|
اقترحوا هدية للوالد
ما شاء المنتدى في عيينات عبقرية
تحس أن مخ الواحد شابك صح الوالد ( حبيب قلبي ) لي أسبوعين ما شفته و مشتاق له و من مدة ما أهديت له هدية ، الوالد عمره 60 سنة ( الله يطول في عمره ) و على رأس العمل و تعليمه عالي و مثقف و واعي و لا يحب الكورة ... وعنده إيميل بعد ( بس يستقبل ما يرسل ) .. الظاهر أنه ما سدد الفاتورة وكلما سافر برا جاب معه شوكولاته (هدية ) مرة سويسرا و مرة من فرنسا و مرة من بلجيكا و من كل مكان حتى من اليابان ... يعني ما بقى نوع في العالم إلا ذقته أنا و اياه مالكم بالطويلة الهدية لا اريدها عطر ، لاني قد أهديت له عطر .. ولا يحب العطور الشرقية و عنده جوال جديد و عنده بشت ما لبسه إلا مرتين.. و أبيها في حدود 2000 ريال سهلتها عليكم صح !!! يالله شدوا حيلكم اقترحوا علي .. هدية لأحلى ............ [info]الاشراف : تم تعديل العنوان[/info] [caution]تنبيه : الرجاء الكتابة باللغة العربية الفصحى و الابتعاد عن اللهجات المحلية ليتسنى للجميع فهم المطلوب[/caution] |
الله يحفظه
خذله I phone فيه مواصفات حلوة او BlackBerry ممتاز جدا . . بس تستحمل تدفع كل شهر اشتراك الانترنت خذ له جوتي مميز وانيق مرة على قياسه عندك ساعة ماركة وشكلها كلاسيكي راقي خاتم لو هو يحب يلبس خاتم بخور غالي من عبدالصمد القرشي نظارة شمسية قلم كشخة ماعرف بس انا اشوف الحين الي في مثل عمر ابوك يحبون الاشياء الالكترونية لان يحسون انه تطور نظارة شمسية اذا حضرتني معلومات زيادة بفيدك |
وعليكم السلام ورحمة الله
أخوي الكريم تـوه مـخي فـاصـل وأظنه بـيـطـول حتى يشبك ..:d لكن أظن بـحـالة شايبكم الله يطول بعمره ويرزقه حسن الخاتمة يـحـتاج لهـدايــا عملية تنـفـعـه فـي عـمـلـه وحـياتـه اليومية ممكن مفكرة الكترونية متطـورة ، مـمـكـن أشـيـاء تـخـص صـحـتـه مـثـلاً ، أنا أقترح بما أن والدك مثـقـف أنك تـهديه متزامنة مع هـدية أخرى : كتاب " الـعـافـيـة طريقك للصٍـحـة والشفاء " للأستاذ حسن البشل الخبير في تدريبات الصحة الصيـنـية ، وهـو كتاب رائـع وفريد من نـوعـه ومتـخـصـص. دمتم بحـفـظ الرحمن |
أمممم
والله صعبة .. ممكن قلم , وممكن بوك , وممكن كبك .. أممم وش بعد ؟ ممكن لاب توب ..,إلا غالية شوي ! أممم :25: دهن عود , سبحة .. هذا والله اللي قدرت عليه |
الله يحفظه ويخليه لكم يارب ويمد في عمره على طاعته
ممكن ساعه أو طقم محفظه مع قلم تكون ماركه مثل فندي او ديور او قوتشي وأنت وذوقك |
,
, خذله بووووك ديور أو نظاره شمسية أو قلم , , |
بسالك سؤال اخوي وعلى اثره بقول لك الهديه ..
هل تبي تعطيه هديه عاديه ؟؟ والا مبتكره وبسيطه ومعنويه ؟ ؟ والا ال2 مع بعض؟؟ والله يحفظ لك الوالد ويخليه لكم يااارب ويطول عمره في الصالحات .. يااارب |
شعور أكثر من رائع .. ماشاء الله تبارك الله .. اقتراحي هو : رحلة عمرة من وإلى .. يعني تتكفل بالرحلة كاملة >> من تذاكر سفر إلى حجوزات .. إلى آخره .. ترى شعور الأب عندما يرى ابنه يحثه على الخيرات .. لا يوصف أبداً ..لا يوصف أبداً ..لا يوصف أبداً .. ولا أظن أن أباً في هذه الدنيا يفرح بشيء أكثر مما يفرح إذا أوصاه ابنه بعمل الخيرات .. لمــاذا؟؟ لأنه يحس حينئذ بقول الرسول - صلى الله عليه وسلم - ( إذا مات ابن آدم انقطع عمله إلا من ثلاث .... أو ولد صالح يدعو له ).. دمت بود .. |
اقتباس:
سبق و قلت أن جواله جديد و بعدين الله يهديك ما يعرف للـ N95 عشان يعرف للـ BlackBerry جوتي مميز و أنيق و الله فكرة حلة خاصة أنه ما يحب النعال ( الله يكرمكم ) أما الساعة تو صديقه مهدي له ساعة بـ 20 ألف خاتم مب راعي خواتم بخور ما يطيق شئ اسمه بخور نظارة شمسية ،، الوالد يلبس نظارة طبية و لا يحب يكثر النظارات ،، بس ممكن يعطيك العافية و فالك البيرق |
اقتباس:
هلا و الله بالعزوبية كلهم الله يطول في عمرك و يحسن لشيبانك .................................................. .................... ..:d:d |
اقتباس:
جزاك الله خير قلم ممكن ،، و كبك ممكن لابتوب مش ممكن دهن عود ،، مش ممكن ( الوالد ما يحب العطور الشرقية ) سبحة ،، مش ممكن ( أكثر ما يسرق في مجالس الرجال السبحة ) ما قصرتي و يا رب ارزقها بر عيالها |
اقتباس:
و يحفظك و يخليك لعين ترجيك طقم محفظة مع قلم ممكن و ياارب يسهل عليك الـ 116 يوم |
اقتباس:
الا وش رايك أهدي له مصحف و كلاشنكوف |
اهديه درع واكتب فيه ما شئت من كلمات معبره عن حبك له
|
اقتباس:
لا تبخلي علينا ،، اقترحي هدية عادية و اقترحي هدية مبتكرة و بسيطة و معنوية هذي لعبتكم يا أهل فانكوفر و الله يحفظك و يخليك لفطومة و يخلي فطومة لك |
اقتباس:
ساكن البحر ،، دم أنت بود اقتراح موفق لكن للأسف إجازات الوالد صعبة ولا يحب يزاحم المسلمين ( هذي قناعته ) رزقك الله الذرية الصالحة |
اقتباس:
شكرا لك |
أعطي والدك اجازه منكم ولتكن والدتك حفظها الله المرافق له برحله الأستجمام.. احجز لهما بفندق على قدر ميزانيتك.. لترتاح أعصابهما من الضغوط الأنفعاليه ولتجديد الحياه بكسر الروتين.. هذا مالدي..أتمنى لمخك أن يعود للخدمه بالتقاء شريكه العمر واسأل الله لك ولأسرتك كل ماهو أجمل بالوجود..في رعايه الله
|
اقتباس:
بس ما قلتي ............................... :29: الرجاء الجدية بالردود .. |
مرحباااااا,,,,,,,,,,
اشتري لة سيارة جيب لكزس:23: لاتقول ان الوالد مايسوق بصراحة........اشتري لة هو والوالدة مفرش سرير فخم:22: عشان يستعجلون بالخطبة لك:25: تقبل مروري............ |
اقتباس:
حياك الله ،،، معليش أنا غشيم في الامور ذي وين المفرش الفخم ؟؟ ( الرياض _ الخبر _ جدة ) متواجد فيها خلال أسبوع مشكووورة _______________________________________ بانتظار المزيد |
السلام عليكم ورحمة الله وبركاته .. اول شي انا اسفة اني رديت من البدايه والموضوع كان في عالم الرجل ... بس توني مكتشفه صراحة .. لكن بما اني وعدت اني برد عليك .. ان شاء الله اكتب لك الهديه ويارب تعجبك .. اول شي اخوي .. بالنسبه للهديه المنعويه كنت اقصد فيها انك تحفر له شي ع الخشب . حق مكتبه " مثلا تحفر اسمه على الخشب .. او مثلا تحط صورته .. وتكتب عليها كلام من قلبك .. .وممكن ايضا يحطها على مكتبه وانها من ولده " يعني تحط صورتك وصورته .. اكيد عرفت قصدي .. بالطباعه .. او ممكن اخوي تصمم له حامل لمصحفه .. راقي وممكن ايضا ايحطه في مكتبه ... او في البيت .. وهذا مثال http://www.66n.com/forums/imgcache/822.imgcache.jpg او ممكن تكتبت له رساله وتحطه داخل هالشي http://www.66n.com/forums/imgcache/823.imgcache.gif واذا الوالد الله يحفظه دووم يسافر .. ممكن تشتري له سكارف حلو ماركه حلوه .. عندك coach سكارفاتهم حلووه واسعارها حلووه بعد .. وعندك هاي السكارف حلوو مع هاذي القبعه .. اذا كان كثير السفر للاماكن البارده : http://s7d2.scene7.com/is/image/Coac...ont?$maintest$ http://s7d2.scene7.com/is/image/Coac...nt?$thumbnail$ وعندك هالسكارف من قوتشي http://www.66n.com/forums/imgcache/826.imgcache.jpg وايضا ممكن تشتري له كرفته حلووه .. عندك في بيربري او ممكن من اي محل راقي .. http://www.66n.com/forums/imgcache/827.imgcache.jpg وهاذي من قوتشي : http://www.66n.com/forums/imgcache/828.imgcache.jpg اختم لك .. خلي الهديه معنويه وراقيه .. مع شي بسيط يحبه الوالد الله يحفظه .. ولاتنسى اذا سويت له الخشب انك ترفق معاه كلمات طالعه من قلبك .. وياريت لو حطيت صوره تكون صورتك انت والوالد وانت صغييير وهو حاملك :) .. وتوعده انك راح تبره مثل مارباك احسن تربيه ... اختك .. ام فطومه :) |
مرحبا...............
المفارش الحلوة عند....سيتي بلازا |
ماشاء الله عليك
الله يخليك لهم ويخليهم لك عقبال مانشوف واحد يكتب بمعرف" ولد مخي فاصل " يطلب اقتراح هديه لوالده مخي فاصل.. مفرش فكرة حلوة من الاخت كنافة انا اقترح كانكم في مكان بعيد عن مكة تذكرتين له وللجنرال ماما واقامة يومين في افضل الفنادق في مكة دار التوحيد منها تكسب أجر ورضاهم ويدعون لك تتسهل امور الخطبة واذا صعبه اشتر له فاكس يخدمه في العمل بس اذا تقاعد يعطيك اياه |
اقتباس:
ردك وافي ،، الله يجزاك الجنة |
اقتباس:
مرحبا بك مشكووورة |
اقتباس:
و الله يا ردك أثر فيني ................... |
شكرااااااا
|
.......................
........................ عموما اتمنى فكرتي اعجبتك او اذا تعرف الخياط اللي يخيط عنده بابا علشان المقاسات " عاد لاتقول مايلبس تفصيل يلبس ثوب الدفه" تروح له وتختار قماش فخم ولون حلو وتفصله وتعطيه اياه او اشتر من الجديعي للاقمشة قماش وعطه اياه الله يزيدك بر الرجاء الجدية في الردود وعدم تحويل الموضوع الى شات .. |
انا اسفة
المخ فاصل معاية بس كنت ابغى اقولك ايش جبت لبابا جبتلة شنطة دبلوماسية وكتب عن الاسهم لان الوالد هامور قول مشاء الله |
الله يبارك فيك ويرزقك بر أولادك ..
أشوف أمي دايم بالشتاء تهدي أبوي قماش فخم وهو يفصله .. ممكن توضح هالجملة ؟: اقتباس:
|
اقتباس:
الشكر لك على مرورك |
اقتباس:
و الله أعجبتني الفكرة الأولى و الثانية .. ما شاء الله عليك :d |
اقتباس:
شكرا على الاقتراح أما سؤالك :: أنا أقول كيف أنا جاي بسبحة كهرمان و الا فضة بمبلغ و قدره أقلبها في المجلس يقزها و احد من بعيييييد يقول ماشاء الله يا أبو فلان وش هالسبحة الزينة وياخذها و يقلبها الين أسهى أنا ثم يحطها في مخباه و يمشي ولا سأل الرجال ولا جاب خبر و دايم تصير المشكلة هذي لكن الله المستعان ،، صبر جميل |
تنبيه : الاخوة والاخوات الافاضل الرجاء الالتزام بمسار الموضوع وعدم الخروج عنه والا سيتم اغلاق الموضوع
|
بانتظار المزيد
لا احد يستخسر كلمتين يكتبها في رد .. أستفيد منها أو يستفيد منها غير و الله العالم أنه ما يهدي للشيبان إلا البنات |
| الساعة الآن 10:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©