|
::: ساعدوني الان عرفت سبب بكاء ابني :::
السلام عليكم ورحمة الله و بركاته
كنت قد كتبت موضوع عن عدم انتظام رضاعة ابني ورجعت كتبت انو الاخ بزن وبنق عشان ينحمل بس انا الان اكتشفت وفهمت بكاؤه غالبا ليش بدو يجنني اقسم بالله رجاء ماحد يقعد يقلي متعة ومش متعة لانو الي حقولو لايمكن يكون متعة اول منولد كان يرضع ملخبط قلنا معلش لسة صغير صار عمرو شهر وبدا يفهم انا هيك حاسة والامر ازداد سوء صار اشي مقرف بكل معنى الكلمة بالاول كان يرضع كل ساعة او ساعة ونص وبس وكان عادي بالنسبة الي اهون الان بيرضع وبرجع يبكي عشان يتسلى بالرضاعة ممكن بعد نص ساعة ممكن تلت ساعة ممكن بعد ساعة حسب المزاج وبطلت افرق امتا الاخ جعان وامتا بتسلى وانا اعصابي تلفت من هالقرف صراحة الرضاعة الطبيعية متعة وانا احسست هالمتعة وفيها تواصل عنجد بس لما يكون بالصورة هاي تحولت بالنسبة الي لشي بدايق في بعض الاحيان انا مش عارفة ليش هيك بعمل ابني المشكلة بيرضع مستحيل يزيد عن 5 دقايق في احسن الحالات ومرات دقيقتين تلاتة وعاد مرات يادوب بمص شوي وببلع شوي بعدين خلص طيب شو هادا اسمو ؟؟؟؟؟؟؟ كل ما كبر مفروض يتحسن مش يزداد تعبو الي بالشكل هادا رجاء مابدي اشوف تنظير وتحكولي حرام عليكي ومش حرام انا ماقلت بدي اجوع الولد ولاشي بدي يرضع طبيعي بشوف ولاد العالم برضعو كل ساعتين لمدة ربع ساعة اما زي ابني عمري ماشفت صار عندي كابة الكل بقلي اعطيه رضعتين صناعي وانا رافضة عشان حزنانة عليه وبدي يستفيد من حليبي وبس الكل بقلي اعطيه لهاية بحل عنك وبسكت عندي لهايات شارياها لكن مش هاين علية ولاقلبي مطاوعني لما يبدا يزن عشان يرضع بعطيه اياها احيانا بصير يمص يمص يعني بحس عندو رغبة بالمص اكتر من الرضاعة المهم بمص فيها شوي وبعداكم دقيقة بنام وبسحبها منو وبضل نايم واحيانا بسحبها وهوة صاحي بضل ساكت وبرجع يبكي عشان يرضع بس انا مابدي اعطيه اياها وتضل بتمه طول الوقت بنفس الوقت مابدي ابقا بالوضع الغبي الي انا فيه طيب خلص صارلي اكتر من شهر والدة بدي اضل ملازمة البيت ولازقة في غرفة النوم ارضع وبس؟ لاعارفة اطبخ ولا عارفة اعمل شي يعني قرف بكل معنى الكلمة مبارح قلت كل ميزن بدي اتركو يزن براحته لموعد الرضعة الجاي وفعلا عملت هيك عاساس يرضع وقت اطول ويشبع وبسكت بس رضع وقت اطول شوي ورجعنا لنفس الحال واليوم نفس الشي تركته يقطع حالو وبعد ساعتين رضعته رضع اكتر من كل مرة لكن برضو وقت قليل وبعد تلت ساعة رجع بدو يرضع وبعدها بنص رجع بدو يرضع طيب لامتا؟؟؟ ساعدوني شو اعمل اعطيه اللهاية واخلص من القرف هادا؟؟؟ اعطيه اياها من وقت ميبدا الزن لوقت المفترض للرضعة الاخرى ساعتين وبعد الشهر التاني اطول المدة ولاشو اعمل اتركو يزن انا قلت بدي اتركو عشان حيفهم انو مش اي وقت الصدر حيكون موجود بتالي يعمل حسابه يرضع منيح بس عالفاضي ساعدوني لاني قربت اطق بجد وزي مقلت الكو بحب الرضاعة الطبيعية وبحب استمتع فيها وبحب التواصل الي فيها بس لما يكون كل شوي هادا قرف والمشكلة كان كل ساعة وبس بعدين اجت اكم يوم مرات كل ساعة ومرات كل ساعتين او ساعة ونص بس الو كم يوم مطلع روحي بجد بتسلى علية ولاايش القصة اريد تجاربكم ومساعدتكم بس ولاوحدة تقلي استمتعي بالرضاعة ولا تيجي تقلي انت قاسية وابنك مسكين ياريت تفهموني صح |
http://www.66n.com/forums/showthread...=148057&page=7
الله يحفظه لك هذا الموضوع طويل شوي بس بينفعك ياملك |
مايصير كذا تتعبين أعصابك وتكبرين الموضوع وهو مش مستاهل ..!
الحلول الموجودة إنت رافضتها ياملك وش نسوي ؟! نخترع حلول ؟؟!! مافيه إلا لهاية ولارضاعة صناعية وكلنا أخذناها وماضرنا شي وكبرنا وجبنا اولاد وأعطيناهم وبعد ماضرهم شي ..! خذي الموضوع ببساطة واستمتعي بهالأيام ترى ماتتعوض ..! |
فيافي شكرا الك قاعدة بتابع الموضوع من كم يوم
جنة الدنيا شكرا الك كتير والله غصب عني مش هاين علية اعطيه اللهاية لانو حيصير مدمن عليها طول الوقت وازا وقعت يبكي لهيك خايفة بتعلق فيها بس شكلي مالي غيرها شكرا الك كتير |
ملك الله يهون عليك يارب
بدي اسال اخدتي ابنك على الطبيب احسن خديه ممكن يكون مرشح انفه مسدد عشان هيك مابيقدر يرضع بشكل متواصل كمان عشان تطمني على وزنه وتتاكدي انه بيشبع ماتقلقي وصلي على النبي في اطفال كتير هيك بس لو اخدتي على الدكتور راح تطمني وتعرفي كيف تتعاملي معه انابنتي الكبيره كان هيك تعمل معايا واخدتها الطبيب قلي انه وزنها كويس سرت اتركها تبكي الله يهدي يارب ويحميه |
رانيا شكرا الك حبيبتي
حناخدو عالدكتور هاليومين إن شاء الله وبالنسبة للوزن والله اعلم وزنه منيح ماشاءالله لاقوة إلا بالله تبارك الله مبين عليه تقلان صرت اتعب من حملو والله ماشاءالله الحمدلله انو حد فهمني وحس فية انا قادرة اتركو يبكي بس بحس مخي بدو ينفجر وبحزن عليه كمان بعدين الي يومين هيك بعمل جلطني الولد ماشاءالله لاقوة إلابالله تبارك الله هادي وكويس وبكون زي الملاك قاعد ماشاءالله بس قاهرني عقصة الرضاعة والمص بقول بلكي انعدل من حالو والله كلو بهون الا هالشغلة يعني نفسي اطلع عند صاحبتي بس بقول بفضحني هناك وفي الطريق وزي مكتبت في الموضوع حليبي ماشاءالله كتير وهوة بترك صدري ولسة الحليب موجود الله يعين ادعيلي |
مالك الا اللهايه انا كنت زيك خايفة بس لقيت ان خوفي تافه الولد مابيموت اذا اخذها ولسه ماعنده اسنان عشان نقول بتخرب اسنانه بس كذا امنعه اياها وامنع نفسي من الهدوء فعطيته اياها وجلس 3شهور يمص فيها وانا ارتحت وهديت وبعدين فكها وسابها من نفسه لما كبر وحس انها مامنها فايدة ولا اكل ورجعت سالفة الزن بس على خفيف لان صارت اشياء ثانية تلهيه زي اللعب فنصيحه حليبك لاتقطعيه دامه كثير ماشاء الله تبارك الله بس عطيه اللهاية وشوفيه على ايش انتي خايفة منها كانها بتقتله راحتك ياشيخة اهم من كل شئ لو انجنيتي ماراح ينفعك بيجلس يبكي ولا همه احد
|
من الطبيعي اختي انه يرضع كل ساعتين ما بعرف اذا الاخوات قالولك انه البيبي بتعب من الرضاعة وبده يرتاح
انا كنت زيك عندي بنت بكرية هلا عمرها 6 شهور ومطلعة الشيب براسي بس يتضل احسن عن اول وقت اقرأ مواضيعك برد يتزكر معاناتي مع نوران قصتي كانت معها. من عمرها 20يوم لحدما كملت 3 شهور وهي تضل تبكي طول النهار الدكتور قلي انه بكاها بسبب المغص وبعد 3 شهور بتهدأ وبالفعل الحمدلله هلأ بطلت تبكي بدون سبب اما من شان الرضاعة جربي استعملي الشفاط (اشفطي الحليب منك وعطيه لابنك برضاعة انا هيك كنت اعمل لان بنتي ما كانت تقبل ترضع مني كنت عاني زيك بس هلأ الحمدلله تبارك الله صارت ترضع وبالاخص وقت الليل طول ما تفيق وهي بترضع مني ان شاء الله كون فدتك شوي الله يعينك |
اعطيه اللهايه حبيبتي وريحي حالك
كل اصحابي كانو يعطوها لاولادهم والاولاد الآن اصبحو صبايا وشباب اللهايه وارتاحي |
يالله يا ملوكه ذكرتيني في نفسي والله العظيم ... بنتي الشيخه كانت نفس حالة فهودج .. بالضبببببببببط .. وطبعا الغربه والشوق والدراسه كانوا مسببين لي ازمه مب طبيعيه في البيت ..
والاخت البرنسيسه فاطمة ماتبي لهايه تبي صدري يصير لها لهايه .. الحين هي يوعانه هي تتدلع مادري .. وصراحة الحليب الصناعي كنت رافضته وبقوووووووووووووه ولا ابي اعطيها اياه .. جربت اعطيها اللهايه ماحبتها ولاتفكر تمصها بعد .. وصج صج كانت فتره مأساااويه بالنسبة لي .. لدرجة انه ياتني الصيحه وانا اقرا موضوعج .. لاني دوم افكر البيبي الثاني " اذا حملت ان شاء الله " بيسوي فيني نفس الشي وبقعد هالكم شهر ماسوي ولا شي الا عشان معاليه وسموه ... تعرفين طلع شو الموضوع .. الموضوع الله يسلمج لانج في غربه والاستاذ فهد ماله غيرج وانتي مالج غيره " بحكم انه زوحح اغلب الوقت في الدوام " فانتي الحييين لازم تصبرين هالثلاث اربع شهور .. وتستحملين ثقالة دمه في هالفتره .. لانه لو كنتي في البلاد .. جان الحين الولد مره مع امك ومره مع اختك وماتحسين فيه .. لكن بحكم انك لوحدك فالحمل كبيييييييير عليك .. اذا تقدرين تتعرفين على حد .. عنده اطفال .. صدقيني تلهين وهو يلهى .. انتي في وين عايشه ؟؟ معقوله ماتقدرين تتعرفين على حد ؟ الله يعييينج ياقمر ويصيرج ويهدي لج فهودي :) اختك . ام فطومه :) |
الله يكون في عونك
اول شي وديه الدكتور واطمني انه كل شي تمام والبكاء مش من سبب مرضي زي التهاب الاذن او الحلق.. اذا كله تمام ان شاء الله مالك الا اللهايه فيه وحده مخصوصه عشان خاطر الاسنان ما تضرر واشتري زيها من شركة avent ومكتوب عليها انه امنه على الاسنان.. لازم تتنازلي شوي يا ملك واللهايه مش حتضره كلنا اخذناه واحنا صغار اما قصة الحليب الصناعي فطالما حليبك ما شاء الله ممتاز فماله داعي تعطيه منه الان.. طمنينا عنكم.. |
لا تنسي ان كثرة البكاء للطفل تخليه يدخل هواء اكثر لبطنه وهذا الشئ يضايقه وما يخليه يستمر في الرضاعه
جربي انك تحمميه قبل ان ترضعيه عشان بعد الرضعه ينام وتهدء اعصابه واللهايه وجدت لتحل مثل هذه المشاكل واذا انتي رافضتيها استحملي واصبري |
الله يعينك يا ملك بس ان شاء الله بسيطه انا حاليا عندي بنت بترضع مني .. ونفس الشي بترضع للتسلايه بس بترضع دقيقه دقيقتين وبتوقف ومرات مصه وحده وخلص وبترجع بتجوع بسرعه والدتي كانت دايما امفكرتني انا اللي ما برضعها بس شافتها وعرفت انها هي اللي ما بترضع بس لاحظت انو لما ارضعها عالتخت ومافي اصوات حوليها ومافي شي يلفت نظرها عن الرضاعه بترضع منيح لتشبع الحمدلله جربي رضعيه بهدوووء تام .. ما يكون في حد حوليكي وحتى انتي ما تحكي وما تعملي اي حركه تلفت نظره وتلهيه عن الرضاعه وممكن كمان بالاوقات اللي بكون قاعد فيها تلهيه بخرخيشه او اي شي ممكن يسليه وما يفكر بالرضاعه الا لما يكون جيعان .. او اذا بتجيبيلو كرسي شبه نايم بيهز .. بنبسط عليه وبضل ساكت بعتذر طولت بالرد الله يخليلك اياه ويحفظه وتحياتي لك وللجميع |
لا تنسي ان كثرة البكاء للطفل تخليه يدخل هواء اكثر لبطنه وهذا الشئ يضايقه وما يخليه يستمر في الرضاعه
جربي انك تحمميه قبل ان ترضعيه عشان بعد الرضعه ينام وتهدء اعصابه واللهايه وجدت لتحل مثل هذه المشاكل واذا انتي رافضتيها استحملي واصبري |
مرحبا ملك
هدي حالك الموضوع مش مستاهل انا متلك والله كنت رافضه اللهايه بس جننتني فتره الست كنزي ورحت اعطيتها اياها غصبن عن عيوني وفي بداية الامر كنت خايفه انها تكون جوعانه وبتاخد اللهايه وبتكون تستنه ينزل حليب وما ينزللها واتخيل حالي محلها ف علشان هيك كنت كل شويه اجرب ارضعها علشان ازا جوعانه ترضع وما تكون تمص اللهايه على الفاضي المهم تكون الست بس بدها تتسلى والاهم اني مش كل الوئت بعطيها اياها يعني متلا الها يومين مش ماخدتها وتئريبا صرت افهملها لبنتي والله الشغله بس بدها انك طولي بالك انا كنت زي الهبله مش عارفه اتعامل معها متلا كنت ارضعها وتنام على الرضعه بعدين اصير بدي اغيرلها الحفاضه ومع تغيري للحفاضه ترجع تفيئ من النوم واصير بدي ارجع انيمها اصير ادزها في الحليب والئنينه والبنت تنكد يعني باختصار كان كل نكدها سوء تصرف مني وجهل وهبل وهيني هلئ ماشاء الله وتبارك الله ولا قوة الا بالله ولا بشعر فيها بتاتا كل ساعتين رضعه وبزبببببببببببببططط بتفيئ كل ساعتين يعني ما بضيع على حالها دئيئه متلا برضعها على 2 على الاربعه بتلائيها فتحت عيونها حبيبتي اسم الله عليها ولو فائت ئبل ما بعطيها الرضعه علشان نتمنا مرتبين حالنا انا وياها وعلشان اكون صادئه البنت بتنكد علي ازا اعطيتها صدري بتصير بدها ترضع بس من صدري وانا ما عندي حليب كتير برضعها بس مره وحده من صدري والبائي كله ئنينه بس ازا شعرت في صدري في الليل يا حبيبي ما في نوم هديك الليله ووئتها بستخدم اللهايه وبعد ساعه ساعتين او تلاته بترجع بتاخد الئنينه لانها جوعانه وبدي أألك ملك كوني اعطي فهودي وجره ويانسون ونعنع وبابونج هاي كلها اعشاب وما فيها ضرر ف مش غلط لو استخدمتيهم وخصوصا الوجره وعلى فكره انا ساكنه مش بعيد كتير عن اهلي بس ما بحب اروح عندهم كتير بصراحه ولا انام عندهم بئول خليني انا وينتي في بيتنا متفاهمات مع بعض ومرتبات امورنا لانه بتعرفي كيف بيت الاهل بكون واحد داخل وواحد طالع والشاطر بده يحملها ويلعبها ويبوسها وتعي وشوفي العجئه الي بتصير للست كنزي حبيبة العيله طمنينا عليكي ولك صرت افكر اجيب التاني وانت لسه بتعاني هههه |
بنات شكرا كتير الكو انا عموما بديت استخدم اللهاية بدل القرف هادا
وحاسة شوي بدا الامر ينعدل صرت كل ساعتين اخليه يرضع واول ميبدا يزن باحث عن شي يمصه بعطيه اللهاية ممكن ينام بعدها بشوي وبسحبها بهدوء ومابصيرلو شي ومابصحا وممكن ماينام بمص شوي بعدين باخدها منو وبضل ساكت وبعد شوي برجع يدور عشي يمصه وبرجع اعمل هيك لسة مش متشجعة اعطيه اياها طول الوقت حاملة الهم اناعندي اصدقاء لكن العلاقات رسمية وكل واحد في حالو ماحد فاضي لحد للاسف الحمدلله فرحت بردك انك حاسة فيةشكرا الك والله يهديلك بنتك |
كريستالا شكرا الك حبيتي بس اكيد مش سبب مرضي دلع و زن عشان يمص هادا همه الاكبر ابني بس اعطيه شي يمصه بسكت انا شارية لهايات افنت من قبل ليش شريتهم ازا مابدي استعملهم مابعرف هههه بس ماكنت عارفة انو ممكن اخاف منهم عموما بديت اعطيه اياها ويحل عنيييييييي
خليه يلاقي اشي غيري يمص فيه:( بس المشكلة صار لما يجي ينام بدو احطها في تمه بمصها دقيقة وبنام عادي هيك فكرك؟؟؟ ازال شكرا الك كتير :) انجل دانا انا بديت اعمل متلك كل ساعتين بس ارضعه وبعد شهر حخليها اكتر المدة وهيك إن شاء الله يكبر و يصير يشبع اكتر بس احكيلي عادي اعطيه اياها قبل مينام؟؟؟ لانو بخاف يدمن عليها وتصير لما توقع منو يبكي ويفضح الدنيا زينة شكرا الك كتيرحجرب ارضعه بالهدوء عشان مايلتفت لاشي ابدا شكرا :) |
السلام عليكم
اختي ذكرتيني بولدي كانت اياام عذااب هيهيهي اسم الله عليهم شوفي لا تخافين من اللهاية .. لان انا قدرت اقطعها عنهم قبل ال 6 شهور الحمدلله لازم تكون رضعاته كا ساعتين و يرضع بشكل كامل يعني من كل ثدي 10 الى 15 دقيقة .. و اذا صحا قبلهل عطيه اللهاية الى ان تكمل الساعتين لا تنسين هو ليلحين في فترة الاربعين لازم تدلعينه شوي و محتاج حناان.. هو بس يشم ريحتج يرتاح.. الله يعدي هالايام على خير و تصير ذكريات جميله:) |
الله يصلحلك اياه ياملك ويفرحك فيه يلا بكره اشكي لمرته
اناالصراحه مابنصحك ابدابالهايه محمد صرله كم يوم مجنيني بس ولا اعطيه الهايه الصراحه الواحد مش ناقص يجيله مكروبات وجراثيم انت اضغطي عليه يكمل على الاقل 10 دقائق رضاعه وبعدين شغليله لعبه على السرير او الكرسي ترى الالعاب مفيده كتير بهاالسن الله يحميه يارب وبالنسبه للفيحه انا هيك بنتي الكبيره كنت اخاف اطلع من فضايحها هاداالشي لابد منه ايش بدنا نسوي بس حاولي تعوديه وتعودي حالك على الطلعه الله يعينك يارب |
ملك حبيبتي طيب شو احكي انا اه ليتني والله عودته على اللهايه من جد اني هبله:( عمره شوي ويكمل ال8شهور واربعه وعشرين ساعه بيرضع:( انتي عارفه ضهري يبس طول الليل بيرضع بروح على الدوام مجنن الشغاله بالاكل مره وحده من يوم الاربع اللي فات مابده ياكل اي شي وكل ماانكله بتفه مابده بده بس يرضع طول الوقت والمشكله حليبي بلش يخف عن اول مو زي قبل شهرين كان تبارك الرحمن زيادة الحين خفيف طول الليل برضع وطول النهار لازم ينام عليه وياولي لو شلته من تمه وتصوري رد فعل زوجي العزيز وخاصه في اوقات معينه بجننه بنام على صدري بس احطه بسريره مابكمل عشر دقايق الا وصراخ يعني بكون قدامنا بس عشر دقايق:d:23:
يعني حاولي من هلا تعوديه انه ممنوع الرضاعه على الفاضي والمليان وعلى المرضاعه لانك اذا ماعودتيه عليها رح يجننك لاقدام برضاعه الليل اناعموري للاسف اصلا مارضي ياخد المرضاعه وهدي كانت مشكلتي معه الله يعينك ويعينا ويجعلهم من الذرية الصالحه الباره قولي امين تحياتي |
اقتباس:
اخت زوجي ولدها ينام عاللهايه تخيلي بس تحطها بفمه بيبدا ينعنس وينام لحاله ما يحتاج لا هزهزه ولا برتوكولات قبل النوم.. انا كمان وانا صغيره كنت مدمنة لهايه الين صار عمري 4 سنوات هههههههههه والحمدلله اسناني ماشاء الله تبارك الله من احلى ما يكون.. انتي عارفه انا اكتشفت انه البيبي عنده هوايه اسمها المص واذا ما مص اللهايه رح يمص اصابيعه وهذي عاده وحشه كثير اذا كبر عليها رح تلقي ايده على طول بفمه ومؤكد انه اليد فيها جراثيم اكثر من اللهايه. وبالنسبه لتنظيف اللهايه احرصي على غسلها دائما وحطيها بالمعقم البخار او اغليها مع الرضاعات وبس.. |
انا من تجربتي اظن انه عظله الفك عنده ضعيفه عشان كذا يتعب لما يرضع وينام ولسه مااخذ كفايتة من الحلليب واول مايحس بالجوع يصحى
انتني ليش ماتعطينه وجبه كامله بالببرونه من حليب صدرك يعني بالشفط وتشوفين اذا نام لك ساعتين او ثلاث متواصله اهم شئ يكون شبعان ومتادفي ويارب يسهل عليك وعلينا من هالازعاج |
حبيبتى مبين الجيل كله متعب اهله بنتى عندها نفس المشكله الرضاعه المتقطعه والبكاء الذى لا ينتهى بالرغم انها ترضع صناعى وايضا عندى قريبتى ولدها نفس المشكله بالنسبه لبنتى الدكتور قالى انه عندها تضخم بلحمية الانف وحساسية وانفها مسدود وذلك سبب عدم استمرارها بالرضاعه متواصله اما قريبتى الدكتور قالها انه فى اطفال يحبوا المص حتى ان لم يكون جوعان ونصحها باستخدام اللهايه لفترة وماشاء الله جاب معاها نتيجه وماتخافى حبيبتى متى تحبى تفطميه منها بتقدرى ان شاء الله كيف بتفطم الام ولدها من صدرها اعتقد ان فطامه من اللهايه اسهل بكتير
|
اخواتي شكرا الكم كتير بارك الله فيكم
اخت تيررا اقلقتيني طيب هل في علاج للحمية او الانف المسدود يعني شو صار مع بنتك تعالجت وصارت منيحة ولا كيف؟ مع اني بتوقع ابني والله اعلم بحب المص إن شاء الله ناويين ناخده دكتور هاليومين فحص عام وبنحكيلو عن هالامر شكرا الك كتير وياريت تخبريني شو صار معك |
سبحان الله مرة قريت موضوع يقولون ان المص عند الطفل هو كل الاحساس والحنان يعني لذته لما يمص لان الاعصاب عنده متمركزة بفمه فلا تحرميه لانها ماراح تضره صدقيني اذا على الاسنان انا شوفيني كنت مدمنة مصاصات ولهايات وعندي صورة ابوي الله يشفيه صورني عشان يوريني كيف كنت مدمنة تخيلي وحده كانت بفمي وثانية معلقة زي السلسل برقبتي والثالثة بيدي اليمين وارابعة بالشمال وهذا كله وانا عمري ثلاث سنين والحمد لله مافيني شئ واسناني ماشاء الله لاقوة الا بالله زي اللولو :d واذا عالاكل اصلا مانها فايدة اللهاية فاذا جاع غصبن عنه راح ياكل فعلى ايش خايفة منها مدري :24:
|
حبيبتى بالنسبة لبنتى استخدم لها (ocean spray) ماء ملحى للانف وقالى الدكتور بعد فترة اللحميه بتخف ان شاء الله استخدم الاسبراى لفتح الانف وازالة الانسداد وان شاء الله مافى فى ولدك الا العافيه
|
أهلين ملك
الله يكون بعونك أنا كنت مثل حالتك بس اكتشفت ان حليب الصدر ما يكفي لاني شفطت الحليب وكان قليل عشان كذا جربي اعطيه حليب صناعي يمكن حليبك ما يكفي |
شكرا الكو اخواتي
طيب اختي حلا أديش المفروض الكمية الي تطلع من الصدر الواحد لما تشفطيه؟ واديش الوقت الي بكون مارق عليه يعني مثلا بعد المدة الفلانية كم مفروض يطلع مللي من الصدر الواحد حليب وشكرا الك كتير وشكرا لكل الي ساعدوني |
اقتباس:
انا باول الايام لما كنت اشفط كان بيطلعلي بعد ما اهلك من الشفط واعصر بصدري وبعد ما اشرب سوائل بالهبل 30 ملل وهذا انتاج الصدرين معا وابداااااا ما كانت تكفي عبودي.. الان بطلت اشفط لاني صرت الخبط بالرضاعه بعطيه من صدري ومن الصناعي عموما يا ملك انا رح اسال مستشارة بالرضاعه هذا السؤال ورح ارجع ارد على سؤالك بس شيكي على الموضوع هذا لاني رح اكتب الجواب هنا.. |
انا على اساس اني كنت انوع الحليب مره طبيعي ومره صناعي كنت اعطيه من الصناعي 60 ملل ويجلس ساعتين ونص الى 3 ساعات ما يرضع بعدها
لكن الطبيعي كنت كل ربع او نص ساعه يمكن لانه ما يشبع انا كنت طول فترة الاربعين ارضعه طبيعي كنت اعتقد انه كافي بعدين صرت اشفط واكتشفت انه قليل وبديت بالصناعي |
اقتباس:
|
ملك سالت مستشارة الرضاعه
وقالت انه اول شهر لازم البيبي يشرب كل ساعتين بمعدل 90 الى 100 ملل وفي الشهر الثاني 100 الى 110 وهكذا هههههه انا بالوجبه الوحده لما يكون من صدري بجمع 20 او 30 ملل ههههههههه يالهوي عالخيبه التقيله.. |
على علبة الحليب الصناعي مكتوب ان الطفل في الشهر الاول المفرووض ياخذ من 90 الى 120
انا بصراحه عن طفلي لسه مكمل شهر يرضع من 60 الى 90 بس طبعا انا دخلت الحليب الصناعي لاني لما شفطت كان 60 تقريبا بس اتوقع انه احيانا يكون اقل واحيانا اهو يتعب من الرضاعه وماياخذ كفايته لان الرضاعه من الصدر مو مثل الرشاعه بالببروونه البروونه ااسهل عليه بكثير |
معقول كريستالا؟؟؟خوفتيني بدي ابقا اشوف كيف
بس اعتقد مش شرط وحسب كل طفل وازا الطفل بينمو كويس ووزنو زاد اعتقد معناته انو بشبع وبرضع كفايته صح ولا لأ؟ المشكلة حليب الام خفيف لهيك بجوع بسرعة يعني احكولي بنات لو الولد طولو كويس بالنسبة لعمرو ووزنه زايد وباين عليه كبر هادا معناه نموه منيح وانو بشبع صح ولالأ؟؟؟؟؟؟ شربات شكرا الك كتير وزي مقلتلك حليب الام خفيف |
ايوا يا ملك
اذا بيكسب وزن اكيد معناته كل شي تمام |
اولا حبيبتي انا حبيتك كتير لانك من بلدي العزيز
وثانيا ذكرتيني بحالي انا عندي ابني عمره تلات شهور كان متل ابنك يبكي كل شوي بدو يرضع:15: بيرضع شوي بيتعب وبنام وخصوصا بالليل:( وبعدين صرت اعطيه حليب صناعي عند النوم اعطيه اياها كامله وبنام بعدها اوربع ساعات واكتر:22: وبشكل عام بهالعمر بتعبو شوي وماله حل هالوضع الا تطولي بالك عليه وما بترتاحي الا بعد شهرين ليستقر حاله بالنوم والرضاعه وانا برأي واعطيه اللهايه منيحة كتير وساعديه بالحليب بالصناعي بس مو كتير يعني بالليل مره واذا طلعتي مرة مشان ما يعلبك عند الطلعة والله يخليلك هالنونو الحلو واكيد هاد اول بيبي الك لانك مش متعودة على هالحركات |
حالته مابينفع فيها الا اللهايه
بعدين سيبيه براحته يرضع شويه كتير سيبيه لسه شهر عنده انتى شكلك ماعندكيش صبر انا بنتى نفس الحكايه كانت مابتكمل 10 دقايق هو المفروض 10دقايق من كل ناحية بس فى اطفال كده فاسيبيه براحته ماتعذبيش نفسك واديله لهايه لما تحسى انه جعان رضعيه وطولى بالك شويه |
أخت ملك انا انصحك تطولي بالك شوي وأصبري لأن الجنه تحت أقدام الأمهات ...
صدقيني الطفل الأول أكثر طفل من ابنائك تحسي تجاهه بتانيب ضميير لأنه حقل تجارب فنصيحه طوووولي بالك لأنه إنتي أم جديدة فطبيعي تشوفي الوضع مش تمام لأنه إنتي مو متعودة .. حطي ببالك البيبي كل ما يكبر يقل زنه ويقدر يرضع أطول وكل ما كان أصغر نام وهو يرضع من غير ما يشبع ... فطولي بالك ...وإنتي حققتي نجاح إنك كملتي شهر بدون رضاعه صناعيه يعني الباقي سهل فلا تضيعي الفرصه من يدينك ...والله مافي احسن من الحليب إلي ربي صنعه لهم مخصوص حليب الأم ... أخير أتمنى مايكون كلامي غليظ .... وبأنصحك وكل أم والدة أو حامل والي في غربه بالذااااااات بكتاب ...موسوعة الفراشة للعنايه بالأم والطفل ..ومو سوعة لاروس ...بالذات الكتاب الثاني تربوي أكثر ...والإثنين راح تلاقي فيه أجوبة كلللللل هالدوخه إلي إنتي دايختها ومصور كمان فنصيحه إشتريه |
| الساعة الآن 02:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©