|
زوجي مدمن لعبه في النت
السلام عليكم ورحمه الله وبركاته زوجي الله يهديه طايح من كم شهر على لعبه مدمن عليها تخيلو هو اكثر وقته برا البيت يطلع من الدوام على 2 بعد الظهر على طول يشغل النت ويفتح على اللعبه احيانا نتغداء وهو حاط اللاب توب قريب منه اسولف معاه واسحب منه الكلام تسحيب وهو مع اللعبه يقول اول ما يجي كلمتين كيفم وش مسوين وبس؟ على طول مقابل اللعبه بعد العصر يطلع يروح لاشغاله عنده محلات تجاريه ما يرجع الا 11 ونص 12 بالليل وذا رجع نحط العشاء ونفس الشي كيفكم اخباركم وش سويتو وخلاص يفتح على اللعبه ويروح في عالم ثاني وانا جالسه بجنبه كاني توحفه؟؟؟ مليت وتعبت معاه حتى لما يطلع لمحلاته عنده مكتب واللاب توب معاه وعلى طول فاتح عليها المفروض لما يجي للبيت خلاص يجلس معانا يسولف يضحك بس الله يخلف امس شفته وهو فاتح على اللعبه وفاتح صفحه الرسائل استغربت ان في رسائل في اللعبه خفت يكون في شي اكبر من اللعبه الي مخليه متعلق فيها للدرجه هذي ومدمن عليها تتوقعون فيه مجال انه يتعرف على بنات من خلال اللعبه لاني اشوف ادمانه مو طبيعي ياريت تشوفون لي حل والي عنده خبره في اللعبه هذي يعطيني معلومات اكثر عنها |
حبيبتي اولا مافي مانع انه يلعبها بس طبعا مش تعلق لهذه الدرجه
هنا يأتي دورك عزيزتي في انك تجذبيه لكي مثلا غيري نظام البيت وترتيب الاثاث البسي وتزيني وهدي الجو ومثلا تعالي من وراه وهو بيلعب واحضنيه وقبليه واعمليله اجواء مختفه لان الرجل دائما يبحث عن التجديد فجددي في حياتك واجذبيه نحوك بالكلام الجميل والمضحك والجلسات المبتكره والمساج وغيره الله يسعدكم يارب |
بعض الاشخاص من النوع الى لوتعلقوا بشئ صعب يستغنون عنة ويصير الامر روتينى في حياتهم
وارى ان اللعبة لاضير فيها طالما انة لايوجد فيها مايغضب الله اما سؤالك عن خوفك ان يكون وراْها شئ اقول لك يااختى لاتستمعى لوساوس الشيطان ولاتساْلى عن اشياء ان تبدى لك تسؤكى وتضر حياتك طالما زوجك مقيم لااوامر الله وغير مقصر معك تغلبي عن كل امر يحصل بعدها ولامانع ان تتعلمي هذة اللعبة وتجعليها نقطة التقاء فيما بينكم وصدقينى مع الوقت راح يمل منها زوجك وزي ماقالت اختى زوجة احمد انتى لاتقصرين معاة بلبس وغنج وغيرة وربنا يوفقك |
عزيزتي احب اطمنك هالعبه مافيها شي ابد هي مثل الطفل لما تنجبينه وتحبينه يكبر
انا لما كنت فبيت اهلي نفاس (جلست شهرين ) مليت من النت وفاضيه اغلب الوقت خبرك عند الاهل مانسوي شي تعرفت علا هالعبه واندمجت فيها مافتح النت الا عليها مره جيش ومره بيت ومره قمح والى اخره والله اللعبه ممتعه جداااا وتثير الحماس وادمنت عليها ولما خلصت الشهرين انشغلت فزوجي وبيتي ونسيتها اسبوع وولما رجعت لها لقيت الاعداء هجمو عليها ومااااتت حزنت حزن شديد لانك تبنينها من الاساس ومهما كان هذي لعبه ومسله وتخلي الانسان يخطط ويشغل مخه وتعلمه السياسه اكثر وبالنسبه للرسائل تكون من القرى المحالفه او الاعداء يههددون ومافيها اي شي اكثر وفيها بيع وشرا كان تبيعين قمح او ماشابه مقابل ان القريه الثانيه تحميك للمعلوميه يكون في القريه سكان و جيش وباعه وتجار وممكن يرحلون من القريه لو ماوفرت لهم الغذاء الكافي او الامان هذا تلخيص بسيط عن اللعبه ياحبيبتي قولي الحمد لله انه على هذه اللعبة بدل مو علا شي ثاني (((افهمي قصدي )) وبالنسبه لانشغال زوجك راح ينتهي مع مرور الوقت ياحتموت القريه وبنتهي اللعبه يايصير محترف والله يعينك راح تاخذ منه وقت اكثر الله يسعدك ويوفقك لكل مايحبه الله ويرضاة |
وعليكم الـسـلام ورحمة الله الله يـعـيـنـك أخـتي الكريمة شيء مـوسـف أنك تشوف الكـثـيـر من الشباب عزاب ومتزوجين يدمنون على هاللعبة ويجعلونها هـمهم الأول وشغلهم الشاغـل وجل وقتهم يذهب فيها ، الحمد لله الذي عافانا مما ابتلاه به وفضلنا على كثير ممن خلق تفضيلاً ... مثل ما قـالـت الأخــت درة الخليج لا تسألي عن أمور قد تثير غضب زوجـك ويكون الشك باب لمشاكـل أكبر وخلافات حـادة و زيادة بعد بينكما أكثر مما هـو عليه .. الحمد لله زوجـك مشغول بالللعـبـة وليس بأمـر أخـر ، لكن ما يـمـنـع ذلـك إنـك تـحـاولين بهدوء وروية في التخفيف من إدمانه على هذه اللـعـبـة .. ممكن إذا جـلس عندك وعينه على اللاب توب؛ إنـك تـسـأليه عن اللعبة وكيف لـعـبتها حـتى يتـفاعل مـعـك ويـبدأ الحديث والكلام معك وبعدها تدخلين معه بموضوعات أخرى التي تريدين التحدث عنها، اجعلي الحديث عن ما يشغل باله ( اللعبة ) باب وبداية للحوار الـذي بـيـنـكـما ، واستمري على ذلك سـيـتجاوب مع التكرار .. الله يصلح زوجـك ويحفظه لك ويجمع بينكما على خـيـر أخـوك عزوبي:21: بس:d رجل:30: دمتم بحفظ الرحمن |
حبيبتي كثير الي يلعبون فيها متعلقين فيهااااااا اللعبة ممتعه ..
وفيهاا رساايل .. والله يهديه ياارب .. |
نفس حالة زوجي يعني زوجي يرجع من الدوام على طول يسلم ويروح يتطمن على جيشه لا واحياناً يدق علي قبل مايوصل من العمل يقولي افتحي النت وطمنيني على القرى حقتي أذا فيه هجوم عليها ولا شي :18:
واحط الغداء والنت جنبه وعيونه عليه:11: بعدين يروح يصلي العصر ويرجع عليه بعدين يروح يلعب كوره ويرجع على المغرب ويطل على القرى حقته ويروح يستحم ويصلي ويرجع عليها :25: بس الحمد لله بعد العشاء يتفضى لنا طبعاً بعد مايتطمن على القرى حقته ويرسلهم لقرى بعيده هجوم :18:على عدد الساعات الي بنطلع فيها وبعد مانرجع يروح ركض على النت يتطمن على القرى ويكونو على وشك الرجوع من الهجوم نتعشى وعيونه كمان عليها :11: وصار ماينام الا متأخر عشان يرسلهم بعيد عشان ماأحد يهجم عليه ويحط الموقت قبل صلاة الفجر ويقوم يتطمن عليهم بعد ماوصلوا من الهجوم :18:ويروح يصلي الفجر ويرجع ويرسلهم مره ثانيه لقرى أبعد تستغرق كم ساعه يحسبها ويوقت رجوعهم وقت رجعته من الدوام :29: وعلى هالحال كل يوم لأذا أبغى أتكلم معاه ابدا بسؤاله عن القرى :d حقته وايش صار فيها ماتتصورين قد ايش يندمج معايه تقولين طفل:15: بعدين اتكلم معاه بالمواضيع الي أبغاها :dومن جد أحسه ينتبهلي أكثر بالطريقه هذي وبالنسبه للرسايل زي ماقالولك الأعضاء الي قبلي يعني كله عن اللعبه ودايم أشوف الرسايل وأقراها فأذا واثقه بزوجك لاتفكرين فيها وانشغاله باللعبه هذي أهون من شي ثاني دامها ماتشغله عن الصلاه والعباده الله يهديهم |
أحاسيس أنثى ..الحل عندي..لازم تسجلين باللعبة وتعملين قـرية وتهجمين عليه وتدمرين قـريته. ......معليش أختي بس كنت أمزح..الله يهدي زوجك ويوفـقـكم لكل خير..
|
شوفي هي من ناحية تضييع الوقت فهي تضييع للوقت
وزجي من الي يلعبونها بس الصراحه لمن يلعبها استانس واقول الله يجعلها اكبر المصائب على الاقل اهون من السوالف في المنتديات التافهه والاالشات والماسنجر والا المصيبه الكبرى المواقع الاباحيه بس والله لمن افكر في هذي الالعاب اقول لزوجي والله عرفو لكم اعدائكم اشغلوهم بشكل كبير ضيعو ا أوقاتهم في تفاهات الله المستعان ماعاد يدرون عن الدنيا ولا الي ساير فيها بس الله يشغل العدو في نفسه ويجعل كيده في نحرهم ويهدي شباب المسلمين |
انا الحمد لله زوجي مايعرف عن القرية شئ
بس عنده في جواله لعبة بلوت من شده الفتنه الله لايفتنا الا في طاعته يلعبها مع العيال في جلستهم واذا طلع من عند العيال جلس يلعبها في جواله في السيارة عند الاشارة في البيت في انتظار مستشفى في الدوام في كل مكان حتى لما نكون عند أهله يجلس يلعب أدمــــــــــــــــان |
أحاسيس أنثى ... طووولي بالك ..ووسعي صدرك ... وإحمدي الله إن انشغاله في هاللعبه مو في غيرها محادثات ماسنجر وشات ومواقع مشبوهه مثل ما ذكر سابقا ً ... وصدقيني اللي فيه شر أو ما يخاف من ربه راح يوصل للي يبيه .. قدامك او من وراك .. فأحسني الظن بالله ثم فيه ... خاصة ً إنه يلعب ويفتح الرسائل قدامك ... وهذا اكبر دليل على انه يلعب وبس ..
حاولي تشتركين مع زوجك في اللعبه ... منها تقعدين معاه ...ومنها تكون إهتماماتكم وحده ... صدقيني ... (شعور أكثر من رائع ).. >>> ويمكن تدمنين عليها انتي بعد !! |
أختي الكريمة ،
مشكلتك مثل مشكلة عدة إخوات طرحوا نفس المشكلة بالضبط !!! وانا اقول انها على الأغلب فترة و تمضي !!! يعني تعلق شديد و من ثم " بيزهقها " !!! والله يصلح حالكم .. بالتوفيق ... |
حقيقية لعبة النت.. تبدأ حماسية ثم تؤول إلى الملل والطفش .. أنا جربتها يا جماعة .. نهايتها سخيفة جدا .. بل إذا طال الوقت يستسخف الواحد نفسه ..
باختصار .. لا تشيلون هم .. هي فترة وتعدي ولا راح تستمر والله أعلم |
حبيبتي شاركيه والعبي معه
او سجلي نفسك فيها والعبي معه تيطلع من اللعبه لازم تدخلي معه شاركيه وهي لعبه مش اكثر احسن من مصايب كثيره بعرف انو هذا كله على حساب وقتك المفروض يقضيه معك لذلك اقضيه انتي معه المهم تكونو مع بعض |
زوجي مدمن هذه اللعبة من زمااااااااااااااااان
و ابشركم الحمد لله قاللي انه بيفكر يلغي حسابه لأنه زهق خلاص |
والله من الفضاوة يلبعون ...!!!
الحمدالله والشكر لو يدورلهم شغلات ثانية افضل مثل الاعمال الخيريه ولا حتى يلعبون رياضة بدل العاب الاطفال هذه صراحة بعض الردود اصابتني بموجة ضحك عاليه الله يعينكم والله الوحدة ماتخلص من شيء الا يجيها شيء .. |
الملل بالطريق جاي لا نشيلين هم
|
بصرراحه انا العبهااا بعد لكن لمن اتزوجت امي ماخلتني اشيل الاب توب معاي عشان هاللعبه (: وبعدين تركتها صدقيني راح يجي يووم يمل ويطفش
وتصدقين لو قلتلك بيوم زواجي وانا بالسياره مع اخواني من المشغل الى القاعه اتصلت بالنت من الجوال اطمن على قريتي (اخواني مسكوها علي وفضحوني عند زوجي ):& الله لايشغلنا الإ بطاااعته |
شكرا لكم جميعا على الردود
ودي ارد على كل شخص بس ماعندي وقت وياريت تسامحوني الحمد الله انكم طمنتوني كثير الي يقول اسئليه عن اللعبه انا سئلته كثير ويجاوبني ويرد علي بس ما ابي سوالفنا تكون محصوره على اللعبه فقط وبعدين انا الحمد الله اسولف معاه وامزح بس هو يكون باله في اللعبه وبصراحه انا حامل وما عاد اهتم كثير بشكلي بس مو مهمله احط ميك اب خفيف ودايما رافعه شعري والبس لبس مريح ومرتب والله هذا الي اقدر عليه وغير كذا عندي شغل بيتي وبنتي وما عندي استعداد اتعلم اللعبه وادمن عليها واهمل بيتي خلاص اذا اللعبه مافيها شر بخليه يشغل وقته فيها احسن من انه يدور على شي ثاني رغم ان مافيها خير بس يالله اهون من شي ثاني والله انها تشغل وقت المسلم على الفاضي ودي يشغل وقته في شي يفيده في اخرته احسن وان شاء الله اذا ولدت بالسلامه بغير من شكلي وبلزق فيه وبحاول اخليه يخفف من اللعبه الله يجزاكم خير |
مرحبا اختي حبيت اطمنك ترى كل شي طبيعي انا كان زوجي نفس الحكايه والمشكله انه طاح بالعبه اول زواجنا وتقريبا فتره وخف عن اول بكثير والحين الحمد لله مايفتحها الا من وين لوين زي ماقتلكلاتشكي بشي حتى لو كان فاتح المسنجر برضو يحادث شباب وكان لما يتكلم معهم انا اشوفه وبالعكس مثل ماقالت احدى الاخوات حاولي تعرفين عن العبه كل شي انا احيان يقولي افتحي اللعبه وسوي كذا وبيعي واشتري بالاسلحه و و و كثير بس انتي ادخلي باهتماماته صدقيني راح يتكلم معك كثير اساليه وش صار ع دولتك مثل قدرة الدوله كم ونوع الحكم والجواسيس ومن هجم وكم ترليون وهكذا راح يتغير معك تماما .
|
اقتباس:
|
لا حول ولا قوة الا بالله كل ماكتبت ردي على هالمشاركة من أمس مدري كيف تطير كلها بعد ما اكون خلاص خلصت كتابتي مدري وش اضغط وبلمحة بصر تصير ماهي فيه ... شي جاب لي الجنان والان بكتب ردي بس بشوف هو بينمسح والا لا ... اخاف تكون المشاركة هذي مسكونة الله يستر
|
انا زوجي طاح باللعبه فتره وصار مدمن عليها وشكله خسر وبطل او لما شافني احاول اتعرف على اللعبه واسجل فيها خاف اصير مثله وبطلها ههههههههههه
|
| الساعة الآن 09:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©