاهم ) الله يسهل ويهون عليك ويرزقك الذرية الصالحه الباره تحياتي |
اخت كريستال اخالفك الراي
انا تاخرت وكان الوجع لا يطاق لكن انا تاخرت بالعمادة حتى لا انتظر في المستشفى كثيرا وفعلا رحت وكان الرحم فاتح 3 اصابع وبعد نص ساعة صارو 4 رحت المستشفى قرابة الساعة 8 الصبح 9 الاتلت دخلوني الولادة 9وتلت كنت والدة كنت في البيت اعاني جدا من الالم ويزداد وبالعافية قدرت اتحرك وشالوني زيك عكرسي متحرك لكن كان هيك افضل كل شي خلص بسرعة ماشاءالله هادا رأيي من تجربتي ومع الاحترام لرايك ايضا ولكن الوحدة لاترتاح الا في بيتها وفي هيك حالة لو قعدتي كيتر في المستشفى وانت تعبانة حتقرفي وتتدايقي |
كريستال
ملك شادي الف الف شكر ويجزاك الف خير وسبحان الله كلامك يطابق كلام الوالده لكن برضو خاائفه انه يجي للبيبي شيء لاسمح الله او تنخفض ضربات القلب وانا مادري امكن تفكير ماله داعي بس مادري وسواس ): الله يجزااك خير ياارب دمتم بوود |
اختي ضربات البيبي بصيرلها شي اثناءالولادةبعيد الشر
بس قبل الولادة مابصير شي يعني مش حتتاخري لدرجة انو البيبي يكون بدو ينزل مش لهدرجة خاصة انك بكرية انا بقلك بدا الطلق عندي يوم 18 الساعة 6 وكان خفيف والعصر رحت الدكتورة وقالت الرحم فاتح اصبع ونص ورحنا انا و زوجي مشينا كتير وبالليل بدا يحما وبعد نص الليل بدا الوجع لا يطاق وعال3 الفجر صرت ابكي من الوجع وكل متقدم الوقت كان يصير افظع وافظع وزوجي يقلي يلا نروح وانا مش راضية بالاخر خلص بطل في فواصل وصارت الطلقات حامية جدا فوق الوصف بعدين الساعة 7 ونص رحنا 9 الاتلت دخلوني وعطول فتحت كيس الماء الدكتورة بعدين صار الطلق اشي غير شكل الي كان قبل الولادة لا يعد وجع بالنسبة للي صار في غرفة الولادة وصرت ادفع و عطول طلع الراس ماشاءالله و 9 وتلت خلصت الولادة بس كان ممكن يصير شي لو انا مادفعت كويس او الطلق كان بارد والراس علق في النص ساعتها بقل الاوكسيجين و بصير خطر عالبيبي وانت مستحيل توصلي للمرحلة هاي قبل الولادة إن شاء الله وادعي طلقك يكون حامي لانو بساعد جدا في الولادة وبالعكس بتولدي بسرعة كمان لهيك اسمعي مني وماتروحي الا لما يصير الطلق عندك غير محتمل يعني انا لو سمعت كلام زوجي ورحت مثلا الساعة 12 و 1 بالليل كان ضليت قاعدة لل8 وتلت قبل الولادة يعني 8 ساعات كان حيكون تعب وقرف و نكد الواحد بهيك وضع بدو يرتاح في بيتو اصلا مابترتاحي بتكوني بتصرخي وحالتك حالة بس ماحتطيقي ابدا تكوني برة بيتك ساعات طويلة الله يوفقك ويقومك بالسلامة وابقي طمنينا |
الله يسعدك يااملك شادي ويخليلك ابنك ويجزاك خير
ارتحت كثير من كلامك الله يوفقك دنيا واخره ويسعدك بالدارين ويسهل ولادتي يااارب |
ام البراء ربنا يقومك بالسلامه
انا ولدت تقريبا بنفس وئت ملك ردي عليها واسمعي كلامها وانا عملت متلها بالزبط ما رحت بسرعه ضليتني لحد ما خلص بطلت اتحمل وكنت كل الوئت في بيتي اقرأ قرأن واعمل مغاطس مي واعمل تنارين رياضه الي كنت بقدر اعملها طبعا وبعدين ما تخافي لحالك رح تعرفي اي وئت لازم تروحي على المستشفى كنت خايفه متلك واكتر وملك نفس الشي وربنا بهونها وئت الولاده ان شاء الله وبتلائي حالك بتعرفي كل شي رغم انك بتكوني سائله ومش مخليه ربنا يهونها عليكي يا رب وعلى جميع الحوامل وعلي في البطن التاني يا رب |
angel-dana
يعطيك العافيه قلبي والله يسعدك ياااارب ويهونها علي ياررب |
ام البراء انا ولدت طبيعي 100%
يعني لا مخدر ولا بنج ولا ابرة الظهر ولاغيره فقط بنج موضعي وقت الخياطة والقص والله اعلم لانه بيقولو الخياطة مابنحس فيها من كتر التعب بس انا صدقي حسيت شوي فيها :( المهم قلتلك هيك لابينلك انو الولادة بتمر وبتعدي وبتحسيها اشي حلو رغم وجعها بكرة بتجربي إن شاء الله وبتقولي ملك قالت |
الله يسعدك يااملك ولايحرمك الاجر والله ماتتخيلي فد ايش بتريحيني من كلامك
لو تدري عن حالي من الخوف مافي مستشفى ف مدينتنا مااتصلت عليهم :30:اسال عن ابرة الظهر وعن البنج وعن اضرار ابرة الظهر وحاله بشكل ماتتخيلي احس مضيعه اشياء كثيره فهالتواافه من كثر ماافكر فيها حتى اهلي لمن اجي عندهم احسهم طفشوو من سالفتي لاني اصلن ماعندي سالفه غير المستشفيااات:18: وتخيلي امس خرجت مع اهلي بنغير جو واحنا راجعين سالت الوالد عن مستشفى معينه اقوله وريني مكانها :29: اخواتي عصبو علي :11: قالو الناس تقول سوبر محل ايس كريم شيء انقنق وانتي برضو مستشفى:23: اتوقع اذا ولدت وبتصل عليهم بيقفلو جوالاتهم عني :24: بيتبروون مني دمتي بود وهنا |
سامحيني اكيد هلأ بتقولي اني لزقة في الموضوع
بس حابة اطمنك ولاني حاسة فيكي كتير كنت خوافة اكتر منك بكتير وبالاخر الله سهلها الحمدلله حابة اقلك انسي ابرة الظهر لانو بتخافي يصير خطأ طبي يعملك شلل بعيد الشر هاي الابرة بتنزرع في الحبل الشوكي متخيلة واي خطأ او اي حركة منك اثناء وضعها بعرضك لخطر كبير اضافة صراحة انا بقول الله حزا الامهات الجنة مش ببلاش اكيد من التعب والوجع الي بعانوه في الحمل والولادة فلو رحتي ولدتي بدون الم بحس مالها طعمة الولادة امر متعب والطلق موجع بس بتحسي بمتعة وسعادة بعد متخلصي انا هيك حسيت رغم اني كتيير مدلعة ومابحب التعب والوجع ومابتحمل بس وقت الولادة صرت انسانة اخرى صدقيني انا وحدة ماتحملت الفحص الداخلي 4 مرات ولا انعمل الي زي العالم والناس بسب خوفي وتشنجي و دلعي والكل كان يقلي حتولدي قيصري لو ضليتي هيك والدكتورة كمان بس وقت الولادة ولاتعرفيني كل شي تغير ولاكاني ملك شادي وبعد الولادة رجعت زي الاول هههه الخلاصة وقت الولادة حتكوني انسانة اخرى قد مقلتلك ماحتصدقي اني ولدت طبيعي لو انك بتعرفيني كان عرفتي قصدي الله يوفقك وقومك بالسلامة يارب |
الله يسلمك يارب ويفتح لك ابواب الرزق من جميع ابوابه ويدخلك جنات الفردوس ويجعل اولادك صالحين وائمه بالحرمين الشريفين ويحلي ايامك
ماتتوقعي قد ايش ارتحت من كلامك اخيتي الله يريحك دنيا واخره اللهم آمين |
اذا نزل الدم استني الطلق انا بابني الثاني نزل علي دم بعد اسبوعين اجاني الطلق ...مع احترامي لراي الاخت كريستال اذا رايت دم بصوره واضحه يجب عليك التوجه للمشفى لانه لا قدر الله قد يكون بسبب ما يعرف بانفصال المشيمه و هذا شئ خطير لانه يعني انفصال المشيمه عن الرحم و قطع الغذاء و الاكسجين عن الجنين ....حفظك الله و جنينك من كل سوء و يسر لك الولاده ووهبك طفلا سليما معافى من كل سوء..
|
عن جد استفدت من الموضوع يسلمو ام البراء على طرحه ،،
أنا زيك خااااايفه من الولاده وماعندي قدرة على استحمال الألم بس كلام ملك شادي طمنــــــــــي ،، جزاها الله خير ،، مع اني لسا في الشهر السادس بس دائما أفكر في الولاده من خوفي ،، الله يسهلها علينا يااااااااااااااااااااارب ويرزقنا أبناء بكامل صحتهم وارزقنا برهم يارب العالمين |
| الساعة الآن 09:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©