|
الدكتوره لم تنصحني بالربطه..انصحوني ما العمل
السلام عليكم
انا ولدت جديد عمر بنتي 50 يوم رحت على الدكتوره مبارح علشان تعملي ربطه وانا سمعت انه الربطه بتصير رابع او خامس يوم الدوره المهم رحتلها والدكتوره نصحتني اني ما اربط وانه حرام وممكن الوحده يصير عندها مشاكل من ورا الربطه وتمنع الحمل وانه سني مش صغير وانه لازمني كمان طفل وحرام ومن هالحكي وصارت تلعب في عقلي واقنعتني وما خلتني اربط بس انا حاليا ما بدي ارجع اخلف لاني صرت حامل من ليلة العرس وبصراحه انا وجوزي ما انبسطنا مع بعض لاني صرت حامل وكنت تعبانه فترة الحمل ف بدنا نشوف حالنا شويه المهم بشو تنصحوني اروح اربط وما ارد على الدكتوره وله شو اعمل وما بقدر اخد حبوب بنفس الوقت لاني برضع واقترحت علي انه زوجي يستخدم العازل وزوجي رافض انه يستخدمه ساعدوني شو الطريقة الي ممكن استخدمها لامنع حدوث الحمل في الوقت الحالي وصحيح انه الربطه ممكن تسبب مشاكل بانتظار نصائحكم ...وشكرا |
دانا اهلين
بس شو هية الربطة؟ولاقصدك بدك تربطي قناتي فالوب؟ مافهمت صراحة بعدين مش انتي قلتي هديك المرة بدك تحملي قريب ههه يعني غيرتي رايك ليش؟ عموما استخدمي حبوب عادي في حبوب للمرضعات شو فيها؟ او حطي لولب او واقي مافي غير هيك شو بدنا نعمل الله يسترها ويسهلها بس ياريت افهم شو الربطة لانو لو قصدك ربط قناتي فالوب فهالاشي خطير وفعلا ممكن ماعمرك ترجعي تخلفي بعيد الشر عنك |
أختي اذا قصدك بالربطة ربط القنوات الناقلة للبيوض فهي محرمة و لا تجوز
أما عن الحبوب و الرضاعة بامكانك أخذ حبوب منع الحمل الخاصة بالمرضع و هي مضمونة اذا استخدمت بشكل منتظم (كل يوم حبة بنفس الوقت بدون تأجيل ) |
فيه حبوب منع خاصه للمرضعات..
|
ملك وماريا شو بعرفني انا شو هيه بسمع انه الست الي ما بدها تصير حامل بتحط ربطه عاد ربط شو ما بعرف
بعدين ملك ما دئي على كل كلمه يا بنتي مشيها بس كنت بدي اهونها عليكي وبعدين لو جوزي يشجعني والله لاصير حامل بس هو ما بده هلئ كرستلا رح اسال عنهم لحبوب ان شاء الله شكرا لاهتمامكم ...بعدين انا فكرتكم مبحطات في ركن الطفل ماشاء الله عليكم هيكم نشيطات وفاضيات ومعكم وئت للنت |
انتبهي تحملين بسرعة يااختي
تعب وحم وثقل ولادة ونفاس وتربيه ومافيه نوم ولاراحة لا وطفلين بعد عيشي حياتك أقل شي سنتين او ثلاث وبعدين الله يسهلها |
حرم المعلم ,,,شكرا لا طبعا ما رح اصير حامل هلئ حرام بس أأدر اربي هالبنت وبعدها ازا ربنا كاتبلي ارجع اخلف بخلف
انا عمري 31 علشان هيك الدكتوره ما نصحتني اربط انه مش صغيره وفرص الحمل قليله ,,, ربنا يجيب الي فيه الخير ,, شكرا |
اقتباس:
و ان شاء الله كلو تمام |
اختي دانا ماكنت بعرف عمرك انت معك من هون لل35 سن الامان للانجاب وبعد هيك بصير في خطر اكبر عليكي وعالجنين بعيد الشريعني دايما يفضل الانجاب قبل 35 وبعد ال35 الوحدة ماتكتر احسن رغم انو والله شفت ستات حملو وولدو عدة اطفال بعد ال35 وال40 كمان ومافيهم شي
بس هلأ فهمت سبب استعجالك المهم مدام هيك اصبري سنة واحملي إن شاء الله بس ماتربطي والا ماعمرك بترجعي تحملي بعيد الشر استخدمي الحبوب او اللولب وإن شاء اللكم كمان سنة تحملي الله يكتبلك الي فيه الخير |
شكرا ماريا ...
شايفه يا ملك فايدة الزواج المبكر بس مش مبكر مبكر بس انه الوحده تتزوج بسن مناسب بس عاد شو بدنا نعمل لايجا النصيب ..الله يجيب الي فيه الخير |
دانا عادي كلو نصيب والله
مابتعرفي يمكن لو تجوزتي بدري ماكنت حتخلفي الا برضو بهالعمر الصورة هاي لعروسة ابني ماشاءالله عليها بوسيلي اياها انت امتا ولدتي بالزبط؟نسيت ولما تستقري عوسيلة منع حمل احكيلنا عشان نشوف ونستفيد من بعض انا الدكتورة كتبتلي حبوب بس لسة مااخدتهم لانو لسة الدم ماانقطع لسة انا الاتنين الجاي إن شاء الله بخلص الاربعين بس ابصر يمكن مايخلص |
اختي العزيزه
هناك وسيلتين غير الربط يا انك تركبين لولب او انك تستخدمين حبوب الرضاعه الله ييسر امورك بس سالفة الربط شيليها من بالك |
اقتباس:
ولا تنسي تسالي الدكتوره عن حبوب الرضاعه.. |
هلا حبوبه الربط للي خلاص ماتبي تجيب عيال....والله يكتب لك الخير وانا سمعت انها حرام...لانك بعدها خلااااااص بس البيبي اللي جبتيه وماشاء الله وايد حملوا بعد زواجهم وعايشين
|
انا ولدت في 4-11-2008 وانت اي تاريخ ولدتي بتصور انت في 17 هيك شي وله غلطانه
وبالنسبه لوسيلة المنع لسه مش مستقره على شي بس اتفقنا انا وزوجي انه ندير بالنا عاد انا حليبي بالمره مش منيح وبامكاني اخد لحبوب بس بحكي حرام خليها تاخد هالنئطتين مني بركن فيهم الفايده يا بنات انا بئصد في الربطه اللولب مهمه نفس الشي وله لا انا كل ئصدي عن اللولب بس بسمعهم بئولوا ربطه ئلت متلهم جينز والزاجلة شكرا لاهتمامكم انتوا فهمتوني غلط وانا ما عرفت اوضح معلين جديده على هالشي |
لا انا 19 يعني الامورة اكبر من الامور ب15 يوم بالزبط
وزي مقلتي هون مافي رسائل خاصة بس ماشاءالله بنتك عسولة عنجد حبيبتي المهم بالنسبة للحليب بما انو قليل فحبوب الرضاعة حتكون ضعيفة كتير خدي اللولب ولا هوة الربطة حسب تسميتكم خلص خدي اللولب والله يعينك بس ديري بالك واعمل عزل اول اسبوعين عشان تتاكدي من انو اللولب استقر مكانو لانو في بنزل او بتحرك من مكانه اولها فممكن تروحي حاملة بالطريقة هاي مش ناقصك فديري بالك اول اسبوعين تلاتة وماتشيلي اشي تقيل و ماتتعبي حالك عشان يستقر انا كنت لو حركب لولب اقعد دورة كاملة عاملة عزل لاتاكد انو استقر تمام وناسبني مش لعبة يعني اشغلة لازم الاحتياط واعرفي نوع اللولب قبل خليه هرموني احسن من العادي النحاسي بعمل التهابات وبخلي الدورة نزيف هيك الي بعرفه واغلب العيادات بحطو لولب رخيص عادي انت ممكن تساليها عن احسن نوع وتوصي عليه يعني في دكاترة بركبو لولب ب5 دولار بينما في لولب ممكن تشتريه ب300 دولار تخيلي الفرق والله يجيب ال فيه الخير النا كلنا يارب بوسي كنزي لابقلها الاسم اصلها كنزك عنجد الله يخليها بكرة في كرت الدعوة يسر فلان الفلاني وفلان الفلاني ان يزفو كنزي الى فهد :d |
دانا اوعي تربطي اكيد اقتنعتي من الردود واذا ناويه تحملي اختصريها واحملي احسنلك والله انا مجربه ورا بعض كتير اسهل واحلى
دانا طلعتي اكبر مني انا تحت التلاتين كنت مفكره حالي اكبر وحده فيكم ههه وكيف كنزي الله يحميها خلاص خطبتيها الله يفرحك فيها يارب |
تسلمي رانيا
منيح ما جوزي بدخل المنتدى لكان حفزتوه عمري حضرتك وحضره كرستيلا وملك دئرتوا على 31 انا ئصدي يا بنات الحلال 13 مش 31 الله يسامحكم بس حتى لو جوزي بعرف اني 31 ولا بسترجي يئول انه هيك سني انا بس 18 :) بدي ارتاح رانيا شي سنه زمان واجيبلها اخ ان شاء الله وكنزي بتسلم عليكي وعلى ولادك وربنا يفرحك انت كمان بولادك يا رب |
حقك علينادانه انا عمري
29 بينا سنتين الله يوفقك يارب ويزين الليدي كنزي باخوانها الحلوين دانا انت من اللبنان |
الله يهديكي قولي لولب مش ربطه
لانه الربطه تختلف اختلاف كليييييييي عن اللولب.. اتوكلي على الله انا ماما كانت مركبه لولب بعد ما خلفتني وما اتذكر ككانت تشتكي منه بس احيانا ما بيناسب بعض السيدات فانتي وحظك والله يختارلك الي فيه الخير.. فكرت بموضوع عمرك يا دانه وندمت لاني قلتلك انه معك حق تاجلي الحمل بس سنه واحده بناء على عمرك..يا ستي عيشي حياتك بالطول والعرض ومتى ما الله بيريد رح تلقي الامور توجهت وتسهلت لحتى يصير الحمل لا تقعدي تقولي سني كذا وكذا او كبيره او صغيره اعكي فرصه لكنزي تدلع وانتي وزوجك تتمتعو ببعض خصوصا انك حملتي على طوووول بعد ليلة الزواج.. الله يسعدك دنيا واخره :) |
| الساعة الآن 07:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©