|
افديونا أيها الممليكن عن تجاربكم في هذا الفترة
السلام عليكم ورحمة الله وبركاتة بسم الله الرحمن الرحيم اخواني الافاضل انا متملكة من سنة وخمسة اشهر طبعا الموضوع انا اريد ان اسألكم وتجيبونني بكل صراحة انا اريد ان اكتب موضوع شامل لكل عروس انا ارى الكثير من الفتيات يعانين كثيرا من الصمت في المكالمة الملل الاحراج ليش الخطيب مايرسل لخطيبته ليش مايكلمها وش السواليف اللي يحبها وش الكلمات اللي يكرهها كل واحد منكم يكتب كل اللي بخاطرة لأنني ارى كثير من البنات يعانون اشد المعاناة والموضوع ابيه يكون مدعم ولن انساكم من الدعاء ايضا العرايس الجميلات لايبخلن علينا بطرح المشاكل والامور التي تسبب لهن ازعاج جزا الله الجميع خير الجزاء |
ليش الخطيب مايرسل لخطيبته ?
اذا كان بينهم عقد .. مافي شي يمنع ان مايرسل ويسأل عن احوال خطبيته .. وهي لازم بعض المرات تبادر بالارسال ليش مايكلمها وش السواليف اللي يحبها وش الكلمات اللي يكرهها؟ فترة الخطوبة تكون فترة تعارف مابين المخطوبين .. ودائما تكون المبادرة من الخاطب نفسه هو الي يبدأ الحديث .. واذا لقى تفاعل مع البنت .. خلاص يصير يكلم .. مافي مواضيع معينه الشخص يحب يتكلم فيها .. كل شخص ويحب شي معين بس اذا تبغين بشكل عام .. الرجل يحب يعرف عن شريكة حياته اكثر واكثر .. طبايعهاشو تحب وشو ماتحب .. وجهات نظرها في مواضيع معينه وبكل صراحة بدون مجاملات وبدون تجريح ايضا اغلب اسباب الصمت ان الخاطب يسولف مع المخطوبة .. والمخطوبة ساكته ولا كلمة بس تسمع .. وترد على قد الاجابة بالضبط .. لين ما يمل ويصير هو يسكت كمان او يكون مشغول كثير فى يقل الكلام .. او ان يصاب بالملل لان البنت ماتكون شوي ثقيلة .. يعني كل شوي ترسله وتسأل كل شوي تتصل .. الرجل مايحب البنت الي كل شوي تنط في وجهه .. لانه بطبيعته يصاب بالملل .. تحياتي |
جزاك الله خير الجزاء وانا في موضوعي اقصد العاقد وليس الخاطب فقط
|
عليكم السلام ورحمة الله وبركاته
بما أني حاليا في فترة الملكه فحبيت اشاركك في موضوعك اول حاجه لكل عاقد انصحه انه مايفرط في المكالمات ويحاول يحدد اوقات معينه يكلم فيها زوجته ويحاول بقدر المستطاع الظهور بطبيعته وعدم التصنع ومناقشة حياتهم الزوجيه في المستقبل والتخطيط لها وألا يجعل تواصلهم متركز على كلام الغزل وسرد البطولات لامانع من الغزل وكسب ود الآخر لكن بحدود وبالتوفيق للجميع |
بما انى متملكه من شهر ونص
أكتر شيئ جعلنى أحزن بداخلى هو توجيه الأوامر بشكل عناصر من جهة خطيبى يعنى 1- أنا بكره كذا وكذا اياكى تعمليه وهكذا أخذت جرعة أوامر منه كبيررررررره قوى فى البدايه جعلتنى خائفه فتره منه وكان بداخلى شعور أنه(سى السيد) اما بعد التعامل المباشر واضحة لى الرؤيه وشخصيته الطيبه وبدأت أكتشف انسان مختلف عن الذى رأيته فى البدايه وزاد التعلق والحب مع الوقت والأيام بالطبع أحـــــــــــــــــــــب أن يتصل بيى دائما وانا أيضا حتى لو مكالمات سريعه لكن أحب التواصل اليومى حتى أشعر بوجوده أشجع الزيارات اسبوعيه والخروج سويا ويقضى معى يوم كل أسبوع وكل هذا يكسر الخوف عند البنت ويجعلها تعرف شريك حياتها وتكتشف عيوبه ومميازته وليس العيب ان تعرف عيوبه بل هذا يساعدها على تشكيل نفسها لتفادى العواقب الجسيمه وفى النهايه كل يوم بيمر أجمل من اليوم السابق وكل مدى يزيد الحب والألفه بين الازواج والمحبين فى الحلال والله يسعدك أختى |
انا بقيلي سنتين ونص
احس انا وزوجي ماشاء الله كيان واحد ولو مرت ساعتين بدون ما اسمع صوته او يبعتلي رساله انا وهو بنحس بقلق على بعض لاننا تعودنا على تواجدنا الدائم جمب بعض ماشاء الله لاقوة الا بالله والحمدلله عمر ما المكالمات او الزيارات ما حسستنا بملل مثل ما بيقول بعض الاخوة بالعكس بتزيد الحب والشوق اكتر واكتر وممكن تقاربي مع زوجي بالسن هو الي جعلنا مترابطين بهذا الشكل ماشاء الله بحس انه اخويا وصديقي وزوجي وعشيقي ادعيلي الله يعجل بزواجنا يارب اكتر شئ بس بيضايقني منه حساسيته الزايده |
الله يسعدكم يارب ويوفقكم
الله يعجل بزواجك يازوجة حمادة |
الله يوفقكم في حياتكم ويعجل لكم الزواج بااقرب فرصه اللهم آمييييييييييييييييييييين
|
الكلام يكون بدلع
وشعور جميل ..... والمشاعر متهيجة كلا يريد يرى النصف الاخر ويفعل المستحيل لقائه.< للى يفهم الحب الحقيقى >طبعا بالحلال في هذه الفترة<الخطوبة>.......... لانها احلى الايام لذا تبقى في الذاكرة والكلام يطوووووووووووووول في هذا |
اخ قلبتي عليا المواجع .. ياستي انا متزوجة بس مريت بفترة ملكة طويييييييييييييييلة
باختصار احلى شي يسوه المعقودين انهم يبنوا صداقة بينهم من ايام الملكة يبدأو يأسسوا لمبدا الصراحة بينهم و يشيلوا من بعض الحساسية الزايدة ويحاول كل واحد يتكلم مع الثاني وكانما يكلم نفسه قدام المراية ... الشفافية و الصراحة و الاحترام هم اهم اشياء لانجاح الزواج وياريت ياااعاقدين ما تكون كل جساتكم مع زوجاتكم جلسات رومانسية فقط .. ادخلوا المرح لانه المرح هو اللي يكسر الخجل و يشيل حاجز الخوف و يقرب بين الزوجين و فعلا ينشأ صداقة قوية وكبيرة ... يعني لا مانع من لعب بعض الالعاب مع الخطيبة و اخوتها الصغار مثلا اتدكر كنا نسهر نلعب انا و اخواني و زوجي 0 خطيبي سابقا0 اونو و لا كوتشينة و لا كيرم و احيانا نسوي دوري للشطرنج بيننا :) الحين نتدكر هديك الايام و نضحك .. منها دكريات جدا جميلة و منها الروابط بين الخطيب و بين اهل الخطيبة تتقوى و يصيروا يحسوا وكانه فعلا واحد من العائلة كمان الرحلات .. شي جدا جميل يقرب بين الخطيبين و و يقوي من الروابط الاسرية فهمتووني .... لاا تركزوا على الرومانسيات فقط الله يوفقكم ان شاء الله ويجمعكم مع من تحبون عن قريب و يرزقكم الدرية الصالحة ويرزق كل مسلمة الزوج الصالح و كل مسلم الزوجة الصالحة يااارب |
والله انا ما حطيت لا قواعد ولا شي على طبيعتي جدا اذا كانت مرتاحة لي يكون زين على زين واذا ما ارتاحت لي الفرقة من قبل الدخول اريح لي ولها والحمد لله مرتاحين ومبسوطين جدا وصدقوني التقعيد ما يمشي يا جماعة البشر ما هم على شكل واحد عشان تحط لهم قاعدة في التعامل معهم ووفق الله الجميع
|
إذا كان في عقد قران أنا انصح انه تكون الأمور تلقائية .. يعني كوني على طبيعتك ..وغالبًا يكون السبب من العروس وحياها المبالغ فيه .. الحياء مطلوب بس حاولي تكوني طبيعية .. أنا أيام ملكتي واجهت هذي المشكلة والحمد لله زوجي عرف يطلعني منها .. والمشكلة ان الرجال مو سواسية وممكن يهتم الرجال بهذي النقطة ويمكن لا .. الحل بيدك .. خرجي نفسك وكوني طبيعية .. اسأل الله انه يسهل أمرك
|
الحمد لله
ثبت لي بعد قراءة كثير من مواضيع المملكين أن النساء والرجال يختلفون في تصوراتهم للحياة الزوجية ويختلفون في الأشياء المحبوبة لديهم فمن الممكن أن بعض النساء يحبون فعلا وبعضهم يكرهونه ولاكن يوجد بعض الأشياء المجمع عليها تقريبا كل النساء يحبون المدح والتغزل بهم والثناء على ملابسهم وكل الرجال يحبون الأشياء الجنسية في هذه الفترة ويخططون لها وكل النساء يحبون الهدايا ويفرحون بها ولو كانت رمزية وخصوصا الجوال اذا لم يكن معها من قبل كل الرجال يحبون الطاعة لهم ولايحبون الزوجة المسترجلة ويحبون الزوجة الحنونة والمطيعة (وهي نادرة في هذا الزمن ) وللحديث بقية..... |
السلام عليكم
اهم شي في هذه الفترة الاحترام بين الزوجين وكذالك يكون فيه تغافل عن بعض الاخطاء والبعد عن الحساسية واذا طولت فترة الملكة ان يقطعوا الاتصال فترة معينة لكي مايصابوا بالملل وكذالك يكون فيه صراحة وبعد عن الرسمية ويكون فيه مراعاة للفتاة لإوضاعها مع اهلها. |
أفضل شيء الواحد يكون على طبيعته ويحاول بين الكلام يتكلم عن الأشياء اللي يحبها والثانية اللي يكرهها
كل طرف يحسس الثاني باهتمامه وشوقه بس بدون ما يكون فيه تعدي على الخصوصيات وبعدين الشخصيات تختلف يعني في ناس ي حبون يتكلمون مع بعض في التلفون كثير وناس لا ناس تشوف رسايل الاطمئنان حلو وناس تشوف ان مالها داعي وبالتوفيق لكل المقبلين على الزواج |
اشكر الجميع واتمنى لكم حياة يملؤها الحب والتفاؤل ننتظر من البقية
|
| الساعة الآن 12:13 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©