|
من حقي ازعل ام لا ؟؟ (حُلت المشكلة )
امس بالليل اتخاصمنا انا وزوجي خصام بسيط
المهم قعدنا بدون ما نتكلم لاني كنت باذاكر وهو كان يشوف فيلم و جات الساعه 10 ونص راح نام وقالي صحيني عالساعه 12 لانو الاولاد يكونو نايمين قلتله طيب و قلت اعمل سهره حلوة ليا وله قمت وطبخت وغيرت حاجات في الصاله ونظفت البيت والحمام كتبيتله عالمرايا كلام وحطيت شموع في كل مكان وعملت حلا وشاي وفواكه المهم جهزت كل شئ تمام وجات الساعه 3 قلت معليش اسهر عشان خاطره رحت وصحيته بعد ما جهزت نفسي ما رضي يصحى ال ابغى انام قلتله اجلس معايا شويه ما في فايده انا ايش راح تكون ردة فعلي في دا الوضع ؟؟؟ رحت ومسحت الكلام عالمرايا وكتبتله اكرهك وشلت كل شئ ومن الزعل ما قدرت انام وبعد اقل من ساعه صحي وانا قمت عالغرفه عشان ما اشوفه وانا ابكي ماني قادره امسك نفسي وبعد شويه جاء ينام انا قمت وخرجت من الغرفه هو نام وانا قاعده محروقه ويوم الخميس كان عندي سهره وبعد ما جهزت نفسي ونيمت الاولاد وجهزت عشاه ولبست قام يتافف قلتله بلاش توديني مع اني ما كلفت عليه اي حاجه حتى رجعتي قلت لاختي تردني معاها قالي اذا راح تقعديلي وانتي زعلانه اويكي وانا كنت مقهوره لانو من زمااااااااااان ما حضرت سهرات واختباراتي جايه بعد ما رضيت شويه رحت وجبت العشاء ونام بالله مو من حقي انقهر وهو بكل برود يروح وينام ولمن يجي يبغاني مبسوطه طيب اعمل معاه ايه ؟؟ |
ا اختي الكريمة
في الحالة الاولى : زوجك لما كان نايم .. ماكان يعرف انك رحتي و استغرقتي وقت في تحضير الشاي والحلا والفواكة والشموع وغيره .. ماكان يستشعر بالمجهود الي بذلتيه لانه كان بكل بساطة نايم .. ولما جيتي اتصحيه .. ماكان عارف شسالفة وكان تعبان وقال ابغي انام لانه تعبان.. في الحالة الثانية : "قالي اذا راح تقعديلي وانتي زعلانه اويكي وانا كنت مقهوره لانو من زمااااااااااان ما حضرت سهرات واختباراتي جايه بعد ما رضيت شويه رحت وجبت العشاء ونام " بصراحة ماقدرت افهم الجمله .. يعني هو خذاك للسهرة ولا ماخذاك ؟ وانتي قايلتله قبلها بفترة ؟ تحياتي |
اقتباس:
اخوي في الحاه الاولى زوجي ما عنده غير يوم واحد اجازه ومعناته اننا لازم نسهر مع بعض وهو عارف اني ما اسهر ابدا ممكن يكون كلامك صح في الحاله التانيه انا ما رحت السهره ومشكور اخوي |
غلطتي لما كتبتيله اكرهك عالمرايا ..
هو ماكان داري باللي سويتيه عشان كدة يمكن النوم كان غالبه وماقدر يصحى كان سيبتي كل شئ مثل ما هو عشان لما يقوم يلاقي ادوات السهرة كان راح ينقهر انه ضيع على نفسه هالليله الحلوة وانت غلطانه انه زعلتي نفسك .. انا عارفه انه اكيد تعبتي في تظبيط السهرة بس معليش ماكان يستاهل ردة فعلك تكون قويه كدة .. اما عن موضوع السهرة اللي ضيعها عليكي كان زعلتي بدلع وحسستيه انه غلطان بانك تقوليله على راحتك اهم شئ انك تكون راضي ومرتاح مو مش كله اضيع السهرة والتعب والله كان استحى منك وقام وصلك لو كان ايش عنده.. شكلك من النوع اللي ما يعرف يتصرف بذكاء لما يغضب .. |
اقتباس:
اهلا فيكي حبيبتي وربي يكتبلك ولاده سهلة يارب انا سيبت حاجات بسيطه لانه زي ما انتي عارفه ساكنه مع اهل زوجي بالبيت وصعبه اخلي الحاجات زي ما هيا والسهره اطمني يا قلبي زوجي راح ينبسط اذا قلتله كده لانه لانه يبغى احد يقله كلمة بلاش انا لمن ازعل ما افتكر شئ غير اني اخرج اللي بداخلي وبس وشكرا يا قلبي على مرورك |
اقتباس:
فكري كويس قبل لا تسوي اي فعل او تقولي اي كلمه يحاسبك عليها انا كنت اسوي زيك ببدايه زواجي لكن كنت دائما انا الخسرانه بالاخير وهو اللي يزعل ويخليني انا الغلطانه اما الان صرت افكر قبل لا اتكلم او اظهر غضبي و زعلي ولما احتوي المساله وما اكبرها هو يستحي مني ولما اطلب هالشي مرة تانيه ما يزعلني .. :25::25::25: |
الله يكون في عونك بس ما ادري ليش ينام الساعه 10ويقول صحيني الساعه12لان العيال يكونوا ناموا من الي يصحى بعد ساعه عشان يسهر اكيد النوم راح يكون افضل
|
ياقلبووو هدي أعصابك الدنيا ما تسوى لحظة زعل
بدل ما نحرق أعصابنا ليش ما نتغاضى وننسى او نتناسى ؟ مافي شي في الدنيا يعادل انك تقضي لحظات حلوة مع اللي تحبيه لما كنتِ بنت ، ما كنت تعرفي قيمة اهلك بعد الزواج اكيييييييييد افتقدتيهم وندمتِ على لحظات ضاعت وكان بامكانك تستغليها بقضاء اكبر وقت معاهم حبيبتي .. دامك تحبي زوجك .. يقولك الشاعر .. عين الرضا عن كل عيب كليلة .. وعين السخط تبدي لك المساوئ اتعودي داااايما لما تزعلي من زوجك بسبب اشياء غير جوهرية زي هذه الاسباب مثلا اتعودي انك تقعدي لوحدك شوية وتتذكري كللل محاسن زوجك ، واللحظات الحلوة اللي قضيتوها مع بعض ، والهدايا والمواقف اللي اتذكرك فيها صدقيني تلقائياً راح تحمدي ربك على النعمة وتنسي الزعل ربي مايوريكم مكروه يارب |
اقتباس:
ربي يكملك بعقلك ما شاء الله عليكي |
اقتباس:
بس المشكله انه يوم اجازته يوم واحد بالاسبوع نخاول ستغلها لمن نكون لحالنا بس قهرني بحركته دي |
كل هالشطاره بالرومنسيه
وما عرفتي تصحيه الشطاره يا عيوني بالطريقه اللي تصحيه فيها حرااام تعبان المسكين وغلبو النوم ثم امحي كلمة الزعل من القاموس فورا استبدليها بالاستغفار ثم عن السهره معلش تتعوض المشكل انو الزوج يرجع من عمله منهك والزوجه تكون منهكه من كثر الانتظار تعلمي وتفنني بايقاظه حتى يتمنى النوم تيستيقظ على يديكي مثلا كريم ومساج للجسم, قبلات , تفننو وابتعدو عن الزعل |
اقتباس:
وما شاء الله عليكي وعلى عقلك المشكله اني ما اقدر اتهنى بزوجي لانو ساكنين مع اهله ودايما طالع مشاوير اهله وانا ولا معطيني اي اعتبار |
اهلا يا حبيبه قلبي ام مودي
شوفي في الموقف الاول هو ماله ذنب يا حبيبتي هو اكيد ما يعرف الي عملتيه وايه الي يصحيه في وقت متأخر كده؟ ومثل ما قالت الاخت جرين كنتي لازم تصحيه بطريقه معينه من الواضح يا قلبي انك اصلا متعصبه وزعلانه من شئ عشان كده اتنرفزتي بسرعه الله يبعد عنكم الزعل يارب |
آية الكرسي حبيبتي
وهو ينسى الدنيه كلها والله امس لا اعلم ما خصل انما ظرف قلت اكيد رح تخرب على راسي وانا تعبت من المشاكل انهديت المهم كل الليل وانا اقرأ آية الكرسي وادعي اللهم اجعل لي فرجا ومخرجا من امري قرأتها اكثر من 250 مره والحمد لله رب العالمين داومي اسبوعان وخبرينا والله رح تحسي بالفرق الكبير والتغيرررر اللي رح يحصل معك ربي لا ملجئ منك الا اليك |
اقتباس:
يا اهلا بحبيبتي و نور المنتدى كله والله كانك حاسه فيا انا صح زعلانه ومدايقه من الحاله اللي انا فيها ولمن عملتله ليله حلوه ما قام انقلبت على طول وطلع المستخبي |
شوفي يا ستي ... ربنا رفع القلم عن النائم ... يعني انتي كيف تعاقبيه على انه ما رضي يصحى ...
انتي حطي نفسك مكانه وانتي تعبانة طول الاسبوع ولما تنامي يجي يصحيكي الساعة 3 في الليل من دون سبب... انا اقول من دون سبب لأنه هو ما يعرف السبب ... كان تقوميه بطريقة رومنسيه ... او تقوليلو على الاقل حبيبي ناظر في شي غريب في المراية ... يعني تلفتي انتباهه ... المهم اللي صار صار وهو ماله ذنب فيه ... أما في الموقف الثاني فلك الحق في الزعل لأنك تركتي المشوار على شانه لكن اعتقد انه كان اعتراضه مش على المشوار ... كان اعتراضه على الخروج ... لأنه نعسان ... يعني انتي لو كان فهمتي الدافع من اعتراضه كان دبرتي نفسك ورحتي مع اختك... المهم ما لك بالطويلة ... الحل هو ان يكون في بينكم تفاهم واهم شي اختيار الوقت المناسب لك شي بدأً بالحوار وانتهاء باللحظات الرومنسية وبعدين حاولي انو تكون سهرتكم اخر الاسبوع خارج المنزل عشان ما ينام وعشان ما يضايقوكم اهله |
اقتباس:
وان شاء الله باعطيكي الخبر وربي يريح قلبك ويهدي بالك |
شووو يا ام موودي ما عجبك ردي ، ولا ما انتبهتي له ؟
عالعموم حابة اقولك كلمة .. بالاصح كلمتين الكلمة الاولى .. حاولي تلتمسي لزوجك الاعذار دايماً .. ودوري له تسعة وتسعين عذر .. واذا ما لقيتي خلي العذر المائة انه ما كان يقصد ..! الكلمة الثانية .. حاولي انه الصراحة يكون لها دور اكبر من كده في حياتكم .. يعني في حالتك مرة مايمنع انك تعاتبيه لكن ،، واشدد على كلمة لكن .. بلطف ودلال انثوي بااااالغ .. يعني ابدااا لايحس مجرد احساس من اسلوبك انك تأنبيه .. او تخاصميه .. احنا نبغاكم تتعاتبوا عتاب الاحبة .. بس يظهر لي والله اعلم انك عصبية مووووت .. فحاولي ياعيوني تهدي اعصابك لانه الدنيا والله ماتسوى .. واستغلي لحظاتك مع حبيبك .. مو شرط رومانسية وحركات .. اهم شي تكون القلوب صافية وعلى بعض .. الله يوفقكم ويسعدكم يارب |
يا حبيبتي كلنا في الهوى سوى هما دايما الرجال بيعاملوك برودة و هو عامل عاملة بس نعمل ايه هما ازواجنا الله يعينهم علينا اصبري...اكيد رح يقدرك يوم من الايام قووووولي ان شاء الله |
يا عبوره يا قلبي والله اسفه كتير على عدم ردي عليكي
بس انا متاكده اني حطيت رد بس ليش ما طلع ما ادري.؟؟ ويا عسل والله كلامك ريحني جدا جدا انا لمن ازعل لمن اتذكر اللحطات الحلوة ما احس لها طعم ابدا وانا كنت متسرعه في الموضوع لكن كلها تراكمات فيا وجات الحركه منه ولعت وانا بالعكس طبعي مو عصبي بس الحاله اللي انا فها بتخليني كده وغير كده اصلا ما اشوفو كتير ولمن يقعد معايا باله يكون مشغول لاننا مع ابوه وامه في نفس البيت وطول الوقت مشاوير وكلام يضايق والحمدلله وتسلمي يا قلبي والله كلامك رائع وجاء عالجرح |
اقتباس:
الله يفرجها عليا وعليكي يارب وجزاك الله خيرا |
الحمدلله عادت المياه لمجاريها
بفضل من الله ثم بفضل ية الكرسي الل قالتلي عليها اختي جرين الله يجازيها كل خير والله مفعولها سريع سبحان الله وربي يعطيها الاجر ان شاء الله |
اقتباس:
|
| الساعة الآن 03:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©