|
عفواً مشكلتي رائحة العرق
:مرااااااااااحب...:17:
أعضاء منتداي الراااائع...:22: عندي مشكلة:29:.... أقلقتني وأصبحت هي هاجسي ليل نهار..:24: وهي العرق.. أول كنت أستخدم مزيل عرق كريم اسمه "بوهلي" شوي عليه كلمة روعة .. وخيالي بمعنى الكلمة .. لدرجة أني قلت لو جاني ولد :15:لاسميه بوهلي تخليدا لذكراه... مستحيل يطلع منك ريحة عرق ... وتحسين أنك واثقة من نفسك..:25: لدرجة أني في عز الصيف أروح للسوق من العصر وارجع العشاء ولاأتضايق أبدا من ريحة العرق لكن فجأة سحب من الاسواق!!! وحذرت منه :30:وزارة الصحة لان فية مادة الرصاص مرتفعة ومدري الزئبق.. المهم انه انقطع نهائي وكاد قلبي أن ينقطع معه.... ماخليت ولابقيت مزيل عرق في الصيدلية الااستخدمته ومافيه فايدة رحت نكتار وبودي شوب وسوو لي تركيبات ومافيه فايدة.. استخدمت شبه مع مسك ومافية فايدة.. أستخدمت تركيبة كريمات وماء ورد ولافيه فايدة استخدمت ليمون بعد الشور :21:ومافية فايدة آآآآآآخ خلاص أحس أني مليت وسوست ماادري وش أسوي ألحقوني مت صرت أشيل هم لو أحد يقرب مني:11:... خواتي يقولون والله مافيك ريحة ياموسوسه بس انا ماارتحت فكرت اروح طبيب نفسي اللي عندها خلطة والااسم مزيل مرتاحة له تعطيني لو كان سعره 1000 واللي ماعندها تدعي لي بس لاتدخل وتطلع بدون تعليق |
السلام عليكم و رحمة الله تعالي و بركاته خدي قشر الرمان اليابس اطحنيه حتي يصير بودرة و اخلطيه مع قليل من المسك ضعي الخلطة في علبة استعمليها بعد الاستحمام
|
الله يشفيكي ويعافيكي ويفرج همك ..
|
لا أعرف أي وصفة.........
الله يشفيكي يا رب |
السلام عليكم أنا ارتاح مع لادي سبيد ستيك
|
أنا بعد كثير أنواع مزيلات عرق ما تناسبي أحسها تصير ريحتها أقرف من العرق
ولا يمدي بس أعرق مادري شلون أحس إني أنقرف ومشكلتي ما أحب اللي يصير فيها مضاد التعرق آخذ الديودرانت لحاله عادة وهذا ما ينفي إني جربت الأنواع اللي تكون مضادة للتعرق في نفس الوقت مرات من الطفش إذا صرت في البيت ما أحط شيء استخدمت المسك والشبه فترة كان زين في البداية بدين صار ما يعجبني واستخدمت مره مسك القرشي السائل أحطع على قطنه وأبله بشوي ماي وأمسح فيه الابط كان مره حلو ولكن بعد فتره صرت أتحسس من المسك بس أحطه يصير أحمر ويحكني وهكذا الحين في البيت ماأستخدم شيء لأني أحس ريحة مزيلات العرق لو عرقت مثلا خلال كم ساعة أكثر من مره تصير ريحه مره خايسه الواحد ممكن يتروش كل يوم أما كل 5 ساعات بيتروش صعبه حتى لو فركت بالليمون ممكن يتحسن الوضع فتره بعدين يرجع ناس قالوا لي كثري شرب ماء حاليا إذا جيت أطلع ولا شيء أستخدم lady spees stick توني شاريته أجربه وهو مو ذاك الزود ولكنه معقول نوعا ما أحسن من غيره يصبر كم ساعة زيادة |
اقتباس:
سعدت بمرورك جربت قشر الرمان بس لوحده بدون مسك بس صراحة صارت ملابسي صفراء من قشر الرمان ومايروح مع الغسيل من الملابس الله يجزاك خير |
اقتباس:
آميـــــــــــــن ... آميـــــــــــــــن.. آميــــــــــــن الله يهون عليك وتولدين بالسلامة وتكون ولادتك بإذن الله سهلة ميسرة |
اقتباس:
أسعدني مرورك آميــــــــــــــن الله يجزاك خير |
اقتباس:
جربته ومافيه فايدة جربت اللون الزهر والسماوي حلو أنه جاف مو كريمي بس مانفع أسعدني مرورك |
اقتباس:
أهلا colors أحس أنك فاهمتني زين أنا نفس المعاناة بالضبط دائما اذا حطيت أي مزيل عرق وخصوصا كريم احس ريحته لاتطاق كل اللي ذكرتي جربته ومافيه فايدة ليدي سبيد ستيك جربت لونين زهر وازرق ومانفع الله يعينا على مابلانا شاكرة لك مرورك وأثلجتي صدري أحس أن فيه أحد مثلي يعاني |
عندي نفس مشكلتك
الوسواس و ما بحياتي جربت شي و رضيت عن نفسي دائما مو راضية عن نفسي و لكن الحمد لله اني أعيش في بلاد باردة و كانت المصيبة لما رحت لسورية الصيف الماضي و رجعلي الوسواس و صرت اتحمم كل يوم مرتين او 3 حتى ارتاح رح ادعيلك اني الله يعينك و يعيني آمين :) |
السلام عليكم
عن تجربة أحسن شيئ شبة مطحونة تضعينها بعد كل إستحمام. |
اقتباس:
أكيد البلاد الباردة أفضل بس حتى في الشتاء نعاني بس أفضل من الصيف أو يمكن في الشتاء يخف الوسواس شوي ادعي لي وادعي لك:d |
اقتباس:
أكثر شيء أسعدني أن أول مشاركة لك تكون في موضوعي:d استخدمتها ومااستفدت مشكوررررررره |
نيفيا استخدميه بس مش الناشف
لالا استخدمي السائل .. |
اقتباس:
حياك أختي Crestalla كيفك وكيف عبودي ............................. أستخدمت نيفيا الازرق اللي كرة انزلاقيه. مدري هذا اللي تقصدينه والا لا أسعدني مرورك |
ترا ممكن انتى مثلي يكون مافيه شي بس خلاص وسوسه عن جد
انا مثلك كنت استخدم بوهلي ولمن انقطع استخدمت بيزيلين فتره بسيطه وبعدها ليمون ماارضتني بس لى فتره استخدم شي جديد امي قالتلى عليه انا وخالاتي وفعلا كان روعه وماتتخيلي ((كريم سودو الى يستخدم للاطفال لتسلخلات الحفاظ )) جربيه وان شاء الله يناسبك حبيبتي |
ايش رايك تستخدمي شيرلي
نفس بوهلي واحلى تلاقينه عند العطارين شكله مثل الروج وفيه منه كذا لون خذي الي لونه ابيض أتمنى أكون أفدتك00000000000 |
حبيبتي ليش مابتروحي عند دكتورة
لاني سمعت في ابره ممكن تنعطى بالابط وبتمنع العرق مو متأكده كتير من المعلومة بس ممكن تروحي عند دكتورة وتتعالجي من هالحالة والله يشفينا ويشفيكي يارب |
الله يعينك ويفرج همك
اختي انا بستخدم مزيل عرق من كلارنس مرره حلوو ومميز وياخذ كم يوم وبدون رائحه للعرق ولا له رائحه قويه بالعكس ريحته مرره خفيفه وسعره مو غالي 100 ريال ويستمر معاك لشهور وطبعا لما تستخدميه تاخذي منه كميه بسيطه لان مفعوله تماام مو لازم كميه كبيره انا لي سنوات عليه وكمان اخواتي جربيه وان شاءالله تدعي لي موفقه اختي بأذن الله |
أنا استخدم ريكسونا rexona الجامد وليسا الدائره المتحركه لونه ابيض ومكتوب عليه تحت اوكسجين oxygen وريحته عطريه حلوه مرتاحه عليه مره وقبله كنت استخدم من نكتار اللي يكون لون ورقته موف غااامق ...استخدمي مزيل عرق وحطي بودره من نفس ماركة عطرك عشان ماتوسوسي ..
|
من أربع سنين وانا بستخدم منتجات أيفون(avon)
مزيلات عرق متنوعه رجالى وحريمى بكل العطور التى تحبينها وايضا ليس مرتفع الثمن بل المزيل البليه الدواره الواحد فقط بيجلس معى شهرين وثمنه 6جنيه وفى الصيف والحرق والعرق ومهما ابزل مجهوووووود رائحه جميله وايضا لا يسمر المكان |
اقتباس:
.................................. اللي اقصده نيفيا اللي قارورته قزاز قصير شفاف وهو كره انزلاقيه اما الازرق ماعرفه اللي تحكي عنه.. جربيه وطمنينا.. |
اقتباس:
عندي سودو كريم بس أبد مافكرت فيه راح أستخدمه ويارب يارب ينفع وراح أدعي لك أسعدني مرورك يالغالية |
اقتباس:
أول مرة أسمع عنه عموما جاري البحث.:.:.:.:.,’,’,’,’,’,’ اتمنى انه يفيد والله يجزاك خير أسعدني مرورك |
اقتباس:
والله فكرت بس أخاف من الاضرار آميـــــــــــــن أسعدني مرورك.. |
اقتباس:
وين أحصله موجود بالصيدليه عموما الله يجزاك خير حبيبتي |
اقتباس:
استخدمت ريكسونا بعد ماشفته بالاعلانات وقلت أكيد راح يحل المشكلة بس مع الاسف:(:( استخدمت من نكتار مزيل أبيض كنه صابونه وفيه نكهات شي توت وفراوله ومافيه فايدة وعمل لي نكتار خلطة ب150ريال بس سايله بخاخ ونفس الكلام الله لايبلانا شرفني مرورك |
اقتباس:
أنا كنت من تقريبا 8سنوات أستخدم إيفون وكان اسمه المزيل صني سكايز أصفر ممتاز بعدين انقطع من عندهم لانهم دائما يغيرون ويطلعون اشياء جديدة والقديمة احيانا توقف وبنفس الوقت تعرفت على المرحوم بوهلي.. وارتاحت له عموما أرجع لايفون واجرب مشكووووووووووووووووووووره |
اقتباس:
.............................. . عموما نيفيا أنا جربته اللي كنه ضيق شوي من الوسط او مضغوط شي بسيط بس ازرق ومكتوب عليه فرش... انتعاش طبيعي..50 مل ابحث عن اللي قلتي وان شاء الله خير مشكووره |
حبيبتي هل جربتي دوف استيك؟؟ لانه تحفة جدا وريحته تجنن
|
اقتباس:
اهلين انا اقصد الجامد مو البخاخ اللي بالاعلان ... حبيبتي انا اشوف ان الحل انك تتروشي مرتين باليوم :21: اوله واخره وبينهم تحطي مزيل عرق ((((وبودره جسم )))) لانها لحالها تسحب العرق حطي كثييييييييييير وتحت بيطانك وممكن تستخدمي دائره ريش خاصه بتوزيع البودره على الجسم ومع عطر مركز تحطينه على اماكن النبض (وراى الاذن ومكان العروق وانتي قالبه يدكي بعد الكف وخلف الركبه )وبعد متسوين هذا لاتوسوسي لانكي سويتي كل اللي عليكي :22: والله يهدي بالك ويريحكي.. |
ليدي ستيك
او نيفيا الجاف مع الاستحمام والبخور |
السلام عليكم و رحمة الله و بركاته ربما استعملت كمية كبيرة من قشر الرمان انا شخصيا استعمل الوصفة خلال فصل الصيف لان رائحة عرقي مزعجة . بعض صديقاتي يستعملن كريم شيرليsherley بعد كل استحمام و يقلن ان النتيجة ايجابية وفقك الله اختي
|
اختي الكريم من ماركة كلارنس للمكياج تلاقيه في محلات التجميل والله مره تماام ومفعوله قوي
موفقه اختي بأذن الله |
اقتباس:
أنا جربت دوف اللي علبة طويلة ويبرم من تحت ويطلع كريم من فتحة صغيرة والغطاء حق العلبة كأنها قبعة ومافية فايدة بس ماأدري هل هو اللي تقصدين... أسعدني مرورك.. |
اقتباس:
الله يجزاك خير ماقصرتي الترويش صراحة أكثر من مرتين... وكل مابذلت مجهود تروشت.. ومستحيل أطلع من بيتي الا أتروش.. وإذا رجعت مثل بس الله يعين |
اقتباس:
حياك ناني استعملتها ومااستفدت شاكرة لك مرورك |
اقتباس:
كيف طريقة استخدامك لها أنا حاطتها في علبة وأخذ بطرف الاصابع وأفرك بس صراحة صار جسمي وملابسي أصفر مشكوووووورة |
| الساعة الآن 06:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©