|
عندما يقترب موعد الزفاف أشعر بألم وخوف
السلام عليكم ورحمة الله وبركاته
أخواتــــــــــــــــــى : أشعر بحزن وألم ,,,لا أعلم لماذا؟ على الرغم أن سعيده مع خطيبى وأحلم يوميا بالزياره الاسبوعيه حتى أجده بقربى كم يمر هذا اليوم سررررريعا لكن بمجرد خروجه من باب المنزل تاتى حالتى اليوميه حتى تنكد على باقى اليوم واقضيه فى غرفتى بكاء لا أعلم إلى متــــــى هذه الحاله ولماذا أشعر بالخوف من مستقبلى هل بالفعل كل البنات بتمر بهذه الحاله قبل الزفاف ام أنا فقط وكيف أخرج من حالتى حتى أسعد زوجى معى لأن أحيانا بيتصل بيى ولا أرد على أتصاله خوفا من حزنى الذى يتكلم فى صمتى |
حبيبتى ليه كده
بالعكس أفرحى وعيشى حياتك سبب بكاءك وسبب نكدك هو انك خايفه من مواجهة حياة جديده بس انا بقولك ان شاء الله سهله طول ماانتى واخداها ببساطه ومش معقده الدنيا أفرحى بخطيبك اتكلمو فى حياتكو الجايه فى بيتكم فى الاطفال اللى هتجيبوهم ان شاء الله انتى كده بتضيعى أحلى سنين عمرك فى نكد طيب ليه وايه يستاهل ياحبيبتى أحنا مابنصدق حاجه تفرحنا او يوم نفرح فيه ماتفكريش فى اى حاجه وحشه تعكر صفو مزاجك :( بالعكس فكرى فى الجاى وحياتك الجايه اللى بإذن الله تكون سعيده:d وشوفى ايه مضايقك ولازم تقوليه لخطيبك أكيد هيساعدك وخصوصآ لو كان هو سبب فيه ولو فى حاجه تانيه مزعلاكى ياريت تقوليلنا ويمكن نقدر نساعدك ياحبيبتى :29::29: انسى العياط والهم وعيشى أحلى أيام حياتك مع خطيبك وحبيبك ربنا يخليكو لبعض يارب :22: ها قوليلى بقى أمتى هنفرح فيكو.؟؟؟:14::14: |
انا ردت عليكى فى موضوع وكتبت كلام على انى قدمت على كورسات ومش عارفه كتبته فين وقاعده ادور مش لاقيه لو عرفتى أبقى قوليلى انهى موضوع او حطيلى اللينك وشكرآ ياحبيبتى
|
اختي الحبيبة المصرية
ارجووووووووووووووكي لا تكرري غلطي اليوم الساعة 3 و نص الفجر سمعنا زمامير السيارات من بعيد و عدت من قدام بيتنا سيارة عرسان مشرعة و السيارات قبلها و بعدها كأنها موكب ما شاء الله تبارك الله تعرفي ساعتها ايش اتمنيت ؟؟ اتمنيت ارجع اعيش هذا اليوم من جديد و اتمنيت اني ارجع تاني بالزمن لورا و اعيش كل يوم من اللي فاتني والله والله والله اتخيلت ايام زواجي و كيف كنت كئيبة و زعلانة طول الوقت انا مرة حساسة و كنت مرة خااااااايفة و قلقانة و لكن بعد ما انتهى كل هذا و صارت حياتنا روتينية فقت لنفسي و حسيت بالقهر من حالي و زعلي اللي انا حطيت نفسي فيه و انا الوحيدة اللي ما استفدت ولا شي نصيحة من اخت تحبك سيبي عنك التفكير السلبي و عيشي كما لو انك العروس الوحيدة في الكون و محدش حيكون فرحان قدك يوم فرحك و لا تنسي تفرحي من دحين عشان تسيبي ذكرى حلوة في بيت اهلك و في نفسك و الله يسعدك و يهنيكي |
اقتباس:
والله ياحبيبتى ماعرف حياتى متلخبطه استغفر الله حتى جهازى فى اشياء كتتتتتتتتير ناقصه عايزه انزل واجبها واجى احضر نفسى واكسل على اخر لحظه واقول لأخويا انزل انت جبهالى:( وكل مافكر فى اللى حاجات اللى محضراها اعملها زى المسكات والسنفره للجسم وهذا الاشياء الخاصه بالعروسه أجى بردو ويفوووووووت اليوم وماعملهاش لأن الجو برد جداا:24: وحتى النوم احلم ان فرحى جيه وانا لسه ماشترتش الفستان :21::21: بجد نفسيتى تعباااااااااااااااااااااااااااانه والمنفس الوحيد هو البكاااااااء :21: هــــــــــــــل أخد مهدئ نفسى هذه الفتره ؟ عندى توتر مأثر على بشرتى حب الشباب كتر جدا رغم ان بدهن علاج لحب الشباب وشعر بيتساااااااااااقط من يوم خطوبتى وبجد ماليش نفس اعمل حاجه ولا اتكلم مع خطيبى حتى محتااااااااااااااااااااااااجه مساعدكم بالله عليكم وهل حدث معاكم كذلك |
اقتباس:
أختى والله حالتى صعبه صعبه صعبه طووووووووووووووووول اليوم زعييييق ونوم وعياط وولاد أخواتى مطلعه عنيهم :15::15: لوحد قرب منى مع انى بحبهم اووووووى وانا اللى مربياهم بس عصبيتى الايام دى رهيبه وسبب الله يسامحه خطيبى لأن من المفروض فرحنا فى الصيف على الاجازه أخر شهر 6 ميلادى مصمم يعمله فى فبراير او مارس استغفر الله بجد مش فاهمه اقولوا ايه انا فعلا غير مستعده نفسيا ومتوووووووووووووتره جدا وحياتى متلخبطه ومش قادره انام حتى بشكل طبيعى وكوابيس يارب رحمتك محتاجه مهدئ فعلا نفسى أيه راييك وهل فى شيئ ممكن تنصحونى بيه وهل فعلا كل عروسه ليها جدول منظمه فيه هتعمل ايه يوميا لضييييييييق الوقت :29: |
اختي الحبيبه
اكثري من الإستغفااااااااااار وقراءة القرآن فهو يريحك وتكوني مطمئنه (الا بذكر الله تطمئن القلووووب) مع الدعاء بالتوفيق وغيرها اعتبري هذا آخر اسبوع تقضينها في بيت اهلك عشان تتحركين لاتتنتظرين ويجي يوم الزفاف وانتي ملخبطه مدري وش تسوين توكلي على الله ابدأي من الآن اعملي الجدول وكل شي بيومه وايضا ساعات يوميا للبشره وغيرها الكثير وفقك الله لكل خير ويسر الله زواجك وحفظك الله من كل شر اللهم آميييييييين |
اكثري من الإستغفار وقراءة القرآن فهو يريحك وتكوني مطمئنه
(الا بذكر الله تطمئن القلووووب) مع الدعاء بالتوفيق وغيرها وصلاة الاستخارة لا تنسيها وياليت أختي تدخلي على الموضيع اللي تساعد في كسب قلب وعقل الزوج فيه الموضوع هذا لــ د.خالد بن صالح المنيف هذا ما يريده زوجك ! http://www.66n.com/forums/showthread.php?t=178481 |
الف مبارك مقدما
حقلك عن نفسي انا لما عقدت قراني تزوجت بعدها بسنة وكان خطيبي مسافر بعد عقد القران بشهرين ولاني بحبو موت وتعلقنا في بعض كتير كتير كتير تعزبت كتير وهوة مسافر وكنت اعد الايام لنتزوج واتازم نفسيا لما الظروف تكون غير واضحة يعني ماكنت اتخيل حد نفسو يتزوج قدي ولا وحدة بتحب خطيبها قدي موعد زفافي كان بشهر 3 ورغم انو ماعرفت انو بشهر 3 الا قبله باسبوعان لظروف زوجي في عمله لكن من قبل 3 شهور بديت اتازم نفسيا من ناحية الزواج يعني كنت ابكي كتير واحزن لاني ساترك اهلي وصرت ندمااااااانة لاني ضيعت الايام الي راحت في الزعل و البكا عشان خطيبي مسافر وكنت اقول كان لازم استغل هاي الايام احسن استغلال بس الي فات ماعمرو برجع فكنت ابكي وزعلانة خاصة اني حتغرب فرحانة كتير عشان حتزوج وحشوف زوجي اخيرا بس كتير خايفة من الزواج واحساس غريب واختلاط كبير في المشاعر من ناحية ابتعادي عن اهلي والحياة الجديدة وكل شي كان غير تماما مش متخيلة نفسي خلص طالعة من بيت اهلي لبيت جوزي وكلما اقترب الزفاف ابكي واضحك وافرح واحزن بنفس الوقت وتزوجت وبكيت لما دخت وسافرت لزوجي وبقيت هناك فترة ابكييييييي ومحتارة ابكي ولااضحك فجاة اكون سعيدة تلاقيني قلبت ابكي والعكس صحيح وعدت الايام عخير الي بتحسي في طبيعي جدا بس اهون بكتير من لو انك حتتغربي احمدي الله حتشوفي اهلك وقت مبدك ماشاءالله الله يتمملك عخير |
وعليكم السلام والرحمه،،
اللي قاعد يصير لك اضطرابات عاديه ممكن تحصل لاي عروس وكلي ربك وابعدي عنك الافكار الشينه اللي ماتودي ولاتجيب وعيشي يومك ومبروك سلفاً :) ،، موفقه خيه . |
ياحبيبتى لا ماتاخديش أى حاجه أبدآ
كلنا والله كده تعرفى أول مااتجوزت طبعآ قعدنا فى فندق مرة واحده فضلت أعيط مااعرفش ليه ووحشونى قوى مع انه كان اول اسبوع بس وكنت عارفه انى راجعلهم تانى بس برضو وعيطت علشان اخويا اللى كنت ديما انا وهو نقار أكتر واحد المهم التوتر ده طبيبعى وانتى لسه قدامك فترة دى ليله يابنتى بسيطه ليه تعذبى نفسك ونفسيتك من دلوقتى انا جيبت فستانى قبلها بشويه مش بكتير انا الاول كنت زيك كده كنت فاكرة الفرح ده حاجه كبيرررررررره تخوف لحد ماجيه اليوم ده وكنت الحمدلله بحاول اكون فى أهدأ حال والحمدلله كنت عروسه أمورة ههههههه عقبالك يــــــــــارب ليه الواحد يعذب نفسه وعلى ايه ربنا باذن الله هو اللى بيسهل حتى لو انتى مجهزة كل حاجه ياحبيبتى بعدين بالنسبه للجهاز مش ضرورى كل حاجه بالظبط تبقى جاهزة والله انا بشوف ناس كتير بيتجوزو وبتكون حاجات نقصاهم وحاجات من الاساسيات كمان تلاجه ..نيش حاجه كده فاتخيلى انتى بقى رفايع ماحدش ياحبيبتى هيدور وراكى انتى جيبتى ايه بس هتوجعى دماغك عالفاضى يعنى طنشى الحاجات اللى مش هتقدرى تجيبيها وبإذن الله تجيبيها بعد كده ...والله مامشكله ماتقريش كلامى وتطنشى علشان ماتتعبيش نفسك الحياة بسيطة يااية والله بس احنا بنعقدها والله بادينا نخليها سهله وحلوة وبادينا نخليها معقدة وصعبه وبالنسبه لعصبيتك انا زيك والله مع ولاد اختى وماما واخواتى بس لازم تخليكى هاديه اكتر وتتحدى اى حاجه بتنرفزك علشان وشك كمان يبقى رايق وهادى مش كل حاجه نكد وهم يابنتى انتى لسه صغنونه قوى عيشى حياتك ياايه الدنيا بخير واوعى تاخدى اى حاجه تتعبك بدل ماتحسن الوضع انتى بس توتر وهيروح لحاله لما انتى تكبرى دماغك من حاجات تافهه مزعلاكى وتفكرى بس فى زوجك احب اقولك ان احنا فى بيتنا فى جميع المناسبات متوترين وبعد كده لما نفتكر نفضل نضحك على نفسنا حاسه بيكى والله ياحبيبتى بس والله اسمعى كلام اختك المجربه ان مافيش حاجه مستاهله زعلك ياقمر فرفشى كده واضحكى وانسى كل حاجه وحشه وفكرى فى كل حاجه بتفرحك وبس والف سلامه عليكى من كل شر أختك منى مامة نور |
وعليكم السلام ورحمة الله وبركاته بالعروسة المتعبة بس هنعمل ايه بقى طبعا اكيد انت تعبانة وطبعا تعبى عريسك وامك وابيك طيب ليه كده بس يا اختى استعيذى بالله من الشيطان الرجيم وتذكر فضل الله عليك وان الزواج نعمة ما شاء الله من كل النواحى وانه المدخل الى بيت ومملكة خاصة انت الملكة المتوجة بها والى زوج محب بأذن الله يسعى بكل ما عنده من قوة الى اسعادك وان يلبى لك طلباتك فقط من آجل ان يسعدك وانت ايضا تسعديه مدخل لكى تكونى ام بأذن الله تعالى اعتقد يا اختى ان كل هذه المشاعر بسبب انكى ستتزوجى بعيد عن أهلك وستخرجى من البيت الذى تربيتى فيه وتبعدى عن اهلك واحبتك ولكنها اختى هى سنة الحياة وكل فتاه تمر بهذه الظروف ولكن الذكية هى التى تنظر الى الجانب المضىء والى الحسنات وتصرف ذهنها عن الخوف والضيق اذا كان موضوع تسريع الزواج يضايقك فأقسموا يا سيتى البلد نصين يعنى هو عاوز فى فبراير وانت فى يونيو بأذن الله تعالى خلاص خلوا الميعاد فى نصف الفترة يعنى ممكن فى آخر ابريل وقول له يعنى هذا وقت جميل و اول الربيع وبعيد عن برد الشتاء وحر الصيف وكمان علشان اكون اكملت استعداداتى بأذن الله واعتقد لو حاولتى اقناعه بأسلوب حلوا بأذن الله سيقتنع ولن يرفض لان الفرق شهرين لا اكثر بأذن الله ولكن عليك بتوضيح ما فى خاطرك حتى يشعر بك ولا يعتقد شىء آخر ويجب ان تعلمى شعوره فهو صبر سنين طويلة واخيرا وفقه الله لما يحلم به وانعم عليه بفتاه احلامه فلماذا التأخير والصبر وهو فقط يريدك انت ويريدك كما انت ولا يهمه مسكات ولا فستان ولا غيره يريد ان يكون معك فى بيت واحد وان يسعد بك وتسعدى به بأذن الله فيجب ان تشعريه انك ايضا مثله ومشتاقه له ولليوم الذى يجمعكم فيه بيت واحد ان شاء الله تعالى ولكن وضحى له البنت غير الرجل فهى منذوا الصغر وهى تحلم بيوم زفافها وتحلم بفستان الفرح لذا هى تسعى لكى تجعل هذا اليوم هو اجمل يوم فى حياتيها ولا تطيق ان يأتى على غير ما تتخيل هى وتتمنى ولا داعلى الى اى مهدىء نفسى و لكن عليك اختى الكريمة بالمهدئات الروحية والقلبية الربينبة من كثرة قرأة القرآن الكريم ومن قيام الليل والتضرع الى الله ومن اهم الاشياء التى تدخل السرور والفرح الى القلب وتزيل الهم بأذن الله الصلاة على وقتها اى فى اول الوقت يعنى بمجرد ما تسمعى الآذان تصلى فورا لان الصلاة على وقتها من احب الاشياء الى الله عز وجل وعندما تشعرى بالضيق والحزن او الكسل اذكرى دعاء الرسول الكريم صلى الله عليه وسلم اللهم انى اعوذ بك من الهم والحزن واعوذ بك من العجز والكسل واعوذ من الجبن والبخل واعوذ بك من غلبه الدين وقهر الرجال وتذكرى أختى الكريمة ان كثرة الصلاة على سيدنا محمد تزيل الهم وتفك الكرب وكما ذكر الاخوات لا تجعلى اجمل ايام عمرك تضيع فى البكاء والحزن والضيق ولكن استمتعى بها واحمدى الله عليها وتذكرى فضله سبحانه ودائما اجعلى لسانك رطبا بذكر الله عز وجل واكثرى من شكر نعم الله سبحانه وتعالى عليك شكرا بالجوارح قبل اللسان وفقك الله اختى الكريمة لما يحب ويرضى وصرف عنك كل ضيق وهم وادخل الى قلبك الفرح والسرور والراحة والطمأنينة انه سميع قريب مجيب الدعاء |
الأخوات كفوا و وفوا ماشاء الله
ربنا ييسر أمورك يا عروستنا الحلوة |
همـــس القلــوب :أنا بالفعل بدأت أتكاسل صلاه فقط والباقى نااااااادر جدا وأصبحت اقرأ القرآن بصعوووووبه وفى أوقات ضيقه أختــــــــــى مشاعرى مضطربه جدا وعندى أكتــــــئاب بالله تدعولى |
اقتباس:
جزاك الله خيرا ياأختى وبإذن الله هدخل للأفاده أشطرك من قلبى |
اقتباس:
أدعيلى ياملوكه كل ماتتذكرينى وربنا يتمم على خير |
|
الاحساس اللى عندك قلقني برضه ولكن ماسكة نفسي ربما اختلاف الاعمار هو السبب هى دنيا جديدة علينا بس اهم حاجة ان يكون محتوينا دة بيخلينى أشعر بالامان وبفكر في يومي مقعديش أتعب نفسي بالتفكير كتتير وخدة الاموار ببساطة مش عايزة اى شىء يعكر صفوي ولو بسيط يعنى بمشيها ما اوقفيش عندها.......... لان بصراحة الدنيا ما تستهليش زعل وقلق طول الوقت كدة و دي سنة الحياة والايام والسنين علموني ...........يارب لك الحمد ولك الشكر والحمدالله على كل حال ......... همسة في ودانك ما تخفيش يا حبيتي استعينى بالله و ما تبوظيش احلى ايام عمرك
|
الله يوفقك ويسعدك ويهنيك وييسر امورك ويزيل
الضيق من قلبك .. |
اللام عليكم ورحمة الله وبركاته
المصريه الطيبه مال القمر زعلان ليه وانا اقرا موضوعك لفت نظري شي انتي قلتي انو كان لازم تتزوجو في الصيف اواخر الشهر السادس واقترب الموعد لاواخر شهر شباط او آذار احسبي معي حبيبتي نحن في بداية العام الهجري الجديد داخلين شهر محرم وبعده شهر صفر وبعده يا شاطره ربيع اول يعني رح تتزوجي في شهر ربيع اول وكان العرب يفرحون كثيرا بهذا الشهر يعني ادعو الله لكي ان تكون كل ايامك ربيع في ربيع افرحي قومي اضحكي واقرءي سورة ياسين تفاءلو بالخير تجدوه قومي انظري الى نفسك في المرآت وقولي اللهم احسن لي خلقي زوجي وحياتي كما كما احسنت خلقي قومي رتبي نفسك هذه الايام ما رح تتعوض انا معك انو البرد قارس وله دور كبير لما تمرين به ايضا ابحثي عن الضحك وتعلمي المزح والمرح عشان حياتك مع زوجك يعني ما تكوني حساسه وتروحي زعلانه من اي كلمه يقولها اشربي يانسون قومي من مكانك وادعي لاهل غزه فهم الوحيدين اللي يستاهلون دموعنا كم من عروسه بغزه تأجل فرحها بسبب العدوان لا تنسي انه خير البر عاجله والخير الله يقدمو والشر الله يبعدو وانتي والحمد لله رب العالمين فرحك يسرع من نفسه قولي ما شاء الله تبارك الله اشغلي نفسك بالدعاء لاخواتنا المطلقات والارامل والعوانس (ما احب اقول هالكلمه عوانس اكرهها ) هل من كلمه اخرى اجمل انتي عروسه قومي وادعي لنا جميعا بالخير حتى ينوبك من الحب جانب انها وسوسة شيطان حتى ينكد عليكي فرحك اكيد اولاد اختك فرحين خالتو عروسه خذي الفال السعيد منهم الاطفال احباب الله دايما ردودي طويله |
اقتباس:
الله يرزقك الجنه أدعيلى حبيبتى :22: |
اقتباس:
والله ياأختـــــــــــى سبب توترى أشياء كتتتتتتتتتتتتتتتتتير أولا طبعا أنا بعيد عنك بيتوتيه ومابحبش الخروج إلا بصعووووووووووووبه :25: ولما بنزل أشترى أشياء لجهازى مابيعجبنيش العجب وعايزه كل شيئ أعلى مستوى وأشياء المتوفره حاليا ليس قيمه :( مفيش حاجه بتعجبنى وهنا فى البيت بيشجعونى أن أشترى أغلى حاجه وبنزل مالقيش حاجات تعجبنى أوى بس بحاول أختصر واشترى الاشياء البسيطه والحاجات الغاليه انزل بقى اشتريها من القاهره وخلاص وساعتها ماعتقدش ان هكسل عشان خطيبى أكيد هيجى معانا :17: وأيضا أختى بتوترنى وبتتعب نفسيتى وهى سبب حالتى الله يسامحها وخطيبى من النوع العرسان اللى مابتحبش الخطوبه الطويله وهو قالى أقصـــــــــــى رقم 6شهور غير كده مستحيل حتى لو هخطفك :(>>>>>>>>وش إيجرام حضرته:d عموما ياأختى لأول مره أقعد أفضفض لزوجى بمشاعرى الميئوس منها وهو الراجل بجد عداه العيب :30: طمنى جدا كان ناقص يقولى ألبس أنا الفستان بس نجوز :14: الحمد الله والله هو طيب اوى بجد وده بيطمنى كتتتتتتتتتتتتير :22: |
و الله انا مع اني كنت رايحة على غربة و تاركة أهلي بس ما كنت لا أبكي و لا أخاف على الاطلاق
(للعلم انا كنت جاهلةتماماً بالأمور الجنسبة يمكن هذا أحد أسباب عدم قلقي وقتها) و لكن بشوف ناس متل ابنة عمتي كتير كانت متوترة و بتبكي وقت زفافها و قبل بكم يوم و دائما متوترة و كل ما اجت سيرة الزفاف بتنزل دموعها و كأني رايحة تتزوج المارد التنين و لا الشبح الأزرق ... كانت تقول لأني رح اترك اهلي .. ما كنت شوف انها لهالدرجة بتحب أهلها لكن يمكن لأني كانت واصلة لل 30 و هي طوال هذه السنوات عايشة مع اهلها لذلك يمكن تركهم كان صعب عليها بينما أنا تغربت لدولة تانية للدراسة لما كنت 17 و بعدها انخطبت فكات تعلقي بأهلي أقل و الله ما بعرف بصراحة الجواب عندك إما انك متعلقة بأهلك زيادة او أنك خايفة من الأمور الجنسبة أو خايفة من مسؤولية الزواج الله أعلم |
اقتباس:
أخى لا تنسانى بالدعاااااااااااء ومايحدث أشعر أنه قل النهارده بعد ماتكلمت مع زوجى لأنه جعلنى أطمئن جدا الحمد الله |
اقتباس:
اللهم آمين يارب ولك المثل :22: |
اقتباس:
بكــــــــــــره أوحشكم وتقولوا فين أيامك يامصريه :d أنا صديقتى كانت زيى وأخدت مهدئ نفسى ونصحتنى أعمل كذلك لأن بشرتنا بتتأذى وشعرنا بيتساقط :25: بس الحل فعلا مهدئ إلى الزفاف بإذن الله :22: ياااااااااااااااااااااااااااااااااارب :14::14::14::14::14::14::14::14: لازم أدلع :23: حد يلاقى الدلع ومايدلعش :d اللهم آمين ياأحلى أم جمااااااانه فى الدنيا وعقبال سلوى يارب :17: |
بالنسبة لبشرتك يا بنتى لو بشرتك دهنية طبيعى جدا في الوقت دة في الشتاء الحبوب الشباب بتظهر كتتير بسبب انسداد المسام وعدم امتصاص بسبب البرد ودة بيحصل معايا والعكس في الصيف لان الحر بيفتحها المسام شوية بس لازم اغسلها يوميا بالماء الددافى واكل العسل ابيض وكمان ساعات بدهنها بخل التنفاح المخفف ابعى عن الشكولاته والنسكافية والشبيسي والبيبسي والمقليات والطرشي وغيره وخصوصل قبل فترة الدورة الشهرية
اهم من دة كله اول ما تصحى من النوم ملعقة عسل أبيض وكوباية مياة على الريق كل يوم هتبقى زى الفل اشربي المياة بكثرة لان الماء يسبب بيحافظ على نضارة الوجه ما تسمعيش كلام صحبتك مش كل حاجة ينفع عليها ينفع عليكى مهدئات اية يا بنتى هو انتى داخلة حرب اعقلي خديها ببسااااااااااااااااطة كل الناس ماشية حالها |
اقتباس:
الحمد الله فى حد زيى ومعااااايه :14::14::14::14: مووووش هبوظها خلاص بستعد للفررررحه والله :14::14: |
اقتباس:
الله يرزقك الجنه يارب اللهم آمين |
اقتباس:
كل ماطولى فى الرد كل ماموضوعى ينور زياده وانتى ياتيته الصغيره كلامك ده أكبر نصيحه وهمها لأنك أجمل أم :22: ويتم تنفيذه طبعا بدون نقاش:22: |
اقتباس:
أختى بصراحه ضحكت :d ماتزعليش منى انتى عارفه معزتك عندى:22: بس خوفى راجع للمسئوليه وحياه فيها غموووووووض فقط لاغير :17: |
اقتباس:
هعمل بكلامك رغم انها مش دهنيه هى عاااااديه جدا |
الله يتمم امورك على خير يا عرووسه..
بس سؤال انتي ملكتي ولا؟؟ |
اقتباس:
أيوه ياأختى طبعا بعقد :22: عقبالك ياحبيبتى:14: |
يعنى انتى مكتوب كتابك ماشاء الله لابنا يوفقك ياقمر
|
اولا يا اختى نسأل الله ان يشرح صدرك ويصرف عنك الهم والحزن ثانيا ايه موضوع انك هتغيبى عن المنتدى لا انت عضوا مؤسس ومن الاعمدة ما شاء الله ولن نقبل بغيابك ابدا بأذن الله طبعا الحمد لله ان زوجك اقتنع بالتأجيل لان هذا شىء متوقع بأذن الله طالما معك العذر والحجة واكيد اهم شىء عنده اسعادتك ما شاء الله ويا رب بأذن الله ربينا يرزقكم بمريم وعبد الله ومحمد وعائشة كفاية كده ام نخليها وتر ان شاء الله يعنى خمسة او سبعة ربينا يسعدكم بأذن الله ويتم لكم على خير ويرزقكم الذرية الصالحة وطبعا احنا عاوزين العريس عضوا فعال معنا هنا فى منتدنا الغالى ويكون اخ عزيز لنا نسعد به معنا بأذن الله تعالى ونعود الى قلقك وسببه اختى الكريمة كما ذكرتى وهذا كان توقعى ان قلقك وخوفك نابع من خوف من المسئولية ومن الاستقلال عن بيت الاهل وتحمل مسئولية بيت وزوج بمفردك يا سيتى سيبها على الله وبعدين كل شىء يأتى شوية شوية يعنى انت مش من اول يوم هتلاقى الدنيا على دماغك يعنى فى اول الزواج المسئولية بسيطة جدا بأذن الله وبعدين بتزيد حته حته وانت لا تشعرى بها مثل مسئولية الدراسة يعنى انظرى الى اول يوم دراسة ثم وانت فى السنة النهائية فى الجامعة طبعا فارق رهيب ولكننا لم نشعر بفضل الله لان الموضوع تم على مدار سنين عديدة وبعدين ربينا يخلى لك ماما طبعا مش هتسيبك فى الاول وبأذن الله نصائحها دائما معك وبعدين يا سيتى التليفون موجود يعنى كانها معاك بالضبط فى حال وجود اى استفسار او طلب نصيحة ولا تنسى اخواتك واخوانك فى المنتدى تحت آمرك فى اى مساعدة بأذن الله اما موضوع الآكل فأتركيها على الله وعلى عالم الاغذية والطبخ عندنا هنا ما شاء الله تبارك الله يعنى اعتقد يمكن تمر سنة وانت لن تكررى ما تصنيعه لزوجك بأذن الله سواء من الاطباق الرئيسية او السلطات او حتى الحلويات بس طبعا الله يكون فى عون زوجك بقى اول كام يوم يعنى لازم يستحمل شوية مش هو مستعجل خلاص يبقى مفيش زعل بأذن الله وطبعا مفيش مانع انك تبدأ فى التجربة من الان وتقفى مع الوالدة يدا بيد يعنى تدريب صيفى كده بس انت اعتمدى على الله يا اختى الايام ده هى اجمل ايام فى الزواج كله والله يعنى انا لو كنت اعرف كده كنت جعلت فترة العقد سنة مش شهر واحد استمتعى بها انت وزوجك بأذن الله واجعلوها ايام سعيدة ومليئة بالذكريات الجميلة التى تسعدكم عندما تذكروها بعد الزواج بأذن الله تعالى |
اقتباس:
الحمد الله ياأختى مع أن أنا شخصيا إلى الان لم أصدق الموقف:d الله يوفق الجميع يارب |
اقتباس:
أنا وهو منتظرين شهر العســــــــــــــــل لأن هو الراحه بعد التعب والصداع اللى بنمر بيه والضفط والحاله النفسيه اللى عندى وعنده لأنه فى ضغط نفسى فظيع الله يكون بعونه جواز + مشروع جديد والكســـــــــاد :( مزود الضغط |
الله يهنيكي ويفرحنا فيكي انما شو تغيبي عن المنتدى
اخبري العريس انو الاعضاء عاوزينو يدخل معنا ويكون عضو فعال ونشيط قولي له ما في غياب غير بشهر العسل رترجعي يدك بيده داخلين ومنورين الله يهنيكم وعقبال كل اللي يتمنى العذاب الارامل والمطلقين واللي تأخر عليهم سن الزواج تقولي في احد ردردك انو اختك سبب توترك حمليها خفيف واسمعي اللي يعجبك وطنشي عن الباقي ثم حبيبتي مش كل شي غالي منيح هذه نصيحه كلو صاير شغل الصين واكثرو تقليد رح اقول لك قصه حصلت لوحده هنا في استراليا كانت كلما ارادت ان تشتري فستان الفرح لابنتها تلاقي مكتوب انه صنع الصين وتقول لا لا لا رح احضر لبنتي فستان فرحها من اوروبا ودخلت النت وبحثت واعجبها فستان جميل جدا ودفعت ثمنه باليورو ودفعت مبلغ كبير لاحضاره لتسرع لانه اقترب موعد الفرح يوم الفرح وهي تساعد ابنتها في لبس الفستان قرأت عليه [ SIZE="4"] made in china [/SIZE] ابحثي عن الجميل ويكون من النوع الوسط وما تكثري جهاز لانو جسمك رح يتغير ثم لا تخافي من المسؤليه اهم شي حياتك انتي وزوجك تكوني سعيده معه ساقول لك ما قلته لابنتي قبل زفافها انتي وعريسك طريقان =كهذه مختلفين بالعقل والتفكير والشاطره اللي تقدر تقرب المسافه بين الطريقان وتصغرها وتجعلها طريق واحده تتحول من هذه= ====الى>>>>>>>وتصبح ------------- لا تخافي ان الله معك ومن يتكل على الله فهو حسبه |
اقتباس:
الحمد الله أكتر شيئ مطمنى أن احنا خايفين ربنا لذلك بنتعامل بما يرضى الله عز وجل الحمد الله ويارب ماأتحرم منك ولا من ردودك ياأصغر تيته :14::14::14: |
| الساعة الآن 12:36 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©