|
كيف اوفق بين صغيرتي وزوجي
بسم الله الرحمن الرحيم
تحيه طيبه الى كل اعضاء المنتدى الاكثر من رائع اتمنى ان اجد عند اخواتي ذوات الخبره ما يساعدني في تأديت واجباتي:22: الموضوع اني متزوجه ولله الحمد من ثلاث سنوات كنت اقوم بواجباتي المنزليه على اكمل وجه من تنظيف وطبخ وغسيل وتجمل لزوجي يعني كان يجي من شغله يجدني كالملكه في قصرها ويجد مالذ وطاب من المأكولات........الخ واستمر هذا الوضع ولله الحمد الى ان ولدت وجبت بنت انارت لنا قلوبنا ولله الحمد وعمرها الان تسعة اشهر :15: الله يحفظها قولو امين:22: المهم ان الحال انقلب وصرت ما انظف الا مرتين بالاسبوع والاكل شبه مكرر والغسيل مره بالاسبوع ويرجع زوجي يلقاني بلبس المطبخ وحالتي حاله:24: والسبب بنتي الله يصلحها كل ما كبرت تكبر مسؤليتها وتكثر حركتها ولقافتهاوخصوصآ لما صارت تزحف :29: المشكله ان زوجي اعطاني محاظره قبل كم يوم اني مهملته واني متغيره وما اهتم فيه واني اقوم متأخره وووو وصار يجيب لي من الامثله اشكال والوان:rolleyes: بالرغم من انه كان يقولي اهم شي انتبهي للبنت:16: انا عارفه اني مقصره ومهمله اشياء كثيره بس غصب عني:24: بصراحه ابغى مشورة اخواتي اللي سبقوني بالامومه كيف استطيع ان اوفق بين صغيرتي وزوجي واعمال المنزل؟؟ افيدوني بتجاربكم واقتراحاتكم ولكم جزيل الشكر تم تعديل العنوان/الاشراف |
الله يكون في عونك عزيزتي
ما حبيت ادخل بدون ما ارد عليج ولو بكلمة لأني أسوأ من تقدم النصائح خاصة اني متزاعلة مع زوجي فلو سألتيني نصيحة لقدمت لج وصفة لخراب البيوت :d لكن انا اسمع دوم انه الوحدة اللي في مثل حالتج تكثر من الاستغفار وايضا تقولين سبحان 33 مرة و الحمدلله 33 مرة والله اكبر 33 مرة لأنها كانت وصية الرسول صلى الله عليه وسلم لابنته الزهراء بس تراني مو متأكدة من االموقف بالضبط بس ان شاء الله أحد يفيدج ويصحح لج اللي قلته والله يكون في العون |
والله يااختي انتي وضحي له ان مسؤليتك اختلفت بقدوم بنتك وانك انتي ترتبي وهي تكتشف من بعدك
وانها تسهر اكيد في اليل فأكيد راح تتاخرين في النوم وعليك بالاستغفار والله يعينك |
[QUOTE=غارقة في همي;2057824]الله يكون في عونك عزيزتي
ما حبيت ادخل بدون ما ارد عليج ولو بكلمة لأني أسوأ من تقدم النصائح خاصة اني متزاعلة مع زوجي فلو سألتيني نصيحة لقدمت لج وصفة لخراب البيوت :d [SIZE="6"بالعكس اختي]نصيحتك ذهبيه وراح ابداأبالتسبيح وشكرآ لك[/SIZE] |
اختي شيخة الزين مايجي منك الا الزين حاولت افهمه ويقولي اهم شي البنت ولما يزعل يطلع كل المستخبي
جزاك الله كل خير |
الحال من بعضه
من يوم جبت بنتي الله يحفظها وكل شي محيوس بزياده أنا بصراحه ماكنت قمة في أعمال المنزل ولكن عالأقل ما يتكدس عندي غسيل صحون ولا كوي ملابس أما الحين يا سلام بس شوفي كم الملابس الهائل اللي يبيله كوي يجي زوجي وصوتي طالع خناقات مع البنت لأنه كلما تسوين شي هي تسوي شيء وتقاطعك وهكذا وصعب تحبسينها طول اليوم مايمديك تتزينين ولا تسوين أشغالك عسا الغذا يصير جاهز لين يوصل هذه غير الاحباطات المتتالية تغيرين البنت كم ساعه إلا موسخه نفسها تشطفين البيت كم ساعة إلا متوسخ كأنك ما شطفتيه والسيراميك يبان على طول وكل مكان يصير مقرف ومنحاس والله إني مرات تجيني الصيحة وودي ما أنظف ولا أسوي شيء ولكن الحمد لله على الصحة والعافية والأمن والأمان إن شاء الله اللي عندهم خبره يساعدونا وجزى الله خير اللي ذكرونا بالاستغفار نغفل عنه الله يصلح الحال |
الحال من بعضه بس انا قسمت شغلي يعني الصراحة كنت ويين مثلك وصرت اكبر كسولة بحكم اني بعد ماجبت ولدي بشهر قمت اشتغل وابغى ارجع زي اول وماابغى شئ ينقص علي ولا على زوجي فتعببببببببت ومرضتتتتتت وشفت الويل والهلاك وكرهت شغلة البيت كللللللها وجاني اكتئاب فظيع من المسؤلية لاني كنت ببيت اهلي ماني متعودة اسوي شئ وفجاة كل شئ علي وبعدها اشتكيت لزوجي من المسؤلية وقلتله يانا ياشغل البيت فقرر انه انا طبعا:d بعدها صرت مااطبخ دايما ومحددة يومين بااسبوع من برا على اساس ان اليومين هذي اقوم انظف فيها يعني شئ بداله شئ مو كله على راسي اما عن نفسي مررة مهملة ودايما اسمع محاضرات من حضرته بس اطنش واتكشخ قد مااقدر وبس ليومك هذا وانا كذا يعني سنتين تقريبا اي استفسار انا حاضرة :27:
|
الصراحة انا عندي اثنين ولله الحمد
ولدي ثلاث سنوات وبنتي سنة والحمدالله ماشية امووري تماام التمااام ومحاافظة على اهتماامي بنفسي من اول يوم زواااج الى الان وبالعكس تطوورت وكل يوووم وانا كااشخة لأنة بطبعي ما احب اللخبطة احب اكوون مرتبة وما يجي زوجي الا والاكل جااهز وعياالي الحمدالله مهتمة فيهم احممهم كل يومين وانظف بيتي شبة يومي واطبخ يوميا بس طبعاااا ما ارتااح الا اذا ناامو اخذلي كم سااعة على النت واناااااااااااام نسيت اقوولك سويلك جدووول يومي تمشي علية وارتااحي يعني حددي يوم للغسيل كااااااامل ويوم للبيت ويوم كوووي وخلي زوجك يغسل ثيابة برااااا ويووووم في الاسبووع دلعي نفسك وخلية يوومك لأهتماام بنفسك ولاتمسكي شغل غيرررررررة عااد الطبخ الله يعينك |
لازم تنظمي لك جدول لكل اشغال البيت وتوزعيها .. وتخليها اشغال يوميه او اسبوعيه
كمان ممكن تأجلي بعض الاشغال وتهتمي بالاشياء اللي تنزل عليها عينه يعني اهم شئ اكله ثاني شئ انتي وبنتك وتقدر تساعدي نفسك ببعض الحيل اللي تخفف عنك يعني لو انزنقتي في شغل المطبخ خبي الاواني في الفرن ولما يجي يدخل للمطبخ مايلاقي شئ مو نظيف ممكن تعرضي عليه انه ياخذ الملابس للكوي براا كمساعده لك منه واذا ماديا تقدري تجيبي وحده تجي لنظافة البيت تجيك بشكل اسبوعي وتنظف الحمامات والسيراميك وتغسل الملابس وتكوي ملابسك انتي وبنتك عشان تكون جاهزه لك بس تلبسي وتتجهزي له بسرعه وحاولي تنظمي نوم بنتك عشان تقدري تكملي شغلك قبل يجي ابوها من العمل ان شاءالله اكون ساعدتك واهم شئ اهتمي بصحتك عشان تقدري تقومي بكل اشغال البيت تحياتي لك |
هذي مشكله لها حل وهو ان تعلم الزوجه أن مسؤليتها زادت
ويجب ان تبذل جهد أكبر فليس من المعقول ان تهملي بيتك وزوجك لأجل البنت فالمرأه الناجحه هي من تستطيع ان توفق بين بيتها وزوجها وأولادها لأن الزوج لاأعتقد انه يرغب ان يهمل حتى ولو كان بسب ابنته لاكن ليس معنى ذلك ان الأزواج لايقدرون هذا بل يوجد الكثير من يقدر هذا التعب ويعذر زوجته على بعض التقصير لكن ليس من المقعول ان يجدك على النت وبيتك مهملته وتقولي والله بنتي ماتخليني اسوي شي وتقبلي شكرري وبالتووفيق للجميع |
colors
والله إني مرات تجيني الصيحة وودي ما أنظف ولا أسوي شيء هذا حالي دائمآ ولكن الحمد لله على الصحة والعافية والأمن والأمان الحمدلله واشكر لك مشاركتك والله يكون في العون |
طيب القلب
هذه المشكله اننا في بيت اهلنا ماتعودنا على شغل البيت:) اشكر لك مشاركتك وماتقصرين daimound22 ما شاء الله الله يخليهم لكفكرتك اعجبتني وراح اجربها من بداية الا سبوع اشكرك على المشاركه ممكن اسأل:) اذا مشت بنتي بإذن الله هل تكون اريح من وقت الزحف؟؟ على امل اللقاء اشكر لك اقتراحك بس مشكتي إذا قلت له خذ ملابسك للمغسله يقول خليهم وانا اغسلهم عاد استحي على وجهي واغسلهم:) جزاكم الله كل خير |
ابو نايف;
هذي مشكله لها حل وهو ان تعلم الزوجه أن مسؤليتها زادت ويجب ان تبذل جهد أكبر فليس من المعقول ان تهملي بيتك وزوجك لأجل البنت فالمرأه الناجحه هي من تستطيع ان توفق بين بيتها وزوجها وأولادها لأن الزوج لاأعتقد انه يرغب ان يهمل حتى ولو كان بسب ابنته وهذا ما دفعني لكتابة الموضوع لو لم اكن مهتمه لزوجي لما طلبت من اخواتي ذوات الخبره مساعدتي لاكن ليس معنى ذلك ان الأزواج لايقدرون هذا بل يوجد الكثير من يقدر هذا التعب ويعذر زوجته على بعض التقصير لكن ليس من المقعول ان يجدك على النت وبيتك مهملته وتقولي والله بنتي ماتخليني اسوي شي اتمنى ان يكون زوجي منهم ...لعلمك يا اخي لم ولن افتح النت وزوجي يجلس امامي لاني احب ان اجلس معه اثناء وجوده ...وقت جلوسي على النت هو وقت نوم زوجي لانه ينام بدري وانا مرتبطه ببنتي واذا كان نايم اتجنب اصدار اي صوت لا غساله ولا مكناسه ولا حتى مكالمات حتى ما ازعجه وهو نايم وتقبلي شكرري وبالتووفيق للجميع اشكر لك مشاركتك |
الله يكون بعونك اختي اهم شيء مايكون على حساب صحتك الزوج اذاجاء ودة زوجتة تكون على سنقت 10 انتي اهم شيء حن عمرك ولاتتعبين بعدين تروحين فيها واذاطلبك تكون تعبانة
انتبهي لشيءهذا انتي مثل اختي تخيلي كل يوم تجينا وبناتها ام السهر وهي جالسة بالبيت ومرة حايسة هي وبناتها الشكوى لله ومقصرة كثير والله يضيق صدري اذاشفتها ماتتزين كثير لزوجها بس اذا طلعت مع ان عمرها 30 توها والرجاجيل عيونهم زايغة والله ارحمها واروح احيانااناوخواتي والشغالة نساعدها الله يعين خلي يوم للغسيل الجمعه والسبت كوي مثلا والمجالس ترتيبنها بشكل اسبوعي مرة اقصد مجلس الرجال سكرية وبخرية ونظيفة مرة بالاسبوع وجلستكم يوميا رتبيها وبخريها اوشغلي الفواحة واختاري اي زيت عططري ممكن من باب كسرالروتين تتطلعين يوم بالاسبوع انتي واياه بنزهة وتغيرين جو الصغنونة الله يخليها لك يارب وتشوفيها عروسة المطبخ كل يوم لاتنامين وفي بيالة اريح لك ودورة المياة اغسليها مرة باليوم واهم شيء تكونين نايمة كويس عشان تعرفين تشتغلين والزمي الاستغفار والزواج مسؤلية ومافية احد كامل بس الواحد يرتب الاساسيات والله يعينك مرة بالشهر جيبي ذولي وحدة تفكك الشبابيك وتمسح الثريات والاشياء الصعبة ربي يهنيك سوري طولت الله يوفقك |
انااحب الشغل ولوك قريبة كان ساعدتك وحدة تمون
الله يسعدك يارب |
يالله جربي واعطينا النتاايج
اكيد بنتك راح تريحك لما تمشي لأنة خلااص تكون تفهم كلمة لا وكل ما كبرت اكثر راح تريحك اكثر وخليهااا تلعب مثلاا في المطبخ وانتي اشتغلي افتحيلهااا دولاب وخلي فية مثلا صحون وملاعق خشب وتتلهي عنك شوووية والمطبخ يوميااا لازم يتنظف على قوولة زينة ما اناام وفية شي ابداا وبعدين لي شهررين جبت غسالة صحوون الصرااحة فكتني من وقفة الجلي لأنة يهد الحيل وارتحت اشغلها اخر اليوم او مرتين في اليوم وولدي عوودتة يسااعدني يشيل معااي من السفررة ويحط في الغساالة ويكنس غررفتة كماااان بس كنيس اي كلاام لازم اعيد من بعدة بس اسمة يسااعد وبعدين مداام عندك وحدة بس عاادي غسلي ملاابس زوجك في البيت واكوووي الثيااب والسروال الطوويل وملابسة الداخلية انشريها كوويس على المنشر وتجف وطبقيها زي ما هي ما تتغير طبعاا اول ما تطلعيها من النشاافة حطي تحتها مبخررة وسيبيها تبخرلك الملابس تطلع ريحتها حلووووووة والله يعينك يااارب وتصيري احسن ست بيت في الدنياااا |
زينة الغنادير
اشكر لك ردك والله يعين اختك اكيد مثل حالي:) ياليتك جنبي تمونين يالغاليه تقبلي تحياتي |
daimound22
والله يا اختي ريحتيني الله يريحك يعني ما باقي شيء وتمشي بنتي ان شاء الله وارتاح فكرت ابخر الملابس بعد ما انشرها اعحبتني جدآ راح اجربها واغير شوي لاني متعوده اعطر ملابسه بعد ما ادخلها الخزانه جزاك الله عني كل خير واشكرك جزيل الشكر على تفاعلك معي و إنشاء الله اجرب واقولكم ولك تحياتي |
daimound22
عزيزتي ردي عليك جعلني عضو دائم :) :) :) :) |
اختي كم ساعة دوام زوجك ؟؟؟
و هل أنت تعملين ؟ و كم ساعة نومك ؟؟ كم دقيقة يستغرق التلفون مع الصديقات و الأقارب ؟؟؟ ;) لا بد ان هناك وقت ضائع في أمر غير مهم قسمي وقتك حسب الأولويات يعني التنظيف والتزين و الواجبات المنزلية و الزوجية اجعليها أولوية أولى التلفونات و الزيارات و القصص و الحكايا مع الصديقات و الانترنت أولوية ثانية او حتى ثالثة انا شوي مستغربة انك ما بتلحقي لأني انا ابني مهما شغلني يبقى عندي وقت للزينة لأني تبديل الملابس كلها خمس دقايق و وضع الزينة ما بحتاج أكتر من ربع ساعة و بالنسبة لتنظيف البيت و الترتيب لو تعملي هالشي أول بأول ما بتنضغطي بالوقت حاولي انك ما تنامي إلا و بيتك بلمع و لو على حساب نومك معلش قللي من نومك نص ساعة و رتبي فيها المنزل قبل النوم بحيث يصحى زوجك يلاقي البيت مرتب و نظيف بالنسبة للغسيل يعني مو مشكلة مو ضروري يكون الغسيل كل يوم لأني انا صرت نفس المشكلة بعد ولادتي بابني كنت أغسل تقريبا كل يوم لكن الآن مر او مرتين بالاسبوع لكن هذا شي ما بأثر على حياتنا على كل حال و ما بعرف لأي درجة بنتك معتمدة عليكي لكن ممكن تقسي شوي عليها انا كان ابني متعلق جداً بوجودي بجانبه لدرجة اني ما بقدر ادخل الحمام حتى يدخل معي لكن يعدين قسيت عليه على كم مرة اعتاد على الوضع و ما عاد يبكي لما اتركه دقيقتين اذا ما عندك إلا بنت وحدة و الوضع تأزم كيف يكونوا أكتر ؟؟ |
اشكرك اختي ماريا على الرد
دوام زوجي الى الساعه اربع العصر بس مو كل الايام احيانا مايروح الدوام انا موظفه بس حاليا اخذت اجازه حتى اتفرغ لبنتي وزوجي صدقيني علا قاتي محدوده جدآ بس امي واخواتي وغير كذا مافيه من اهم المشاكل اللي تواجهني ان زوجي اذاكان بالبيت تعود اني ما اسوي اي شي ولا حتى اتحرك اجلس معه طول الوقت طبعا هو تعود على كذا قبل من زواجنا لانه متعود اذا رجع كل شيء بالبيت على سنقة عشره وانا جالسه باكمل زينه_والحين هذا صعب واذا نام ما احب ازعجه مالي غير النت لحد ما تنام بنتي لاني متعوده اذا نام انام معه لو الساعه سبع بس الحين انام مع بنتي وهو ياحرام ينام بدري لحاله يمكن انا متضايقه لاني كنت شبه مثاليه ببيتي والحين اشعر بضيق لاتفه الامور انا احب كل شيء يكون نظيف وكل شغله تكون متقنه والله لو فيه كاسه بالمطبخ انقل همها اما بالنسبه لبنتي ما تبغاني اغيب دقيقه عنها بسبب تعلقها اخذت اجازه من عملي |
| الساعة الآن 05:21 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©