|
انفصلت عن خطيبي واحتاج دعائكم
السلام عليكم و رحمه الله وبركاته للاسف مش عارفة ابدأ كلامى ازاى ومنين بس ده امر ربنا و علي قد ما انا كنت سعيده انى قولتلكم علي خبر خطوبتى الا انى مضايقه انى اقولكم ان خطوبتى اتفكت امبارح مش بسببي ولا بسببه للاسف مغلوبه علي امرى بس فعلا بحمد ربنا و بشكره علي الموقف للاسف امبارح بليل تم فسخ خطوبتى اولا اود الاشاره في البداية الى ان اخى عاقد قرانه علي اخت خطيبى من قبل ما اتخطب انا و لكن لم يتزوجو بعد و كان الزواج بعد شهر تقريبا زوجه اخى ذات طابع سئ و مزاجيه و متقلبه المزاج و توجد مشاكل كثيره بينهم واهلها علي علم بذلك واهلى طبعا . ذلك بسبب انها عصبيه و حدث اكثر من مشكله و منهم واحده في وجود خطيبى بالبيت عندنا و جاءت البيت عندنا علشان تغيظ اخى و تستفزة طبعا حركات اطفال و للاسف وصلته لمرحله لا يرسي لها و احمد الله لوجود اخوها بالبيت و حضر الموقف و رأى كل شئ بنفسه و مره من المرات حدث زعل بينهم ايضا وكنا في بيتهم تخيلو مسكت طفايه كريستال من علي التربيزه رميتها علي الارض في وجة ابيها تخيلوااااااااااااااااااااااا . وهذا موقف يثبت ان طبعها صعب جداااااااااااااا و لا تعاشر وحتى اخى زهق من اسلوبها و قله ادبها و طريقتها ف التعامل و للاسف بتبين لاقاربنا انها تعاملنا بالحسنى و لكن للاسف بتتعمد تتعامل كده امامهم علشان تبين انها كويسه و اننا بنفترى عليها مثلا و بنقول انها سيئه في المعامله و برضو معاملتها لوالدتى سيئه تتحدث معها احيانا باسلوب غير لائق و مستفز بالرغم من معامله امى لها بمنتهى الاحترام والذوق و فعلا كانت بتعاملها كويس جدا مش بشكر في امى بس ده اللي حاصل بالفعل سبحان الله. للاسف كل هذا و دامت الخطوبه وكتب كتاب 6 شهور يعنى معرفته بيها فقط 6شهور حتى امس و والدها من يومين كنا عندهم ف البيت و جاء يقول لاخى قائمه المنقولات انا كتبتها اهى و جاهزه علي الامضاء منك و ذلك في عدم وجود ابى و يقول له انا تخيلت انى وضعت يدى في يد رجل مش في يد ابوك و كاتب قائمة منقولات غير طبيعيه كاتب كل شئ فى الشقه فيها حتى لدرجه انه كاتب شفاط المطبخ اللي بالحائط تخيلوا الناس يااااااااا الله كلمه لا يتقبلها اى رجل علي ظهر الارض يتقالو انت مش راجل و اخى بمنتهى الادب و الاحترام قال له انا هاخد نسخه و هنطلع عليها والحج سوف يتصل بيك يا عمى و مشينا من عندهم عادى و امبارح حصل اللي حصل و طبعا انا اتخطبت لاخوها منذ شهرين و سافر لدوله عربيه لظروف عمله هناك هو انسان خلوق و محترم و طيب جداااا و مختلف تماما عنها و لكن هو امكانياته الماديه محدوده جدا و الشقه مش موجوده و بيسعى انه يجيبها والحمد لله تعبت معاه ف الشهرين دول ابحث عن شقق و اشوف المتناسب و ابلغه علي الانترنت وكنت مستعده اتعب معاه و اهلى كانو موافقين لانه انسان طيب و قالولى لازم الزوجه تكون بايد زوجها و تساعده و ان شاء الله ربنا هيكرمكو باذن الله و يوسعها عليه بس طبعا الموقف تطور امبارح في موضوع اخى و تم عمل جلسه بين ابى و اخى و والدها و هى و انا ووالدتى بالبيت عندنا وتم الاتفاق علي الطلاق و بالتبعيه اتأثرت علاقتى باخوها و ده شئ طبيعى ومتوقع. انا حسه حتى الان انى بحلم او يمكن زعلى لاخى واخد كل احساسي مش عارفه بصراحه افسر احساسي ايه بس مش زعلانه مش عارفه ليه يمكن مصدومه يمكن يمكن مش عارفه انا دخلت افضفض معاكو بالرغم انى كنت اتمنى اخبركم باخبار كويسه مش اخبار تزعل حد بس غصب عنى و فعلا المنتدى هنا بحس انه بيتى و لانى بلاقي فيه اخواتى و اخوانى اللي ممكن يخففو عنى اى شئ . امانه علي كل اللي يدخل و يقرأ الرساله يدعيلي ربنا يجعلنى من الصابرين انا و اخى و يرزقنى الزوج الصالح اللي يعينى علي الطاعه و يعوضنى بالخير يا رب و يرزق اخى الزوجه الصالحه التى يقر بها عينه و خصوصا ان والدى ووالدتى مالهمش حد غيرنا انا و اخى. اسفه انى طولت عليكم بس فعلا مخنوقه سلام عليكم ورحمه الله وبركاته |
وعليكم السلام ورحمة الله وبركاتة
اسئل الله لكم جميعا التوفيق ان شاء الله ازمة وتعدي |
يا أختي لا تحزني ابدا هذا قدر وبكرة تتجوزي سيد سيده
والحمدلله انه كان مش معاكي يعني اكيد ملحقتيش تتعلقي بيه اللهم ارزق اختي بالزوج الصالح عاجلا غير اجلا وارزق اخوها الزوجه الصالحة |
تسلمين زوجه احمد علي دعوتك الجميله امين يارب عوضنا بالخير و عسي ان تكرهوا شيئا و هو خيرا لكم الحمد لله و شكرا علي اهتمامك
|
أسال الله ان يعوضك خير منه يارب ويصبرك
ولاتنسي دائما قولي اللهم ااجرني في مصيبتي واخلف لي خيراً منها |
نقل لمكانه الانسب
|
وعليكم السلام ورحمة الله وبركاته
اسأل الله ان يعوضك خيرا |
اسأل الله العلي القدير ان يرزقك بالزوج الصالح في القريب العاجل
ويعوضك بالزوج اللي تتمنينه |
الله يصبرك ويعوضك انتي واخوك خير ان شاء الله
بس عندي سؤال ماموقف خطيبك من الكلام اللي صار بينكم يعني هو ماله اي قرار . |
الخيره في مااختاره الله
الله يصبرك ويعوضك خير يارب |
الله يرزقك الزوج الصالح واخوك الزوجه الصالحه بس خطيبك هو اللي فسخ الخطوبه
|
اللهم اجبر كسرها واصلح شأنها وارزقها بزوج صالح
|
اختى عاليه الاحساس لا خطيبي التزم الصمت وليس له اى قرارا حتى ولا اتصل عليا يفهم منى في ايه و بس بعتلى رساله بيعتذر انه مش هيقدر يدخل يتكلم معايا علي الانترنت لانه تعبان وعنده برد شديد طبعا اعتذار واضح لانه عايز يكلم اهله ع النت و يفهم منهم فيه ايه لكن للاسف و بمجرد اتصال والده عليه و اخبره بان في مشكله مع اخته مالوش اى رد فعل نهائى و كأن علاقتنا ماشيه مع الريح زى ماتوديها و مع نهايه علاقه اخويا باخته انتهى موضوعى باخوها
|
اقتباس:
دة مش معناها انه فسخ خطوبتك له أصبري شوية لما النفوس تهدى أكيد هيكلمك لو كان عايز ينهى كل شىء لقدر الله |
يمكن يكون خيره لك
وان شاء الله ربي يعوضك انتى واخوك بلى احسن منهم ونفرح فيك قريب ا |
ياقلبي حاسة فيج بكل كلمة قلتيها وبكل احساس اااه يطلع من قلبك
ياقلبي اوصيك بالصبر والصبر والصبر وكل ما حسيتي راح تنزل دموعك لا تداريها ابكي وخففي عن نفسك ثم توضي وخليك على طول على وضوء واستغفري كثيرا كثيرا ونفسي عن الامك واحزان قلبك بالصلاة انتي باين عليج عارفة ربنا ماشاء الله تبارك الرحمن فما يحتاج اوصيك وهي مجرد تذكرة وتصدقي بنية الخلاص من الامور المعرقلة واحتمال تكون سحابة صيف وترجعوا لبعض الله يصبرك ويربط على قلبك وقلب اخوج ويآجركم في مصيبتكم ويخلفكم خيرا منها اللهم امين امين |
يا أختي خطيبك لم يفسخ الخطوبه صريحة كلها استنتاجات منك
ننتظر الاخبار منك طمنينا |
حبيبتي والله زعلت عشانك
بس قدر الله وماشاءفعل وعسى ان تكرهو شيئا وهو خير لكم الخير جاييكي إن شاء الله بس الي صار كان لازم يصير عشان انت حتنخطبي لانسان احسن منو وتعيشي احلا حياة فالله خلى الخطبة تنفسخ عشان في خير الك اكيد يمكن ماكنتو حتعيشو مبسوطين يمكن هوة مابخلف مابتعرفي شو بعلم الغيب المهم تاكدي انو خيييييييييييييييييييييييييييييييير وقريبا حنسمع منك خبر حلو إن شاء الله اصبري والله بعوضك |
هلأ قرات الرد الي بتقولي خطيبك ماقال اشي
طيب لسة الخطوبة ماانفسخت رسمي وإن شاء الله ماتنفسخ والله يقدملك الي فيه الخير يعني اكيد مصدوم من الي صار والا ميصير شوية احراج او جفا او زعل من الي صار بالنهاية اخته صارت مطلقة وانتو مالكو دخل ابدا وهوة هلأ يمكن مش مستجري يقول لاهلو انو بدو اياكي لسة كون انهم زعلانين عقصة الطلاق فيمكن بصبر لغاية تهدا النفوس ويواجههم ويقلهم بدي زووم ومابستغني عنها:) |
معتقدش يا ملك انه يعمل كده لان اهله ليهم سيطره عليه و علي افكاره و غير كده ازاى الامور تكمل معايا انا وهو و في مشكله لاخته مع اخويا اعتقد صعب انها تكمل ده احنا كنا كويسيين جدا لاخر لحظة بمجرد معرف ان في شمكله و انهم اتفقو ع الطلاق الموضوع انتهى و اخته لما كانت بالبيت عندنا بتقول لوالدى انتو بتهدو حياه اتنين علي اساس انا و خطيبي و هى و اخويا تخيلو و اصلا اصلا صاحب المشكله و الكارثه دى والد خطيبى و اخته و مشاكلها مع اخويا وقفت نفسه عنها
يالله صبرنى يا رب و اجعلنى من الصابرين واللله بحمد ربنا و بقول يمكن مكنش نصيبي بالرغم من قمه التفاهم اللي بينا و الاحترام سبحان الله فعلا يارب يعوضنى خير و يعوض اخويا بزوجه صالحه ياااااااااااااااااااااارب بجد نفسيا تعبانه جداااااااااااااا يارب الهمنى الصبر يا ارحم الراحمين |
الله يعوض اخيك بنعم الزوجه عاجلا اللهم آميييييييييين
ومن ناحيتك اذا هما وخصوصا هو مايكلمك والللللللللللللللخ نصيحه اتركيه لوجه الله والله يعوضك لأسباااااااااااااب منها المشاكل التي حصلت بين اخوك وطليقه وهي محد بيتحملها باسلوبها وتصرفاتها فلو استمر نصيبك مع اخو المطلقه ربما والله اعلم تسبب لكما المشاكل والفتنه وتتهمك مابعد زواجك والللللخ وانتي في غنى عنها.....؟!! الا تضمنين نفسك مع اخو المطلقه ويضملك يقف معك مهما كانت الأسباب وانو اخته ماتتدخل في حياتكم ابدا والللللللللللخ على العموم على كل شي بإرادة الله وحكمته ربما الله اراد بسبب المشاكل اللي بيسير وإرادة الله لحكمته ليريدكم الخير بعيد كل عن اشياء تعيقكم فيما بعد والله اعلم هذا مااسطره لك الآن والله يوفقك في حياتك اللهم آميين الله يوفقكم ويعوضكم انتي واخوك كل خير ويحفظكم من كل شر اللهم آمييييييييييييييين |
جزاكى الله خيرا يا اختى همس القلوب اراحتى قلبي بكلامك ربنا يصبرنا و يارب يعوضنا بالاحسن يا رب
|
عزيزتي..
إنهاء الخطوبة لا يجوز أن يكون بهذه الطريقة ... فكما بدأت الخطوبة بجلسة عائلية رسمية .. فيفترض أن تنتهي ـ إن كانت حقاً ستنتهي ـ بجلسة عائلية رسمية .. وكذلك لا يجوز أن تختلط الأوراق بهذه الطريقة وتُحشري أنتِ وخطيبكِ في مشاكل أخيكِ وزوجته .. وما دام حدث الطلاق بينهما فبالتبعية تنتهي خطبتكِ أنتِ وخطيبكِ!!!! .. لأن الأمر ليس (لعب عيال) وهناك أصول يجب مراعاتها حتى عند فك الارتباط. على كل حال .. إن كان هذا هو الأسلوب الذي فُرض عليكِ وتعتقدين أن هذا هو ما حدث أو سيحدث بالفعل .. فأنتِ في الحقيقة قد كسبتِ أكثر ممن خسرتِ ... فبصراحة لا خير في أناس يتعاملون مع هذه الأمور بمثل هذا الاستخفاف. كتب الله لك ولأخيكِ الخير حيثما كان. |
جزاكى الله خيرا يا مهره بجد اكتشفت انهم ناس صعب التعامل و التعايش معهم هو الطلاق بالنسبه لاخى ماتمش بالفعل هما اتفقو علي انه هيكون بنهايه الاسبوع يتم الطلاق حسبي الله و نعمه الوكيل في من ظلمنا و يعوضنى يا رب بالاحسن قريبا لا تنسونى من الدعاء بتفريج الكرب و تيسيير الامور لي و لاخى
|
الله يعوضك انتي واخوكي
العوض الصالح ويهدي العروس ويوفق اخوها طبعا مش ذنبو المسكين |
"و عسى أن تكرهوا شيئا وهو خير لكم" فنحن لا نعلم أين كتب الله لنا الخير و ما قالته الأخت مهرة هو عين الصواب. شيء أخر و عن تجربة: استغفري الله دوما يا حبيبتي فالدوام على الاستغفار هو مفتاحك لللرجل الصالح الذي تتمنين و عن تجربة صدقيني. كتب الله لك الخير حيث كان, فان كان في خطيبك هذا الخير فاللهم اجعله من نصيبك (ولو ان في موقفه هذا بعض الضعف و الاستسلام الذي عليه ان يقومه لكي يستمر بسلام معك) و ان كان في غيره فاللهم رضها بما كتبته لها رزقك الله الرجل الصالح كما تتمنين و الذي يكون قرة عين لك و لجميع أخواتنا المسلمات بالمثل |
اشكرك اختى mme mms علي ردك تسلمين علي اهتمامك بالموضوع ارتحت كثيرااااااااااااااا عند قرائتى لردك جزاكى الله خيرا فعلا خطيبى للاسف التزم الصمت و الاستسلام و الضعف و ظل في موقف المتفرج وانا لا اقبل ان اتزوج انسان بمثل هذه الصفات و فعلا كلام مهره صحيح 100% بس مافي شئ بايدى أعملة غير الاستغفار الدائم و بجد اد ايه حسيت ان ليا اخوات في الله في المنتدى و اسفه اذا كنت ضايقت حد بموضوعى ده بس مكنتش هقدر اكتم في نفسي ولانى عارفه انكم اقرب الناس ليا فضفضت معاكم و متاكده انكم هتخففو عنى كتير و جزاكم الله خيرا تسلمين mme mms علي التذكير بالاستغفار بس دعواتكم المستمره ليا و لاخى لانى في امس الحاجه للدعاء وبشكركم كلكم اللي دخل و اضاف رد و اللي دخل و قرأ المشكله كفايه انه اهتم بقرائتها فعلا كل يوم بيعدى اعضاء المنتدى بيثبتو انهم اسره واحده بجد ميرسي لكم كلكم فعلا اخواتى في الله ولا تنسونى من الدعاء في سجودكم دائما
|
اختي الحبيبه هذا قضاء الله وقدره فقولي الحمدلله على كل شئ اكيد ربنا عايزلك الاحسن سبحانه ...قدر الله وماشاءفعل
الحمدلله انك عرفتي الشخص ده كويس قبل ما يحصل جواز ...وحتى لو ارتبطي بالشخص ده فعلا اكيد اخته ممكن تاثر على علاقتكم باي شكل من الاشكال ومش بعيد تحول حياتك لجحيم ادام شخصيتها بالشكل ده |
وعسى أن تكرهوا شيئا وهو خير لكم .. صدق الله العظيم
أختي مافي نصيب ليك معاه صدقيني عشان كده فوضي أمرك لله |
الحمد لله رب العالمين يا اختى ندى و بس و اخى انا مندهش
قدر الله و ماشاء فعل محدش عارف نصيبه فين ومع مين ربنا يعوضى بالزوج الصالح عاجلا غير اجلا و يرزق اخى بالزوجه الصالحه يا رب و يصبره و يهديه يا رب العالمين شكرا لاهتمامكم و ابداكم الرأى |
ربنا يصبرك ويصبرني انا كمان |
ربي يعوضك ويعوض اخوك باللي احسن منهم ...
ربي يسعدك ويريح بالك ... هموووم |
| الساعة الآن 07:22 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©