|
جاني احباط من زوجي
قمه الاحباط
نسيت من كثر همي اسلم السلام عليكم ورحمه الله وبركاته السالفه ومافيها مادري وش السالفه جيبولي دكتور نفسيه السالفه انا متزوجه ولله الحمد من حوالي تسعه اعوام مريت بمشاكل كثيره مع الزوج ومع اهله ومريت بايام حلوه ايضا مع الاهل ومع الزوج المشكله في زوجي صارت له حالات من سنتين تقريبا قالي انا بتزوج انا زعلت في نفسي بس مابينت ولاكن ربي يحبني وماتمت الخطبه سالفه الزواج هذي جت عن طريق اخته تغار مني لاني احب الاهتمام بمضهري ومضهر اولادي واموت فشي اسمه الاتيكيت فصارت تمدح له وحد فيه وفيها............الخ المهم انا مابينت اني زعلانه وحسبتها فعقلي وقلت له روح الله يستر عليك اهم شي عندي اولادي مايتربون بعيد عني وعنه (( لاكن الزعل بالقلب )) (( والله العظيم بكيت من القهر وانكسر شي فداخلي ولا يمكن يتصلح)) المهم سالته واش اسباب الزواج بوحده ثانيه قالي انتي حلوه وام عيالي ومااحد مثلك ولك معزة ................الخ لاكن ابي وحده ثانيه ابيي اولاد اكثر ؟؟؟؟ يتعذر بالاولاد وانا عندي 3 اولاد وبنت وقال وحده ماتكفيني علا العموم انا قلت له الله يسمح دربك انا ماقصرت عليك فشي (وللمعلوميه انا ساكنه مع اهله*امه واخواته)) وين بتسكن سعيده الحظ قال ببيت بلحالها عاااااااااااااااااااااااااد انفجرت القنبله الموقوته وقلت لا لا لا مثل ما لها لي (اداري شعوري ) ووافق انه يسكني ببييت بلحالي وهي ببيت بلحالها الا انها اشترطت عليه انه يطلقني (شين وقوه عين ) قالها ام عيالي ماني مطلقها ........................................... وخربت السالفه وانتهت ومرت العاصفه علا خير ( الا انها تركت اثر في نفسي عميق وجرح لن يبرى) علا العموم جرحي فنفسي ماحد درى عنه وانا قابلته بكل ثقه بالنفس المهم واشد حيلي واحمل ((مو هو يبي عياااال انا اوريه من هم العيااال )) فرح بخبر حملي وقاال صريحه اتمنى ولد والحمد الله ارزقني الله بولد جعله الله من الصالحين خلصت النفاس وانا ناويتله نيه جميع ثياب النوم الي بالسوق اشتريتها كل البنطلونات البرمودا بجميع الالوان اشتريتها سويت احلا لوك عند افخم مشغل وصرت احلا من العروس يوم زوااجها الكل انبهر وتفاجا من التغير و الكل مدح والي من الغيرة ذم المهم المشكله لين هالحين ماجت زوجي العزيز يتهرب مني مرة يسافر ومر يجي متاخر ويقول تعبان ووووووو الخ انا تحطمت والله اني انوم عيالي من الساعه ثمان واخذ شور اسو استشوار احط ميك اب رومنسي خفيف والبس احلا شي بالدولاب واتبخر واتعطر وماخليت شي والكامل الله تدرون لما يدخل ويشوفني وش يسوي بكل برود يبدل ملابسه و ينام لا تعليق ((مسوي ثقيل )) قلت مرة يمثل الثقل كل يوم علا هالحال صرت احس اني لزقه قلت اضغط علا نفسي شوي اهم شي بيتي لا ينخرب صارحته تدرون وش قال ؟؟ ؟ ؟ ؟ ؟ قال اللون شعرك ماحبه (( والله كل من شافه انهبل )) قلت امرك بس كذا ؟وش تحب قال الاسود ورحت سيدا علا الصيدليه واشتري اللون الاسود وقلبي متقطع علا لون شعري الجديد لاجل عين تكرم مدينه واحط الاسود وصار لونه اسود ولما شافه قال هذا اللون الحلو والكل لما شافني قال هبله الوك الاول احلا وتاعبه عليه تروحين فالاخير تحطين اسود قلت رايه واهم شي عندي ((اهم من كلام الحريم)) المهم صار الرجال مو من الشعر هارب مدري من ايش من يشوفني ينام لدرجه اني مره قلت له اطمن مابي شي وطايح فيني تشمت وتحطيم مره يقول ريحتك معفنه ((والله اني شاربه العطر من كثر ماتعطر )) بس يبي يشككني بنفسي ومره يقول انتي وش ماكله ((يبي يهبل فيني )) وعلا هالحال ومره يقول انتي ماتفهمين شي وانتي غبيه وخبله وكل كلمات التحطيم ((صار عندي قاموس )) واذا اتكلمت قال : بس بس اسكتي وكل هذا وانا اقابله بابتسامه وروح خفيفه وكلمه طيبه لاني سمعت ان للكلام اثر طيب علا النفس وعندي هدف (ان بيتي مايخترب ) لدرجه اني شكيت انه يقيس مدا مستوا الصبر عندي وقلت ازمه وبتعدي الا انه مادري اش فيه لما اصارحة مايصارحني ويقلب السالفه هواش ويقلبها علي المهم لكل صبر حدود وانا انتهيت البارحه جت علا الجرح قلت في نفسي ابشتري قلوب حمرا ولمبات وحركااات كل الرجال يتمنوها وكشخت وكل شي تمام لما دخل البيت (( انا احس فيه لما يدخل البيت)) طفيت اللمبه وولعت القلوب ؟؟ لما دخل ناضرني بنص نضره وقال اضاهر انهبلتي جنيتي مافي عقل ولعي اللمبه ونزلي هالخرابيط والكلام الفاضي (((قمه الاحـــــــــــــــــــــــــــــــــــــــــــباا اااااااااااااااااااااااااااااااااااااااااااط انتهيت سكت مابقا يفيد الحكي غصتني العبرة علا حالي شربت كاس ماا ولبست الجاكيت الطويل حتى اغطي جسمي ونمت بعد دمعتين مارضت تنزل المهم هو حس بغلطته وقال تعالي خلاص حسيت اني رخيصه وقلت خلاص ماعاد ينفع فيني نوم وقال ليش تزعلين انا ماحب الحركات هذي والخرابيط؟؟؟؟ قلتله علا شان من كل ذا ؟ علا شانك ولا كان نمت من زماااان ونمت والله اني مانمت تصنعت النوم عاد الشيطان لعب فيني وراح يسرح ويمرح بالفكار ((تعوذت منه وقلت نامي ماحد يستاهل الي تسوينه )) شوفيه نااايم ولا بعد يشخر !!!! وانتي علا جمره ابتسمت ونمت وقلت في نفسي الصباح رباح المهم جا الصباح والجرح باين فوجهي ((ترا جرح النفس صعب خصوصا من انسان تحبه )) مزاجي متعكر واحاول اداري كلمني وكلمته كن ماصار شي بعدين هو فتح السالفه وقلت له مايحق لي ازعل قال :لا!!!!! انتي حساسه قلت له خلاص مالك شغل اولع لمبه حمرا صفرا اناحره اولع شمعه كبريت ماحد له شغل ((للمعلوميه هو من اول شمعه ولعتها للرومنسيه حطمني وخاصمني وقال هبال ولا تولعين شموع واخذ كرتون الشموع وكبه / مع اني شريتها غاليــــــــه المهم رد علي وقال منتي حره...... راحتك علا حساب راحت شخص ثاني مايصير بققت عيوني وقلت كييييييف ؟؟؟؟ من جد مافهمت العباره قال انا ماحب الخرابيط وكلام فاضي وحب وماحب قلتله احترت فيك كل رجال يحب ان زوجته تنتظره وتتزين له ليه انت... لا حيرتني مارد ((يتهرب )) عاد انا قلت له ياخوفي قمه القهر لا صرت مضيع عمرك في محبه انسان وهو في محبه غيرك لاهي قال انا ماعندي حب وكلام فاضي ((يدور ويجول عند هالكلمه )) انا احب ابين (((للمره.. قصده الحرمه ..)))عده وجيه وماثبت علا وجه واحد ....يتفلسف قلت :والحل معك قال ربي اولادك قلت من قال انهم في الشارع احلا لبس واحلا صحه واكثر اهتمام وكل الدلع والادب فيهم ((اشك اني ابالغ طبعا شهادتي مجروحه فيهم)) قال ماقلت فيهم شي هو راح ينام القيلوله وانا طلعت من الغرفه ((وداخل نفسي حب للانتقام للذات )) والله لا وريك لاخليك تطلبني وبتغلا عليك ولاشغل نفسي باي شي ثاني واخليك الاخير بدلماكنت اهم حتى من نفسي وانتهااااااااااااااااااااااااااااااااااااااااااااا ااااااااااااااااااااااا تعبتكم تعبتكم تعبتكم صح لاني انا في المشكله ماقدرت احلها وبالاصح ماقدرت افهمها ولا استوعبت اي شي فيها انا واقفه امام عثرة في طريقي مادري كيف اتصرف ؟ مالحل كيف افهم اتعامل معه ((ماكني عشت معه سنين )) يانا تغيرت ياهواتغير موقادره افهم تصرفاته مره اقول حسد ومره اقول عين وصابتني ومره ماااااااادري وش اسوي لا كن اكيد فيه حل انا ماشوفه والحل مهما كان هذا زوجي مالقيت من اشكيله امي اختي صديقتي اخاف يطيح من عيونهم مالقيت الا المنتدى الغالي ابي حل للمشكله اذا انا اخطيت ابي اعرف وين ولكم جزيل الشكر تم تعديل العنوان |
قرأت كلماتك كلمه كلمه الله يكون بعونك فعلا قهر
بس للاسف يا حبيبتي احنا النساء قليلين الحيله والرجل لو ما رحم زوجته مافي انسان في الدنيا يقدر يحنن قلبه عليك الا طبعا انك تدعي لله عز وجل ان يحنن قلبه عليكي يعني من الاخر انا متعاطفه طبعا معك جدا بس ايه الفايده الي حتجنيها من تجاهلك له؟ اولا حتعيشي في نكد وتعيشيه في نكد مش بعيد يا خذها حجه عشان يعيد تجربه الزواج عشان كده انصحك تشوفيه بيحب ايه وتعمليه خلاص يا ستي بلاش شموع اكيد في شئ تاني بيتمناه في لحظه صفاء اسأليه كيف بتحلم تشوفني وكده يعني ونصيحه اخيره لاتسمعي لكلام الناس مهما كانوا يعني هو من حقه ما يعجبه لون شعرك طبعا كل الناس قعدوا يبينولك انه مايستاهل وكده بس يا حبيبتي هذه اذواق وعمتا زوج اهم منهم كلهم اهم شئ هو ينهبل عليكي |
ههههههه
اسفه حبيبتي بس حسبتك تتكلمي عن زوجي ههههههه والله العظيم قمة القهر انا يجلس يطعميني بيده هذا مش حب حبايبي يريدني ان انصح كان وزني 48 والآن 84 تعرفو ايه السبب عشان اذا مات ما حدا ينظر لي ويتزوجني ناصحه رتبي نفسك لنفسك ما تتوقعي منه اي كلمه جميله خلي ثقتك بنفسك كبيره وعيشي حياتك سييأس ويعود مره زوج اختي كان مسافر عند ابنه عشرين يوم وقت اتصل يطمن عليها قال لها : اشتقت لك حبيبتي ردت : الخط يقطع ما سمعت ود : اشتقت لك حبيبتي اعادت المحاوله :الصوت يقطع مش عم اسمع منيح وكرر الجواب حتى انا بس يقول لي كلمه حلوه اقول خير ان شاء الله والله شكلك عندك حراره هههه اضحكي ما يطققهم الا ابتسامتنا وضحكنا |
صراحه انتي ما قصرتي
وباين عليك كامله والكامل الله وفوق الاناقه والاهتمام خفه دم باين من اسلوبك يعني في رجال يفرط في وحده مثلك والله زوجك غريب وكيف يقول ابي اتزوج عشان على قولتك يشتغل كل يوم؟؟ وهو يشوفك عنده باحلى لبس واحلى شكل ويتهرب؟؟؟ والله يا اختي انا اشوف انك استنفذتي جميع الطرق معاه عشان كذا خلاص سوي الي يحبه والي ما يحبه اتركيه رغم ان الرومانسيه وكلام الحب مهم اذا احنا مالقيناه من ازواجنا الي هم حلالنا وين راح نلاقيه يعني ندوور عليه برا؟؟؟ تحملي واحتسبي الاجر وخلاص طنشي وعيشي حياتك الله يريح بالك ويهدي زوجك |
خلاص فعلا اعملي اللي هو يبغاه
بلاش شموع وحركات ولا تتكلفي خليكي بسيطه ريحي نفسك وريحيه وبكره اذا اتفلسف وقال ما تهتم ولا حياتي روتينيه ذكريه بالسالفه هذي.. الله يفرج همك.. |
الله يكون في عونك
والله صدقت الاختGreen222في كلامها كانك تتكلمي عن زوجي وكان هذا حال الرجال الا من رحم ربي ارى انك تهتمي به واساليه ماذا يريدما الذي يرضيه وتقربي الى الله عز وجل هو بيده قلب زوجك واساليه ان يحنن قلبه ويلين اليك نقطه اخرى حصني نفسك وبيتك واولادك لعلك قد تكوني مصابه بعين او بحسد ودائما شغلي سورة البقرة واسال الله لي ولك صلاح الاحوال |
الله يعينك عليه 00والله مايستحي على وجه (معليش لانه قهرني) وين الواحد يلاقي زوجة صالحة0
انا لو زوجتي تسوي الاشيا اللي تسوينها بصراحه انخبل ولااخرج من البيت 0 لكن وش نسوي النصيب0 اروح العمل ويهي نائمه واجي من العمل وهي نائمه واجيها وقول اصحي سوي الغداء تقول انت سوه لاني دلعتها في بداية زواجي 0والله قصتي قصه لكن الله يصبرنا0 وهذا حال الدنيا محد مرتاح000000000000000000000000الله يسر امرك |
حبيبتى بالنسبه للون الشعر فزوجك احق باختيار اللون اللذى يعجبه
انا طول عمرى احب لون شعرىالاسود ولا احب ان اصبغه اضافه الى ان الصبغ يخشن الشعر لكن لان زوجى اراد تغيير لونه غيرته رغم انى اشتاق للون شعرى السابق الاسود وملمسه الناعم اللذى بات اخشن بكثير ملمسا مع الصبغ اختى كونه عزف عن الزواج من الجديده كى لا يطلقك فهذا معناه كبير وان لكى وزن عنده |
حبيبتي نصيحتي لك الثقل
زوجي مرات بيثقل علي كنت انا اضل اركض وراه حبيبي حياتي شو اعملك ومن هالكلام شو بدك اعملك كزا او كزا.. المهم شافتني مرة صاحبيتي قالتلي من هبلك هو هيك بشوفك بتركضي وراه بيهرب انتي اهربي منه بيسير هو يركض وراكي ففعلا صرت اتركه ع الكمبيووتر بالساعتين والثلاثة بلغرفة لحاله يسير ينادي علي شو ما اشتقتيلي ، وينك وين رحتي، وازا ع التلفزيون ابقى العب مع ابني ف دايما الشي اللي باليد الانسان ما بيحس فيه بس يفقده بحس بغلاوته ومعناه. وشكلك صحيح مرتبه وجميلة وانيقة واديبة وخفيفة دم الله يسامحه وبعدين بصراحة كل الرجال ما بحبو الرومانسية ما بقوليش كلام حلو زي ما كنا خاطبين اول ما تزوجنا كان يحكي وبعدين ما بيحكيش بعرس اخوي كان الكل يقولي بتجنني بتوخدي العقل متل القمر الا هو قلت له انا حلوة الكل حكالي الا انت ولا هو قالي مش مهم اقولك انا ،، بستغرب بس هلا اتعودت بكون مرات متل الباربي يعني حلوة بس ولا كانه شايفني قدامه غباء عند الرجال بعيد عنك
|
حبيبتي الله يكون في عونك عليه.
الرجال اذا حط سالفة الزواج في باله الدنيا بأكملها ما راح تغير له فكرته. خليكي انانية وحبي نفسك اكثر من اللي حواليكي. وإلبسي عشان نفسك. وكلي أحسن اكل عشان نفسك إطلعي لأحلى الأماكن عشان نفسك ولا تسألي عنه ولا حتى تشوشي تفكيرك فيه. مرده لإلك. وخلي اعصابك ابرد من الثلج. |
مفيش غير ربك والله
هو بس اشكيله واستغفريه وشوفى حقك هيجيلك تالت ومتلت |
مثل مصري بقول
حبيبتي لي جارة مصرية قالها جوزها بدي اتجوز عليكي قالت له (اللي خدته القرعه تاخده ام الشعور) قلتلها شو يعني قالت لي اللي اخدته انا راح تاخده هي يعني ما ح تستفيد فهمتي يعني ازا لئيم معك ح يكون لئيم معها واي شي بيعملك اياه ح يعملها اياه ممكن اول شهر يكون منيح بمثل عليها انه منيح بعدين برجع لطبعه الاصلي
بعدين الله يعينك يكون معك |
كل يوم تزيد قناعتي أنو
الزوجة اللي تدلع زوجها وتلاحقه وتراقبه بكل أموره , زوجها بالمقابل يبعد عنها ويهملها ومايعاملها بالمثل .. والزوجة اللي مهملة زوجها ولا تعرف أيش أكل ولا أيش لبس ولا تهتم تعطره ولا تضبطه , يكون لها أحسسن زوج ويدلعها ويحبها ويكرمها .. والله كل يوم أقول لا يا بنت ما أحد يقابل الإسائه بالإحسان بس الظاهر أنو هذا الصحيح .. خالتي أشتركت مع رقم شيخ بالجوال يرسلها رسايل عن الحياة الزوجية .. يقول بالرسايل بما معنى ما قال : لا تلاحقيه وتسألي عنه كثير خليه هو اللي يلاحقك وصيديه .. لا تهتمي فيه كثير واجعلي لك اهتمامات أخرى .. والله أنو صادق قاعدة أشوف حياتي وحياة سلفتي : مع أنهم أخوات من نفس التفكير والبيئة , بس هذا لاني أهتم فيه وأبخره وأطلعه كأنه أمير , واتصالات ومسجات حلوة وأنواع الدلع ما يعاملني مثل ما أخوه يعامل زوجته الحمد لله على كل حال بس برضو لكل رجال طبيعته يعني ما تروح وحدة تنفذ هالكلام وبعدين تقول أم زرع قالت :11: |
لا والله صدقتي يا ام زرع الرجال يموت في الثقيله واللي ماتخلي الزوج محور اهتمامها ويحب الطماعه اللي بس تطلب منه فلوس ويحتقر اللي تخليه يتصرف في فلوسها
وفيه مثل يقول الرجال مثل الكوره اذا حطيتيه على راسك طاح واذا شتيه على الجدار رجع لك وفيه مثل ثاني ولايزعلون اخواني الرجال ان الرجل مثل طابع البريد ...... [caution]اختي الكريمة يرجى مراعاة القراء في اختيارك للعبارات الإشراف[/caution] |
زوجه احمد مشكوره علا الرد الجميل واحب اوضحلك انا عشت معاه تقريبا 9 سنوات مادري هو ايش يحب ويقولون المراه غامضه والله هوخلاني مغمضه
GREEN مشكوره علا الرد بس كيف تاقلمتي معه احاسيس انثى مشكوره علا الرد كلامك اعجبني بس حتى انا مستغربه كيف حط عذره شغل كل يوم وهو هالحين يتهرب؟؟؟؟ Crestallaمشكوره علا الرد الشموع اذا ماحطيتهم هالحين متى بحطهم لما يصير عمري خمسين asaif مشكوره علا الرد انا لما اتحصنت حسيت اني احسن لاكن يرجع ويكررافعاله بالنسبه لاهتمامي به اهتمام كثير جدا واذا سالته مالذي يرضيه مايرد ويتهرب من الاجايه !!!! حبوب وحنين مشكور علا الرد تخيل ساعات اتمنى انام واطنشه ولا اعبره بس ماقدر اخاف انه يمسكها حجه عليه .....صدقت هذا حال الدنيا محد مرتاح mona مشكوره علا الرد بالنسبه للون الاسود خلاص رضيت فيه بس باقي مارضيت من تصرفات زوجي الذي يعاملني بجفا fatounie مشكوره علا الرد صدقتي مرات اقوله ليش ماتقولي انتي حلوه او طبختك لذيذ او تسلم ايديكي قال الواحد مانمدحه قدامه نمدحه من وراه((يبرر موقفه)) ومشكوره مره ثانيه علا الرد وعلا المثل المصري ساندي حبيب مشكوره علا الرد انا مقتنعه تماما اذا كان له نصيب بياخذة والي مكتوب علا الجبين لازم تشوفه العين المصريه مشكوره علا الرد والله انك صدقتي استغفر الله الذي لا اله الاهو الحي القيوم واتوب اليه ام زرع مسكوره علا الرد ماكنت ادري ان السالفه كذا اضاهر لازم ارخي شوي لازم اصير مثل البحر مد وجزر اقنعتيني ام السناعه مسكوره علا الرد ذكرتيني يقولون الثقل صنعه شكلي ببدا اثقل بس كيف ماعرف الي فقلبي علا لساني والي احبه احب القمه بايدي ******************************************** بس الا هالحين مارد علي خبير علم نفس او استشاري مختص في المشكلات الاسري فرايهم ايضا يهمني مثل رايكم تماما ******************************************** تدرون جاني بالليل بعد ماخلص دوامه يقول وش هالزين بس خلاص ماتنفع احس انها ماهي من قلبه بس لاني زعلت بس سو نفس الحركه نام ولا كان انثا قدامه ؟؟؟ |
ولا تضيقين صدرك ولا شي
كل الرجال كذا الا من رحم ربي تصدقين انا عندي نوعين لبس للبيت نوع لبس اذا كان رايق وفاضي لي ونوع ثاني للايام السودا الا مااشوفه الا نايم او ياكل او يطالع التلفزيون شوفي انا زوجي راعي سفريات كثير ودايما اذا سافر ورجع يكون شوي رومنسي فاتعدل واطلع الملابس الحلوه واذا جته الحاله تجيني الحاله معاه واعيش حياتي مع عيالي وكمبيوتري بعيد عنه |
كل ذلك يفعله زوجك من دون سبب ..معقول !!!!!!!!!!
|
الله يكون بعونك
|
الله يكون في عونك لاتياسي اكثري من الاستغفار
|
Green مشكوره علا الرد بس كيف تاقلمتي معه
عندي مشوار مع ابني ومن ثم بخبرك سلام |
معقولة كل هذا تسوينه وزوجك ماتحرت له شعره صراحة مو طبيعي اكيد احد صاككم عين عشان يتهرب منك وتتنكد عيشتكم صدقيني شغلي سورة البقرة وادعي واستغفري زوجك بيرجعلك بتشوفين
|
يا اختي هو كده من اول الزواج؟ ولا تغير مع الزمن
|
اختي بكلمك على طول من غير مقدمات
زوجك شكله من النوع الشمالي وهذا النوع يحب الحرمة الثقيلة اللي هو يجري وراها وهي تتغلى مايحب الحرمة اللزقة اللي رامية نفسها عليه رمي لانه نوع مراوغ وحيال ومغامر يحب المغامرات ومن ضمن مغامراته انه يغامر في الوصول للمراة .. ان شاء الله فهمتي كلامي .. اسمعي اشغلي نفسك عنه اتركيه بس ماتقصري في واجباتك ابدا اطبخي اكله رتبي بيتك اهتمي في نفسك ثم نفسك ثم نفسك وفي عيالك لما يجي استقبليه بابتسامة حلوة وسلام وعلى طول اشغلي نفسك عنه حضري الغدا قولي له تبغى شي عندي شغل ماخلصتها غسيل مثلا .. في المسا وقت يكون جالس مثلا لاتجلسي معاه اوقفي من بعيد عنه وقولي له تبغى شي حبيبي اذا بغيت شي ناديني واشغلي نفسك حتى لو تنزلي ملابسك كلها وترتبيها من جديد وحاولي كمان انك توريه انك مهتمة في نفسك اكثر يعني بيني له وانتي تاكلي انك تعملي ريجيم وانك خايفة على صحتك والعبي رياضة لو عندكم نادي سجلي فيه وقتك في البيت بعدي عنه اقري كتب او مجلات او اكتبي او مارسي اي هواية لك دفنتيها باهتمامك فيه العبي مع عيالك ارسمي شوفي تلفزيون .. يعني خليه هو اللي يجري وراك واذا طلب منك شي لاترفضي بالعكس بكل روح رياضية وبابتسامة حلوة تقبلي منه وسويله اللي يبغاه لانه من النوع اللي يثور بسرعة ويدور سبب عليك خليه يجلس تايه كل تفكيره فيك وفي غموضك راح يكون كل تركيزه عليك انتي وابدا لاتغيري هذا الشي اذا لاحظته اي تغيير عليه انك لو رجعتي زي اول بيعرف انك تمثلي عليه وراح ينفر منك اكثر وممكن يجي يوم هو اللي يسويلك ليالي رومانسية لازم تثبتي شخصيتك وتفرضيها عليه وصدقيني انتي بكذابترتاحي وتشوفي حالك وتعيي حياتك مبسوطة مو عايشة في قلق وهم وتفكير فيه هو بس ايش اسويله ايش راح يقول هذا بيعجبه هذا ماراح يعجبه لا لا لا لا حبيبتي الزم ماعلينا صحتنا اي نعم مانقصر في حقوقهم ونقوم بكل واجباتنا لكن في نفس الوقت مانهمل نفسنا على حساب راحتنا وصحتنا ولك مني كل الدعاء بالتوفيق .. اختي رددي اللهم سخر لي زوجي واجعله سكنا لي وسخرني له واجعلني سكنا له واجعل بيننا مودة ورحمة .. لاتنسي طمنينا عليك |
ام خالد مشكوره علا المرور بس كيف مايضيق صدري والصبر نفذ خلاص ماعاد اتحمل
طي قيد مشكور علا المرور مادري والله انه بدون سبب ممكن يكون فيه شي مايبي يقولي حاولت اساله انت مضايق مني فيه شي يقول لا انتي حساسه بس سديم السماء مشكوره علا المرور والله يكون في عوني اللهم امين لا دموع بعد اليوم مشكوره علا المرور والله اني احاول اكثر من الاستغفار وحسيت بارتياح green مشكوره علا تحمسك معي وانتظر ردك طيب القلب مشكور علا المرور بصراحه انا كنت شاكه لانه افضل واحد في العائله اخلاق كرم ناجح وكل بنات عمه يتمنونه وانا اصير له من بعيد بس من نفس العائله وهو يدللني الا الان كل طلباتي مجابه تقريبا وانا اشهدله ومطلعني قدام الناس ياهيله لا تنكتين وماحد يعرف وش اسرار البيوت زوجه احمد مشكوره علا المرور هو اتغير له فتره متغير صرت ماقدر افهمه جناين ورد مشكوره علا المرور حطيتي يدك علا الجرح مو انا زعلت منه قبل امس لانه جرحني وقفت الرسايل ووقفت عن الكلام الي ماله فايده يعني اذاقالي وش اخبارك اقول الحمدلله واسكت اخليه يسحب الكلام مني تسحيب واذا دخل البيت اعطيه العشا واقول انا مسويه رجيم واروح انام انا الي انام موهو والله اني شفت اسنانه الي من زمان ماشفتها ((صار يضحك يبتسم ))الا يبي يراضيني بس كيف اعرف انه شخصيه شماليه ؟؟ وانا اتاخذت قرار اهتم فنفسي اكثر واصير انانيه شوي مده شهر بجرب وبطمنكم بموضوع ثاني لاني اتخذت قرار اني اخليه هو الي يتصل مو انا برجع لهواياتي الي تركتها علا شانه بكمل دوره الانجليزي الي تركتها علا شانه هو واولاده بحاول اشغل وقتي بس ماعرف كيف اواجه تحطيماته الي زادت عن حدها |
شكلك انتي خفتي من سالفة زوااجة
واعطيتية جووووووو زيادة عن اللزوم وتغيرتي للأفضل بس هو ما يبغاااك تتغيرين هو يبغاك زي ما تزووجك تحبية بعقل وتهتمي فية بعقل مو كذااااا كل يووووووووم لبس وبخوور ومو عاارفة اية لاااااا خليكي مثل قبل ما يفكر يتزوج واذا بغى يتزوج يااعمري بيتزووج سوا ولعتي شمعة حمرااااااا والا شمعة صفرراء حتى يعني خليكي طبيعية مو حلووو الوحدة تتفجع وتبين انة حيااتها من غيرة صفر على الشمااال خلاص عيشي حيااتك زي ما حبك وتزووجك يوم ناايمة ويوووم ماللك مزااج تلبسي تعباانة من شغل البيت مو كل يوووم بخور وعطوور تلاقية ينكتم من ريحتهااااا ويتعذررررررر وام زرع كلامهااااا سليم الرجل زي الظل كل ما لحقتي ورااة هرب منك اثقلي الثقل صنعة وممكن زوجك لقي وحدة ثانية وحب يتزوووجها ومتثيقلة علية عشاان كذا بالة مشغوووول بس هو يحبك لأنة ما فررط فيكي لكن الزواااج من اخرى لا تخلية يدمررررررر نفسيتك ابدااااا والله يكتبللك الي فية الخير |
عفوا أختي بس هو من بعد الولادة مانام معك ؟؟!
إذا ايه فأكاد أجزم إن زوجك عنده مشكلة والوضع أبدامو طبيعي ..! أما إذا كان نام معك ثم صار يتجاهلك فأقترح عليك تروحين لطبيبة نساء تفحصك يمكن صار عندك توسع بعد الولادة .. الله يصلح أوضاعكم ويخليكم لبعض .. |
اختي كان لها نفس المشكلة
اخت زوجها من كتر الغيرة ان اختي جامعية وتهتم بشكلها واولادها حاولت بطيب والبطال تقنعو انو يتزوج غيرها بوحدة حلفت ما تتزوج الا هوا وبالفعل لحست لو عقلو والرجل انهبل لدرجة انو طرد اختي من البيت هي واولادها 3 وبعدين ندم ندم ما بعدو ندم ورجع اختي واعطاها مبلغ مادي كحسن نية والمشكلة استمرت حق سنتين وشوية من محاولات اختو انا اظن انها باقي تحاول تخرب عليكي وزوجك طايح في النص ومستحي يواجهك لانو يحبك مرة والتواصل بينك وبين زوجك صار معدوم انصحك تتصلي على الاستشاريين حقون المشاكل الزوجية واذا انتي من السعودية انا اعطيكي الرقم بس ارسلي ايميل عشان اعطيكي بشكل اسرع انا كنت حاطلق ومدري ايش خلاني اتصل وبالفعل انحلت مشكلتي ولا السحر وبشكل مرضي |
daimound22 مشكوره علا المرور وعلا سالفه خفت والله الكذب خيبه خفت كثير
بس والله مادري اش اسوي احس اني مشتته جنه الدنيا مشكوره علا المرور كيف راح عن بالي ممكن يكون هالشي هوالسبب ؟؟ لو ما احبك مشكوره علا المرور ممكن الرقم علا الخاص |
اقتباس:
اجل مثل الطابع البريدي *:22: أختي الفاضله وله * لا أخفي عليك فيه ازواج انانيين * وفي المقابل فيه ازواج يقدرون ماتصنع زوجاتهم* لكن إذا حست الزوجة أن زوجها لا يقدر ماتعمل له * تحاول أن تعيش طبيعيه * تعتني بأولادها وبيتها ولبسها بدون مبالغه * وتكون ثقيله في كل تصرفاتها وكلامها * ولا تسأل عنه * وتحاول أن تنام قبل قدومه ليلاً * وأكرر لا تهملي بيتك ولبس وأكل زوجك * ولا تمنعيه من حقه الشرعي * يعني عيشي طبيعيه بدون مبالغه أو مجاملات * وأن شاء الله يعود لك زوجك * ويقدر ماتقومين به * تحياتي |
قرأت مشكلتك وجميع الردود و بصفتي رجل أقولك بأن أفضل رد من وجهة نظري هو للأخت جناين ورد ...اسمعي كلامها
......................... وبالتوفيق ان شاءالله |
زوج عتيق مشكور علا المرور اضاهر هذا الي استنتجته الثقل صنعه بجرب
الحنون بما انك رجل يهمني رايك اكثر ومشكور علا المرور وجناين ورد كلامها منطقي اهم شي دعواتكم لي ياخوان واخواتي في الله انه يسخر زوجي لي ويرجعه مثل اول واحسن |
اعانك الله وفرج همك وقصتك ابحثي فيها هل مااصابك عين او متأثر بكلام احد او صدر منك شئ ما
المهم عليك بالدعااء واستخدام الرقية الشرعية فالقرآن شفاء واعلمي ان اللحياة الزوجية مراااحل وفقك الله على تجاوز ازمتك بخير |
قلم مبدع مشكوره علا المرور ((اللهم امين ))
|
الله يكون بعونك لكن لا نستطيع اصدار الاحكام من غير ان نسمع من الطرفين فهناك حقائق نجهلها
|
صمت وسكون مشكور علا المرور
كيف اسمع الطرف الثاني وهو مصر علا السكوت |
اقصد نحن عزيزتي لا نستطيع ان نحكم بدون ان نسمع وجهة راي زوجك
|
| الساعة الآن 07:36 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©