|
أفكاركم وتجاربكم لكي تكون ليلة العمر متميزه
السلام عليكم ورحمة الله وبركاته
أسعد الله أوقاتكم بالمسرات بعد أسبوع ان شاء الله سأودع العزوبيه فلا حول ولا قوة إلا بالله أقصد الحمد لله أريد من أخواني الذين سبقوني افكار جميله ورومنسيه في ليلة الدخله طبقوها وتركت أثر جميل وذكرى لاتنسى وماذا أعمل في البيت من تجهيزات ولوازم ضروريه بأول ليله لأني أخشى أن تنسيني مشاغلي وأنسى أشياء من احتياجاتنا حتى لو كانت مقلب خفيف أو مفاجئات غير متوقعه تلطف الجو وتبعث الطمأنينه والفرح في قلب الزوجه وتنسيها الخوف كيف يبدأ برنامج هذه الليله وكيف نستغل هذه الساعات القليله ولاتنسوني من دعائكم جزاكم الله خير |
مقلب خفيف؟
حرام عليك وبليلة الزفاف كمان يا اخي ... العروس بتكون متهيبة الموضوع كلو ... حتى لو ماخدة عليك بس هذي حياة جديدة عليها... اول مرة تبات برة بيت اهليها ومع شخص جديد فقط حسسها بالامان... وممكن تعمل جو رومنسي تزين الغرفة وبالونات وشموع ... بس خلي بالك تعمل حريق لا سمح الله وورود طبيعية ومجففة ... يعني جو حلو بس لا تخوفها من اول يوم ... وطبعا لازم الدعاء وصلاة ركعتين شكر لله بتبعث الطمأنينة في نفس العروس ... وخليك رومنسي لابعد حد... خليها طول عمرها تتزكر هالليلة على خير الف مبروك مقدما والله يرزقكم بالخلف الصالح |
بما انني فتاه مقبله على زواج فاتمنى من زوجي ان يخفف التوتر اللي بيحصل لي في كل مره اكون مقبله على شيء جديد واتوقع كل الفتيات مثلي راح تكون اول ليلة متوتره وخايفه وووو الخ ..
هنا دور الزوج بأنه يخفف من هذا الشيء .... وعاد هنا شطارة الزوج ..في كيفية التخفيف من توتر الزوجه. افضل انكم تبدأون تصلون ركعتين وبعد كذا تدعون الله ان ييسر لكما امور الحياه كلها وبعد كذا تجلسون بجو شاعري رومنسي ويفضل ان تجهز عصيرات وفواكه او اي شيء تأكلونه مع بعض مع شوية سوالف وبكذا تحلي الجلسه للعروسه وراح تبدأ تترتاح اكثر ...اما من ناحية المقالب يفضل مايكون المقلب جامد يعني شيء يدخل البهجه والمرح على الجو .... وفي نقطه مهمه جدا طبعا العروسه حتحتاج مساعدة زوجها في في ترتيب اغراضها هذي النقطه لو عملتها ان شاء الله حتخفف عنها كثير وترتاح نفسيتها اكثر ... ربي يوفقكم ويسهل اموركم ويرزقكم الذريه الصالحه ... |
اختي ام عبد الله مو مقلب بمعنى الكلمه يعني ابي احاول اطلعها من جو الرهبه
مع العلم اني شفتها مرتين بس بعد الملكه الي استمرت ثلاث أشهر كسرنا فيها بعض الحواجز وكان لها اثر جميل على نفوسنا أكيد الاشياء الي قلتي ماراح ننساها الصلاة والدعاء هذي قبل كل شي وان شاء الله راح اجيب شموع مع اني ما افهم فيها بس راح نستعين باحد خواتي شكرا لك اختي ام عبدالله |
انا راح ادخل بعدك ان شاء الله في القفص الذهبي
بس ممكن اخوانا المشرفين والمشرفات يعطونك روابط كثيييييييييرة عن ماذا تفعل في اول ليلة من زواجك ربي يبارك لك في هذا الزواج ويبارك لك في جميع لياليكم تحياتي |
عزووبي الف مبرووووك ..:14::14: بارك الله لك وبارك عليك وجمع بينكما بخير .. الله الله بعروستك .. ومثل ماقالوا الاخوات حاول تخفف عليها الوضع .. وشوية حلويات وعصيرات خفيفة .. واضنك انت الي بتاكل لوحدك .. لان الجماعة يستحوا .. وسواليف عن العرس وكيف كـــان .. وهاذي خارج النص ..:d اذا ملزم بتغير الجو .. خل واحد من اخوانك يولع (مفرقعات ) طراطيع :22:.. جنب الغرفة الي جالسين فيها .. بس حاول تكون من الي صوتها خفيف .. على طول تلقى الجماعة ناقزين عندك .. وبعدها سواليف .. وضحك .. او صيااااااااااااح و :( وفقك الله |
أقترح عليك
تجهيز قطعتين جاتوه أو تورته صغيره و شكلها ناعم عليها أسمائكم و تاريخ هالليلة و كوبين عصير و تحفه مفتوحه (تشبه الصحن) فيها ورد > اسأل خواتك و شمع فواح و ممكن سلطة فواكه مقطعة و جاهزة > لأنه من الفاضي منكم يقطع الفاكهة؟ // هالأشياء تكون على طاولة و تبعها كرسيين// المدخل / ممكن تزيين الجوانب بشريطين من التل من اللون الزهر و الورود و إضاءة البيت تكون معتدلة أقرب للخافته لا تنسى في هالجو البارد تدفئة البيت قبل دخولكم له أنصحك تكون عفوي مثلا بعد ما تدخلون و تجلسون شوي رحب بعا في بيتها و قلها كيف هو بوجودها و من الجيد تحكي لها عن فرحتك فيها بهاليلة لكي تتشجع هي على إظهار فرحتها و التغلب على القلق قدم لها هدية >>أقترح تكون>>عبارة عن بطاقة حفل زواجكما في برواز جميل و متقن الصنع موضوع في علبة مخملية رائعة بعدها فرجها على البيت إذا ما كانت شافته> ما أدري عاد إذا بتروحون فندق بس إذا انتو بتروحون فندق احجز بمكان راق جناح(سويت) ما يكون مره صغير عشان تاخذون راحتكم و ماتنحرج العروس إذا كنت مقابلها طول الوقت > عطها الوقت الكافي إذا حبت تبدل فستانها أو تزيل مكياجها أو اكسسوار شعرها اعرض عليها المساعدة إن حسيت إنها متورطة و محرجة ابعدوا عن العشى الثقيل أو المتكلف > عشان ما تنحرج العروس و كل و لا تتبعها و هي تاكل عشان ما تنحرج أسأل الله أن يوفقكما و أن يسهل أموركما و أن يرزقكما السعادة و الذرية الصالحة |
مررت لأبارك لك بارك الله لك وبارك عليك وجمع بينكما بخير الله يديـم المـودة والـرحمة بينكما ويجعلها قرة عينك في الدنيا وحوريتك بالأخـرة ويرزقـكما الذرية الصالحـة الكريـمـة ودعائي لكل إخواني وأخــواتي المقبلين على الزواج وخاصة شباب المنتدى أخوك عزوبي بس رجل دمتم بحفظ الرحمن |
انا لست متزوج وليس لي خبرة
بس حببت ادعيلك الله يوفقك ويسعد ايامك والف مبرووك عليك يا اخي الحبيب |
اقتباس:
أنا مجرد متابعه للموضوع وأكتفى بالدعاء لك ربى يتمم لك أنت وزوجتك على خير ويسعدكم ويجعل حياتكم عسل فى عسلويارب يزيد الألفه والحب والطمئنينا فى قلوبكم ويعطيكم من البنين والبنات وأنا هنتظر الردود معك لأن فرحى بعد شهرين بإذن الله وسوف أهدى الموضوع لزوجى الحبيب حتى يحضر حالوا :22: ألف ألف مبروك ياأخى :14::14::14::14::14::14::14::14::14::14::14::14: مبارك ان شاء الله ووسع رزقك يارب |
الف الف الف مبروك مقدما
واسال الله ان يوفقكم ويسعدكم ويهنيكم ويجعل حياتكم عامره بذكر الله وطاعته والسعاده والطمانينه اهم شي لاتنسوا ركعتين اول ماتدخلوا البيت وايضا ان تضع يدك على راسها وتقول ( اللهم اعطيني خيرها وخير ماجبلتها علي) وكمان حلو انك تحسسها بالامان تفك عباتها تتركها تاخذ وقت تبدل واذا ممكن تقولها تبغي اساعدك تبدلي والا اخرج ؟؟؟؟ وكمان تجلسها بحضنك اخاف اكتب كلام ينحذف بس اكيد انت قد سمعت وعرفت شغالات تترك اثر في النفس العمر كله |
اهم شئ حسسها بالامان واعطيها قبلة تحسسها بحبك لها وعشيها عشا خفيف او مجرد كيكة وعصير وحاول بكلامك يكون عن يوم الزواج والكوافيره ووووو الخ لان هذا اللي صار معاي وحسيت فعلا بالامان وعجبني الهدوء والرزانة اللي بزوجي وانه مخليني على راحتي يعني بعد ماجلسنا سولفنا وصلينا طلع وخلاني اغير لبسي على راحتي وهو كان جالس عند التلفزيون بغرفة ثانية ودخلت الحمام وطلعت ولا كلمني وبعد ماخلصت رحت لعنده وقعدنا نسولف للصبح :d
|
الف مبروك الله يتمم لك
بصراحه ذكرتني بأجمل الأيام لكن فيه اشياء رائعه مانسيتها مثل انو زوجي اكلني في العشاء لين شبعت والله ماانسى جوع هذاك اليوم بسبب الانشغال والربكه صح كنت ارفض وبقوه اني اكل من الخجل بس انت اضغط عليها شوي ماراح تنساها لك مو بس اليوم الاول لين يخف الخجل وايضا اهداني زوجي هديه عباره عن صندوق صغير وفيه حركات وثيقة عهد بالوفاء طول العمر وهو الحمد لله وفي معي لين خربها قبل اسبوعين ايضا لاتنسى ماتعرض عليها مساعدتك بأن تساعدها في خلع فستان الزفاف وتحدد لها الوقت متى تخلعه لأنها بتحتار تروح تفك الفستان او لا بس قولها الله على الجمال فستانك يجنن روعه لاتفكينه الا لمن اقول عشان ترتاح هي نفسياواعتقد يااخي الكريم ان افكارك رومانسيه لان طرحك وتفكيرك في الموضوع يدل على رومانسيتك ولا تيسى اهم شي الدعاااااااااااء بالتوفيق وتحصين النفس.... |
مرحبا عزوبي مخضرم .......
الله يتمم لك على خير ......خل الليلة تمر عادي لاتوترها بروحها المسكينة متوترة .... جهز مشروبات وعصاير .....وسلة حلوى ......وسلة انواع الشكولاتات ...الفطاير.....الغرفة دفيها ....لاتنسى * تصوراذا امكن فيديو ....بعد ساعتين غير ملابسك ......ولاتنسى تصلي ركعتين اذا جاء الصبح قدم لها الهديةبعد الفطور ..... الله يوفقك ويجمع مابينكم .... تقبل مروري ....... |
ابداع القلوب
الفهدي اصغر اخواني اطياف عزوبي بس رجل mosibati المصريه جزاكم الله خير الله يبارك بعمركم ويوفقكم وعقبال اخواني العزوبيين على رأسهم الغالي عزوبي بس رجل بالتوفيق اخوي الفهدي الله يسعدنا ويسعدك اختي المصريه بالتوفيق ان شاء الله اختي اطياف افكار جميله جدا استفدت منها كثير وبدأت في تطبيقها خاصه ان الوقت بدأ يداهمني فجزاك الله عني خير اصغر اخواني حلوه الطراطيع بس اخاف تجيب العيد انا قاعد ادرس الفكره بس في اشياء اخف مثل العلب الي تفتح وتلقى بداخلها صرصور او فاره طبعا صناعي او قلم فيه كهرب اول ماتفتحه هذي اعتقد من المقالب الخفيفه وتضفي جو من المرح على هذي الليله وطبعا لكل فعل ردة فعل |
ام السوسه
طيب القلب سديدة الرأي كنافة كذابه جزاكم الله خير على تفاعلكم الطيب الله يسعدكم ويوفقكم أكيد راح احسسها بالأمان واخليها تطمن انه ماراح يصير شي الا وهي مستعده ونفسيتها مرتاحه طبعا ماراح اصرح بهالشي الا آخر شي اذا حسيت انها لازالت متوتره .. مطلوب من الرجل يبدي جرأته مايكون مستحي مثل زوجته راح احسسها اني جريئ بس مو للدرجه الي تخوفها وبطلب اني اساعدها في الملابس مع اني مااظن انها راح توافق بس بنجرب ووقت العشاء راح اضغط عليها انها تاكل من يدي مثل ماذكرت الاخت سديدة راي اكيد بترفض بس تحت الحاحي بترضى انا طلبت بعض الاشياء الي عجبتني من الي ذكرتوها جزاكم الله خير راح تكون جاهزه قبله بيوم ان شاء الله على طاوله صغيره وكرسيين اشتريتهم بعد كتابة هذا الموضوع وكانوا غايبين عن بالي دليل اني استفدت منكم جزاكم الله خير راح تكون الكيكه والشموع وكاسين العصير فقط على الطاوله لانها صغيره بعدين ممكن نشيل الكيكه ونحط شي صغيرها ومادري متى هالحركه بعد العشاء ولا قبل ولا متى بالظبط حلو الصندوق الي فيه عهد الوفى كنا ناوين نخليها كتابه في دفتر ونوقع عليه بس اشوف فكرة الصندوق احلى اذا كانت من الطرفين شكرا لمن شارك ولا استغني عن المزيد من المشاركات او التعقيب |
اخي عزوبي الف الف مبروك
ليلة زواجكم خليك على طبيعتك وكون Gentleman مع عروسك وخلها على راحتها و لا تستعجل الامور لانها بتكون متوتره و مستحيه منك كثير الله يسعدكم دوم |
انا بقولك شي ترى اذا مسوي حفلة ليلتها العروس بتكون تعبانة ومنهد حيلها ومالها خلقك لوووووووول وبعد منحرجة تخليك وتنام ماقول كلش ماتعطيك ويه بس اكيد تقعدون مع بعضشي وماتطولونها لان يوم الحفلة هلاك
اما اذا مافي حفلة فلا اكيد بتسهر معاك وتكون رايقة وزين لها المكان بورد لو تقدمه لها مع العصير والكيك والعشا على طاولة مزينة مو تقعدها بالارض تخرب فستانها :) وحاول تكووون حنوووووووون لاقصى درجة وتدلعها باحلى الكلام واللمسات الحانية لكسر الحاجز شيئا فشيئا لاتعصب او تتنرفز لانها مو ناقصتك من التوتر والاحراج واذا كنت العروس طبيعتها مرحة ومو محرجة وعلى راحتها فخير وبركة |
| الساعة الآن 01:47 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©