اريد حل للافرازات المهبليه
 

السلام عليكم ورحمة الله وبركاته

راح اقولكم قصتي من اولها

انا ولدت 3 والحمد لله على ها النعمه وما فيني الا العافيه

وبعد ما حملت في الرابع ....توفى وله ست شهور من الحمل

بعدها اكلت مانع 7 شهور وتركته في هذي الفتره سمعت عن المسك

وبعد هذي 7 شهور من اخذ المانع قرارت ان اخر دوره راح اجرب المسك واشتريت المسك وجربته ومن يومها ما شفت العافيه

صار فيني الالتهابات شديده مره وجلست 3شهور احاول اعالجها بنفسي بعد ما عجزت رحت عند دكتوره وقالت عندك الالتهابات شديد مره وجلست 3 شهور اعالج فيها ...وبعدها حملت

وطول الحمل كان ينزل معي دم مع المعاشره ...وهذا كله بسبب الالتهابات لانها ما راحت بس خفت

والحمد لله ولدت من 3 شهور بس المشكله

ان نفس الاعراض رجعت لي بعد الولاده ....والله تعبت من كثر الافرازات ....وش الحل يا ناس ..والله متضايقه منها مررررررررررررررررررررررررررررررررررررررررررررررررر ره

ولاتقولوا روحي الدكتوره لاني صرت اروح لها اكثر من بيت اهلي ...الحمد لله على قضائه وقدره بس والله فشلت من كثر ما اقول لزوجي بروح الدكتوره

ما فيه اعلاج اقدر استخدمه من غير ما اروح عندها

والله مليت من كثرت الروحه عند الدكتوره

وجزاك الله خير عيوني على النصيحه الحلوه

الله يشفيك اختي ,,


دايم كل ما ادخل منتدى احذر من المسك ,,
المسك بعهد الرسول صلى الله عليه وسلم الي وصانا فيه مو هو
المسك الي موجود عند العربية للعود او عبد الصمد القرشي او غيره
الحقيقي يستخرج من الغزال على ما اظن ,,,


الله يشفيك ياقلبي ,, ويعينا يالحريم

بنات ممكن سؤال ايش فائدة المسك؟؟

يعني ليش تستخدمونه؟؟ (جاهلة بموضوعه)

هل هو لتعطير المنطقة؟؟أم للتضييق؟؟

دائما أسمع انه مفيد لكن ما أعرف ليه؟؟ وغريبة انكم تشتكون منه

وانا الكل يمدح لي فيه...... أفيدوني الله يسعدكم


تحيــــــــــــــ (اللهم صلي وسلم على سيدنا ونبينا وحبيبنا محمد) ــاتي

بصراحه لا اعرف حلا ولكن احببت الدعاء لك

يارب اشفيها فانت الشافي وارحمها برحمتك يا رحمن

اللهم إنا نسألك الحياء والعفاف والتقى والغنى ..
 

إليك هذه الروابط..

المسك الأسود { للطهارة } خاص للنساء فقط ..

افضل شي يالغاليه حتى ترتاحين من الالتهابات هو
التشطف بالماء فقط وبعدها تجففين المنطقه بمناديل نظيفه

وتبدلين الملابس الداخليه باستمرار
وماتغسلينها مع ملابسك مدام عندك التهابات
اغسليها لوحده بماء حار وانشريها في الشمس حتى تتعقم
واذا تقدرين تغلينها يكون افضل

وبوقت الدوره اهتمي جدا بالنظافه وتجفيف المنطقه جيدا
ودفي رجولك والافخاذ بوقت الدوره
وماتمشي حافيه ابدا ولاتشربي بارد

لو اتبعتي هذه النصائح راح تتحسنين بوقت قصير جدا باذن الله
طبعا من تجربه كتبت لك

اختي الفاضلة

اولا اذهبي للطبيبة لمعرفة نوع الالتهاب ونوع الميكروب المسبب فلكل ميكروب علاج خاص
ربما مشكلتك ونوع الافراوات وكميتها لاعلاقة له بالالتهابات

فيه ميكروبات بالتنظيف والاهتمام تزول وفيه منها اللي ممكن ينتشر ويوصل للدم ويخلف مصائب ولا يرضى يخف او يروح بالأدوية

انا ما اخوفك لكن بمجرد معرفة نوع الالتهاب راح توصف لك مضاد حيوي مناسب
تستمري عليه الفترة المحددة بدون تلاعب او اهمال او انقطاع فالانقطاع يعني كانك ما استخدمتي شئ وفي بعض الاحيان يعطي الانقطاع فرصة للميكروب انه يتقوى ويصبح مضاد للدواء ولا ئؤثر فيه

اختي ابتعدي عن وضع اي كريم او خلطة
ابتعدي عن اي مشروب او خلطة موصوفه لك فبعضها يضيف ميكروب جديد

تخلصي من الملابس الداخلية كل شهر
عند غسيلها حاولي غليها وغسلها لوحدها

تاكدي ربما انتقلت العدوى لزوجك وهو من يكرر انتقالها لك


اتمنى اكون افدتك
دمتي بود

ممكن تشربي ميه بقدونس
او تعملي دوش من الكربونات
وان شاء اللله خير

يا اختي خلي عنك هذه السوالف مسك وغيرها والله تبهذلك وتسببلك اوجاع خلي عنك العلاجات هذه وروحي استخدمي الادويه اللي تكتبلك اياها الدكتوره احسن لك والله يشفيك.

الله يجزاها خير دكتورة حنان كنت راح اكتب لك نفس كلامها

اول شي /

لازم تعرفي نوع الالتهاب لانه فيه انواع كثيرة ، ولما تعرفي النوع الدكتورة راح تكتب لك على مضاد حيوي تستمري عليه

ثاني شي /

لازم تهتمتي بموضوع الملابس الداخلية وماقصروا الاخوات من الغسيل والتعقيم

ثالث شي /

احب انبه وبشدة على انه المهبل سبحان الله ربي خلقه بطبيعته ينظف نفسه بنفسه عن طريق الافرازات

يعني المهبل مو محتاج لغسول وتشطيف و ... الخ

تكفي الموية الدافية والتجفيف الجيد للمنطقة

وهو بعون الله يطرد كل الاشياء الضارة عن طريق الافرازات

آخر شي /

الله يشفيك يارب ويعافيك ويريحك من الالتهابات وماعاد تشوفيها ثاني ابدا

والحمد لله على سلامتك وسلامة البيبي

الله يشفيك يارب ويعافيك

اختي لازم تزورين الدكتوره احسن