|
أنا عروس جديدة و تعبت من بخل زوجي
السلام عليكم جيتكم واتمنى تساعدوني في مشكلتي تزوجت من خمسه شهور .. زوجي يحبني .. كريم معاي عاطفيا لكني احسه بخيل مادياً من تزوجت ما رحت السوق الا للعيد تعبت صرت مااحب اجلس مع صديقاتي وخواتي .. لاني احس اني اقل منهم كل مرة اراهم اشاهد عندهم اشياء جديدة وانا اتحسر شــسوي ســـــــــــاعدوني عفواً تم تعديل العنوان ليتضح المضمون الإشراف |
اولا الف مبروك على الزواج وثانيا الان توك تقولي ياهادي ما امداك وين راحت اغراضك الي اشتريتيها يمكن هو يبغى يعودك على انه ما يحب كثرة الاسواق وبعدين مدام يحبك وكريم معك عاطفيا هذا اهم شي وبعدها تجي الاشياء الثانيه
|
الله يبارك فيك
: زواجي كان بسرعة ما جهزت كثير ,, والكل يقول لي معليش بتعوضين بعد زواجك مرة طلبت منه نروح السوق قال لي معليش بس موب الحين .. كان قريب اجازته فقال خله في الاجازة عشان مااكون تعبان وانا لساتني ما تعودت على تسوق الحريم مرت طول اجازته ما رحت .. ولحد الحين ولا كأني طلبت منه شي هذا وانا عروس توني ... بعد كم سنة ما بيذكر شي اقوله له :( |
شوفي اختي الزوج يختلف تفكيره عن الزوجه انتي تضربين اخماس في اسداس وهو ما درى عنك البخيل يبان من اول موقف اضربي لنا مثل لنحكم عليه اما انه ما وداك فيمكن مكسل ولا ناسي
|
مرة عطاني عطر
فرحت به كثير .. بس قال لي .." انا مااعرف للعطور بس سمعت عن هذا انه يشبه ريحة عطر غالي وهذا رخيص قلت أخذه لك " يعني لو ما كان رخيص ما بياخذه لي .. |
اختي بالنسبة الي الاسواق انتي تعودين زوجك
يعني مو تقولي بنروح السوق وتسكتي كرريها ترا الرجال بسرعة ينسون هالسوالف ولا يحبونها انت تعودين زوجك من الحين بالاشياء الي تحبينها شويي شوي مو مرة وحدة طيب بسالك يعطيكي مصروف ولا لا وحوالي كم عشان نحكم؟ |
مقدر اكرر عليه طلباتي .. والله انا بالموت اطلب منه شي .. اخجل اطلب منه
بالموت اقول له مرة مقدر اقول له اكثر من مرة ايواا يعطيني مصروف ... بس ما يكفيني .. حتى اقل من مصروفي وانا ببيت اهلي مع انه مقتدر دايم يقولي انو لازم ما يصرف كثير ويدخر له عشان باجر ما يدري يمكن الدنيا تتغير عليه |
تفكير زوجك من ناحية المستقبل تفكير سليم ولازمم تشجعيه على هذي النقطه
اسمعي ياحلوه انا بقول لك عن مصروفي وايش اسوي فيه زوجي يعطيني بالشهر 2000 ريال 300 للسايق اللي يوديني المعهد 200 جوالي 500 مستلزمات بنتي 500 كحد اقصى مصروفي الخاص اما 500 الباقيه اصمدها عشان اذا احتجنا اي حاجه والدليل ان زوجي سوا حادث بالسياره وماكان عنده فلوس جى يشتكي عندي وهو مايدري ان عندي فلوس قمت وطلعت الفلوس من الدولاب وقلت له ولا يهمك خذ ذولا وصلح بيها سيارتك في البدايه رفض بس بعدين اقتنع واخذهم والحين بيزيد المصروف 500 ريال:22: يعني راح يكون المصروف 2500 :17: على قولته هذا مصروف شوي بما انك تدرسي وطلعات بنات ومدري ايش وقدرتي تجمعي يعني يبيني اجمع قد ما اقدر ربي يسعدك يالغلا وتراكم في بداية الحياه بدري على الضائقات الماديه |
انا معاكي انو لازم يصمد للمستقبل
بس سمعتي احد يصمد اكثر من نصف راتبه !!! انا كمان اقول لسه لاحقين على الضائقات المادية عشان كده افكر في الموضوع كثير لسه ما صارت علينا التزامات وحالي كده بكره تجينا عيال وتزيد الالتزامات كيف بكون حالي |
طيب حبيبتي انتي متاكده انه النص الثاني يصمده؟؟ يمكن استدان مبلغ من جد عشان العرس و الحين
يحاول يجمع و يرد الديون ... و يمكن من كثر ماشاف اللي صار بالشباب اللي ضاعت فلوسهم بسبب الاوضاع الاقتصادية الحالية .. يقول في نفسه ماحد يدري ايش صاير بكرة ... شوفي حبيبتي الرجال 3 انواع .. في ننوع ماشي على قولة اصرف مافي لجيب ياتيك مافي الغيب تلاقي راتبه كله يروح باشياء كمالية اول الشهر و مايجي اخر الشهر الا و هو يتدين وهدا برايي يتعب بحياته لانه يكون مو مهيأ للمفاجات وفي البخيل.. طبعا مايحتاج اشرح لك .. بس الزوج البخيل يحاسب على كل شي حتى الاكل و الشرب بعطيك مثل : زوج خالتي كان لطلعوا برى ما يرضى يشربها عصير .. واحد ثاني كان ادا طلع مواصلات مع زوجته ما يدفع عنها .. واحد ثالث كان ادا رجع للبيت يتحسس التلفزيون عشان يعرف كان مفتوح بغيابه و لا لا و مسوي على التلفوون قفل اتخيلي ؟؟؟ وفي الحريص.. ... اللي بيعملو حساب بكرة و حابين يبدأو بزنس مثلا ولا شي فايحاول يقتصدو.. بس مايحرموا بيوتهم من شي اساسي .. يعني الاكل و الشرب موجود و من احسن الانواع و كل احتياجاتك موجودة ... لكن اي شي كمالي و دلع و ثياب زيادة و سوق و كل يوم مطاعم و اكل من بره مافي له داعي .... ادا كان زوجك من النوع البخيل فاا الله يعينك و مابيدك الا الدعاء.. ولو استمر على بخله محتاج ساعتها تدخل حد من العائلة وادا كان من النوع الحريص وهدا ما اعتقده و لا ماكنتي قدرتي تستحملي شهر واحد .. فا اتاقلمي معاه لانه صح .. اهم شي كل اللي تحتاجيه و اقصد الضروريات موجودة و متوفرة .. و اهم شي انه كرييم عاطفيا معاك.. لا تبدأي حياتك بغلط كبيير وهو المقارنة بينك و بين الغير .. صدقيني حبيبتي الحريم كلهم كلاااام و بس.. صح بتلاقي وحدة معاها فستان جديد ولا مصروق كبير.. لكن تلاقي زوجها منكد عليها و لا ما يسمعها كلمة حلوة .. ولا يسكتها بالفلوس عشان يغطي على علاقات ثانية .. لكنها تغطي على هدا النقص بالتباهي.. وابدا لا تقارني حالك بيبت اهلك مع وضعك عند زوجك .. لانها مقاارنة ظالمة للزوج .. ابوكي له فترة طويلة يشتغل و امورة المادية اتحسنت مع الوقت .. بس زوجك لسه ببداية حياته و حابب يكون نفسه من البداية صح فعشان تقارنيه بالوالد لازم تستني عشرين سنة يمكن زوجك حريص شوي بس يكفي انه يحبك و طيب معاك و شايلك فوق راسه اهم من اي شي ثاني الف مبرووووك حبيبتي .. ربي يسعدكم و يوفقكم و يرزقكم الدرية الصالحة |
أأيد كلام الاخت نورة 100%
ومافي شي متعبك نفسيا إلا لما اتشوفي البنات في بيت اهلك حالتهم المادية افضل لكن كل وحدة وضعها يختلف عن الثانية تحياتي اقتباس:
|
هلا حبيبتي ... اول شي انا في رايي انك عروس جديده يعني هو في باله انك مقضيه من المهر كل شي .... وان ماكنتي قضيتي اكيد باقيه عندك فلوس المهر قضي منها ...يعني اكيد هو مضغوط بعد العرس ..
ثاني شي اياكي تحكمي على الرجل انه بخيل عشان ماوداكي للسوق لان اكثر رجال العالم مايحبون روحة السوق ولاطاريه ... ممكن تطلبي منه فلوس وتستاذني انك تروحي للسوق مع اهلك او صديقاتك ... بعدين موقف العطر انااشوف انه مايدل على بخله بكثر مايدل على حرصه يعني مدامه نفس العطر ليه يدفع غالي ... يعني يمكن كمان قلة خبره في انواع العطور ... انتي تقولي انه يعطيكي مصروف ... ممكن تقولين لنا كم عشان نقدر نحكم ؟؟؟؟؟ نسيت اقولك شي ممكن تحكمي على بخله من اغراض البيت والمقاضي والاثاث في ناس حتى الاكل مايوفرونه ويجيبون من الرخيص عشان يوفرون ... وانا في رايي هذي قمة البخل .. لان ممكن يحرص في ملابس في طلعات بس في الاكل والشرب مافي حرص ولاحرمان.. اخيرا حبيبتي ... تبين تعيشين حياتك مرتاحه لاتطالعين فلانه وعلانه حتى لوكانوا خواتك لانك راح تتعبين جدا .. |
| الساعة الآن 10:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©