|
هل أتزوج إمراة عاملة ?
بدون ما نخش في مقدمات واكثر عليكم الحكي عندي نيه بأذن الله اتزوج الثانيه بعد ما وافقة ام العيال على زواجي ( لا تقولون اش السبب ... الله يوفقكم ) وقالت انا اللي اخطب لك وقالت لي شوف العمر اللي انت تبغاه
سوالي الاول : ماهو العمر المناسب لي اذا كان عمري 34 سنه .علما اني اميل الى البنت الصغيره . سوالي الثاني : هل اخذ زوجه عامله ..؟ وايهما افضل لي معلمه ام ممرضه ام ربة منزل . ارجوا من الاخوة والاخوات المداخله والرد .... وشكرا لكم الاشراف: تم تعديل العنوان ليناسب المضمون.و بالتوفيق |
اخاف من كثر ماتقول ابي اتزوج ماتتزوج ماتزوجت من ذاك اليوم الى الحين وموضوعك سبق ان طرحته وانت ونفسك ولكن ان كنت تبي الاجر شوف وحده كبير وترضى بمتزوج وخاف الله فيها
|
انت الاقدر على معرفة اي الاعمار افضل لك وان كنت تريدها معلمة او ربة بيت مع اني اعتقد انه الافضل ان كنت تريدها صغيرة ان تكون صغيرة ان تكون ممرضة عشان لما تكبر تدير بالها على صحتك:23:
|
طارقH
... هذا احباط وانا خوك بس شكرا على مداخلتك وجهة نظرك احترمها واشكرك مجددا . fatounie1983 شكرا لك .... |
العدل
العدل العدل ولا شيل الفكره من راسك |
أنت ألي تجاوب على الأسئله يعني على حسب رغبتك عمرها و ربه بيت أو عامله أنت ألي تحددها بنفسك
ولا تنسى الأهم من هذا كله العدل الله يقدرك عليه والله الله بزوجتك أم عيالك الله يكون بعون زوجتك |
بعد تفكير أقول لو تاخذ موظفه أحسن عشان ماتحس بفراغ لأنك ماراح تكون عندها على طول
الله يعين زوجتك ويصبرها |
28 سنة افضل سن
وخل العدل نصب عينك وتاكد انك راح تساْل يوم القيامة وكان الله في عون زوجتك |
من ملاحظاتي الكبيرة أنضج , الصغيرة تعجبك ببعض الأمور بس تبي لها سعة صدر وطولة بال وعادة ماتفكر بالعواقب
الموظفة مشغولة بعض الشيء عنك , وربة المنزل ممكن تشتكي من الفراغ وتطلب منك تكون دايم عندها أحسبها كويس وقرر , أنت أكثر شخص يعرف الظروف الحالية والشي اللي يصلح لها .. |
,
, أظن سن ال 25 مناسب ومبروك مقدما ولكن الله يعينك على المسؤوليات والعدل والتوفيق بينهم , , |
الله یصبرها زوجتک لما تروح تخطب لک :(
|
الله يصبرها
|
اقتباس:
والله اختي ذكرتيني بنفسي صايره ممرضه وببلاش ومش عاجبه الحمد لله رب العالمين والله اخي كيف تريدها صغيره وكيف تريدها موظفه اخوي انا اقتراحي تشوف حد من غزه والله تكون محتاجه العون كل اهلها راحو في الحرب تكسب فيها ثواب هذا اقتراحي |
اللي يدور صغيره
ماظنتي يعدل للتنبيه بس |
عزيزي أن ماأتوقع أن العامل الأساسي العمر..
لأ أهم شئ الأخلاق والدين والجمال.. لأن الآن موقفك زي موقف أيّ شاب يبي يتزوج..فالعمر أكرر ليس عامل أساسي بالموضوع.. وبالتوووووفيـــق.. |
أم الأموره
شكرا لك ويعطيك العافيه على النصيحه . درة الخليج ممكن تقولين لي ليه 28 سنه بالتحديد .وشكرا لك صاهودة ممكن توضحين لي اكثر اذا ماعندك مانع ... ( أبوفلان ) شكرا لك .. وردة ایران اميييين ... مرتاحه كذا saraehab اميييين ... مرتاحه كذا GREEN222 اخوي انا اقتراحي تشوف حد من غزه والله تكون محتاجه العون كل اهلها راحو في الحرب تكسب فيها ثواب برضوا حتطلعون لنا بموال الزواج من اجنبيه ووشفينا يابنات البلد ماحن مالين عيونكم يالرجال مع العلم انه ماعندي مانع اخذ وحده من غزه . ناآاني ممكن توضحين اكثر ... ahmad.. شكرا لك يابوحميد |
الله يعين زوجتك عليك والله يصبرها
توك صغير وتفكر بالثانية بعد بعد كم سنة بتفكر بالثالثة والرابعة بعد تر الزواج بلوة لا تفكرة لعبة انت فكر بالزواج من جميع النواحي انت مو قادر علي زوجتك بتجيبلك بلوة ثانية يعني تفكر الثانية بتكونلك ملاك يمكن تكون الاولي ارحم وتنعل اليوم الي تزوجت فية لو ما تحبك زوجتك ما قالتلك انا الي بخطب لك وهذا من اكبر التضحيات في العالم كلة ومن الصعب علي المراء ة فعل ذلك اعرف وحدة من قرايبنا راحت خطبت الي زوجها من كثر ما تحبة بعد كذا ما ستحملت الموضوع وجنت هي الحين في مستشفي المجانين مع ان زوجها كان يموت فيها الي الحين والزوج تزوج الثانية وما عجبتة والحين طلقها وجلس كذا متندم لو تشوف حالتة ودايما عند زوجتة الاولي مع انها ما تحس لها الان 9 سنوات |
انت قلت انك تبي صغيرة ماسالت نفسك ليش؟؟
|
سؤال
اخي الكريم ليه مارديت على مشاركتي علشاني ذكرتك بالعدل الظاهر ان العدل اخر اهتماماتك ارجع واذكرك العدل العدل العدل |
انا اشوف اذا عندك قدرة انك تتزوج وحدة ثانية ايش المشكلة
حلالك لكن الي مو طبيعي انة زوجتك الي تخطبللك يعني حتى لو هي قالتلك انا راح اروح قولها لا خلي امك والا اخواتك يخطبووولك يعني كذا احسن من انهاااا تخطبللك وووحدة على مزااجها وانت تبغى شي معين وتصير البنت ضحية وبعدين يعني لما يتززوج وحدة عمرها 28 والا 30 بيكسب فيها اجررر والبناات الصغار ماراح يكسب فيهم اجر منطق غررريب من البعض اذا تبغى عيااال كثير من زوجتك الثانية خذللك وحدة من 20 وطالع لأنها بتكوون وصلت لمرحلة النضج تقريبااا وتقدررر تخلف حتى عشر سنين قدااام لكن رااح تكون دلووعة جدا جدا جدا اذا تشوف نفسك تقدر تتحمل دلعهاا وتأقلمها على حياتك كان بهاا لكن اذا تبغى وحدة نااضجة وعاقلة وما تبغى عيااال كثير خذللك وحدة فوق 28 او 30 تكووون عقلها يوزن بلد وتريحك وانا شخصيا ما افضلها عااملة ابدااا لأنة راح تقووم حرب بين الزوجااات ليش هذي تتدوام وانا جالسة في البيت والعكس الثانية بتقوولك انا اشتغل وهذي ناايمة يعني اذا زوجتك موظفة خذللك موظفة واذا ربة منزل خذللك ربة منزل الله يكتبللك الي فية الخير |
مررروة
شكرا على نصيحتك . ناآاني ممكن لنفس الاسباب اللي ذكرتها الاخت daimound22 . توفي وفيصل اكيد العدل اهم شي ... والمعذره ان مارديت ( سقظ سهوا ) daimound22 شكرا لك وعلى مداخلتك الحلوه هذي ... فعلا استفدت من كلامك |
انا ماابي افتراضات كلام دايمون افتراض
ابيك انت تجاوب ليش تبي صغيره ؟؟ ماظن ام ال20 ترضى بواحد متزوج الا اللي طايحه بجبد اهلها وتبي تتزوج والسلام |
هذه الامور انت تحددها
وثانيا اعدل ما بينهم وربي يوفقك |
ناآاني
كلام دايمون ليس افتراضي كما تظنين بل هذه حقيقه وليس عيبا ان يقول الانسان الحقيقه صحيح اننا كل انسان عاقل ينظر الى اخلاق ودين البنت فاذا هي تمام ينظر بعد ذلك للاشياء الاخرى فاذا ناسبته ياخذها والا يتركها .... لكن لنقل انه يوجد بنتين بنفس المواصفات من دين واخلاق وجمال وكلهم موافقين عليك بس وحده عمرها 20 والثانيه عمرها 30 بدون تردد تروح للصغيره تقولين ليش انا اقلك انه الصغيره مرغوبه لدى الرجال .. واكتفي بكذا علشان ماتزعلين علينا .... شكرا لك نااني . maha rashid شكرا لك وبارك الله فيك .. |
انا 20
زوجى 35 وأنا أول تجاااااااااربه وانا مفيش فيا عيب ولله الحمد وأهلى مستواهم حلو جدا وسبب قبولى رغم فارق العمر أسباب ومن ضمنها أنه رجـــــــــــــــل تقى |
باعتبارها الثانية تزوج امرأة موظفة و ما عندها وقت فراغ
لأني ربة المنزل لو تزوجتها على ضرة ستشعر بالملل الشديد عندما يكون الدور عند الأولى أما لو كان عندها عمل يشغلها لن تشعر بذاك الملل و الضجر في غيابك عن البيت و لكن عليك أن تحترم عملها و ما تغير رأيك بعد الزواج يعني كن متأكد من قرارك قبل ان تتزوج اما معلمة و لا ممرضة ليش تحصر خيارك بهذين المهنتين .... غريب!! بالبداية عليك أن تبحث أكيد لو حددت المهنة سيكون أمامك يمكن قرن من البحث عن زوجة يعني معلمة و صغيرة و ترضى الزواج على ضرة شروط صعبة انها تتواجد و بهالشكل رح تعذب الوالدة معك و أتمنى بالنهاية ان يوفقك الله لما فيه الخير و ان تكون مثالاً للزوج العادل بين زوجاته ان اختار لك الله ان تتزوج بثانية |
محد يقدر يجاوب هذا السؤال غيرك قوللي ليه ؟؟؟
لان انت لماتتزوج الثانيه اكيد تبي تعوض نقص في الاولى .... الاان كنت تبي تتزوج كذا وخلاص .. يعني لو الاولى كبيرة خذ الثانبه صغيرة .. مع العلم ان الصغيرة يبلها دلع ودلال وصرف ... واتحداك تعدل كذا مع ام عيالك وكمان الصغيرة يبيلها طولة بال وماظني بتطول بالك كيف بتطووله مع الثانيه وانت ماطولته مع الاولى ؟؟؟ اذا الاولى صغيرة وتبي تاخذ كبيرة ... فلازم تكون عقلاني معها بمافيه الكفايه .. كمان اذا الاولى موظفه فخذ الثانيه ربة منزل عشان اذا الاولى مشغوله الثانيه تتفرغ لك والعكس صحيح طبعا ... بس لما يكون وحده موظفه والثانيه لا اظنك ماراح تعدل ماديا ابدا ... كمان في نقطه اذا بتاخذ صغيرة وبتدلعا وتدللها فانسى انك تعدل .... وبوصيك وصيه عيالك ثم عيالك ثم عيالك لاتنساهم مع زحمة مواعيدك بين زوجاتك ... ومبروك مقدما والله يوفقك ويصبر زوجتك لانها يازوجه مثاليه حيل ومغلوبه على امرها ... ياما انها ماتحبك .. واعذرني على الاطاله ... |
المصرية
بارك الله لكما وجمع بينكما في خير ... شكرا على مداخلتك . ماريا 13 اما معلمة و لا ممرضة ليش تحصر خيارك بهذين المهنتين .... غريب!! طيب ممكن تذكرين لي مهن اخرى .. وشكرا لك على مداخلتك الجميله . apple-green يعني لو الاولى كبيرة خذ الثانبه صغيرة .. مع العلم ان الصغيرة يبلها دلع ودلال وصرف ... ممكن توضحين اكثر . وشكرالك على المداخله .. |
):
!! وليش ازعل !! أنت طرحت موضوع وبين وجهة نظرك خذ راحتك عادي الا اذا أنت مو عارف اش تبي بألضبط!! |
ناااني
لا انا عارف تمام اش ابي بالضبط بس ماخاب من استشار وما ندم من استخار . |
مافهمتني!!
راح اغير صيغة السؤال وجاوب 0هذا اذا حبيت) على طريقة الاختبارات اكمل مايلي انا ابي اتزوج صغيره علشان ........ هن راح يتضح اذا فيك تعدل ولا لآ !! |
ناااني
ابغى اعرف حاجه وحده بس ليش انت مصره تعرفين السبب ,, بس برضوا بجاوبك .. انا ابي اتزوج صغيره علشان ........كل شي فيها ... تمام اعتقد وضحة الصوره . |
.......
وضحت الصوره!! |
اشووف ردي سوى ازمة في المجتمع
ناني ياقلبي ماحد قال عن زوجتة الاولى .......هو يبغى يتزوج ومن حقة يختااار يعني فية نااس تفضل المطلقات بحكم انها عندها خبرة اكثر في التعامل مع الرجل وفية نااس تفضل البنات الوواعيات الراكازات وفية ناس زي اخووونا في الله يميل للبنات الصغار يعني في النهاية هي حرية شخصية وبعدين هو مو كبير في السن عشان ترفضة بنات العشرينات ممكن ينرفض لمجررد كابوس الزوجة الثاانية مو لشخصة يعني لو عمرة خمسين سنة اقولك معليش لكن ماشاء الله لسى شباب الزوجة الثانية تظل زوجة وامرأة قبل كل شي واذا على العمرررر طبيعي جدا انا 22 وزوجي 33 ولله الحمد ماشية اموورنا king اهم شي انك اخذت اقترااحي بعين الاعتبار انة زوجتك ما تخطبلك ومبين انك تحترمها وهذا اهم شي ولو تزووجت مو تنسااها وتنسى عياللك والعدل اهم شي الله يوفقك يارب |
اقتباس:
" فانكحوا ماطاب لكم من النساء مثنى وثلاث ورباع" يعني الرجل حر في اختيارة المرأة ويستطيع اخونا هنا يختار مايشاء ولكن الله اشترط عليه شرط عظيم هو في الشطر الثاني من الاية "فإن خفتم ألا تعدلوا فواحدة أو ما ملكت أيمانكم" ملاحظة مضحكة : انا ماقول كذا لاني اوافق زواج الرجل من ثنتين طبيعة المرأة ترفض قبول هالشي ولكن الامر لله فضاءه وارادته وحكمه ماضٍ وغالب على عاطفتي وعاطفة جميع النساء لحكمة ما..! واسأل الله لك الموفقية والصبر والسلوان لقلب زوجتك الله الله بالعدل والله يقدرك وتسعد الثنتين وتوفق مابينهم ان شاء الله |
ماشاء الله
من كلامك ان الاولى ماخذه قلبك كله يعني الثانيه مالها مكان فيه ... |
\
apple-green يعني لو الاولى كبيرة خذ الثانبه صغيرة .. مع العلم ان الصغيرة يبلها دلع ودلال وصرف ... ممكن توضحين اكثر . وشكرالك على المداخله .. [/QUOTE] تبيني اوضح ... اوكي الصغيرة اكيد انك بتاخذها بكر وموعانس ولامطلقه ولاارمله ... يعني انت اول حظها وبختها طيب ... الصغيرة تبي فارس احلام ... تبي زوجها يدللها ويطلعها ويمشيها ويشتري لها وتتفاخر فيه عند صديقاتها ... وتبي تعيش معك احلام المراهقه ... اسال نفسك رجل في سنك وعقلانيتك اللي ماشاء الله تبي تجمع بين اثنين وانت بكامل هدؤك وزوجتك اللي يكملها بدينها تتبرع وتخطبلك .. هل يمكن لك ان تتحمل دلعها ودلالها وصغر سنها ؟؟؟ هل ممكن ان تطير معها من مكان لمكان ومن مطعم لمطعم ومن سوق لسوق وفي نفس الوقت تروح للاولى وتعطيها نفس الحق اللي عطيته الثانيه ؟؟؟ تاكد ان كلمة الحق اقصد فيها ماديا ووقتياا ...لان العاطفه في القلب والقلب بيد الرحمن وماتنلام فيه .. طبعا انا مااقصد ان الكبيرة بتظلمها وتحبسها بالبيت ... بس الكبيرة بتكون عقلانيه اكثر وبتكون متقبله لفكرة العدل اكثر من الصغيرة ... |
daimound22
بالعكس مين قال ان كلامك مسوي ازمه الا كلامك كله عين العقل والصواب .. بس على فكره ترى ماني مركز على الصغيرات كثير زي ماهي مفكره الاخت ناااني والباقين بالعكس سبق وان خطبت وحده عمرها 30 سنه بكر ووحده عمرها 35سنه مطلقه يعني اكبر مني وما كان فيه نصيب . علشان ماتقولون ان هذا تفكيري اتجاه الصغيرات يس انا وضحت وجهة نظر اغلب الرجال .. ليه ما اخليها هيه اللي تخطب لي ... ليش الاهل...؟؟ دمعات الروح شكرا لك على هذه المشاركه .. apple-green شكرا لك مره اخرى ...على مداخلتك . |
بس مجرد انها
... كل شي فيها تمام !! هذا ألسطر اللي انحذف |
تنبية
نرجو الالتزام بسير الموضوع حتى لا يتم الاغلاق |
| الساعة الآن 05:02 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©