تقصير زوجي أثر على كل شئ في حياتنا
 

بصراحه استفدت كثير من مشاكلكم و ردودكم و مواقفكم و لو ان مشكلتي ما زالت قائمة لم تحل و لكن صابره احتسب الاجر و راعي امي و ابوي المساكين و لا تنسون عندي ولد اسمه عبود افديه بعيني

مشكلتي بدت تتفاقم من لما زوجي هجرني و صار هو وااوراقه في غرفه نوم وانا و طفلي في غرفة نوم ثانية

زوجي تخيلو كله مشغول و اترجاه ساعات من القهر اصيح ابيه ينام معاي يقول لا ازعاج و بكره لازم اداوم و مااقدر

اقول حرام خلها في الويك اند و بنستانس طبعا في الويك اند ينعزم و يسهر و يرجع تعبان و اذا صار بينا شي يصير بتعب و انا ما اشبع و هو يكون دايخ و لا يقوم على طول يعني من غير بوسه او ضمه و يروح ياخذ دش و ينام في غرفته


هذا الشي بصراحه خلاني مدمنه عادة سريه و ما اقدر افارقها مع انه من قبل صادني و انا امارسها ومن يومها بدت تهديداته و خيالاته الجنسيه


تخيلو يقول لي تخيلي انه في وحده قاعدده تشوفنا ومن هالاشياء يصارحني و يقول انه شاذ و هالشي من الخيال يعجبه اسايره ارخص نفسي بس يرضى و يهتم فيني كلش ابد و لا كأني زوجه

ضايعه و ماعرف وش اسوي هالعاده ملازمتني و الله حاولت اصوم او رب الكعبه من افطر امارسها مااقدر اوقف و لما اقوله ابي و الا اداعبه يتحجج بالشغل و التفكير ومع اني صدته من قبل خا ينني بس راضيه فيه و احبه

قولو لي ايش الحل

عفواً تم تعديل العنوان ليتضح المضمون
الإشراف

الحمدلله نصلي ونصوم و انا محجبه و زوجي كل فروضه في المسجد سبق و ذكرت في موضوعي السابق ان زوجي خانني مع صديقتي و خبرت اهلي بهالشي و من بعده بدت المشاكل حاولت اهدي اللي بيننا ما صار شي
تزوجت و انا ب18 سنه و الحين توني داخله العشرين اهملت جامعتي و دراستي و قتي ضاع ما بين ولدي وبين مشاكلي ملييييييت افكر بجد اني اتطلق بس خايفه و الله خايفه ارجع حق امي و ابوي و معاي هالبيبي صعبه خاصه انه ولد خالتي

للرفع ...

ولا املك لكِ سوى الدعاء ،،

بانتظار الإفادة من الاخوة و الأخوات أصحاب الخبرة ..

والله يهدي زوجك ويوفقكم ...

انتوا محتاجين حد يفوقكم
يا أختى بصى على اخواتك فى فلسطين وما يصيبهم م الم وقهر وانتى قاعده تعملى ما أعرفش ايه
ايه دة خلاص ما عادش فيه احساس ولا دين
الدين يا اختى مش حجاب وصلاة فقط واللى لا تنهاه صلاته عن الفحشاء والمنكر فلا صلاة له واللى انتى وجوزك بتعملوه فحشاء ومنكر
ولو جوزك مش قادر يعفك ( وهو ده الغرض من الجواز) يبقى تتطلقى منه وربنا يرزقك باللى يعفك طالما ان الحياه كلها عندك جنس وبس

أخواني في فلسطين على عيني و راسي و انا احس بمعاناتهم ادعي لهم بس وش دخل هلاشي بمعاناتنا ؟؟؟؟؟؟؟؟؟؟



الحياة الزوجية تعني الكثير اكيد انا تزوجت بس عشان اطلع من بيت هلي كنت صغيره و كان هالشي همي ما فكرت بمسؤولية و لا قلت انه من الممكن انه تكون فيه مشاكل

زوجي اكبر مني بسنتين بس و عايش حياته اعتبر نفسي غلطه بحياته و انا ما ودي اتطلق بس اذا كان الطلاق هو الخيار الوحيد فما باليد حيله

هلافيك اختي

الطلاق شلية من القائمة ولاتطلبينة

عليك غاليتي بعدة أمـــــور
1 -عليك بتقوى الله والاكثار من الاستغفار
2- حاولي قدر مالاستطاع كل ماسويتي ذنب تصلي ركعتين وتستغفرين
3- استغلي فراغك واستغلي النت بمايفيدك في حياتك الزوجية استفيدي
4- حاولي التغير من اسلوب حياتك وكسر الروتين وتغير الستايل بين فترة وفترة
5- الزواج وتم وبينكم ولد فليش يعيش بعيد عن ابوة تقربي منة بالكلام الطيب والابتسامة وعليك بسهام الليل والصدقة


اتمنى لك حياة زوجية سعيدة
اسمعي محاضرات نافعة مثل الحقوق الزوجية اختي لاتفكرين بالطلاق وشلية من راسك وربي يستر عليك ويهدي سرك

ترالشيطان شاطر انتبهي من الفراغ خيتو ربي يصلح حالك ويسعدكم

والصبر كله خير لك دعواتي بظهرالغيب لي عودة

الله يسلمج يا زينة الغدير والله ما قصرتي والله احس انج اختي لان ماعندي اخت تقدرين تفيديني بنوع معين من المحاضرات يعني ابي اسامي

الله يكون بعونكم ..... حاولي تطورين من نفسك

احسك جاهله شوي ....وزوجك للاسف

في قلبها انا من داخلي احس جذيه والله احس اني متورطة و انقهر لين وحده من صديقات المدرسه تتصل تسولف عن الدراسه و جمعة البنات و التخرج والمستقبل احس اني انحرمت من هاي كله

السلام عليكم

اللهم صلي على محمد وأله.

معروف للجميع ان اول سلاح يعتمد عليه ابن ادم هو الدعاء، وتقوى الله، والاعتماد عليه في حل جميع اموره ومشاكله سواءً اليوميه او العرضيه.

فأنا هنا اول شيء انصحك با الدعاء ثم الدعاء.

ثانياً:

انتي قلتي يا أختي ان زوجك لما يقربك يكون بتعب ، او بإجهاد،،، هنا ما سألتي نفسك، وش المشكله؟؟ بما انه ما يقربك كثير ولما يحدث يكون بتعب هنا بصراحه علامة استفهام....

انا بكلمك بكل صراحه،،، اما انه يعاني من مشاكل صحيه وجسديه،، او انه يستنزف طاقته مع شخص ثاني ، وهذا الي يحسسه با التشبع من ناحية الممارسه معك.

لأنه موب معقوله يكون شخص تعبان ومجهد ومتشبع دائماً.

انا هنا لا اقويك على زوجك ، ولكن عشان اوضح لك الصوره من عدة نواحي.

ثالثاً:

العاده السريه ، وما ادراك ما العاده السريه،،،، صدقيني ابليس يعرف كيف يجرجر ابن ادم للرذيله، وبعد ما يقع فيها صدقيني، يقول اني بريئ منك ومن فعلك...

بما انه حلاّ وجمّل العاده السريه بعينك ، صدقيني ما راح تتشبعين منها ، وراح تسلكين طرق أخرى لأشباع الذات.

صدقيني بما انه يستدرجك للعاده السريه ،، تداركي نفسك واحمي نفسك وحصنيها من الوقوع في ماهو اعظم. لا تقولين انا ما اسويه ، الي يمسك عليه ابليس خيط صغير يستدرجه الين يصبح كل المغزل بأيده. فأقطعي الحبل وتوكلي على الحي الذي لا يموت.


هذي من ناحية المشكله.

اما من ناحية الحلول المطروحه، حركات البنات ، وشكل التجملّ والتعدّل افادوك فيها الاخوات.

ولكن انا بقولك شي عن نفسي ، مع اني ما احب اتكلم عن نفسي، لحرمة البيت.

انا يا أختي لما استشف من زوجتي خطأ، او شي لا يرضيني او يعجبني ، واتناقش انا وياها فيه، بعد ما ينتهي النقاش بكل ود واحترام، وخصوصاً اذا وقت صلاه اصلي وارجع البيت اتسنن، واحاول اني ادعي بصوت مسموع ، او حتى انها تكون جنبي وتسمعني وأحياناً وهي تأمن.


فما المانع يا أختي انكم تتناقشون وتتافهمون على المشكله بكل احترام ، اهم شي تختارون الوقت المناسب.وبعد النقاش تقومون تدعون الله عزوجل وتصلون ركعتين على تهدية سركم وتسخير بعضكم لبعض.

جربي، وادعوا لي.


اما من ناحيه اخرى حاولي انك تعرفين وش سبب اجهاده وتعبه، ان عرفتي انه مريض وتعبان فلا مانع من زيارة العيادات مشرعة الابواب. وايضاً الاتسعانه با الله عزوجل.

اما اذا كان شيء اخر ، فحاولي نصحه ، وتعليمه بعقوبة الله عزوجل. وتوضيح الامور الدينيه والتشريعيه، سواءاً من ناحية حقك الشرعي ، او الحق الألهي.



قبل كل شي وبعده اوصيك با الصبر. :(

وفقكمـا الله.

المعزل: عمود يلف فيه الخيط الطويل

شوفي حبيبتي تقصير زوجك لكي المفروض مايدمرك
بالعكس كوني قويه لاتستسلمي ارجعي لدراستك ان كنتي
تقدرين اشغلي نفسك اكثر بالاستغفار والدعاء اصعب شي لما
المراه يقصر زوجها في حقها الشرعي وتسلك طريق ماله نهايه
اما الزوج على طول زواج بثانيه بدون تفكير والله اني حاسه فيكي
طول تقصير زوجك معاكي ماراح تتركي هالعاده الشينه والله يفرجها عليكي
ان شاء الله

حاولي يا اختي واستعيني بالله وادعيه

خلي عزيمتك قويه انت عندك النية ولكن عزيمتك ضعيفة

حاولي ما يخالف لين تتغلبين بإذن الله على هذه العادة ولا تقولين إن هذا صعب لو اخطأتي لا تيأسين الله موجود

وبالعكس قولي إن شاء الله بقدر ولا تخلين تصرفات زوجك سبب لوقوعك في الحرام

حاولي ترجعين للدراسة ولو انتساب

واشغلي نفسك كثير وادعي الله يهديك ويسخر لك زوجك يارب

وإذا كنتي في البيت شغلي طول الوقت قرآن ولا اشتري محضارات واسمعيها

وحتى لو تدورين في الانترنت بتلقين محاضرات حمليها واسمعيها

وربي يعينك

حسبي الله ونعم الوكيل اذا كل وحده قصر معها زوجها انتقلت الى العاده السريه


لا يجوز وتوقفي فورا اقفلي نفسك اقفلي نفسك

بالقرآن والاستغفار وسورة البقره وآية الكرسي

وكما قال الاخوان ارجعي ادرسي


العاديه السريه شيطان يولد الكآبه والاستغفار يولد الراحه


والله امس حسيت انو نهاري كلو ولا شي يظبط فيه تعرفي شو عملت

قرأت آية الكرسي اكثر من 250 مره

اغفى واصحى واقرا تاني


باب التوبه مفتوح وباب جهنم مفتوح


قومي واشعلي الغاز واذا قدرتي تحرقي اصبع واحد خمس دقايق او دقيقتان


اذا قدرتي تحملي الوجع ابقى مع العاده السريه

واذا ما استحملتي وهذا اكيد

استغفري ربك كثيرا ورح تلاقي كل حياتك انقلبت وزوجك رجع لك

شكرا لكم كلكم انا وايد مستانسه لاني فتحت قلبي لكم و ردودكم والله تبرد الخاطر الحمدلله اليوم زوجي راضي علي توه جا من الدوام و مستانس دلعني و شال ولده و حط له الف ريال في بدلته و عطاني عشرة الالاف قالي روحي سوي شوبينغ و الساعه 11 بنطلع نتعشا

انا وايد مستانسه بس ابي اعرف هل هالوقت اقصد لما نطلع للعشا بيكون و قت زين عشان افتح معاه موضوعنا والا اخاف يتكدر و نرجع من العشا متضايقيين ؟؟؟؟؟؟؟؟؟؟؟؟؟؟

يا الله صباح خير

تريدين منها ان تخبرك بمستجداتها الساعه خمس ونص :)



الله يوفقكم ان شاء الله، ويكتب لكم الي فيه خير وصلاح.

وان كان وصلتوا نتيجه او صار شي مميز ،....

قوة شخباركم بقول لكم عن اللي صار وابي شوركم أمس الساعه ثمان رحت قطيت ولدي على أمي و قعدت عندها لين الساعه تسع رجعت البيت و بدلت ملابسي كشخت حدي و تبخرت و تعطرت و نطرت بعلي يتصل مرت الساعه 11 توني بتصل الا هو داش علي المهم كنت حدي كاشخه لمني بقوة و قعد يسولف معاي والله انه ما سولف معاي من مدة المهم قال يالله خل نروح نتعشا

طلعنا الفندق و تعشينا و خلصنا 12 و نص و لا رحنا بعدها نتمشى عالكورنيش انا من فرحتي قلت خلاص انفتخت لي طاقه القدر بس متى نرجع البيت
المهم ردينا البيت دخل وياي الغرفة و رحت ابدل رجعت لقيته ينطرني عاسرير و صار اللي انتو خابرين .......


المهم رضاني ولكن الطامه و لقافتي مب مخليني في حالي بعد هالوناسه قلت خل افتح معاه الموضوع سولفت معاه و لمحت للموضوع قال اذا تبين تسألين عن فلانه انا خلاص نسيتها و انتي الابقى انتي شريكة حياتي و من هالحجي

صار الصبح الساعه 10 قلت خل اوصي على ريوق و الشغاله تسوي الريوق رحت اوقظه وقظته قعد لمني بقوة كأنه بيبي و سأل عن ولده بعد قلت العصر امي بتجيبه راح يغسل


ومن غبائي فتحت جواله و اول رساله لقيت (صباح الخير حبيبي ها خلاص ... استانست.. قلت لك خلها احتياط و لا تخليها تفشلك جدام هلك ... مشتاقه لك وايد برد لندن والله يكسر العظم سو لي مس كول اول ما تفج عنك البقرة )


ما قدرت امسك دمعتي و جهي صار دم اول ما طلع من الحمام قالي شفيج قلت ما فيني شي بس بطني يعورني لمني ابعدته دخلت الحمام طلعت كل دموعي و طلعت

قلت مابي اخرب حياتي حلني اسكت و احنا نتريق كانت توصله مسجات و كان يقراها و يضحك انا مقهوره حبيبته تسميني البقرةو انا حاسه اني مغفله و محتقره سي لأني قاعده معاه اهو الحين رح الدوام وانا ماادري وش اسوي اقول حق امي و الا اسكت و ادفدف عليه بس لين متى يخدعني و يتطنز علي ...
انا شفيني صاينته و مراعيه البيت تاركه كل خلق الله و اباريه ما عندي صديقات حتى أرجوكم انا في عرضكم

[caution]يمنع إضافة أي رابط لموقع شخصي أو منتدى آخر, أو الدعاية لأي منتدى أو محل تجاري أو طبي أو الترويج لأفراد بالاسم ونحو ذلك, ويستثنى من ذلك المواقع الإسلامية الموثوق بها, والمواقع المعتمدة من الإدارة. الإشراف[/caution]

شكرا بس من هذي اللي ازوها ؟بصراحه بسوي المستحيل كفاية اني مستحملهحاسه اني بنفجر الحين توه داخل وجايب عشا تعشيت وانا مجبورة احس اللقمه سكين ابتسم له و انا ابكي من داخلي نام و خلاني اصلا جافيني النوم و اني تعبت

الدعاء الدعاء في ثلث الليل سهام الليل لاتخطئ
 

حسبنا الله ونعم الوكيل.


اخيتي:

قبل كل شي حاولي انك تحرصين على ذكر الاذكار الصباح والمساء في البيت ، وبصوت عالي ، كأنك ترقين نفسك واهل بيت وتحمينهم من ابليس.

صجقيني اعوان ابليس كثر ، وابليس لا يترك ابن ادم الا بعد ان يفرق بين المرء وزوجه.

لا حول ولا قوة الا با الله


شوفي يا بنت الحلال

الي سواه معاك امس هذا اكبر دليل على انه مقصر ، وحاس ويدري انه مقصر ، ولكن للأسف طلع الي مسويه كله عشان يسكتس ، موب طالع من قلبه.


نصيحتي.

انك تكلمينه، وتقولين له، انت ليش سويت معي كذا ، هل لأنك تدري انك مقصر ،وهذا اكبر دليل انك تعرف انك مقصر ، بحقي ، وبحق اول عزوجل اولاً.

قولي له ، هل يحبها ؟؟؟؟؟

هل بينه وبينها شي ؟؟؟؟؟

هل يبي يتزوجها ؟؟؟

ولا هي من بنات ابليس حسبنا الله ونعم الوكيل فيهم.


اهم شي اذا بغيتي تتناقشين معاه حاولي انك تكونين مركزه وعارفه وش قاعده تقولين.

وتقولين له، اذا ما تسنعت وخفت ربك في نفسك وفيني ،صدقني بتكون نهايتك سئيه قدام الله وخلق الله. مادام ربي ساتر عليك احمد وربك، وربي رازقك با الحلال فعف نفسك من الحرام.

اما اذا السالفه حب وما حب ، فهذا شي ثاني ...



حاس معاناتك والله، ولكن ما نقول الا الله يكون بعونك يا اختي.

اتمنى ربي يسخره لك ويهديه.

للأسف والله قمة التحطيم.

الله يستر عليكم

مدري ايش اقول لك يا اختي
الله يهدي لك زوجك ويسخره لك

هلافيك اعذرني اختي انشغلت عن النت بسبب اختباراتي

والله فرحت لك بس يوم شفت النهاية جداتكدرت بس صدقيني تقدرين باذن الله تحافظيني على بيتك وانابساعدك باللي اقدر علية

شوفي خيتو فية اشرطة لسعيد بن مسفر اسمة الحقوق الزوجية وفية شريط اسمة حدذيقة الازواج
لغازي الشمري وشريط سري للغاية وفي غرفة النوم لمازن الفريح الشيخ

اول شيء

ممكن تجاوبيني على الاسئلة
س1/ هل لديك الرغبة على التغير للافضل ؟


خليك مع الله باذن الله حالك تتبدل

شوفي خيتو قومي صلي ركعتين واستغفري بنية ترك العادة والمعاصي
ثانيا تصدقي بالقليل
ثالثا عليك بقيام الليل وصلاة الضحى لوركعتين وكل ماتكدرتي صلي وادعي
زوجك صغير بالسن ومردة باذن الله لك الحي ادعي مرة عشرة كل وقت تحري اوقات الاجابة
اهم شيء انتي حبي نفسك واهم شيء نفسيتك اصبري واحتسبي الاجر ادري الخيانة صعبة بس الصبر كلة خير الله ينصرك ياكريم ويفرج همك
انشغلي عنة بدراسة اواودورة اواي شيء يلهيك عنه وحركاتة وصدقيني بيحس فيك وبيحس انك انشغلتي عنة
.........

اسمعي كلامي باذن الله ماتندمين

مانصحك بالمواجهة اخاف يتمادى ويحرق قلبك ويصير مايراعي مشاعرك جوالة طنشية لاتفتحية ولاتدورين فية لانك بتموتين قهر انتي موناقصة اكثري من قراءة القران ومن قول لاحول ولاقوة الابالله الله يفرج همك بروح اصلي الوتر واتسحر وادعي لك من كل قلبي بظهر الغيب

معك اختك المنطلقة زينة ع 24 الله يصبرك خيتو تشرفت فيك

يارب فرج همهاورد زوجهالها ردجميلا وسخرله ياكريم

شكرا لكم بس بجد وضعنا لا يطاق ابدا من خمس ايام تقريبا قلت حق امي و مسكينه صاحت ولمتني وقالت ليش ما قلتي من البداية قلت خفت ادخلكم في المشكلة تكبر و تتطور و تر بين الاهل كلمت امه و اخوه الكبير و جو البيت كلموني قلت لهم كل شي بكل صراحه قال اخوه اليوم بخليه يجي وياي و يعتذر و بفهمه كل شي المهم لا تخربين بيتج و تحملي علولدج قعدت ارضع ولدي و العبه ليته مطرش لي مسج عالتلفون وكاتب فيه ( انا تسوين فيني جذيه وانا اللي مدللج بس بسيطه اذا تبين الصراحه بنعيش بكل صراحه مع بعض ) رديت عليه ( يا بو فلان انا من حر مافيني صارحت هلي وبعدين هم ستر وغطا اذكر الله )

لما صار العشا و بعد الصلاة بالتحديد امي تناديني رحت قالت زوجج و اخوه و امه بالمجلس تعالي رحت اول ما شافني قام و باس راسي اعتذر و اخوه قال اليوم بتباتين في بيتج مع زوجج ابتسمت و فرحت و رحت الم اغراضي و اغراض ولدي و رحت مع امي مب معاه لاحظو انه راح و كنت اتصل له و تلفونه انتظار و ما يرد علي قلت يمكن شي مهم

المهم رحتت البيت و نيمت ولدي و كشخت وقعدت انطره اول ما جا قعد مجابلني وقال انتي غبيه انتي هبله ليش تقولين حق امج و امج ما قصرت قالت حق هلي

قلت له انزين شاسوي يعني انت متجاهلني ومقصر و مب حاس قال اقولج الصج عاد واهني انا خلاص من الصدمه نمت
قالي صديقتج فلانه اهي حبيبتي و اهي تجهز الحين عشان خلاص راح اتزوجها


انا مت غصيت دخت اسودت الدنيا في عيني صديقتي و كانت اختي والله و زوجي وولد خالتي وولد عمي يسوي فيني جذيه


الدنيا خلاص قفلت في ويهي

احس مالي غير الله وين اروح احس حياتي خلاص مستحيله معاه مب طايقته

يسولف جدام معاها و يسألها وش شريتي و اشتري الشي الفلاني و خلاص شلون عالبطاقات و الحفله

اتصلت في امي الصبح و قلت لها كلموه و قالو له صج قال صج خلاص هي بتصير ام عيالي بعد


آآآآآآآآآآآآآآآآآآآآآآآآآآآآآآآآآآآآآآآآآه حسره على شبابي و ايامي اللي ضيعتها مع واحد خاين

امي تقول تعالي بيتنا لين ما تهدا امورج و انا اقول اتطلق و اعش عندهم على طول


بهدلني دمر مستقبلي و حياتي و خانني مع وحده كنت اعتبرها اختي

ان الله لا يعجزه شي 000الله الله بالاستغفار ليل ونهار000واقري سورة البقره يوميا00ودعي ربك انه يرده لك


وراح تشوفين النتجه بعينك00

أنا مالي خلق على حد مصكره تلفوني و قايله حق الشغاله اي حد يطلبني تقوله اني تعبانه و قاعده مع ولدي في الغرفه طول الوقت و الله ان الحليب في صدري خلص احس ما يطلع شي تعبت في راسي الف فكره

بس خلاص انا نويت اروح بيت امي و اطلب الطلاق و اعيش لنفسي و لولدي و بلا زواج

أحس اني يومعن يوم اذبل شيبت وانا توني شباب زوجي يتزوج الشهر الجاي خلاص

اتطلق والا اقعد على جبده

اختي وانت بهذه النفسيه لا تتخذي اي قرار قد تندمين عليه فيما بعد ..

اركدي يا اختي و هذه الفتره تقربي الي الله بالعباده وان شاء الله راح تعرفي تاخذي القرار الصح ..

لا تستعجلي .. اعطني نفسك وقت للتفكير جيدا في حياتك و ادرسي كل الاسباب التي اوصلتكم الي

هذه النهايه ..

بالتوفيق ..

صباح الخير

اختي حبيبة المجهول

اول شيء اسئل الله فارج الهم وكاشف الغم أن يكشف غمك ويزيل همك ويربط على قلبك السكينة والطمأنينة والرضا بما قسم الله وكتب لك وبما ابتلاك به سبحانه .

ابشري اختي بالخير من رب الكون ومدبره ومصرف الامور .

اختي انطرحي بين يدي الرحمن ... اشكي له همك ... اطلبي منه فهو لايرد يدي عبده صفرا ... اختي الابتلاء ينزل من رب العالمين على عباده الصالحين أكثر من غيره ليرفع درجاتهم ويكثر من حسناتهم لذلك كان أكثر الناس ابتلاء هم الانبياء .

اختي ... الابتلاء الي أصابك يهد جبال فما بالك ببنت بزهرة شبابها ... لكن استمدي قوتك من قوة الابتلاء واسئلي رب العالمين القوة والصبر لاجل ابنك الله يقر عينك فيه .

اختي في مثل قصتك صراحة الواحد يحتار وش ممكن ينصحك فيه لكن اهم شيء لازم حتى تتجاوزين هالمحنة الصعبة انك تعرفين ان الان الي درستيه بالمدرسة والجامعة عن احد اركان الايمان وهو الايمان بالقدر خيره وشره ... ان مصيبتك هي وقت تطبيق هالركن العظيم بالايمان.

اختي ابكتب لك امور اسئل الله ان يجعل فيها مساعدة لك :
1- الاكثار الاكثار من ذكر الله وبالذات لما تشتد عليك الضيقة والهم ( الا بذكر الله تطمئن القلوب ) وهذا هو أهم شيء لانك بحاجة الى الطمأنينة والسكينة والثبات من رب العالمين ... وخلي هالمصيبة تقربك من الرحمن أكثر لا أن تبعدك عنه أكثر ( وأقصد هنا العادة السرية وغيرها لان المعاصي تجر بعضها وانا اخوك ) اجعلي هالمصيبة سبب في الرجوع أكثر لله والانطراح بين يديه وبتشوفين فرج رب العالمين قريباً او اجلاً بس لازم تؤمنين ( أن ما أصابك لم يكن ليخطئك وما أخطئك لم يكن ليصيبك ) .

2- اختي يبدو لي من سردك للقصة أن زوجك فارض قوة شخصيته عليك وحاس بضعفك وحاجتك له لذلك تمادى كثير وأصبح الامر يفعله أمامك ... وهنا لابد من تغيير هالوضع ... وأقصد فيه أنك تتجاهلينه تماما دون تقصير في واجباتك في البيت وفي ابنك وأيضا مع زوجك بس يبقى وضع المعاشرة بينكم أنتبهي أن تكوني البادئة نهائيا خل يحس باستغنائك عنه وأنا أقول هالكلام الان لانه مقبل على المرأة الثانية ويحس بسعادة أظنها وقتية الى أن تنطفي فورتها ... وان حصل وطلبك فلا ترديه لان هذا أمر رب العالمين لكن أعطيه أقل الواجب يعني لايحس بشغفك ولا رغبتك فيه أبدا ..

3- اجعلي اهتمامك بابنك وتربيته التربية الصالحة هو هدفك الان وما تدرين لعلك تخرجين للامة شاب ينفع الله به فلا تقصرين في هالجانب .

4- ارجعي لدراستك وكملي جامعتك وعيشي حياتك وانبسطي فيها ولا اقدر اقولك انسي همك لكن على الاقل تناسيه قدر المستطاع .... وان حصل وجتك الضيقة واشتدت عليك فهرعي الى سجادتك واجعلي دموعك بين يدي الرحمن اغسلي بها همك واجعلي قطرات الدموع تنزل مع دعواتك لرب العالمين أن يفرجها .

5- اختي لاحظت أكثر من مرة تتحسفين على شبابك الي ضاع ومدري ايش من هالكلام .... وانا اعرف ان هالكلام خرج بلحظة حزن بس انتبهي اختي من خطورة هالكلام لان فيه اعتراض على قدر الله وجزع لكن تجنبيه وقولي بداله اللهم اجرني في مصيبتي واخلفني خيرا منها .. وقولي اللهم ارضني بما لي وزدني من فضلك يا ارحم الراحمين ... واكثري من الاسترجاع ( انا لله وانا اليه راجعون ) وتسلحي بسلاح المؤمن ومصدر قوته ( لاحول ولا قوة الا بالله ) واذكرك في السنة لما نسمع المؤذن يقول حي الصلاةحي على الفلاح نردد لاحولا ولا قوة الا بالله لانها قوة للمؤمن .

6- دائما في البيت خليك بأفضل صورة وأفضل حلة وابنك كذلك والبيت .. بس ضروري أن لايكون هناك منك أي بوادر عاطفية اورومانسية تجاهه على الاقل هالفترة العصيبة لين يتغير الوضع للاحسن ان شاء الله ... والهدف من هذا كسر ايمانه بانهزامك امامه وقوتك الي لم يتعود عليها فنا اعتقد انه في داخله واثق انك منهارة وانك مع ذلك ما تقدرين تستغنين عنه ... لذلك اعكسي هالوضع حتى لو ضغطتي على نفسك أمامه فقط مع تاكيدي عليك بحس الاسلوب بالكلام معه وعدم رفع الصوت وعدم الغلط لكن خليك شوي رسمية واحذري تفتحين معه الموضوع الا باضيق الحدود والافضل انه هو يفتح ... والهدف من هالشيء لانك بسكوتك عن الموضوع بيستغرب ويحاول يعرف ردة فعلك عن كل شيء يحصل وبالتالي احيانا هو يجرك للموضوع

7- في الاحوال الي يكلمها امامك كلمي بتلفونك او انشغلي بولدك وان كنتي داخل البيت تشاغلي باي شيء خل يحس انه ماعاد يهمك ولا هي تهمك .

أخيرا أعتقد والعلم عند الله ان زوجك يحبك لكن يبدو انه بدأ بتجربة أخرى وهو يعيش سكرتها ولازلت مستمرة معه بما انه يريد الزواج منها وربما بعد ان تهدء فورة هالعواطف بينه وبينها يرجع لعقله ويعرف ما فرط به ... وأريد هنا ان اهمس باذنك اختي لو كان زوجك لم يقرب من البنت الثانية ابدا بالحرام والان يريدها بالحلال رغم الطريق السيء الي سلكوه فاحمدي الله على ذلك حتى لايكون للحرام على زوجك طريق وارضي بما قسم الله لك وتبقين الاولى ... وبالنسبة لموضوع الطلاق اتمنى أن لاتأخذين القرار الان لانك في عز الشدة وربما تتخذين قرار بدون تفكير سليم وان رايتي بعد التفكير والاستشارة انك لايمكن تصبرين فاستخيري رب العالمين ثم اتخذ قرارك .

اسئل الله أن يفرج همك ويزيل كربتك ويعينك على نفسك والشيطان ويهدي زوجكويعيده لك ويحنن قلبه عليك ويحببك اكثر له ويحببه اكثر لك وان يكتب لك سبحانه الخير واذكرك ابشري بقول الرحمن ( لا تحسبوه شرا لكم بل هو خير لكم ) وقوله ( وعسى أن تكرهوا شيئا ويجعل الله فيه خيرا كثيرا )

والسلام ختام للجميع